ວັນເສົາ ທີ 17 ເມສາ 2021

ຮູ້ຈັກກັບ VPN ເຄື່ອງມືທີ່ຈະຊ່ວຍໃຫ້ສາຍມຸດທ່ອງອິນເຕີເນັດປອດໄພຂຶ້ນອີກເທົ່າຕົວ

ຮູ້ຈັກກັບ VPN ເຄື່ອງມືທີ່ຈະຊ່ວຍໃຫ້ສາຍມຸດທ່ອງອິນເຕີເນັດປອດໄພຂຶ້ນອີກເທົ່າຕົວ
S! Muan

ສະໜັບສະໜູນເນື້ອຫາ

VPN ແມ່ນຫຍັງ? 

Virtual Private Network (VPN) — ໝາຍເຖິງເຄືອຂ່າຍຈຳລອງສ່ວນຕົວ, ເມື່ອກ່ອນຖືກຄິດຄົ້ນມາເພື່ອສາມາດທີ່ຈະເຊື່ອມຕໍ່ເຂົ້າໄປຍັງເຄືອຂ່າຍພາຍໃນອົງກອນຢ່າງປອດໄພ ຜ່ານເຄືອຂ່າຍອື່ນຈາກພາຍນອກ ເຊັ່ນ: ເພື່ອນໆ ສາມາດເຂົ້າຫາເຊີເວີພາຍໃນບໍລິສັດຈາກອິນເຕີເນັດບ້ານ. ແຕ່ປັດຈຸບັນ VPN ຖືກພັດທະນາຕໍ່ຍອດຈາກຈຸດປະສົງດັ້ງເດີມ ໃຫ້ກາຍເປັນເຄື່ອງມືໃນການທ່ອງອິນເຕີເນັດຢ່າງປອດໄພ ຫຼື ແມ່ນແຕ່ຫຼົບຫຼີກການບລັອກ ຫຼື ເຂົ້າເຖິງເນື້ອຫາທີ່ຈຳກັດສະເພາະບາງຂົງເຂດ (ໃຜໃຊ້ VPN ໃນການເບິ່ງ Netflix ແນ່ຍົກມືຂຶ້ນ...). 

ຫຼັກການເຮັດວຽກຂອງ VPN 

ກ່ອນອື່ນເຮົາຕ້ອງຮູ້ວ່າອິນເຕີເນັດມັນເຮັດວຽກແນວໃດກ່ອນເນາະ, ອິນເຕີເນັດ ເປັນການຕິດຕໍ່ສື່ສານລະຫວ່າງອຸປະກອນຕ່າງໆ ຜ່ານເຄືອຂ່າຍທີ່ເຊື່ອມໂຍງເຖິງກັນ. ເອົາໃໝ່! ເອົາໃໝ່! ຍັງງົງກັນແມ່ນບໍ່? ເອົາຈັ່ງຊີ້ ... ເພື່ອໃຫ້ເຂົ້າໃຈງ່າຍຂຶ້ນໃຫ້ເພື່ອນໆ ຈິນຕະນາການໄປນຳກັນ, ສົມມຸດວ່າອິນເຕີເນັດ ເປັນເຄືອຂ່າຍເສັ້ນທາງ ທີ່ເຮັດໃຫ້ເຮົາເດີນທາງລະຫວ່າງຈຸດໜຶ່ງໄປອີກຈຸດໜຶ່ງໄດ້ (ໜ້າຈະຄິດພາບຕາມໄດ້ເນາະ).

ການເຮັດວຽກແບບປົກກະຕິຂອງອິນເຕີເນັດ ກໍ່ເປັນພຽງການເດີນທາງຈາກຈຸດ  ໄປຫາ ຈຸດ  ຫຼື ການຮ້ອງຂໍຈາກເຄື່ອງ  (ເອີ້ນວ່າ ລູກຂ່າຍ ຫຼື Client) ເພື່ອຕ້ອງການສິ່ງໃດໜຶ່ງຈາກເຄື່ອງ  (ເອີ້ນວ່າ ແມ່ນຂ່າຍ ຫຼື Server) ເຊິ່ງວ່າເຄື່ອງແມ່ຂ່າຍ  ອາດຈະຕອບກັບຄຳຮ້ອງຂໍດັ່ງກ່າວ ຫຼື ບໍ່ ກໍ່ເປັນໄດ້, ຂຶ້ນກັບເງື່ອນໄຂຫຼາຍຢ່າງ (ຫາກຍັງງົງຢູ່ ໃຫ້ຈິນຕະນາການອີກຮອບວ່າ ສົມມຸດເຮົາຮູ້ສຶກຫິວແຕ່ແດດຮ້ອນຄ້ານອອກໄປກິນຢູ່ນອກ, ເຮົາກໍ່ສາມາດໂທສັ່ງຮ້ານອາຫານຂາປະຈຳທີ່ຮັບສົ່ງເຖິງທີ່ ຂັ້ນຕອນການເຮັດວຽກກໍ່ຄືກັນກັບການເຮັດວຽກຂອງອິນເຕີເນັດທົ່ວໄປທີ່ມີຄົນຮ້ອງຂໍ (ໂທສັ່ງ) ແລະ ມີຄົນຕອບກັບ (ມາສົ່ງອາຫານ) ເຊິ່ງຮ້ານອາດຈະມາສົ່ງ (ຕອບຮັບ) ຫຼື ບໍ່ ຂຶ້ນກັບສະຖານະການ ຫຼື ເງື່ອນໄຂຕ່າງໆ ຫຼາຍຢ່າງ; ຈິນຕະນາການ ຊ້ອນ ຈິນຕະນາການ ງົງກັນໄປໃຫຍ່ ຮ່າໆ ບໍ່ເປັນຫຍັງເນາະ ຈິນຕະນາການສຳຄັນກວ່າຄວາມຮູAlbert Einstein ເຄີຍກ່າວໄວ້) ໂອເຄ, ກັບເຂົ້າເລື່ອງຂອງເຮົາຕໍ່ ໃນເມື່ອຮູ້ວ່າການເຮັດວຽກຂອງອິນເຕີເນັດເປັນໄປຄືແນວໃດແລ້ວ ເຮົາມາເບິ່ງວ່າການເຮັດວຽກຂອງ VPN ວ່າມັນເປັນຄືແນວໃດກັນແທ້? … (ຕູ໊ດໆໆ ອະທິບາຍຍາວຄໍແຫ້ງ ພັກຈິບຊາຄາໂມມາຍແປບ)…

ໂອເຄ, ຕໍ່ ໆ! ການເຮັດວຽກຂອງ VPN ກໍ່ເປັນການເຊື່ອມຕໍ່ເຄືອຂ່າຍອິນເຕີເນັດຄ້າຍໆ ກັບການໃຊ້ງານອິນເຕີເນັດທົ່ວໄປນີ້ແຫຼະ, (ອ້າວ! ແລ້ວຈະເວົ້າມາເພື່ອ?) ໃຈເຢັນ… ທີ່ແຕກຕ່າງກໍ່ຄື ແທນທີ່ຈະເຊື່ອມຕໍ່ຈາກ  ໄປຫາ  ໂດຍກົງການເຊື່ອມ VPN ຈະເພີ່ມຈຸດເຊື່ອມຕໍ່ທີ່ເປັນຕົວກາງ ເຊັ່ນຈາກ  ໄປ  (ອາດຈະມີ    ແລ້ວແຕ່ເຄືອຂ່າຍທີ່ໄດ້ອອກແບບໄວແລ້ວຈຶ່ງສົ່ງຕໍ່ໄປ  ໂດຍ VPN ຈະເປັນຕົວກາງການເຊື່ອມຕໍ່ໄປ - ກັບ ທັງໝົດ. ກັບໄປເລື່ອງຂອງຄວາມຫິວ (ຄວາມຫິວບໍ່ເຂົ້າໃຜອອກໃຜ), ຫາກຫິວແລ້ວຢາກສັ່ງອາຫານຈາກຮ້ານໃດໜຶ່ງ ແຕ່ບັນຫາທີ່ອາດຈະເກີດຂຶ້ນ ເຊັ່ນ: ທາງຂາດ, ມີດ່ານຕຳຫຼວດ (ແລ້ວພະນັກງານຮ້ານອາຫານບໍ່ມີໃບຂັບຂີ່), ຈຳກັດສົ່ງສະເພາະຄົນທີ່ຮູ້ຈັກ (ແຕ່ມະນຸດເມຍພັດຢາກກິນຮ້ານທີ່ເຮົາບໍ່ຮູ້ຈັກເຈົ້າຂອງຮ້ານ), ເຮົາບໍ່ຢາກໃຫ້ຮ້ານດັ່ງກ່າວຮູ້ວ່າເຮົາເປັນຄົນສັ່ງ, ບໍ່ຢາກເປີດເຜີຍທີ່ຢູ່ບ້ານໃຫ້ທາງຮ້ານຮູ້ ບຣາ ໆ ໆ, ແລ້ວເຮົາຈະເຮັດແນວໃດ (ຢ່າຟ້າວໂມໂຫຫິວ ແກວ່ງໂທລະສັບຖິ້ມເດີ້) ມັນກໍ່ພໍມີວິທີໂດຍການໃຊ້ ແອັບສັ່ງອາຫານຍີ່ຫໍ້ໃດໜຶ່ງ ເຊິ່ງພະນັກງານສົ່ງອາຫານກໍ່ປຽບເໝືອນກັນກັບ VPN Server ໃນລະບົບເຄືອຂ່າຍອິນເຕີເນັດ, ເຮົາ (ຜູ້ສັ່ງ) ກົດສັ່ງ -> ພະນັກງານສົ່ງອາຫານຮັບອໍເດີ ແລະ ໄປຊື້ຈາກຮ້ານຕາມອໍເດີ -> ມາສົ່ງໃຫ້ເຮົາ (ຜູ້ສັ່ງ) ອີ່ມ ຟິນ ຍິ້ມໄດ້.

ພໍນຶກພາບອອກເນາະ, ຫາກໃຊ້ຕົວກາງທີ່ເປັນພະນັກງານສົ່ງອາຫານ (VPN Server) ເຮົາກໍ່ສາມາດຂ້າມຜ່ານຂໍ້ຈຳກັດຕ່າງໆ ໄດ້, ອາດຈະດ້ວຍເຫດຜົນໃດກໍ່ຕາມ. ເຊິ່ງຮ້ານອາຫານກໍ່ບໍ່ຮູ້ວ່າໃຜເປັນຄົນສັ່ງ? ສັ່ງໄປໃສ? ລະຫວ່າງທາງໄປຜ່ານໃສ, ເກີດຫຍັງຂຶ້ນແນ່? ອີກເທື່ອໜຶ່ງວ່າ ບໍ່ສະເໝີໄປ, ທັງນີ້ກໍ່ຂຶ້ນກັບຕົວກາງວ່າຈະສາມາດຮັກສາຄວາມລັບໄດ້ເທົ່າໃດ? ມີມາດຕະການໃນການຮັກສາຄວາມປອດໄພຫຍັງແດ່? ພະນັກງານຈະລັກໄຂຫໍ່ອາຫານກິນກາງທາງບໍ່? (ຫວັງວ່າເລື່ອງແບບນີ້ຈະບໍ່ເກີດຂຶ້ນເນາະ) ຕ້ອງອາໄສຄວາມໄວ້ເນື້ອເຊື່ອໃຈລະຫວ່າງຜູ້ໃຊ້ ແລະ ຕົວກາງ (VPN) ເພາະຕົວກາງຈະເປັນຜູ້ບັນທຶກທຸກໆ ລາຍລະອຽດລະຫວ່າງຂະບວນການເຊື່ອມຕໍ່ (ຊື້-ຂາຍ) ວ່າຕົ້ນທາງ ຈາກໃຜ ສົ່ງໄປປາຍທາງ ຫາໃຜ ນັ້ນເອງ. ຫາກຍັງມຶນ ລອງເບິ່ງພາບປະກອບດ້ານລຸ່ມ ລະຫວ່າງການເຊື່ອມຕໍ່ (ສັ່ງອາຫານ) ທີ່ບໍ່ຜ່ານຕົວກາງ (No-VPN) ແລະ ການເຊື່ອມຕໍ່ຜ່ານຕົວກາງ (VPN). 

ຮູບຂັ້ນຕອນການສັ່ງອາຫານໂດຍບໍ່ຜ່ານຄົນກາງ (No-VPN) 

ຮູບຂັ້ນຕອນການສັ່ງອາຫານໂດຍຜ່ານຄົນກາງ (VPN) ເຊິ່ງໃນຮູບພາບປະກອບກໍ່ຈະສັງເກດເຫັນວ່າມີພະນັກງານສົ່ງອາຫານຫຼາຍຄົນ ໝາຍຄວາມວ່າ VPN Server ກໍ່ອາດຈະມີຫຼາຍຈຸດ ຫຼື ສົ່ງຕໍ່ໄປຫຼາຍແຫ່ງກ່ອນຈະເຖິງປາຍທາງ ເພື່ອຄວາມປອດໄພ ແລະ ຫຍຸ້ງຍາກໃນການສືບຄົ້ນຫາຕົ້ນທາງ - ປາຍທາງ 

ເປັນຫຍັງຈຶ່ງຕ້ອງຫຍຸ້ງຍາກລຳບາກຫາ VPN ມາໃຊ້ງານ? 

ຫາກຕອບໃຫ້ເຂົ້າໃຈງ່າຍໆ ເລີຍກໍ່ຄື: ເຮົາໃຊ້ VPN ເພື່ອບັນລຸສິ່ງທີ່ຕ້ອງການ (ບໍ່ໄດ້ກວນເນາະ ດຽວເຮົາມາເບິ່ງນຳກັນວ່າ ຈຸດປະສົງທີ່ຕ້ອງການມີຫຍັງແດ່): 

  • ໃຊ້ເພື່ອເຂົ້າເຖິງເຄືອຂ່າຍພາຍໃນອົງກອນ, ສຳລັບອົງກອນ ຫຼື ບໍລິສັດໃຫຍ່ໆ ຈະມີການວາງລະບົບເຄືອຂ່າຍທີ່ແຍກເປັນເອກະລາດຈາກໂລກພາຍນອກ ເພື່ອຄວາມປອດໄພ, ການທີ່ຈະສາມາດເຂົ້າໃຊ້ງານຊັບພະຍາກອນພາຍໃນເຄືອຂ່າຍໄດ້ຈາກເຄືອຂ່າຍພາຍນອກໄດ້ ກໍ່ຕ້ອງເຊື່ອມຕໍ່ຜ່ານ VPN Server ເພື່ອໃຫ້ເຊີເວີ (Server) ຂອງອົງກອນແນມເຫັນອຸປະກອນຂອງເຮົາເປັນໜຶ່ງໃນລູກຂ່າຍພາຍໃນອົງກອນ ເຖິງແມ່ນວ່າເຮົາຈະຢູ່ອີກຊີກໂລກກໍ່ຕາມ. 
  • ໃຊ້ VPN ເພື່ອສາມາດທີ່ຈະເຂົ້າເຖິງເນື້ອຫາທີ່ຖືກບລັອກ (Block) ຫຼື ຈຳກັດການເຂົ້າເຖິງສະເພາະພື້ນທີ່ (Geo-blocking limit access) ເຊັ່ນ: ບາງເວບໄຊ ຈະອະນຸຍາດໃຫ້ສະເພາະອຸປະກອນທີ່ມາຈາກໄອພີ (IP) ຂອງສະຫະລັດອາເມຣິກາ ໝາຍຄວາມວ່າເວບໄຊດັ່ງກ່າວຈະເຂົ້າໄດ້ສະເພາະຄອມພິວເຕີ (ໂທລະສັບ) ທີ່ຕັ້ງຢູ່ໃນສະຫະລັດອາເມຣິກາເທົ່ານັ້ນ. ບາງເນື້ອຫາຈະຖືກຈຳກັດ ແລະ ໃຫ້ບໍລິການສະເພາະອຸປະກອນທີ່ມາຈາກໄອພີ (IP) ເອີຣົບ ເປັນຕົ້ນ ຫຼື ໃຊ້ VPN ເພື່ອຫຼົບຫຼີກການປິດກັ້ນຈາກລັດຖະບານ ເພາະບາງປະເທດຈະມີການຈຳກັດການເຂົ້າເຖິງເນື້ອຫາບາງປະເພດດ້ວຍເຫດຜົນບາງປະການ (ສຳລັບໃຜທີ່ຍັງງົງກັບຄຳວ່າ IP, ໃຫ້ເຂົ້າໃຈງ່າຍໆ ວ່າໝາຍເລກ IP ກໍ່ປຽບສະເໝືອນໝາຍເລກບ້ານ ທີ່ລະບຸທີ່ຢູ່ຂອງຄອມພິວເຕີ ຫຼື ໂທລະສັບທີ່ເຊື່ອມຕໍ່ໃນເຄືອຂ່າຍອິນເຕີເນັດນັ້ນເອງ). ສະນັ້ນ, ຫາກຕ້ອງການໃຊ້ IP ທີ່ຕ້ອງການ, ກໍ່ພຽງຕໍ່ໄປຍັງ VPN Server ທີ່ຕັ້ງຢູ່ປະເທດທີ່ຕ້ອງການ ເມື່ອເຮົາເຊື່ອມຕໍ່ໄປປາຍທາງ ປາຍທາງກໍ່ຈະເບິ່ງເຫັນ IP ຂອງ VPN Server ແທນ IP ຂອງເຮົາແທນນັ້ນເອງ. 
  • ປ້ອງກັນການດັກຈັບຂໍ້ມູນກາງທາງ ຈາກການນຳໃຊ້ອິນເຕີເນັດທີ່ບໍ່ປອດໄພ ເຊັ່ນ: ການໃຊ້ອິນເຕີເນັດໃນຮ້ານອິນເຕີເນັດຄາເຟ່, ການໃຊ້ອິນເຕີເນັດສາທາລະນະ ຫຼື ການໃຊ້ອິນເຕີເນັດໃນຮ້ານກາເຟຕ່າງໆ ທີ່ເຮົາບໍ່ອາດຮູ້ໄດ້ວ່າຈະມີໃຜທີ່ລັກດັກຈັບຂໍ້ມູນຂອງເຮົາໄປ ຫຼື ບໍ່, ການໃຊ້ VPN ກໍ່ເປັນອີກທາງທີ່ສາມາດເຮັດໃຫ້ການນຳໃຊ້ອິນເຕີເນັດສາທາລະນະໃຫ້ມີຄວາມປອດໄພໄປອີກຂັ້ນ ເພາະຜູ້ບໍ່ຫວັງດີທີ່ຖ້າດັກຈັບຂໍ້ມູນຂອງເຮົາບໍ່ສາມາດຮູ້ໄດ້ວ່າເຮົາກຳລັງເຊື່ອມຕໍ່ໄປຍັງປາຍທາງໃດນັ້ນເອງ (ເຊິ່ງກໍ່ບໍ່ສະເໝີໄປ ຍັງມີອີກຫຼາຍປັດໄຈທີ່ເຮັດໃຫ້ການເຊື່ອມຕໍ່ນັ້ນປອດໄພ ຫຼື ບໍ່). 
  • ປົກປິດ IP ທີ່ແທ້ຈິງຈາກບໍລິການອອນລາຍ, ຈະດ້ວຍເຫດຜົນໃດກໍ່ຕາມ ບໍ່ວ່າຈະເປັນ ເພາະຕ້ອງການຄວາມເປັນສ່ວນຕົວ, ປ້ອງກັນການຕາມຮອຍ, ປ້ອງກັນການບັນທຶກປະຫວັດເພື່ອໃຊ້ໃນການຍິງໂຄສະນາ ອີງຕາມປະຫວັດການໃຊ້ງານອິນເຕີເນັດຂອງເຮົາ ແລະ ອື່ນໆ. 
  • ໃຊ້ເພື່ອຫຼິ້ນເກມອອນລາຍ, ເພື່ອຄວາມໄວໃນການເຂົ້າເຖິງ Server ເຊິ່ງກໍ່ຂຶ້ນກັບເງື່ອນໄຂຫຼາຍຢ່າງ ທີ່ອາດເຮັດໃຫ້ໄວຂຶ້ນ ຫຼື ຊ້າລົງ (Lag) ໃຜຫຼິ້ນເກມໂດດຈ້ອງ ຫຼື ສາຍຫົວຮ້ອນ ຕ່າງໆ ກໍ່ອາດຈະເຄີຍເຈິະອາການແລັກຂອງອິນເຕີເນັດ ແລະ ຖືກຂ້າຕາຍໄປ ໂດຍບໍ່ທັນໄດ້ຕັ້ງໂຕ. ເຊິ່ງຫາກ Server ຂອງ VPN ຕັ້ງຢູ່ໃກ້ກັບ Server ຂອງເກມ ກໍ່ອາດສົ່ງຜົນເຮັດໃຫ້ການເຊື່ອມຕໍ່ນັ້ນໄວຂຶ້ນໄດ້ ຫຼຸດຜ່ອນອາການ Lag ແຕ່ກໍ່ບໍ່ມີຫຍັງຮັບປະກັນໄດ້, ຕ້ອງລອງເອງ ເຈັບເອງເຖິງຈະຮູ້. 

ແລ້ວຈະໃຊ້ຕົວໃດດີ? 

ໃຜທີ່ມີຄວາມຮູ້ທາງດ້ານໄອທີ ກໍ່ສາມາດຕັ້ງ Server ເອງໄດ້ເລີຍ ເຊິ່ງຄ່າເຊົ່າບໍລິການ Cloud ທຸກມື້ນີ້ກໍ່ບໍ່ແພງເລີຍ, Outline ຂອງ Google ກໍ່ເປັນອີກທາງເລືອກທີ່ສາມາດຕິດຕັ້ງລົງໃນເຊີເວີໄດ້ງ່າຍ ແຕ່ກໍ່ຈຳເປັນຕ້ອງມີຄວາມຮູ້ທາງດ້ານເຕັກນິກເລັກນ້ອຍ ເໝາະສຳລັບໃຜທີ່ຕ້ອງການຄວາມເປັນສ່ວນຕົວສູງ, ສາມາດປັບຕັ້ງ - ອອກແບບ - ສ້າງເງື່ອນໄຂການໃຊ້ງານໄດ້ເອງ. ສຳລັບໃຜທີ່ບໍ່ມີຄວາມຮູ້ ຫຼື ບໍ່ຕ້ອງການຕັ້ງ Server ເອງກໍ່ມີບໍລິການສຳເລັດຮູບໃຫ້ໃຊ້ງານໃນຮູບແບບແອັບມືຖື (ໂປຣແກຣມຄອມພິວເຕີກໍ່ມີໃຫ້ບໍລິການເຊັ່ນກັນ) ເຊັ່ນ: Warp ຫຼື ທີ່ຮູ້ຈັກກັນໃນຊື່ 1.1.1.1 ເຊິ່ງເປັນບໍລິການຟຣີຈາກ Cloudflare (ມີບໍລິການແບບເສຍເງິນ ເຊິ່ງຈະເພິ່ມຄວາມໄວຂຶ້ນໃນຊື່ບໍລິການ Warp+ ) ຫຼື ຫາກມີເງື່ອນໄຂກໍ່ສາມາດໃຊ້ບໍລິການ VPN ແບບເສຍເງິນອື່ນໆ, ທີ່ນິຍົມກັນກໍ່ໄດ້ແກ່ ExpressVPNNordVPNSurfshark ແລະ ອື່ນໆ ອີກຫຼາຍ. ກໍ່ຂຶ້ນກັບເພື່ອນໆ ວ່າຕ້ອງການໃຊ້ງານເຈົ້າໃດ, ໂດຍສ່ວນຕົວແລ້ວລອງແຕ່ຂອງຟຣີ ເພາະບໍ່ມີຄວາມລັບຫຍັງຫຼາຍ (ໃຜຢາກເປັນສະປອນເຊີໃຫ້ຣີວິວເຈົ້າໃດ ຕິດຕໍ່ທີມງານມ່ວນໄດ້ເດີ້ ຍິນດີເຈົ້າ…). 


ຂຽນໂດຍ: Nilavath 

ອ້າງອີງ: 

Advertisement Replay Ad
Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຫຼຽນມີສອງດ້ານສັນໃດ ສື່ສັງຄົມອອນລາຍກໍມີ "ດ້ານດີ - ດ້ານລົບ" ສັນນັ້ນ

ຫຼຽນມີສອງດ້ານສັນໃດ ສື່ສັງຄົມອອນລາຍກໍມີ "ດ້ານດີ - ດ້ານລົບ" ສັນນັ້ນ

ເປີດໃຫ້ສັ່ງຈອງແລ້ວມື້ນີ້! Huawei Y7a ລາຄາສຸດຄຸ້ມ ພ້ອມຈຸດເດັ່ນທີ່ທ່ານບໍ່ຄວນພາດເປັນເຈົ້າຂອງ

ເປີດໃຫ້ສັ່ງຈອງແລ້ວມື້ນີ້! Huawei Y7a ລາຄາສຸດຄຸ້ມ ພ້ອມຈຸດເດັ່ນທີ່ທ່ານບໍ່ຄວນພາດເປັນເຈົ້າຂອງ

ປັກ 3 ຂາ ທີ່ມາຂອງຄວາມຫຍຸ້ງຍາກ ຈິງແທ້ປະການໃດ?

ປັກ 3 ຂາ ທີ່ມາຂອງຄວາມຫຍຸ້ງຍາກ ຈິງແທ້ປະການໃດ?

7 ເຫດຜົນທີ່ທ່ານບໍ່ຄວນພາດຈະເປັນເຈົ້າຂອງ Huawei Nova 7 ສະມາດໂຟນ 5G

7 ເຫດຜົນທີ່ທ່ານບໍ່ຄວນພາດຈະເປັນເຈົ້າຂອງ Huawei Nova 7 ສະມາດໂຟນ 5G

ຮູ້ຈັກກັບ VPN ເຄື່ອງມືທີ່ຈະຊ່ວຍໃຫ້ສາຍມຸດທ່ອງອິນເຕີເນັດປອດໄພຂຶ້ນອີກເທົ່າຕົວ

ຮູ້ຈັກກັບ VPN ເຄື່ອງມືທີ່ຈະຊ່ວຍໃຫ້ສາຍມຸດທ່ອງອິນເຕີເນັດປອດໄພຂຶ້ນອີກເທົ່າຕົວ

ກ້ອງໂປຣຍັງຈຳເປັນບໍ່? ໃນເມື່ອກ້ອງມືຖືກໍ່ສາມາດຊູມຈົນເຫັນຮູຂຸມຂົນ

ກ້ອງໂປຣຍັງຈຳເປັນບໍ່? ໃນເມື່ອກ້ອງມືຖືກໍ່ສາມາດຊູມຈົນເຫັນຮູຂຸມຂົນ

Digital Marketing ແມ່ນຫຍັງ? ນີ້ແມ່ນສິ່ງທີ່ເຈົ້າຕ້ອງຮູ້ຖ້າຢາກເປັນນັກການຕະຫຼາດໃນຍຸກນີ້

Digital Marketing ແມ່ນຫຍັງ? ນີ້ແມ່ນສິ່ງທີ່ເຈົ້າຕ້ອງຮູ້ຖ້າຢາກເປັນນັກການຕະຫຼາດໃນຍຸກນີ້

ວາງຈຳໜ່າຍແລ້ວ! Huawei Watch GT2 Pro ມາພ້ອມ 12 ຟັງຊັນໂດດເດັ່ນ ດ້ວຍລະບົບການໃຊ້ງານອັດສະລິຍະ

ວາງຈຳໜ່າຍແລ້ວ! Huawei Watch GT2 Pro ມາພ້ອມ 12 ຟັງຊັນໂດດເດັ່ນ ດ້ວຍລະບົບການໃຊ້ງານອັດສະລິຍະ

ເບິ່ງຢູທູບຫຼາຍກາຍເວລາຫຼັບນອນ ນີ້ຄືວິທີຕັ້ງຄ່າໃຫ້ YouTube ເຕືອນເຮົາວ່າຮອດເວລາເຂົ້ານອນແລ້ວ

ເບິ່ງຢູທູບຫຼາຍກາຍເວລາຫຼັບນອນ ນີ້ຄືວິທີຕັ້ງຄ່າໃຫ້ YouTube ເຕືອນເຮົາວ່າຮອດເວລາເຂົ້ານອນແລ້ວ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ