ວັນພຸດ ທີ 8 ທັນວາ 2021

ມິຊລິນ ພູມໃຈນຳສະເໜີ MICHELIN LTX TRAIL ເພື່ອຈັບຕະຫຼາດລົດກະບະສູງ ແລະ ລົດ SUV ທີ່ກຳລັງເຕີບໂຕ

ມິຊລິນ ພູມໃຈນຳສະເໜີ MICHELIN LTX TRAIL ເພື່ອຈັບຕະຫຼາດລົດກະບະສູງ ແລະ ລົດ SUV ທີ່ກຳລັງເຕີບໂຕ
S! Muan

ສະໜັບສະໜູນເນື້ອຫາ

ໝັ້ນໃຈໃນຄວາມອະເນກປະສົງທັງທາງລຽບ ແລະ ທາງລຸຍ ດ້ວຍອາຍຸການໃຊ້ງານທີ່ຍາວນານກວ່າ, ຄວາມປອດໄພທີ່ອອກແບບມາໃຫ້ໃຊ້ໄດ້ຍາວນານກວ່າ ແລະ ລະດັບສຽງລົບກວນທີ່ຕ່ຳກວ່າ

ມິຊລິນ, ຜູ້ນຳລະດັບໂລກໃນການຂັບເຄື່ອນແບບຍືນຍົງຂອງທຸກປະເພດພາຫະນະ, ໄດ້ເປີດໂຕ ມິຊລິນ ແອລທີເອັກສ໌ ເທຣວ ເຊິ່ງເປັນສຳລັບທາງລຽບ ແລະ ທາງລຸຍ ທີ່ອອກແບບມາເພື່ອລົດກະບະສູງ ແລະ ລົດ SUV ໂດຍສະເພາະ. ມິຊລິນແອລທີເອັກສ໌ເທຣວ ໃຫ້ອາຍຸການໃຊ້ງານ ແລະ ຄວາມປອດໄພທີ່ຍາວນານ ດ້ວຍປະສິດທິພາບເບຣກທີ່ດີເລີດໃນສະພາບຖະໜົນປຽກ ເຖິງແມ່ນວ່າຢາງຈະໃກ້ໝົດດອກຢາງ ແລະ ພ້ອມດຽວກັນນັ້ນກໍ່ຍັງຊ່ວຍຫຼຸດສຽງລົບກວນພາຍໃນຫ້ອງໂດຍສານ ເພື່ອໃຫ້ການຂັບຂີ່ທີ່ນຸ້ມນວນຍິ່ງກວ່າອີກດ້ວຍ.   ຢາງລົດອະເນກປະສົງລຸ້ນນີ້ ມີປະສິດທິພາບສູງທັງທາງລຽບ ແລະ ທາງລຸຍ ໃຫ້ຄວາມໝັ້ນໃຈ ແລະ ຄວາມປອດໄພໃນການຂັບຂີ່ ບໍ່ວ່າສະພາບຖະໜົນຈະເປັນແນວໃດ ແລະ ບໍ່ວ່າຈຸດໝາຍປາຍທາງຈະຢູ່ທີ່ໃດ.

ທ່ານ Gregoire Gaud ຜູ້ຈັດການຂອງມິຊລິນ ປະຈຳປະເທດ ກຳປູເຈຍ, ລາວ ແລະ ມຽນມາ ໄດ້ໃຫ້ສຳພາດວ່າ: “ຢູ່ທີ່ ມິຊລິນ, ພວກເຮົາບໍ່ເຄີຍຢຸດທີ່ຈະຄິດຄົ້ນນະວັດຕະກຳໃໝ່ໆ ເພື່ອເຮັດໃຫ້ມະນຸດສາມາດຂັບເຄື່ອນຢ່າງອິດສະລະ ແລະ ປອດໄພ; ແລະ ສາມາດດຳລົງຊີວິດໄປມາໄດ້ດີຂຶ້ນ. ຢາງລົດ ມິຊລິນ ແອວທີເອັກສ໌ ເທຣວ ໃໝ່ນີ້ແມ່ນຄວາມລົງຕົວທີ່ສົມບູນທີ່ສຸດ ສຳລັບລູກຄ້າທີ່ນຳໃຊ້ລົດກະບະ ຫຼື ລົດ SUV ທີ່ຕ້ອງການຄວາມສາມາດໃນການເດີນທາງໄປເຖິງຈຸດໝາຍທີ່ເປັນທັງທາງລຽບ ແລະ ທາງລຸຍ, ບໍ່ວ່າຈຸດປະສົງແມ່ນໄປວຽກ ຫຼື ໄປພັກຜ່ອນ. ຢາງລົດນີ້ ຖືກອອກແບບມາເພື່ອການນຳໃຊ້ແບບອະເນກປະສົງ ເຊິ່ງປະກອບມີອັດຕາສ່ວນ 80% ສຳລັບທາງລຽບ ແລະ 20% ສຳລັບທາງລຸຍ. ມິຊລິນ ແອວທີເອັກສ ເທຣວ ໃຫ້ການຂັບຂີ່ທີ່ປອດໄພ ແລະ ນຸ້ມນວນແກ່ຜູ້ຂັບຂີ່ຢູ່ເທິງທາງລຽບ, ພ້ອມທັງຍັງສາມາດນຳໄປຂັບຂີ່ເທິງທາງລຸຍໄດ້ເມື່ອຕ້ອງການ. ຢາງລົດລຸ້ນນີ້ ຍັງສາມາດຂັບຂີ່ຢູ່ເທິງຫຼາຍສະພາບຖະໜົນ ເປັນຕົ້ນ ຂັບຂີ່ໃນຕົວເມືອງ, ຖະໜົນປຽກ, ທາງຫຼວງ ໄປຈົນເຖິງທາງລຸຍສະພາບເບົາ ແລະ ສະພາບກາງ.”

“ມິຊລິນ ແອລທີເອັກສ ເທຣວ ແມ່ນຢາງລົດທີ່ແທດເໝາະກັບຄວາມນິຍົມລົດ SUV ທີ່ກຳລັງເພີ່ມຂຶ້ນ ເຊິ່ງຄາດຄະເນວ່າຈະເຕີບໂຕເຖິງ 5.6% ໃນແຕ່ລະປີ ລະຫວ່າງ 2021 ເຖິງ 2026. ຢາງລົດລຸ້ນນີ້ ເໝາະສຳລັບລົດກະບະ 4x2 ແລະ 4x4 ລຸ້ນສູງ ຫຼື ລົດ SUV ເຊັ່ນ ໂຕໂຢຕາ ໄຮລັກ, ໂຕໂຢຕາ ຟໍຈູນເນີ ແລະ ນິສສັນ ນາວາຣາ” ກ່າວໂດຍທ່ານ Gregoire Gaud, ຜູ້ຈັດການມິຊລິນປະຈຳປະເທດ ກຳປູເຈຍ,​ ລາວ ແລະ ມຽນມາ.

ມິຊລິນ ແອລທີເອັກສ ເທຣວ ມີຂໍ້ໄດ້ປຽບຢູ່ 3 ຢ່າງເປັນຫຼັກ:

  • ອາຍຸການໃຊ້ງານຍາວນານກວ່າ 41%1 ໂດຍການນຳໃຊ້ສານຜະສົມຢາງແບບ ແຣລລີຟອດສ2 (RallyForce2) ທີ່ໃຫ້ຄວາມທົນທານທີ່ດີກວ່າ ແລະ ການບໍລິການຮອບດ້ານຕະຫຼອດອາຍຸຂອງຢາງ ທັງການນຳໃຊ້ເທິງທາງລຽບ ແລະ ທາງລຸຍ. ການອອກແບບຢາງແບບໃໝ່ທີ່ມີ ໄຫຼ່ຄຸ້ຍ ຫຸ້ມຈາກດອກຢາງລົງມາເຖິງແກ້ມຢາງ ເຮັດໃຫ້ປ້ອງກັນຄວາມເສຍຫາຍທີ່ອາດຈະເກີດຂຶ້ນຕໍ່ແກ້ມຢາງ ແລະ ຮັບປະກັນປະສິດທິພາບ ແລະ ເກາະຖະໜົນເໜືອກວ່າເທິງສະພາບທາງລຸຍ.
  • ຄວາມປອດໄພທີ່ຍາວນານ ເຖິງວ່າຢາງຈະໃກ້ໝົດດອກຢາງ, ໂດຍການນຳໃຊ້ຮອຍຕັດໃນດອກຢາງທີ່ມີຄວາມໜາແບບຜະສົມຜະສານ ທີ່ມອບສ່ວນສຳຜັດຂອງພື້ນຢາງທີ່ດີເລີດ ຊ່ວຍໃຫ້ປະສິດທິພາບໃນການຄວບຄຸມ, ການເກາະຖະໜົນ ແລະ ເບຣກ ດີຍິ່ງຂຶ້ນ. ເມື່ອທຽບກັບຄູ່ແຂ່ງຊັ້ນນຳໃນສະພາບຖະໜົນປຽກ ມິຊລິນ ແອລທີເອັກສ໌ ເທຣວ ຢຸດສັ້ນກວ່າເຖິງ 3.1 ແມັດ ໃນຢາງສະພາບໃໝ່ ແລະ ເຖິງ 4.6 ແມັດ ໃນຢາງໃກ້ໝົດດອກຢາງ2. ໃນສະພາບຖະໜົນແຫ້ງ ມິຊລິນ ແອລທີເອັກສ໌ ເທຣວ ຢຸດສັ້ນກວ່າເຖິງ 3.8 ແມັດ3.
  • ລະດັບຄວາມດັນສຽງຕ່ຳກວ່າເຖິງ 19.8%4 ໂດຍການອອກແບບບລັອກດອກຢາງແບບດູໂອ-ຮາໂມນີ (Duo-Harmony Blocks) ບລັອກດອກຢາງຄູ່ທີ່ມີຮູບຊົງແຕກຕ່າງກັນຕັ້ງຢູ່ສ່ວນກາງຂອງຢາງລົດ ຊ່ວຍກະຈາຍພະລັງງານສຽງໃຫ້ກວ້າງຂຶ້ນ ເຮັດໃຫ້ການຂັບຂີ່ງຽບຂຶ້ນ.

ໃນປະເທດລາວ ມິຊລິນ ແອລທີເອັກສ໌ ເທຣວ ມີຈຳໜ່າຍແລ້ວ 9 ຂະໜາດ ໃນລໍ້ຂະໜາດລະຫວ່າງ 15 ນິ້ວ ເຖິງ 18 ນິ້ວ ທີ່ຕົວແທນຈຳໜ່າຍຢາງລົດມິຊລິນທົ່ວປະເທດ. ສຳລັບຂໍ້ມູນເພີ່ມເຕີມ ກະລຸນາເຂົ້າເວັບໄຊ້ (https://www.michelin.la).

ສາມາດວິດີໂອສຳພາດຄວາມຮູ້ສຶກຈາກຜູ້ທົດລອງໃຊ້ງານຕົວຈິງໄດ້ທີ່: https://bit.ly/3w4a9jJ

1ອີງຕາມການທົດສອບຂອງໜ່ວຍງານພາຍນອກ ເພື່ອທົດສອບຄວາມຫຼຸ້ຍຫ້ຽນຂອງຢາງລົດ ເຊິ່ງນຳໃຊ້ຢາງຂະໜາດ 265/65R17 LTX TRAIL 112T ໃນລົດ Toyota Fortuner 2013. ໃນການທົດສອບໂດຍບໍລິສັດ TUV Rheinland Thailand ຈຳກັດ ຕາມການຮຽກຮ້ອງຂໍຂອງ ມິຊລິນ ລະຫວ່າງເດືອນ ມີນາ ເຖິງ ເມສາ 2021 ໄລຍະທາງຈາກ ຈັງຫວັດສະຣະບຸຣີ ເຖິງ ຈັງຫວັດຊະເຊີງເຊົາ ປະເທດໄທ, ຢາງລົດ MICHELIN LTX Trail ມີອາຍຸການໃຊ້ງານສູງກວ່າຄູ່ແຂ່ງຊັ້ນນຳເຖິງ 41%. ປະສິດທິພາບການໃຊ້ງານເທິງຖະໜົນຕົວຈິງ ອາດຈະແຕກຕ່າງຕາມສະພາບອາກາດ, ພາຫະນະ ຫຼື ສະພາບຂອງດອກຢາງ.

2ອີງຕາມການທົດສອບຂອງໜ່ວຍງານພາຍນອກ ເພື່ອທົດສອບໄລຍະເບຣກໃນສະພາບຖະໜົນປຽກຂອງຢາງລົດທີ່ໃກ້ໝົດດອກຢາງ [ຄວາມເລິກຂອງຮ່ອງຢາງເຫຼືອ 2.0 mm], ໃນຄວາມໄວ 0-80 ກິໂລແມັດຕໍ່ຊົ່ວໂມງ ໂດຍນຳໃຊ້ຢາງຂະໜາດ 265/65R17 LTX TRAIL 112T ໃນລົດ Toyota Hilux Vigo 2020. ໃນການທົດສອບໂດຍບໍລິສັດ TUV Rheinland Thailand ຈຳກັດ ຕາມການຮຽກຮ້ອງຂໍຂອງ ມິຊລິນ ເດືອນ ມີນາ 2021 ທີ່ສະໜາມ Chang International Circuit ຈັງຫວັດ ບຸຣີຣຳ, ປະເທດໄທ, ຢາງລົດ MICHELIN LTX Trail ຫຍຸດສັ້ນກວ່າຢາງລົດຂອງຄູ່ແຂ່ງຊັ້ນນຳ ເຖິງ 4.6 ແມັດ. ສຳລັບຢາງໃໝ່, ຜົນການທົດສອບໄລຍະເບຣກສະພາບຖະໜົນປຽກແມ່ນສັ້ນກວ່າເຖິງ 3.1 ແມັດ. ປະສິດຕິພາບໃນການໃຊ້ງານເທິງຖະໜົນຕົວຈິງ ອາດຈະແຕກຕ່າງຕາມພຶດຕິກຳການຂັບຂີ່, ພາຫະນະ ຫຼື ລະດັບລົມຢາງ.

3ອີງຕາມການທົດສອບຂອງໜ່ວຍງານພາຍນອກ ເພື່ອທົດສອບໄລຍະເບຣກໃນສະພາບຖະໜົນແຫ້ງຂອງຢາງລົດສະພາບໃໝ່ໃນຄວາມໄວ 0-80 ກິໂລແມັດຕໍ່ຊົ່ວໂມງ ໂດຍນຳໃຊ້ຢາງຂະໜາດ 265/65R17 LTX TRAIL 112T ໃນລົດ Toyota Hilux Vigo 2020. ໃນການທົດສອບໂດຍບໍລິສັດ TUV Rheinland Thailand ຈຳກັດ ຕາມການຮຽກຮ້ອງຂໍຂອງ ມິຊລິນ ເດືອນ ມີນາ 2021 ທີ່ສະໜາມ Chang International Circuit ຈັງຫວັດ ບຸຣີຣຳ, ປະເທດໄທ, ຢາງລົດ MICHELIN LTX Trail ຫຍຸດສັ້ນກວ່າຢາງລົດຂອງຄູ່ແຂ່ງຊັ້ນນຳເຖິງ 3.8 ແມັດ. ປະສິດຕິພາບໃນການໃຊ້ງານເທິງຖະໜົນຕົວຈິງ ອາດຈະແຕກຕ່າງຕາມພຶດຕິກຳການຂັບຂີ່, ພາຫະນະ ຫຼື ລະດັບລົມຢາງ.

4ອີງຕາມການທົດສອບຂອງໜ່ວຍງານພາຍນອກ ເພື່ອທົດສອບສຽງໃນຫ້ອງໂດຍສານ ໃນຂະນະທີ່ໃຊ້ຄວາມໄວ 100 ກິໂລແມັດຕໍ່ຊົ່ວໂມງ ນຳໃຊ້ຢາງຂະໜາດ 265/65R17 ກັບລົດ Toyota Hilux Revo 2020. ຜົນນການທົດສອບໂດຍບໍລິສັດ TUV Rheinland Thailand ຈຳກັດ ຕາມການຮຽກຮ້ອງຂໍຂອງ ມິຊລິນ ເດືອນ ມີນາ 2021 ທີ່ສະໜາມ Chang International Circuit ຈັງຫວັດ ບຸຣີຣຳ, ປະເທດໄທ, ຢາງລົດ MICHELIN LTX Trail ມີລະດັບຄວາມດັນສຽງຕ່ຳກວ່າຢາງລົດຂອງຄູ່ແຂ່ງຊັ້ນນຳເຖິງ 19.8%. ປະສິດທິພາບໃນການໃຊ້ງານເທິງຖະໜົນຕົວຈິງ ອາດຈະແຕກຕ່າງຕາມພຶດຕິກຳການຂັບຂີ່, ພາຫະນະ ຫຼື ລະດັບລົມຢາງ.

 

ກ່ຽວກັບ ມິຊລິນ

ມິຊລິນ ບໍລິສັດຊັ້ນນຳໃນການຂັບເຄື່ອນ ໄດ້ອຸທິດຕົນເພື່ອພັດທະນາການຂັບເຄື່ອນຂອງລູກຄ້າຢ່າງຍືນຍົງ; ອອກແບບ ແລະ ຈຳໜ່າຍຢາງລົດທີ່ແທດເໝາະທີ່ສຸດ, ໃຫ້ບໍລິການ ແລະ ຫາທາງອອກໃຫ້ແກ່ຄວາມຕ້ອງການຂອງລູກຄ້າ; ໃຫ້ບໍລິການທາງດິຈິຕ້ອນ, ແຜນທີ່ ແລະ ຄຳແນະນຳ ເພື່ອຊ່ວຍໃຫ້ການເດີນທາງ ແລະ ການທ່ອງທ່ຽວເປັນປະສົບການທີ່ໜ້ໜ້າຈົດຈຳ; ແລະ ພັດທະນາສ່ວນປະກອບໂດຍນຳໃຊ້ເຕັກໂນໂລຊີຂັ້ນສູງ ເພື່ອສະໜອງໃຫ້ແກ່ບັນດາຂະແໜງອຸດສາຫະກຳ. ສຳນັກງານໃຫຍ່ຕັ້ງຢູ່ທີ່ Cleemont-Ferrand, ປະເທດຝຣັ່ງ, ມິຊລິນ ມີຕົວແທນຢູ່ໃນ 170 ປະເທດ ແລະ ມີພະນັກງານ 123,600 ຄົນ ແລະ ດຳເນີນການຜະລິດໃນຖານຜະລິດ 71 ແຫ່ງ ເຊິ່ງທັງໝົດໄດ້ຜະລິດຢາງລົດກວ່າ 170 ລ້ານເສັ້ນໃນປີ 2020.  (www.michelin.com)

Advertisement Replay Ad
ຮູ້ສຶກບໍ່ມີຄວາມສຸກ? ລອງເອົາວິທີເຫຼົ່ານີ້ໄປໃຊ້ ເພາະສາມາດເພີ່ມຄວາມສຸກໃຫ້ກັບເຈົ້າໄດ້ງ່າຍໆ ແລະ ໄດ້ຜົນແທ້

ຮູ້ສຶກບໍ່ມີຄວາມສຸກ? ລອງເອົາວິທີເຫຼົ່ານີ້ໄປໃຊ້ ເພາະສາມາດເພີ່ມຄວາມສຸກໃຫ້ກັບເຈົ້າໄດ້ງ່າຍໆ ແລະ ໄດ້ຜົນແທ້

ມິຊລິນ ພູມໃຈນຳສະເໜີ MICHELIN LTX TRAIL ເພື່ອຈັບຕະຫຼາດລົດກະບະສູງ ແລະ ລົດ SUV ທີ່ກຳລັງເຕີບໂຕ

ມິຊລິນ ພູມໃຈນຳສະເໜີ MICHELIN LTX TRAIL ເພື່ອຈັບຕະຫຼາດລົດກະບະສູງ ແລະ ລົດ SUV ທີ່ກຳລັງເຕີບໂຕ

5 ເຕັກນິກເຮັດວຽກຢູ່ເຮືອນ ບອກລາສະມາທິສັ້ນ

5 ເຕັກນິກເຮັດວຽກຢູ່ເຮືອນ ບອກລາສະມາທິສັ້ນ

ລວມສາລະພັດວິທີແກ້ອາການຂີ້ລືມ ງ່າຍໆ ໄດ້ຜົນແທ້

ລວມສາລະພັດວິທີແກ້ອາການຂີ້ລືມ ງ່າຍໆ ໄດ້ຜົນແທ້

ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ