ບັນທຶກໄວ້ເລີຍ! ລວມເພງແບບຊິວໆ ເອົາໄວ້ຟັງເວລາຂັບລົດ ເດີນທາງໃກ້-ໄກຮັບຮອງບໍ່ມີເຫງົາ

30 ພະຈິກ 20 (11:51) ເປີດອ່ານ ຄວາມຄິດເຫັນ 0

ສະໜັບສະໜູນເນື້ອຫາ

ສະບາຍດີທ່ານຜູ້ອ່ານທີ່ໜ້າຮັກ!! ທ່ານເຄີຍເປັນບໍເວລາຂັບລົດແລ້ວຢາກຟັງເພງ ແຕ່! ຄິດເພງທີ່ຈະຟັງບໍ່ອອກ ບໍ່ຮູ້ວ່າຈະຟັງເພງຫຍັງ? ບໍ່ຮູ້ວ່າຈະຟັງເພງໃດ? ບັນຫາໂລກແຕກເຫຼົ່ານີ້ຈະໝົດໄປ ພຽງແຕ່ທ່ານກົດເຂົ້າມາອ່ານບົດຄວາມນີ້ ຈາກຜູ້ຂຽນທີ່ໜ້າຮັກຄົນນີ້!! (ດຽວອັນຫຼັງນິແມ່ນບໍນິ!!)

ບົດຄວາມນີ້ຈະຮວບຮວມບົດເພງສະບາຍສະບາຍຟັງຊິວໆໃຫ້ທ່ານຜູ້ອ່ານໄດ້ເຂົ້າມາອ່ານແລະເລືອກເອົາໄປຟັງກັນໄດ້ໃນຍາມທີ່ທ່ານຂັບລົດນັ້ນເອງ.

1. Where My Love Goes ຂອງໜຸ່ມໆວົງ Lawson

ເພງຈັງຫວະຊິວໆທີ່ເວົ້າເຖິງເລື່ອງລາວອັນແສນໜ້າຮັກຂອງໜຸ່ມສາວຄູ່ໜຶ່ງທີ່ທາງແຟນໜຸ່ມຂອງລາວທີ່ເຮັດເຊີໄພຣຂໍແຟນສາວແຕ່ງງານ ເຊິ່ງເພງນີ້ແມ່ນໄດ້ຖືກປ່ອຍອອກມາແຕ່ປີ 2016.

2. Ever Enough ຂອງວົງ A Rocket To The Moon

ເປັນເພງທີ່ມີຄວາມໝາຍວ່າບໍ່ວ່າຈະເປັນແນວໃດຂ້ອຍກໍຈະບໍ່ມີວັນຈາກເຈົ້າ ແລະ ຈະເປັນຂອງເຈົ້າຕະຫຼອດໄປ

3. This Is It ຈາກໜຸ່ມ Scotty McCreery

ອີກໜຶ່ງເພງຄວາມໝາຍດີໆ ຟັງເວລາຂັບລົດ

4. Take Your Time ຈາກໜຸ່ມ Sam Hunt

ເປັນອີກເພງໜຶ່ງທີ່ຜູ້ອ່ານກໍມັກຟັງເປັນປະຈໍາເວລາຂັບລົດ

5. Back To December ຂອງນັກຮ້ອງຕົວແມ່ແຫ່ງວົງການ Taylor Swift

6. 10,000 Hours ໂດຍ Dan + Shay, Justin Bieber

ຜູ້ຂຽນຢາກບອກວ່າເພງນີ້ເປັນເພງທີ່ໜ້າຮັກ ແລະ ໂຣແມນຕິກຫຼາຍເພາະເພງດັ່ງກ່າວນີ້ພວກເຂົາທັງສາມຄົນຮ່ວມກັນເຮັດຂຶ້ນມາເພື່ອຄົນຮັກຂອງພວກເຂົາ

7. Stuck with U ໂດຍ Ariana Grande, Justin Bieber

ເພງນີ້ເອງກໍເປັນເພງທີ່ໜຸ່ມ Justin Bieberໄດ້ເອົາໂຕນັກຮ້ອງສາວໜູ່ສະໜິດຂອງລາວຢ່າງ Ariana Grande ມາຮ່ວມຮ້ອງ ແລະ ເພີ່ມສີສັນໃຫ້ບົດເພງນີ້

8. Savage Love ໂດຍ BTS (방탄소년단) (Laxed – Siren Beat) [BTS Remix]

ເຊິ່ງໂຕນີ້ແມ່ນເປັນເວີຊັນທີ່ເຈົ້າຂອງເພງດັ່ງກ່າວຮ້ອງຮ່ວມໜຸ່ມໆ ບີທີເອັສ ແລະຢາກບອກວ່າເພງດັ່ງກ່າວນີ້ຕິດອັນດັບໜຶ່ງຂອງລາຍການຈັດອັນດັບເພງຕົ້ນໆຂອງສະຫະລັດອາເມລິກາຢ່າງ ບິວບອດມາເປັນທີ່ຮຽບຮ້ອຍແລ້ວ.

9. Way Back Home ໂດຍ 숀 (SHAUN)

ຫຼືຈະເປັນເພງນີ້ Way Back Home ຟັງແຕ່ຊື່ເພງກໍຍັງຕົງກັບຈຸດປະສົງທີ່ເຮົາຈະຟັແລ້ວ ບອກໄດ້ເລີຍວ່າຈັງຫວະ, ເນື້ອຮ້ອງ, ທໍານອງຕ່າງໆຂອງເພງນີ້ຜູ້ຂຽນໃຫ້ 100 ເຕັມ 10 ເລີຍ.