ວັນຈັນ ທີ 2 ສິງຫາ 2021

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ
S! Muan

ສະໜັບສະໜູນເນື້ອຫາ

ການເລີ່ມຕົ້ນປີໃໝ່ດ້ວຍເປົ້າໝາຍ ແລະ ຄວາມຕັ້້ງໃຈໃໝ່ໆທີ່ຈະເຮັດໃຫ້ຕົວເອງດີຂຶ້ນ ເປັນສິ່ງທີ່ຫຼາຍໆຄົນມັກທີ່ຈະປະຕິຍານກັບຕົວເອງ, ແຕ່ຈາກການສຶກສາພົບວ່າ ບໍ່ຮອດ 10% ເທົ່ານັ້ນທີ່ສາມາດເຮັດໃຫ້ຄຳປະຕິຍານປີໃໝ່ຂອງພວກເຂົາສຳເລັດ ແລະ ອີກຫຼາຍກວ່າ 50% ບໍ່ສາມາດຈື່ໄດ້ວ່າ ຕົວເອງຕັ້ງເປົ້າໝາຍຫຍັງໄວ້ຫຼັງຈາກຄົບຮອບປີ.

ດັ່ງນັ້ນເພື່ອການຕັ້ງເປົ້າໝາຍປີໃໝ່ໃຫ້ມີປະສິດທິພາບ ແລະ ກາຍເປັນຈິງແຕ່ຕົ້ນຈົນຈົບ, ມື້ນີ້ນັກຂຽນໄດ້ນຳເອົາວິທີການຕັ້ງຄຳປະຕິຍານປີໃໝ່ຈາກນັກຈິດຕະວິທະຍາດ້ານພຶດຕິກຳມາແບ່ງປັນໃຫ້ທ່ານໄດ້ພິຈາລະນາກ່ອນທີ່ຈະຕັ້ງເປົ້າໝາຍໃນປີໃໝ່ຂອງຕົວເອງ.

1. ເລີ່ມຕົ້ນຈາກ, ສ້າງຄຳປະຕິຍານທີ່ນ້ອຍ ແລະ ຊັດເຈນກ່ອນ ແຕ່ສາມາດປະຕິບັດໄດ້ທຸກມື້

“ຈະອອກກຳລັງກາຍໃຫ້ຫຼາຍໆ”, “ຈະຫຼຸດນ້ຳໜັກໃຫ້ໄດ້”, “ຈະບໍ່ກິນເຂົ້າແລງ”,…ເປັນຕົ້ນ. ສິ່ງເຫຼົ່ານີ້ບໍ່ມີທາງເປັນເປົ້າໝາຍທີ່ນ້ອຍໆແນ່ນອນ ເຊິ່ງຮັບປະກັນໄດ້ວ່າທ່ານຈະຫຼົມແຫຼວຢ່າງແນ່ນອນ. ສ່ວນໃຫຍ່ການຕັ້ງເປົ້າໝາຍປີໃໝ່ຈະກ່ຽວຂ້ອງກັບພຶດຕິກຳຂອງຄົນເຮົາ ດັ່ງນັ້ນ, ຄວນຕັ້ງເປົ້າໝາຍທີ່ນ້ອຍໆແຕ່ເປັນພຶດຕິກຳໃໝ່ ແລະ ຊັດເຈນ ເຊັ່ນວ່າ: ຈະຍ່າງອອກກຳລັງກາຍ 20 ນາທີ ຢ່າງໜ້ອຍ 4 ຄັ້ງຕໍ່ 1 ອາທິດ, ຫຼື ວ່າ “ຈະຫຼຸດນ້ຳໜັກໃຫ້ໄດ້ 5 ຂີດ (ເຄິງກິິໂລ)ທຸກໆເດືອນ”, “ຈະສູບຢາໃຫ້ໜ້ອຍລົງມື້ລະ 1 ກອກ”...ເປັນຕົ້ນ.

ສິ່ງສຳຄັນຕ້ອງເປັນເປົ້າໝາຍທີ່ນ້ອຍ ແຕ່ເຫັນພາບເປົ້າໝາຍຊັດເຈນ ແລະ ສະເພາະເຈາະຈົງ

ພາບ: Jen Theodore / Unsplash

2. ໃຊ້ພາບປະຈັກຕາ ຫຼື ສຽງກະຕຸ້ນ

ຖ້າເປົ້າໝາຍຂອງເຈົ້າຄືການໄປຍ່າງອອກກຳລັງກາຍທຸກມື້ ໃຫ້ວາງເກີບສຳລັບແລ່ນ, ເສື້ອຜ້າ ແລະ ອຸປະກອນສຳລັບແລ່ນອອກກຳລັງກາຍໄວ້ບ່ອນທີ່ເຮົາຜ່ານ ແລະ ເຫັນໄດ້ງ່າຍສະເໝີ ເຊັ່ນ: ໜ້າຕູ້ເສື້ອຜ້າ, ໃກ້ກັບປາກປະຕູທາງອອກ, ຢ່າເອົາອຸປະກອນເຫຼົ່ານັ້ນໄວ້ໃນຕູ້ ຫຼື ບ່ອນທີ່ລັບຫູລັບຕາເດັດຂາດ ເພາະພວກມັນຈະເປັນພາບເຕືອນໃຈເຖິງເປົ້າໝາຍເຮົາ ແລະ ກະຕຸ້ນໃຫ້ເຮົາເຮັດສິ່ງທີ່ຕັ້ງໄວ້ ເຊັ່ນດຽວກັນກັບການຕັ້ງໂມງເພື່ອໃຫ້ສັນຍານເຕືອນດ້ວຍສຽງ ເປັນຕົ້ນ.

ສິ່ງສຳຄັນຕ້ອງມີເຄື່ອງເຕືອນໃຈບໍ່ວ່າຈະເປັນອຸປະກອນປະຈັກຕາ, ສຽງ ແລະ ອື່ນໆ ຕັ້ງໄວ້ບ່ອນທີ່ເຮົາເຫັນໄດ້ງ່າຍ ແລະ ຊັດເຈນ.

3. ຕັ້ງເປົ້າໝາຍຈາກຄວາມຕ້ອງການຂອງຕົວເອງແທ້ໆ ບໍ່ແມ່ນເອົາຕາມຄວາມຕ້ອງການຂອງຄົນອື່ນ

ຕົວຢ່າງ: ແທນທີ່ຈະບອກວ່າ ຂ້ອຍຈະບໍ່ໃຊ້ກິນອາຫານທີ່ມີໄຂມັນຫຼາຍ ໃຫ້ບອກຕົວເອງວ່າ ຂ້ອຍຈະກິນອາຫານຄລີນ ຫຼື ພືດຜັກເປັນຫຼັກ, ຂ້ອຍຈະບໍ່ກິນເຫຼົ້າເບຍທຸກມື້ ເປັນ ຂ້ອຍຈະກິນເຫຼົົ້າເບຍສະເພາະວັນສຸກ ຫຼື ວັນເສົາເທົ່ານັ້ນ, ເປັນຕົ້ນ.

ທຳມະຊາດຂອງຄົນຍິ່ງຫ້າມປານກັບຍິ່ງຍົວະ ດັ່ງນັ້ນ ສົນໃຈແຕ່ສິ່ງທີ່ຕົວເອງຢາກເຮັດແທ້ໆເທົ່ານັ້ນແລ້ວສິ່ງອື່ນໆທີ່ເຮົາບໍ່ຕ້ອງການຈະຄ່ອຍໆຫາຍໄປ.

4. ຂຽນເລື່ອງລາວຂອງຕົວເອງໃໝ່ (ຈິນຕະນາການພາບຕົວເອງໃນຕອນທີ່ມັນສຳເລັດ)

ຢາກຫຼິ້ນກີຕ້າເປັນ ລອງຂຽນເລື່ອງລາວຂອງຕົວເອງຫຼິ້ນກີຕ້າຈີບສາວ, ຫຼິ້ນໃນວົງໝູ່ ຫຼື ຂຶ້ນຄອນເສີດໂຮງຮຽນ, ຢາກເວົ້າພາສາອັງກິດເປັນ ລອງຂຽນເລື່ອງລາວຂອງຕົວເອງວ່າກຳລັງລົມກັບໝູ່ຄົນຕ່າງປະເທດແບບເມົາມັນໃນງານລ້ຽງ, ເປັນຕົ້ນ.

ຄົນເຮົາມັກຈະຕັດສິນໃຈໂດຍອາໄສເລື່ອງລາວທີ່ເກີດຂຶ້ນໃນຈິດໃຕ້ສຳນຶກໂດຍທີ່ເຮົາບໍ່ຮູ້ຕົວ ເຊິ່ງການຈິນຕະນາການ ຂຽນເລື່ອງລາວຂອງຕົວເອງໃນຕອນທີ່ເຮັດສຳເລັດມັນຈະຊ່ວຍໃຫ້ສະໝອງຂອງເຈົ້າຈົດຈຳເປັນພາບ ແລະ ຊຸກຍູ້ໃຫ້ສະໝອງຕັດສິນໃຈເພື່ອເຮັດໃຫ້ເປົ້າໝາຍນັ້ນເປັນຈິງຂຶ້ນມາໄດ້.

ສະຫຼຸບກໍ່ຄື ເຈົ້າຕ້ອງຕັ້ງເປົ້າໝາຍທີ່ຊັດເຈນ,​ ບໍ່ໃຫຍ່ເກີນຄວາມສາມາດ, ໃຊ້ອຸປະກອນປະຈັກຕາທັງພາບ ແລະ ສຽງ ເພື່ອເປັນຕົວກະຕຸ້ນ ແລ້ວຫຼັງຈາກນັ້ນໃຫ້ມີສະມາທິຈົດຈໍ່ກັບສິ່ງທີ່ຕົວເອງຕ້ອງການຈະເຮັດເທົ່ານັ້ນ ແລະ ສຸດທ້າຍກໍ່ສ້າງພາບຝັນໃຫ້ເຫັນພາບຕອນຕົວເອງເຮັດເປົ້າໝາຍສຳເລັດ ພຽງເທົ່ານີ້ການຕັ້ງເປົ້າໝາຍຂອງເຈົ້າກໍ່ມີເປີເຊັນສຳເລັດເພີ່ມຂຶ້ນຫຼາຍເທົ່າຕົວ.

ສິ່ງສຳຄັນທີ່ສຸດຄື ເຈົ້າຕ້ອງເລີ່ມເຮັດທັນທີ ແລະ ເຮັດດຽວນີ້ ທັນທີທີ່ອ່ານຈົບ ເພາະບໍ່ວ່າເຈົ້າຈະຮຽນສູງ ຫຼື ມີວິຊາສ່ຳໃດກໍ່ຕາມ ຖ້າເຈົ້າບໍ່ໃຊ້ມັນມັນກໍ່ບໍ່ມີຄວາມໝາຍ.

ຂໍຂອບໃຈທີ່ອ່ານຈົນຈົບ ແລະ ຂໍໃຫ້ເຈົ້າສຳເລັດເປົ້າໝາຍຂອງເຈົ້າເມື່ອສິ້ນສຸດປີ.


ບົດຄວາມໂດຍ: Poui Kittang

ພາບໜ້າປົກ: Tim Mossholder / Unsplash

ອ້າງອີງ:

 

Advertisement Replay Ad
ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ