ວັນອາທິດ ທີ 18 ເມສາ 2021

ຈົບມາໃໝ່ໆບໍ່ຮູ້ວ່າຈະເຮັດວຽກຫຍັງດີຈຶ່ງຈະເໝາະກັບຕົວເອງທີ່ສຸດ? ບົດຄວາມນີ້ຊ່ວຍທ່ານໄດ້

ຈົບມາໃໝ່ໆບໍ່ຮູ້ວ່າຈະເຮັດວຽກຫຍັງດີຈຶ່ງຈະເໝາະກັບຕົວເອງທີ່ສຸດ? ບົດຄວາມນີ້ຊ່ວຍທ່ານໄດ້
S! Muan

ສະໜັບສະໜູນເນື້ອຫາ

ຈົບມາໃໝ່ໆບໍ່ຮູ້ວ່າຈະເຮັດວຽກຫຍັງດີຈຶ່ງຈະເໝາະກັບຕົວເອງທີ່ສຸດ? ບົດຄວາມນີ້ຊ່ວຍທ່ານໄດ້

8 ຄໍາຖາມທີ່ເຈົ້າຕ້ອງຕອບໃຫ້ໄດ້ເພື່ອເບິ່ງວ່າວຽກທີ່ເຈົ້າກໍາລັງຈະເລືອກ ມັນເໝາະສົມ ແລະ ເປັນວຽກທີ່ເຈົ້າຢາກເຮັດແທ້ບໍ່! ບົດຄວາມນີ້ຈະຊ່ວຍເຮັດໃຫ້ເຈົ້າສາມາດເລືອກອາຊີບທີ່ເໝາະກັບທ່ານທີ່ສຸດ ແລະ ເຮັດໃຫ້ເປັນເລື່ອງງ່າຍ, ຊັດເຈນຍິ່ງຂຶ້ນສຳລັບການຕັດສິນໃຈ ໃນການທີ່ຈະເລືອກວ່າຈະເຮັດວຽກຫຍັງດີທີ່ໃຈເຮົາຕ້ອງການ!

1. ວຽກທີ່ຂ້ອຍເຮັດມັນຕອບສະໜອງຄວາມຕ້ອງການໃນການໃຊ້ຊີວິດຂອງຂ້ອຍບໍ?

ການໃຊ້ຊີວິດຂອງເຮົາໃນປັດຈຸບັນ ມັນໄດ້ຕິດພັນກັນລະຫວ່າງ ເງິນ ແລະ ເວລາ. ເວລາສໍາລັບຄອບຄົວ, ເວລາສໍາລັບຕົວເອງ ແລະ ເວລາສໍາລັບວຽກ. ຖ້າເຈົ້າຕ້ອງການໄປທ່ຽວກັບຄອບຄົວເຈົ້າກໍ່ຕ້ອງການເວລາ ແລະ ທີ່ສໍາຄັນເຈົ້າຕ້ອງການເງິນນຳ. ດັ່ງນັ້ນ ລອງຖາມຕົວເອງເບິ່ງວ່າວຽກທີ່ຈະເຮັດມັນຕອບສະໜອງເຮົາໄດ້ແທ້ໆບໍ.

ເຮັດວຽກແລ້ວມີເວລາໃຫ້ຄອບຄົວບໍ, ມີເວລາໃຊ້ຊີວິດເປັນຂອງຕົວເອງບໍ ຫຼື ໄດ້ຮັບຄ່າຕອບແທນຕາມທີ່ຕ້ອງການບໍ? ເປັນຕົ້ນ.

ຖ້າຮັບຮູ້ວ່າເຈົ້າຕ້ອງການຊີວິດຂອງເຈົ້າໃຫ້ເປັນແບບໃດ ມັນຈະຊ່ວຍໃຫ້ເຮັດໃຫ້ເຈົ້າຫາວຽກທີ່ຕອບສະໜອງວິຖີຂອງເຈົ້າ ແລະ ເຮັດໃຫ້ເຈົ້າຕັດສິນໃຈໄດ້ດີສ່ຳນັ້ນ.

ວຽກທີ່ດີທີ່ສຸດຄືວຽກທີ່ເຈົ້າບໍ່ຮູ້ສຶກວ່າກໍາລັງເຮັດວຽກ, ແຕ່ຮູ້ສຶກວ່າກໍາລັງໃຊ້ຊີວິດຂອງຕົວເອງ

2. ວຽກທີ່ຂ້ອຍເຮັດມັນທ້າທາຍຂ້ອຍແລ້ວບໍ່? (ຍິ່ງອາຍຸນ້ອຍ, ຍິ່ງເລີ່ມວຽກໄວຍິ່ງຕ້ອງທ້າທາຍຕົວເອງໃຫ້ຫຼາຍ)

ລອງຈິນຕະນາການວ່າເຈົ້າເປັນນັກເຕະບານຂອງແຂວງແຕ່ຕ້ອງລົງແຂງກັບທີມເດັກນ້ອຍປະຖົມ, ເຈົ້າຄິດວ່າຜູ້ໃດຈະເປັນຝ່າຍຊະນະ? ແນ່ນອນເຈົ້າອາດຈະຊະນະ, ແຕ່ໝັ້ນໃຈໄດ້ເລີຍວ່າໄຊຊະນະນັ້ນມັນຈະບໍ່ເຮັດໃຫ້ເຈົ້າຕື່ນເຕັ້ນ ຫຼື ຮູ້ສຶກດີ!

ມັນສໍາຄັນຫຼາຍການເລືອກອາຊີບທີ່ເຈົ້າຈະເຮັດມັນຈະຊ່ວຍສ້າງປະສົບການໃໝ່ໆ, ທັກສະໃໝ່ໆ ແລະ ເຮັດໃຫ້ເຈົ້າເກັ່ງຂຶ້ນໄປເລື້ອຍໆ ຍິ່ງວຽກທີ່ເຈົ້າເຮັດມັນທ້າທາຍ ເປັນສິ່ງທີ່ເຈົ້າບໍ່ເຄີຍເຮັດມາກ່ອນ ເຈົ້າຍິ່ງຈະມີໂອກາດພັດທະນາຂຶ້ນໄປເລື້ອຍໆ.

ຢ່າໃຫ້ຄວາມຂີ້ຢ້ານຂອງເຈົ້າມາເປັນຕົວກໍານົດໃຫ້ເຈົ້າເຮັດໃນສິ່ງທີ່ເຈົ້າບໍ່ຍາກເຮັດ. ທີ່ຊໍາຊາໄປແຕ່ລະມື້ມັນອາດຈະເຮັດໃຫ້ເຈົ້າບໍ່ຕ້ອງກັງວົນຫຍັງ ແຕ່ມັນກໍ່ອາດເຮັດໃຫ້ເຈົ້າບໍ່ໄປໃສກໍ່ເປັນໄດ້!

3. ໃຜທີ່ສາມາດໃຫ້ຄຳແນະນຳຂ້ອຍໄດ້? (ຂໍຄໍາແນະນໍາຈາກຄົນທີ່ເຮັດວຽກນັ້ນໆຢູ່ແລ້ວວ່າເປັນແນວໃດ)

ເຈົ້າຈະຮູ້ໃນສິ່ງທີ່ເຈົ້າຮູ້ ແຕ່ຖ້າເຈົ້າຢາກຮູ້ເພີ່ມເຈົ້າຕ້ອງຮຽນຮູ້ເອງ ຫຼື ຮຽນຮູ້ຈາກຄົນອື່ນ.

ໄລຍະທີ່ເຈົ້າກຳລັງສຶກສາຢູ່ ຫຼື ກຳລັງຈົບແລ້ວ ຢ່າລໍຖ້າໃຫ້ເວລາຜ່ານໄປລ້າໆຊອກຫາຄໍາແນະນຳ ຫຼື ປະສົບການຈິງຈາກຄົນທີ່ເຂົາເຮັດວຽກນັ້ນໆຢູ່ແລ້ວ ມັນຈະຊ່ວຍໃຫ້ເຈົ້າເຫັນພາບຫຼາຍຂຶ້ນ ແລະ ງ່າຍຕໍ່ການຕັດສິນໃຈ.

4. ຂ້ອຍເຮັດຫຍັງໄດ້ແດ່ຕອນນີ້?

ກ່ອນຈະອອກໄປຫາວຽກ ລອງກັບມາທຳຄວາມເຂົ້າໃຈກັບຕົວເອງວ່າ ຕົວເອງເຮັດຫຍັງໄດ້ແດ່, ເພາະການເລີ່ມຕົ້ນຈາກສິ່ງທີ່ເຮົາມີຢູ່ແລ້ວມັນຈະຊ່ວຍໃຫ້ເຮົາຕໍ່ຍອດ, ໄປສຳພັດ ແລະ ຮຽນຮູ້ກັບສິ່ງໃໝ່ໆໄດ້ໃນອະນາຄົດ.

ບໍ່ຮູ້ວ່າຈະເລີ່ມຈາກຈຸດໃດໃຫ້ຫາເຮັດໃນສິ່ງທີ່ຕົວເອງເຮັດໄດ້ແລ້ວຄ່ອຍມາເບິ່ງວ່າຈະໄປທາງໃດຕໍ່

ການແລ່ນນໍາເງິນແມ່ນເປັນທາງທີ່ໄວທີ່ສຸດທີ່ຈະລົ້ມບໍ່ເປັນທ່າ, ຫຼາຍໆວຽກໃນຄວາມເປັນຈິ່ງຕ້ອງການຄວາມອົດທົນ ແລະ ທັດສະນະຄະຕິຫຼາຍໆຢ່າງທີ່ຫຼາຍກວ່າຄວາມຫຼົງໄຫຼໃນເລື່ອງເງິນໆທອງໆ.

ເຈົ້າເຮັດຫຍັງເປັນແດ່?

5. ແມ່ນຫຍັງເປັນເສັ້ນມາດຕະຖານ ແລະ ຈຸດຢືນ (ຫຼັກການ) ຂອງຂ້ອຍ?

ໃນການເຮັດວຽກເຈົ້າຈະພົບກັບບັນຫາທີ່ຈະຕ້ອງໄດ້ຕັດສິນໃຈ, ສະຖານະການທີ່ເຈົ້າຈະຕ້ອງໄດ້ເລືອກ ແນ່ອນເຈົ້າຈະຖືກກົດດັນ, ຮູ້ສຶກບໍ່ປອດໄພ, ສົບສົນ ແລະ ອ້ອມຮອບໄປດ້ວຍສິ່ງທີ່ບໍ່ດີ...ຖ້າເຈົ້າເຈິແບບນີ້ແລ້ວເຈົ້າ ບໍ່ກໍານົດມາດຕະຖານ ແລະ ຈຸດຢືນຂອງເຈົ້າໃຫ້ດີ ເຈົ້າຈະມີໂອກາດຕັດສິນໃຈຜິດພາດ ແລະ ເສຍຫາຍໄດ້.

ຕົວຢ່າງ: ວຽກທີ່ຂ້ອຍຈະເຮັດຕ້ອງເປັນວຽກສຸຈະລິດ, ບໍ່ເອົາປຽບຄົນອື່ນ, ຕ້ອງເປັນວຽກທີ່ໃຫ້ໂອກາດຂ້ອຍໄດ້ສະແດງອອກສຸດຄວາມສາມາດ...ຖ້າປາສະຈາກສິ່ງເຫຼົ່ານີ້ ຂ້ອຍກໍ່ບໍ່ສາມາດເຮັດວຽກຕໍ່ໄດ້ ເປັນຕົ້ນ.

ການສ້າງຫຼັກການ ແລະ ຈຸດຢືນຂອງຕົວເອງ ແບບຈິງຈັງມັນຈະເຮັດໃຫ້ເຈົ້າ ໄດ້ເຮັດທັງວຽກທີ່ເຈົ້າຕ້ອງການ ແລະ ສ້າງຄຸນຄ່າ, ຄວາມພູມໃຈໃຫ້ກັບຕົວເອງໄປພ້ອມໆກັນ.

ແມ່ນຫຍັງຄືຫຼັກການ ແລະ ຈຸດຢືນຂອງເຈົ້າ?

6. ວຽກທີ່ຂ້ອຍເຮັດມັນເຮັດໃຫ້ຂ້ອຍເຕີບໃຫຍ່ຂຶ້ນບໍ່?

ຂໍ້ນີ້ສໍາຄັນເລີຍເຈົ້າຕ້ອງຕອບໃຫ້ໄດ້ວ່າ ສິ່ງທີ່ເຈົ້າເຮັດມັນຊ່ວຍພັດທະນາໃຫ້ເຈົ້າເຕີບໃຫຍ່ຂຶ້ນບໍ່, ເຮັດໃຫ້ເຈົ້າດີຂຶ້ນບໍ່. ສິ່ງທີ່ເຮັດໃຫ້ເຈົ້າພໍໃຈ ແລະ ມີຄວາມພູມໃຈບໍ່ແມ່ນການເລື່ອນຊັ້ນຕໍາແໜ່ງ, ຄວາມຈິງເລິກໆແລ້ວແມ່ນເຈົ້າຮູ້ສຶກວ່າເຈົ້າເຕີບໃຫຍ່ຂຶ້ນ, ເຈົ້າພັດທະນາຂຶ້ນ ແລະ ເຈົ້າຢູ່ຈຸດນີ້ໄດ້ຍ້ອນເຈົ້າຄວນໄດ້ຮັບມັນ ເຫຼົ່ານີ້ຕ່າງຫາກທີ່ຢູ່ເບື້ອງຫຼັງຄວາມສຸກຈາກການໄດ້ເລື່ອນຊັ້ນ.

ວຽກທີ່ເຈົ້າເຮັດຕ້ອງຕອບສະໜອງຄວາມຕ້ອງການໃນການພັດທະນາທັກສະ ແລະ ຄວາມສາມາດຂອງເຈົ້າໃຫ້ພັດທະນາສູງຂຶ້ນ.

7. ຄົນແບບຂ້ອຍເໝາະສົມກັບການເຮັດວຽກຢູ່ໃສ? ຂ້ອຍເປັນຄົນແບບໃດກັນແທ້?

ມັນຈະມີຫຍັງດີໄປກວ່າການທີ່ເຮົາໄດ້ເຮັດວຽກໂດຍທີ່ບໍ່ຕ້ອງໄປສົນໃຈ ຫຼື ປັບປ່ຽນຕົວເອງເກີນໄປຈົນເສຍຄວາມໝັ້ນໃຈລະ!.

ແນ່ນອນມັນບໍ່ແມ່ນວ່າເຮົາຈະບໍ່ປັບປຸງຕົວເອງໃຫ້ເຂົ້າກັບວຽກ, ແຕ່ມັນໝາຍເຖິງວ່າເຈົ້າຈະປ່ຽນຕົວເອງໃຫ້ເຂົ້າກັບວຽກແຕ່ກໍ່ຍັງຮັກສາຄວາມເປັນໂຕເອງຢູ່. ການທີ່ເຈົ້າສາມາດຫາວຽກທີ່ເຂົ້າກັບຕົວເອງ, ຄວາມເປັນໂຕຂອງໂຕເອງ ແລະ ບຸກຄະລິກແບບເຈົ້າມັນສາມາດສ້າງປະໂຫຍດໃຫ້ອົງກອນໄດ້ ມັນກໍ່ຈະດີທັງຕໍ່ໂຕເຈົ້າເອງ ແລະ ຕໍ່ກັບອົງກອນນໍາອີກ.

ແລ້ວເຈົ້າຄິດວ່າ ຄົນແບບເຈົ້າເໝາະສົມກັບການເຮັດວຽກຢູ່ໃສດີ?

ຕົວຢ່າງ: ຖ້າບຸກຄະລິກຂອງເຈົ້າເປັນຄົນທີ່ມັກເລື່ອງການສື່ສານ ແລະ ມັກການພົບປະແລກປ່ຽນກັບຜູ້ຄົນຫຼາກຫຼາຍ ແຕ່ເຈົ້າກັບໄປເຮັດວຽກເປັນເບື້ອງຫຼັງແບບຫງຽບໆ ເຈົ້າຄິດວ່າເຈົ້າຈະມີຄວາມສຸກກັບມັນບໍ່ລະ! ແລ້ວເຈົ້າຈະກ້າວໜ້າບໍ່ລະ? ເມື່ອເຈົ້າບໍ່ມີຄວາມສຸກມັນຍ່ອມສົ່ງຜົນກະທົບຕໍ່ປະສິດທິພາບໃນການເຮັດວຽກໂດຍບໍ່ຕ້ອງສົງໄສ

8. ຂ້ອຍຕ້ອງການທີ່ຈະໃຊ້ຊີວິດຢູ່ໃສ? (ຢາກລົງຫຼັກປັກຖານຂອງຄອບຄົວຢູ່ໃສ?)

ວຽກທີ່ເຈົ້າກຳລັງຈະເຮັດ ຫຼື ເຮັດຢູ່ນັ້ນ ມັນອາດໝາຍເຖິງວ່າ ເຈົ້າຈະຕ້ອງໄດ້ອາໄສຢູ່ບ່ອນທີ່ເຈົ້າຈະເຮັດວຽກນັ້ນໆນຳ ການເດີນທາງສາມາດໄປມາສະດວກ. ຜູ້ຂຽນຄິດວ່າບໍ່ມີໃຜດອກຕິທີ່ຈະຂີ່ຍົນ ຫຼື ລົດໂດຍສານທາງໄກເພື່ອທ່ຽວໄປມາລະຫວ່າງມື້ເພື່ອເຮັດວຽກແມ່ນບໍ່ລະ!

ຖ້າເຈົ້າຕ້ອງການຢູ່ກັບຄອບຄົວເຈົ້າກໍ່ຈະເບິ່ງຫາວຽກທີ່ຢູ່ໃກ້ບ້ານ ທັງນີ້ທັງນັ້ນຖ້າເຈົ້າຕອບໄດ້ວ່າສຸດທ້າຍແລ້ວເຈົ້າຢາກທີ່ຈະອາໄສຢູ່ໃສມັນກໍ່ສາມາດເຮັດໃຫ້ເຈົ້າເປີດໃຈ ແລະ ຫາວຽກທີ່ຢູ່ໃຫ້ຄຽງກັບບ່ອນທີ່ເຈົ້າຕ້ອງການ ແລະ ວຽກທີ່ເໝາະສົມກັບເຈົ້າກໍ່ອາດຈະຢູ່ບໍ່ໄກຈາກນັ້ນ.

ຄຳຖາມເຫຼົ່ານີ້ເປັນຈຸດເລີ່ມຕົ້ນທີ່ດີທີ່ເຈົ້າຈະໃຊ້ເພື່ອພິຈາລະນາວ່າວຽກທີ່ເຈົ້າຈະເຮັດມັນດີແທ້ບໍ່ ຫຼື ແນວໃດ ການຟັງຄຳແນະນໍາຄົນອື່ນກໍ່ມີຂໍ້ດີ, ແຕ່ການຟັງສຽງຂອງຕົວເອງມັນຍ່ອມດີກວ່າ ເພາະສຸດທ້າຍແລ້ວເຈົ້າຈະຢູ່ກັບການຕັດສິນໃຈຂອງເຈົ້າ ເຖິງຈະເປັນການລອງຜິດລອງຖືກໄປແຕ່ເຊື່ອໂລດວ່າເຈົ້າຈະບໍ່ເສຍໃຈຖ້າເຈົ້າໄດ້ຕັດສິນໃຈດ້ວຍຕົວຂອງເຈົ້າເອງ.

ບົດຄວາມນີ້ອາດຈະມີປະໂຫຍດກັບຫຼາຍໆຄົນ ຫາກເຈົ້າເຫັນວ່າມັນອາດຊ່ວຍຄົນອື່ນໄດ້ກໍ່ຢ່າລືມແບ່ງປັນສິ່ງເຫຼົ່ານີ້ໃຫ້ກັບພວກເຂົາເດີ້. Have a nice day!


ຮຽບຮຽງໂດຍ: Poui Kittang

ພາບ: Luis Villasmil / Unsplash

ອ້າງອີງ:

Advertisement Replay Ad
"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ຈົບມາໃໝ່ໆບໍ່ຮູ້ວ່າຈະເຮັດວຽກຫຍັງດີຈຶ່ງຈະເໝາະກັບຕົວເອງທີ່ສຸດ? ບົດຄວາມນີ້ຊ່ວຍທ່ານໄດ້

ຈົບມາໃໝ່ໆບໍ່ຮູ້ວ່າຈະເຮັດວຽກຫຍັງດີຈຶ່ງຈະເໝາະກັບຕົວເອງທີ່ສຸດ? ບົດຄວາມນີ້ຊ່ວຍທ່ານໄດ້

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ