ວັນອັງຄານ ທີ 2 ມີນາ 2021

ງາມສົມມົງທຸກຄົນ! ຍ້ອນເບິ່ງສາວງາມ ເຈົ້າຂອງມຸງກຸດ Miss Laos ແຕ່ປີ 2009 - ປັດຈຸບັນມີໃຜແດ່?

ງາມສົມມົງທຸກຄົນ! ຍ້ອນເບິ່ງສາວງາມ ເຈົ້າຂອງມຸງກຸດ Miss Laos ແຕ່ປີ 2009 - ປັດຈຸບັນມີໃຜແດ່?
S! Muan

ສະໜັບສະໜູນເນື້ອຫາ

ສຳລັບເວທີ Miss Laos ຄືເວທີອັນຊົງກຽດ ເປັນເວທີປະກວດເວທີດຽວໃນລາວທີ່ເນັ້ນການອະນຸລັກຮັກສາວັດທະນະທຳຂອງແມ່ຍິງ ແລະ ມີຜູ້ເຂົ້າປະກວດຫຼາຍທີ່ສຸດ ພ້ອມເລືອກເຟັ້ນຫາທີ່ເໝາະສົມກັບຕຳແໜ່ງມາຖ່າຍທອດຄວາມເປັນແມ່ຍິງທີ່ງົດງາມ ແລະ ເປັນເວທີທີ່ເກົ່າແກ່ທີ່ຊົງຄຸນຄ່າ. ຫຼ້າສຸດນາງສາວລາວປີ 2020 ກຳລັງຈະເປີດໃຫ້ສະໝັກໃນໄວໆນີ້.​ ດັ່ງນັ້ນ Muan.la ຈຶ່ງເອົາໃຈແຟນໆສາຍນາງງາມໂດຍການພາໄປຍ້ອນເບິ່ງນາງສາວລາວແຕ່ປີ 2009 ຫາ ປັດຈຸບັນກັນເລີຍ: 

ນາງສາວລາວປີ 2009: ໄພລິນດາ ພິລາວັນ ຫຼື ກິກ

60155-1

ປັດຈຸບັນ ອາຍຸ 30 ປີ ໄດ້ສ້າງຄອບຄົວ ແລະ ມີລູກ 2 ຄົນ. ໄພລິນດາ ສາວງາມຈາກນະຄອນຫຼວງວຽງຈັນ ຊະນະການປະກວດ ນາງສາວ RBAC 2007 ກ່ອນທີ່ຈະໄດ້ຄອງຕຳແໜ່ງນາງສາວລາວ 2009 ຮວມທັງໄດ້ຮັບລາງວັນອື່ນໆອີກ ເຊັ່ນ: ຂວັນໃຈຊ່າງພາບ ແລະ ນາງສາວຜິວໃສສຸຂະພາບດີ. ສາວຄົນນີ້ໄດ້ເຂົ້າສູ່ວົງການບັນເທີງຢ່າງເປັນທາງການໃນແວດວົງນາງແບບ, ຖ່າຍວິດີໂອປະກອບເພງ, ຖ່າຍປົກວາລະສານ, ຖ່າຍແບບ, ຖ່າຍແບບໂຄສະນາ ແລະ ຮ່ວມສະແດງຮູບເງົາ "ຮັກ ອໍ່າ ຫຼໍ່າ" ເມື່ອປີ 2013. ຕິດຕາມໄດ້ທີ່ IG: @kikphailinda

ນາງສາວລາວ 2010: ມາໄລທິບ ສິງສາຫະນາດ 

41334466_2140070276012725_200

ປັດຈຸບັນ ມີທຸລະກິດເປັນຂອງຕົນເອງ. ພ້ອມນີ້ ມາໄລຍັງເຄີຍເປັນຜູ້ບໍລິຫານແບຣນເຄື່ອງສຳອາງ ຮວມທັງເປັນການຕະຫຼາດຟຣີແລນ (freelance) ໃຫ້ແກ່ແບຣນຂອງໄທ. ສຳລັບການໄດ້ຮັບຕຳແໜ່ງນາງສາວລາວເປັນໝາກຜົນໜຶ່ງທີ່ຍິ່ງໃຫຍ່ໃນຊີວິດຂອງມາໄລ ສາວຈາກບໍ່ແກ້ວ ແລະ ສາວຄົນນີ້ຮູ້ສຶກເປັນກຽດທີ່ໄດ້ແບ່ງປັນວັດທະນະທຳກັບບັນດາປະເທດອາຊຽນ. ດ້ານວົງການບັນເທີງກໍມີຜົນງານເຊັ່ນ: ເດີນແບບ, ຖ່າຍແບບ, ຖ່າຍປົກວາລະສານ ແລະ ຖ່າຍແບບໂຄສະນາຜະລິດຕະພັນ. ຕິດຕາມການເຄື່ອນໄຫວໄດ້ທີ່: Malai Malaithip Singsahanath

ນາງສາວລາວປີ 2011: ທິດາລັດ ວົງສິລິ ຫຼື ລູກນໍ້າ

louknumthidalat_3998689021403_1

ທັງເປັນນາງງາມ ແລະ ດາລາສາວໃຈບຸນ. ຫຼັງຈາກທີ່ສາວນະຄອນຫຼວງວຽງຈັນຄົນນີ້ໄດ້ຮັບຕຳແໜ່ງກໍປະຕິບັດໜ້າທີ່ຢ່າງສົມກຽດ. ນອກນັ້ນຍັງອຸທິດຕົນຊ່ວຍເຫຼືອສັງຄົມມາໂດຍຕະຫຼອດ ຈົນໄດ້ຮັບສາຍານາງຟ້າເມືອງລາວ. ເມື່ອເວົ້າຜົນງານດ້ານບັນເທີງກໍນັບວ່າເປັນຊຸບຕາດັງຂອງປະເທດລາວກໍວ່າໄດ້ ເລີ່ມເຂົ້າວົງການຕັ້ງແຕ່ອາຍຸ 16 ປີ ແລະ ຊະນະການປະກວດນາງສາວຕອນອາຍຸ 18 ປີ ໃນປີ 2011 ແລະ ໄດ້ຮັບລາງວັນນາງສາວສຸຂະພາບດີອີກດ້ວຍ ແລະ ຜົນງານໃນວົງການບັນເທີງເຮັດມາເກືອບໝົດທຸກຢ່າງ ບໍ່ວ່າຈະເປັນການເດີນແບບ, ຖ່າຍແບບ, ພຣີເຊັນເຕີ, ນາງເອກ mv, ນາງເອກຮູບເງົາ, ນາງເອກຮູບເງົາສັ້ນ ແລະ ໄດ້ມີໂອກາດສະແດງລະຄອນທີ່ປະເທດໄທນຳອີກດ້ວຍ. ສາມາດຕິດຕາມຜົນງານ ແລະ ການເຄື່ອນໄຫວໄດ້ທີ່ IG: @louknumthidalat

ນາງສາວລາວ 2012: ຄຣິສຕິນາ ລາສະສິມມາ

29025517_2054896524772603_164

 

ຕິນ່າ ຫຼື ຄຣິສຕິນາ ລາສະສິມມາ ຈາກນະຄອນຫຼວງວຽງຈັນ ເກີດເມື່ອວັນທີ 27 ມິຖຸນາ 1993. ສາວລູກຊອດ ລາວ-ເບລາຣຸສ ຄົນນີ້ ຍັງຄອງໂສດ ແລະ ເຄື່ອນໄຫວວຽກງານໃນວົງການບັນເທີງຢ່າງຕໍ່ເນື່ອງ. ໃນລະຫວ່າງການປະກວດ, ຕິນ່າ ຊະນະເລີດ ແລະ ໄດ້ເປັນນາງສາວລາວ 2012, ນາງສາວມິດຕະພາບ. ຜົນງານທີ່ຜ່ານມາໄດ້ຖ່າຍແບບລົງວາລະສານຫຼາຍສະບັບ, ຮ່ວມເດີນແບບ ແລະ ຖ່າຍໂຄສະນາສິນຄ້າຫຼາຍຢ່າງ. ພ້ອມນີ້ກໍຍັງໄດ້ເປັນພຣີເຊັນເຕີ, ຊ່ວຍເຫຼືອສັງຄົມ, ແລກປ່ຽນວັດທະນະທຳ, ໃຫ້ສຳພາດແກ່ສື່ອອນລາຍ, ເຂົ້າຮ່ວມໃນການສະແດງ, ເຂົ້າຮ່ວມໃນງານທາງດ້ານການທູດ, ເຂົ້າຮ່ວມໃນງານຂອງພາກລັດ, ຖ່າຍວິດີໂອປະກອບເພງ, ຮ່ວມຖ່າຍວິດີໂອປະກອບເພງ Visit Laos Year 2018, ນຳສະເໜີກ່ຽວກັບວັດທະນະທຳລາວໃນເບລາຣຸສ ກັບກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ຮ່ວມທັງເປັນທູດຂອງອົງການ UNPFA ອີກດ້ວຍ. ປັຈຸບັນຮັບຜົນງານເລື້ອຍໆ ແລະ ເຮັດທຸລະກິດສ່ວນຕົວ. ຕິດຕາມຜົນງານໄດ້ທີ່: IG: @christina.las

ນາງສາວລາວ 2013: ວິໄລລັກ ຈັນທະວົງ

 11611_741081329313478_3703243

ນອກຈາກຕຳແໜ່ງນາງສາວລາວ 2013 ແລ້ວ, ວິໄລລັກ ຈາກແຂວງໄຊຍະບູລີ ຍັງໄດ້ຮັບລາງວັນ ນາງສາວຜິວໃສສຸຂະພາບດີ, ຂວັນໃຈຊ່າງພາບ ແລະ ນາງສາວມິດຕະພາບນຳອີກ. ຫຼັງຈາກທີ່ໄດ້ຮັບມຸງກຸດ, ສາວຄົນນີ້ໄດ້ສືບຕໍ່ສຶກສາດ້ານທັນຕະແພດ ແລະ ເຄື່ອນໄຫວວຽກໃນນາມຂອງກອງປະກວດ. ພ້ອມນີ້ ກໍຍັງໄດ້ເຄື່ອນໄຫວວຽກໃນວົງການບັນເທີງ ແລະ ວຽກຂອງທາງພາກລັດ ໂດຍການເຂົ້າຮ່ວມກອງປະຊຸມໃນຫຼາຍໆຫົວຂໍ້ການຊ່ວຍເຫຼືອໃນທົ່ວປະເທດ. ນອກຈາກນີ້ ໃນປັດຈຸບັນ ວິໄລລັກ ໄດ້ເຮັດວຽກໃນຄລີນິກປົວແຂ້ວແຫ່ງໜຶ່ງ. ຊ່ອງທາງຕິດຕໍ່: FB: Nouy Vilaylack Chanthavong

ນາງສາວລາວ 2015: ສຸຕິລັກ ອິນທະວົງ

118048679_1033962960397006_48

ສຸຕິລັກ ສາວນະຄອນຫຼວງວຽງຈັນ ນອກຈາກຮັບຕຳແໜ່ງ ນາງສາວລາວ 2015 ຍັງໄດ້ຮັບລາງວັນນາງສາວຜິວໃສສຸຂະພາບດີອີກດ້ວຍ. ສາວຄົນນີ້ໄດ້ສ້າງຄອບຄົວແລ້ວ ໂດຍໄດ້ແຕ່ງດອງຕັ້ງແຕ່ປີ 2018 ແລະ ໄດ້ເຮັດວຽກໃນວົງການບັນເທີງຫຼາຍຢ່າງເຊັ່ນ: ຖ່າຍແບບລົງວາລະສານ, ເດີນແບບ, ຖ່າຍແບບໂຄສະນາ, ເຂົ້າຮ່ວມກອງປະຊຸມ, ປະຕິບັດໜ້າທີ່ໃນການປະກວດນາງສາວຊຽງຂວາງ, ເຂົ້າຮ່ວມໂຄງການ JENESYS ຢູ່ຍີ່ປຸ່ນ ເພື່ອແລກປ່ຽນວັດທະນະທຳ ແລະ ກົດໝາຍ, ເຂົ້າຮ່ວມການປິ່ນປົວຜ່າຕັດຕາໃຫ້ແກ່ປະຊາຊົນໃນແຂວງສະຫວັນນະເຂດ, ເຂົ້າຮ່ວມການບໍລິຈາກລໍ້ຍູ້ໃຫ້ກັບຜູ້ພິການໃນແຂວງສະຫວັນນະເຂດກັບມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ແລະ ຮ່ວມບໍລິຈາກອຸປະກອນການຮຽນໃຫ້ແກ່ນັກຮຽນໃນເມືອງສັງທອງ ກັບໂຄງການນາງສາວລາວ. ຕິດຕາມໄດ້ທີ່: 

ນາງສາວລາວ 2016: ບຸດສະບາ ແສງປັນ

boutsaba_misslaos2016_1456201

ສາວງາມຈາກແຂວງໄຊຍະບູລີ ຫຼັງຈາກທີ່ຊະນະການປະກວດ, ສາວຄົນນີ້ໄດ້ມີໂອກາດເຮັດວຽກໃນວົງການບັນເທີງນຳອີກ. ໃນໄລຍະເວລາໜຶ່ງປີທີ່ຮັບຕຳແໜ່ງນາງສາວລາວ, ບຸດສະບາ ໄດ້ປະຕິບັດໜ້າທີ່ທີ່ກອງປະກວດມອບໝາຍ ແລະ ເຮັດວຽກຮ່ວມກັບພາກລັດຢ່າງພາກພູມໃຈ. ປັດຈຸບັນ ສາວຄົນນີ້ມີອາຍຸ 21 ປີ ແລະ ໄດ້ກັບບ້ານເກີດເພື່ອເຮັດວຽກ ແລະ ສ້າງຄອບຄົວແລ້ວ. ຊ່ອງທາງຕິດຕາມ: FB: Boutsaba Sengpun

ນາງສາວລາວ 2017: ດວງພະໄທ ເມກສີທອງ ບີໂບ່

bibo_duangpathai_474786053905

 

ນາງສາວລາວ 2017 ເກີດເມື່ອວັນທີ 14 ກັນຍາ 1998. ສາວຄົນນີ້ເປັນຄົນນະຄອນຫຼວງວຽງຈັນ ແລະ ປັດຈຸບັນກຳລັງສຶກສາຕໍ່ທີ່ປະເທດຈີນ. ນອກຈາກຕຳແໜ່ງ ນາງສາວລາວ ແລ້ວ, ບີໂບ່ ຍັງໄດ້ຮັບລາງວັນປີທ່ອງທ່ຽວລາວ ນຳອີກ ເຊິ່ງນາງໄດ້ເຄື່ອນໄຫວປະຕິບັດໜ້າທີ່ໃນຖານະທູດການທ່ອງທ່ຽວລາວໃນປີ 2018 ໂດຍໄດ້ເຜີຍແຜ່ຂໍ້ມູນກ່ຽວກັບວັດທະນະທຳທີ່ດີງາມ ແລະ ແຫຼ່ງທ່ອງທ່ຽວທາງທຳມະຊາດທີ່ສວຍງາມຂອງລາວ. ການເຮັດວຽກໃນວົງການບັນເທີງຂອງສາວຄົນນີ້ ປະກອບມີ: ການຖ່າຍແບບແຟຊັນ, ການຖ່າຍແບບໂຄສະນາ, ການເຂົ້າຮ່ວມໃນກອງປະຊຸມຕ່າງໆ ຮວມທັງງານຕ່າງໆເພື່ອຊ່ວຍເຫຼືອສັງຄົມ. ພ້ອມນີ້ ສາວຄົນນີ້ຍັງມຸ່ງໝັ້ນທີ່ຈະຍົກສູງຄວາມຮັບຜິດຊອບຂອງຕົນເອງຕໍ່ກັບກອງປະກວດນາງສາວລາວນຳອີກ. ຊ່ອງທາງຕິດຕາມ IG: @bibo_duangpathai

ນາງສາວລາວ 2018: ສຸດທິດາ ອານຸສິນ ສຸດທິດາ ອານຸສິນ ຫຼື ມິມີ່

mimie.ans_7548325160400151370

ສາວໄວ 24 ປີຈາກແຂວງສະຫວັນນະເຂດ ຈົບການສຶກສາຈາກມະຫາວິທະຍາໄລແຫ່ງຊາດ ຄະນະເສດຖະສາດ ແລະ ບໍລິຫານທຸລະກິດ, ພາສາອັງກິດ ລະດັບຊັ້ນສູງຈາກວິທະຍາໄລໂລໂກສ. ມິມີ່ ເປັນສາວຈາກແຂວງສະຫວັນນະເຂດຄົນທຳອິດທີ່ຊະນະການປະກວດນາງສາວລາວ. ສາວຄົນນີ້ສາມາດເວົ້າພາສາອັງກິດໄດ້ຢ່າງລ່ຽນໄຫຼ ຮວມທັງພາສາຫວຽດນາມນຳອີກ. ມິມີ່ບໍ່ເຄີຍເຮັດວຽກໃນວົງການບັນເທີງມາກ່ອນ ແລະ ນາງສາວລາວ 2018 ເປັນເວທີທຳອິດຂອງນາງ ແລະ ຕອນນີ້ນາງກໍມີວຽກໃນວົງການບັນເທີງຢູ່ລາວເປັນຈຳນວນຫຼາຍ ແລະ ໃນໄວໆນີ້ກໍຈະມີຜົນງານການສະແດງຢູ່ໄທອີກດ້ວຍ. ຊ່ອງທາງຕິດຕາມ: IG: @mimie.ans

ນາງສາວລາວ 2019: ວິນະດາ ພິສາລາດ ຫຼື ເນື້ອນ້ອງ

123568875_404976793868164_219

ຜູ້ງາມຫຼາຍ! ສາວຫຼວງພະບາງ ຜູ້ມີຮອຍຍິ້ມມີສະເໜ່. ປັດຈຸບັນອາຍຸ 22 ປີ ຈົບການສຶກສາທີ່ມະຫາວິທະຍາໄລແຫ່ງຊາດ, ພາກພາສາຝຣັ່ງ. ຫຼັງຈາກໄດ້ຮັບຕຳແໜ່ງກໍປະຕິບັດໜ້າທີ່ໄດ້ດີ. ມີຜົນງານການຖ່າຍແບບ ແລະ ຖ່າຍໂຄສະນາ. ສຳລັບກິດຈະກຳຍາມວ່າງມັກຖ່າຍຮູບ ແລະ ທ່ອງທ່ຽວ. ຄວາມສາມາດພິເສດຂອງສາວນ້ອງຄືການເວົ້າພາສາຝຣັ່ງ ແລະ ສິລະປະການຟ້ອນ.

ນາງສາວລາວ 2020:  ບຸນພະສອນ ບຸດດາລາ ຫຼື "ຈິນນີ້"

131656387_2246107988866167_45

ຈິນນີ້ ນາງສາວລາວ 2020 ທີ່ເປັນທີ່ເວົ້າເຖິງໃນທົ່ວອອນລາຍ ເພາະຜູ້ນີ້ມີທັງຄວາມງາມ ແລະ ຄວາມສາມາດໃນຫຼາຍດ້ານ. ປັດຈຸບັນ ອາຍຸ 24 ປີ ກຳລັງສຶກສາລະດັບປະລິນຍາໂທ ທີ່ນະຄອນຫຼວງປັກກິ່ງ ປະເທດຈີນ. ເປັນນັກສຶກສາຄະນະການຄ້າ, ສາຂາວິຊາ ທຸລະກິດສາກົນ. ນອກຈາກຄວາມງາມ ແລະ ມີສະເໜ່ໃນສະບັບແມ່ຍິງລາວຢ່າງສົມມົງແລ້ວ ຈິນນີ້ຍັງມີຄວາມສາມາດທີ່ຫຼາກຫຼາຍດ້ານ ໂດຍສະເພາະພາສາຕ່າງປະເທດ ຈິນນີ້ສາມາດເວົ້າພາສາ ອັງກິດ ແລະ ຈີນໄດ້ເປັນຢ່າງດີ. ນອກຈາກນັ້ນ, ກໍຍັງມີຄວາມສາມາດໃນການຫລິ້ນເຄື່ອງ ດົນຕີ ເຊັ່ນ ຕີຂີມ ແລະ ກໍມີການ ເດີນແບບນຳ. ສຳລັບງານໃນວົງການໃນບັນເທີງແມ່ນເຄີຍຖ່າຍແບບ ແລະ ໄດ້ເຂົ້າຮອບ 6 ຄົນ ໃນງານ Kids and Young Model Contest ອີກດ້ວຍ.

ສາມາດສ່ອງພາບສາວງາມຕື່ມໄດ້ທີ່ອາລະບໍ້າຮູບລຸ່ມນີ້ເດີ້: 

Advertisement Replay Ad
ອັບເດດຄວາມງາມປັດຈຸບັນ "ນີ່ນ່າ" ນາງສາວມິດຕະພາບ 2020 ຂໍບອກງາມທັງກາຍ ແລະ ຈິດໃຈ

ອັບເດດຄວາມງາມປັດຈຸບັນ "ນີ່ນ່າ" ນາງສາວມິດຕະພາບ 2020 ຂໍບອກງາມທັງກາຍ ແລະ ຈິດໃຈ

ຟັງກັນ ຫຼື ຍັງ? "ຮັກຊົ່ວຄາວ" ຜົນງານເພງຮ້ອນແຮງຈາກນັກຮ້ອງດີວ້າ ຕິ່ງ ໄພລາວັນ ແລະ ດາລຸນນີ

ຟັງກັນ ຫຼື ຍັງ? "ຮັກຊົ່ວຄາວ" ຜົນງານເພງຮ້ອນແຮງຈາກນັກຮ້ອງດີວ້າ ຕິ່ງ ໄພລາວັນ ແລະ ດາລຸນນີ

ລາວເຮົາຕ້ອງປັງ! ເຜີຍໂສມໜ້າ ສາວງາມຫຼາຍເຊື້ອຊາດ ໃນເວທີ Miss Grand International 2020

ລາວເຮົາຕ້ອງປັງ! ເຜີຍໂສມໜ້າ ສາວງາມຫຼາຍເຊື້ອຊາດ ໃນເວທີ Miss Grand International 2020

ສົມຄວາມຕັ້ງໃຈ "ຈຽບ ມະນີພອນ" ກ້າວສູ່ວົງການບັນເທີງເຕັມໂຕ ໃນຖານະສິລະປິນ First Modeling

ສົມຄວາມຕັ້ງໃຈ "ຈຽບ ມະນີພອນ" ກ້າວສູ່ວົງການບັນເທີງເຕັມໂຕ ໃນຖານະສິລະປິນ First Modeling

ຟິນເວີ້ "ເດໂມ້-ໜຶ່ງ" ຕ້ອງຂະໜາດນີ້ເລີຍຫວາ? ສາລະພາບຮັກກັນແບບນີ້ ເອົາໃຈແຟນໆໄປເລີຍ!

ຟິນເວີ້ "ເດໂມ້-ໜຶ່ງ" ຕ້ອງຂະໜາດນີ້ເລີຍຫວາ? ສາລະພາບຮັກກັນແບບນີ້ ເອົາໃຈແຟນໆໄປເລີຍ!

ຕົວແທນຄົນລາວສູ່ເວທີລະດັບໂລກ! ຮູ້ຈັກ ໂຕມີວ ເຈົ້າຂອງມຸງກຸດ Miss Grand Laos ຄົນຫຼ້າສຸດ

ຕົວແທນຄົນລາວສູ່ເວທີລະດັບໂລກ! ຮູ້ຈັກ ໂຕມີວ ເຈົ້າຂອງມຸງກຸດ Miss Grand Laos ຄົນຫຼ້າສຸດ

ພິສູດຕົນເອງ! "ບ໋ອບບີ້" ຊະນະການປະກວດ LTC Boy 2020 ພ້ອມສາຍແວວໃນວົງການບັນເທີງ

ພິສູດຕົນເອງ! "ບ໋ອບບີ້" ຊະນະການປະກວດ LTC Boy 2020 ພ້ອມສາຍແວວໃນວົງການບັນເທີງ

ຊີ້ເປົ້າ "ຄູນແພງ" ໄອດໍ້ສາວຂວັນໃຈໄວລຸ້ນ ຜູ້ຮັກການຖ່າຍພາບເປັນຊີວິດຈິດໃຈ

ຊີ້ເປົ້າ "ຄູນແພງ" ໄອດໍ້ສາວຂວັນໃຈໄວລຸ້ນ ຜູ້ຮັກການຖ່າຍພາບເປັນຊີວິດຈິດໃຈ

ອອກແບບ-ສ້າງຊຸດເລີດໆຈາກສິ່ງເສດເຫຼືອ ພາສ່ອງຄວາມຄິດສ້າງສັນຂອງ "ມິນິໂຊຮ໊ອດ"

ອອກແບບ-ສ້າງຊຸດເລີດໆຈາກສິ່ງເສດເຫຼືອ ພາສ່ອງຄວາມຄິດສ້າງສັນຂອງ "ມິນິໂຊຮ໊ອດ"

ນາຍແບບທີ່ໜ້າຈັບຈ້ອງ! ສ່ອງໜຸ່ມທະນາຄານ "ຟ້າ ພິມມະສານ" ຈາກນິຍົມໂມເດລິ້ງ

ນາຍແບບທີ່ໜ້າຈັບຈ້ອງ! ສ່ອງໜຸ່ມທະນາຄານ "ຟ້າ ພິມມະສານ" ຈາກນິຍົມໂມເດລິ້ງ

ໜ້າຮັກລະມຸນລະໄມ "ອາຊ້ຽນ ຈັນທະມາລີນ" ເນັດໄອດໍ້-ສິລະປິນຈາກ New Gen

ໜ້າຮັກລະມຸນລະໄມ "ອາຊ້ຽນ ຈັນທະມາລີນ" ເນັດໄອດໍ້-ສິລະປິນຈາກ New Gen

ງານດີຈາກສະຖາປັດ ຮູ້ຈັກ "ຈ່ອນນີ້ ສ້ອຍວຽງວົງ" ດາລານ້ອງໃໝ່ຈາກຄ້າຍ Black Modeling

ງານດີຈາກສະຖາປັດ ຮູ້ຈັກ "ຈ່ອນນີ້ ສ້ອຍວຽງວົງ" ດາລານ້ອງໃໝ່ຈາກຄ້າຍ Black Modeling

ເຄມີເຂົ້າກັນສຸດ! ຮູ້ຈັກ 2 ນັກສະແດງນຳ "ເທເລີ້ ແລະ ມິນຕາ" ໃນຊີຣີລາວເລື່ອງໃໝ່ຂອງໄຕ໋ບ້ານ

ເຄມີເຂົ້າກັນສຸດ! ຮູ້ຈັກ 2 ນັກສະແດງນຳ "ເທເລີ້ ແລະ ມິນຕາ" ໃນຊີຣີລາວເລື່ອງໃໝ່ຂອງໄຕ໋ບ້ານ

ບໍ່ໂສດອີກຕໍ່ໄປ! ຍິນດີນຳນັກຮ້ອງ "ໜຶ່ງ ຊຸບເປີວັນ" ພ້ອມສ້າງຄອບຄົວໃໝ່ກັບຫວານໃຈ "ແຄ໋ດຕີ້"

ບໍ່ໂສດອີກຕໍ່ໄປ! ຍິນດີນຳນັກຮ້ອງ "ໜຶ່ງ ຊຸບເປີວັນ" ພ້ອມສ້າງຄອບຄົວໃໝ່ກັບຫວານໃຈ "ແຄ໋ດຕີ້"

"ບໍ່ມີວັນຈາກ" ຮູບເງົາ Sci-Fi ສະຫຍອງຂວັນ ເລື່ອງຫຼ້າສຸດຂອງລາວ ທີ່ຄໍໜັງຫ້າມພາດຢ່າງເດັດຂາດ

"ບໍ່ມີວັນຈາກ" ຮູບເງົາ Sci-Fi ສະຫຍອງຂວັນ ເລື່ອງຫຼ້າສຸດຂອງລາວ ທີ່ຄໍໜັງຫ້າມພາດຢ່າງເດັດຂາດ

ໃຈບົ່ງການໃຫ້ເປັນນັກຮ້ອງ "ໂຊໂລ້" ໜຸ່ມໄຟແຮງກັບເສັ້ນທາງຝັນ ທີ່ໄດ້ມາຍ້ອນຄວາມພະຍາຍາມ

ໃຈບົ່ງການໃຫ້ເປັນນັກຮ້ອງ "ໂຊໂລ້" ໜຸ່ມໄຟແຮງກັບເສັ້ນທາງຝັນ ທີ່ໄດ້ມາຍ້ອນຄວາມພະຍາຍາມ

ບໍ່ຟັງບໍ່ໄດ້ແລ້ວ! ສົ່ງຕໍ່ຄວາມເຈັບແບບຈຸກໆຜ່ານເພງ "ເກັບແຕ້ມ" ຂອງໜຸ່ມ ແຈັກກີ້ The Voice

ບໍ່ຟັງບໍ່ໄດ້ແລ້ວ! ສົ່ງຕໍ່ຄວາມເຈັບແບບຈຸກໆຜ່ານເພງ "ເກັບແຕ້ມ" ຂອງໜຸ່ມ ແຈັກກີ້ The Voice

ບໍ່ທຳມະດາ! ນຸ ສິງພິພັດ ປະກົບຄູ່ກັບ ນານາ ກຽມປ່ອຍຜົນງານການສະແດງ MV ໃນເພງຈີນຍອດຮິດ!

ບໍ່ທຳມະດາ! ນຸ ສິງພິພັດ ປະກົບຄູ່ກັບ ນານາ ກຽມປ່ອຍຜົນງານການສະແດງ MV ໃນເພງຈີນຍອດຮິດ!

Raya and the Last Dragon ຮູບເງົາດິສນີທີ່ມີຄົນເຊື້ອສາຍລາວມີສ່ວນຮ່ວມຢູ່ເບື້ອງຫຼັງການສ້າງ

Raya and the Last Dragon ຮູບເງົາດິສນີທີ່ມີຄົນເຊື້ອສາຍລາວມີສ່ວນຮ່ວມຢູ່ເບື້ອງຫຼັງການສ້າງ

ງາມບໍ່ສາງ "ບຸດສະບາ" ນາງສາວລາວ 2016 ມີລູກແລ້ວເດີ້! ຕາຮັກຕາແພງຫຼາຍ ຊື່ວ່ານ້ອງ "ເບວ"

ງາມບໍ່ສາງ "ບຸດສະບາ" ນາງສາວລາວ 2016 ມີລູກແລ້ວເດີ້! ຕາຮັກຕາແພງຫຼາຍ ຊື່ວ່ານ້ອງ "ເບວ"

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ