ບໍ່ທໍາມະດາ! ເນັດໄອດໍ້ ປາບູ່ ກ້າວສູ່ວົງການ ເປັນນາງເອກ ແລະ ຜູ້ກຳກັບເອງ ໃນຊີຣີແດນປິດສະໜາ

ຮູ້ຈັກ ປາບູ່ ຈາກເນັດໄອດໍ້ ສູ່ຜູ້ຢູ່ທັງເບື້ອງໜ້າ ແລະ ເບື້ອງຫຼັງວົງການບັນເທີງ ພ້ອມສົ່ງຕໍ່ຄວາມສຸກ ເຮຮາ ແລະ ສຽງຫົວ ເພື່ອສົ່ງສານນັ້ນອອກມາໃຫ້ຜູ້ຊົມໄດ້ບັນເທີງຢ່າງສຸກໃຈ. ພົບກັບບົດສໍາພາດພິເສດ ທີ່ຈະເຮັດໃຫ້ເພື່ອນໆຮູ້ຈັກກັບປາບູ່ໄດ້ເລີຍ.

1.ປາບູ່ມີສາຍາຫຍັງບໍ່ໃນວົງການ?? ເປັນຫຍັງຈຶ່ງມັກຫຼິ້ນ TikTok?

ປາບູ່: ສາຍາສ່ວນຫຼາຍຄົນກໍເອີ້ນປາບູ່ ແຕ່ມັກໄປກັບສາຍຝົນເຂົາເຈົ້າກໍເອີ້ນປາບູ່ສາຍຝົນ ສາຍຮາ ຫຼື ຕະຫລົກ.

ປາບູ່ມັກຫຼິ້ນ TikTok ເພາະວ່າມ່ວນ ອີກຢ່າງຄາຍຄຽດ ຫລິ້ນເວລາວ່າງ ໄດ້ເບິ່ງແລ້ວລົງຄລິບຕະຫລົກຫລິ້ນ ຊຶ່ງປາບູ່ກໍຫລິ້ນມາດົນແລ້ວ ໜ້າຈະແມ່ນເຂົາເຈົ້າມັກໃນສິ່ງທີ່ເຮົາຕະຫລົກ ແລະ ເຮັດໃຫ້ຄົນຕິດຕາມຈົນມີລາຍໄດ້ບາງສ່ວນ ແລະ ມີຄົນມັກຄົນຕິດຕາມແລ້ວເຮົາກໍມີຄວາມສຸກ

2.​ອັນໃດຄືຈຸດປ່ຽນທີ່ຄິດວ່າເຮັດໃຫ້ຄົນຮູ້ຈັກເຮົາ? ຊື່ສຽງ ແລະ ຍອດຟໍໂລເວີໄດ້ປ່ຽນແປງຊີວິດເຮົາທາງໃດແດ່?

ປາບູ່: ເລີ່ມຕົ້ນແມ່ນເຮັດຄລິປຕະຫຼົກກັບຫມູ່ຍ້ອນຄວາມມັກຮັກການເຮັດຄລິບແດ່ແລ້ວກໍເຮັດມາເລື້ອຍໆ ຈົນມີຄົນມາຈ້າງຣີວິວ ແລະ ເຮັດໃຫ້ເກີດມີລາຍໄດ້, ໄດ້ຮູ້ຈັກຫມູ່ຫຼາຍໆຄົນຮູ້ຈັກຄົນໃນວົງການ ມີຜູ້ໃຫຍ່ໃຈດີໃຫ້ໂອກາດ ແລະ ສະຫນັບສະຫນຸນຈ້າງວຽກຈົນກາຍເປັນລາຍໄດ້ຫຼັກຂອງເຮົາເລີຍ.

3. ສໍາລັບຊີຣີແດນປິດສະໜາແມ່ນປາບູ່ຮັບບົດເປັນຫຍັງ?

ປາບູ່: ເປັນນາງເອກ ແລະ ເປັນຜູ້ກຳກັບເອງເລີຍ ເປັນເລື່ອງທໍາອິດ ທີ່ທັງສະແດງ ກຳກັບເອງ ເພາະຈຸດເລີ່ມຕົ້ນກໍໄດ້ລອງລົມກັບທີມງານວ່າຢາກເຮັດຊີຣີ ຫລື ລະຄອນສັ້ນຫຼິ້ນໆ ແຕ່ວ່າ ກໍຢາກໃຫ້ອອກມາດີ ແລະ ມີຄຸນນະພາບ ເຊິ່ງທີມງານກໍເຫັນດີ ແລະ ມັກໃນໄອເດຍຂອງເຮົາແລ້ວກໍ່ໄດ້ເລີ່ມຂຽນບົດເລື່ອງໃຫ້ທີມງານເບິ່ງທຸກຄົນກໍມັກເລີຍຕັດສິນໃຈລົງມືສ້າງຊີຣີ

"ແດນປິດສະໜາ the series ເປັນຊີຣີແນວໃດ?

ປາບູ່: ເລື່ອງນີ້ ຈະມີຢູ່ 2 ມິຕິ ໂດຍແມ່ນປາບູ່ກັບສາຍຝົນເປັນຄົນເດີນເລື່ອງ: ປາບູ່ກັບສາຍຝົນເປັນຫມູ່ທີ່ຮັກແພງກັນຫລາຍທີ່ສຸດ ແລະ ປາບູ່ຢູ່ກັບແມ່ໃນໂລກປັດຈຸບັນ.​ ປາບູ່ໄດ້ຫລົງເຂົ້າໄປໃນເມືອງລັບແລ ເຊິ່ງເມືອງນັ້ນມີແຕ່ຜູ້ຊາຍ ແລະ ເພດທີ 3 ຍົກເວັ້ນຜູ້ຍິງແຕ່ສາຍຝົນໃນໂລກປັດຈຸບັນບໍ່ໄດ້ເຂົ້າໄປ ຈຶ່ງໄດ້ໄປພົບກັບບຸນຫຼອດ (ສາຍຝົນໃນອີກພົບ1) ຍ້ອນປາບູ່ເຮັດຜິດບາງຢ່າງ. ຈຶ່ງຫາທາງອອກໄປຈາກບ່ອນນີ້ ແຕ່ຈະເສຍຢ່າງໃດຢ່າງໜຶ່ງໄປ.​ ຫຼັງຈາກນັ້ນກໍໄດ້ເກີດພົບຮັກກັບຜູ້ຊາຍຄົນໜຶ່ງ ແຕ່ກໍຖືກກີດກັນ ແລະ ອຸປະສັກຫລາຍຢ່າງ ຈຶ່ງເຮັດໃຫ້ເກີດເລື່ອງວຸ່ນວາຍ ແຕ່ແນວໃດປາບູ່ກໍຕ້ອງໄດ້ກັບໂລກປັດຈຸບັນ ໂດຍມີດຸກດິກເປັນຄົນຊ່ວຍໃຫ້ອອກໄປ ແຕ່ເຈົ້າຕ້ອງແລກດ້ວຍສິ່ງທີ່ເຈົ້າຮັກ ນັ້ນກໍຄື: ກະແຈໄຂເມືອງ.​ພັດຈາກມິດແທ້ ກໍ່ຄືສາຍຝົນ, ພັດຈາກຄົນທີ່ຕົນເອງຮັກ ກໍຄືພະເອກພະເອກ). ເລື່ອງລາວຈະເປັນແນວໃດຈະມີໃຜຮ່ວມສະແດງແດ່ກະຢາກໃຫ້ທຸກຄົນຕິດຕາມຕື່ມອີກ ຮັບຮອງວ່າມ່ວນມັນຕ່າງຈາກທີ່ເຄີຍເຫັນຜ່ານໆມາແນ່ນອນ.

4. ນອກຈາກເອົາດີ ທາງດ້ານຕະຫຼົກຍັງເອົາດີດ້ານການຮ້ອງເພງອີກ?

ປາບູ່: ແມ່ນແລ້ວເພາະເປັນຄົນມັກຮ້ອງເພຮງແຕ່ຫາກໍ່ມີໂອກາດໄດ້ເຮັດເພຮງເປັນຂອງໂຕເອງ ຜົນງານເພງທີ່ຜ່ານມາ ປາບູ່ມີເພງພໍ່ຂອງລູກ ກັບ ເພງ ແອບແຊບ ແລະ ມີເພງໂຄເວີ້ອື່ນໆອີກ

5. ປົກກະຕິຄິດວ່າເຮົາເປັນຜູ້ຍິງແບບໃດ? ສິ່ງທີ່ມັກເຮັດ ກິດຈະກໍາຍາມວ່າງເດ?

ປາບູ່: ເອົາຈິງໆ ກະເປັນຄົນທຳມະດາປົກກະຕິແບບຄົນທົ່ວໄປ ເປັນຄົນອາລົມດີ ເຂົ້າຄົນອື່ນໄດ້ໝົດ ມັກມ່ວນ ມັກສ້າງສຽງຫົວໃຫ້ຄົນຮອບຂ້າງ ມັກເຮັດຄລິປໃຫ້ອື່ນເບິ່ງ ແລະ ອື່ນໆ. ກິດຈະກໍາຍາມວ່າງມັກເຮັດຄລິບຫລິ້ນກັບຫມູ່ ເຮັດວຽກບ້ານເຮືອນ ພາຄອບຄົວໄປຫລິ້ນ ແລະ ກໍພົບປະສັງສັນກັບຫມູ່

6. ເຫັນເຮັດທັງເບື້ອງໜ້າ-ເບື້ອງຫຼັງ ສໍາລັບວຽກໃນວົງການບັນເທີງ ປາບູ່ໄດ້ເຮັດຫຍັງແດ່ແລ້ວ? 

ປາບູ່: ຮູ້ວ່າເຄີຍເຮັດເກືອບທຸກຢ່າງ ນັກສະແດງ, ນັກຮ້ອງ, ສະແດງຕະຫລົກ, ສະແດງໜັງ, ສະແດງຊີຣີ ເປັນຜູ້ກຳກັບ ອອກງານຕ່າງໆ ແລະ ຊ່ວຍວຽກເບື້ອງຫຼັງອື່ນໆອີກ ເປີດວາບຊ່ອງທາງການຕິດຕາມ ແລະ ຝາກຜົນງານເພື່ອນໆສາມາດໄປສ່ອງໄດ້ທີ່

Facebook: Pabou douangboupha Tiktok: pabou_123 Fan page: pabou channel ແລະ saiyfon thongpaserd YouTube: pabou channel ແລະ ເຮັດຄລິປໃນຊ່ອງທາງຕ່າງໆ ອີກຂອບໃຈທຸກຄົນທີ່ຕິດຕາມ ແລະ ຝາກທຸກຄົນຕິດຕາມປາບູ່ແດ່ເດີ້ ຈະສ້າງສັນຜົນງານດີດີມ່ວນໆ ມາໃຫ້ທຸກຄົນໄດ້ເບິ່ງ