ວັນພະຫັດ ທີ 23 ກັນຍາ 2021

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?
S! Muan

ສະໜັບສະໜູນເນື້ອຫາ

ເຮົາຈະເຫັນຢູ່ເລື້ອຍໆວ່າ ໃນສັງຄົມມັກມີການຖົກຖຽງກັນກ່ຽວກັບບັນຫາຕ່າງໆຢູ່ເລື້ອຍໆ ໂດຍສະເພາະໃສສື່ສັງຄົມອອກລາຍທີ່ມັກມີປະເດັນຕ່າງໆໃຫ້ຄົນໄດ້ສະແດງຄວາມເຫັນກັນຢູ່ຕະຫຼອດ. ເພາະ​ໃນ​ສັງຄົມ​ມີ​ຄົນ​ເຫັນ​ຕ່າງ​ກັນ ຄິດ​ບໍ່​ຄືກັນ​ຢູ່​ຫຼວງ​ຫຼາຍ ຖ້າ​ແບ່ງ​ເປັນ 2 ກຸ່ມ​ໃຫຍ່​ໆ ກໍ​ຄົງ​ເປັນ​ກຸ່ມ “ເຫັນນຳ” ກັບ “ບໍ່​ເຫັນນຳ”. ສຳລັບ​ເລື່ອງ​ນ້ອຍ​ກໍ​ອາດຈະ​ບໍ່​ຍາກ​ເທົ່າໃດ​ທີ່​ຈະໃຫ້​ຄົນ​ກ້າວ​ຂ້າມ​ຄວາມ​ເຫັນ​ທີ່​ແຕກ​ຕ່າງ​ແລ້ວ​ຫັນ​ໜ້າ​ມາ​ເວົ້າຈາ​ກັນ​ດີ​ໆ ແຕ່​ຖ້າ​ໃຫຍ່​ກວ່າ​ນັ້ນ ມີ​ເລື່ອງ​ຂອງ​ຈຳນວນ​ຄົນທີ່​ເຊື່ອ​ຄືໆກັນ ເຂົ້າ​ມາ​ນຳ, ເມື່ອ​ເຊື່ອ​ ຫຼື ​ຄິດ​ຄືກັນ​ເປັນ​ວົງ​ກວ້າງ.

ແຕ່​ຕໍ່​ໃຫ້​ເຮົາ​ມີ​ຄວາມ​ເຫັນ​ຕ່າງ​ກັນ​ແນວໃດ ເຮົາ​ກໍ​ຈຳ​ເປັນ​ຕ້ອງ​ຢູ່​ຮ່ວມ​ກັນ ມີ​ຫຼັກ​ຈິດ​ວິທະຍາ​ສຳຄັນ​ທີ່​ຄວນ​ຮູ້ ເພື່ອ​ທີ່​ເຮົາ​ຈະ​ໄດ້​ພະຍາຍາມ​ປັບ​ຕົວ ຄື:

Confirmation bias and the false consensus effect

“confirmation bias” ເປັນ​ຫຼັກ​ຈິດ​ວິທະຍາ​ທີ່​ໃຊ້​ອະທິບາຍ​ວ່າ​ເປັນຫຍັງ​ຄົນ​ເຮົາ​ຈຶ່ງ​ໄດ້​ມີ​ຄວາມ​ເຫັນ​ທີ່​ຕ່າງ​ກັນ​ຫຼາຍ​ຂະໜາດ​ນີ້ ທັງ​ທີ່​ຢູ່ໃນ​ສັງຄົມ​ດຽວ​ກັນ ຫຼື​ ແມ່ນແຕ່​ຄົນ​ບ້ານ​ດຽວ​ກັນ ກໍ​ຍັງມີ​ຄວາມ​ຄິດ​ຕ່າງ​ກັນ​ຄົນ​ລະ​ຂົ້ວ​ເລີຍ​ກໍ​ມີ.

ເລີ່ມ​ຈາກ​ການ​ທີ່​ສະໝອງ​ຄົນ​ເຮົາ​ຮັບ​ຂໍ້​ມູນ​ຂ່າວ​ສານ​ຫຼວງ​ຫຼາຍ​ໃນ​ແຕ່​ລະ​ມື້ ເຊິ່ງ​ບາງ​ທີ​ຂໍ້​ມູນ​ທີ່​ເຮົາ​ຮັບ​ເຂົ້າ​ມາ​ມັນ​ຫຼາຍ​ເກີນ​ກວ່າ​ທີ່​ສະໝອງ​ຈະ​ຈັດການ​ຂໍ້​ມູນ​ໄດ້​ຢ່າງ​ມີ​ປະ​ສິດ​ທິ​ພາບ ສະໝອງ​ເຮົາ​ຈຶ່ງ​ຄັດເລືອກ​ສະເພາະ​ຂໍ້​ມູນ​ທີ່​ສາມາດ​ເຂົ້າ​ກັນ​ໄດ້​ກັບ​ຄວາມ​ເຊື່ອ​ທີ່​ເຮົາ​ມີ​ເປັນ​ພື້ນ​ຖານ​ຢູ່​ແລ້ວ. ໃນ​ຂະນະ​ດຽວ​ກັນ ສະໝອງ​ຈະ​ຄັດ​ຖິ້ມ​ຂໍ້​ມູນ​ທີ່​ຂັດ​ແຍ້ງ​ກັບ​ຄວາມ​ເຊື່ອ​ພື້ນ​ຖານ​ເຮົາ​ອອກ​ໄປ.

ແຕ່​ບໍ່​ຕ້ອງ​ກັງ​ວົນ ນີ້​ບໍ່​ໄດ້​ກ່ຽວ​ຂ້ອງ​ກັບ​ຄວາມ​ສະຫຼາດ​ທາງ​ສະຕິປັນຍາ ເພາະ​ນີ້​ເປັນ​ການ​ເຮັດ​ວຽກງານ​ຂອງ​ສະໝອງ​ທີ່ເກີດຂຶ້ນ​ອັດ​ຕະໂນມັດ ເຊິ່ງ​ຈະ​ແຕກ​ຕ່າງ​ກັບ​ການ​ທີ່​ເຮົາ​ມາ​ນັ່ງ​ພິຈາລະນາ​ຄັດ​ເລືອກ​ຂໍ້​ມູນ​ເອງ​ວ່າ​ຈະ​ເກັບ​ຂໍ້​ມູນ​ຫຍັງ ຈະ​ຖິ້ມ​ຂໍ້​ມູນ​ຫຍັງ ນີ້​ຈຶ່ງ​ອະທິບາຍ​ໄດ້​ວ່າ​ເຖິງວ່າ​ຄົນ​ເຮົາ​ຈະ​ຮັບ​ຂໍ້​ມູນ​ຊຸດ​ດຽວ​ກັນ ແຕ່​ສະໝອງ​ຂອງ​ແຕ່​ລະ​ຄົນ​ຈະ​ຖອດລະຫັດ​ຂໍ້​ມູນ​ບໍ່​ຄືກັນ ເຮັດໃຫ້​ເຮົາ​ຕີ​ຄວາມ​ຂໍ້​ມູນ​ກັນ​ໄດ້​ຫຼາຍ​ຢ່າງ ເຊິ່ງ​ອາດຈະ​ຄົນ​ລະ​ຂົ້ວ​ເລີຍ​ດ້ວຍ​ຊ້ຳ ເພາະ​ຕ່າງ​ຄົນ​ຕ່າງ​ໃຊ້​ຄວາມ​ເຊື່ອ​ທີ່​ມີ​ຢູ່​ເດີມ​ຂອງ​ຕົນ​ມາ​ເປັນ​ບັນ​ທັດ​ຖານ.

ອັນ​ທີ່​ຈິງ ລັກສະນະ​ຂອງ “confirmation bias” ນີ້ ເປັນ​ຕົວຊຸກຍູ້​ໃຫ້​ເຮົາ​ມີ​ພຶດຕິກຳ​ສະແຫວງ​ຫາ​ແຕ່​ຂໍ້​ມູນ​ທີ່​ສົນ​ໃຈ​ຈະ​ເສບ ຫຼາຍກວ່າ​ຈະ​ໄປ​ເສບ​ຂໍ້​ມູນ​ທີ່​ຂັດ​ແຍ້ງ​ກັບ​ຄວາມ​ມັກ​ຂອງ​ຕົວ​ເອງ (ຄື​ຕ້ອງ​ເປີດ​ໃຈ​ ແລະ ​ວາງ​ຈາກ​ອະຄະຕິ​ແທ້ໆ ຈຶ່​ງຈະ​ຍອມ​ທົນ​ເສບ​ໄດ້) ເຊິ່ງຄື​ກັບ​ການ​ເຮັດ​ວຽກ​ຂອງ AI ຂອງ​ລະບົບ​ຄອມພິວເຕີ ຄື ສະໝອງ​ຄົນ​ເຮົາ​ຈະ​ເລືອກ​ເສບ​ສະເພາະ​ຂໍ້​ມູນ​ທີ່​ເຮົາ​ສົນ​ໃຈ ມີ​ພື້ນ​ຖານ​ຄວາມ​ເຊື່ອ​ຢູ່ແລ້ວ ເຫັນ​ຕົວ​ຢ່າງ​ໄດ້​ຈາກ Facebook ເຮົາ​ກໍ​ຈະ​ກົດ​ຖືກ​ໃຈ ​ຫຼື ​ກົດ​ຕິດ​ຕາມ​ແຕ່​ໃນ​ສິ່ງ​ທີ່​ຖືກ​ຝັງ​ຢູ່ໃນຫົວ​ຕົວ​ເອງ​ແລ້ວ​ທັງ​ນັ້ນ. ເລື່ອງໝູ່ກໍເຊັ່ນກັນ, ເຮົາຍັງ​ເລືອກ​ຄົບ​ແບບ “ສິນ​ສະເໝີ​ກັນ” ຄື ມີ​ຄວາມ​ຄິດ, ມີ​ພຶດຕິກຳ ແລະ ມີ​ນິໄສ​ຫຼາຍ​ໆ ຢ່າງ​ຄ້າຍ​ຄືກັນ.

ແຕ່​ເມື່ອໃດ​ກໍ​ຕາມ​ທີ່​ໝູ່​ຄົນ​ນັ້ນ​ເກີດ​ມີ​ຄວາມ​ຄິດ​ທີ່​ປ່ຽນ​ໄປ​ແລ້ວ​ບໍ່​ກົງ​ກັບ​ເຮົາ​ຂຶ້ນ​ມາ ປະຕິ​ກິ​ລິຍາ​ຂອງ​ເຮົາ​ຕໍ່​ຈາກ​ນັ້ນ​ຄື ຄັດ​ເພື່ອນ​ຄົນ​ນີ້​ຖິ້ມ ນຳ​ໄປ​ສູ່​ການ Unfriend, Unfollow ແລະ ​ເລີກ​ຄົບ​ກັນ​ຢ່າງ​ຖາວອນ.

ເວົ້າ​ງ່າຍໆກໍ​ຄື confirmation bias ເປັນ​ຄວາມ​ລຳ​ອຽງ​ຂອງ​ສະໝອງ​ທີ່​ຈະ​ເລືອກ​ເຂົ້າ​ຂ້າງ​ກັບ​ຄວາມ​ເຊື່ອ​ເດີມ​ທີ່​ມີ​ຢູ່​ຂອງ​ຕົວ​ເອງ ເຮັດໃຫ້​ເຮົາ​ຄືກັບ​ຕິດ​ຢູ່ໃນ “echo chamber” ຫຼື ​ຫ້ອງ​ສຽງ​ສະ​ທ້ອນ ທີ່​ມີ​ແຕ່​ສຽງ​ສະ​ທ້ອນ​ຂອງ​ຕົວ​ເຮົາ​ເອງ​ຈາກ​ທຸກ​ທິດ​ທາງ​ໆ ຊ້ຳ​ໄປ​ຊ້ຳ​ມາ​ກ້ອງ​ເຂົ້າ​ຫູ, ເພາະ​ເຮົາ​ໄດ້​ເຫັນ​ສະເພາະ​ຄວາມ​ເຊື່ອ​ແບບ​ເດີມໆ ເຫັນ​ສະເພາະ​ມຸມ​ມອງ​ຂອງ​ຄົນ​ອື່ນ​ທີ່​ລ້ວນ​ແຕ່​ມີ​ຄວາມ​ຄິດ ມີ​ຄວາມ​ເຊື່ອ​ໄປ​ໃນ​ທາງ​ດຽວ​ກັບ​ເຮົາ​ເທົ່າ​ນັ້ນ.

ນັ້ນ​ເຮັດໃຫ້​ເກີດ​ເຫດການ “false consensus effect” ຕາມ​ມາ ສິ່ງ​ນີ້​ເອງ​ທີ່​ເປັນ​ກັບ​ດັກ ເພາະ​ເຮັດໃຫ້​ເຮົາ​ຫຼົງ​ເຊື່ອ​ວ່າ “ໃຜ​ໆ ກໍ​ຄິດ​ແບບ​ດຽວ​ກັບ​ເຮົາ ເຊື່ອ​ແບບ​ດຽວ​ກັນ​ກັບ​ເຮົາ” ຍິ່ງ​ຖ້າ​ເຮົາ​ຮູ້ສຶກ​ວ່າ​ມີ​ຄົນທີ່​ມີ​ຄວາມ​ຄິດ​ຄືກັນ​ເຂົ້າ​ມາ​ຢູ່​ຝັ່ງ​ດຽວ​ກັນ​ກັບ​ເຮົາ​ຫຼາຍ​ຂຶ້ນ ເຮົາ​ກໍ​ຍິ່ງ​ໝັ້ນໃຈ​ໃນ​ຄວາມ​ເຊື່ອ​ຂອງ​ເຮົາ​ຫຼາຍ​ເທົ່າ​ນັ້ນ ວ່າ​ຄວາມ​ຄິດ​ເຮົາ​ນີ້​ແຫຼະ​ທີ່​ຖືກ​ຕ້ອງ​ທີ່ສຸດ ແລະ ​ເລີ່ມ​ໄປ​ເວົ້າໃຫ້​ຝັ່ງ​ທີ່​ຄິດ​ກົງ​ກັນ​ຂ້າມ​ກັບ​ເຮົາ​ວ່າ​ເປັນ​ຝ່າຍ​ທີ່​ຜິດ ບໍ່​ເປີດ​ໃຈ​ຮັບ​ຄວາມ​ຈິງ ຫຼື ​ອາດ​ເຖິງ​ຂັ້ນດ່າວ່າ​ໂງ່​ເລີຍ​ກໍ​ມີ ແລະ​ ເລີ່ມ​ມີ​ຄຳ​ເອີ້ນທີ່​ໃຊ້​ສະແດງ​ຄວາມ​ກຽດຊັງ.

ຫາກ​ເຮົາ​ເອົາ​ແຕ່​ຝັງ​ຕົວ​ຢູ່ໃນ​ຫ້ອງ​ສຽງ​ສະ​ທ້ອນ ໂດຍ​ສະເພາະ​ທາງ social media ທີ່​ເປັນ​ແຫຼ່ງ​ເສບ​ຂ່າວ​ຂອງ​ຄົນ​ໃນ​ຍຸກ​ປັດຈຸບັນ ເຮົາ​ກໍ​ຈະ​ຮັບ​ແຕ່​ຂໍ້​ມູນ​ທີ່​ເຮົາ​ເຫັນ​ດີນຳຫຼາຍ​ຂຶ້ນ​ໆ ປິດ​ກັ້ນ​ຂໍ້​ມູນ​ໃນ​ຝັ່ງ​ກົງກັນຂ້າມ ແລະ ​ຮັບ​ຂໍ້​ມູນ​ທີ່​ເວົ້າ​ເຖິງ​ອີກ​ຝ່າຍ​ດ້ວຍ​ຄວາມ​ຮູ້ສຶກ​ທີ່​ຮຸນແຮງ​ຂຶ້ນ, ຄວາມ​ຮູ້ສຶກ​ຂອງ​ເຮົາ​ຕໍ່​ອີກ​ຝ່າຍ​ກໍ​ຈະ​ຍິ່ງ​ຮ້າຍ​ກວ່າ​ເກົ່າ ເຮັດ​ໃຫ້ເປັນ​ເລື່ອງ​ຍາກ​ຂຶ້ນ​ເລື້ອຍ​ໆ ທີ່​ຈະ​ມາ​ນັ່ງ​ຈັບ​ເຂົ່າລົມ​ກັນ​ແບບ​ບໍ່​ຜິດຖຽງ​ກັນ.

ເຮົາ​ຈະ​ພາ​ຕົວ​ເອງ​ອອກຈາກ​ຫ້ອງ​ສຽງ​ສະ​ທ້ອນ​ໄດ້​ແນວໃດ?

ຮູ້​ຈັກ​ຕົວ​ຕົນ​ຂອງ​ເຂົາ​ກ່ອນ

ກ່ອນ​ຈະ​ຕັດ​ໃສ​ໃຜ (ທັງ​ທີ່​ໃນ​ຄວາມ​ເປັນ​ຈິງ​ບໍ່​ຄວນ​ໄປຕັດສິນ​ໃຜ​ທັງ​ນັ້ນ) ຄວນ​ທີ່​ຈະ​ທຳຄວາມ​ຮູ້​ຈັກ​ຕົວ​ຕົນ​ຂອງ​ເຂົາ​ທີ່​ຢູ່​ນອກ​ເໜືອ​ຈາກ​ຄວາມ​ຂັດ​ແຍ້ງ​ທີ່​ເປັນ​ປະ​ເດັນ​ກ່ອນ. ຢ່າ​​ກຽດຊັງ​ໃຜ​ທັງ​ທີ່​ເຮົາ​ບໍ່​ຮູ້​ຈັກ, ລອງ​ສຶກ​ສາ​ຊີວິດ​ຂອງ​ທ່ານ, ເລື່ອງ​ຄອບຄົວ, ກິດຈະກຳ​ຍາມ​ວ່າງ, ຂອງທີ່ມັກ ແລະ ອື່ນໆ ແຕ່​ບໍ່​ຄວນ​ຈະ​ໄປ​ເປີດ​ສົງຄາມ​ດ້ວຍ​ການ​ຊວນລົມ​ໃນ​ເລື່ອງ​ທີ່​ຄິດ​ບໍ່​ຄືກັນ​ທັນ​ທີ ພະຍາຍາມ​ຫາ​ໃນ​ສິ່ງ​ທີ່​ມີ​ຮ່ວມ​ກັນ ເພື່ອ​ຈູງ​ໃຈ​ໃຫ້​ສະໜິດ​ສະໜົມ​ກັນ​ຫຼາຍ​ພໍ​ທີ່​ຈະ​ເປີດ​ໃຈ​ລົມ.

ການ​ພະຍາຍາມ​ເຮັດ​ຄວາມ​ຮູ້​ຈັກ​ເຂົາ ເຮົາ​ອາດຈະ​ເຫັນ​ຕົ້ນ​ຕ​ໍວ່າ ແມ່ນ​ຫຍັງ​ທີ່​ເຮັດໃຫ້ລາວ​ມີ​ຄວາມ​ຄິດ​ຄວາມ​ເຊື່ອ​ແບບ​ນັ້ນ. ລວມທັງ​ການ​ທີ່​ເຮົາ​ບໍ່​ຕັດ​ສິນເຂົາ​ໃນ​ທັນ​ທີ ເມື່ອ​ເຮົາ​ໄດ້​ເຫັນ​ຕົວ​ຕົນ​ອີກ​ດ້ານ​ຂອງ​ເຂົາ ເຮົາ​ອາດຈະ​ແນມເຂົາ​ດ້ວຍ​ສາຍ​ຕາ​ທີ່​ເປັນ​ມິດ​ຫຼາຍ​ຂຶ້ນ ຫາກ​ບໍ່​ແມ່ນ​ເລື່ອງ​ໃຫຍ່​ໂຕ ເຮົາ​ກໍ​ພໍ​ຈະ​ມອງ​ຂ້າມ​ຄວາມ​ຜິດ​ໃຈ​ກັນ​ເລັກໆ ນ້ອຍ​ໆ ເພາະ​ເຫັນ​ແກ່​ຕົວ​ຕົນ​ແທ້ໆ ຂອງ​ເຂົາ ທີ່​ເປັນ​ສ່ວນ​ດີ ບໍ່​ມອງ​ເໝົາ​ລວມ​ແບບ​ວ່າເຂົາ​ໂງ່ ຫຼື ເຂົາ​ຜິດ.

ເປີດ​ໃຈ ວາງ​ອະຄະຕິ ແລ້ວ​ຢ່າ​ຫຼີກລ້ຽງ​ທີ່​ຈະ​ລົມກັບ​ຄົນ​ເຫັນ​ຕ່າງ

ເວົ້າ​ງ່າຍ​ແຕ່​ເຮັດ​ຍາກ ໃນ​ເມື່ອ​ເຮົາ​ມີ​ຊຸດ​ຄວາມ​ຄິດ​ໜຶ່ງ​ຝັງ​ຫົວ​ໄປ​ແລ້ວ ຍາກ​ທີ່​ຈະ​ເປີດ​ໃຈ​ຮັບ​ຟັງ​ຂໍ້​ມູນ​ທີ່​ກົງ​ກັນ​ຂ້າມ​ກັບ​ຂໍ້​ມູນ​ທີ່​ຕົວ​ເອງ​ເຊື່ອ​ຢູ່​ມາແຕ່ຕົ້ນ. ແຕ່​ການ​ທີ່​ເຮົາ​ມີ​ຄວາມ​ເຊື່ອ​ຝັງ​ຫົວ ພ້ອມ​ກັບ​ການ​ຂັງ​ຕົວ​ເອງ​ໃຫ້​ຮັບ​ຮູ້​ແຕ່​ຂໍ້​ມູນ​ທີ່​ເຮົາ​ເຫັນ​ດີນຳນັ້ນ, ຍິ່ງ​ເໝືອນ​ກັບ​ການ​ຂຸດ​ຂຸມຝັງ​ຕົວ​ເອງ ທີ່​ຈະ​ຮັບ​ຮູ້​ຂໍ້​ມູນ​ຢູ່​ພຽງ​ດ້ານ​ດຽວ ແລະ​ບໍ່​ເຄີຍ​ຮັບ​ຂໍ້​ມູນ​ອີກ​ດ້ານ​ມາ​ປະກອບ​ການ​ພິຈາລະນາ.

ແຕ່​ເຖິງ​ຈະ​ຍາກ​ເຮົາ​ກໍ​ຕ້ອງ​ພະຍາຍາມ​ຝືນ​ຕົວ​ເອງ ຫາກ​ບໍ່​ສາມາດ​ເລີ່ມ​ຈາກ​ການ​ນັ່ງ​ລົມກັນ​ແບບ​ເຫັນ​ໜ້າ​ໄດ້ ລອງ​ເລີ່ມ​ຈາກ​ການ​ເປີດ​ໃຈ​ອ່ານ​ຂໍ້​ມູນ​ອື່ນ​ທີ່​ກົງກັນຂ້າມ​ກັບ​ຄວາມ​ເຊື່ອເກົ່າ. ທຳອິດ ເຮົາ​ອາດຈະ​ຮູ້ສຶກ​ຫງຸດ​ຫງິດ, ຫົວ​ຮ້ອນ, ໃຈຮ້າຍ ແຕ່​ໃຫ້​ພະຍາຍາມ​ຝືນ​ຕົວ​ເອງ ຢ່າງ​ນ້ອຍ​ຄື​ຝືນ​ອ່ານ​ໃຫ້​ຈົບ ແລ້ວ​ນຳ​ມາ​ຄິດ​ພິຈາລະນາ​ຕາມ ເຖິງ​ເຮົາ​ຈະ​ຍັງຄົງ​ເຊື່ອ​ໃນ​ຄວາມ​ຄິດ​ແບບ​ເດີມ​ຂອງ​ຕົວ​ເອງ ແຕ່​ເຮົາ​ກໍ​ຍັງມີ​ຂໍ້​ມູນ​ທີ່​ຫຼາຍ​ຂຶ້ນ ແລະ​ເປັນ​ຂໍ້​ມູນ​ທີ່​ເຮົາ​ປະຕິເສດ​ມັນ​ມາ​ຕະຫຼອດ.

ທຳຄວາມ​ເຂົ້າໃຈ ບໍ່​ແມ່ນ​ໄປ​ປ່ຽນ​ໃຈ

ການ​ທີ່​ເຮົາ​ຫຼີກ​ລ້ຽງ​ທີ່​ຈະ​ບໍ່​ລົມ​ເລື່ອງ​ທີ່​ອ່ອນ​ໄຫວ​ຫຼາຍ​ໆກັບ​ຄົນ​ອື່ນ ໂດຍ​ສະເພາະ​ກັບ​ຄົນທີ່​ມີ​ຄວາມ​ຄິດ-ຄວາມ​ເຊື່ອ​ຕ່າງ​ຈາກ​ເຮົາ ຍ້ອນຢ້ານ​ວ່າ​ຈະຜິດຖຽງ​ກັນ ຫຼື ື​ຢ້ານ​ວ່າ​ຈະ​ຜິດ​ໃຈ​ກັນ​ແບບ​ຕັດ​ຍາດ​ຂາດ​ມິດ ລ້ວນ​ເປັນ​ການ​ໜີ​ບັນຫາ ເພາະ​ຖ້າ​ບໍ່​ເປີດ​ໃຈ​ລົມ​ກັນ ກໍ​ບໍ່​ມີ​ທາງ​ຈະ​ຮູ້​ໄດ້​ເລີຍ​ວ່າ​ຂໍ້​ມູນ​ອີກ​ດ້ານ​ເປັນແນວໃດ. ແຕ່​ຖ້າ​ຍັງພໍ​ທີ່​ຈະ​ປະ​ນີ​ປະ​ນອມ​ລົມ​ກັນ​ໄດ້ ຄວນລົມ​ແບບທຳ​ຄວາມ​ເຂົ້າໃຈ​ເຊິ່ງ​ກັນ ​ແລະ ​ກັນ ບໍ່​ແມ່ນ​ການ​ລົມ​ແບບ​ຊວນ​ຫາ​ເລື່ອງ​ຜິດຖຽງກັນ, ໃຊ້​ເຫດ​ໃຊ້​ຜົນ​ລົມກັນ​ດີ​ໆ ແລ້ວ​ພະຍາຍາມ​ຖາມ​ອີກ​ຝ່າຍ​ວ່າ​ເປັນຫຍັງ​ຈຶ່ງ​ໄດ້​ຄິດ​ເຊັ່ນ​ນັ້ນ.

ເພາະ​ການ​ປ່ຽນ​ໃຈ​ຄົນ​ບໍ່​ແມ່ນ​ເລື່ອງ​ງ່າຍ ແລະ ​ທີ່​ຈິງ​ເຮົາ​ບໍ່​ຄວນ​ຈະ​ເຂົ້າໄປຫຍຸ້ງ​ກ່ຽວກັບ​ຄວາມ​ຄິດ​ຄວາມ​ເຊື່ອ​ຂອງ​ເຂົານຳ ເພາະ​ຕໍ່​ໃຫ້​ເຮົາ​ຈະ​ບໍ່​ເຫັນດີ​ກັບເຂົາ​ຫຼາຍ​ເທົ່າໃດ ພະຍາຍາມ​ລົມ​ກັນ​ດ້ວຍ​ເຫດຜົນ​ຫຼາຍສໍ່າ​ໃດ ສິ່ງ​ທີ່​ເຮົາ​ຮັກສາ​ໄດ້​ມີ​ພຽງແຕ່ມິດ​ຕະພາບ​ເທົ່າ​ນັ້ນ. ຢ່າ​ລືມ​ວ່າ​ເລິກ​ໆແລ້ວ ຕ່າງ​ຝ່າຍ​ຕ່າງ​ກໍ​ຍັງຄົງ​ມີ​ຄວາມ​ຄິດ​ເຫັນ​ທີ່​ຕ່າງ​ກັນ​ຢູ່​ດີ ແລ້ວ​ກໍ​ມີ​ຫຼັກ​ເກນ​ສຳລັບ​ຄວາມ​ເຊື່ອ​ຂອງ​ຕົນເອງ​ຄືກັນ. ທີ່​ສຳຄັນ ກໍ​ບໍ່​ມີ​ເກນ​ຫຍັງ​ທີ່​ສະຖຽນ​ພໍ​ຈະ​ໃຊ້​ເປັນ​ເກນ​ວັດ​ໄດ້​ວ່າ​ໃຜ​ຖືກ​ໃຜ​ຜິດ ເຮົາ​ຈຶ່ງ​ເຮັດ​ໄດ້​ພຽງ​ພະຍາຍາມ​ເຂົ້າໃຈ​ເທົ່າ​ນັ້ນ ໂດຍ​ບໍ່​ໄປ​ປ່ຽນ​ຄວາມ​ຄິດເຂົາ ຖ້າ​ເຂົາ​ຈະ​ປ່ຽນ ເຂົາ​ປ່ຽນ​ເອງ.

Advertisement Replay Ad

ຂໍຂອບໃຈ

ຂໍ້ມູນ : tonkit via sanook

ລວມສາລະພັດວິທີແກ້ອາການຂີ້ລືມ ງ່າຍໆ ໄດ້ຜົນແທ້

ລວມສາລະພັດວິທີແກ້ອາການຂີ້ລືມ ງ່າຍໆ ໄດ້ຜົນແທ້

ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ