ວັນພະຫັດ ທີ 23 ກັນຍາ 2021

ຮຽນຈົບກົດໝາຍເຮັດວຽກຫຍັງໄດ້ແດ່?: 7 ອາຊີບຕົ້ນຕໍຂອງນັກກົດໝາຍ

ຮຽນຈົບກົດໝາຍເຮັດວຽກຫຍັງໄດ້ແດ່?: 7 ອາຊີບຕົ້ນຕໍຂອງນັກກົດໝາຍ
S! Muan

ສະໜັບສະໜູນເນື້ອຫາ

ຮຽນ ຈົບອອກມາຈະເຮັດວຽກຫຍັງໄດ້ແດ່ນໍ? ນີ້ອາດເປັນໜຶ່ງໃນຄຳຖາມທີ່ເກີດຂຶ້ນໃນຫົວຂອງນັກສຶກສາກົດໝາຍຫຼາຍທ່ານ ທັງທີ່ກຳລັງເລີ່ມຮຽນ ຫຼື ຮຽນໃກ້ຈົບແລ້ວ. ມື້ນີ້ເຮົາກໍເລີຍມີ 7 ອາຊີບຕົ້ນຕໍທີ່ນັກກົດໝາຍສາມາດເຮັດໄດ້.

  1. ຜູ້ພິພາກສາ

ຜູ້ພິພາກສາ ແມ່ນ ຜູ້ພິຈາລະນາຕັດສິນ ແລະ ພິພາກສາຄະດີ ໃນນາມລັດ ຊຶ່ງໄດ້ຮັບການແຕ່ງຕັ້ງຈາກຄະ ນະປະຈຳສະພາແຫ່ງຊາດ. ອາຊີບຜູ້ພິພາກສາ ຖືວ່າແມ່ນອາຊີບທີ່ນັກສຶກສາກົດໝາຍຫຼາຍຄົນໄຝ່ຝັນ ເພາະວ່າເປັນອາຊີບທີ່ມີກຽດສັກສີ. ກ່ອນຈະເປັນຜູ້ພິພາກສາໄດ້ ບໍ່ແມ່ນເລື່ອງ່າຍ ເພາະວ່າຕ້ອງໄດ້ມີມາດຕະຖານລວມ ແລະ ມາດຕະຖານສະເພາະຂອງແຕ່ລະຊັ້ນຜູ້ພິພາກສາຕື່ມອີກ ຊຶ່ງນັບແຕ່ຜູ້ພິພາກສາຊັ້ນສີ່, ຜູ້ພິພາກສາຊັ້ນສາມ, ຜູ້ພິພາກສາຊັ້ນສອງ ແລະ ຜູ້ພິພາກສາຊັ້ນໜຶ່ງ. ຜູ້ພິພາກສາ ຕ້ອງເປັນບຸກຄົນທີ່ມີມີ​ຄວາມຈົງຮັກພັກດີ, ທັດສະນະຫຼັກໝັ້ນການ​ເມືອງໜັກແໜ້ນ ​ແລະ ຮູ້​ຈຳ​ແນ​ກມິດ-ສັດ​ຕູຈະ​ແຈ້ງ, ມີ​ສະຕິ​ຕໍ່ການຈັດ​ຕັ້ງ, ​ມີ​ລະບຽບວິ​ໄນ​ສູງ, ຮັກສາ​ຄວາມ​ລັບ​ໄດ້​ດີ, ບໍ່​ເຊື່ອ​ຟັງ​ການ​ບິດ​ເບືອ​ນ ພິກ​ປີ້ນ​ຄວາມ​ຈິງ ຂອງ​ຄູ່​ຄວາມ ແລະ ບຸກຄົນ​ອື່ນ. ຜູ້ພິພາກສາຕ້ອງມີ​ຄຸນສົມບັດ​, ສັດຊື່ ບໍລິສຸດ, ທ່ຽງທຳ, ເຄົາລົບ ແລະ ປະຕິບັດ​ລັດຖະທໍາມະນູນ ແລະ ກົດໝາຍຢ່າງ​ເຂັ້ມ​ງວດ, ສະກັດ​ກັ້ນ ​ແລະ ຕ້ານ​ປາກົດ​ການ ​ສວຍ​ໂອກາດສໍ້​ໂກງ, ຮັບ​ ຫຼື ໃຫ້ສິນບົນ​​, ໃຊ້​ອຳ​ນາດ​ເກີນ​ຂອບ​ເຂດ ໃນການປະຕິບັດໜ້າທີ່.

  1. ພະນັກງານໄອຍະການ

ພະນັກງານໄອຍະການປະຊາຊົນ ໝາຍເຖິງ ພະນັກງານທີ່ໄດ້ຮັບການແຕ່ງຕັ້ງ ໃຫ້ປະຕິບັດໜ້າທີ່ ຕາມກົດໝາຍ ແລະ ຕາມການມອບໝາຍຂອງຫົວໜ້າອົງການໄອຍະການປະຊາຊົນ ໃຫ້ປະຕິບັດໜ້າທີ່ຕິດຕາມກວດກາ, ສອບສວນ ແລະ ເຂົ້າຮ່ວມປະຊຸມສານ. ພະນັກງານໄອຍະການ ແມ່ນ ອາຊີບທີ່ໄດ້ຮັບຄວາມນິຍົມຮອງລົງມາຈາກອາຊີບຜູ້ພິພາກສາ ເພາະວ່າຕາມກົດໝາຍແລ້ວ ອົງການໄອຍະການປະຊາຊົນ ມີ ພາລະບົດບາດຕິດຕາມ ແລະ ກວດກາການເຄົາລົບ ແລະ ປະຕິບັດກົດໝາຍ ຂອງບັນດາກະຊວງ, ອົງການລັດທຽບເທົ່າກະຊວງ, ແນວລາວສ້າງຊາດ, ອົງການຈັດຕັ້ງມະຫາຊົນ, ອົງການຈັດຕັ້ງສັງຄົມ, ອົງການປົກຄອງທ້ອງຖິ່ນ, ວິສາຫະກິດ, ພົນລະເມືອງ ເພື່ອໃຫ້ມີຄວາມຖືກຕ້ອງ, ເປັນເອກະພາບ ແລະ ສັ່ງຟ້ອງຜູ້ຖືກຫາຂຶ້ນສານ ຕາມກົດໝາຍ.

  1. ທະນາຍຄວາມ

ທະນາຍຄວາມ ແມ່ນ ບຸກຄົນທີ່ໄດ້ຮັບອະນຸຍາດຈາກລັດ ໃຫ້ເຄື່ອນໄຫວວິຊາຊີບ ໃນການໃຫ້ບໍລິການທາງດ້ານກົດໝາຍແກ່ ບຸກຄົນ, ນິຕິບຸກຄົນ, ການຈັດຕັ້ງ ແລະ ສັງຄົມ ເພື່ອປົກປ້ອງສິດ ແລະ ຜົນປະໂຫຍດອັນຊອບທໍາຂອງລູກຄວາມ ທັງຮັບປະກັນຄວາມຍຸຕິທໍາ ໃຫ້ແກ່ຄູ່ຄວາມ ຕາມທີ່ໄດ້ກໍານົດໄວ້ໃນກົດໝາຍ. ທະນາຍຄວາມ ເປັນອາຊີບທີ່ມີຄວາມສໍາຄັນຫຼາຍໃນການດຳເນີນຄະດີອາຍາ ກໍຄື ການດໍາເນີນຄະດີແພ່ງ, ເປັນຫຼັກປະກັນເພີ່ມເຕີມວ່າ ຈໍາເລີຍມີສິດທີ່ຈະຕໍ່ສູ້ຄະດີໄດ້ຢ່າງເຕັມທີ່ ໝາຍຄວາມວ່າ ຄູ່ຄວາມຈະຕ້ອງມີສິດ ແລະ ຄວາມສາມາດໃນການຕໍ່ສູ້ຄະດີເທົ່າທຽມກັນຢ່າງແທ້ຈິງໃນການດຳເນີນຄະດີອາຍາ ແລະ ການດໍາເນີນຄະດີແພ່ງ.

  1. ກໍາລັງປ້ອງກັນຄວາມສະຫງົບອາຊີບ

ກໍາລັງປ້ອງກັນຄວາມສະຫງົບອາຊີບ ແມ່ນ ກໍາລັງປະກອບອາວຸດທີ່ມີຫຼາຍເຫຼົ່າວິຊາສະເພາະ ໄດ້ຮັບການບໍາລຸງສ້າງວິຊາສະເພາະຢ່າງເປັນລະບົບ, ສັງກັດຢູ່ໃນກົງຈັກການຈັດຕັ້ງຂອງກໍາລັງປ້ອງກັນຄວາມສະຫງົບ, ປະກອບດ້ວຍນາຍ ແລະ ພົນຕໍາຫຼວດ, ໄດ້ຮັບການປະກອບອາວຸດ, ເຕັກນິກວິຊາສະເພາະຢ່າງຄົບຖ້ວນ.

ໂດຍອີງຕາມທີ່ມາຂອງກອງກໍາລັງປ້ອງກັນຄວາມສະຫງົບປະຊາຊົນ ແລະ ມາດຕະຖານຂອງນາຍ ແລະ ພົນຕໍາຫຼວດ ຜູ້ທີ່ຮຽນຈົບກົດໝາຍ ກໍສາມາດສະໝັກເຂົ້າບັນຈຸເປັນນາຍ ແລະ ພົນຕໍາຫຼວດຂອງກໍາລັງປ້ອງກັນຄວາມສະຫງົບອາຊີບໄດ້ເຊັ່ນດຽວກັນ.

  1. ນາຍທະຫານ

ນາຍທະຫານກອງທັບປະຊາຊົນລາວ ແມ່ນ ພະນັກງານຂອງພັກ ແລະ ລັດ ທີ່ມີຊັ້ນແຕ່ຮ້ອຍຕີເຖິງຊັ້ນພົນເອກ ໂດຍມີເຄື່ອງໝາຍຊັ້ນ, ເຄື່ອງໝາຍທຽບຊັ້ນ, ເຄື່ອງໝາຍເຫຼົ່າຮົບ, ເຄື່ອງໝາຍເຫຼົ່າທັບ ແລະ ເຄື່ອງແບບສະເພາະ ຊຶ່ງລັດຖະບານເປັນຜູ້ກໍານົດ.

ໂດຍອີງຕາມທີ່ມາ, ເງື່ອນໄຂ ແລະ ມາດຕະຖານຂອງນາຍທະຫານກອງທັບປະຊາຊົນລາວ ຜູ້ທີ່ຮຽນຈົບກົດໝາຍ ກໍສາມາດສະໝັກເຂົ້າຮັບໃຊ້ຢູ່ໃນກອງທັບໄດ້ເຊັ່ນດຽວກັນ.

  1. ພະນັກງານ-ລັດຖະກອນ

ພະນັກງານ-ລັດຖະກອນ ແມ່ນ ພົນລະເມືອງລາວຜູ້ຖືກ ຮັບບັນຈຸໃຫ້ເຮັດວຽກ, ເລືອກຕັ້ງ ຫຼື ແຕ່ງຕັ້ງໃຫ້ດໍາລົງຕໍາແໜ່ງໃດໜຶ່ງ ໃນອົງການຈັດຕັ້ງພັກ, ລັດ, ແນວລາວສ້າງຊາດ ແລະ ອົງການຈັດຕັ້ງມະຫາຊົນຂັ້ນສູນກາງ ແລະ ທ້ອງຖິ່ນ ຫຼື ໄປປະຈໍາການຢູ່ສໍານັກງານຜູ້ຕາງໜ້າ ສາທາລະນະລັດ ປະຊາທິປະໄຕ ປະຊາຊົນລາວ ຢູ່ຕ່າງປະເທດ ແລະ ອົງການຈັດຕັ້ງສາກົນ ຊຶ່ງໄດ້ຮັບເງິນເດືອນ ແລະ ເງິນອຸດໜູນຈາກງົບປະມານແຫ່ງລັດ.

ຜູ້ທີ່ຮຽນຈົບກົດໝາຍ ສາມາດໄປປະກອບອາຊີບເປັນພະນັກງານ-ລັດຖະກອນ ທີ່ຮັບຜິດຊອບກ່ຽວກັບກົດໝາຍ ແລະ ນິຕິກໍາ ຂອງບັນດາກະຊວງ, ອົງການ, ອົງການປົກຄອງທ້ອງຖິ່ນ ຊຶ່ງໃນປັດຈຸບັນຈະເຫັນວ່າ ທຸກກະຊວງ, ອົງການ ຕ້ອງມີພະນັກງານ-ລັດຖະກອນ ທີ່ເຮັດວຽກທາງດ້ານກົດໝາຍ ແລະ ນິຕິກໍາ ສັງກັດຢູ່ນຳ.

  1. ພະນັກງານກົດໝາຍຂອງເອກະຊົນ

ໃນປັດຈຸບັນ ວິສາຫະກິດຂອງເອກະຊົນ ກໍເປີດຮັບສະໝັກຜູ້ທີ່ຮຽນຈົບກົດໝາຍເຂົ້າບັນຈຸໃນອົງການຈັດຕັ້ງຂອງຕົນ ເປັນຕົ້ນ ພະນັກງານນິຕິກໍາ, ພະນັກງານສິນເຊື່ອ, ທີ່ປຶກສາທາງດ້ານກົດໝາຍ.

ທີ່ກ່າວມາຂ້າງເທິງນີ້ ກໍແມ່ນ 7 ອາຊີບຕົ້ນຕໍຂອງຜູ້ທີ່ຮຽນຈົບກົດໝາຍ ຊຶ່ງນອກຈາກນີ້ແລ້ວ ຍັງສາມາດໄປປະກອບອາຊີບອື່ນໄດ້ໂດຍທີ່ບໍ່ກ່ຽວຂ້ອງກັບກົດໝາຍໂດຍກົງ ເຊັ່ນ ຜູ້ທີ່ຮຽນຈົບກົດໝາຍທຸລະກິດ ກໍສາມາດໄປເຮັດທຸລະກິດສ່ວນຕົວຂອງຕົນເອງໄດ້ເຊັ່ນດຽວກັນ.


ໂດຍວິລະວົງ ຍຸບົນພາກ

ອ້າງອີງ:

  1. ກົດໝາຍວ່າດ້ວຍຜູ້ພິພາກສາ ສະບັບເລກທີ 35/ສພຊ, ລົງວັນທີ 10 ພະຈິກ 2017;

  2. ກົດໝາຍວ່າດ້ວຍອົງການໄອຍະການປະຊາຊົນ (ສະບັບປັບປຸງ) ສະບັບເລກທີ 21/ສພຊ, ລົງວັນທີ 10 ພຶດສະພາ 2017;

  3. ກົດໝາຍວ່າດ້ວຍທະນາຍຄວາມ (ສະບັບປັບປຸງ) ສະບັບເລກທີ 06/ສພຊ, ລົງວັນທີ 9 ພະຈິກ 2016;

  4. ກົດໝາຍວ່າດ້ວຍກໍາລັງປ້ອງກັນຄວາມສະຫງົບປະຊາຊົນ (ສະບັບປັບປຸງ) ສະບັບເລກທີ 20/ສພຊ, ລົງວັນທີ 9 ພຶດສະພາ 2017;

  5. ກົດໝາຍວ່າດ້ວຍນາຍທະຫານກອງທັບປະຊາຊົນລາວ (ສະບັບປັບປຸງ) ສະບັບເລກທີ 43/ສພຊ, ລົງວັນທີ 14 ມິຖຸນາ 2018;

  6. ກົດໝາຍວ່າດ້ວຍພະນັກງານ-ລັດຖະກອນ ສະບັບເລກທີ 74/ສພຊ, ລົງວັນທີ 18 ທັນວາ 2015.

Advertisement Replay Ad
ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ເປີດໃຫ້ບໍລິການຢ່າງເປັນທາງການແລ້ວ ໂຮງໝໍມາດຕະຖານລະດັບສາກົນ "ກະເສມຣາດ ອິນເຕີຣ໌ເນຊັ່ນແນລ ວຽງຈັນ"

ເປີດໃຫ້ບໍລິການຢ່າງເປັນທາງການແລ້ວ ໂຮງໝໍມາດຕະຖານລະດັບສາກົນ "ກະເສມຣາດ ອິນເຕີຣ໌ເນຊັ່ນແນລ ວຽງຈັນ"

ຄູ່ຮັກທີ່ຢູ່ນຳກັນ ຊ່ວຍກັນຫຼຸດຄວາມສ່ຽງພະຍາດຫົວໃຈໄດ້ຫຼາຍກວ່າຜູ້ທີ່ຢູ່ຄົນດຽວ

ຄູ່ຮັກທີ່ຢູ່ນຳກັນ ຊ່ວຍກັນຫຼຸດຄວາມສ່ຽງພະຍາດຫົວໃຈໄດ້ຫຼາຍກວ່າຜູ້ທີ່ຢູ່ຄົນດຽວ

ອອກແລ້ວເດີ້! ຜົນຫວຍລາວງວດວັນທີ 16 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 16 ສິງຫາ 2021

ໂລກ້າ ບໍລິສັດສະຕາດອັບທຳອິດຈາກລາວ ມີຊື່ໃນ "100 ບໍລິສັດທີ່ໜ້າຈັບຕາ ຂອງ Forbes Asia"

ໂລກ້າ ບໍລິສັດສະຕາດອັບທຳອິດຈາກລາວ ມີຊື່ໃນ "100 ບໍລິສັດທີ່ໜ້າຈັບຕາ ຂອງ Forbes Asia"

ເຜີຍໂສມໜ້າ ຕົວຈິງຂອງ POPCAT ນ້ອງໜ້າຕາເປັນແບບນີ້ເອງ

ເຜີຍໂສມໜ້າ ຕົວຈິງຂອງ POPCAT ນ້ອງໜ້າຕາເປັນແບບນີ້ເອງ

ອອກແລ້ວເດີ້! ຜົນຫວຍລາວງວດວັນທີ 12 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 12 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 5 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 5 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 2 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 2 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 29 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 29 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 26 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 26 ກໍລະກົດ 2021

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ