ວັນອາທິດ ທີ 26 ກັນຍາ 2021

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ
S! Muan

ສະໜັບສະໜູນເນື້ອຫາ

ເລີ່ມຕັ້ງແຕ່ຕົ້ນປີຜ່ານມາ, ສປປ ລາວ ເຮົາໄດ້ຮັບວັກຊີນຕ້ານໂຄວິດ-19 ແລະ ໄດ້ເລີ່ມໃຫ້ວັກຊີນກັບຜູ້ທີ່ເປັນກຸ່ມສ່ຽງໄປແລ້ວ. ໃນປັດຈຸບັນ ທາງການກໍໄດ້ເລັ່ງໃຫ້ວັກຊີນກັນໂຄວິດ-19 ກັບປະຊາຊົນທົ່ວໄປທີ່ ໂດຍໄດ້ຂະຫຍາຍຈຸດສັກວັກຊີນໄປທົ່ວປະເທດ.

ແນວໃດກໍຕາມ ຜູ້ທີ່ສົນໃຈຈະໄປຮັບວັກຊີນກໍຍັງມີຂໍ້ສົງໄສກ່ຽວກັບການຮັບວັກຊີນດັ່ງກ່າວ ບໍ່ວ່າຈະເປັນເລື່ອງຂອງຄວາມປອດໄພ, ຄ່າໃຊ້ຈ່າຍ, ຂໍ້ຫ້າມໃນການຮັບວັກຊີນ, ສະຖານທີ່ໃນການຮັບວັກຊີນ ລວມທັງຂໍ້ຄວນປະຕິບັດຫຼັງຈາກໄດ້ຮັບວັກຊີນ, ເຊິ່ງໃນບົດຄວາມນີ້ ເຮົາໄດ້ຄັດເອົາຄຳຖາມ ແລະ ຄຳຕອບທີ່ ທ່ານ ດຣ. ຈັນໃສ ປັດທຳມະວົງ ຜູ້ຊ່ຽວຊານດ້ານການໃຫ້ວັກຊີນກັນພະຍາດ ຢູ່ສູນສຸຂະພາບແມ່ ແລະ ເດັກ, ກະຊວງສາທາລະນະສຸກ ໄດ້ໄຂຂໍ້ສົງໄສຜ່ານທາງເຟສບຸກຂອງສູນຂ່າວສານການແພດສຸຂະສຶກສາເມື່ອວັນທີ 4 ພຶດສະພາ 2021 ຜ່ານມາ ມາເປັນຂໍ້ມູນໃຫ້ທ່ານຜູ້ອ່ານທຸກຄົນ.


ທ່ານ ດຣ. ຈັນໃສ ປັດທຳມະວົງ ຜູ້ຊ່ຽວຊານດ້ານການໃຫ້ວັກຊີນກັນພະຍາດ ຈາກສູນສຸຂະພາບແມ່ ແລະ ເດັກ, ກະຊວງສາທາລະນະສຸກ

ສັກວັກຊີນກັນພະຍາດໂຄວິດ-19 ເສຍເງິນບໍ່?

ຕອບ: ບໍ່ໄດ້ເສຍເງິນ ເມື່ອໄປຮັບວັກຊີນຕາມຈຸດທີ່ທາງການກຳນົດ.

ນັກທ່ອງທ່ຽວທີ່ເຂົ້າມາລາວ ແລະ ຍັງບໍ່ໄດ້ເດີນທາງກັບປະເທດ ສາມາດຮັບວັກຊີນໄດ້ບໍ່?

ຕອບ: ສາມາດຮັບວັກຊີນໄດ້ ຕາມຈຸດທີ່ທາງການກຳນົດ.

ຜູ້ທີ່ແພ້ອາກາດ ເປັນຕຸ່ມ ເປັນຜື່ນ ສາມາດຮັບວັກຊີນໄດ້ບໍ່?

ຕອບ: ສາມາດຮັບໄດ້ ໂດຍສະເພາະກໍແມ່ນວັກຊີນ AstraZeneca. ທ່ານ ດຣ. ຈັນໃສ ຮຽກຮ້ອງໃຫ້ຜູ້ທີ່ສູງອາຍຸ ແລະ ມີພະຍາດປະຈຳຕົວຮີບຮ້ອນໄປຮັບວັກຊີນຊະນິດນີ້ ເພາະມີຈຳນວນຈຳກັດ.

ມີພະຍາດປະຈຳຕົວເຊັ່ນ: ເບົາຫວານ, ຄວາມດັນເລືອດ, ພະຍາດເລືອດ, ປະຫວັດເປັນມະເຮັງຜ່ານມາ, HIV, ອັກເສບຕັບຜ່ານມາ ຫຼື ອັກເສບອື່ນໆ ສາມາດຮັບວັກຊີນໄດ້ບໍ່?

ຕອບ: ສາມາດຮັບວັກຊີນໄດ້.

ມີໃຜແດ່ທີ່ຫ້າມບໍ່ໃຫ້ສັກວັກຊີນກັນໂຄວິດ-19?

ຕອບ:

  • ແມ່ຍິງທີ່ກຳລັງຖືພາ
  • ອາຍຸຕໍ່າກວ່າ 18 ປີ.
  • ມີປະຫວັດແພ້ວັກຊີນກັນພະຍາດຢ່າງຮຸນແຮງ ແຕ່ຖ້າແພ້ແບບເບົາບາງແມ່ນໃຫ້ປຶກສາແພດ ເພື່ອພິຈາລະນາຕາມຕົວຈິງ.
  • ແມ່ຍິງທີ່ກຳລັງລ້ຽງລູກດ້ວຍນົມແມ່ ຫ້າມສັກວັກຊີນ Sinopharm.
  • ຜູ້ທີ່ກຳລັງນອນປິ່ນປົວໃນໂຮງໝໍ.
  • ຜູ້ທີ່ເປັນພະຍາດກ່ຽວກັບລິ່ມເລືອດ.

ວັກຊີນທີ່ກຳລັງໃຊ້ໃນ ສປປ ລາວ ມີຊະນິດໃດແດ່?

ຕອບ:

  • AstraZeneca ເໝາະສຳລັບຜູ້ທີ່ມີອາຍຸ 60 ປີຂຶ້ນໄປ ແລະ ຜູ້ມີພະຍາດປະຈຳຕົວ.
  • Sinopharm ເໝາະສຳລັບຜູ້ມີອາຍຸ 18 - 59 ປີ ແລະ ມີສຸຂະພາບແຂງແຮງດີ ແລະ ສຳລັບຜູ້ທີ່ມີອາຍຸ 60 ປີຂຶ້ນໄປ ຖ້າບໍ່ມີພະຍາດປະຈຳຕົວແມ່ນສາມາດຮັບວັກຊີນຊະນິດນີ້ໄດ້.

ວັກຊີນທັງສອງຊະນິດນີ້ມີປະສິດທິພາບປ້ອງກັນໂຄວິດ-19 ຄືກັນບໍ?

ຕອບ: ທັງສອງຊະນິດນີ້ສາມາດປ້ອງກັນໄດ້ຄືກັນ. ແຕ່ແນວໃດຕາມ ຄຽງຄູ່ກັນນັ້ນກໍຕ້ອງໄດ້ປະຕິບັດມາດຕະການປ້ອງກັນອື່ນໆໄປພ້ອມກັນເຊັ່ນ: ໃສ່ຜ້າອັດປາກ-ດັງ ເວລາອອກໄປຂ້າງນອກ, ໝັ່ນລ້າງມື, ຮັກສາໄລຍະຫ່າງ ບໍ່ແມ່ນວ່າສັກວັກຊີນແລ້ວຈະສາມາດເຮັດຫຍັງກໍໄດ້ໂດຍບໍ່ປ້ອງກັນໂຕເອງ.

ໄດ້ຮັບວັກຊີນຄົບແລ້ວ ສາມາດເດີນທາງໄປຕ່າງປະເທດໄດ້ບໍ?

ຕອບ: ສາມາດເດີນທາງໄປໄດ້ຖ້າຫາກມີຄວາມຈຳເປັນ ແລະ ໄດ້ຮັບອະນຸຍາດ ແລະ ກໍຂຶ້ນກັບປະເທດປາຍທາງອີກວ່າຈະມີມາດຕະການແນວໃດສຳລັບຜູ້ເຂົ້າປະເທດ ເຊິ່ງກໍຕ້ອງໄດ້ປະຕິບັດຕາມລະບຽບການທີ່ປະເທດປາຍທາງກຳນົດ.

ຄວາມດັນສູງ ສາມາດຮັບວັກຊີນໄດ້ບໍ?

ຕອບ: ແພດຈະໃຫ້ຜູ້ກ່ຽວພັກຜ່ອນກ່ອນຖ້າຫາກພົບວ່າມີຄວາມດັນເລືອດສູງ ແລະ ຈະມີການຕິດຕາມຄືນໃໝ່ຈົນກວ່າຄວາມດັນຈະປົກກະຕິ ຈຶ່ງສາມາດໃຫ້ວັກຊີນໄດ້.

ຖ້າບໍ່ໄດ້ລົງທະບຽນອອນລາຍສາມາດຮັບວັກຊີນໄດ້ບໍ?

ຕອບ: ສາມາດຮັບໄດ້ ໃຫ້ເຂົ້າໄປທີ່ຈຸດບໍລິການໃຫ້ວັກຊີນໃກ້ບ້ານທ່ານເລີຍ.

ອາການຂ້າງຄຽງມີຫຍັງແດ່?

ຕອບ: ສຳລັບອາການຂ້າງຄຽງແບບເບົາບາງ ກໍມີອາການເຈັບ ຫຼື ແດງ ບ່ອນທີ່ສັກ, ປວດຕາມກ້າມຊີ້ນ, ມີໄຂ້ອ່ອນໆ, ເມື່ອຍ, ປວດຮາກ, ວິນຫົວ ເຊິ່ງມີອາການບໍ່ເກີນ 2 ວັນ. ຖ້າຫາກມີອາການ 3 ມື້ຂຶ້ນໄປ ໃຫ້ເຂົ້າໄປພົບແພດທັນທີ. ຂໍ້ມູນກ່ຽວກັບອາການຂ້າງຄຽງສາມາດອ່ານເພີ່ມໄດ້ທີ່ vaccinatelaos.la

ຖ້າມີແຜນຈະເອົາລູກ ສາມາດຮັບວັກຊີນໄດ້ບໍ່?

ຕອບ: ຖ້າມີແຜນເອົາລູກໃນໄວໆນີ້ເຊັ່ນ ໃນອີກ 1 ເດືອນ ກໍຄວນໂຈະການຮັບວັກຊີນກ່ອນ. ແຕ່ສຳລັບວັກຊີນທີ່ມີໄລຍະຫ່າງລະຫວ່າງເຂັມທຳອິດ ແລະ ເຂັມທີ 2 ປະມານ 1 ເດືອນ ເຊັ່ນ Sinopharm ເມື່ອສັກເຂັມທີ 2 ຄົບແລ້ວກໍສາມາດເອົາລູກໄດ້.

ສັກວັກຊີນເຂັມທຳອິດໄປແລ້ວ ແລ້ວຮູ້ວ່າໂຕເອງຖືພາພາຍຫຼັງ ແຕ່ຍັງບໍ່ທັນໄດ້ຮັບເຂັມທີ 2 ຈະເຮັດແນວໃດ?

ຕອບ: ໃຫ້ໂຈະເຂັມທີ 2 ໄປກ່ອນ ຈົນກວ່າຜູ້ກ່ຽວຈະເກີດລູກ. ແຕ່ສຳລັບຜົນຂ້າງຄຽງຂອງວັກຊີນທີ່ມີຕໍ່ລູກໃນທ້ອງ ແມ່ນຍັງບໍ່ທັນມີຜົນການສຶກສາອອກມາເທື່ອ ແລະ ໃຫ້ຮັກສາລູກໃນທ້ອງໄວ້.

ຮັບວັກຊີນເຂັມທຳອິດຢູ່ບ່ອນໜຶ່ງ ແລ້ວເຂັມທີ 2 ສາມາດໄປຮັບຢູ່ບ່ອນອື່ນໄດ້ບໍ່?

ຕອບ: ໃຫ້ຮັກສາບັດຮັບວັກຊີນໄວ້ໃຫ້ດີ ແລະ ສາມາດກັບໄປຮັບຢູ່ຈຸດເກົ່າ ຫຼື ຮັບຢູ່ຈຸດບໍລິການໃດກໍໄດ້ທີ່ສະດວກ ແລະ ມີເງື່ອນໄຂ.

ແມ່ຍິງທີ່ກຳລັງເປັນປະຈຳເດືອນຢູ່ສາມາດຮັບວັກຊີນໄດ້ບໍ?

ຕອບ: ສຳລັບວັກຊີນ Simopharm ແມ່ນມີຂໍ້ຫ້າມສຳລັບແມ່ຍິງທີ່ກຳລັງເປັນປະຈຳເດືອນຢູ່ ແຕ່ຫຼັງຈາກທີ່ເຊົາເປັນປະຈຳເດືອນແລ້ວແມ່ນສາມາດຮັບວັກຊີນໄດ້.

ລົງທະບຽນອອນລາຍເຮັດແນວໃດ?

ຕອບ: ສາມາດລົງທະບຽນໄດ້ຜ່ານທາງ vaccinatelaos.la

ຖ້າບັດຮັບວັກຊີນເສຍ ແຕ່ໄດ້ຖ່າຍຮູບໄວ້ຈະເຮັດແນວໃດ?

ຕອບ: ຖ້າໄດ້ຖ່າຍຮູບໄວ້ ແມ່ນສາມາດໃຊ້ຢັ້ງຢືນເພື່ອຮັບວັກຊີນເຂັມທີ 2 ໄດ້. ແຕ່ແນະນຳໃຫ້ທຸກຄົນຮັກສາບັດຮັບວັກຊີນໄວ້ໃຫ້ດີ ເພາະມີລະຫັດປະຈຳຕົວຂອງຜູ້ຮັບວັກຊີນຢູ່ ເພື່ອຄວາມສະດວກໃນການຮັບວັກຊີນເຂັມທີ 2.

ຍ້ອນຫຍັງບາງແຂວງຈຶ່ງບໍ່ມີວັກຊີນ AstraZeneca?

ຕອບ: ສຳລັບວັກຊີນຊະນິດນີ້ແມ່ນປະເທດລາວເຮົາໄດ້ຮັບພຽງຈຳນວນໜ້ອຍຄື ໃນຊຸກທຳອິດແມ່ນມີປະມານ 1 ແສນກວ່າໂດສເທົ່ານັ້ນ. ສະນັ້ນຈຶ່ງໄດ້ມີການຈັດແບ່ງໄປຍັງແຂວງທີ່ມີຄວາມສ່ຽງສູງກ່ອນ ເຮັດໃຫ້ບາງແຂວງຍັງບໍ່ທັນມີການໃຫ້ວັກຊີນຊະນິດນີ້ເທື່ອ ແລະ ຈະມີການຈັດສັນໃຫ້ໃນຄັ້ງຕໍ່ໄປ.

ສັກວັກຊີນໄປແລ້ວ ມີຂໍ້ຫ້າມຫຍັງແດ່?

ຕອບ: ໃຫ້ງົດເຄື່ອງດື່ມທີ່ມີທາດເຫຼົ້າຫຼັງຮັບວັກຊີນເປັນເວລາ 1 ອາທິດ. ສ່ວນອາຫານອື່ນໆແມ່ນສາມາດກິນໄດ້ປົກກະຕິ.

ເຂັມທຳອິດສັກວັກຊີນຊະນິດໜຶ່ງ ແລ້ວເຂັມສອງຈະຮັບວັກຊີນຊະນິດຕ່າງກັນໄດ້ ຫຼື ບໍ່?

ຕອບ: ບໍ່ໄດ້. ເຂັມທີສອງແມ່ນໃຫ້ສືບຕໍ່ສັກເປັນຊະນິດດຽວກັບເຂັມທຳອິດ.

ຫຼັງຈາກສັກເຂັມທຳອິດໄປແລ້ວເກີດຕິດໂຄວິດ-19 ຂຶ້ນມາ ຈະສາມາດຮັບເຂັມທີ 2 ຕໍ່ໄດ້ບໍ່?

ຕອບ: ຖ້າຫາກຕິດໂຄວິດ-19 ຫຼັງຈາກທີ່ຮັບວັກຊີນເຂັມທຳອິດໄປແລ້ວ ຈະຕ້ອງໄດ້ລໍຖ້າອີກ 6 ເດືອນຈຶ່ງສາມາດຮັບວັກຊີນໄດ້ໃໝ່.

ຫຼັງໄດ້ຮັບວັກຊີນໄປແລ້ວ ວັກຊີນຈະມີປະສິດທິຜົນໄປໄດ້ດົນຈັກເດືອນ?

ຕອບ: ຈາກການສຶກສາຍັງບໍ່ທັນມີຂໍ້ມູນວ່າຫຼັງຈາກສັກໄປແລ້ວແມ່ນຈະມີພູມຕ້ານທານໄປຕະຫຼອດຊີວິດ ຫຼື ບໍ່. ແຕ່ໃນປັດຈຸບັນແມ່ນອາດຈະຕ້ອງໄດ້ຮັບວັກຊີນແບບປີຕໍ່ປີໄປກ່ອນ.


ສຳລັບຂໍ້ສົງໄສອື່ນໆທີ່ບໍ່ມີໃນຂໍ້ມູນຂ້າງເທິງທີ່ເຮົາຄັດມາ, ທ່ານສາມາດເບິ່ງເພີ່ມເຕີມໄດ້ທີ່ເວັບໄຊ vaccinatelaos.la, www.covid19.gov.la ຫຼື ຜ່ານທາງເຟສບຸກ ສູນຂ່າວສານການແພດສຸຂະສຶກສາ ແລະ ສາຍດ່ວນ 165 / 166.

ອ້າງອີງ:

Advertisement Replay Ad
ລວມສາລະພັດວິທີແກ້ອາການຂີ້ລືມ ງ່າຍໆ ໄດ້ຜົນແທ້

ລວມສາລະພັດວິທີແກ້ອາການຂີ້ລືມ ງ່າຍໆ ໄດ້ຜົນແທ້

ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ