ວັນສຸກ ທີ 28 ມັງກອນ 2022

ຮູ້ສຶກບໍ່ມີຄວາມສຸກ? ລອງເອົາວິທີເຫຼົ່ານີ້ໄປໃຊ້ ເພາະສາມາດເພີ່ມຄວາມສຸກໃຫ້ກັບເຈົ້າໄດ້ງ່າຍໆ ແລະ ໄດ້ຜົນແທ້

ຮູ້ສຶກບໍ່ມີຄວາມສຸກ? ລອງເອົາວິທີເຫຼົ່ານີ້ໄປໃຊ້ ເພາະສາມາດເພີ່ມຄວາມສຸກໃຫ້ກັບເຈົ້າໄດ້ງ່າຍໆ ແລະ ໄດ້ຜົນແທ້
S! Muan

ສະໜັບສະໜູນເນື້ອຫາ

ຮູ້ສຶກບໍ່ມີຄວາມສຸກ? ລອງເອົາວິທີເຫຼົ່ານີ້ໄປໃຊ້ ເພາະສາມາດເພີ່ມຄວາມສຸກໃຫ້ກັບເຈົ້າໄດ້ງ່າຍໆ ແລະ ໄດ້ຜົນແທ້

ຈາກສະຖານະການຫຼາຍຢ່າງໃນປັດຈຸບັນອາດເຮັດໃຫ້ເຮົາຮູ້ສຶກເຄັ່ງຄຽດ, ເບື່ອໜ່າຍ ແລະ ຮູ້ສຶກບໍ່ມີຄວາມສຸກໃນຊີວິດ. ການທີ່ເຮົາມີຄວາມສຸກທາງໃຈ ມີສ່ວນສຳຄັນທີ່ຊ່ວຍໃຫ້ເຮົາຫ່າງໄກຈາກພະຍາດຕ່າງໆທາງຈິດ ແລະ ຍັງຊ່ວຍໃຫ້ມີອາຍຸທີ່ຍືນຍາວນຳອີກ. ໝູ່ເພື່ອນຮູ້ບໍວ່າ ເຮົາສາມາດເພີ່ມຄວາມສຸກໃຫ້ໂຕເອງໄດ້ ເພາະຜົນການວິໄຈເປີດເຜີຍວ່າ ສະເລ່ຍປະມານ 50% ຂອງຄວາມສຸກຂອງເຮົາມາຈາກຢີນ, ອີກ 40% ມາຈາກການຄວບຄຸມຂອງເຮົາເອງ ແລະ 10% ມາຈາກສະຖານະການແວດລລ້ອມ.

ສະນັ້ນມື້ນີ້ເຮົາຈຶ່ງນຳເອົາວິທີເພີ່ມຄວາມສຸກໃຫ້ຕົວເອງມາໃຫ້ໝູ່ເພື່ອນໄດ້ລອງເອົາໄປນຳໃຊ້ກັນ. ບາງຂໍ້ອາດເປັນເລື່ອງງ່າຍໆທີ່ເຮົາເບິ່ງຂ້າມໄປກໍເປັນໄດ້.

1. ໝັ່ນ​ຕິດ​ຕໍ່​ຄົນ​ອື່ນ​ຢູ່​ສະເໝີ

ການ​ວິໄຈ​ຂອງ Harvard ຈາກ Dr. Waldinger ພົບວ່າ ຄວາມ​ສຸກ​ຂອງ​ເຮົາ​ເຊື່ອມ​ຕໍ່​ກັບ​ຄວາມ​ສຳພັນ​ລະຫວ່າງ​ເຮົາ​ກັບ​ຄອບຄົວ ​ແລະ​ ໝູ່ເພື່ອນ​ຢ່າງ​ໜຽວ​ແໜ້ນ. “ເພາະ​ສາຍ​ສຳພັນ​ສ່ວນຕົວເປັນຕົວກະຕຸ້ນ​ຄວາມ​ສຸກ​ໃຫ້​ເຮົາ​ແບບ​ອັດຕະໂນມັດ. ໃນ​ຂະນະ​ທີ່​ການ​ແຍກ​ຫ່າງ​ຄືຕົວທຳລາຍ​ຄວາມ​ສຸກ​ຂອງ​ເຮົາ”, Dr. Waldinger ໄດ້​ກ່າວ​ໄວ້. ດັ່ງ​ນັ້ນ​ຢ່າ​ລືມໂທ​ຫາ​ ຫຼື ລົມຍ​ກັບ​ຄອບຄົວ​ບໍ່​ກໍໝູ່ເພື່ອນ​ມື້​ລະ​ເທື່ອ​ເພື່ອ​ເພີ່ມ​ອາລົມ​ເຮົາ​ໃຫ້​ມີ​ຄວາມ​ສຸກ.

2. ຊ່ວຍ​ເຫຼືອ​ຜູ້​ອື່ນ​ໃຫ້​ຫຼາຍ​ຂຶ້ນ

ການ​ອາ​ສາ​ໄປ​ເຮັດ​ສິ່ງ​ຕ່າງ​ໆ ໃຫ້​ຄວາມ​ຮູ້ສຶກ​ຂອງ​ການເຮັດ​ໜ້າທີ່ ​ແລະ​ ຊ່ວຍ​ໃຫ້​ເຮົາ​ມີ​ຄວາມ​ສຸກ​ຫຼາຍ​ຂຶ້ນ. ການ​ວິໄຈ​ແບບ​ເປີດ​ຂອງ BMJ (2016) ພົບວ່າ ອາ​ສາ​ສະໝັກ​ທີ່​ເປັນ​ຜູ້​ທີ່​ອາຍຸຫຼາຍກວ່າ 70 ປີ​ສາມາດ​ເພີ່ມ​ຄວາມ​ສຸກ​ຜ່ານ​ການ​ເຮັດ​ວຽກງານ​ຈິດ​ອາ​ສາ​ໄດ້​ເປັນ​ພິເສດ. ເພາະ​ສະ​ນັ້ນ​ຖ້າ​ມີ​ເວລາ​ວ່າງ ຢ່າ​ລືມ​ຊວນ​ຜູ້​ມີອາຍຸສູງແຖວເຮືອນ​ໄປ​ຮ່ວມ​ກັນ​ເຮັດ​ຈິດ​ອາ​ສາ. ນອກ​ຈາກສຸຂະພາບຈະ​ດີ​ແລ້ວ ຄວາມ​ສຳພັນ​ຍັງແໜ້ນ​ແຟ້ນ​ຂຶ້ນ​ໄປ​ອີກ.

3. ຝຶກ​ເປັນ​ຄົນ​ໃຈ​ດີ

ເຮົາ​ຄວນ​ລອງ​ເຮັດຕົວໃຈ​ດີ​ຕໍ່​ຜູ້​ອື່ນ ໂດຍ​ບໍ່​ກ່ຽງ​ວ່າ​ເຂົາຈະ​ເປັນ​ໃຜ​ຈັກ​ໜຶ່ງ​ມື້. “ເຮົາ​ອາດ​ຕ້ອງ​ໄຕ່ຕອງ ​ແລະ ​ວາງ​ແຜນ​ລ່ວງ​ໜ້າ​ກ່ອນ​ຈະ​ເຮັດ. ແຕ່​ການວາງ​ແຜນ ​ແລະ​ ຄວາມ​ຕັ້ງ​ໃຈ​ຂອງ​ເຮົາ​ທີ່​ຈະ​ເຮັດ​ສິ່ງ​ດີ​ໆ ໃຫ້​ຜູ້​ອື່ນ​ນີ້​ສາມາດ​ເຮັດໃຫ້​ເຮົາ​ມີສຸຂະພາບທີ່​ດີ​ໄດ້” - Tyler J. VanderWeele ຜູ້​ອຳ​ນວຍ​ການ​ໂຄງ​ການ Human Flourishing Program ຈາກ Harvard’s T.H. Chan School of Public Health ແນະ​ນຳ​ໄວ້. ວິທີ​ນີ້ນອກ​ຈາກ​ເຮົາ​ຈະ​ມີ​ຄວາມ​ສຸກ​ແລ້ວ ຍັງ​ເພີ່ມພາບລັກທີ່​ດີ​ໃນ​ສາຍ​ຕາຄົນ​ອ້ອມ​ຂ້າງ​ອີກ​ດ້ວຍ.

4. ຍ້ອນກັບ​ໄປ​ຫາ​ຄວາມ​ສຸກ​ໃນ​ໄວ​ເດັກ

ເມື່ອ​ເຮົາ​ໃຫຍ່​ຂຶ້ນ ເຮົາ​ອາດ​ບໍ່​ມີ​ໂອ​ກາດ​ໄດ້​ກັບ​ໄປ​ເຮັດ​ກິດຈະກຳ​ຕອນ​ເປັນເດັກນ້ອຍ​ທີ່​ມີ​ຄວາມ​ສຸກ​ອີກ​ແລ້ວ. ດັ່ງ​ນັ້ນ ລອງ​ຫາ​ຫຍັງ​ທີ່​ເຮັດໃຫ້​ເຮົາ​ມີ​ຄວາມ​ສຸກ​ຕອນ​ເປັນ​ເດັກ​ກວ່າ​ນີ້ ເຊັ່ນ: ກິດຈະກຳຍາມວ່າງ, ເກມ, ກີລາ ຫຼື ອີ່ຫຍັງ​ກໍ​ໄດ້​ທີ່​ເຈົ້າ​ມັກ​ຈາກ​ໄວ​ເດັກ​ກໍ​ຈັບມາ​ເຮັດ​ໄດ້​ເລີຍ.

5. ລົງທຶນ​ຊື້​ປະສົບການ

ເງິນ​ອາດຈະ​ຊື້​ຄວາມ​ສຸກ​ບໍ່​ໄດ້ ແຕ່​ເງິນ​ຊື້​ປະສົບການ​ທີ່​ເຮັດໃຫ້​ເຮົາ​ມີ​ຄວາມ​ສຸກ​ໄດ້​ໃດ ແຕ່​ເຮົາ​ອາດຈະ​ບໍ່​ຕ້ອງ​ເຖິງ​ຂັ້ນ​ຊື້ປີ້​ເດີນທາງ​ອ້ອມ​ໂລກ ເພາະ​ມັນ​ອາດ​ເປັນ​ປະສົບການ​ເລັກໆນ້ອຍ​ໆ ເຊັ່ນ: ຈອງເຂົ້າ​ຄ່ຳ​ທີ່ຮ້ານ​ອາຫານ, ນັ່ງ​ເບິ່ງ​ການ​ສະແດງ​ທີ່​ໜ້າ​ສົນ​ໃຈ ຫຼື ອາດ​ໄປ​ນິ​ທັດສະ​ການ​ສິນ​ປະຈັກບ່ອນ.

ການ​ລົງທຶນ​ກັບ​ສິ່ງ​ນ້ອຍ​ໆ ເຫຼົ່າ​ນີ້​ມີ​ຜົນ​ໃນ​ໄລຍະຍາວ​ໄດ້​ເຊັ່ນ​ກັນ ອ້າງ​ອີງ​ຈາກ​ການ​ວິໄຈ​ຕ່າງ​ໆ ເມື່ອ​ປຽບທຽບ​ກັບ​ການ​ຊື້​ສິ່ງ​ຂອງ​ທີ່​ມັກ​ໃຫ້​ຄວາມ​ສຸ​ກໃນໄລຍະ​ສັ້ນ, ຄົນທີ່​ໃຊ້​ເງິນ​ໄປ​ກັບ​ປະສົບການ​ຕ່າງ​ໆ ຈະ​ມີ​ລະ​ດັບ​ຄວາມ​ເພິງພໍ​ໃຈ​ທີ່​ຍາວ​ນານ​ກວ່າ ເພາະ​ພວກ​ເຂົາ “ສ້າງ​ຄວາມ​ສຸກ​ຈາກ​ຄວາມ​ຊົງ​ຈຳ” ນັ້ນ​ເອງ.

6. ອອກ​ໄປ​ພົບປະ​ກັບ​ຄົນທີ່​ມີ​ຄວາມ​ສຸກ

ຄວາມ​ສຸກ​ສາມາດ​ສົ່ງ​ຕໍ່ໄປ​ຍັງ​ຄົນ​ອ້ອມ​ຂ້າງ​ເຮົາ​ໄດ້. ການສຶກສາ​ໜຶ່ງ​ພົບວ່າ ຄວາມ​ສຸກ​ສາມາດແພ່ຜ່ານ​ໂຊ​ຊຽວ​ມີ​ເດຍ​ໄດ້. ຄວາມ​ສຸກ​ຂອງ​ເຮົາ​ສາມາດ​ກະຕຸ້ນ​ໃຫ້​ຄົນ​ອ້ອມ​ຂ້າງ​ເຮົາ​ມີ​ຄວາມ​ສຸກ​ຫຼາຍ​ຂຶ້ນ ແລະ​ ໃນ​ຂະນະ​ດຽວ​ກັນ​ຄວາມ​ສຸກ​ຂອງ​ຄົນ​ອ້ອມ​ຂ້າງ​ກໍ​ສາມາດ​ສົ່ງ​ຕໍ່ໄປ​ອີກ​ໄດ້​ເປັນ​ຕໍ່ໆກັນໄປ. ນັກ​ວິໄຈ​ຍັງ​ພົບ​ອີກ​ວ່າ ຄວາມ​ເສົ້າບໍ່​ສາມາດ​ແພ່ກະຈາຍ​ໄດ້​ເທົ່າ​ຄວາມ​ສຸກ ດັ່ງ​ນັ້ນ​ມາ​ສົ່ງ​ຕໍ່​ໄວ​ຣັສ​ແຫ່ງ​ຄວາມ​ສຸກ​ດ້ວຍ​ການ​ໄປ​ສະຫຼອງ​ກັບ​ຄົນທີ່​ມີ​ຄວາມ​ສຸກ​ກັນເທາະ!

7. ເບິ່ງ​ສີ​ຂຽວ​ໃຫ້​ຫຼາຍ​ຂຶ້ນ

ເມື່ອ​ວັນທີ 30 ພ​ຶດສະ​ພາ 2021 ການສຶກສາ​ໜຶ່ງ​ໂດຍ EPJ Data Science ເທິງ​ໂລກ​ອອນລາຍພົບ​ຄວາມ​ສຳພັນ​ລະຫວ່າງ​ການເບິ່ງພື້ນ​ທີ່​ສີ​ຂຽວ​ໃນ​ເຂດ​ຊານ​ເມືອງ​ກັບ​ອາລົມ​ຂອງ​ປະຊາກອນ​ໃນ 90 ເມືອງ​ທົ່ວ​ໂລກ, ພວກ​ເຂົາ​ພົບວ່າ ບໍ່​ວ່າ​ເສດຖະກິດ​ຈະ​ເປັນ​ແນວໃດ ຄວາມ​ສຸກ​ຂອງຄົນ​ຍັງ​ຄົງ​ສຳພັນ​ກັບ​ຈຳນວນ​ພື້ນ​ທີ່​ສີ​ຂຽວ​ອ້ອມຮອບຕົວ​ພວກ​ເຂົາ ເຊັ່ນ: ສວນ​ສາທາລະນະ, ສວນຂະໜາດນ້ອຍ ຫຼື ພື້ນ​ທີ່ແຄມ​ແມ່ນ້ຳ.

ດັ່ງ​ນັ້ນ​ການ​ທີ່​ເຮົາ​ມີ​ພື້ນ​ທີ່​ສີ​ຂຽວ​ໃນ​ບ້ານ​ສາມາດ​ເພີ່ມ​ຄວາມ​ສຸກ​ໃຫ້​ເຮົາ​ເອງ ແລະ​ການ​ວິໄຈ​ອື່ນ​ໆ ຍັງ​ສະແດງ​ໃຫ້​ເຫັນ​ວ່າ ສວນ​ຢູ່ເຮືອນ​ເພີ່ມ​ຄວາມ​ເປັນ​ຢູ່​ໃຫ້​ເຮົາ​ໄດ້​ດີ​ຫຼາຍ​ເທົ່າ​ການ​ປັ່ນ​ລົດຖີບ ​ຫຼື ຍ່າງ​ເລີຍລະ.

8. ເຊົາ​ໃຊ້​ຊີວິດ​ແບບ​ເດີມ​ໆ

ບາງເທື່ອ​ການ​ປ່ຽນ​ແປງເລັກ​ນ້ອຍ​ອາດ​ນຳ​ມາສູ່​ສິ່ງ​ທີ່​ຍິ່ງ​ໃຫຍ່ ເມື່ອ​ເຮົາ​ເຮັດ​ກິດ​ວັດ​​ປະຈຳ​ວັນ​ໃຫ້​ຫຼາກ​ຫຼາຍ ເຮົາ​ຈະ​ສາມາດ​ມີ​ຄວາມ​ສຸກ​ໄດ້​ຫຼາຍ​ຂຶ້ນ. ອ້າງ​ອິງ​ຈາກ​ການສຶກສາ​ອອນລາຍເມື່ອ​ວັນທີ 18 ພຶດສະພາ 2020 ໂດຍ Nature Neuroscience ພົບວ່າ ການ​ປ່ຽນ​ຮູບ​ແບບ​ການ​ໃຊ້​ຊີວິດ​ເດີມ​ໆ ເຊັ່ນ: ລອງ​ອອກ​ກຳ​ລັງ​ກາຍ​ທ່າ​ໃໝ່​ໆ ທຸກ 2-3 ອາທິດ, ຟັງ​ພອດ​ແຄສສະຫຼັ​ບ​ກັບ​ຟັງ​ເພງ​ມື້​ເວັ້ນ​ມື້ ຫຼື ໃຊ້​ເສັ້ນ​ທາງ​ໃໝ່​ໆ ໄປ​ຮ້ານ​ຄ້າ ​ຫຼື ຮ້ານ​ຂາຍ​ຢາ​ນັ້ນ​ສາມາດ​ເພີ່ມ​ສີ​ສັນ​ໃຫ້​ຊີວິດ​ເຮົາ​ໄດ້.

9. ນັບ​ສິ່ງ​ດີ​ໆ ໃນ​ຊີວິດ

ລອງ​ຫາ​ເວລາ​ຈົດ​ສິ່ງ​ທີ່​ເຮັດໃຫ້​ເຮົາ​ມີ​ຄວາມ​ສຸກ​ເບິ່ງ ອາດຈະ​ເປັນ​ບາງ​ສິ່ງ​ທີ່​ຖືກ​ມອງ​ຂ້າມ​ມາ​ຕະຫຼອດ ເຊັ່ນ: ຂອບໃຈ​ຫຼັງ​ຄາ​ເຮືອນ​ທີ່​​ບັງ​ແດດ​ຝົນ ແລະ ​ຄອບຄົວ​ທີ່​ສະໜັບ​ສະໜຸນ​ເຮົາ​ມາ ຫຼື ຂຽນ​ບາງ​ສິ່ງ​ທີ່ງ່າຍໆ ເຊັ່ນ: ຄຳ​ຍ້ອງຍໍ​ທີ່​ຟັງ​ແລ້ວ​ດີຕໍ່ໃຈ, ປຶ້ມທີ່​ເຮົາ​ມັກ, ມື້​ນີ້​ອາ​ກາດ​ດີ​ແທ້ ຫຼື ອາຫານແຊບໆ ທີ່​ເຮົາ​ກິນ​ໄປ​ມື້ວານ.

10. ຕັດ​ສິນ​ໃຈ​ໃຫ້ໜ້ອຍ​ລົງ

ການສຶກສາ​ພົບວ່າ ຜູ້​ຄົນທີ່​ມີ​ຫຼາຍຕົວເລືອກ​ໃຫ້​ຕ້ອງ​ຕັດ​ສິນ​ໃຈ ໂອ​ກາດ​ທີ່​ພວກເຂົາ​ຈະ​ຮູ້ສຶກ​ເສຍ​ໃຈ​ ແລະ ​ກັງ​ວົນ​ກໍ​ຫຼາຍ​ຂຶ້ນ​ຕາມ. ວິທີ​ງ່າຍໆ ທີ່​ຊ່ວຍ​ຫຼຸດພາລະ​ເວລາ​ຈະ​ຕ້ອງ​ຕັດ​ສິນ​ໃຈ​ ແລະ ​ປົກ​ປ້ອງ​ຄວາມ​ສຸກ​ຂອງ​ເຮົາ​ໄວ້​ກໍ​ຄື ຖ້າ​ການ​ຕັດ​ສິນ​ໃຈ​ນັ້ນ​ບໍ່​ສົ່ງ​ຜົນ​ຍິ່ງ​ໃຫຍ່​ຕາມ​ມາ ກໍ​ລອງ​ໃຫ້ຕົວເອງ​ມີ​ເວລາ​ໃນ​ການ​ເລືອກ ​ຫຼື ຕົວເລືອກ​ໜ້ອຍ​ລົງ​ລອງເບິ່ງ. ຢ່າ​ໃຫ້ຕົວເຮົາ​ຕ້ອງ​ມາ​ຕັດ​ສິນ​ໃຈ​ໃໝ່​ຊ້ຳ​ກັບ​ສິ່ງ​ທີ່​ເຮົາ​ເຄີຍ​ເລືອກ ເກັບ​ເວລາ​ໃຄ່ຄວນ​ໄວ້​ໃຫ້​ບັນຫາ​ທີ່​ສຳຄັນ​ກວ່າ​ນີ້. ແນວໃດ​ກໍ​ຕາມ ເຖິງ​ແມ່ນ​ເວລາ​ຈະ​ຕັດ​ສິນ​ໃຈ​ສິ່ງ​ທີ່​ສຳຄັນ ພະຍາຍາມ​ຢ່າ​ຫັນ​ກັບ​ໄປ​ຕັດ​ສິນ​ໃຈ​ຊ້ຳ​ເດັດ​ຂາດ.

 

Advertisement Replay Ad

ຂໍຂອບໃຈ

ຂໍ້ມູນ : Mission to the Moon

ເຊົາມູຟອອນເປັນວົງມົນ! ເຂົ້າໃຈ 5 ຂັ້ນຕອນຂອງຄວາມເສຍໃຈ ຮັບມືອາການຊໍ້າໃຈຈາກຄວາມຮັກ

ເຊົາມູຟອອນເປັນວົງມົນ! ເຂົ້າໃຈ 5 ຂັ້ນຕອນຂອງຄວາມເສຍໃຈ ຮັບມືອາການຊໍ້າໃຈຈາກຄວາມຮັກ

ວິທີການຮັບມືອາການຂີ້ຄ້ານເຮັດວຽກ ຫຼັງຈາກການພັກຍາວ

ວິທີການຮັບມືອາການຂີ້ຄ້ານເຮັດວຽກ ຫຼັງຈາກການພັກຍາວ

ຝຶກງານ Work from home ມີຂໍ້ດີ ແລະ ຂໍ້ເສຍແນວໃດ?

ຝຶກງານ Work from home ມີຂໍ້ດີ ແລະ ຂໍ້ເສຍແນວໃດ?

ຝຶກງານຄວນໄດ້ຫຍັງຕິດໂຕແດ່? ນີ້ແມ່ນສິ່ງທີ່ນັກສຶກສາແບບເຮົາຈະໄດ້ຮັບຫຼັງຝຶກງານ

ຝຶກງານຄວນໄດ້ຫຍັງຕິດໂຕແດ່? ນີ້ແມ່ນສິ່ງທີ່ນັກສຶກສາແບບເຮົາຈະໄດ້ຮັບຫຼັງຝຶກງານ

13 ຄຳທີ່ຄົນລາວຄວນຮູ້ ເພື່ອໃຫ້ຕາມທັນກະແສໂລກ ກ່ອນກ້າວເຂົ້າປີ 2022

13 ຄຳທີ່ຄົນລາວຄວນຮູ້ ເພື່ອໃຫ້ຕາມທັນກະແສໂລກ ກ່ອນກ້າວເຂົ້າປີ 2022

ອີຊູຊຸສົ່ງທ້າຍປີ ເປີດໂຕກະບະລຸ້ນໃໝ່ “NEW! ISUZU D-MAX” ຜູ້ນຳແຫ່ງໂລກກະບະ...ເໜືອຂີດຈຳກັດ

ອີຊູຊຸສົ່ງທ້າຍປີ ເປີດໂຕກະບະລຸ້ນໃໝ່ “NEW! ISUZU D-MAX” ຜູ້ນຳແຫ່ງໂລກກະບະ...ເໜືອຂີດຈຳກັດ

ຮູ້ສຶກບໍ່ມີຄວາມສຸກ? ລອງເອົາວິທີເຫຼົ່ານີ້ໄປໃຊ້ ເພາະສາມາດເພີ່ມຄວາມສຸກໃຫ້ກັບເຈົ້າໄດ້ງ່າຍໆ ແລະ ໄດ້ຜົນແທ້

ຮູ້ສຶກບໍ່ມີຄວາມສຸກ? ລອງເອົາວິທີເຫຼົ່ານີ້ໄປໃຊ້ ເພາະສາມາດເພີ່ມຄວາມສຸກໃຫ້ກັບເຈົ້າໄດ້ງ່າຍໆ ແລະ ໄດ້ຜົນແທ້

ມິຊລິນ ພູມໃຈນຳສະເໜີ MICHELIN LTX TRAIL ເພື່ອຈັບຕະຫຼາດລົດກະບະສູງ ແລະ ລົດ SUV ທີ່ກຳລັງເຕີບໂຕ

ມິຊລິນ ພູມໃຈນຳສະເໜີ MICHELIN LTX TRAIL ເພື່ອຈັບຕະຫຼາດລົດກະບະສູງ ແລະ ລົດ SUV ທີ່ກຳລັງເຕີບໂຕ

5 ເຕັກນິກເຮັດວຽກຢູ່ເຮືອນ ບອກລາສະມາທິສັ້ນ

5 ເຕັກນິກເຮັດວຽກຢູ່ເຮືອນ ບອກລາສະມາທິສັ້ນ

ລວມສາລະພັດວິທີແກ້ອາການຂີ້ລືມ ງ່າຍໆ ໄດ້ຜົນແທ້

ລວມສາລະພັດວິທີແກ້ອາການຂີ້ລືມ ງ່າຍໆ ໄດ້ຜົນແທ້

ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ