ວັນເສົາ ທີ 18 ກັນຍາ 2021

ສະຫຼຸບດຣາມ່າ ຜູ້ກຳກັບຊື່ດັງ ແລະ ປະເດັນການຄຸກຄາມທາງເພດ (Sexual Harrassment)

ສະຫຼຸບດຣາມ່າ ຜູ້ກຳກັບຊື່ດັງ ແລະ ປະເດັນການຄຸກຄາມທາງເພດ (Sexual Harrassment)
S! Muan

ສະໜັບສະໜູນເນື້ອຫາ

ສະຫຼຸບດຣາມ່າ ຜູ້ກຳກັບຊື່ດັງ ແລະ ປະເດັນການຄຸກຄາມທາງເພດ (Sexual Harassment)

ບໍ່ເທົ່າໃດມື້ຜ່ານມາ ເກີດປະເດັນຖົກຖຽງກັນໃນໂລກອອນລາຍ ຫຼັງຈາກທີ່ຜູ້ກຳກັບຊື່ດັງ "" ຫຼື ພູມຊະນະ ສິຣິວົງສາ ທີ່ໄດ້ອອກມາໂພສຂໍ້ຄວາມຜ່ານທາງເຟສບຸກສ່ວນຕົວ ແລະ ຖືກຜູ້ໃຊ້ເຟສບຸກຈຳນວນຫຼາຍວິພາກວິຈານເຖິງຄວາມເໝາະສົມ ແລະ ຊີ້ວ່າຂໍ້ຄວາມດັ່ງກ່າວເຂົ້າຂ່າຍການຄຸມຄາມທາງເພດ.

ດຣາມ່າດັ່ງກ່າວໄປມາຈຶ່ງໃດຈຶ່ງກາຍມາເປັນປະເດັນທີ່ຖືກຖົກຖຽງເປັນວົງກວ້າງ ຈົນເຖິງຂັ້ນມີການເປີດຫ້ອງສົນທະນາໃນ Clubhouse ແລະ ຖືກກ່າວເຖິງທາງ Twitter, muan.la ຈະມາສະຫຼຸບໃຫ້ທຸກທ່ານໄດ້ຮູ້ກັນ.

  1. ວັນອາທິດທີ 23 ພຶດສະພາ 2021, ເຈ້ຍ ປາຊີຟິກ ໄດ້ໂພສຂໍ້ຄວາມຜ່ານທາງເຟສບຸກສ່ວນຕົວ Phoumsana Sirivongsa ໂດຍມີເນື້ອໃນວ່າ "ກະຮູ້ຢູ່ວ່າ ໄລຍະກັກໂຕສູກະໂພສແຕ່ຮູບ ເຊັກຊີ້ໂຊກັ້ນ ໂປ້ນິ. ສູບໍ່ແມ່ນຜູ້ຊາຍຄືພວກກູ ສູບໍ່ເຂົ້າໃຈດອກ ມັນທໍລະມານສໍ່າໃດ" ໂດຍຫຼັງຈາກທີ່ໂພສຂໍ້ຄວາມໄປກໍມີທັງຜູ້ທີ່ມາສະແດງຄວາມເຫັນທີ່ຫຼາກຫຼາຍ ເປັນຕົ້ນວ່າ "ອົດບໍ່ໄຫວຄືກັນ", "ເຖິງເຈົ້າບໍ່ແມ່ນເຫຼັກຕະປູ ຂ້ອຍກໍຢາກຕອກ" ຫຼື  "ຂ້ອຍບໍ່ກ່ຽວເດີ້ ຂ້ອຍໄປແຕ່ແສນຫ້າ".

2. ເຈ້ຍ ປາຊີຟິກ ເປັນບຸກຄົນທີ່ຢູ່ໃນວົງການບັນເທີງລາວມາດົນນານ ໂດຍໃນອະດີດເປັນໜຶ່ງໃນສະມາຊິກຂອງວົງ ປາຊີຟິກ ກ່ອນທີ່ພາຍຫຼັງຈະຫັນໂຕເອງເຂົ້າສູ່ວົງການຮູບເງົາ ໂດຍສ້າງຕັ້ງບໍລິສັດຊື່ ແຂ້ວແຫ້ງໂປຣດັກຊັນ ເຊິ່ງຜົນງານການກຳກັບ ແລະ ຜະລິດຮູບເງົາທີ່ຜ່ານມາກໍມີ "ຮັກອີ່ຫຼີ", "ຮັກອີ່ຫຼີ 2", "ຫົງຫາມເຕົ່າ" ແລະ ເລື່ອງຫຼ້າສຸດ "ຮັກມະຍ່ອມມະແຍ່ມ". ສຳລັບເຟສບຸກຂອງ ເຈ້ຍ ປາຊີຟິກ ມີຜູ້ຕິດຕາມຫຼາຍກວ່າ 140,000 ຄົນ.

3. ພາຍຫຼັງທີ່ໂພສຂໍ້ຄວາມດັ່ງກ່າວອອກໄປນອກຈາກຜທີ່ມາສະແດງຄວາມເຫັນໃນທາງຕະຫຼົກແລ້ວ, ກໍມີອີກບາງສ່ວນທີ່ບໍ່ເຫັນດີ ໂດຍລະບຸວ່າ ຂໍ້ຄວາມໃນໂພສດັ່ງກ່າວເປັນການລ່ວງລະເມີດທາງເພດ ຫຼື sexual harassment ແລະ ບໍ່ເຫັນດີກັບການຍົກເລື່ອງ sexual harassment ມາເປັນເລື່ອງຕະຫຼົກ. ຍົກຕົວຢ່າງຄວາມເຫັນຈາກຜູ້ໃຊ້ເຟສບຸກຄົນໜຶ່ງທີ່ບອກວ່າ "ຜູ້ຍິງບໍ່ໄດ້ເກີດມາເພື່ອສ້າງຄວາມເພິງພໍໃຈໃຫ້ແກ່ສາຍຕາຂອງຜູ້ໃດ. ການແຕ່ງໂຕຂອງເຂົາເຈົ້າເປັນສິດຂອງເຂົາເຈົ້າ. ເລື່ອງຄວາມຕ້ອງການທາງເພດເປັນເລື່ອງທຳມະຊາດ ສະແດງອອກໄດ້ ແຕ່ຄວນສະແດງອອກຢ່າງມີຈິດສຳນຶກ, ມີວຸດທິພາວະ. ເວົ້າແບບນີ້ສະແດງອອກເຖິງການຄຸກຄາມ. ຜູ້ຍິງບໍ່ແມ່ນ sex object (ວັດຖຸທາງເພດ) ບໍ່ແມ່ນວັດຖຸຕອບສະໜອງຄວາມຕ້ອງການທາງເພດໃຫ້ແກ່ຜູ້ໃດ. ການໂພສແບບນີ້ເຮັດໃຫ້ຜູ້ຍິງຮູ້ສຶກບໍ່ດີ ແລະ ບໍ່ສະບາຍໃຈ. ລົບກວນຊອກຫາອ່ານຕື່ມກ່ຽວກັບເລື່ອງພວກນີ້ແດ່ເດີ ດຽວນີ້ບ້ານເມືອງກໍພັດທະນາຫຼາຍແລ້ວ."

4. ນອກຈາກນັ້ນກໍມີອີກຫຼາຍຄວາມເຫັນທີ່ບໍ່ເຫັນດກັບໂພສດັ່ງກ່າວ ແລະ ໄດ້ຕຳໜິຜູ້ກຳກັບຄົນນີ້ວ່າບໍ່ເໝາະສົມໃນຖານະທີ່ຜູ້ກ່ຽວເປັນບຸກຄົນສາທາລະນະ ແລະ ເປັນຜູ້ທີ່ສາມາດຊັກຈູງຄວາມຄິດຂອງມວນຊົນໄດ້ບໍ່ຄວນອອກມາໂພສຫຍັງແບບນີ້.

5. ນອກຈາກໂພສທຳອິດແລ້ວ ເຈ້ຍ ປາຊີຟິກ ຍັງໄດ້ປ່ອຍໂພສອອກມາອີກ 1 ໂພສ ເຊິ່ງມີເນື້ອໃນວ່າ "ໝູ່ກະໝູ່ເດີ້ ສູຫາກໂພສໂຊໂພສໂປ້ເອງ ແຮ່ງໄລຍະເກັບໂຕຕົກເປັນເມຍກູໃນຈິນຕະນາການ ບໍ່ຮູ້ນຳເດີ້ ກູບໍ່ຜິດ ໂຄວິດມັນເປັນເຫດ" ເຊິ່ງກໍຍັງເຮັດໃຫ້ເກີດການແຕກຂອງສຽງເປັນທັງຝ່າຍທີ່ເຫັນວ່ານີ້ເປັນພຽງເລື່ອງຕະຫຼົກສ້າງສຽງຫົວ ແລະ ຝ່າຍທີ່ວິພາກວິຈານເຖິງຄວາມເໝາະສົມເຊັ່ນເດີມ ແລະ ມີຜູ້ເຂົ້າໄປສະແດງຄວາມເຫັນ ແລະ ແຊອອກໄປເປັນຈຳນວນຫຼາຍ.

6. ສຳລັບການຄຸກຄາມທາງເພດ ຫຼື sexual harassment ໝາຍເຖິງການກະທຳທີ່ມີເຈດຕະນາບໍ່ດີຕໍ່ກັບເພດກົງກັນຂ້າມ ຫຼື ເພດດຽວກັນເພື່ອຜົນປະໂຫຍດທາງເພດ ໂດຍບໍ່ໄດ້ຮັບການຍິນຍອມຈາກອີກຝ່າຍ ເຊິ່ງການກະທຳດັ່ງກ່າວອາດຢູ່ໃນຫຼາຍຮູບແບບເຊັ່ນ: (1) ການສະແດງອອກທາງວາຈາ ໂດຍການເວົ້າຈາລ່ວງເກີນ, ເວົ້າກ່ຽວກັບເລື່ອງເພດ, ເລົ່າເລື່ອງຕະຫຼົກກ່ຽວກັບເລື່ອງເພດ, ເວົ້າເຖິງສັດສ່ວນຂອງຮ່າງກາຍ ຫຼື ເວົ້າຫຼິ້ນຄຳກ່ຽວກັບເລື່ອງເພດເປັນຕົ້ນ, (2) ກິລິຍາທ່າທາງ ຫຼື ການລ່ວງເກີນທາງສາຍຕາ ເຊັ່ນ: ການແນມເບິ່ງສ່ວນຕ່າງໆຂອງຮ່າງກາຍຈົນເຮັດໃຫ້ອີກຝ່າຍຮູ້ສຶກບໍ່ສະບາຍໃຈເປັນຕົ້ນ,​ (3) ການສຳຜັດທາງຮ່າງກາຍ ເຊັ່ນ: ພະຍາຍາມໃກ້ຊິດໂດຍບໍ່ຈຳເປັນ, ແຕະເນື້ອຕ້ອງຕົວ, ໂອບກອດ, ໂອບໄຫຼ່ ເປັນຕົ້ນ ແລະ (4) ການສົ່ງຂໍ້ຄວາມໃນທາງອະນາຈານ ເຊັ່ນ: ຂຽນຈົດໝາຍ ຫຼື ພິມຂໍ້ຄວາມໃນທາງສໍ່ໄປທາງເພດ ລວມທັງການສົ່ງຮູບພາບຮ່າງກາຍ ຫຼື ອະໄວຍະວະເພດໃຫ້ແກ່ຜູ້ອື່ນ.

7. ປະເດັນດັ່ງກ່າວກາຍເປັນປະເດັນທີ່ເຮັດໃຫ້ມີການເປີດຫ້ອງສົນທະນາກັນຜ່ານທາງ Clubhouse ເມື່ອຕອນແລງຂອງວັນທີ 24 ພຶດສະພາ 2021 ໂດຍຫ້ອງດັ່ງກ່າວມີຊື່ວ່າ "ມາດອດເລື່ອງຜູ້ກຳກັບຄົນນັ້ນ" ເຊິ່ງໄດ້ມີບຸກຄົນຈາກຫຼາກຫຼາຍວົງການເຂົ້າມາສະແດງຄວາມເຫັນ, ໃຫ້ຂໍ້ມູນ ແລະ ຮັບຟັງກ່ຽວກັບບັນຫາດັ່ງກ່າວເປັນຈຳນວນຫຼາຍກວ່າ 100 ຄົນ ເຊິ່ງສ່ວນໃຫຍ່ກໍເຫັນໄປທາງດຽວກັນວ່າ ບໍ່ສາມາດຮັບໄດ້ກັບການເຮັດໃຫ້ເລື່ອງ sexual harrassment ເປັນເລື່ອງຕະຫຼົກ.

8. ວັນອັງຄານທີ 25 ພຶດສະພາ 2021 ກໍຍັງບໍ່ມີການເຄື່ອນໄຫວຫຍັງເພີ່ມເຕີມ ທະວີໄຊ ແກ້ວບຸນພັນ ຫຼື ໄຊ ເຊິ່ງເປັນພັນລະຍາຂອງຜູ້ກຳກັບຄົນດັ່ງກ່າວ ໄດ້ອອກມາໂພສຂໍ້ຄວາມວ່າ ກ່ຽວກັບປະເດັນທີ່ສາມີໂພສຂໍ້ຄວາມສໍ່ຄຸກຄາມທາງເພດເພື່ອຄວາມບັນເທີງນັ້ນ ໃນຖານະທີ່ເປັນຜູ້ຍິງ ຕົນເອງກໍບໍ່ເຫັນດີກັບການກະທຳຂອງຜູ້ກ່ຽວ.

"ໃນຖານະແມ່ ຂ້ອຍຮູ້ດີວ່າ ທຸກຄົນເປັນລູກມີພໍ່ມີແມ່ ບໍ່ມີໃຜຢາກຖືກລວນລາມອະນາຈານທາງສາຍຕາ ຫຼື ໃນຄວາມຄິດ, ໃນໂລກຄວາມເປັນຈິງ ຫຼື ໃນໂລກໂຊຊຽວກໍຕາມ. ແລະ ໃນຖານະທີ່ເປັຍຄົນທີ່ຄວນເປັນແບບຢ່າງໃຫ້ສັງຄົມ ເຮົາຄວນເປັນກະບອກສຽງທີ່ຕໍ່ຕ້ານພຶດຕິກຳການຄຸມຄາມທາງເພດ. Sexual harassment is NOT okay (ການຄຸກຄາມທາງເພດເປັນສິ່ງທີ່ "ບໍ່" ໂອເຄ).

"ແຕ່ໃນຖານະເມຍ, ຖານະຄົນທີ່ຮູ້ຈັກອ້າຍເຈ້ຍດີທີ່ສຸດ, ຂ້ອຍຮູ້ວ່າລາວບໍ່ໄດ້ມີເຈດຕະນາທີ່ຊົ່ວຮ້າຍ. ລາວພຽງແຕ່ຢາກໄດ້ຍອດ like ໂດຍທີ່ບໍ່ພິຈາລະນາໄຕ່ຕອງກ່ອນດີໆ ເຊິ່ງຖືວ່າເປັນຂໍ້ຜິດພາດ. ຄວາມຈິງແລ້ວໃນຊີວິດຈິງລາວເປັນພໍ່ທີ່ດີ ເປັນຄູ່ຊີວິດທີ່ດີ ລາວຮັກລູກຮັກເມຍ ໃຫ້ກຽດຄອບຄົວ ແລະ ຄົນອື່ນສະເໝີ.

"ຫຼາຍຄົນອາດຈະຄິດວ່າຂ້ອຍປົກປ້ອງລາວ. ຂ້ອຍບໍ່ໄດ້ຢາກແກ້ໂຕແທນລາວ ແຕ່ພຽງຢາກອະທິບາຍມຸມມອງຂອງຄົນທີ່ບໍ່ໄດ້ພຽບພ້ອມທຸກຢ່າງ ແຕ່ຂໍ້ເສຍຂອງລາວກໍປຽບສະເໝືອນລາຍເປື້ອນຢູ່ຜ້າຂາວ ທີ່ຂ້ອຍເລືອກທີ່ຈະຍອມຮັບ ແລະ ໃຊ້ຊີວິດຢູ່ນຳລາວ. ເພາະເຮົາເປັນຄອບຄົວດຽວກັນ."

"ສະນັ້ນ, ຫວັງວ່າຫຼາຍຄົນຈະເຂົ້າໃຈ ແລະ ຫວັງວ່າທຸກຄົນຈະໃຫ້ອະໄພ ແລະ ຍັງສືບຕໍ່ສະໜັບສະໜຸນຜົນງານເຮົາຕໍ່ໄປ. ຂໍຂອບໃຈ."

9. ຫຼັງຈາກທີ່ໂພສຂໍ້ຄວາມດັ່ງກ່າວອອກໄປ ກໍມີຜູ້ໃຊ້ເຟສບຸກຫຼາຍຄົນສະແດງຄວາມຊົມເຊີຍຕໍ່ກັບໄຊທີ່ອອກມາເວົ້າກ່ຽວກັບເລື່ອງດັ່ງກ່າວ ແຕ່ກໍຍັງມີຜູ້ຕິດຕາມບາງສ່ວນທີ່ຢາກໃຫ້ທາງຜູ້ກ່ຽວຕົ້ນເລື່ອງອອກມາສະແດງຄວາມຮັບຜິດຊອບເອງ. ເຊິ່ງຕໍ່ມາຜູ້ກ່ຽວກໍໄດ້ອອກມາໂພສຂໍໂທດສັງຄົມດ້ວຍໂຕເອງ.

 10. ແຕ່ເບິ່ງຄືວ່າເລື່ອງລາວຈະຍັງບໍ່ທັນຈົບລົງ ເພາະຫຼັງຈາກນັ້ນກໍຍັງມີການວິພາກວິຈານໃນຫົວຂໍ້ດັ່ງກ່າວກັນຢູ່ ແລະ ທາງ ເຈ້ຍ ເອງກໍໄດ້ມີການເຄື່ອນໄຫວໃນເຟສບຸກເພີ່ມ ເຊິ່ງໃນນັ້ນມີໂພສທີ່ເປັນວິດີໂອຜູ້ກ່ຽວກັບພັນລະຍາ ທີ່ຊີ້ແຈງວ່າ 2 ໂພສຕົ້ນເລື່ອງທີ່ຕົນເອງໂພສໄປນັ້ນບໍ່ແມ່ນການຄຸກຄາມທາງເພດ ແຕ່ເປັນ Sex joke ພ້ອມທັງມີການແນບເອກະສານຂອງ UN ທີ່ອະທິບາຍກ່ຽວກັບການຄຸກຄາມທາງເພດແມ່ນຫຍັງ.

11. ຫຼັງຈາກໂພສດັ່ງກ່າວນັ້ນຖືກປ່ອຍອອກມາ ທາງດ້ານສັງຄົມອອນລາຍກໍໄດ້ເຄື່ອນໄຫວອີກຄັ້ງ ໂດຍກ່າວວ່າ ເອກະສານທີ່ແນບມານັ້ນມີການບອກໄວ້ຢູ່ວ່າ sex joke ກໍເປັນໜຶ່ງໃນພຶດຕິກຳຂອງການຄຸກຄາມທາງເພດ ແລະ ຊີ້ວ່າ ການອອກມາເຄື່ອນໄຫວຂອງເຈ້ຍໃນຄັ້ງນີ້ເປັນການຂຸດຫຼຸມຝັງໂຕເອງ.

12. ຫຼ້າສຸດວັນທີ 29 ພຶດສະພາ 2021, ທາງດ້ານ ເຈ້ຍ ກໍໄດ້ອອກມາໂພສຂໍ້ຄວາມອີກຄັ້ງ ໂດຍສະເໜີຂໍໂຕແທນ 2 ຄົນ ລວມທັງນັກວິຊາການເລື່ອງການຄຸກຄາມທາງເພດ ພ້ອມດ້ວຍນັກກົດໝາຍ ເຂົ້າຮ່ວມການສົນທະນາຜ່ານທາງລາຍການ ສະໂມສອນຊາວບ້ານ ເພື່ອຕັດສິນວ່າສິ່ງທີ່ ເຈ້ຍ ໂພສ ເປັນການສົ່ງເສີມການຄຸກຄາມທາງເພດ ຫຼື ບໍ່ ແລະ ໃຫ້ສັງຄົມໂຊຊຽວຢຸດການໂຕ້ຖຽງ.

13. ຄືນຂອງມື້ດຽວກັນ ກໍມີການຕັ້ງຫ້ອງສົນທະນາຜ່ານທາງ Clubhouse ໂດຍມີ ເຈ້ຍ ເຂົ້າຮ່ວມເວົ້າ ກ່ຽວກັບປະເດັນທີ່ເກີດຂຶ້ນ ແລະ ມີຜູ້ເຂົ້າຮ່ວມຟັງຫຼາຍກວ່າ 800 ຄົນ.

14. ຫຼັງຈາກເຫດການທັງໝົດນີ້້ ກໍມີຄົນໃນວົງການບັນເທີງທີ່ອອກມາສະແດງຄວາມເຫັນ ໜຶ່ງໃນນັ້ນກໍຄື ຕັອດ ລີນ້າ ເຊິ່ງໄດ້ບອກວ່າ ສັງຄົມບໍ່ໄດ້ຢາກເອົາຜິດດອກ ພຽງແຕ່ວ່າສິ່ງທີ່ຜູ້ກ່ຽວສະແດງອອກເປັນສິ່ງທີ່ບໍ່ເໝາະສົມ ເພາະເປັນບຸກຄົນຂອງສັງຄົມ ແລະ ຕ້ອງຂອບໃຈຜູ້ກ່ຽວທີ່ຈຸດປະເດັນ sexual harassment ຂຶ້ນມາ ຈົນຖືກຖົກຖຽງເປັນວົງກວ້າງໃນສັງຄົມ.

14. ປະເດັນດຣາມ່າຄັ້ງນີ້ຈະຈົບລົງແນວໃດ ຕອນນີ້ເຮົາຍັງບໍ່ທັນຮູ້ເທື່ອ  ແຕ່ທີ່ແນ່ນອນກໍຄື ຕອນນີ້ຄຳວ່າ ການຄຸກຄາມທາງເພດ ໄດ້ຖືກກ່າວເຖິງຢ່າງກວ້າງຂວາງ ແລະ ເຮັດໃຫ້ໄວໜຸ່ມຍຸກໃໝ່ຫັນມາໃສ່ໃຈໃນເລື່ອງທີ່ພວກເຂົາອາດເຄີຍຄິດວ່າເປັນເລື່ອງເລັກນ້ອຍ ລວມທັງເຮັດໃຫ້ເຮົາເຫັນເຖິງວິທີການນຳໃຊ້ social media ຂອງໄວໜຸ່ມ ເຂົ້າໃນການເຄື່ອນໄຫວທາງສັງຄົມທີ່ຫຼາຍຂຶ້ນ.

Advertisement Replay Ad
ສຽງເພງນຳພາເຮົາມາພົບກັນ ຮູ້ຈັກ ບຸ່ຍ ຕວນ ຫງັອກ ບ່າວຫວຽດນາມຜູ້ຮ້ອງເພງ 'ຜູ້ສາວວຽງຈັນ'

ສຽງເພງນຳພາເຮົາມາພົບກັນ ຮູ້ຈັກ ບຸ່ຍ ຕວນ ຫງັອກ ບ່າວຫວຽດນາມຜູ້ຮ້ອງເພງ 'ຜູ້ສາວວຽງຈັນ'

ຟັງ ຫຼື ຍັງ? "ອໍານາດເງິນຕາ" ເພງໃໝ່ ຈາກແບ້ງ ຮັນນີ

ຟັງ ຫຼື ຍັງ? "ອໍານາດເງິນຕາ" ເພງໃໝ່ ຈາກແບ້ງ ຮັນນີ

ສົ່ງຕໍ່ຄວາມຮູ້ສຶກເສຍໃຈໂດຍບໍ່ມີວັນສິ້ນສຸດຜ່ານ ເພງ "ມີແຕ່ເຈັບ" ຈາກ ນົກ The WOW

ສົ່ງຕໍ່ຄວາມຮູ້ສຶກເສຍໃຈໂດຍບໍ່ມີວັນສິ້ນສຸດຜ່ານ ເພງ "ມີແຕ່ເຈັບ" ຈາກ ນົກ The WOW

ພົບກັບຄ້າຍເພງນ້ອງໃໝ່ NEW WAVE MUSIC ເສີບທັບທຸກລົດຊາດຂອງສຽງດົນຕີ

ພົບກັບຄ້າຍເພງນ້ອງໃໝ່ NEW WAVE MUSIC ເສີບທັບທຸກລົດຊາດຂອງສຽງດົນຕີ

ຟັງ ຫຼື ຍັງ? "ຝັນລະເມີ" ເພງລາວ ທໍານອງດີ ຈາກນັກຮ້ອງໜຸ່ມ ກະຕ່າຍ ຕີ່ງນ່ອຍໆ

ຟັງ ຫຼື ຍັງ? "ຝັນລະເມີ" ເພງລາວ ທໍານອງດີ ຈາກນັກຮ້ອງໜຸ່ມ ກະຕ່າຍ ຕີ່ງນ່ອຍໆ

ເຈັບໃຫ້ສຸດຢຸດທີ່ເພງ "ຊີວິດຫຼັງຄວາມຕາຍ" ພ້ອມຈະຈົມອາລົມໄປກັບເພງນີ້ແລ້ວ ຫຼື ຍັງ?

ເຈັບໃຫ້ສຸດຢຸດທີ່ເພງ "ຊີວິດຫຼັງຄວາມຕາຍ" ພ້ອມຈະຈົມອາລົມໄປກັບເພງນີ້ແລ້ວ ຫຼື ຍັງ?

ຈາກນັກກີລາ ສູ່ຊາຍງາມບໍ່ແມ່ນເລື່ອງງ່າຍ! "ໂດ່ໂດ້" ມ້າມືດ ພຽງ 3 ອາທິດ ຟິດຫຸ່ນແບບຈັດເຕັມ

ຈາກນັກກີລາ ສູ່ຊາຍງາມບໍ່ແມ່ນເລື່ອງງ່າຍ! "ໂດ່ໂດ້" ມ້າມືດ ພຽງ 3 ອາທິດ ຟິດຫຸ່ນແບບຈັດເຕັມ

ດາລາແຝດສາວຜູ້ຊົງອິດທິພົນໃນໃຈຊາວເນັດ! ຮູ້ຈັກ 2 ສາວ ມາຍ-ມີ້ນ ໃຫ້ຫຼາຍຂຶ້ນ

ດາລາແຝດສາວຜູ້ຊົງອິດທິພົນໃນໃຈຊາວເນັດ! ຮູ້ຈັກ 2 ສາວ ມາຍ-ມີ້ນ ໃຫ້ຫຼາຍຂຶ້ນ

ລວມທັບນັກສະແດງນ້ອງໃໝ່! ມີໃຜແດ່ທີ່ໄດ້ຮັບບົດຫຼັກ ໃນຊີຣີໄວລຸ້ນລາວ My Melody?

ລວມທັບນັກສະແດງນ້ອງໃໝ່! ມີໃຜແດ່ທີ່ໄດ້ຮັບບົດຫຼັກ ໃນຊີຣີໄວລຸ້ນລາວ My Melody?

ຟັງກັນ ຫຼື ຍັງ? "ແຂນເປັນຟໍ" ເພງຮັກຫວານໆ ຈາກນັກຮ້ອງໜຸ່ມໆຫຼວງພະບາງ

ຟັງກັນ ຫຼື ຍັງ? "ແຂນເປັນຟໍ" ເພງຮັກຫວານໆ ຈາກນັກຮ້ອງໜຸ່ມໆຫຼວງພະບາງ

ບໍ່ທໍາມະດາ! ເນັດໄອດໍ້ ປາບູ່ ກ້າວສູ່ວົງການ ເປັນນາງເອກ ແລະ ຜູ້ກຳກັບເອງ ໃນຊີຣີແດນປິດສະໜາ

ບໍ່ທໍາມະດາ! ເນັດໄອດໍ້ ປາບູ່ ກ້າວສູ່ວົງການ ເປັນນາງເອກ ແລະ ຜູ້ກຳກັບເອງ ໃນຊີຣີແດນປິດສະໜາ

ສ່ອງ ຜົນງານ ບອສ Black Modeling ດາວດວງໃໝ່ ທີ່ບໍ່ເຄີຍຢຸດພັດທະນາຕົນເອງ

ສ່ອງ ຜົນງານ ບອສ Black Modeling ດາວດວງໃໝ່ ທີ່ບໍ່ເຄີຍຢຸດພັດທະນາຕົນເອງ

"ຜິດຫວັງ" ເພງລາວອົກຫັກກະຊາກອາລົມ ຈາກນັກຮ້ອງໜຸ່ມ Gomen

"ຜິດຫວັງ" ເພງລາວອົກຫັກກະຊາກອາລົມ ຈາກນັກຮ້ອງໜຸ່ມ Gomen

ຈາກເນັດໄອດໍ້ ສູ່ສິລະປິນຄຸນນະພາບ! ສ່ອງ "ຕຸກຕາ" ນາງເອກ MV ເພງຫຼົງສາວຊຽງຂວາງ

ຈາກເນັດໄອດໍ້ ສູ່ສິລະປິນຄຸນນະພາບ! ສ່ອງ "ຕຸກຕາ" ນາງເອກ MV ເພງຫຼົງສາວຊຽງຂວາງ

ເຊຍຈົນວິນາທີສຸດທ້າຍ! "ອາສຸນ" ໜຸ່ມຜົ້ງສາລີ ໝາຍເລກ 01 ຈາກນັກທຸລະກິດ ສູ່ເວທີປະກວດຊາຍງາມ

ເຊຍຈົນວິນາທີສຸດທ້າຍ! "ອາສຸນ" ໜຸ່ມຜົ້ງສາລີ ໝາຍເລກ 01 ຈາກນັກທຸລະກິດ ສູ່ເວທີປະກວດຊາຍງາມ

ເຜີຍສາເຫດ "ເບຍ ດາໃນ" ຖອນໂຕກະທັນຫັນ ຈາກໂປຣເຈັກໃຫຍ່ 7Days 7Boys ເພື່ອສິ່ງນີ້!

ເຜີຍສາເຫດ "ເບຍ ດາໃນ" ຖອນໂຕກະທັນຫັນ ຈາກໂປຣເຈັກໃຫຍ່ 7Days 7Boys ເພື່ອສິ່ງນີ້!

ພ້ອມເດີນຕາມຝັນ! ເຊຍເລີຍ ບ່າວກົດໝາຍ "ໂບ່ລິ້ງ" ຜູ້ຫຼົງຮັກສຽງດົນຕີເປັນຊີວິດຈິດໃຈ

ພ້ອມເດີນຕາມຝັນ! ເຊຍເລີຍ ບ່າວກົດໝາຍ "ໂບ່ລິ້ງ" ຜູ້ຫຼົງຮັກສຽງດົນຕີເປັນຊີວິດຈິດໃຈ

ຂ້ອຍບໍ່ເກັ່ງ ເພາະບໍ່ມີພອນສະຫວັນແມ່ນແທ້ບໍ? ສໍາພາດ "ໂຢ" ຄູຜູ້ສ້າງຄົນ ເຈົ້າຂອງປຶ້ມສູດເຄມີ

ຂ້ອຍບໍ່ເກັ່ງ ເພາະບໍ່ມີພອນສະຫວັນແມ່ນແທ້ບໍ? ສໍາພາດ "ໂຢ" ຄູຜູ້ສ້າງຄົນ ເຈົ້າຂອງປຶ້ມສູດເຄມີ

ບໍ່ທໍາມະດາ! "ຈີ່ມມີ້" ໂຊບົດຟ້ອນສິນໄຊຍິງຊອນ ຜູ້ພິຊິດໃຈກໍາມະການ ໝາຍເລກ ​20

ບໍ່ທໍາມະດາ! "ຈີ່ມມີ້" ໂຊບົດຟ້ອນສິນໄຊຍິງຊອນ ຜູ້ພິຊິດໃຈກໍາມະການ ໝາຍເລກ ​20

"ເພງຂອງເຮົາ" ຟັງແລ້ວອົບອຸ່ນໄປທັງຫົວໃຈ ຜົນງານເພງຄວາມໝາຍດີໆ ຈາກ ຕານຸ ວັນນະສິນ

"ເພງຂອງເຮົາ" ຟັງແລ້ວອົບອຸ່ນໄປທັງຫົວໃຈ ຜົນງານເພງຄວາມໝາຍດີໆ ຈາກ ຕານຸ ວັນນະສິນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ