ຜູ້ນຳຢູເຄຣນລົງນາມສະໝັກເຂົ້າເປັນສະມາຊິກສະຫະພາບເອີຣົບຢ່າງເປັນທາງການ

ໂວໂລດີມີ ເຊເລນສະກີ ປະທານາທິບໍດີຂອງຢູເຄຣນ ໄດ້ລົງນາມໃນໃບສະໝັກເຂົ້າເປັນສະມາຊິກຂອງສະຫະພາບເອີຣົບຢ່າງເປັນທາງການແລ້ວ ອີງຕາມຂໍ້ມູນຈາກເຟສບຸກເພຈທາງການຂອງທ່ານ ເມື່ອເວລາ 11:24 ໂມງ ຂອງວັນທີ 28 ກຸມພາ 2022.

ການເຄື່ອນໄຫວດັ່ງກ່າວມີຂຶ້ນຫຼັງຈາກທີ່ ເຊເລນສະກີໄດ້ເຜີຍແຜ່ວິດີໂອຮຽກຮ້ອງເຖິງສະຫະພາບເອີຣົບເພື່ອໃຫ້ຢູເຄຣນເຂົ້າເປັນສະມາຊິກ ແລະ ຮຽກຮ້ອງໃຫ້ລັດເຊຍຖອນກຳລັງກັບປະເທດ. ພ້ອມນັ້ນລາວຍັງຮ້ອງຂໍໃຫ້ສະຫະພາບເອີຣົບຮັບຢູເຄຣນເຂົ້າເປັນສະມາຊິກແບບເລັ່ງດ່ວນ ເຊິ່ງທ່ານໄດ້ອະທິບາຍວ່າເປັນການດຳເນີນການພິເສດແບບໃໝ່ ແຕ່ກໍບໍ່ໄດ້ອະທິບາຍໄວ້ຢ່າງລະອຽດ.

ທ່ານກ່າວວ່າ ເປົ້າໝາຍຂອງຢູເຄຣນແມ່ນການຢູ່ກັບຊາວເອີຣົບທັງໝົດ ແລະ ທີ່ສຳຄັນທີ່ສຸດຄື ຄວາມເທົ່າທຽມກັນ. "ຂ້າພະເຈົ້າໝັ້ນໃຈວ່າ ນີ້ເປັນສິ່ງທີ່ຍຸຕິທຳ. ຂ້າພະເຈົ້າໝັ້ນໃຈວ່າພວກເຮົາສົມຄວນໄດ້ຮັບມັນ. ຂ້າພະເຈົ້າໝັ້ນໃຈວ່າທັງໝົດນີ້ເປັນໄປໄດ້."