ວັນອັງຄານ ທີ 2 ມີນາ 2021

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ
S! Muan

ສະໜັບສະໜູນເນື້ອຫາ

ຄືດັ່ງທີ່ຫຼາຍໆຄົນຮູ້ນຳກັນແລ້ວວ່າຖ້າຢາກທີ່ຈະຫຼຸດນ້ຳໜັກເບື້ອງຕົ້ນເຈົ້າຕ້ອງກິນ ແຄຣໍລີ້ (ພະລັງງານ) ໃຫ້ໜ້ອຍລົງ ແລະ ອອກກຳລັງກາຍເປັນປະຈຳສະໝ່ຳສະເໝີ. ແຕ່ກໍ່ມີຫຼາຍຂໍ້ທີ່ຄົນທີ່ຕ້ອງການຫຼຸດນ້ຳໜັກມັກຈະເຮັດຜິດພາດ, ໂດຍສະເພາະມືໃໝ່ ນອກຈາກຈະບໍ່ຊ່ວຍໃຫ້ຫຼຸດນ້ຳໜັກໄດ້ແລ້ວຍັງສ່ຽງຕໍ່ການເສຍນໍາ. ລອງມາເບິ່ງນຳກັນວ່າມີຫຍັງແດ່ທີ່ເຮົາເຂົ້າໃຈແບບຜິດໆທີ່ຜ່ານມາ

1. ສົນໃຈແຕ່ຊັ່ງນ້ຳໜັກ ແລະ ປຽບທຽບທຸກໆມື້ (ຖີ່ເກີນໄປ)

ນ້ຳໜັກທີ່ເຮົາຊັ່ງມັນເປັນພຽງຕົວເລກການປ່ຽນແປງຂອງນ້ຳໜັກໃນພາບລວມຊື່ໆ ນອກຈາກຈະບໍ່ສາມາດເຮັດໃຫ້ເຮົາວັດແທກປະສິດທິພາບຂອງການຫຼຸດນ້ຳໜັກແລ້ວ,​ ການຊັ່ງນ້ຳໜັກຕະຫຼອດອາດເຮັດໃຫ້ເຮົາເຄັ່ງຄຽດ ແລະ ບໍ່ມີສະມາທິ ແລ້ວທໍ້ໄປກໍ່ມີ. ຮ່າງກາຍຂອງເຈົ້າອາດກຳລັງມາຖືກທາງໃນການກຳຈັດໄຂມັນອອກຈາກຮ່າງກາຍ ເຖິງນ້ຳໜັກລວມຈະບໍ່ປ່ຽນແປງກໍ່ຕາມມ.

ສິ່ງທີ່ຄວນເຮັດ: ນອກຈາກຊັ່ງນ້ຳໜັກແລ້ວວ, ພະຍາຍາມວັດແທກຮ້ອມແອວໄປນຳ, ສະໂພກ ຫຼື ວົງແຂນ ເປັນຕົ້ນ ທຸກໆອາທິດ ຫຼື 2 ອາທິດຕໍ່ຄັ້ງ ກໍ່ພຽງພໍແລ້ວ.

2. ການກິນອາຫານທີ່ໃຫ້ພະລັງງານຫຼາຍເກີນໄປ ຫຼື ເລືອກທີ່ຈະບໍ່ກິນເລີຍ

ແນ່ນອນຫຼາຍໆຄົນມັກທີ່ບໍ່ກິນອາຫານທີ່ໃຫ້ພະລັງງານເລີຍ, ແຕ່ບາງຄົນກໍ່ກິນຫຼາຍໂພດເຊັ່ນຈຳພວກຖົ່ວ ຫຼື ຊີສ. ຖ້າກິນອາຫານທີ່ໃຫ້ ແຄລໍຣີ້ ສູງກໍ່ຈະເຮັດໃຫ້ການຫຼຸດນ້ຳໜັກຂອງເຈົ້າມີບັນຫາ ກົງກັນຂ້າມຖ້າບໍ່ມີແຄລໍຣີ້ເລີຍ ລະບົບເຜົາຜານຂອງຮ່າງກາຍຈະຫຼຸດປະສິດທິພາບລົງ ເຊິ່ງບໍ່ດີຕໍ່ການຫຼຸດນ້້ຳໜັກເຊັ່ນດຽວກັນ

ສິ່ງທີ່ຄວນເຮັດ: ບໍລິໂພກອາຫານທີ່ມີແຄລໍຣີ້ໃນປະລິມານທີ່ບໍ່ໜ້ອຍ ຫຼື ຫຼາຍເກີນໄປເພື່ອເຮັດໃຫ້ການຫຼຸດນ້ຳໜັກມີປະສິທິພາບ

3. ຫຼຸດອາຫານຢ່າງດຽວ,​ແຕ່ບໍ່ຍອມອອກກຳລັງກາຍ ຫຼື ຫຼາຍຄົນອໍ່ອອກຫຼາຍຈົນເກີນໄປ

ເຄີຍເປັນເນາະອອກກຳລັງກາຍໜັກໆ ແລ້ວໄປກິນຊີ້ນດາດ ຫຼື ບໍ່ກິນອາຫານເລີຍ ແລ້ວນັ່ງຫຼີ້ນບໍ່ອອກໄປໃສ. ການເຮັດແບບນີ້ມີແຕ່ຜົນເສຍກັບຮ່າງກາຍນ້ຳໜັກອາດຈະຫຼຸດແຕ່ພຽງຊົ່ວຄາວເທົ່ານັ້ນ ສິ່ງທີ່ຕາມມາເພີ່ມກໍ່ຄືບັນຫາສຸຂະພາບນັ້ນເອງ.

ສິ່ງທີ່ຄວນເຮັດ: ອອກກຳລັງກາຍເລີ່ມຈາກໜ້ອຍໄປຫາຫຼາຍ ຄ່ອຍໆເພີ່ມເວລາ ແຕ່ບໍ່ກົດດັນຕົວເອງດ້ວຍການອອກກຳລັງກາຍແບບໜັກໆຈົນເກີນໄປ. ເອົາເປັນວ່າ ກິນແບບພໍດີ ແລ່ນຫຼີ້ນພໍປະມານ ບໍ່ຝືນຫຼາຍຈົນເມື່ອຍ.

4. ແລ່ນຢ່າງດຽວ, ບໍ່ຍົກນ້ຳໜັກມັນໜັກໂພດ!

ຂໍ້ນີ້ຫຼາຍໆຄົນຕ້ອງມີຄຳຖາມວ່າ ກະອອກກຳລັງກາຍຄືກັນມັນໜັກໂພດບໍ່ຍົກດອກ ແຕ່ທ່ານຮູ້ບໍ່ວ່າ ການເຝິກຊ້ອມດ້ວຍການຍົກນ້ຳໜັກ ຫຼື ໃຊ້ແຮງຕ້ານ(ຂື້ນລົງຕ້ານແຮງດຶງດູດໂລກ) ສາມາດເພີ່ມອັດຕາການເຜົາຜານພະລັງງານຂອງຮ່າງກາຍ, ໂດຍສະເພາະກ້າມຊີ້ນ ແລະ ສົ່ງເສີ່ມການຫຼຸດໄຂມັນ ແລະ ໜ້າທ້ອງນ້ຳ.

ສິ່ງທີ່ຄວນເຮັດ: ທຸກຄັ້ງທີ່ຄິດຫາການອອກກຳລັງກາຍເພື່ອຫຼຸດນ້ຳໜັກຢ່າລືມບັນຈຸການຍົກນ້ຳໜັກລົງໄປເປັນ1ໃນລາຍການອອກກຳລັງກາຍນຳເດີ້

5. ບໍ່ອ່ານສະຫຼາກໂພຊະນາການທີ່ມາກັບບັນຈຸພັນ

ຢ່າຄິດວ່າມັນບໍ່ສຳຄັນເດີ້ ສຳລັບທ່ານທີ່ຕ້ອງການຫຼຸດນ້ຳໜັກ ເພາະມັນຈະເປັນຕົວທີ່ເຮັດໃຫ້ເຮົາຮູ້ວ່າມື້ນີ້ເຮົາບໍລິໂພກຫຍັງແດ່, ປະລິມານແຄລໍຣີເທົາໃດ, ມີຫຍັງເປັນສ່ວນປະກອບ ເປັນຕົ້ນ. ການທີ່ບໍ່ອ່ານເລີຍມັນເຮັດໃຫ້ເຮົາອາດກິນແຄລໍຣີເກີນເກນທີ່ເຮົາຕັ້ງໄວ້,​ ກິນອາຫານທີ່ສົ່ງຜົນກົງກັນຂ້າມຕໍ່ການຫຼຸດນ້ຳໜັກ ເປັນຕົ້ນ.

ສິ່ງທີ່ຄວນເຮັດ:ອ່ານທຸກຄັ້ງກ່ອນຮັບປະທານ ຖ້າຈະໃຫ້ດີຄວນຈົດ ຫຼື ຖ່າຍຮູບບັນທຶກໄວ້. ຜົນການສຳຫຼວດຊີ້ໃຫ້ເຫັນແລ້ວວ່າ ຄົນທີ່ມີວິໄນເທົ່ານັ້ນທີ່ເຮັດໃຫ້ການຫຼຸດນ້ຳໜັກສໍາເລັດຜົນ, ໄດ້ສຸຂະພາບດີ ແລະ ທີ່ສຳຄັນເປັນເລື່ອງຍາກທີ່ຈະເຮັດໃຫ້ເຈົ້າກັບໄປຢູ່ຈຸດທີ່ເຈົ້າເຄີຍມີນ້ຳໜັກຫຼາຍມາກ່ອນ.

6. ເລືອກກິນສະເພາະອາຫານສຳເລັດຮູບທີ່ໄຂມັນຕ່ຳ ຫຼື ອາຫານສຳເລັດຮູບສຳລັບຫຼຸດນ້ຳໜັກໂດຍສະເພາະ

ຫຼາຍໆຄົນທີ່ຫຼຸດນ້ຳໜັກຕ້ອງສະດຸດຕາກັບຂໍ້ນີ້ແນ່ນອນ, ທ່ານຮູ້ບໍ່ວ່າຜະລິດຕະພັນເຫຼົ່ານັ້ນທີ່ຜ່ານຂະບວນການແປຮູບມາແລ້ວມັກຈະມີການເພີ່ມນ້ຳຕານບໍ່ໜ້ອຍກໍ່ຫຼາຍເພື່ອເພີ່ມລົດຊາດມຫ້ກິນງ່າຍ.

ສິ່ງທີ່ຄວນເຮັດ: ຫຼຸດຜ່ອນອາຫານໃນການຫຼຸດນ້ຳໜັກທີ່ສຳເລັດຮູບ ຫຼື ຜ່ານຂະບວນການແປຮູບມາ, ໃຫ້ປະສົມປະສານກັນລະຫວ່າງອາຫານທີ່ມີຄຸນຄ່າທາງໂພຊະນາການ ແລະ ຜ່ານການແປຮູບໃຫ້ໜ້ອຍທີ່ສຸດ.

ສິ່ງທີ່ຄວນເຮັດ: ຄວນຫຼີກເວັ້ນອາຫານທີ່ປາສະຈາກໄຂມັນ ຫຼື ອາຫານທີ່ມີການ ໄດເອັດ (ອາຫານທີ່ຜ່ານຂະບວນການກຳຈັດໄຂມັນອອກ). ເພາະໂດຍປົກກະຕິແລ້ວອາຫານປະເພດນີ້ຈະມີປະລິມານນ້ຳຕານທີ່ສູງ ແລະ ເປັນສາເຫດເຮັດໃຫ້ຫິວເຂົ້າງ່າຍ ແລະ ນຳມາເຊິ່ງການຮັບເອົາແຄລໍຣີ້ເຂົ້າສູ່ຮ່າງກາຍຫຼາຍເກີນໄປ

7. ເຄື່ອງດື່ມນີ້ແລະຕົວອັນຕະລາຍ

ໃນເຄື່ອງດື່ມໂດຍທົ່ວໄປຈະປະກອບມີນ້ຳຕານ ແລະ ພະລັງງານປະສົມຢູ່ນຳເປັນສ່ວນໃຫຍ່ຂະໜາດໃນເມນູທີ່ນິຍົມທີ່ສຸດຂອງສະຕາບັກກໍ່ມີສ່ວນປະສົມຂອງນ້ຳຕານລະຫວ່າງ 40g - 60g ເຊິ່ງມັນຫຼາຍກວ່າຈຳນວນທີ່ເຈົ້າຄວນຮັບປະທານໃນແຕ່ລະມື້ 2 – 3 ເທົ່າຕົວ.

ສິ່ງທີ່ຄວນເຮັດ: ດື່ມນ້ຳລ້າໆ ບໍ່ຊັ້ນກໍ່ເພີ່ມລົດຊາດດ້ວຍນ້ຳໝາກນາວ(ໝາກນາວສົດ), ເບີຣີ້ຕ່າງ(ໝາກໄມ້ສົດທົ່ານັ້ນເດີ້) ຫຼື ໃບມິ້ນກໍ່ໄດ້ ເພື່ອເພີ່ມກິນ ແລະ ລົດຊາດ. ປະເພດຊາຂຽວທີ່ບໍ່ມີນ້ຳຕານກໍ່ເປັນຕົວເລືອກທີ່ດີ.

8. ອົດອາຫານ! ຢ່າຫາເຮັດເດີ້

ໜຶ່ງໃນວິທີຍອດຮິດຄືການອົດເຂົ້າວ່າຊັ້ນ! ເຊິ່ງມັນເປັນຄວາມເຊື່ອທີ່ຜິດໆ ແລະ ສົ່ງຜົນເສຍຕໍ່ສຸຂະພາບໄລຍະຍາວ. ການຂ້າມບໍ່ກິນເຂົ້າເຊົ້າ ແລະ ເຂົ້າແລງເປັນສິ່ງທີ່ເຈົ້າບໍ່ຄວນເຮັດເດັດຂາດ. ຄິດພາບຍິ່ງເຈົ້າຫິວເຈົ້າຍິ່ງພ້ອມທີ່ຈະຈວດອາຫານປະລິມານທີ່ຫຼາຍຂື້ນກວ່າເກົ່າເມື່ອມີໂອກາດ. ເຂົ້າເຊົ້້າດີຕໍ່ສະໝອງ ແລະ ຮ່າງກາຍບໍ່ຄວນຂ້າມ ກິນເຂົ້າເຊົ້າແລ້ວໂອກາດທີ່ຈະກິນໜັກໆໃນຄາບອື່ນຈະໜ້ອຍລົງທັນທີ ໃນຂະນະທີ່ເຂົ້າແລງຄວນຄິດອາຫານທີ່ເບົາໆຍ່ອຍງ່າຍ ສ່ວນຕອນສວາຍ ເປັນໝາກໄມ້, ສະຫຼັດ, ພືດຜັກສີຂຽວເປັນການດີ.

9. ເຂັ້ມງວດໃນການກິນ ກິນໃຫ້ໜ້ອຍໆ

ຜິດພາດຢ່າງມະຫັນປະລິມານການກິນກໍ່ສຳຄັນ ແຕ່ການກິນໜ້ອຍບໍ່ໄດ້ແປວ່າຊ່ວຍໃຫ້ຫຼຸດນ້ຳໜັກ ທີ່ສຳຄັນແມ່ນເຈົ້າກິນຫຍັງ, ມີຄູນຄ່າ ແລະ ສານອາຫານທີ່ເປັນປະໂຫຍດຕໍ່ການຫຼຸດນ້ຳໜັກທີ່ດີບໍ່.

ສິ່ງທີ່ຕວນເຮັດ: ຮັບປະທານອາຫານໃຫ້ພຽງພໍ ບໍ່ເຂັ້ມງວດເກີນໄປ ອາທິດໜຶ່ງ ກິນຊີ້ນ ກິນປາ ຈັກຄັ້ງ 2 ຄັ້ງກໍ່ໄດ້ ເພື່ອເປັນການຫຼຸດຄວາມກະຫາຍ ໃນຂະນະດຽວກັນກໍ່ຊ່ວຍເພີ່ມພະລັງງານທີ່ຈຳເປັນໃຫ້ກັບລະບົບຍ່ອຍອາຫານເຮັດວຽກໄດ້ດີຂື້ນ.

10. ນອນຫຼັບບໍ່ພຽງພໍ

ຕໍ່ໃຫ້ເຈົ້າເຮັດທຸກວິທີທາງໃນການຫຼຸດອາຫານ ຫຼື ອອກກຳລັງກາຍ ແຕ່ຖ້າເຈົ້ານອນຫຼັບບໍ່ພຽງພໍມັນກໍ່ອາດຈະບໍ່ຊ່ວຍໃຫ້ການຫຼຸດນ່້ຳໜັກຂອງເຈົ້າເປັນໄປດ້ວຍດີ. ດັ່ງນັ້ນ, ຢ່າລືມຈັດຕາຕາລາງການນອນພັກຜ່ອນເປັນໜຶ່ງໃນກົດເກນການຫຼຸດນ້ຳໜັກຂອງເຈົ້ານຳເດີ້.

ນອກຈາກນີ້ແລ້ວຍັງມີອີກຫຼາຍຂໍ້ເຊັ່ນ: ການກິນອາການທີ່ມີປະໂຍດແຕ່ກິນຫຼາຍຈົນເກີນໄປກໍ່ບໍ່ດີ, ກິນອາຫານຈຳພວກໄຟເບີໃນປະລິມານທີ່ບໍ່ພຽງພໍ (ເຂົ້າໂອດ,ຖົ່ວມີເສັ້ນໄຍ, ເຂົ້າກ່ອງທັນຍະພືດ, ເປືອກໝາກໄມ້ມີໄຟເບີທີ່ດີຕໍ່ຮ່າງກາຍລ້າງໃຫ້ດີແລ້ວຮັບປະທານເລີຍ) ແລະ ຢ່າລືມຕັ້ງເປົ້າໝາຍການຫຼຸດນ້ຳໜັກເພື່ອສຸຂະພາບທີ່ດີ ແລະ ຮູບຮ່າງທີ່ຕ້ອງການ ຢ່າໃຫ້ຄວາມສຳຄັນກັບຕົວເລກນ້ຳໜັກພຽງຢ່າງດຽວເດີ້

ແລ້ວທ່ານຜູ້ອ່ານເດ ມີເຄັດລັບ ຫຼື ປະສົບການຫຼຸດນ້ຳໜັກທີ່ຖືກວິທີມາແບ່ງປັນໃຫ້ທຸກຄົນໄດ້ຮັບຮູ້ນຳກັນເດີ້ ເພື່ອສຸຂະພາບທີ່ດີຂອງທ່ານ


ບົດຄວາມຈາກ Healthline.com, ຮຽບຮຽງໂດຍ: poui kittang

ອ້າງອິງ:

Advertisement Replay Ad
ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ຈົບມາໃໝ່ໆບໍ່ຮູ້ວ່າຈະເຮັດວຽກຫຍັງດີຈຶ່ງຈະເໝາະກັບຕົວເອງທີ່ສຸດ? ບົດຄວາມນີ້ຊ່ວຍທ່ານໄດ້

ຈົບມາໃໝ່ໆບໍ່ຮູ້ວ່າຈະເຮັດວຽກຫຍັງດີຈຶ່ງຈະເໝາະກັບຕົວເອງທີ່ສຸດ? ບົດຄວາມນີ້ຊ່ວຍທ່ານໄດ້

10 ທັກສະທີ່ເຈົ້າຕ້ອງມີໃນ Resume (ຊີວະປະຫວັດຫຍໍ້) ຖ້າເຈົ້າຢາກໄດ້ວຽກທີ່ຕ້ອງການ

10 ທັກສະທີ່ເຈົ້າຕ້ອງມີໃນ Resume (ຊີວະປະຫວັດຫຍໍ້) ຖ້າເຈົ້າຢາກໄດ້ວຽກທີ່ຕ້ອງການ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ