ວັນເສົາ ທີ 21 ພຶດສະພາ 2022

7 ເຫດຜົນທີ່ເຮັດໃຫ້ຄ່າຄອງຊີບກຳລັງສູງຂຶ້ນໃນທົ່ວໂລກ

7 ເຫດຜົນທີ່ເຮັດໃຫ້ຄ່າຄອງຊີບກຳລັງສູງຂຶ້ນໃນທົ່ວໂລກ
S! Muan

ສະໜັບສະໜູນເນື້ອຫາ

ຕັ້ງ​ແຕ່​ການ​ຊື້​ເຄື່ອງຂອງ​ໄປ​ຈົນ​ເຖິງ​ການ​ໃຫ້​ຄວາມ​ອົບ​ອຸ່ນ​ໃນເຮືອນ, ຄ່າ​ຄອງ​ຊີບ​ກຳ​ລັງ​ສູງ​ຂຶ້ນ​ເປັນຢ່າງສູງ. ບໍ່​ພຽງ​ແຕ່​ໃນ ລາຊະອານາຈັກ (ອັງກິດ) ເທົ່າ​ນັ້ນ ແຕ່ຍັງລວມເຖິງປະເທດ​ຕ່າງໆ ໃນທົ່ວ​ໂລກ​ອີກດ້ວຍ.

ເງິນ​ເຟີ້ ຄື ສະພາ​ວະ​ທີ່​ລາຄາ​ສິນ​ຄ້າ ​ແລະ ​ບໍລິການ​ຕ່າງໆ ປັບ​ຕົວສູງ​ຂຶ້ນ ຂະນະ​ນີ້​ທົ່ວ​ໂລກ​ຢູ່​ທີ່​ລະດັບສູງ​ສຸດ​ນັບ​ຕັ້ງ​ແຕ່​ປີ 2008 ເປັນຕົ້ນມາ. ນີ້​ຄື 7 ເຫດຜົນ​ທີ່​ເປັນຫຍັງ​ຈຶ່ງ​ເປັນ​ແບບ​ນັ້ນອີງຕາມການລາຍງານຂອງ BBC.

1. ລາຄາ​ນ້ຳ​ມັນ​ ແລະ​ ພະລັງ​ງານ​ເພີ່ມ​ສູງ​ຂຶ້ນ

ລາຄາ​ນ້ຳ​ມັນຫຼຸດ​ຕ່ຳ​ລົງ​ໃນ​ໄລຍະເລີ່ມຕົ້ນ​ຂອງ​ການລະບາດ​ໃຫຍ່ ແຕ່​ຄວາມ​ຕ້ອງ​ການ​ໄດ້​ພຸ່ງ​ສູງ​ຂຶ້ນ​ນັບ​ຈາກ​ນັ້ນ ແລະ​ ໄດ້​ແຕະ​ລະດັບສູງ​ສຸດ​ໃນຮອບ 7 ປີ ແລ້ວ. ໃນ​ສະຫະລັດ ລາຄາ​ນ້ຳ​ມັນ​ປັດຈຸບັນ​ສະເລ່ຍ​ຢູ່​ທີ່​ແກນລອນ​ລະ 3.31 ໂດລາສະຫະລັດ (ປະ​ມານ 37,500 ກີບ) ເພີ່ມ​ຂຶ້ນ​ຈາກ​ເມື່ອ 1 ປີ​ກ່ອນ ເຊິ່ງຢູ່​ທີ່ 2.39 ໂດລາສະຫະລັດ​ຕໍ່​ແກລ​ລອນ (ປະ​ມານ 27,000 ກີບ). ລາຄາ​ແກສ​ກໍ​ເພີ່ມ​ຂຶ້ນ​ເຊັ່ນ​ກັນ ເຮັດໃຫ້​ຜູ້​ຄົນ​ທົ່ວ​ໂລກ​ຕ້ອງ​ຈ່າຍ​ຄ່າ​ເຮັດ​ຄວາມ​ຮ້ອນ​ສ່ວນ​ກາງ​ສູງ​ຂຶ້ນ​ຢ່າງຫຼາຍ. ອຸປະສົງຈາກ​ອາຊີຍັງໄດ້​ເຮັດໃຫ້​ລາຄາ​ສູງ​ຂຶ້ນອີກ​ດ້ວຍ ປະກອບ​ກັບ​ໄລຍະ​ລະດູ​ໜາວ​ໃນ​ເອີຣົບ​ເມື່ອ​ປີ​ກກ່ອນ ເຊິ່ງເຮັດໃຫ້​ປະລິມານ​ສຳ​ຮອງ​ຂອງ​ແກສຫຼຸດ​ນ້ອຍ​ລົງ.

2. ຂາດ​ແຄນ​ສິນ​ຄ້າ

ລາຄາ​ສິນ​ຄ້າອຸປະສົງບໍລິໂພກໃນ​ຊີວິດ​ປະຈຳ​ວັນ​ຫຼາຍ​ຢ່າງ​ພຸ່ງ​ສູງ​ຂຶ້ນ​ໃນ​ໄລຍະ​ການລະບາດ​ໃຫຍ່, ຜູ້​ບໍລິໂພກທີ່​ຕ້ອງ​ຢູ່​ແຕ່​ທີ່​ບ້ານ​ໃນ​ໄລຍະ​ລັອກ​ດາວ​ເມື່ອ​ປີກ່ອນ ໄດ້​ພາ​ກັນ​ຊື້​​ເຄື່ອງ​ໃຊ້​ພາຍ​ໃນ​ບ້ານ​ເຮືອນ​ ແລະ ​ປັບ​ປຸງ​ເຮືອນ​ໃໝ່ ເພາະ​ພວກ​ເຂົາອອກ​ໄປ​ກິນ​ເຂົ້າ​ນອກ​ເຮືອນ ຫຼື ​ໄປ​ທ່ຽວ​ບໍ່​ໄດ້. ຜູ້​ຜະລິດ​ຫຼາຍ​ລາຍ​ໃນ​ຫຼາຍ​ພື້ນ​ທີ່ ເຊັ່ນ: ໃນ​ອາຊີ ປະເຊີນກັບ​ການ​ຖືກ​ບັງຄັບ​ໃຫ້​ປິດ​ຕົວເນື່ອງ​ຈາກ​ຂໍ້​ຈຳ​ກັດ​ປ້ອງ​ກັນ​ການລະບາດ​ຂອງ​ໂຄ​ວິດ ເຮັດໃຫ້​ບໍ່​ສາມາດ​ຜະລິດ​ສິນ​ຄ້າ​ໄດ້​ທັນ​ກັບ​ຄວາມ​ຕ້ອງ​ການ​ນັບ​ຕັ້ງ​ແຕ່​ນັ້ນ.

ເລື່ອງ​ນີ້​ໄດ້​ນຳ​ໄປ​ສູ່​ການ​ຂາດ​ແຄນ​ວັດ​ດຸ​ຕ່າງໆ ເຊັ່ນ: ​ປຼາສຕິກ, ຄອນ​ກຣີດ ແລະ ​ເຫຼັກ ເຮັດໃຫ້​ລາຄາ​ປັບ​ຕົວສູງ​ຂຶ້ນ. ລາຄາ​ໄມ້​ໃນສະຫະລາຊະອານາຈັກ​ສູງ​ກວ່າ​ລາຄາ​ປົກກະຕິ​ໃນ​ປີ 2021 ຫຼາຍ​ເຖິງ 80% ແລະ ​ໃນ​ສະຫະລັດ ລາຄາ​ປັບ​ຕົວຂຶ້ນ​ເປັນ​ກວ່າ​ສອງ​ເທົ່າ​ຂອງ​ໄລຍະ​ປົກກະຕິ. ຜູ້​ຜະລິດ​ສິນ​ຄ້າ​ລາຍ​ຍ່ອຍ​ເຈົ້າ​ສຳຄັນ​ຂອງ​ສະຫະລັດ ເຊັ່ນ: ​ໄນ​ກີ້ (Nike) ແລະ​ ຄ​ອ​ສ​ໂກ (Costco) ໄດ້​ປັບ​ລາຄາ​ສິນ​ຄ້າ​ຂອງ​ຕົວເອງ​ເພີ່ມ​ຂຶ້ນ​ເນື່ອງ​ຈາກ​ຕົ້ນ​ທຶນ​ທີ່​ສູງ​ຂຶ້ນ​ຈາກຕ່ອງ​ໂສ້ອຸປະ​ທານ. ນອກ​ຈາກ​ນີ້​ຍັງມີ​ການ​ຂາດ​ແຄນ​ໄມ​ໂຄຣ​ຊິບ ເຊິ່ງເປັນ​ຊິ້ນ​ສ່ວນ​ສຳຄັນ​ໃນ​ການ​ຜະລິດລົດຍົນ, ຄອມພິວເຕີ ແລະ​ ສິນ​ຄ້າ​ໃນຄົວ​ເຮືອນ​ອື່ນໆອີກດ້ວຍ.

3. ຕົ້ນ​ທຶນ​ຄ່າ​ຂົນ​ສົ່ງ​ທາງ​ເຮືອ

ຫຼັງ​ການລະບາດ​ໃຫຍ່​ຂອງ​ໂຄ​ວິດ ມີ​ຄວາມ​ຕ້ອງ​ການ​ໃຊ້​ບໍລິການ​ບໍລິສັດ​ຂົນ​ສົ່ງ​ສິນ​ຄ້າ​ທາງ​ເຮືອ​ທົ່ວ​ໂລກ​ເພີ່ມ​ສູງ​ຂຶ້ນ​ຢ່າງສູງ ເຮັດໃຫ້​ຜູ້​ຜະລິດ​ສິນ​ຄ້າ​ລາຍ​ຍ່ອຍ​ຕ້ອງ​ຈ່າຍ​ຄ່າ​ຂົນ​ສົ່ງ​ສິນ​ຄ້າ​ເຫຼົ່າ​ນີ້​ໄປຍັງຮ້ານ​ຄ້າ​ຕ່າງໆ ເພີ່ມ​ຂຶ້ນ ສົ່ງ​ຜົນ​ໃຫ້​ມີ​ການສ້າງ​ພາລະ​ຄ່າ​ໃຊ້​ຈ່າຍ​ໃຫ້​ແກ່​ຜູ້​ບໍລິໂພກ. ຄ່າ​ຂົນ​ສົ່ງ​ຕູ້​ຄອນ​ເທນ​ເນີຂະໜາດ 40 ຟຸດ 1 ຕູ້ ຈາກ​ອາຊີ​ໄປ​ເອີຣົບ, ປັດຈຸບັນ​ຢູ່​ທີ່ 17,000 ໂດລາສະຫະລັດ (ປະ​ມານ 192.7 ລ້ານກີບ) ຫຼື ເພີ່ມ​ຂຶ້ນ​ຈາກ​ປີ​ກ່ອນ​ໜ້າ 10 ເທົ່າ ໂດຍ​ປີ​ກ່ອນ​ຢູ່​ທີ່ 1,500 ໂດລາສະຫະລັດ (ປະ​ມານ 17 ລ້ານກີບ). ນອກ​ຈາກ​ນີ້​ຄ່າ​ທຳນຽມ​ໃນ​ການ​ຂົນ​ສົ່ງ​ສິນ​ຄ້າ​ທາງ​ອາ​ກາດ​ກໍ​ເພີ່ມ​ຂຶ້ນ​ດ້ວຍ​ເຊັ່ນ​ກັນ ແລະ ຍັງຖືກ​ຊ້ຳ​ເຕີມ​ຈາກ​ບັນຫາ​ການ​ຂາດ​ແຄນ​ຄົນ​ຂັບ​ລົດ​ບັນ​ທຸກ​ໃນ​ເອີຣົບ​ອີກ. ຄໍ​ຂວດ​ໃນ​ການ​ຂົນ​ສົ່ງ​ສິນ​ຄ້າ​ເບິ່ງຄື​ຈະ​ຜ່ອນ​ຄາຍ​ລົງ​ໃນ​ເດືອນທັນວາປີ​ກ່ອນ ໂດຍ​ສະຫະລັດ ໄດ້​ແກ້​ບັນຫາ​ສິນ​ຄ້າ​ຕົກ​ຄ້າງ​ຕາມ​ທ່າ​ເຮືອ​ຕ່າງໆ ຂອງ​ສະຫະລັດ ຫຼາຍ​ທີ່ສຸດ​ເປັນ​ປະຫວັດ​ຕິການ​ໄດ້​ສຳ​ເລັດ. ແຕ່​ໂອ​ມິ​ຄຣອນ​ ແລະ​ ການ​ເກີດ​ຂຶ້ນ​ຂອງ​ເຊື້ອ​ກາຍ​ພັນ​ຕົວໃໝ່​ຂອງ​ພະຍາດ​ໂຄ​ວິດ​ໃນ​ອະນາຄົດ​ອາດຈະ​ເຮັດໃຫ້​ສະຖານະການ​ຮ້າຍ​ກວ່າ​ເກົ່າ​ອີກ​ເທື່ອ​ໄດ້.

4. ຄ່າ​ຈ້າງ​ທີ່​ເພີ່ມ​ຂຶ້ນ

ຄົນ​ຈຳນວນຫຼາຍ​ລາ​ອອກຈາກວຽກ ຫຼື ​ປ່ຽນ​ວຽກ​ໃນ​ໄລຍະ​ການລະບາດ​ໃຫຍ່​ຂອງ​ໂຄ​ວິດ. ໃນ​ສະຫະລັດ ຂໍ້​ມູນ​ກະຊວງແຮງ​ງານລະ​ບຸ​ວ່າ ເດືອນເມສາ ມີ​ຄົນ​ລາ​ອອກຈາກວຽກຫຼາຍ​ກວ່າ 4 ລ້ານ​ຄົນ ເປັນ​ສ​ະຖິ​ຕິ​ທີ່​ເພີ່ມ​ຂຶ້ນ​ສູງ​ສຸດ ສົ່ງ​ຜົນ​ໃຫ້ ບໍລິສັດ​ຕ່າງໆປະເຊີນບັນຫາ​ໃນ​ການຈັດຫາ່ພະນັກງານເຊັ່ນ: ຄົນ​ຂັບ​ລົດ, ເຈົ້າ​ໜ້າທີ່​ແປ​ຮູບ​ອາຫານ ແລະ​ ພະນັກງານເສີບ​ໃນ​ຮ້ານ​ອາຫານ. ການ​ສຳ​ຫຼວດ​ຜູ້​ຄ້າ​ລາຍ​ຍ່ອຍ​ທີ່​ສຳຄັນ 50 ແຫ່ງ​ໃນ​ສະຫະລັດ ພົ​ບວ່າ 94% ກຳ​ລັງ​ມີ​ບັນຫາ​ໃນ​ການ​ຫາພະນັກ​ງານ​ມາ​ເຕີມ​ໃນ​ສ່ວນ​ທີ່​ຂາດ ສົ່ງ​ຜົນ​ໃຫ້​ບໍລິສັດ​ຕ່າງໆ ຕ້ອງ​ປັບ​ຂຶ້ນ​ຄ່າ​ຈ້າງ ຫຼື ​ສະເໜີເງິນພິເສດ​ເພື່ອ​ດຶງ​ດູດ ​ແລະ ​ຮັກ​ສາພະ​ນັກ​ງານ​ໄວ້ ແມັກ​ໂດ​ນັລ​ (McDonald's) ແລະ​ ແອ​ມະ​ຊອນ (Amazon) ກຳ​ລັງ​ສະເໜີ​ເງິນ​ພິເສດ​ລະຫວ່າງ 200-1,000 ໂດລາສະຫະລັດ (ປະ​ມານ 2.3 - 11.3 ລ້ານກີບ) ໃຫ້​ກັບ​ພະນັກງານ​ເຊັ່ນ​ກັນ.

ຕົ້ນ​ທຶນ​ດ້ານ​ພະນັກງານ​ທີ່​ເພີ່ມ​ຂຶ້ນ​ເຫຼົ່າ​ນີ້​ໄດ້​ຖືກຍູ້ພາລະ​ໃຫ້​ແກ່​ຜູ້​ບໍລິໂພກອີກ​ເຊັ່ນ​ກັນ. Next ແບ​ຣ​ນ​​ເສື້ອ​ຜ້າ​ລະດັບໂລກ​ລະບຸວ່າ ແຜນ​ການ​ປັບ​ຂຶ້ນ​ລາຄາ​ໃນ​ປີ 2022 ສ່ວນໜຶ່ງ​ເປັນ​ເພາະ​ຕົ້ນ​ທຶນ​ຄ່າ​ຈ້າງ​ທີ່​ກຳ​ລັງ​ສູງ​ຂຶ້ນ.

5. ຜົນ​ກະທົບ​ດ້ານ​ສະພາບພູມອາກາດ

ສະພາບ​ອາ​ກາດ​ທີ່​ຮຸນແຮງ​ໃນ​ຫຼາຍ​ພື້ນ​ທີ່​ຂອງ​ໂລກ ມີ​ສ່ວນ​ເຮັດໃຫ້​ເກີດເງິນເຟີ້​ຂຶ້ນ ປະລິມານ​ນ້ຳ​ມັນ​ທົ່ວ​ໂລກ​ໄດ້ຮັບ​ຜົນ​ກະທົບ​ຈາກພາຍຸເຮ​ອ​ຣ​໌​ຣິ​ເຄນ​ໄອ​ດາ​ແລະ​ນິ​ໂຄ​ລັດ​ທີ່​ເຄື່ອນ​ຜ່ານ​ອ່າວ​ເມັກ​ຊິ​ໂກ ແລະ​ສ້າງ​ຄວາມ​ເສຍ​ຫາຍ​ຕໍ່​ໂຄງ​ສ້າງ​ພື້ນ​ຖານ​ກ່ຽວກັບ​ນ້ຳ​ມັນ​ໃນ​ສະຫະລັດ. ບັນຫາ​ປະລິມານ​ຄວາມ​ຕ້ອງ​ການ​ໄມ​ໂຄຣ​ຊິບ​ຮ້າຍແຮງ​ລົງ​ກວ່າ​ເດີມ ຫຼັງ​ຈາກ​ທີ່ພາຍຸຮຸນແຮງ​ເຮັດໃຫ້​ໂຮງ​ງານ​ສຳຄັນ​ຫຼາຍ​ແຫ່ງ​ປິດ​ຕົວລົງ​ໃນ​ລັດ​ເທັກ​ຊັດ​ເມື່ອ​ປີ​ກ່ອນ. ຕົ້ນ​ທຶນ​ກາ​ແຟ​ກໍ​ພຸ່ງ​ສູງ​ຂຶ້ນ​ເຊັ່ນ​ກັນ ຫຼັງ​ຈາກ​ທີ່​ບ​ຣາ​ຊິນ ຜູ້​ຜະລິດ​ກາ​ເຟ​ລາຍ​ໃຫຍ່​ທີ່ສຸດ​ໃນ​ໂລກ ເກັບ​ກ່ຽວ​ຜົນ​ຜະລິດ​ໄດ້​ນ້ອຍ ຫຼັງ​ຈາກ​ທີ່​ປະເຊີນກັບໄພ​ແລ້ງ​ຮຸນແຮງ​ທີ່ສຸດ​ໃນຮອບ​ເກືອບ​ສະຕະ​ວັດ.

6. ອຸປະສັກ​ທາງ​ການ​ຄ້າ

ສິນ​ຄ້າ​ນຳ​ເຂົ້າ​ທີ່​ລາຄາ​ສູງ​ຂຶ້ນ​ມີ​ສ່ວນ​ເຮັດໃຫ້​ລາຄາ​ສິນ​ຄ້າ​ປັບ​ຕົວເພີ່ມ​ຂຶ້ນ​ເຊັ່ນ​ກັນ. ກົດ​ເກນ​ການ​ຄ້າ​ໃໝ່ ໆ ໄລຍະ​ຫຼັງ​ຈາກ​ທີ່ສະຫະລາຊະອານາຈັກ​ອອກຈາກ​ການ​ເປັນ​ສະມາຊິກ​ຂອງ​ສະຫະພາບ​ເອີຣົບ ຫຼື ເບ​ຣ​ັ​ກ​ຊິດ (Brexit) ຄາດ​ວ່າ ຈະ​ເຮັດໃຫ້​ມີ​ການ​ນຳ​ເຂົ້າ​ຈາກ​ສະຫະພາບ​ເອີຣົບ​ມາຍັງສະຫະລາຊະອານາຈັກຫຼຸດລົງປະມານ 1 ໃນ 4 ໃນ​ໄລຍະ​ເຄິ່ງທຳອິດ​ຂອງ​ປີ 2021.

ການ​ຄິດ​ຄ່າ​ບໍລິການ​ໂຣມ​ມິ່ງ​ກຳ​ລັງ​ຈະ​ກັບມາ​ເອີ້ນເກັບ​ຈາກຄົນທີ່ເດີນທາງ​ຈາກສະຫະລາຊະອານາຈັກ​ໄປຍັງສະ​ຫະ​ພາບ​ເອີຣົບ​ອີກ​ເທື່ອ​ໃນ​ປີ​ນີ້. ນອກ​ຈາກ​ນີ້ ກຳ​ແພງ​ພາ​ສີ​ນຳ​ເຂົ້າ​ຂອງ​ສະຫະລັດ ທີ່​ໃຊ້​ກັບ​ສິນ​ຄ້າ​ຈາກ​ຈີນ ກໍ​ຖືກ​ຍູ້ພາລະ​ໃຫ້​ແກ່​ຜູ້​ບໍລິໂພກໃນ​ສະຫະລັດ ເກືອບ​ທັງ​ໝົດ ດ້ວຍ​ການ​ປັບ​ລາຄາ​ສິນ​ຄ້າ​ເພີ່ມ​ຂຶ້ນ. ຫົວ​ເຫວີຍ (Huawei) ບໍລິສັດ​ຍັກ​ໃຫຍ່​ດ້ານ​ໂທລະ​ຄົມ​ມະນາຄົ​ມ​ຂອງ​ຈີນ ລະບຸໃນ​ປີ​ທີ່​ແລ້ວ​ວ່າ ການ​ຂວໍ້າບາດ​ທີ່ສະຫະລັດ ບັງຄັບ​ໃຊ້​ກັບ​ທາງ​ບໍລິສັດ ກຳ​ລັງ​ສົ່ງ​ຜົນ​ກະທົບ​ຕໍ່​ຜູ້​ຈັດ​ຫາ​ສິນ​ຄ້າ​ໃນ​ສະຫະລັດ ແລະ ​ຜູ້​ບໍລິໂພກທົ່ວ​ໂລກ.

7. ການ​ຢຸດຕິການ​ຊ່ວຍ​ເຫຼືອ​ໃນ​ໄລຍະ​ການລະບາດ​ໃຫຍ່

ລັດຖະບານ​ຕ່າງໆ ທົ່ວ​ໂລກ​ໄດ້​ໃຫ້​ການ​ຊ່ວຍ​ເຫຼືອ​ແກ່​ທຸລະກິດ​ຫ້າງ​ຮ້ານ​ຕ່າງ ໆ ເພື່ອ​ບັນ​ເທົາ​ຜົນ​ກະທົບ​ຈາກ​ການລະບາດ​ຂອງ​ໄວ​ຣັສ​ໂຄ​ໂຣ​ນາ. ການ​ໃຊ້​ຈ່າຍ​ພາ​ກລັດ​ ແລະ​ ການ​ກູ້​ຢືມເງິນຂອງ​ພາ​ກລັດ​ເພີ່ມ​ສູງ​ຂຶ້ນ​ທົ່ວ​ໂລກ​ໃນ​ໄລຍະ​ຂອງ​ການລະບາດ​ໃຫຍ່ ເລື່ອງ​ນີ້​ໄດ້​ນຳ​ໄປ​ສູ່​ການ​ປັບ​ຂຶ້ນ​ພາ​ສີ​ທີ່​ມີ​ສ່ວນ​ເຮັດໃຫ້​ຄ່າ​ຄອງ​ຊີບ​ຕຶງ​ຕົວ ຂະນະ​ທີ່​ຄ່າ​ຈ້າງ​ຂອງ​ຄົນ​ສ່ວນ​ໃຫຍ່​ບໍ່​ມີ​ການ​ປ່ຽນ​ແປງ.

ປະເທດ​ທີ່​ພັດທະນາ​ແລ້ວ​ຫຼາຍ​ແຫ່ງ​ໄດ້​ມີ​ນະໂຍບາຍ​ທີ່​ອອກ​ແບບ​ມາ​ເພື່ອ​ຄຸ້ມ​ຄອງ​ແຮງ​ງານ​ເຊັ່ນ: ການ​ພັກ​ວຽກ​ໂດຍ​ທີ່​ໄດ້ຮັບເງິນຊ່ວຍ​ເຫຼືອ​ບາງ​ສ່ວນ ແລະ​ ນະໂຍບາຍ​ດ້ານ​ສະຫ​ວັດ​ດີ​ການ​ຕ່າງໆ ທີ່​ຄຸ້ມ​ຄອງຄົນທີ່​ມີ​ຄ່າ​ຈ້າງ​ຕ່ຳ​ທີ່ສຸດ. ນັກ​ເສດຖະສາດ​ບາງ​ສ່ວນ​ລະບຸວ່າ ນະໂຍບາຍ​ເຫຼົ່າ​ນີ້​ອາດຈະ​ຍູ້​ດັນ​ໃຫ້ເງິນເຟີ້​ສູງ​ຂຶ້ນ ຂະນະ​ທີ່​ມາດຕະການ​ຄວາມ​ຊ່ວຍ​ເຫຼືອ​ຕ່າງໆ ກຳ​ລັງ​ຈະ​ຢຸດຕິລົງ.

 

Advertisement Replay Ad

ຂໍຂອບໃຈ

ຂໍ້ມູນ : BBC Thai

ອ່ານດວງລາຍວັນປະຈໍາວັນສຸກ ທີ 6 ພຶດສະພາ 2022 ຕາມແຕ່ລະວັນເກີດ

ອ່ານດວງລາຍວັນປະຈໍາວັນສຸກ ທີ 6 ພຶດສະພາ 2022 ຕາມແຕ່ລະວັນເກີດ

ອ່ານດວງລາຍວັນປະຈໍາວັນອັງຄານ ທີ 3 ພຶດສະພາ 2022 ຕາມແຕ່ລະວັນເກີດ

ອ່ານດວງລາຍວັນປະຈໍາວັນອັງຄານ ທີ 3 ພຶດສະພາ 2022 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 14 ມີນາ 2022 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 14 ມີນາ 2022 ຕາມແຕ່ລະວັນເກີດ

ຜູ້ນາມຢູເຄຣນລົງນາມສະໝັກເຂົ້າເປັນສະມາຊິກສະຫະພາບເອີຣົບຢ່າງເປັນທາງການ

ຜູ້ນາມຢູເຄຣນລົງນາມສະໝັກເຂົ້າເປັນສະມາຊິກສະຫະພາບເອີຣົບຢ່າງເປັນທາງການ

ສະຫະພາບເອີຣົບມອບປຶ້ມນິທານໃຫ້ເດັກນ້ອຍລາວ

ສະຫະພາບເອີຣົບມອບປຶ້ມນິທານໃຫ້ເດັກນ້ອຍລາວ

7 ເຫດຜົນທີ່ເຮັດໃຫ້ຄ່າຄອງຊີບກຳລັງສູງຂຶ້ນໃນທົ່ວໂລກ

7 ເຫດຜົນທີ່ເຮັດໃຫ້ຄ່າຄອງຊີບກຳລັງສູງຂຶ້ນໃນທົ່ວໂລກ

ອ່ານດວງລາຍວັນປະຈໍາວັນສຸກ ທີ 21 ມັງກອນ 2022 ຕາມແຕ່ລະວັນເກີດ

ອ່ານດວງລາຍວັນປະຈໍາວັນສຸກ ທີ 21 ມັງກອນ 2022 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 6 ມັງກອນ 2022 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 6 ມັງກອນ 2022 ຕາມແຕ່ລະວັນເກີດ

ໃຜເປັນຊາວກະສິກອນຕົວຈິງຫ້າມເລື່ອນຜ່ານ! ມາລຸ້ນຮັບຄຳເປັນຂອງຂວັນປີໃໝ່ກັບ KUBOTA Laos Club

ໃຜເປັນຊາວກະສິກອນຕົວຈິງຫ້າມເລື່ອນຜ່ານ! ມາລຸ້ນຮັບຄຳເປັນຂອງຂວັນປີໃໝ່ກັບ KUBOTA Laos Club

ອ່ານດວງລາຍວັນປະຈໍາວັນອາທິດ ທີ 4 ພະຈິກ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນອາທິດ ທີ 4 ພະຈິກ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນອັງຄານ ທີ 26 ຕຸລາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນອັງຄານ ທີ 26 ຕຸລາ 2021 ຕາມແຕ່ລະວັນເກີດ

ມອບເຄື່ອງບໍລິຈາກມູນຄ່າລວມ 30 ລ້ານກີບໃຫ້ສູນສຸຂະພາບແມ່ ແລະ ເດັກ ປະກອບສ່ວນວຽກງານຕ້ານໂຄວິດ-19

ມອບເຄື່ອງບໍລິຈາກມູນຄ່າລວມ 30 ລ້ານກີບໃຫ້ສູນສຸຂະພາບແມ່ ແລະ ເດັກ ປະກອບສ່ວນວຽກງານຕ້ານໂຄວິດ-19

ອ່ານດວງລາຍວັນປະຈໍາວັນພະຫັດ 14 ຕຸລາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ 14 ຕຸລາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 4 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 4 ກັນຍາ 2021 ຕາມແຕ່ລະວັນເກີດ

ອອກແລ້ວເດີ້! ຜົນຫວຍລາວງວດວັນທີ 27 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 27 ກັນຍາ 2021

ອັບເດດສະຖານະການ COVID-19 ປະຈຳວັນທີ 27 ກັນຍາ 2021

ອັບເດດສະຖານະການ COVID-19 ປະຈຳວັນທີ 27 ກັນຍາ 2021

ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ