ວັນອັງຄານ ທີ 20 ເມສາ 2021

ອົດເຂົ້າແລງ ງົດຂອງຫວານ ກິນຜັກ -- ວ່າດ້ວຍເລື່ອງຂອງການຄວບຄຸມນໍ້າໜັກ

ອົດເຂົ້າແລງ ງົດຂອງຫວານ ກິນຜັກ -- ວ່າດ້ວຍເລື່ອງຂອງການຄວບຄຸມນໍ້າໜັກ
S! Muan

ສະໜັບສະໜູນເນື້ອຫາ

ຢຸດ ! ຈະເຮັດຫຍັງ? ກິນຂອງຫວານອີກແລ້ວ! ໃສວ່າຈະລົດຄວາມອ້ວນ?  

(ສຽງຕອບມາໄກໆ ວ່າ) ມື້ອື່ນຄ່ອຍລົດ ລົດ ລົດ (Echo)… 

ໃນແຕ່ລະປີມີຜູ້ຄົນຢ່າງໜ້ອຍ 2.8 ລ້ານຄົນທີ່ຕາຍດ້ວຍສາເຫດມາຈາກໂລກອ້ວນ,  

ຜົນສຳຫຼວດຂອງອົງການອະນາໄມໂລກ 

ເຄີຍມີໃຜສົງໄສຄືກັນບໍ່ວ່າ ຫາກຕ້ອງການທີ່ຈະຄວບຄຸມນ້ຳໜັກ ຫຼື ລົດນ້ຳໜັກ, ຈຳເປັນບໍ່ຕ້ອງອົດເຂົ້າອົດນ້ຳ, ງົດຂອງຫວານ, ງົດຂອງຈຸກຈິກ, ເນັ້ນຜັກ ເນັ້ນໂປຣຕີນ ແບບທີ່ເຄີຍໄດ້ຍິນກັນມາ. ຫາກເປັນຄົນໜຶ່ງທີ່ຍັງສົງໄສ ມື້ນີ້ເຮົາມາຫາຄຳຕອບນຳກັນວ່າການທີ່ຈະລົດນ້ຳໜັກໃຫ້ຖືກວິທີນັ້ນມັນຕ້ອງເຮັດແນວໃດກັນແທ້ ເພື່ອເປັນການຄວບຄຸມນ້ຳໜັກ ແຕ່ບໍ່ທຳຮ້າຍຮ່າງກາຍຂອງຕົນເອງ.

ໄຂມັນສ່ວນເກີນນັ້ນເກີດມາຈາກໃສ? 

ກ່ອນຈະລົດນ້ຳໜັກ ຕ້ອງຮູ້ຈັກສາເຫດທີ່ເຮັດໃຫ້ນ້ຳໜັກເກີນມາດຕະຖານ ຫຼື ຄ່າ BIM ເກີນເກນກັນກ່ອນ (ຄ່າ BIM ແມ່ນຫຍັງມີອະທິບາຍດ້ານລຸ່ມ), ການສະສົມໄຂມັນສ່ວນເກີນ ສາເຫດຫຼັກຂອງນ້ຳໜັກທີ່ເກີນເກນມາດຕະຖານນັ້ນເກີດຈາກຫຼາຍໆ ສາເຫດ ເຊັ່ນ: ການບໍລິໂພກອາຫານເກີນຄວາມຕ້ອງການ ຂະນະທີ່ການເຄື່ອນໄຫວຂອງຮ່າງກາຍ (ຫຼື ) ທີ່ຈະຊ່ວຍເຜົາຜານໄຂມັນນັ້ນຕ່ຳກວ່າທີ່ຈຳເປັນ ຫຼື ອາດຈະເກີດຈາກກຳມະພັນທີ່ເຖິງແມ່ນຈະກິນໃນປະລິມານທີ່ຈຳກັດ ແຕ່ດ້ວຍເຫດຜົນການເຮັດວຽກຢ່າງຜິດປົກກະຕິຂອງລະບົບຮ່າງກາຍກໍ່ສາມາດເຮັດໃຫ້ເກີດການສະສົມໄຂມັນເກີນຄວາມຕ້ອງການຂອງຮ່າງກາຍໄດ້ເຊັ່ນດຽວກັນ. ອີກທັງໃນປັດຈຸບັນ ສາທາລະນູປະໂພກໄດ້ຮັບການພັດທະນາໃຫ້ມີຄວາມສະດວກສະບາຍຂຶ້ນຫຼາຍກວ່າແຕ່ກ່ອນ ເຮັດໃຫ້ຄົນເຮົາອອກແຮງງານໜ້ອຍລົງ, ເຄື່ອນໄຫວໜ້ອຍລົງ ແລະ ສົ່ງຜົນເຮັດໃຫ້ການເຜົາຜານສິ່ງທີ່ບໍລິໂພກເຂົ້າໄປນັ້ນໜ້ອຍລົງໄປຕາມໆ ກັນ. 

BIM ແມ່ນຫຍັງ? 

BIM (Body Index Mass) ແມ່ນອັດຕາສ່ວນລະຫວ່າງນ້ຳໜັກ (ຫົວໜ່ວຍເປັນ ກິໂລກຣາມ) ຫານດ້ວຍ ສ່ວນສູງຍົກກຳລັງ 2 (ຫົວໜ່ວຍເປັນແມັດ), ໃຊ້ເພື່ອປະເມີນລະດັບຄວາມອ້ວນຂອງບຸກຄົນເບື້ອງຕົ້ນ (ແນ່ນອນວ່າບໍ່ສາມາດບອກປະລິມານໄຂມັນໃນຮ່າງກາຍໄດ້) ເປັນວິທີການທີ່ງ່າຍ ແລະ ສະດວກໃນການບອກເບື້ອງຕົ້ນວ່າຄົນຜູ້ນັ້ນນຳໜັກຫຼຸດເກີນເກນ (ຈ່ອຍເກີນ), ນ້ຳໜັກເໝາະສົມ (ແຂງແຮງ) ຫຼື ນ້ຳໜັກເກີນເກນ (ອ້ວນເກີນໄປແລ້ວ).  

ເກນທົ່ວໄປຂອງຜູ້ໃຫຍ່: 

ຄ່າ BIM 

ເກນ 

ຕ່ຳກວ່າ 18.5 

ນ້ຳໜັກຫຼຸດມາດຕະຖານ 

18.5-24.9 

ປົກກະຕິ 

25.0-29.9 

ນ້ຳໜັກເກີນ 

ຫຼາຍກວ່າ 30 

ອ້ວນເກີນໄປ 


ຕົວຢ່າງ: ຜູ້ຂຽນມີຄວາມສູງ 1.7 ມ ຫຼື 170 ຊມ ແລະ ມີນ້ຳໜັກ 80 ກລ, ເມື່ອແທນເຂົ້າສຸດແລ້ວຈະໄດ້ BIM = 80/(1.7*1.7) = 27.68 ສະແດງວ່າຢູ່ໃນເກນນ້ຳໜັກເກີນມາດຕະຖານ (ອ່ອຍ… ຕ້ອງໄດ້ງົດຊານົມໄຂ່ມຸກແລ້ວລະ!), ຫາກຕ້ອງການໃຫ້ຢູ່ໃນເກນຕ້ອງມີນ້ຳໜັກຢູ່ລະຫວ່າງ 54 - 71 ກລ ໃນຄວາມສູງ 170 ຊມ. ລອງຄຳນວນກັນເບິ່ງເນາະ ຈະໄດ້ປະເມີນຕົນເອງໄປໃນໂຕວ່ານ້ຳໜັກຂອງເພື່ອນໆ ຢູ່ໃນເກນໃດ, ເຖິງມັນຈະບໍ່ສາມາດບົ່ງບອກເຖິງສຸຂະພາບໄດ້ໂດຍກົງ ແຕ່ມັນກໍ່ເປັນຈຸດເລີ່ມຕົ້ນທີ່ດີໃນການປະເມີນຕົນເອງ ແລະ ມັນເປັນສັນຍານທີ່ບົ່ງບອກໃຫ້ກັບເຮົາຮູ້ວ່າຕົນເອງຕ້ອງໄດ້ເລີ່ມຫຼຸດອາຫານທີ່ບໍ່ມີປະໂຫຍດ ແລະ ເພີ່ມປະລິມານການອອກກຳລັງກາຍແລ້ວ ຫຼື ຍັງ. 

ພະຍາດອ້ວນ (Obesityບໍ່ແມ່ນເລື່ອງຕະຫຼົກ 

ຄວາມອ້ວນ ຫຼື ນ້ຳໜັກເກີນບໍ່ແມ່ນເລື່ອງຫຼິ້ນໆ ຄືຫຼາຍໆ ຄົນຄິດ, ເພາະມັນເປັນສາເຫດຫຼັກທີ່ພາໃຫ້ເກີດພະຍາດອື່ນໆ ອີກຫຼາຍຢ່າງ ເຊັ່ນ: ມະເຮັງຊະນິດຕ່າງໆ, ເບົາຫວານ, ຄວາມດັນ, ພະຍາດຫົວໃຈ, ພະຍາດກ່ຽວກັບກະດູກ (ກະດູກຜິດຮູບ) ເປັນຕົ້ນ. ຈາກການສຳຫຼວດຂອງອົງການອານາໄມໂລກໃຫ້ຮູ້ວ່າ ນັບແຕ່ປີ  1975 ເປັນຕົ້ນມາ, ຈຳນວນຜູ້ທີ່ມີນ້ຳໜັກເກີນເກນເພີ່ມຂຶ້ນຈາກເດີມເປັນ 3 ເທົ່າ ແລະ ດ້ວຍອັນຕະລາຍທີ່ອາດຈະເກີດຂຶ້ນກັບກຸ່ມຜູ້ທີ່ມີນ້ຳໜັກເກີນ ເຮັດໃຫ້ປັດຈຸບັນເລື່ອງນ້ຳໜັກເກີນເປັນເລື່ອງທີ່ຕ້ອງໃຫ້ຄວາມສຳຄັນ ບໍ່ສະເພາະແຕ່ດ້ານຄວາມສວຍຄວາມງາມ ແຕ່ມັນເປັນເລື່ອງຂອງສຸຂະພາບອີກດ້ວຍ. 

ຢາກລົດນ້ຳໜັກ ແຕ່ບໍ່ຢາກທຳຮ້າຍຄວາມຮູ້ສຶກໂຕເອງ (ອັນແນ່ຢ່າຫາຂໍ້ອ້າງ...ຮູ້ເດີ້ ) 

ການທີ່ຕ້ອງການລົດນ້ຳໜັກ ມີຫຼາກຫຼາຍຮ້ອຍພັນວິທີ (ບໍ່ເຊື່ອລອງຖາມ Google ເລີຍມີຕັ້ງແຕ່ວິທີການງ່າຍໆ ເຢາະໆ ແຢະໆ ໄປຈົນເຖິງການຜ່າຕັດເອົາໄຂມັນສ່ວນເກີນອອກ) ແຕ່ແບບໃດຈະເໝາະສົມກັບເຮົາ ແບບໃດຈະບໍ່ສົ່ງຜົນເສຍກັບສຸຂະພາບ ແລ້ວແບບໃດຈະບໍ່ເກີດປາກົດການ ໂຢໂຢ່ (yo-yo dieting - ຄືປາກົດການທີ່ນ້ຳໜັກລົງຈາກການລົດນ້ຳໜັກ ແລ້ວກັບມາອ້ວນຄືນ ແລະ ອາດໜັກກວ່າເກ່ົາ ນັ້ນແຫຼະທີ່ເຮົາເອີ້ນກັນວ່າປາກົດການ ໂຢໂຢ່). ງ່າຍໆ ເລີ່ມຈາກການສ້າງຄວາມສົມດູນລະຫວ່າງການຮັບແຄລໍຣີເຂົ້າໄປ ແລະ ການເຜົາຜານອອກ (ເວົ້າງ່າຍ ແຕ່ເຮັດຍາກຫັນຕິລະ ຮ່າໆ). ຫາກຄິດວ່າມັນຍາກເກີນໄປ ດຽວລອງໄລ່ອ່ານເບິ່ງດ້ານລຸ່ມ ຜູ້ຂຽນໄດ້ສະຫຼຸບອອກເປັນຂໍ້ໆ ໃຫ້ເຂົ້າໃຈງ່າຍໄວ້ໃຫ້ແລ້ວ: 

  • ກິນເທົ່າທີ່ຮ່າງກາຍຕ້ອງການ, ບໍ່ແມ່ນວ່າໄປກິນບຸບເຟ່ແລ້ວຕ້ອງເອົາໃຫ້ຄຸ້ມຄ່າ ບໍ່ໄດ້ໃດ໋ເນາະ, ເພາະມັນບໍ່ຄຸ້ມກັບຜົນສະທ້ອນທີ່ຕາມມາພາຍຫຼັງ. ກິນອາຫານໃຫ້ຄົບ 3 ຄາບໃນປະລິມານທີ່ພໍດີ, ວິທີງ່າຍໆ ເລີຍຄືຄ່ອຍໆ ຫຍ້ຳອາຫານໃຫ້ລະອຽດ, ນອກຈາກຊ່ວຍໃຫ້ກະເພາະອາຫານຍ່ອຍງ່າຍຂຶ້ນ ມັນຍັງມີເວລາໃຫ້ກະເພາະອາຫານສົ່ງສັນຍານບອກສະໝອງວ່າອີ່ມແລ້ວ ແທນທີ່ຈະຮີບກິນຢ່າງຟ້າວຝັ່ງອາດຈະເຮັດໃຫ້ເຮົາກິນເກີນປະລິມານທີ່ຮ່າງກາຍຕ້ອງການກໍ່ເປັນໄດ້. ອີກຢ່າງທີ່ຕ້ອງຫຼີກຫຼ່ຽງຄື ການກິນອາຫານຂະນະທີ່ຫຼິ້ນໂທລະສັບ ຫຼື ເບິ່ງໜັງໄປນຳ ເພາະສິ່ງເຫຼົ່ານີ້ຈະດຶງສະມາທິອອກຈາກການກິນອາຫານ ແລະ ເຮັດໃຫ້ເຮົາເພີນກິນອາຫານເຂົ້າໄປເກີນຄວາມຈຳເປັນນັ້ນເອງ; 
  • ໝັ່ນອອກກຳລັງກາຍ, ອົງການອານາໄມໂລກແນະນຳເກນຂັ້ນຕ່ຳໃນການອອກກຳລັງກາຍຂອງເດັກນ້ອຍຢູ່ທີ່ 60 ນາທີ ຕໍ່ ວັນ, ຂະນະທີ່ຜູ້ໃຫຍ່ໃຫ້ເຄື່ອນໄຫວຢ່າງໜ້ອຍອາທິດລະ 150 ນາທີ (ພຽງແຕ່ 2.5 ຊົ່ວໂມງເອງ, ຫາກສະເລ່ຍຕໍ່ວັນກໍ່ເຫຼືອພຽງວັນລະປະມານ 22 ນາທີ ເທົ່ານັ້ນເອງ) ເອົານ່າ ເຊື່ອວ່າທຸກຄົນເຮັດໄດ້. ຈາກທີ່ເຄີຍຕ້ອງຂີ່ລົດໄປຊື້ນ້ຳປາໃກ້ໆ ບ້ານ, ລອງປ່ຽນເປັນການຍ່າງໄປແທນ. ຈາກທີ່ຕ້ອງໃຊ້ລິຟຂຶ້ນສອງສາມຊັ້ນ ຫັນມາເປັນການຂຶ້ນຂັ້ນໃດແທນ. ຫາກຄິດວ່າໄປແລ່ນມັນເມື່ອຍເກີນໄປ ລອງຕັ້ງໃຈໄປຍ່າງກໍ່ເປັນຈຸດເລີ່ມຕົ້ນທີ່ດີ ແລະ ບໍ່ແນ່ອາດຈະໄດ້ໝູ່ເພີ່ມຂຶ້ນກໍ່ເປັນໄດ້; 
  • ຄວບຄຸມປະລິມານໄຂມັນທີ່ບໍລິໂພກ ເຊັ່ນ: ຂອງທອດຕ່າງໆ, ອາຫານທີ່ປຸງແຕ່ງດ້ວຍນ້ຳມັນປະລິມານຫຼາຍ. ຂະນະທີ່ເນັ້ນຈຳພວກໂປຣຕີນເປັນຫຼັກ ເຊັ່ນ: ເອິກໄກ່, ໝູ່ມັນໜ້ອຍ, ງົວ, ເຕົ້າຮູ້ ເປັນຕົ້ນ; 
  • ຄວບຄຸມປະລິມານນ້ຳຕານທີ່ບໍລິໂພກ ເຊັ່ນ: ຈຳພວກນ້ຳຫວານ ຫຼື ນ້ຳອັດລົມທັງຫຼາຍ, ຫາກງົດບໍ່ໄດ້ໃຫ້ຫາຜະລິດຕະພັນທີ່ມີປະລິມານນ້ຳຕານໜ້ອຍ ແລະ ບໍ່ຄວນບໍລິໂພກເປັນປະຈຳ; 
  • ຫຼຸດຜ່ອນການດື່ມແອວກໍຮໍ, ເພາະມັນເປັນອີກປັດໄຈທີ່ພາໃຫ້ອ້ວນ; 
  • ເພີ່ມປະລິມານໄຍອາຫານທີ່ບໍລິໂພກ ເຊັ່ນ: ຜັກ, ໝາກໄມ້ ເພາະຈະໃຫ້ພະລັງງານຕ່ຳ. ການກິນໝາກໄມ້ກ່ອນຄາບອາຫານຫຼັກ ກໍ່ສາມາດຊ່ວຍໃຫ້ຫຼຸດຜ່ອນປະລິມານອາຫານຫຼັກທີ່ກິນເຂົ້າໄປໄດ້ເຊັ່ນດຽວກັນ ແຕ່ຫຼີກຫຼ່ຽງໝາກໄມ້ທີ່ໃຫ້ລົດຫວານ ຫຼື ແປ້ງແນ່ກໍ່ດີ. ຂະນະທີ່ຄວນຫຼຸດປະລິມານການບໍລິໂພກເຂົ້າ (ເຂົ້າໜຽວແຫຼະໂຕດີ ເພາະມີປະລິມານນ້ຳຕານສູງ) ການຄວບຄຸມອາຫານປະເພດແປ້ງ ກໍ່ເປັນອີກທາງທີ່ເຮັດໃຫ້ການຄວບຄຸມນ້ຳໜັກນັ້ນງ່າຍຂຶ້ນ; 
  • ພະຍາຍາມຜ່ອນຄາຍ, ຫຼຸດຜ່ອນຄວາມເຄັ່ງຄຽດຈາກເລື່ອງຕ່າງໆ ເພາະຄວາມເຄັ່ງຄຽດຈະເຮັດໃຫ້ເຮົາກິນຫຼາຍຂຶ້ນກວ່າປົກກະຕິ; 
  • ນອນຫຼັບໃຫ້ພຽງພໍ ແລະ ບໍ່ຫຼາຍຈົນເກີນໄປ (ຄົນທົ່ວໄປຈະນອນກັນປະມານ 8 ຊົ່ວໂມງຕໍ່ວັນ), ການອົດນອນ ຫຼື ນອນເກີນຄວາມຈຳເປັນ ຈະເຮັດໃຫ້ຮໍໂມນໃນຮ່າງກາຍປ່ຽນແປງ ແລະ ອາດສົ່ງຜົນເຮັດໃຫ້ຮ່າງກາຍຕ້ອງການອາຫານທີ່ມີແຄລໍຣີ ແລະ ອາຫານຈຳພວກແປ້ງສູງ ສົ່ງຜົນເຮັດໃຫ້ກາຍເປັນໄຂມັນສ່ວນເກີນທີ່ພາໃຫ້ອ້ວນ. ການນອນເດິກກໍ່ເປັນອີກປັດໄຈທີ່ສົ່ງຜົນໃຫ້ນ້ຳໜັກຂຶ້ນໄດ້ ເພາະຄວາມຫິວເປັນເຫດ; 
  • ການໝັ່ນສັງເກດຕົນເອງ ແລະ ຊັ່ງນ້ຳໜັກ ກໍ່ເປັນອີກທາງທີ່ສາມາດໃຫ້ກຳລັງໃຈຕົນເອງ ແລະ ເຫັນເຖິງຄວາມສຳເລັດສຳລັບຜູ້ທີ່ກຳລັງຢູ່ໃນໄລຍະລົດນ້ຳໜັກ; 
  • ຫາກຄວາມອ້ວນເກີດຈາກຂະບວນການເຜົາຜານພະລັງງານ (Metabolism), ລະບົບການເຮັດວຽກຂອງຮ່າງກາຍມີການເຮັດວຽກທີ່ຜິດປົກກະຕິ ຫຼື ເກີດຈາກພັນທຸກຳ ກໍ່ຕ້ອງປຶກສາແພດຜູ້ຊ່ຽວຊານ ເພື່ອຫາທາງແກ້ໄຂກ່ອນທີ່ມັນຈະກາຍເປັນສາເຫດຂອງພະຍາດອື່ນໆ ທີ່ຈະຕາມມາ. 

ສະຫຼຸບໃຫ້ເຂົ້າໃຈງ່າຍກໍ່ຄື ອາຫານເປັນພຽງສ່ວນໜຶ່ງທີ່ພາໃຫ້ນ້ຳໜັກຂຶ້ນ ອີກສ່ວນໜຶ່ງຄືພຶດຕະກຳຂອງໂຕທ່ານເອງ ກໍ່ຄືການເຜົາຜານສິ່ງທີ່ບໍລິໂພກເຂົ້າໄປ, ເຖິງຈະກິນແປ້ງ - ນ້ຳຕານເຂົ້າໄປຫຼາຍເທົ່າໃດ ແຕ່ມີການອອກກຳລັງກາຍ ແລະ ເຜົາຜານອອກໄປໝົດກໍ່ບໍ່ມີຜົນຫຍັງກັບນ້ຳໜັກແນ່ນອນ. ສະນັ້ນ, ສິ່ງທີ່ຂາດບໍ່ໄດ້ກໍ່ຄືການອອກກຳລັງກາຍ ທັງເປັນການຮັກສາໃຫ້ນ້ຳໜັກຢູ່ໃນເກນ, ຊ່ວຍໃຫ້ບຸກຄະລິກກະພາບດີຂຶ້ນ ພ້ອມທັງສາມາດພົບປະຜູ້ຄົນອື່ນໆ ໄປໃນໂຕ. ຫາກຕ້ອງການໃຫ້ການລົດນ້ຳໜັກໄດ້ຜົນດີ ຄວນຄວບຄຸມປະລິມານອາຫານທີ່ກິນ ຄວບຄູ່ກັບການອອກກຳລັງກາຍຢ່າງສະໜ່ຳສະເໝີ ແລະ ບໍ່ຄວນຫາຂໍ້ອ້າງເລື່ອງບໍ່ມີເວລາ ໃນການຫຼີກຫຼ່ຽງການອອກກຳລັງກາຍຢ່າງເດັດຂາດ, ຫາກເຮັດໄດ້ເທົ່ານີ້ ຮັບຮອງເພື່ອນໆ ມີຫຸ່ນທີ່ເປະເວີ້ ແລະ ສຸຂະພາບດີຢ່າງແນ່ນອນ. ເລີ່ມຈາກແລງນີ້ເລີຍ, ໄປອອກກຳລັງກາຍກັນ, ປ໋ະ! 


ຂຽນໂດຍ: Nilavath 

ອ້າງອີງ:  

Advertisement Replay Ad
"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ຈົບມາໃໝ່ໆບໍ່ຮູ້ວ່າຈະເຮັດວຽກຫຍັງດີຈຶ່ງຈະເໝາະກັບຕົວເອງທີ່ສຸດ? ບົດຄວາມນີ້ຊ່ວຍທ່ານໄດ້

ຈົບມາໃໝ່ໆບໍ່ຮູ້ວ່າຈະເຮັດວຽກຫຍັງດີຈຶ່ງຈະເໝາະກັບຕົວເອງທີ່ສຸດ? ບົດຄວາມນີ້ຊ່ວຍທ່ານໄດ້

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ