ຮູ້ຈັກ "ນຸ່ຍ ນົບຊະພອນ" ນັກອອກແບບຄົນສະຫວັນ ເຈົ້າຂອງແບບຊຸດປະຈໍາຊາດປີນີ້

ຫຼາຍຄົນຄົງເຄີຍເຫັນຜົນງານອອກແບບເສື້ອໄຫມດີສນີ ມື້ນີ້ມ່ວນຈະພາມາຮູ້ຈັກດີໄຊເນີສາວສະຫວັນນະເຂດ ຜູ້ມີທັງຄວາມສາມາດ ແລະ ພອນສະແຫວງໃນການອອກແບບຊຸດເລີດໆດ້ວຍແນວຄິດທີ່ສ້າງສັນກັບຜົນງານຊຸດ"ຜືນແຜ່ນດິນຄໍາແຫ່ງແດນຈໍາປາ" ແນ່ນອນຄົນທີ່ເຮົາເວົ້າເຖິງຢູ່ນັ້ນກໍຄື "ນົບຊະພອນ ຈັນທະວົງ " ຫລື ນຸ່ຍນັ້ນເອງ. ປັດຈຸບັນນຸ່ຍມີອາຊີບຄ້າຂາຍ ແລະ ເຮັດຟຣີແລນທົ່ວໄປ ພົບກັບບົດສໍາພາດພິເສດ ແລະ ຜົນງານອອກແບບບາງສ່ວນທີ່ມີລວດລາຍງົດງງາມຈົນໄດ້ຮັບຄໍາຍ້ອງບໍ່ຂາດສາຍທີ່ມ່ວນໄດ້ນໍາມາຝາກກັນເລີຍ.

ນຸ່ຍ ເຄີຍປະກວດອອກແບບຊຸດກັບໂຄງການອອກແບບລາວແຟຊັນມາກ່ອນຕິດ 1 ໃນ5 ແຕ່ຖອນໂຕກ່ອນ ເພາະຕິດຂັດ ແລະ ບໍ່ສະດວກແດ່ຕອນນັ້ນ. ແຕ່ປີນີ້ບໍ່ພາດ ສາມາດຄວ້າລາງວັນທີ 1​ ມາໄດ້ຢ່າງສົມໃຈ.  ທີ່ຜ່ານມາເຄີຍອອກແບບມາຫລາຍແນວຫລາຍສະໄຕລເລີຍ ແຕ່ທີ່ເປັນຈຸດແຂງທີ່ສຸດແມ່ນຜ້າໄຫມ ແລະ ທີ່ຜ່ານມາແມ່ນບໍ່ເຄີຍຜ່ານການຮຽນສາຍອອກແບບມາກ່ອນເລີຍ ເຊິ່ງເປັນຄວາມມັກຮັກສ່ວນໂຕ. ສໍາລັບຜົນງານທີ່ພາກພູມໃຈທີ່ຊຸດຄືຊຸດກາຕູນດິສນີທີ່ໃສ່ຊຸດຜ້າໄຫມລາວ ແລະ ກໍຊຸດປະຈຳຊາດທີ່ສົ່ງເຂົ້າປະກວດໃນເວທີ Miss Universe ປີນີ້.

ຮູ້ໂຕແຕ່ຍັງນ້ອຍເລີຍ ເພາະມັກແຕ້ມຮູບຊຸດ ມັກຫລິ້ນຊຸດຕຸກຕາເຈ້ຍ ໃຊ້ເວລເຝິກມາເລື້ອຍໆ ແຕ່ມາຈິງຈັງເມື່ອ 3-4 ປີກ່ອນ ແຕ່ກໍມາໆຫາຍໆ ເນື່ອງຈາກວຽກຫລັກທີ່ຮັດກຸມ.

ສິ່ງທີ່ເຮັດໃຫ້ຕັດສິນໃຈເລືອກສົ່ງຊຸດ ຜືນແຜ່ນດິນຄໍາແຫ່ງແດນຈໍາປາ ມາປະກວດ ໃນເວທີ Miss Universe Laos ນຸ່ຍໄດ້ໃຫ້ສໍາພາດກັບມ່ວນວ່າ "ສົ່ງຊຸດນີ້ເຂົ້າໃນການປະກວດເພື່ອຢາກນຳເອົາສິ່ງທີ່ເປັນຄວາມເປັນລາວ ບໍ່ວ່າຈະເປັນລວດລາຍລາຍ ແລະ ເອກະລັກປະຈຳຊາດລາວອອກມາໃຫ້ຕ່າງຊາດໄດ້ເຫັນ ເຊິ່ງຄິດວ່າຫນ້າຊິຕອບໂຈດກັບຫົວຂໍ້ຂອງກອງປະກວດໃນປີນີ້ ເລີຍເລືອກຊຸດນີ້ລົງປະກວດ" 

ສໍາລັບຄວາມທ້າທາຍ ຊຸດນີ້ໃຊ້ເວລາ 3 ມື້ ໃນການເຮັດຊຸດນີ້ກໍຄືລວດລາຍລາວ ເພາະໄດ້ເລືອກເອົາລວດລາຍທີ່ພົ້ນເດັ່ນຂອງວັດຊຽງທອງແກະລາຍອອກມາ ແລະ ເປັນງານທີ່ບໍ່ຄ່ອຍໄດ້ເຮັດແດ່ສຳລັບລາຍລາວ. ຈຸດເດັ່ນໆທີ່ສຸດກໍຄືດອກຈຳປາ ແລະ ລວດລາຍເທິງແຜ່ນຜ້າເລີຍ ເພາະເປັນລາຍລາວຈາກປູຊະນີຍະສຖານໂດຍຕົງເລີຍ.

ແຮງບັນດານໃຈມາຈາກດອກຈຳປາ​ ທີ່ເປັນດອກໄມ້ປະຈຳຊາດລາວທີ່ໄດ້ປະສົມປະສານກັບລວດລາຍລາວທີ່ເປັນເອກະລັກມາແຕ່ບູຮານນະການ​ ທີ່ໄດ້ແກະແບບລວດລາຍອອກມາຈາກປູຊະນິຍະສະຖານທີ່ສຳຄັນຂອງລາວເຮົາອີກແຫ່ງກໍຄື "ວັດຊຽງທອງ"​ເຊິ່ງວັດດັງກ່າວກໍ່ໄດ້ຮັບການຍ້ອງຍໍວ່າເປັນ​ ອັນຍະມະນີ​ຂອງ​ສະຖາປັດຕະຍະກຳລາວອີກດ້ວຍ.

ສາມາດຕິດຕາມໄດ້ເລີຍ ຜ່ານຊ່ອງທາງ FB: Nenui nopsaphone ແລະ Page: Nenui artist