ວັນພຸດ ທີ 22 ກັນຍາ 2021

ສະຖານທີ່ທ່ຽວແບບກາງເຕັ້ນນອນຊົມດາວໃນລາວ ທີ່ໜ້າໜາວນີ້ບໍ່ຄວນພາດ

ສະຖານທີ່ທ່ຽວແບບກາງເຕັ້ນນອນຊົມດາວໃນລາວ ທີ່ໜ້າໜາວນີ້ບໍ່ຄວນພາດ
S! Muan

ສະໜັບສະໜູນເນື້ອຫາ

ຫຼາຍຄົນອາດຈະມັກບັນຍາກາດຂອງທີ່ຕ້ອງໄດ້ຕື່ນມາຮັບແສງແດດ ແລະ ຖ່າຍຮູບໃນຕອນເຊົ້າ, ແຕ່ມື້ນີ້ເຮົາຈະມາເອົາໃຈສາຍມັກເບິ່ງດາວ ຫຼື ຊົມວິວຍາມກາງຄືນ ເຊິ່ງເປັນອີກໜຶ່ງເວລາທີ່ງົດງາມເຊັ່ນກັນ ຄິດພາບເບິ່ງວ່າ ເຮົາແນມຂຶ້ນໄປເທິງທ້ອງຟ້າແລ້ວເຫັນດາວນັບລ້ານລ້ານດວງ ໂດຍທີ່ບໍ່ມີມົນລະພິດທາງແສງມາລົບກວນຈະຟິນສໍ່າໃດ. ແຕ່ເຈົ້າຮູ້ບໍ່ວ່າສະຖານທີ່ໃດທີ່ສາມາດໄປຕັ້ງແຄມຝິງໄຟ ແລະ ເບິ່ງດາວໄດ້ແດ່? ພວກເຮົາຈຶ່ງຈະມາແນະນຳສະຖານທີ່ໃນການຕັ້ງແຄມຊິວໆ ຕື່ນເຊົ້າມາດື່ມກາເຟຫອມໆພ້ອມກັບໝອກຍາມເຊົ້າອີກດ້ວຍ. 

ໝາຍເຫດ: ນີ້ເປັນພຽງບາງສ່ວນທີ່ເຮົານຳເອົາມາແນະນຳເທົ່ານັ້ນ ຍັງມີອີກຫຼາຍບ່ອນທີ່ບໍ່ໄດ້ຖືກກ່າວເຖິງໃນບົດຄວາມນີ້. ອີກຢ່າງໜຶ່ງຄວນໄປໃນໄລຍະເດືອນຕຸລາຫາເດືອນກຸມພາ ເຊິ່ງເປັນຍາມແລ້ງ (ອາກາດເຢັນ) ແລະ ບໍ່ຄ່ອຍມີຂີ້ເຝື້ອເທົ່າລະດູຝົນ. ນອກຈາກນີ້ໃນເລື່ອງຂອງຄວາມປອດໄພໃນການກາງເຕັ້ນແມ່ນຕ້ອງມີຄວາມຮັບຜິດຊອບໃນການໄປຕັ້ງເຕັ້ນເອງເພາະເປັນສະຖານທີ່ທີ່ບໍ່ຄ່ອຍມີຄົນດູແລຈຶ່ງຕ້ອງໄດ້ດູແລຕົນເອງ. ແຕ່ໃນບາງບ່ອນເຊັ່ນ: ຣີສອດ ຫຼື ສະຖານທີ່ທີ່ມີເຈົ້າຂອງກໍຈະມີຄົນດູແລສຳລັບສະຖານທີ່ນັ້ນ. ທາງທີ່ດີທີ່ສຸດແມ່ນ ຄວນໄປສອບຖາມກັບທາງບ້ານທີ່ຮັບຜິດຊອບພື້ນທີ່ເຂດນັ້ນກ່ອນວ່າສາມາດຕັ້ງເຕັ້ນໄດ້ ຫຼື ບໍ່. ທີ່ສຳຄັນກໍຄື ສິ່ງໃດທີ່ເຮົານຳເອົາເຂົ້າໄປ ກໍຈົ່ງນຳເອົາອອກມາຄືນໃຫ້ໝົດ ຢ່າຖິ້ມໄວ້ເປັນຂີ້ເຫຍື້ອຊະຊາຍໃນສະຖານທີ່ເຫຼົ່ານັ້ນ.

1. ພູກອງເຂົ້າ

ພູກອງເຂົ້າ ທຳມະຊາດປ່າແປກ ເຂດປ່າສະຫງວນພູເຂົາຄວາຍ ບ້ານນາຫວ້າ ເມືອງທຸລະຄົມ ບໍ່ໄກຈາກຕົວເມືອງເດີນທາງໄປປະມານ 1 ຊົ່ວໂມງ ເປັນສະຖານທີ່ ທີ່ເໝາະແກ່ການ ໄປ ກາງເຕັ້ນ, ກິນເຂົ້າປ່າ ກັບໝູ່ຫຼາຍໆຄົນ. ຕື່ນເຊົ້າມາອາກາດກໍດີ, ເຫັນໝອກ ແລະ ແສງແດດອ່ອນໆ ບໍ່ມີສິ່ງອຳນວຍຄວາມສະດວກໃດໆທັ້ງສິ້ນ ຕ້ອງກຽມໄປເອງທຸກຢ່າງ. 

ທີ່ຕັ້ງ: https://goo.gl/maps/Dm1wCkgWWXb1PBjq6

2. ຜາງອຍ  

ຜາງອຍ ພູເຂົາຄວາຍ ບ້ານວັງເຮືອ ເມືອງທຸລະຄົມ ບໍ່ໄກຈາກຕົວເມືອງ ເດີນທາງໄປປະມານ 1 ຊົ່ວໂມງ ເປັນສະຖານທີ່ທີ່ເໝາະແກ່ການໄປກາງເຕັ້ນຕັ້ງແຄ້ມ ກັບໝູ່ຫຼາຍໆຄົນໃນໜ້າໜາວນອນເບິ່ງດາວ, ຕື່ນເຊົ້າມາເຫັນໝອກ, ອາກາດກໍດີ ແຕ່ບໍ່ມີສິ່ງອຳນວຍຄວາມສະດວກໃດໆຕ້ອງກຽມໄປເອງທຸກຢ່າງເຊັ່ນກັນ.

ທີ່ຕັ້ງ: https://goo.gl/maps/UzhqywFauLqgHaLz6 

 

3. ພູຄູນສະຕຣໍເບີຣີ

ເປັນສະຖານທີ່ທີ່ເໝາະກັບການກາງເຕັ້ນລະດູໜາວທີ່ສຸດເພາະນອກຈາກຈະໄດ້ສຳພັດສຳຜັດກັບອາກາດໜາວແລ້ວຕອນເຊົ້າກໍຍັງໄດ້ເຫັນວິວໝອກອັນສວຍງາມ ແລະ ຍັງສາມາດໄປຊົມສວນສະຕຣໍເບີຣີໄດ້ອີກດ້ວຍ. ສະຖານທີ່ຕັ້ງຢູ່ບ້ານສາມແຍກ ເມືອງພູຄູນ ແຂວງຫຼວງພະບາງ.

ທີ່ຕັ້ງ: https://g.page/PhoukounStrawberry?share

4. ຊັນເຊັດນ້ຳງື່ມຣີສອດ (Sunset Nam Ngum Resort) 

ເປັນສະຖານທີ່ກາງເຕັ້ນທີ່ມີຄວາມສະດວກຍ້ອນມີການປະສົມຣີສອດຈຶ່ງເຮັດໃຫ້ມີອຸປະກອນເຄື່ອງໃຊ້ຕ່າງໆສະດວກສະບາຍ ເປັນການນອນເຕັ້ນທີ່ໃກ້ຊິດກັບວິວທຳມະຊາດ ແລະ ຕິດກັບແຄມນ້ຳງື່ມ. ພ້ອມນີ້ຍັງມີບ່ອນພັກສວຍງາມ. ຢູ່ທີ່ບ້ານທ່າເຮືອ ເມືອງວັງວຽງ ແຂວງວຽງຈັນ ມີໄລຍະທາງຫ່າງຈາກຕົວເມືອງວັງວຽງແມ່ນ 24 ກິໂລແມັດ.

ທີ່ຕັ້ງ: https://goo.gl/maps/5vLujpHWWpdySBbLA 

 

5. ພູຫຍ້າຄາ 

ພູຫຍ້າຄາ ພູທີ່ມີຄວາມສູງທີ່ສຸດໃນອຸດົມໄຊ (1,600 ແມັດ) ທີ່ມີຄວາມສວຍງາມທີ່ສຸດ, ເໝາະສຳລັບນັກເດີນທາງບໍ່ວ່າຈະເປັນກຸ່ມກໍໄປໄດ້, ສິ່ງທີ່ພາດບໍ່ໄດ້ກໍຄືການໄປຕັ້ງແຄມເທິງຍອດພູ, ເບິ່ງດາວ, ຈິບກາເຟອຸ່ນໆ, ຮັບລົມເຢັນໆຖືວ່າເປັນການສາກແບັດໃຫ້ຕົວເອງໄດ້ດີສຸດໆ ແລະ ຄຸມຄ່າກັບເຫື່ອແຮງທີ່ເສຍໄປຢ່າງແນ່ນອນ. ພູດັ່ງກ່າວຕັ້ງຢູ່ພາກເໜືອຂອງລາວທີ່ເມືອງເມິງ, ແຂວງບໍ່ແກ້ວ ເໝາະສຳລັບນັກທອງທ່ຽວສາຍລຸຍເພາະຕ້ອງໄດ້ໃຊ້ເວລາໃນການຍ່າງຂຶ້ນພູປະມານ 5-6 ຊົ່ວໂມງຈຳເປັນຕ້ອງໄດ້ຄ້າງຄືນຢ່າງຕໍ່າ 2 ມື້ 1 ຄືນ ຫຼື ຫຼາຍກວ່ານັ້ນ. 

ທີ່ຕັ້ງ: https://goo.gl/maps/BTH6KvNkBFUeEHNu7 

6. ຜາແດງ 

ຜາແດງແມ່ນຈຸດຊົມວິວຢຸ່ເທິງຍອດພູເຊິ່ງຕ້ອງໃຊ້ເວລາໃນການຍ່າງຂຶ້ນກໍ່ປະມານຊົ່ວໂມງເຄິ່ງຫາສອງຊົ່ວໂມງ ຕັ້ງຢູ່ ບ້ານໜອງຂຽວ, ເມືອງງອຍ, ແຂວງຫຼວງພະບາງ ເຊິ່ງຫ່າງຈາກຕົວເມືອງຫຼວງພະບາງມີໄລຍະທາງຈາກ ເມືອງຫຼວງຫາເມືອງງອຍ ປະມານ 140 ກິໂລແມັດ ໃຊ້ເວລາປະມານ 3-4 ຊົ່ວໂມງກໍ່ຮອດແລ້ວ. ຢູ່ເທິງພູແມ່ນມີທີ່ພັກລາຄາຖືກແຕ່ຕ້ອງໄດ້ຈອງກ່ອນ ແລະ  ເຮົາແນະນຳໃຫ້ໄປໃນໄລຍະເດືອນຕຸລາຫາເດືອນກຸມພາເປັນໄລຍະທີ່ເໝາະກັບການມາເບິ່ງໝອກທີ່ສຸດ ເຊິ່ງຈະໄດ້ເຫັນທະເລໝອກແບບ 360 ອົງສາ. 

ທີ່ຕັ້ງ: https://goo.gl/maps/MYgPQdHgUEQoVZZa6

7. ຜາປະຕູ  

ໄຕ່ພູປີນຜາສາຍປະຈົນໄພ ແນະນຳໃຫ້ມາລອງສຳຜັດອາກາດດີເທິງພູໃຊ້ຊີວິດຊິວໆຊົມເດືອນດາວແບບໃກ້ຊິດແບບສຸດໆ. ແຕ່ສຳລັບສະຖານທີ່ນີ້ແມ່ນຈະໃຫ້ຄວາມຮູ້ສຶກຄືການໄປນອນປ່າຍ້ອນບໍ່ມີໄຟຟ້າ ຫຼື ອິນເຕີເນັດ ແລະ ຕ້ອງໄດ້ມີການກຽມອາຫານ-ເຄື່ອງຢູ່ຂອງໃຊ້ທີ່ຈຳເປັນ. ໃນກໍລະນີເຄື່ອງຫຼາຍສາມາດຈ້າງຄົນໃຫ້ຫິ້ວເຄື່ອງຂຶ້ນໄປໄດ້. ແນະນຳໃຫ້ຂຶ້້ນໄປຕອນບ່າຍ 2 ໂມງເພາະຈະຮອດຈຸດທີ່ພັກແມ່ນຈະຖືກຕອນທີ່ຕາເວັນກຳລັງຕົກດິນໄດ້ວິວສວຍງາມໃຫ້ຖ່າຍຮູບຢ່າງແນ່ນອນ.

ທີ່ຕັ້ງ: https://goo.gl/maps/6FVdWUgLwyhqppUy8

 

 

ເປັນແນວໃດກັບສະຖານທີ່ທ່ຽວແບບກາງເຕັ້ນທີ່ເຮົານຳເອົາມາແນະນຳກັນ. ຖ້າໃຜໄດ້ໄປມາແລ້ວ ກໍຢ່າລືມມາເລົ່າປະສົບການ ແລະ ເອົາຮູບງາມໆມາໃຫ້ເບິ່ງແດ່ເດີ້. ຂໍໃຫ້ທຸກຄົນທ່ອງທ່ຽວຢ່າງມີຄວາມສຸກ ແລະ ປອດໄພ.

Advertisement Replay Ad
ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ