ວັນພຸດ ທີ 27 ຕຸລາ 2021

ລວມສາລະພັດວິທີແກ້ອາການຂີ້ລືມ ງ່າຍໆ ໄດ້ຜົນແທ້

ລວມສາລະພັດວິທີແກ້ອາການຂີ້ລືມ ງ່າຍໆ ໄດ້ຜົນແທ້
S! Muan

ສະໜັບສະໜູນເນື້ອຫາ

ເຖິງແມ່ນເຮົາຍັງບໍ່ແກ່ເຖົ້າ ເຮົາກໍອາດຫຼົງໆ ລືມໆ ໄດ້ ເພາະການໃຊ້ຊີວິດໃນແຕ່ລະມື້ເຮົາຕ່າງເຮັດກິດຈະກຳຫຼາຍຢ່າງ ບາງເທື່ອເຮົາອາດຫຼົງລືມບາງຢ່າງທີ່ເຮົາເຮັດເປັນກິດຈະວັດໄດ້. ອາການເຫຼົ່ານີ້ອາດເບິ່ງບໍ່ມີຫຍັງຜິດປົກກະຕິ ແຕ່ຖ້າເກີດຂຶ້ນເລື້ອຍໆ ນັ້ນອາດເປັນສັນຍານຂອງ “ພະຍາດຄວາມຈຳເສື່ອມ” ເຊິ່ງສາເຫດຫຼັກນັ້ນມີຫຼາຍປັດໄຈ. ກ່ອນເຮົາຈະແກ້ອາການຂີ້ຫຼົງຂີ້ລືມເຮົາຕ້ອງຮູ້ກ່ອນວ່າ “ສາເຫດ” ຂອງອາການຂີ້ຫຼົງຂີ້ລືມເກີດຈາກຫຍັງກັນແດ່.

ສາເຫດຂອງອາການຂີ້ລືມ

  1. ພັກຜ່ອນບໍ່ພຽງພໍພາຂີ້ຫຼົງຂີ້ລືມ

ຫາກພັກຜ່ອນບໍ່ພຽງພໍຕິດຕໍ່ກັນເປັນເວລາຫຼາຍມື້ ຫຼື ນອນນ້ອຍກວ່າ 7-8 ຊົ່ວໂມງ ຈະເຮັດໃຫ້ສະໝອງເຮັດວຽກໜັກຕໍ່ເນື່ອງຈົນເກີດຄວາມເມື່ອຍເພຍ ສົ່ງຜົນໃຫ້ເຮົາບໍ່ມີສະມາທິ, ຫງຸດຫງິດງ່າຍ ລວມທັງເກີດອາການຂີ້ລືມໄດ້. ຫາກເກີດຈາກການນອນບໍ່ຫຼັບຕໍ່ເນື່ອງຫຼາຍມື້ອາດຕ້ອງເຂົ້າພົບແພດເພື່ອກວດ ແລະ ຮັບຄຳປຶກສາບັນຫາດ້ານການນອນຫຼັບ.

  1. ຮ່າງກາຍເມື່ອຍເກີນໄປ

ເຖິງວ່າຈະນອນຄົບ 8 ຊົ່ວໂມງແລ້ວແຕ່ກໍຍັງຫຼົງໆລືມໆຢູ່ ອາດເປັນເພາະວ່າເມື່ອຍເກີນໄປ ສົ່ງຜົນຕໍ່ຄວາມຈຳ ແລະ ສະໝອງເຮັດໃຫ້ຂີ້ລືມນັ້ນເອງ.

  1. ເຮັດຫຼາຍຢ່າງໃນເວລາດຽວກັນ

ແມ່ນຢູ່ວ່າຄົນເຮົາອາດເຮັດໄດ້ຫຼາຍຢ່າງພ້ອມກັນ ແຕ່ຄວາມຈິງແລ້ວສະໝອງເຮົາຈົດຈໍ່ຫຍັງໄດ້ພຽງແຕ່ຢ່າງດຽວ. ການເຮັດຫຼາຍຢ່າງພ້ອມກັນອາດຈະເຮັດໃຫ້ເຮົາບໍ່ຈົດຈໍ່ໄດ້ ແລະ ຕາມມາດ້ວຍການລືມວ່າເຮົາຈະເຮັດຫຍັງເພາະເຮົາສົນໃຈສິ່ງໆນັ້ນຢ່າງເຕັມ 100 ນັ້ນເອງ.

  1. ດື່ມເຫຼົ້າເບຍ ຫຼື ທາດເຫຼົ້າຫຼາຍໄປ

ການດື່ມທາດເຫຼົ້າໃນປະລິມານຫຼາຍ ຫຼື ດື່ມທຸກມື້ຈະສົ່ງຜົນກະທົບຕໍ່ສະໝອງໃນສ່ວນຂອງຮິບໂປແຄມປັສ (Hippocampus) ເຊິ່ງເປັນສ່ວນທີ່ກ່ຽວຂ້ອງກັບຄວາມຊົງຈຳ. ການເຮັດວຽກງານຂອງສະໝອງໃນສ່ວນນີ້ຈະຫຼຸດລົງເຮັດໃຫ້ເກີດອາການຫຼົງລືມໃນໄລຍະເວລາທີ່ດື່ມທາດເຫຼົ້າ ເຮັດໃຫ້ບາງຄົນຈຳບໍ່ໄດ້ວ່າເກີດຫຍັງຂຶ້ນດ້ວຍໃນໄລຍະເວລານັ້ນ.

  1. ສະພາວະຄວາມເຄັ່ງຄຽດສະໝອງເຮັດວຽກໜັກ

ບໍ່ແມ່ນພຽງແຕ່ຄວາມເຄັ່ງຄຽດເທົ່ານັ້ນ ຄວາມຮູ້ສຶກດ້ານລົບທີ່ສົ່ງຜົນຕໍ່ຄວາມຮູ້ສຶກ ເຊັ່ນ: ຄວາມກັງວົນ ຫຼື ອາລົມເສົ້າ ເປັນສາເຫດທີ່ສົ່ງຜົນຕໍ່ຄວາມຊົງຈຳເຊັ່ນກັນ. ເນື່ອງຈາກເມື່ອເຮົາຕົກຢູ່ໃນສະພາວະເຫຼົ່ານີ້ຈະເຮັດໃຫ້ສະໝອງຫຼັ່ງສານສື່ປະສາດຫຼາຍກວ່າປົກກະຕິ ມີຜົນໃຫ້ເກີດບັນຫາດ້ານຄວາມຈື່ຈຳ. ນອກຈາກນີ້ຍັງສ່ຽງອາການນອນບໍ່ຫຼັບອີກດ້ວຍ.

  1. ພະຍາດຊຶມເສົ້າ

ອາການຂີ້ຫຼົງຂີ້ລືມອາດເກີດຂຶ້ນໃນຄົນເຈັບພະຍາດຊຶມເສົ້າ ເນື່ອງຈາກບໍ່ສາມາດຈົດຈໍ່ກັບສິ່ງທີ່ຢູ່ຕໍ່ໜ້າໄດ້ ລວມທັງຄວາມປົກກະຕິຂອງສານເຄມີໃນສະໝອງທີ່ມີຜົນຕໍ່ຄວາມຈື່ຈຳ ແລະ ຄວາມຄິດໄດ້ເຊັ່ນກັນ.

  1. ພະຍາດປະຈຳຕົວ

ເຊັ່ນ ໄທຣອຍ, ຄວາມດັນເລືອດສູງ, ຕັບ ແລະ ໝາກໄຂ່ຫຼັງ ຫຼື ເບົາຫວານ. ພະຍາດເຫຼົ່ານີ້ມີຜົນຕໍ່ການສົ່ງເລືອດໄປລ້ຽງສະໝອງ ໄຂມັນໃນເລືອດທີ່ສູງຈະສົ່ງຜົນໃຫ້ສະໝອງເຮັດວຽກຜິດປົກກະຕິ ແລະສາມາດສົ່ງຜົນຕໍ່ຄວາມຊົງຈຳ. ນອກຈາກນີ້ການປິ່ນປົວພະຍາດດ້ວຍຢາບາງຊະນິດຍັງມີຜົນຂ້າງຄຽງກັບການເຮັດວຽກງານຂອງສະໝອງ.

  1. ການກິນຢາບາງຊະນິດ

ຢາໃນກຸ່ມແອນຕີ້ໂຄລິເນີຈິກ (Anticholinergic) ຍາກຸ່ມນີ້ຈະເຂົ້າໄປຂັດການເຮັດວຽກງານຂອງສານສື່ປະສາດດ້ານຄວາມຈຳ ສາມາດພົບໄດ້ໃນຢາລະງັບປະສາດ, ຢາລົດໄຂມັນໃນເລືອດ, ພະຍາດພູມແພ້, ພະຍາດປະສາດ, ພະຍາດຍ່ຽວບໍ່ສະດວກ, ພະຍາດຫົວໃຈ ແລະ ພະຍາດຄວາມດັນເລືອດ ເປັນຕົ້ນ.

  1. ການປ່ຽນແປງຂອງຮ່າງກາຍຍາກຈະຫຼີກລ້ຽງ

ເປັນສາເຫດທີ່ຍາກຈະຫຼີກລ້ຽງໂດຍສະເພາະອາຍຸທີ່ຫຼາຍຂຶ້ນໃນໄວຕັ້ງແຕ່ 45 ປີຂຶ້ນໄປ ຄວາມຈຳອາດມີບັນຫາເລັກໆ ນ້ອຍໆ ເຖິງແມ່ນຈະປ້ອງກັນໄດ້ຍາກ ແຕ່ການເບິ່ງແຍງຕົນເອງໃຫ້ເໝາະສົມຕາມໄລຍະໄວຈະສາມາດຊ່ວຍປິ່ນປົວສະພາບຂອງຮ່າງກາຍໃຫ້ເສື່ອມຊ້າທີ່ສຸດໄດ້ ເຊັ່ນ ການກິນອາຫານທີ່ມີປະໂຫຍດ, ໝັ່ນອອກກຳລັງການ ແລະ ນອນຫຼັບພັກຜ່ອນໃຫ້ພຽງພໍ.

ຫາກເກີດອາການຫຼົງລືມຫຼາຍເທື່ອຫຼາຍຂຶ້ນ ຫຼື ເປັນຊຳເຮື້ອ ນັ້ນອາດເປັນສັນຍານຂອງພະຍາດທາງສະໝອງ ເຊັ່ນ ພະຍາດຄວາມຈຳເສື່ອມ ເພື່ອປ້ອງກັນພະຍາດດັ່ງກ່າວເຮົາຄວນເບິ່ງແຍງຕົນເອງໃຫ້ຫຼາຍຂຶ້ນ ແລະ ເຂົ້າພົບແພດເພື່ອຮັບຄຳປຶກສາເມື່ອເກີດບັນຫາດ້ານຄວາມຈຳຫຼາຍເທື່ອ. ແມ່ນຢູ່ທີ່ອາການຂີ້ລືມນີ້ ເປັນເລື່ອງທຳມະດາທີ່ໃຜໆກໍເປັນໄດ້ ແຕ່ຖ້າຂີ້ລືມເລື້ອຍໆຈົນກະທັ້ງເສຍງານເສຍການ ຄົງຕ້ອງຫາທາງແກ້ໄຂໂດຍດ່ວນກ່ອນທີ່ຈະຕິດເປັນນິໄສທີ່ແກ້ຍາກ. ມື້ນີ້ເຮົາມີເຕັກນິກແກ້ນິໄສຂີ້ລືມມາຝາກທຸກຄົນໃຫ້ລອງນຳໄປໃຊ້ເບິ່ງ.

ວິທີແກ້ອາການຂີ້ລືມ

1. ນອນຫຼັບພັກຜ່ອນໃຫ້ພຽງພໍ

ຫາກພັກຜ່ອນບໍ່ພຽງພໍຕິດຕໍ່ກັນເປັນເວລາຫຼາຍມື້ ຫຼື ນອນນ້ອຍກວ່າ 7-8 ຊົ່ວໂມງ ຈະເຮັດໃຫ້ສະໝອງເຮັດວຽກໜັກຕໍ່ເນື່ອງຈົນເກີດຄວາມເມື່ອຍລ້າສົ່ງຜົນໃຫ້ເຮົາບໍ່ມີສະມາທິ, ຫງຸດຫງິດງ່າຍ ລວມທັງເກີດອາການຂີ້ລືມໄດ້. ຫາກເກີດຈາກການນອນບໍ່ຫຼັບຕໍ່ເນື່ອງຫຼາຍມື້ອາດຕ້ອງເຂົ້າພົບແພດເພື່ອກວດ ແລະຮັບຄຳປຶກສາບັນຫາດ້ານການນອນຫຼັບ.

2. ຈົດບັນທຶກ

ເປັນວິທີພື້ນຖານທີ່ໃຜໆກໍຄົງນຶກເຖິງເປັນອັນດັບທຳອິດແມ່ນບໍ່? ການຈົດບັນທຶກລົງປຶ້ມນັ້ນຊ່ວຍໃຫ້ຊີວິດຂອງເຈົ້າງ່າຍຂຶ້ນ ເພາະການຈົດຈະຊ່ວຍຢ້ຳໃຫ້ສະໝອງຈຳເລື່ອງລາວຕ່າງໆທີ່ເຈົ້າບັນທຶກລົງໄປ. ບໍ່ວ່າຈະເປັນການຈົດບັນທຶກເລື່ອງເລັກໆນ້ອຍໆ, ການຈົດບັນທຶກແຜນການທີ່ຕ້ອງເຮັດໃນແຕ່ລະມື້ແຕ່ລະອາທິດ ຫຼື ໃນເດືອນຖັດໄປເປັນຕົ້ນ. ການມີປຶ້ມບັນທຶກເປັນສິ່ງຈຳເປັນສຳລັບຄົນຂີ້ລືມເດີ. ເຈົ້າຄວນຈົດໃນມືຖື ຫຼື ຖືປຶ້ມນ້ອຍໆຕິດຕົວໄວ້ ເພື່ອຊ່ວຍເຕືອນສິ່ງທີ່ເຈົ້າຈະຕ້ອງເຮັດໃນແຕ່ລະມື້. ການຝຶກຈົດບັນທຶກໃຫ້ເປັນນິໄສກໍຈະຊ່ວຍແກ້ນິໄສຂີ້ລືມຂອງເຈົ້າໄດ້ຫຼາຍເລີຍ.

3. ຕິດເຈ້ຍໂນ້ດ (Post-it)

ໃຊ້ເຈ້ຍໂນ້ດຕິດເພື່ອເຕືອນສິ່ງທີ່ເຮົາອາດຈະລືມໄດ້ ແລະ ຄວນຕິດໃນຈຸດສຳຄັນເຊັ່ນ ໜ້າປະຕູຫ້ອງ/ເຮືອນ, ໜ້າຫ້ອງນ້ຳ, ໜ້າລົດ ເປັນຕົ້ນ. ເຈົ້າເຄີຍເຫັນຄົນເຮັດວຽກຫ້ອງການທີ່ເຂົາຈະຕິດໂນ້ດໄວ້ຕາມຈໍຄອມພິວເຕີ ຫຼື ຂອບໂຕະແມ່ນບໍ ຫຼື ຖ້າເຈົ້າຢູ່ຕິດເຮືອນເປັນສ່ວນໃຫຍ່ປະຕູຕູ້ເຢັນກໍຄົງເໝືອນກະດານດຳທີ່ມີພື້ນທີ່ໃຫ້ເຈົ້າຕິດນັ້ນຕິດນີ້ຕາມໃຈມັກ. ການຕິດເຈ້ຍໂນ້ດໄວ້ໃນບ່ອນທີ່ເຈົ້າເບິ່ງເຫັນງ່າຍໆ ຫຼື ຍ່າງຜ່ານປະຈຳ ຈະຊ່ວຍເຕືອນສະໝອງຂອງເຈົ້າໃຫ້ຈື່ຈຳເລື່ອງທີ່ເຈົ້າຈະຕ້ອງເຮັດໄດ້ດີຂຶ້ນ.

4. ຈັດລະບຽບສິ່ງຂອງພາຍໃນເຮືອນ

ການເກັບເຂົ້າຂອງເຄື່ອງໃຊ້ໃຫ້ເປັນທີ່ ເປັນໝວດໝູ່ ສາມາດເຮັດໃຫ້ເຮົາໄຈ້ແຍກຄວາມຄິດໄດ້ວ່ອງໄວເວລາທີ່ຕ້ອງຄິດວ່າຂອງສິ່ງນີ້ຢູ່ບ່ອນໃດ ເຊັ່ນ: ກະແຈເຮືອນຈະແຂວນຢູ່ຂ້າງປະຕູ ຫຼື ຢາປະຈຳຕົວວາງຢູ່ເທິງຫົວຕຽງ, ອຸປະກອນເຄື່ອງມືຕ່າງໆເກັບຢູ່ໃນຫ້ອງເກັບເຄື່ອງເປັນຕົ້ນ. ການຈັດລະບຽບການເກັບເຄື່ອງແບບນີ້ຈະເຮັດໃຫ້ເຈົ້າບໍ່ລືມວ່າເກັບຫຍັງໄວ້ບ່ອນໃດແດ່.

5. ກິນອາຫານ ຫຼື ວິຕາມິນທີ່ຊ່ວຍບຳລຸງສະໝອງ

ນອກຈາກອາຫານຫຼັກ 5 ໝວດທີ່ເຈົ້າຕ້ອງກິນເປັນປະຈຳທຸກມື້ແລ້ວ ວິຕາມິນ ຫຼື ອາຫານເສີມກໍອາດຈະເປັນສິ່ງຈຳເປັນສຳລັບຄົົນທີ່ມີອາການຂີ້ຫຼົງຂີ້ລືມ ໂດຍອາຫານທີ່ຊ່ວຍເພີ່ມຄວາມຈຳໄດ້ແກ່ ໃບແປະກ໊ວຍ, ຜັກຫົມ ຫຼື ວິຕາມິນຈຳພວກນ້ຳມັນຕັບປາ ເປັນຕົ້ນ. ນອກຈາກນີ້ການພັກຜ່ອນຢ່າງພຽງພໍກໍສົ່ງຜົນເລື່ອງຄວາມຈຳ ເພາະເມື່ອສະໝອງປອດໂປ່ງແຈ່ມໃສກໍຈະມີຄວາມຈຳທີ່ດີນັ້ນເອງ.

6. ຈັດລຳດັບຄວາມຄິດ

ການຈັດລຳດັບຄວາມຄິດຄວາມສຳຄັນ ກໍຄືກັບການປະມວນຜົນພາຍໃນສະໝອງຂອງເຈົ້າ ຄືກັບການຈັດຊັ້ນໜັງສື. ເມື່ອເຈົ້າມີການແຍກເລື່ອງຕ່າງໆ ອອກເປັນຫົວຂໍ້ໆ ກໍຕ້ອງມີລາຍລະອຽດມີແຜນຜັງ ຈຶ່ງຈະເຮັດໃຫ້ເຈົ້າເຫັນພາບລວມຂອງສິ່ງທີ່ເຈົ້າຈະຕ້ອງເຮັດ ແລະ ຈັດລຳດັບຄວາມສຳຄັນໄດ້ງ່າຍຂຶ້ນ. ການປະມວນຄວາມຄິດເປັນຂັ້ນເປັນຕອນ ຈະເຮັດໃຫ້ເຈົ້າຈື່ຈຳໄດ້ງ່າຍຂຶ້ນ ແລະ ບໍ່ລືມວ່າຈະເຮັດຫຍັງ. ເຕັກນິກນີ້ແນະນຳໃຫ້ ເຮົາຂຽນລຳດັບທີ່ເຮົາຈະເຮັດອອກມາ ອັນໃດເຮັດກ່ອນເຮັດຫຼັງ, ອັນໃດສຳຄັນ ມີລາຍລະອຽດແຕ່ລະລຳດັບ ແລະ ມີກຳນົດເວລາ.

7. ເຮັດເທື່ອລະຢ່າງ

ການຈື່ຈຳພຽງແຕ່ສິ່ງດຽວສຳລັບບາງຄົນກໍຍັງລືມ ຄົງບໍ່ຕ້ອງເວົ້າເຖິງການຈື່ຈຳຫຍັງຫຼາຍໆຢ່າງໃນເວລາດຽວກັນ ເຊັ່ນ: ການຂັບລົດພ້ອມກັບລົມໂທລະສັບໄປນຳ ພໍຮູ້ຕົວອີກເທື່ອກໍຂັບໄປທາງໃດແລ້ວກໍບໍ່ຮູ້. ນັ້ນກໍເພາະວ່າເຈົ້າບໍ່ມີສະມາທິເຮັດໃຫ້ຄວາມສາມາດໃນການຈົດຈຳສິ່ງຕ່າງໆຫຼຸດລົງໄປນຳ. ສະນັ້ນເຈົ້າຄວນຈະເຮັດເທື່ອລະຢ່າງ ເພື່ອຈົດຈໍ່ ແລະ ຈື່ຈຳກັບສິ່ງທີ່ກຳລັງເຮັດໃຫ້ດີຍິງຂຶ້ນ.

8. ບໍລິຫານສະໝອງ

ນອກເໜືອຈາກກິດຈະວັດປະຈຳວັນທີ່ເຈົ້າຕ້ອງເຮັດທຸກມື້ແລ້ວ ເຈົ້າຄວນແບ່ງເວລາມາເຮັດກິດຈະກຳທີ່ແຕກຕ່າງນຳ ເຊັ່ນ: ອອກກຳລັງກາຍ, ຫຼິ້ນດົນຕີ, ຮ້ອງເພງ ເພື່ອບໍລິຫານສະໝອງຂອງເຈົ້າໃຫ້ມີຄວາມຕື່ນຕົວເພີ່ມຄວາມຄິດທີ່ວ່ອງໄວຂຶ້ນ ເຊິ່ງສົ່ງຜົນໃຫ້ມີອາການຫຼົງລືມນ້ອຍລົງ.

9. ຫຼຸດການດື່ມທາດເຫຼົ້າ

ການດື່ມເປັນປະຈຳ ຫຼື ດື່ມຈົນຕິດນັ້ນສົ່ງຜົນຕໍ່ສະໝອງໂດຍກົງ ເຮັດໃຫ້ເກີດຄວາມຈຳເສື່ອມຂີ້ຫຼົງຂີ້ລືມ. ນອກຈາກນີ້ຍັງສົ່ງຜົນໃຫ້ຄົົນທີ່ດື່ມສູນເສຍການຊົງຕົວ ຍ່າງບໍ່ຊື່ທາງ ມີການປ່ຽນແປງທາງບຸກຄະລິກກະພາບ, ບໍ່ສົນໃຈສິ່ງອ້ອມຂ້າງ ມີຜົນຕໍ່ລະບົບທາງເດີນອາຫານ ແລະ ຕັບ, ລະບົບເມັດເລືອດ, ອັດຕາການເກີດມະເຮັງໃນອະໄວຍະວະຕ່າງໆ, ລະບົບຂັບຖ່າຍ ແລະ ອະໄວຍະວະສືບພັນ. ນອກຈາກບັນຫາສ່ວນບຸກຄົນແລ້ວ ຍັງອາດເກີດອຸບັດເຫດທີ່ເກີດຈາກການມຶນເມົາອີກດ້ວຍ. ເພາະສະນັ້ນ ຄວນດື່ມແຕ່ພໍດີ ຊັ່ງໃຈເຖິງຜົນໄດ້ຜົນເສຍໄວ້ນຳ. ຫາກເປັນບໍ່ໄດ້ການບໍ່ດື່ມເລີຍຈະເປັນການດີທີ່ສຸດ.

10. ເວົ້າກັບຕົວເອງເລື້ອຍ

ການເວົ້າກັບຕົວເອງບໍ່ໄດ້ແປວ່າເຈົ້າບ້າ ຫຼື ສະຕິບໍ່ດີໃດ ແຕ່ການເວົ້າກັບຕົວເອງໂດຍໄລ່ລຽງວ່າມື້ນີ້ຈະເຮັດຫຍັງ, ໄປໃສແດ່ ກ່ອນທີ່ຈະເລີ່ມຕົ້ນເຮັດກິດຈະກຳ ກໍເປັນຄືກັບການເຕືອນສະຕິ ແລະ ຢ້ຳກັບຕົວເອງໃຫ້ຈຳໃນສິ່ງທີ່ຕ້ອງເຮັດ  ເຊິ່ງຈະເຮັດໃຫ້ເຮົາຈຳໄດ້ນັ້ນເອງ.

11. ເຮັດສິ່ງຕ່າງໆໃຫ້ຊ້າລົງ

ຫາກເຈົ້າເປັນຄົນຄິດໄວ, ເຮັດໄວ ແລະ ເວົ້າໄວ ຈະເຮັດໃຫ້ເຈົ້າຈື່ຈຳລາຍລະອຽດຕ່າງໆໄດ້ນ້ອຍລົງ. ແຕ່ຖ້າຫາກເຈົ້າເຮັດໃຫ້ຊ້າລົງແດ່, ຄ່ອຍໆຄິດ, ຄ່ອຍໆເຮັດ ແລະ ໃສ່ໃຈໃນລາຍລະອຽດຂອງແຕ່ລະສິ່ງທີ່ເຮັດຫຼາຍຂຶ້ນ ສະໝອງຂອງເຈົ້າກໍຈະຈື່ຈຳເລື່ອງລາວຕ່າງໆໄດ້ຫຼາຍຂຶ້ນ. ອາການຂີ້ຫຼົງຂີ້ລືມກໍຈະດີຂຶ້ນນຳ.

ໝູ່ເພື່ອນລອງນຳເຕັກນິກພວກນີ້ໄປປັບໃຊ້ເບິ່ງ ໜ້າຈະຊ່ວຍເລື່ອງຄວາມຈຳໄດ້ບໍ່ຫຼາຍກໍນ້ອຍ ແຕ່ຫາກວິທີທີ່ເຮົານຳມາສະເໜີຍັງບໍ່ໄດ້ຜົນ ແລະ ເກີດອາການຫຼົງລືມຫຼາຍເທື່ອຫຼາຍຂຶ້ນ ຫຼື ເປັນຊຳເຮື້ອ ນັ້ນອາດເປັນສັນຍານຂອງພະຍາດທາງສະໝອງ ເຊັ່ນ ພະຍາດຄວາມຈຳເສື່ອມ, ເພື່ອປ້ອງກັນພະຍາດດັ່ງກ່າວເຮົາຄວນເບິ່ງແຍງຕົນເອງໃຫ້ຫຼາຍຂຶ້ນ ແລະ ເຂົ້າພົບແພດເພື່ອຮັບຄຳປຶກສາເມື່ອເກີດບັນຫາດ້ານຄວາມຈື່ຈຳ ເພື່ອບໍ່ໃຫ້ອາການເຫຼົ່ານີ້ກະທົບຕໍ່ການໃຊ້ຊີວິດປະຈຳວັນ.

 

Advertisement Replay Ad

ຂໍຂອບໃຈ

ຂໍ້ມູນ : sanook

5 ເຕັກນິກເຮັດວຽກຢູ່ເຮືອນ ບອກລາສະມາທິສັ້ນ

5 ເຕັກນິກເຮັດວຽກຢູ່ເຮືອນ ບອກລາສະມາທິສັ້ນ

ລວມສາລະພັດວິທີແກ້ອາການຂີ້ລືມ ງ່າຍໆ ໄດ້ຜົນແທ້

ລວມສາລະພັດວິທີແກ້ອາການຂີ້ລືມ ງ່າຍໆ ໄດ້ຜົນແທ້

ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ