ວັນອາທິດ ທີ 19 ກັນຍາ 2021

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ
S! Muan

ສະໜັບສະໜູນເນື້ອຫາ

ບັນດິດທີ່ຈົບອອກມາໃໝ່ທຸກມື້ນີ້ ຍິ່ງໃໝ່ຫຼາຍເທົ່າໃດກໍຍິ່ງເຈັບຫຼາຍເທົ່ານັ້ນ ເພາະປັດຈຸບັນນັ້ນ ເດັກທີ່ຈົບໃໝ່ມີທັກສະບໍ່ກົງກັບຄວາມຕ້ອງການຂອງຕະຫຼາດແຮງງານ ນີ້ຍັງບໍ່ນັບລວມພະຍາດລະບາດທີ່ມາປ່ຽນແປງຫຼາຍໆທຸລະກິດ ນັ້ນໝາຍເຖິງ ບໍ່ວ່າຈະນັບລວມ ຫຼື ບໍ່ນັບ? ການຫາວຽກຂອງເດັກຈົບໃໝ່ຈຳນວນຫຼາຍກໍຍັງຫາຍາກຢູ່ດີ. ນີ້ແມ່ນສາເຫດທີ່ວ່າ "ເປັນຫຍັງຈົບມາຕັ້ງຫຼາຍເດືອນ (ຫຼື ເປັນປີ) ແລ້ວ ແຕ່ຍັງບໍ່ມີວຽກເຮັດ?"

ແລ້ວທັກສະຫຍັງທີ່ນັກສຶກສາຈົບໃໝ່ມີບໍ່ກົງກັບຄວາມຕ້ອງການຂອງຕະຫຼາດ ມາເບິ່ງກັນ ຖ້າຍັງບໍ່ຊ້າເກີນໄປ ຈະໄດ້ແກ້ໄຂກັນທັນ.

ພວກທີ່ຮຽນພຽງແຕ່ເອົາວຸດທິ, ຈົບປະລິນຍາຕີ ແນວໃດກໍມີວຽກເຮັດ

ມີນັກສຶກສາຫຼາຍຄົນທີ່ຄິດແບບນັ້ນແທ້ໆ ເພາະເຄີຍເບິ່ງວ່າຄົນທີ່ບໍ່ມີວຽກເຮັດກໍຄືຄົນທີ່ການສຶກສາຕໍ່າ ເຊິ່ງສະຖານະການປັດຈຸບັນມັນບໍ່ແມ່ນແບບນັ້ນອີກຕໍ່ໄປແລ້ວ. ຕໍ່ໃຫ້ຈົບປະລິນຍາເອກ ແຕ່ບໍລິສັດ ກໍບໍ່ໄດ້ຕ້ອງການທັກສະທີ່ເຈົ້າມີ. ເຂົາເຈົ້າແນມຫາຄົນທີ່ເຮັດວຽກຕາມລັກສະນະທີ່ເຂົາເຈົ້າຢາກໄດ້. ຖ້າເຈົ້າບໍ່ມີຄວາມສາມາດ ເຈົ້າກໍບໍ່ມີວຽກເຮັດ ເພາະສະນັ້ນ ຈົ່ງລຶບຄວາມຄິດວ່າ ທີ່ພຽງແຕ່ຮຽນໃຫ້ໄດ້ວຸດທິປະລິນຍາຕີມາໄວ້ໃຊ້ ຍື່ນສະໝັກວຽກ ກໍພໍແລ້ວໄປເສຍໃຫ້ໝົດ ຊີວິດບໍ່ໄດ້ງ່າຍຂະໜາດນັ້ນ.

ຊໍ້າບໍ່ໜຳ, ບາງຄົນຍັງອວດພູມວ່າ ຂ້ອຍຈົບຕັ້ງປະລິນຍາຕີມາ ຖ້າຕ້ອງເຮັດວຽກແບບນີ້ ຂ້ອຍຈະຮຽນຈົບສູງໄປເຮັດຫຍັງ ໂດຍທີ່ບາງຄົນບໍ່ໄດ້ປະເມີນຄວາມຮູ້ຄວາມສາມາດຂອງຕົນເອງກ່ອນເລີຍນຳວ່າ ຫຼາຍພໍທີ່ຈະຕໍ່ລອງ ຫຼື ຮຽກຮ້ອງຫຍັງບໍ່? ເຊິ່ງຖ້າເລືອກວຽກຂັ້ນນີ້ ກໍຄົງໄດ້ວ່າງວຽກໄປແບບຍາວໆຢ່າງແນ່ນອນ.

ສຳຄັນກໍຄື, ໂລກໃນຍຸກປັດຈຸບັນນີ້ ມີສາຍວຽກສ່ວນໜຶ່ງທີ່ຫາຍໄປ ເຮັດໃຫ້ນັກສຶກສາທີ່ຮຽນໃນຄະນະທີ່ບໍ່ໄດ້ເນັ້ນອາຊີບສະເພາະດ້ານໂດຍກົງ ຫາວຽກເຮັດໄດ້ຍາກຂຶ້ນໄປອີກ. ຫຼາຍຄົນບໍ່ໄດ້ຕັ້ງໃຈເລືອກຄະນະ ຫຼື ສະຖາບັນການສຶກສາ ເພາະແນມໄປຮອດອະນາຄົດ, ແຕ່ເລືອກຍ້ອນພຽງແຕ່ໃຫ້ມີບ່ອນຮຽນ, ມີບ່ອນໃຫ້ຈົບ, ຈົບມາແລ້ວໄດ້ວຸດທິ ເທົ່ານັ້ນ. ບາງຄົນເລືອກຮຽນໃນສິ່ງທີ່ຕົນເອງມັກ ໂດຍລືມເບິ່ງໂລກຄວາມເປັນຈິງວ່າ ຈະມີວຽກເຮັດ ຫຼື ບໍ່. ໂລກທີ່ຈັບເຄື່ອນດ້ວຍລະບົບທຶນນິຍົມ ບາງເທື່ອສິ່ງທີ່ມັກ ກໍໃຊ້ຫາເງິນລ້ຽງຊີວິດບໍ່ໄດ້.

ຄວາມສາມາດບໍ່ໂດດເດັ່ນ

ແປໃຫ້ເຂົ້າໃຈງ່າຍໆກໍຄື "ບໍ່ເກັ່ງພໍ" ຫຼື "ມີຄົນທີ່ເກັ່ງກວ່າ". ຕໍ່ໄປ ໂລກໜ່ວຍນີ້ຈະບໍ່ມີບ່ອນຢືນສຳລັບຄົນທີ່ມີຄວາມສາມາດລະດັບກາງໆອີກຕໍ່ໄປ. ໃນຍຸກທີ່ການແຂ່ງຂັນສູງ ທຸກສິ່ງຢ່າງຕ້ອງແຂ່ງກັບເວລາ, ແຂ່ງກັບຄົນອື່ນ, ແຂ່ງກັບໂຕເອງ, ເຮົາບໍ່ສາມາດເອົາໂຕລອດໄດ້ຖ້າບໍ່ໂດດເດັ່ນ ຫຼື ເຂັ້ມແຂງຫຼາຍພໍ.

ເນື່ອງຈາກແຕ່ລະອົງກອນ ຕ້ອງການພະນັກງານທີ່ບໍ່ຄືກັນ ແລະ ມັກຈະເຈາະຈົງໄປທີ່ຄວາມສາມາດສະເພາະດ້ານຫຼາຍຂຶ້ນກວ່າເກົ່າ. ຄົນທີ່ຄວາມສາມາດຢູ່ໃນລະດັບກາງໆບາງຄົນຖືກຕັດອອກເພາະອົງກອນມີຕົວເລືອກມີຕົວເລືອກທີ່ດີກວ່າ. ດັ່ງນັ້ນ ໄວຮຽນທຸກຄົນຄົງຕ້ອງເລີ່ມຮັບຮູ້ໃຫ້ຫຼາຍຂຶ້ນແລ້ວວ່າ ອາຊີບໃນຝັນຂອງເຮົາຕ້ອງການຄົນທີ່ມີຄວາມຊ່ຽວຊານດ້ານໃດເປັນພິເສດ ແລະ ຕ້ອງເກັ່ງຂະໜາດໃດຈຶ່ງຈະສູ້ຄູ່ແຂ່ງໄດ້ ຈະໄດ້ພັດທະນາຕົວເອງໃຫ້ຖືກທາງ. ຖ້າຢາກເໜືອກວ່າຄົນອື່ນທີ່ຈົບພ້ອມກັບເຮົາ ກໍຄົງຕ້ອງມາຕັ້ງເປົ້າໝາຍກັນໃໝ່ ແລະ ພະຍາຍາມພັດທະນາຕົວເອງໃຫ້ເຂັ້ມແຂງຫຼາຍພໍທີ່ຈະລົງສູ່ສະໜາມ.

ບໍ່ຮູ້ກະແສຂອງເຕັກໂນໂລຊີ

ໃນຕອນນີ້ ຕໍ່ໃຫ້ເກັ່ງສໍ່າໃດ ກໍຕ້ອງຮູ້ວ່າເຕັກໂນໂລຊີຫຼາຍຢ່າງໆເກັ່ງກວ່າເຮົາໄປແລ້ວ. ຫຼາຍສິ່ງຫຼາຍຢ່າງທີ່ກ່ອນໜ້ານີ້ເຮົາຈິນຕະນາການບໍ່ອອກວ່າມັນຈະມີ ມັນກໍມີແລ້ວ ແລະ ລໍ້າໜ້າອີກດ້ວຍ (ເພາະຄົນທີ່ພັດທະນາເຕັກໂນໂລຊີຂຶ້ນມາກໍເກັ່ງກວ່າເຮົາ). ສະນັ້ນ ຈຶ່ງປະໝາດບໍ່ໄດ້ເລີຍວ່າ ຈະບໍ່ຕົກວຽກໃນອະນາຄົດອັນໃກ້ ຄາເວ່າອີກບໍ່ເກີນ 10 ປີ (ຫຼື ໂຄວິດ-19 ຈະເລັ່ງໃຫ້ໄວກວ່ານັ້ນ), ເຕັກໂນໂລຊີຈະເຂົ້າມາເຮັດວຽກແທນຄົນໄດ້ຢ່າງສົມບູນ,​ ເຮັດໄດ້ເກືອບເທົ່າຄົນ, ເຮັດໄດ້ດີເທົ່າຄົນ ແລະ ເຮັດໄດ້ດີກວ່າຄົນ ໂດຍສະເພາະສິ່ງທີ່ເອີ້ນວ່າ AI ຫຼື IoT ຫຼື ອີ່ຫຍັງກໍຕາມແຕ່, ສິ່ງເຫຼົ່ານີ້ແມ່ນຄູ່ແຂ່ງສຳຄັນໃນສະຕະວັດທີ 21, ຄູ່ແຂ່ງທີ່ເຮົາບໍ່ຮູ້ວ່າມັນເກັ່ງຂະໜາດໃດ.

ນີ້ຈຶ່ງເປັນຊ່ວງເວລາທີ່ເປັນຕາຢ້ານຫຼາຍກວ່າ ເຮົາຈະຕ້ອງເຮັດຫຍັງຈັກຢ່າງກັບຊີວິດ, ເພາະເຕັກໂນໂລຊີບໍ່ຢຸດພັດພັດທະນາພຽງເທົ່ານີ້ຢ່າງແນ່ນອນ, ພຽງແຕ່ຍາດວຽກກັບຄົນກັນເອງ ໂອກາດກໍວ່າໜ້ອຍຫຼາຍແລ້ວ ຍັງຈະຕ້ອງມາຍາດວຽກກັບເຕັກໂນໂລຊີອີກ. ແລ້ວສິ່ງທີ່ເຕັກໂນໂລຊີໄດ້ປຽບຄົນເຮົາກໍຄື ພວກມັນບໍ່ມີປາກມີສຽງ, ບໍ່ງໍແງຕາມອາລົມ ເວລາເຮັດວຽກ ແລະ ບໍ່ຮຽກຮ້ອງໃຫ້ຂຶ້ນເງິນເດືອນ! ຫາກອົງກອນມີຕົວເລືອກທີ່ດີກວ່າຂະໜາດນີ້ ເປັນຫຍັງເຂົາເຈົ້າຈຶ່ງຕ້ອງເລືອກຄົນມາເຮັດວຽກລະ?

ພື້ນຖານການຮຽນຈາກສະຖານສຶກສາບໍ່ຕອບໂຈດແທ້

ການສຶກສາໃນບ້ານເຮົາຍັງເນັ້ນເລື່ອງຂອງການຮຽນຮູ້ທິດສະດີ ແລະ ເລົ່າຂຶ້ນໃຈເປັນຫຼັກ ຍັງບໍ່ເນັ້ນໃຫ້ລົງມືປະຕິບັດຕົວຈິງເທົ່າທີ່ຄວນ. ພ້ອມນີ້ຍັງບໍ່ເນັ້ນໃຫ້ນັກຮຽນ-ນັກສຶກສານຳເອົາທິດສະດີມາປະຍຸກໃຊ້ ຫຼື ປັບໃຊ້ໃຫ້ເຂົ້າກັບການເຮັດວຽກ ເຊິ່ງກົງກັນຂ້າມກັບໂລກແຫ່ງການເຮັດວຽກຈິງ ທີ່ເຂົາເຈົ້າບໍ່ໄດ້ເລືອກພະນັກງານມາທົດສອບວ່າ ຈື່ນັ້ນຈຳນີ້ໄດ້ຫຼາຍໜ້ອຍສໍ່າໃດ ແລ້ວເລົ່າບົດທ່ອງອອກມາ. ເຂົາເຈົ້າຕ້ອງການຄົນທີ່ເຮັດວຽກແລ້ວໄດ້ຜົນງານທີ່ຈັບຕ້ອງໄດ້.

ໝາຍຄວາມວ່າ, ເຈົ້າຕ້ອງເອົາທິດສະດີທັງໝົດທີ່ຮຽນມາຕະຫຼອດ 4 ປີ (ຫຼື ຫຼາຍກວ່ານັ້ນ) ມາປະຍຸກໃຊ້ໃຫ້ເຂົ້າກັບການເຮັດວຽກໂຕຈິງ ພ້ອມທັງຕ້ອງຮຽນຮູ້ຈັກປັບໃຊ້ກັບສິ່ງອ້ອມໂຕທີ່ປ່ຽນແປງຢູ່ຕະຫຼອດທຸກວິນາທີ. ຖ້າບໍ່ອັບເກຣດຊີວິດໃຫ້ໂຕເອງເລີຍ ກໍບໍ່ຕ່າງຫຍັງກັບການຢືນຢູ່ກັບທີ່ ໃນຂະນະທີ່ອົງກອນຍ່າງໄປຂ້າງໜ້າ. ສຸດທ້າຍເຂົາກໍຈະຖິ້ມເຈົ້າໄວ້ຂ້າງຫຼັງ. ດັ່ງນັ້ນ, ນັກຮຽນ-ນັກສຶກສາທີ່ກຳລັງສຶກສາຢູ່ໃນຕອນນີ້ ຈຶ່ງຄວນກຽມໂຕໃຫ້ພ້ອມ ຕິດຕາມຄວາມເປັນໄປໃນແວດວົງອາຊີບຂອງຕົນເອງ ວ່າພໍຈະເອົາຄວາມຮູ້ທີ່ມີຢູ່ໄປເຮັດຫຍັງໄດ້ແດ່ ເພື່ອທີ່ຕົນເອງຈະໄດ້ມີຄຸນສົມບັດກົງກັບຄວາມຕ້ອງການຂອງອົງກອນ.

EQ ຕໍ່າ

ສະຖາບັນການສຶກສາສ່ວນໃຫຍ່ຈະສອນຄວາມຮູ້ດ້ານ Hard Skills ຫຼື ຄວາມຮູ້ພວກຫຼັກການ-ທິດສະດີຕ່າງໆ ທີ່ເນັ້ນໃຫ້ນັກຮຽນ-ນັກສຶກສາເລົ່າແລ້ວນຳເອົາໄປສອບເສັງ ຫຼາຍກວ່າການຝຶກໃຫ້ຄິດໃຫ້ເຮັດ ແລະ ທັກສະທາງສັງຄົມກໍມີຢູ່ໜ້ອຍ. Soft Skills ຫຼື EQ ທີ່ຈຳເປັນສຳລັບການເຮັດວຽກກໍຕໍ່າລົງ ຍ້ອນເດັກນ້ອຍບາງຄົນຕ້ອງຮຽນກໜັກ ຈຶ່ງບໍ່ໄດ້ເຂົ້າສັງຄົມກັບຄົນອື່ນຫຼາຍເທົ່າທີ່ຄວນ ເຊິ່ງກໍຂັດກັບທຳມະຊາດໃນການຮຽນຮູ້ເດັກໃນເກນອາຍຸນັ້ນໆອີກດ້ວຍ. ພໍຮອດເກນອາຍຸເຮັດວຽກ ຈຶ່ງເຮັດໃຫ້ໃນຫົວມີແຕ່ທິດສະດີ, ຄິດວິເຄາະບໍ່ເປັນ, ແກ້ບັນຫາບໍ່ໄດ້, ປັບຕົວກໍຍາກ, ເຂົ້າກັບໃຜກໍບໍ່ໄດ້, ບໍ່ມີຄວາມຄິດສ້າງສັນ ເປັນຕົ້ນ.

ທາງອົງການຈະຮູ້ EQ ຂອງຜູ້ສະໝັກວຽກໄດ້ສ່ວນໜຶ່ງຈາກປະຫວັດການສະໝັກວຽກ ແລະ ຕອນທີ່ເອີ້ນສຳພາດວຽກ ເຊິ່ງຫຼາຍຄົນກໍບໍ່ໄດ້ລະມັດລະວັງ ຫຼື ກຽມໂຕບໍ່ພ້ອມເທົ່າທີ່ຄວນ ຈຶ່ງພາດຫຼຸດຫຍັງບາງຢ່າງອອກໄປ ກໍເປັນເຫດຜົນທີ່ເຮັດໃຫ້ຕົກຮອບສຳພາດ. ແຕ່ໃນຄົນທີ່ກຽມໂຕມາດີ, ພໍໄດ້ເຂົ້າມາເຮັດວຽກແທ້ໆ ກໍອາດຈະມີບັນຫາດັ່ງທີ່ກ່າວໄວ້ໃນຫຍໍ້ໜ້າທີ່ຜ່ານມາ ກໍໄປຕໍ່ບໍ່ໄດ້ອີກ. ເວົ້າງ່າຍໆກໍຄື ອົງກອນເກືອບຈະໃຊ້ປະໂຫຍດຫຍັງຈາກໂຕເຈົ້າບໍ່ໄດ້ເລີຍ ໃນການທີ່ໃຫ້ເຈົ້າເຂົ້າມາເປັນສ່ວນໜຶ່ງຂອງທີມ. ຫາກອົງກອນໃຫ້ໂອກາດຮັບເຂົ້າມາໃນຕອນທຳອິດ ແຕ່ໃນທ້າຍທີ່ສຸດອາດຈະໄປບໍ່ລອດກໍໄດ້.

ບໍ່ມີຄວາມຮູ້ສະເພາະດ້ານ

ຄືກັບການບໍ່ມີບ່ອນຢືນໃຫ້ກັບຄົນທີ່ມີຄວາມຮູ້ຄວາມສາມາດລະດັບກາງໆນັ້ນເອງ, ຄົນທີ່ມີຄວາມສາມາດແບບ "ເປັດ" ກໍອາດຈະບໍ່ລອດຄືກັນສຳລັບການເຮັດວຽກໃນຍຸກນີ້. ທີ່ຈິງແລ້ວ ການເປັນເປັດບໍ່ໄດ້ຜິດ ແຖມຍັງມີຂໍ້ດີອີກດ້ວຍ ທີ່ທ່ານສາມາດເຮັດຫຍັງໄດ້ຫຼາຍໆຢ່າງ. ແຕ່ຢ່າງໜ້ອຍ ທ່ານກໍຄວນຈະຕ້ອງເກັ່ງຫຍັງຈັກດ້ານໃຫ້ຊັດເຈນ ໃຫ້ຮູ້ວ່າຖ້າຈະເຮັດວຽກນີ້ ມີເຈົ້າຄົນດຽວເທົ່ານັ້ນທີ່ເຮັດໄດ້. ຍິ່ງບໍ່ມີປະສົບການການເຮັດວຽກ, ບໍ່ເຄີຍຝຶກງານ, ບໍ່ເຄີຍເປັນພະນັກງານເຮັດວຽກພາດທາມ ໂອກາດກໍນ້ອຍກວ່າຄົນທີ່ເຂົາເຈົ້າມີສ່ວນນີ້ໃນປະຫວັດ ເພາະຄົນເຫຼົ່ານີ້ເຄີຍເຫັນ, ເຄີຍສຳຜັດບັນຍາກາດການເຮັດວຽກແທ້ໆແລ້ວວ່າເປັນແນວໃດ.

ນັ້ນໝາຍຄວາມວ່າ ຖ້າເຈົ້າຍັງບໍ່ຮູ້ວ່າໂຕເອງມັກ ຫຼື ຖະໜັດຫຍັງເປັນພິເສດ ນີ້ຄົງບໍ່ແມ່ນເວລາທີ່ຈະມາມົວໂອ້ເອ້ອີກແລ້ວ. ໃນໂລກຂອງຄວາມເປັນຈິງນັ້ນ, ທັກສະທີ່ຕະຫຼາດແຮງງານຕ້ອງການມີການປ່ຽນແປງ ແລະ ອັບເດດຢູ່ຕະຫຼອດເວລາ ເຮັດໃຫ້ນັບມື້ວຽກຍິ່ງຫາຍາກຂຶ້ນເລື້ອຍໆ. ຖ້າເຈົ້າປ່ອຍໃຫ້ຄົນອື່ນໆ ເຂົາກໍລໍ້າໜ້າໄປກັນໝົດ ເຈົ້າຈະໄປແຊກບ່ອນໃດໄດ້? ສ່ວນໃຜທີ່ຮູ້ໂຕເອງແລ້ວ ກໍພະຍາຍາມປັບປຸງໂຕເອງຕໍ່ໄປ ແລະ ຕັ້ງໃຈເຮັດໃຫ້ດີຂຶ້ນ ເພື່ອທີ່ເວລາຍື່ນປະຫວັດສະໝັກວຽກ ຈະໄດ້ມີປະຫວັດວ່າຢ່າງໜ້ອຍກໍຍັງມີຄວາມຮູ້ສະເພາະໃນດ້ານນີ້. ຄວາມຮູ້ສະເພາະທີ່ອົງກອນຫວັງເພິ່ງຈາກເຈົ້າໄດ້ຄົນດຽວເທົ່ານັ້ນ.

ບໍ່ຂົນຂວາຍພັດທະນາຕົນເອງ

ປັດໄຈສ່ວນໜຶ່ງມາຈາການປ່ຽນແປງຂອງຍຸກສະໄໝທີ່ເອື້ອອຳນວຍໃຫ້ຄົນຂີ້ຄ້ານກັນຫຼາຍຂຶ້ນ. ຫຼາຍຄົນເຄີຍຊິນກັບຄວາມສະດວກສະບາຍເກີນໄປຈົນບໍ່ຄິດຈະເຮັດຫຍັງທັງນັ້ນເມື່ອມີເວລາວ່າງ. ເບິ່ງງ່າຍໆຂະໜາດຕອນສອບເສັງ ບາງຄົນຍັງຂີ້ຄ້ານອ່ານໜັງສື ກໍບໍ່ແປກທີ່ຈະບໍ່ຂົນຂວາຍເຮັດຫຍັງທີ່ເປັນປະໂຫຍດ ຈະເຮັດສະເພາະສິ່ງທີ່ຖືກບັງຄັບ ກາຍເປັນວ່າຕ້ອງເຮັດເທົ່ານັ້ນ. ແຕ່ຮູ້ບໍວ່າ ໃນຍຸກນີ້ຕຳແໜ່ງວຽກບໍ່ຫຼາຍພໍຈະໃຫ້ຄົນທີ່ຫາວຽກທຸກຄົນໄດ້ວຽກ. ໃນວິນາທີໜຶ່ງ ເຈົ້າມີຄູ່ແຂ່ງເປັນຮ້ອຍເປັນພັນຄົນ ພ້ອມທັງຍັງມີເຕັກໂນໂລຊີມາເປັນຄູ່ແຂ່ງອີກ ຖ້າບໍ່ພັດທະນາຕົນເອງ ສໍ່ແວວເສຍໄຊຕັ້ງແຕ່ຍັງບໍ່ໄດ້ລົງສະໜາມຊໍ້າ.

ນັ້ນໝາຍຄວາມວ່າ ນັກຮຽນນັກສຶກສາຄົນໃດທີ່ຍັງຊ້າ ແລະ ບໍ່ພະຍາຍາມຍົກລະດັບທັກສະຄວາມສາມາດຂອງຕົນເອງ ເຈົ້າກໍຈະບໍ່ມີອາວຸດຫຍັງໄປສູ້ກັບຄົນອື່ນເຂົາ. ໂອກາດທີ່ຈະໄດ້ວຽກທີ່ຕົນເອງມັກກໍໜ້ອຍຕາມ. ຄົນທີ່ຮຽນຢູ່ຕ້ອງກຽມໂຕຕັ້ງແຕ່ຕົ້ນໆ ສຳຫຼວດເບິ່ງວ່າກະແສຂອງໂລກ ແລະ ອົງກອນຕ້ອງການຄົນເຮັດວຽກທີ່ມີຄວາມຊ່ຽວຊານທາງດ້ານໃດ ເພື່ອທີ່ເຮົາຈະໄດ້ຫາຄວາມຮູ້ເພີ່ມເຕີມມາເສີມຄຸນສົມບັດຂອງຕົວເອງ ໂດຍຄວາມຮູ້ເຫຼົ່ານັ້ນມັກເປັນຄວາມຮູ້ທີ່ສະຖາບັນການສຶກສາບໍ່ໄດ້ສອນ. ເຮົາຕ້ອງຫາຄວາມຮູ້ນອກຫ້ອງຮຽນເອງ ເຊັ່ນກະແສໂລກດິຈິຕອນ ເປັນທັກສະທີ່ຈຳເປັນສຳລັບສາຍວຽກຫຼາຍສາຍໃນຍຸກປັດຈຸບັນ ແລ້ວເຈົ້າເຮັດຫຍັງໄດ້ແດ່.

Advertisement Replay Ad
ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ