ວັນອາທິດ ທີ 1 ສິງຫາ 2021

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ
S! Muan

ສະໜັບສະໜູນເນື້ອຫາ

ການກະທຳຂອງເຮົາບົ່ງບອກຫຍັງຫຼາຍກວ່າທີ່ຄິດ ເຮົາບໍ່ອາດຮູ້ໄດ້ເລີຍວ່າ ໃນແຕ່ລະມື້ ມີໃຜແດ່ທີ່ມາສັງເກດເບິ່ງວ່າເຮົາເຮັດຫຍັງແນວໃດ ກ່ອນທີ່ຈະຕີລາຄາວ່າເຮົາເປັນຄົນແບບນີ້ ຫຼື ແບບນັ້ນ. ສະນັ້ນແລ້ວ ໃນບົດຄວາມນີ້ເຮົາຈະພາມາເບິ່ງກັນວ່າ ມີເລື່ອງງ່າຍໆອັນໃດແດ່ທີ່ເຮົາສາມາດເຮັດໄດ້ ເຊິ່ງມັນຈະສະທ້ອນເຖິງຄວາມຄິດ ແລະ ຄວາມສະຫຼາດທາງອາລົມຂອງເຮົາ ລວມສິ່ງທີ່ເປັນເຮົາ. ເລື່ອງຕ່າງໆເຫຼົ່ານີ້ເຮົາຄັດເອົາມາຈາກບົດຄວາມຂອງ Nicolas Cole ເຊິ່ງເຜີຍແຜ່ກ່ຽວກັບເລື່ອງນີ້ລົງໃນ medium ຂອງຕົນເອງ.

ກົງຕໍ່ເວລາ (Showing up on time)

ນີ້ເປັນເລື່ອງງ່າຍໆພື້ນຖານເລີຍທີ່ຈະບົ່ງຊີ້ວ່າບຸກຄົນໃດໜຶ່ງເປັນຄົນສະຫຼາດ. ການທີ່ເຮົາບໍ່ຕົງຕໍ່ເວລາ ຫຼື ມາຊ້າ ເທົ່າກັບການບໍ່ໃຫ້ຄວາມເຄົາລົບຕໍ່ກັບເວລາຂອງຄົນອື່ນ. ການທີ່ເຮົາບໍ່ໃຫ້ຄວາມສຳຄັນກັບເວລາ ຍັງສາມາດຕີຄວາມໄດ້ອີກວ່າ ເຮົາຍັງບໍ່ທັນມີຄຸນສົມບັດເບື້ອງຕົ້ນ.

ແຕ່ງກາຍຢ່າງເໝາະສົມ (Dressing appropriately)

ການແຕ່ງໂຕທີ່ເໝາະສົມໃນແຕ່ລະສະຖານະການ ສະທ້ອນຫຼາຍຢ່າງໃນມຸມມອງຂອງຄົນອື່ນ. ບາງຄົນອາດຈະເວົ້າວ່າ "ແຕ່ງໂຕໃຫ້ຫຼາຍໆໄວ້ກ່ອນ ແລ້ວມັນຈະດີເອງ" ເຊິ່ງເລື່ອງນີ້ Nicolas ບໍ່ເຫັນດີນຳປານໃດ ເພາະການແຕ່ງໂຕທີ່ຫຼາຍເກີນໄປກໍເປັນບັນຫາດຽວກັບການແຕ່ງໂຕບໍ່ເໝາະສົມ. ສະນັ້ນ ຄວນພິຈາລະນາເລື່ອງຂອງການແຕ່ງໂຕ ໂດຍເບິ່ງຈາກສະຖານະການຂອງບ່ອນທີ່ຈະໄປວ່າຄວນ ຫຼື ຕ້ອງແຕ່ງແບບໃດ ເພື່ອເປັນການໃຫ້ກຽດສະຖານທີ່ ແລະ ຄົນເຂົ້າຮ່ວມງານຄົນອື່ນໆ.

ຈື່ຈຳສິ່ງເລັກໆນ້ອຍໆໄດ້ (Remembering the little things)

"ເຄັດລັບຂອງຄວາມສຸກທີ່ແທ້ຈິງຢູ່ທີ່ການຈື່ຈຳລາຍລະອຽດທັງໝົດຂອງຊີວິດໃນແຕ່ລະວັນ", William Morris ນັກອອກແບບແຟຊັນຊາວອັງກິດໄດ້ກ່າວເອົາໄວ້.

ນີ້ໝາຍຄວາມວ່າ ຖ້າເຮົາສາມາດຈື່ຈຳເລື່ອງເລັກໆນ້ອຍໆກ່ຽວກັບຄົນອື່ນໄດ້ ເຮົາຈະກາຍເປັນທີ່ຮັກແພງຂອງຄົນອື່ນຕະຫຼອດໄປ. ຍົກຕົວຢ່າງເຊັ່ນ: "ຂ້ອຍຈື່ໄດ້ ເຈົ້າບໍ່ໃສ່ຜັກຫອມ ບໍ່ກິນກະທຽມຈຽວ ຂ້ອຍເລີຍສັ່ງໃຫ້ເຂົາບໍ່ໃສ່ພວກນີ້ໃນເຂົ້າປຽກຂອງເຈົ້າ" ປະໂຫຍກນີ້ຈະເຮັດໃຫ້ຜູ້ທີ່ໄດ້ຟັງປະທັບໃຈ ແລະ ອາດກາຍມາເປັນເພື່ອນທີ່ດີທີ່ສຸດຂອງເຈົ້າໄດ້. ນີ້ເປັນຜົນມາຈາກການທີ່ເຈົ້າເປັນຜູ້ຟັງທີ່ດີ ທີ່ຈື່ຈຳລາຍລະອຽດເລັກນ້ອຍໄດ້.

ເປີດປະຕູໃຫ້ຄົນອື່ນ (Holding the door open)

ລະດັບສະຕິປັນຍາຍັງສະແດງອອກບ່ອນທີ່ເຮົາຍິນດີທີ່ຈະຊ່ວຍເຫຼືອຄົນອື່ນ ເຖິງຈະເປັນເລື່ອງເລັກນ້ອຍຄືກັບການ ເປີດປະຕູ ນີ້ກໍຕາມ. Nicolas ກ່າວວ່າ ຕອນຍັງນ້ອຍ ເວລາທີ່ໄປຕາມບ່ອນຕ່າງໆກັບແມ່ ເວລາເປີດປະຕູ ແມ່ຂອງລາວຈະລໍຖ້າໃຫ້ລາວເປີດປະຕູໃຫ້ ເຊິ່ງນີ້ເປັນສິ່ງທີ່ລາວດີໃຈຫຼາຍທີ່ແມ່ໄດ້ສອນໃຫ້ ເພາະການກະທຳນີ້ສະແດງເຖິງຄວາມໃສ່ໃຈ ແລະ ເຕັມໃຈທີ່ຈະເຮັດໃຫ້ຜູ້ອື່ນ. 

ສິລະປະເທິງຝາເຮືອນ (The art on your walls)

ເຄີຍເປັນບໍ່? ເວລາທີ່ຍ່າງເຂົ້າໄປໃນຫ້ອງການ ຫຼື ເຮືອນຂອງໃຜບາງຄົນແລ້ວຄິດອອກມາວ່າ ວ້າວ ຄົນນີ້ຕ້ອງເປັນຄົນທີ່ໜ້າສົນໃຈ ແລະ ໜ້າຫຼົງໃຫຼແທ້ໆ. ນີ້ກໍຍ້ອນກວ່າ ການທີ່ເຮົາປະດັບປະດາຝາເຮືອນດ້ວຍອີ່ຫຍັງກໍຕາມທີ່ບົ່ງບອກເຖິງໂຕຕົນ, ສິ່ງທີ່ເຮົາສົນໃຈ ຫຼື ສິ່ງທີ່ເປັນແຮງບັນດານໃຈໃຫ້ແກ່ເຮົານັ້ນ ກໍສາມາດບອກຄົນທີ່ພົບເຫັນໄດ້ເຊັ່ນກັນວ່າເຮົາເປັນຄົນແບບໃດ ໂດຍທີ່ບໍ່ຈຳເປັນຕ້ອງໄປສາທະຍາຍໃຫ້ກັບຄົນອື່ນຮູ້. ພວກເຂົາຈະຮູ້ເອງ.

ເກີບທີ່ເຈົ້າໃສ່ (Your shoes)

ນີ້ບໍ່ໄດ້ໝາຍຄວາມວ່າ ເຈົ້າຕ້ອງຊື້ເກີບທີ່ແພງທີ່ສຸດ ຫຼື ກຳລັງເປັນທີ່ນິຍົມຫຼາຍໃນຕອນນີ້. ແຕ່ສິ່ງທີ່ເຮົາຄວນໃຫ້ຄວາມໃສ່ໃຈກໍຄື "ຮູບແບບ" ຂອງເກີບທີ່ເຮົາໃສ່ ເພາະມັນບອກເຖິງຕົວຕົນ ແລະ ລັກສະນະຂອງຜູ້ທີ່ໃສ່ໄດ້. ຕົວຢ່າງເຊັ່ນ: ບາງຄົນອາດຈະໃສ່ໂສ້ງຢີນເກົ່າ ແລະ ເສື້ອສຸພາບ ແຕ່ກໍໃສ່ເກີບທີ່ງາມໆ ເຈົ້າກໍຈະບອກໄດ້ເລີຍວ່າລາວເປັນຄົນທີ່ໃສ່ໃຈກ່ຽວກັບການແຕ່ງໂຕໃຫ້ອອກມາດີ.

ການຈົດບັນທຶກຊ່ວຍຈຳ (When you take notes)

Nicolas ຍົກຕົວຢ່າງສະຖານະການໜຶ່ງຂຶ້ນມາ. ຢູ່ທີ່ຮ້ານອາຫານແຫ່ງໜຶ່ງ, ພະນັກງານເສີບທີ່ຢາກສະແດງຄວາມສະຫຼາດ ໂດຍພະຍາຍາມທີ່ຈະເຮັດໃຫ້ເຈົ້າປະທັບໃຈດ້ວຍການບໍ່ຈົດລາຍການອາຫານທີ່ສັ່ງລົງໃນເຈ້ຍບັນທຶກ. ຂະນະທີ່ພະນັກງານທີ່ສະຫຼາດແທ້ໆ ຈະຮູ້ວ່າໂຕເອງບໍ່ຄວນສ່ຽງກັບເລື່ອງແບບນັ້ນ ແລະ ຈົດລາຍການອາຫານລົງໃນບັນທຶກໃຫ້ຫຼາຍທີ່ສຸດເທົ່າທີ່ຈະເປັນໄປໄດ້. ໃນຊີວິດຈິງກໍເຊັ່ນກັນ ເປັນຫຍັງເຮົາຕ້ອງສ່ຽງທີ່ຈະລືມສິ່ງທີ່ສຳຄັນຕ່າງໆອ້ອມໂຕເຮົາເຊັ່ນ: ໄອເດຍຈາກການປະຊຸມ, ຄຳຂໍຈາກໝູ່ທີ່ໃຫ້ແວ່ຊື້ເຄື່ອງໃຫ້ ຫຼື ວຽກທີ່ຈະຕ້ອງເຮັດ. ການຈົດບັນທຶກຊ່ວຍໃຫ້ເຮົາເບິ່ງເປັນຄົນທີ່ໃສ່ໃຈ ແລະ ຢາກເຮັດສິ່ງນັ້ນໃຫ້ມັນຖືກແທ້ໆ ຫຼື ເວົ້າງ່າຍໆກໍຄືເປັນຄົນທີ່ຮອບຄອບ.

ຄວາມເປັນລະບຽບຂອງໜ້າຈໍຄອມ (The state of your desktop)

ເປັນເລື່ອງທີ່ໜັກໃຈຢູ່ໃນບາງຄັ້ງທີ່ຈະຕ້ອງໃຫ້ຄົນອື່ນເຫັນໜ້າຈໍຫຼັກຄອມພິວເຕີຂອງເຮົາວ່າມັນມີຫຍັງຢູ່ໃນນັ້ນແດ່. ໃນນັ້ນ ຖ້າຫາກວ່າເຈົ້າບັນທຶກໄຟລ໌ຕ່າງໆນານາໄວ້ເຕັມຢູ່ທົ່ວໄປ ນີ້ອາດສະແດງໃຫ້ເຫັນວ່າເຈົ້າເປັນຄົນທີ່ບໍ່ມີລະບົບລະບຽບ. ກົງກັນຂ້າມລອງຄິດເບິ່ງວ່າ ຖ້າຄົນອື່ນມາແນມເບິ່ງໜ້າຈໍຄອມເຈົ້າແລ້ວເຫັນວ່າມັນເປັນລະບົບລະບຽບຈົບງາມດີ ເຂົາຈະຄິດວ່າທ່ານເປັນຄົນແບບໃດ?

ໃຊ້ເງິນຢ່າງສະຫຼາດ (Spending money wisely)

ແມ່ນຢູ່ວ່າ ເງິນຂອງເຮົາ ເຮົາຈະເຮັດຫຍັງກໍໄດ້ ເປັນຫຍັງຕ້ອງຄິດຫຼາຍນຳຄຳຄົນອື່ນ, ແຕ່ເຈົ້າຮູ້ບໍວ່າ ວິທີການຈ່າຍເງິນ ບໍ່ວ່າຈະຊື້ຫຍັງຢູ່ໃສກໍຕາມ ຂໍ້ມູນທັງໝົດນີ້ມີສ່ວນເຮັດໃຫ້ຄົນສ່ວນໃຫຍ່ວິເຄາະເຖິງຕົວຕົນຂອງເຮົາວ່າເປັນຄົນແບບໃດໄດ້. ໂດຍສະເພາະຄວາມຖີ່ໃນການໃຊ້ຈ່າຍ ແລະ ເຮົາຈະເສຍເງິນໄປກັບຫຍັງແດ່ ເປັນຂໍ້ທີ່ສຳຄັນຫຼາຍທີ່ຈະລະບຸວ່າ ຄວາມສາມາດໃນການຈັດການເງິນ ແລະ ແຍກຄວາມຈຳເປັນກັບບໍ່ຈຳເປັນຂອງເຮົາໄດ້ ຫຼື ບໍ່ ເປັນຕົ້ນ.

ວິທີການນຳໃຊ້ເວລາຂອງເຮົາ (How you invest your time)

ການໃຊ້ເວລາສ່ວນຕົວຂອງເຮົາເຮັດສິ່ງຕ່າງໆເຊັ່ນ: ເວລາວ່າງເຮົາມັກອ່ານໜັງສື, ເບິ່ງໜັງ, ຟັງເພງ, ຫຼິ້ນເກມ, ພົບປະສັງກັນກັບຄົນອື່ນ ສິ່ງຕ່າງໆເຫຼົ່ານີ້ມັນສະທ້ອນໃຫ້ເຫັນຕົວຕົນຂອງເຮົາໄດ້. ສະນັ້ນ ການເລືອກກິດຈະກຳທີ່ເຮັດຈຶ່ງເປັນສິ່ງທີ່ສຳຄັນ ແລະ ບອກໄດ້ວ່າເຮົາສະຫຼາດເລືອກຫຼືບໍ່ ເຊິ່ງກິດຈະກຳກໍມີທັງທີ່ພັດທະນາຕົວເຮົາເອງໃຫ້ດີຂຶ້ນ ແລະ ກິດຈະກຳທີ່ເສຍເວລາໄປລ້າໆ.

ອາຫານທີ່ເຮົາກິນ (The foods you eat)

ເຈົ້າກິນຫຍັງ ເຈົ້າກໍເປັນອັນນັ້ນ, ຄຳເວົ້ານີ້ຫຼາຍຄົນອາດຈະເຄີຍໄດ້ຍິນມາແລ້ວ. ການເລືອກສິ່ງທີ່ເຮົາກິນ ບົ່ງບອກວ່າເຮົາໃສ່ໃຈກັບສຸຂະພາບຂອງໂຕເອງ ວ່າເຮົາມີວິໄນກັບໂຕເອງຫຼາຍສໍ່າໃດ. ທີ່ສຳຄັນ ມັນບອກວ່າເຮົາມີຄວາມສຳພັນແນວໃດກັບຮ່າງກາຍຂອງໂຕເອງ.

ວົງສັງຄົມໝູ່ເພື່ອນຂອງເຮົາ (Your circle of friends)

"ເຈົ້າເປັນເງົາສະທ້ອນຂອງຄົນ 5 ຄົນທີ່ເຈົ້າໃຊ້ເວລາຮ່ວມກັນຫຼາຍທີ່ສຸດ."

ເວົ້າງ່າຍໆກໍຄື ຖ້າຢາກຮູ້ວ່າບຸກຄົນໃດໜຶ່ງເປັນຄົນແນວໃດກໍໃຫ້ເບິ່ງຈາກໝູ່ເພື່ອນ 5 ຄົນທີ່ລາວເລືອກຄົບ ຫຼື ໃຊ້ເວລານຳກັນ. ເຮົາບໍ່ຈຳເປັນຕ້ອງເວົ້າອອກມາເລີຍວ່າເຮົາສະຫຼາດ ຫຼື ເປັນຄົນແບບໃດ ຄົນອື່ນຈະເບິ່ງອອກທັນທີຈາກໝູ່ທີ່ເຮົາໃຊ້ເວລານຳ ເພາະຄົນກຸ່ມນີ້ສາມາດສະທ້ອນໄດ້ເຖິງພາບລວມຂອງການໃຊ້ຊີວິດ, ຄວາມເຊື່ອ, ເປົ້າໝາຍ ແລະ ສິ່ງທີ່ສຳຄັນທີ່ສຸດໃນຊີວິດ. ສະນັ້ນ ຖ້າຢາກພັດທະນາຕົນເອງ ລອງໃຊ້ເວລາກັບຄົນທີ່ໃຫ້ຄຸນຄ່າກັບ ກໍຈະຊ່ວຍໄດ້ຫຼາຍເລີຍ. 


ອ້າງອີງ:

Advertisement Replay Ad
ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ