ວັນຈັນ ທີ 2 ສິງຫາ 2021

ຫຼຽນມີສອງດ້ານສັນໃດ ສື່ສັງຄົມອອນລາຍກໍມີ "ດ້ານດີ - ດ້ານລົບ" ສັນນັ້ນ

ຫຼຽນມີສອງດ້ານສັນໃດ ສື່ສັງຄົມອອນລາຍກໍມີ "ດ້ານດີ - ດ້ານລົບ" ສັນນັ້ນ
S! Muan

ສະໜັບສະໜູນເນື້ອຫາ

ສັງຄົມເປັນຈຸດເລີ່ມຕົ້ນຂອງການຕິດຕໍ່ພົວພັນລະຫວ່າງຄົນໃນຂົງເຂດ ການມາຂອງເປັນການທຳລາຍກຳແພງ ຫຼື ຂອບເຂດຈຳກັດຂອງການຕິດຕໍ່ພົວພັນລະຫວ່າງຄົນທົ່ວໂລກ. ແຕ່ແນ່ນອນວ່າທຸກສິ່ງຢ່າງໃນໂລກເຮົາຍ່ອມມີສອງດ້ານ, ມີຜົນດີ ກໍ່ປາສະຈາກບໍ່ໄດ້ທີ່ຈະມີຜົນສະທ້ອນຕາມມາ.

ມື້ນີ້ເຮົາຈະມາໂອ້ລົມກັນໃນເລື່ອງຂອງຜົນສະທ້ອນຈາກສື່ສັງຄົມອອນລາຍ ທີ່ແນ່ນອນວ່າຕ້ອງມີທັງດ້ານດີ ແລະ ດ້ານລົບຕໍ່ຊຸມຊົນ - ສັງຄົມທີ່ພວກເຮົາຝັງໂຕຢູ່, ແຕ່ຄົງຈະບໍ່ໄດ້ຍົກເອົາທຸກດ້ານມາເປັນໃຈຄວາມຫຼັກ (ເພາະຄົງຈະຕ້ອງນັ່ງອ່ານກັນເປັນມື້) ແຕ່ຈະຂໍເນັ້ນກ່ຽວກັບການໃຊ້ສື່ສັງຄົມອອນລາຍເປັນເຄື່ອງມືໂຄສະນາຊວນເຊື່ອ ຫຼື ອາວຸດທາງການເມືອງໃນໂລກດິຈິຕອນ (ຫຼາຍຄົນໃນວົງການໄອທີອາດຈະເຄີຍໄດ້ຍິນຄຳວ່າ Information Operation ຫຼື IO ກັນມາແລ້ວ) ຫາກໃຜຍັງບໍ່ຮູ້ຈັກ ໃນບົດຄວາມນີ້ຈະພາທຸກຄົນໄປສູ່ດ້ານມືດຂອງໂລກອິນເຕີເນັດນຳກັນ. 

Information Operation 

ກ່ອນຈະໄປຮູ້ຈັກວ່າທົ່ວໂລກເຂົາມີການນຳໃຊ້ສື່ສັງຄົມອອນລາຍໃນການເປັນເຄື່ອງມືເພື່ອບັນລຸຈຸດປະສົງໃດໜຶ່ງນັ້ນ ເຮົາມາຮູ້ຈັກກັບຄຳວ່າ Information Operation ກັນກ່ອນ (ຕໍ່ໄປຂໍເອີ້ນສັ້ນໆ ວ່າ IO ກໍ່ແລ້ວກັນ). IO — ຫາກແປແບບກົງໆ ຄຳຕໍ່ຄຳແລ້ວ ໝາກເຖິງການປະຕິບັດການທາງຂໍ້ມູນຂ່າວສານ ຫຼື ເວົ້າແບບໄຮໂຊແນ່ກໍ່ຈະໝາຍເຖິງການປະຕິບັດການສາລະສົນເທດ (ວູ້…ດູດີມີລະດັບຂຶ້ນມາທັນທີ ຮ່າໆ). IO ເມື່ອກ່ອນໝາຍເຖິງປະຕິບັດການທາງຂໍ້ມູນຂ່າວສານຂອງກອງທັບ, ທີ່ໃຊ້ການໂຈມຕີ ແຊກຊຶມ ການສ້າງຂໍ້ມູນຂ່າວສານປອມ ເພື່ອໃຫ້ໄດ້ປຽບທາງການທະຫານ, ເພື່ອໃຫ້ມີຜົນທາງດ້ານຈິດຕະສາດ, ການຄິດ ຫຼື ການຕັດສິນໃຈຂອງຝ່າຍກົງກັນຂ້າມ. IO ບໍ່ແມ່ນເລື່ອງໃໝ່ ເພາະສະຫະລັດອາເມຣິກາເອງກໍ່ເລີ່ມສ້າງແຜນງານ ແລະ ປັບປຸງຂະບວນການເຮັດວຽກຂອງ  IO ມາແຕ່ປີ 2003 (ມີການອອກເປັນເອກະສານທາງການ ທີ່ເຊັນໂດຍເລຂາທິການປ້ອງກັນຊາດຂອງສະຫະລັດອາເມຣິກາ ທ່ານ Donald H. Rumsfeld ເມື່ອວັນທີ 30 ຕຸລາ 2003, ເຊິ່ງເອກະສານດັ່ງກ່າວຖືກເປີດເຜີຍຕໍ່ສາທາລະນະໃນປີ 2006 ທີ່ຜ່ານມາ).  


ພາບ: dole777 / unsplash

ໃຜແດ່ທີ່ໃຊ້ IO?

ເມື່ອກ່ອນອາດຈະຖືກໃຊ້ໃນຂັ້ນອົງກອນໃຫຍ່ໆ ທີ່ມີຊັບພະຍາກອນພຽບພ້ອມ (ອຳນາດ, ເງິນສະໜັບສະໜູນ ແລະ ບຸກຄະລາກອນ) ແຕ່ໃນປັດຈຸບັນກຸ່ມຄົນບໍ່ດີຈຳນວນໜຶ່ງກໍ່ໃຊ້ IO ໃນການປຸກລະດົມຂົນຂວາຍແນວຮ່ວມໃນການຕໍ່ຕ້ານລັດຖະບານໃດໜຶ່ງ ເພາະຄວາມສະດວກສະບາຍໃນການເຂົ້າເຖິງສື່ສັງຄົມອອນລາຍທີ່ໃຜໆ ກໍ່ສາມາດສະໝັກສະມາຊິກໄດ້ ແລະ ບໍ່ຈຳເປັນຕ້ອງໃຊ້ເງິນທຶນມະຫາສານໃນການສ້າງໂຄງຮ່າງພື້ນຖານ ທີ່ມີຄົນສ້າງໄວ້ໃຫ້ຢູ່ແລ້ວນັ້ນເອງ.

ມີບົດວິໄຈທີ່ຕີພິມໃນປີ 2018 ພາຍໃຕ້ຫົວຂໍ້ Social Media and Terrism: Threats and Challenges to the Modern Era (ໂດຍທ່ານ Md Sazzad Hossain, South Asian Survey, ສະບັບທີ 22, ໜ້າ 136:155, 28 ມີນາ 2018) ກ່າວໄວ້ວ່າ ກຸ່ມກໍ່ການຮ້າຍຈຳນວນໜຶ່ງ ທີ່ສວຍໃຊ້ສື່ສັງຄົມອອນລາຍໃນການເຜີຍແຜ່ໂຄສະນາຊວນເຊື່ອຕ່າງໆ, ແຜ່ກະຈາຍອຸດົມການ ແລະ ເຜີຍແຜ່ການກະທຳຂອງພວກເຂົາໃຫ້ຄົນໃນວົງກວ້າງໄດ້ຮັບຮູ້, ອີກທັງຍັງໃຊ້ເປັນເຄື່ອງມືໃນການເກນສະມາຊິກໃໝ່ (ແລະ ມີທ່າອ່ຽງປະສົບຜົນສຳເລັດສູງ, ອ້າງອີງ: ສ່ວນໜຶ່ງຂອງບົດວິທະຍານິພົນໂດຍທ່ານ Vincenzo Cibra:2018, Social Media and Terrorist Organizations: Observing Success of Recruitment Throuhg Social Media, ມະຫາວິທະຍາໄລ Central Florida), ໃຊ້ສື່ສັງຄົມອອນລາຍໃນການຝຶກຝົນວິທີການປະຕິບັດການກໍ່ການຮ້າຍໃນຮູບແບບຕ່າງໆ ແລະ ໃຊ້ເປັນເຄື່ອຂ່າຍສື່ສານພາຍໃນອົງກອນ.

ຍິ່ງປັດຈຸບັນ ບັນດາຜູ້ໃຫ້ບໍລິການສື່ສັງຄົມອອນລາຍ ແລະ ອຸປະກອນໄອທີທີ່ກ່ຽວຂ້ອງ ຕ່າງພາກັນຍົກສູງການຮັກສາຄວາມເປັນສ່ວນຕົວຂອງຜູ້ໃຊ້ງານ, ບາງສື່ສັງຄົມອອນລາຍ ຍັງສາມາດສ້າງກຸ່ມລັບ, ມີການເຂົ້າລະຫັດແບບ end-to-end (ແມ່ນແຕ່ FBI ຍັງເຈັບຫົວກຸມຂະໝັບ, ສ່ວນໃຜທີ່ບໍ່ຮູ້ວ່າ end-to-end ແມ່ນຫຍັງ ໃຫ້ເຂົ້າໃຈວ່າເປັນຮູບແບບການເຂົ້າລະຫັດການເຊື່ອມຕໍ່ຮູບແບບໜຶ່ງ ທີ່ບໍ່ສາມາດດັກຟັງການສື່ສານການທາງໄດ້). ລອງຈິນຕະນາການວ່າ ຫາກມີບັນຊີໜຶ່ງທີ່ມີຜູ້ຕິດຕາມຫຼາຍພັນ ຫຼາຍໝື່ນຄົນ, ການກະຈາຍໂຄສະນາຊວນເຊື່ອໃນກຸ່ມຜູ້ຕິດຕາມດັ່ງກ່າວສຸດທ້າຍແລ້ວຈະສາມາດກະຈາຍແບບທະວີຄຸນໄປໄດ້ເທົ່າໃດ ??? ຮື໊…ຄິດແລ້ວຂົນລຸກ. 


ພາບ: NeONBRAND / unsplash

ດ້ານດີຂອງສື່ສັງຄົມອອນລາຍກໍ່ມີບໍ່ໜ້ອຍ 

ຖຽງບໍ່ໄດ້ວ່າການເຕີບໃຫຍ່ຂະຫຍາຍຕົວຂອງສື່ສັງຄົມອອນລາຍມີຜົນຕໍ່ການການພັດທະນາ ແລະ ມີປະໂຫຍດຫຼວງຫຼາຍ, ມີຫຼາຍຄົນທີ່ໄດ້ຕິດຕໍ່ກັບໝູ່ເກົ່າທີ່ຫ່າງຫາຍກັນໄປຫຼາຍສິບປີ, ມີບາງຄົນໂຊກດີກວ່າທີ່ໄດ້ພົບກັບຄອບຄົວທີ່ບໍ່ເຄີຍເຫັນໜ້າເຫັນຕາກັນມາກ່ອນ ແລະ ມີຫຼາຍຄົນທີ່ໄດ້ສ້າງສາຍສຳພັນກັບຄົນແປກໜ້າໃໝ່ໆ ຜ່ານໂລກອອນລາຍກໍ່ມີໃຫ້ເຫັນກັນເລື້ອຍໆ. ນອກຈາກນັ້ນ ສື່ຫຼາຍໆ ເຈົ້າກໍ່ຍັງມີການເຜີຍແຜ່ຄວາມຮູ້, ເຄັດລັບ, ບົດຮຽນ ແມ່ນແຕ່ເນື້ອຫາດີໆ ທີ່ອ່ານແລ້ວໄດ້ຄວາມຮູ້ ໄປຈົນເຖິງ ເນື້ອຫາທີ່ຜ່ອນຄາຍເສບແລ້ວໄດ້ຮອຍຍິ້ມກໍ່ມີ.

ສຸດທ້າຍແລ້ວກໍ່ຂຶ້ນກັບຜູ້ໃຊ້ວ່າຈະໄປກົດຕິດຕາມຫຍັງ? ມີປະຕິສຳພັນກັບເນື້ອຫາກຸ່ມໃດ? ໄປກົດໄລຄ໌ ກົດແຊຣ໌ ເພຈໃດ? (ໜ້າຂາຍສິນຄ້າກໍ່ຢ່າພາກັນໄປຈອບຫຼາຍ ດຽວຈະເປັນໂຣກຊັບຈາງໂດຍບໍ່ຮູ້ໂຕ, ອ້າຍນ້ອງຊາຍເຮົາກໍ່ລະວັງການກົດເພຈ໌ສາວໆ ເຊັກຊີ່ ໆ ດຽວຈະມີບັນຫາກັບ ຜອ ຢູ່ບ້ານ ຮ່າໆ).  

ການໃຊ້ສື່ສັງຄົມອອນລາຍຢ່າງປອດໄພ 

ແຟນໆ ຜູ້ອ່ານເວັບໄຊມ່ວນເຮົາອາດຈະມີສະຕິໃນການເສບຂ່າວກັນຢູ່ແລ້ວ, ແຕ່ລອງມາທົບທວນນຳກັນເບິ່ງວ່າເຮົາຄວນຊົມໃຊ້ສື່ສັງຄົມອອນລາຍແນວໃດ ເພື່ອໃຫ້ສາມາດຫຼີກເວັ້ນຈາກການເປັນສ່ວນໜຶ່ງໃນເຄື່ອງມືທີ່ເຮັດໃຫ້ສັງຄົມແຕກແຍກ ຫຼື ອາດຈະສົ່ງຜົນກະທົບຮ້າຍແຮງຫຼາຍກວ່າທີ່ເພື່ອນໆ ຄິດກໍ່ເປັນໄດ້. ໃນຝັ່ງຂອງຜູ້ໃຫ້ບໍລິການສື່ສັງຄົມອອນລາຍເຈົ້າດັງໆ ເຮົາຄົງເຮັດຫຍັງຫຼາຍບໍ່ໄດ້ນອກຈາກຊ່ວຍເປັນຫູເປັນຕາ ແລະ ກົດລາຍງານສິ່ງທີ່ບໍ່ເໝາະສົມ ແຕ່ທຸກໆ ເຈົ້າຕ່າງພາກັນຮ່ວມມືກັນສະກັດກັ້ນບັນຊີທີ່ເຂົ້າຂ່າຍດຳເນີນການທາງຂໍ້ມູນຂ່າວສານ ໂດຍມີເຄື່ອງມືສະເພາະທາງ (ນອກຈາກນຳໃຊ້ຄົນ ປັດຈຸບັນມີການໃຊ້ AI ໃນການກັ່ນຕອງຂ່າວປອມອອກຈາກ Platform) ແລະ ມີການກຳນົດເກນການຕັດສິນໃຈວ່າກຸ່ມບັນຊີດັ່ງກ່າວນັ້ນເຂົ້າຂ່າຍ ຫຼື ບໍ່, ຫາກຜິດກົດການນຳໃຊ້ກໍ່ສາມາດສັ່ງແບນ (Ban) ບັນຊີດັ່ງກ່າວ ເພື່ອຈຳກັດຄວາມເສຍຫາຍທີ່ອາດຈະເກີດຂຶ້ນນັ້ນເອງ.


ພາບ: Thomas Lefebvre / unsplash

ສິ່ງທີ່ຜູ້ຮັບຂ່າວສານແບບເຮົາໆ ສາມາດເຮັດໄດ້ກໍ່ຄື ບໍລິໂພກຂ່າວຢ່າງມີສະຕິ, ຢ່າຕື່ນເຕັ້ນກັບຂ່າວຫຼາຍເກີນໄປ ຈົນເຮັດໃຫ້ຂາດວິຈາລະນະຍານໃນການສົ່ງຕໍ່ (ເຖິງແມ່ນຈະມີສິດປະຊາທິປະໄຕຕາມກົດໝາຍ ແຕ່ຫາກສົ່ງຕໍ່ ຫຼື ເປັນສ່ວນໜຶ່ງໃນການກະຈາຍຂ່າວປອມ ອາດສ່ຽງຄຸກ ຂໍບອກ...ແລະ ມັນກໍ່ເປັນສິ່ງທີ່ບໍ່ຖືກຕ້ອງ) ຫາກເປັນຂ່າວທີ່ມີຜົນກະທົບໃນວົງກວ້າງ, ກ່ອນສົ່ງຕໍ່ ກ່ອນແຊຣ໌ (Share) ແນະນຳໃຫ້ກວດສອບແຫຼ່ງທີ່ມາໃຫ້ຊັດເຈນເສຍກ່ອນ ວ່າເປັນຂ່າວທີ່ມາຈາກແຫຼ່ງທີ່ມາທີ່ເຊື່ອຖືໄດ້ (ມີບົດຄວາມເກົ່າທີ່ອະທິບາຍກ່ຽວກັບຂ່າວປອມ, ໂທດ ແລະ ວິທີຫຼີກເວັ້ນ, ໃຜຍັງບໍ່ທັນອ່ານກົດນຳໄປອ່ານໄດ້ເລີຍ).

ການນຳໃຊ້ສື່ສັງຄົມອອນລາຍ ຫຼື ສື່ອື່ນໆ ກໍ່ຕາມ, ຄວນໃຊ້ຢ່າງຮັບຜິດຊອບຕໍ່ສັງຄົມ, ໃຊ້ຢ່າງສ້າງສັນ, ໃຊ້ໃນທາງທີ່ເປັນປະໂຫຍດ ເພາະສິດ ຫຼື ອິດສະຫຼະໃນການປາກເວົ້າ ຂີດຂຽນ ຫຼື ອອກສຽງ ກໍ່ຕ້ອງຢູ່ພາຍໃຕ້ຂອບເຂດທີ່ສົມຄວນ, ພາຍໃຕ້ກົດໝາຍ ແລະ ບໍ່ກ້າວລ່ວງເຖິງສິດຂອງຄົນອື່ນໃນສັງຄົມ. ໃຊ້ໃຫ້ເປັນກໍ່ເກີດປະໂຫຍດສູງສຸດ ໃຊ້ໃນທາງທີ່ຜິດກໍ່ອາດກາຍເປັນດາບສອງຄົມທີ່ມື້ໜຶ່ງອາດຈະກາຍມາເປັນສິ່ງທີ່ທຳລາຍໂຕເຮົານັ້ນເອງ. 

ມື້ນີ້ຝາກໄວ້ເທົ່ານີ້ກ່ອນ ຂໍໃຫ້ມີຄວາມສຸກກັບການໃຊ້ສື່ສັງຄົມອອນລາຍ ແລ້ວຢ່າລືມຄອບຄົວ ໝູ່ເພື່ອນຜູ້ຄົນໃນໂລກອອຟ໌ລາຍທີ່ຖ້າໃຫ້ເພື່ອນໆ ກິນເຂົ້າ ເວົ້າລົມສາລະທຸກສຸກດິບແດ່ລະ ບ໊າຍ… 


ຂຽນໂດຍ: Nilavath 

ພາບໜ້າປົກ: camilo jimenez / unsplash

ອ້າງອີງ: 

Advertisement Replay Ad
ເປີດໂຕໃນລາວແລ້ວ OPPO Reno6 Z 5G ຖືກໃຈສາຍຖ່າຍຮູບ Portrait ພ້ອມດີຊາຍທີ່ເປັນເອກະລັກ

ເປີດໂຕໃນລາວແລ້ວ OPPO Reno6 Z 5G ຖືກໃຈສາຍຖ່າຍຮູບ Portrait ພ້ອມດີຊາຍທີ່ເປັນເອກະລັກ

ແຈກວິທີ ໃຊ້ WhatsApp Web ໃນຄອມພິວເຕີພ້ອມກັນ 4 ເຄື່ອງ ມືຖືແບັດໝົດ ຫຼື ບໍ່ມີເນັດກໍຍັງໃຊ້ໄດ້

ແຈກວິທີ ໃຊ້ WhatsApp Web ໃນຄອມພິວເຕີພ້ອມກັນ 4 ເຄື່ອງ ມືຖືແບັດໝົດ ຫຼື ບໍ່ມີເນັດກໍຍັງໃຊ້ໄດ້

ໂລກ້າ ຮ່ວມມື ບໍລິສັດ ໂຊກມີໄຊ ຂະຫຍາຍບໍລິການແທັກຊີອອນລາຍ 24 ຊົ່ວໂມງ ຢູ່ປາກເຊ ແຂວງຈຳປາສັກ

ໂລກ້າ ຮ່ວມມື ບໍລິສັດ ໂຊກມີໄຊ ຂະຫຍາຍບໍລິການແທັກຊີອອນລາຍ 24 ຊົ່ວໂມງ ຢູ່ປາກເຊ ແຂວງຈຳປາສັກ

Httpool ສະເຫຼີມສະຫຼອງຄວາມສຳເລັດສຳລັບການດຳເນີນທຸລະກິດໃນລາວຄົບຮອບ 1 ປີ!

Httpool ສະເຫຼີມສະຫຼອງຄວາມສຳເລັດສຳລັບການດຳເນີນທຸລະກິດໃນລາວຄົບຮອບ 1 ປີ!

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຫຼຽນມີສອງດ້ານສັນໃດ ສື່ສັງຄົມອອນລາຍກໍມີ "ດ້ານດີ - ດ້ານລົບ" ສັນນັ້ນ

ຫຼຽນມີສອງດ້ານສັນໃດ ສື່ສັງຄົມອອນລາຍກໍມີ "ດ້ານດີ - ດ້ານລົບ" ສັນນັ້ນ

ເປີດໃຫ້ສັ່ງຈອງແລ້ວມື້ນີ້! Huawei Y7a ລາຄາສຸດຄຸ້ມ ພ້ອມຈຸດເດັ່ນທີ່ທ່ານບໍ່ຄວນພາດເປັນເຈົ້າຂອງ

ເປີດໃຫ້ສັ່ງຈອງແລ້ວມື້ນີ້! Huawei Y7a ລາຄາສຸດຄຸ້ມ ພ້ອມຈຸດເດັ່ນທີ່ທ່ານບໍ່ຄວນພາດເປັນເຈົ້າຂອງ

ປັກ 3 ຂາ ທີ່ມາຂອງຄວາມຫຍຸ້ງຍາກ ຈິງແທ້ປະການໃດ?

ປັກ 3 ຂາ ທີ່ມາຂອງຄວາມຫຍຸ້ງຍາກ ຈິງແທ້ປະການໃດ?

7 ເຫດຜົນທີ່ທ່ານບໍ່ຄວນພາດຈະເປັນເຈົ້າຂອງ Huawei Nova 7 ສະມາດໂຟນ 5G

7 ເຫດຜົນທີ່ທ່ານບໍ່ຄວນພາດຈະເປັນເຈົ້າຂອງ Huawei Nova 7 ສະມາດໂຟນ 5G

ຮູ້ຈັກກັບ VPN ເຄື່ອງມືທີ່ຈະຊ່ວຍໃຫ້ສາຍມຸດທ່ອງອິນເຕີເນັດປອດໄພຂຶ້ນອີກເທົ່າຕົວ

ຮູ້ຈັກກັບ VPN ເຄື່ອງມືທີ່ຈະຊ່ວຍໃຫ້ສາຍມຸດທ່ອງອິນເຕີເນັດປອດໄພຂຶ້ນອີກເທົ່າຕົວ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ