ວັນພະຫັດ ທີ 26 ພະຈິກ 2020

10 ຄໍາພາສາຈີນ ຮູ້ແລ້ວຕົກຢູ່ມົນທົນໃດກໍ່ບໍ່ຢ້ານຕາຍ

10 ຄໍາພາສາຈີນ ຮູ້ແລ້ວຕົກຢູ່ມົນທົນໃດກໍ່ບໍ່ຢ້ານຕາຍ
S! Muan

ສະໜັບສະໜູນເນື້ອຫາ

ຈີນ ເປັນອີກໜຶ່ງພາສາທີ່ໄດ້ຮັບຄວາມນິຍົມໃນປັດຈຸບັນ ບໍ່ສະເພາະແຕ່ຂົງເຂດອາຊີອາຄະເນ ແຕ່ມັນແຜ່ລາມໄປທົ່ວໂລກ ແລະ ຖືເປັນພາສາທີ່ມີຜູ້ໃຊ້ຫຼາຍທີ່ສຸດໃນໂລກ (ປະມານການວ່າມີຄົນທົ່ວໂລກທີ່ໃຊ້ພາສາຈີນຫຼາຍກວ່າ 1 ພັນລ້ານຄົນ, ໃນນັ້ນລວມທັງຜູ້ຄົນທີ່ໃຊ້ພາສາຈີນເປັນພາສາຫຼັກ ແລະ ພາສາທີ່ສອງ), ພາສາອັງກິດທີ່ວ່າກັນວ່າເປັນພາສາກາງຂອງຄົນທົ່ວໂລກກໍ່ບໍ່ປານ, ຫາກທຽບໃຫ້ເຫັນພາບ ທຸກໆ 7-8 ຄົນໃດໃນໂລກ ຈະມີຄົນທີ່ໃຊ້ພາສາຈີນຢູ່ 1 ຄົນ (ອ້າງອີງຈາກຈຳນວນປະຊາກອນໂລກປີ 2019 ທີ່ມີປະມານ 7.7 ພັນລ້ານຄົນ, UN). 

ລັກສະນະທີ່ໂດດເດັ່ນຂອງພາສາຈີນ 

ພາສາຈີນ ນອກຈາກຈະເປັນພາສາທີ່ຖືກນຳໃຊ້ຫຼາຍທີ່ສຸດໃນໂລກແລ້ວ, ຍັງຂຶ້ນຊື່ໃນເລື່ອງຂອງຄວາມເກົ່າແກ່ (ອັກສອນຈີນຖືກນຳໃຊ້ມາຫຼາຍກວ່າ 3,000 ປີ) ແລະ ຄວາມຍາກໃນການຮຽນຮູ້ ທັງນີ້ກໍ່ມາຈາກຫຼາຍປັດໄຈ ເຊັ່ນ: ໄວຍາກອນທີ່ແຕກຕ່າງຈາກພາສາອື່ນ, ຕົວອັກສອນທີ່ຂຽນຍາກ, ຄວາມໝາຍຂອງຄຳເວົ້າຂຶ້ນກັບສຽງ (ຄ້າຍໆ ກັບສຽງວັນນະຍຸດໃນພາສາລາວ) ສຽງຕ່າງຄວາມໝາຍປ່ຽນ, ມີພາສາຈີນທີ່ເປັນພາສາທ້ອງຖິ່ນອີກຫຼາຍຮ້ອຍປະເພດ (ແຕ່ພາສາທີ່ໃຊ້ຫຼາຍທີ່ສຸດກໍ່ຍັງຄົງເປັນພາສາຈີນກາງ — Mandarin) ແລະ ປັດໄຈອື່ນໆ ອີກຫຼາຍ.

ແຕ່ບໍ່ຟ້າວຕົກໃຈ, ບໍ່ແມ່ນທຸກຄຳໃນພາສາຈີນຈະຍາກໄປໝົດ ມີບາງຄຳເປັນຄຳທີ່ສາມາດຈື່ໄດ້ງ່າຍ ຮຽນຮູ້ໄດ້ໄວ ເພາະຕົວອັກສອນເປັນການຮຽນແບບສິ່ງທີ່ມີໃນທຳມະຊາດ ເຊັ່ນ: ຄຳວ່າ 月 (Yue) ທີ່ມີຄວາມໝາຍວ່າເດືອນ ກໍ່ເປັນການສ້າງຕົວອັກສອນມາຈາກຈິນຕະນາການຂອງຮູບຮ່າງຂອງດວງເດືອນ (ເດືອນສ້ຽວເດີ້ ບໍ່ແມ່ນເດືອນເພັງ, ດຽວຈະພາກັນມາຖຽງວ່າມັນຄືບ່ອນໃດ ຮ່າໆ), ຫຼື ຄຳວ່າ 林 (Lin) ທີ່ມີຄວາມໝາຍວ່າປ່າໄມ້ ທີ່ໄດ້ແຮງບັນດານໃຈມາຈາກຕົ້ນໄມ້ ແລະ ອື່ນໆ ອີກຫຼາຍ.

ເມື່ອເລີ່ມຮຽນ ການຂຽນອັກສອນຈີນ ອາດເປັນໜຶ່ງໃນສິ່ງທີ່ຍາກທີ່ສຸດ, ແຕ່ເມື່ອຮູ້ຫຼັກການຂອງການຂຽນຕົວອັກສອນຈີນແລ້ວ ເພື່ອນໆ ຈະຮູ້ສຶກວ່າມັນບໍ່ໄດ້ຍາກຈົນເກີນໄປ ໂດຍຫຼັກການທີ່ຕ້ອງຈື່ໃຫ້ຂຶ້ນໃຈຄື ຂີດຈາກຊ້າຍໄປຂວາ, ເທິງລົງລຸ່ມ. ສ່ວນໃຜທີ່ສົງໄສວ່າຈະພິມໃນຄອມພິວເຕີ ຫຼື ໃນໂທລະສັບແນວໃດນັ້ນ, ການພິມພາສາຈີນຈະໃຊ້ການສະກົດສຽງທີ່ເອີ້ນວ່າ Pinyin (ແບບດຽວກັນກັບທີ່ໄວລຸ້ນລາວເຮົາພິມພາສາຄາຣາໂອເກະນັ້ນແຫຼະ). 

ຄຳພື້ນຖານທີ່ຄວນຮູ້ຈັກ 

ບໍ່ວ່າຈະເປັນນັກຮຽນ - ນັກສຶກສາທີ່ຕ້ອງການຮຽນພາສາຈີນ, ນັກທ່ອງທ່ຽວ ທີ່ມີແຜນຈະໄປທ່ຽວຈີນແຜ່ນດິນໃຫຍ່ ຫຼື ແມ່ນແຕ່ນັກທຸລະກິດທີ່ຕ້ອງການຕິດຕໍ່ວຽກງານກັບໂຮງງານທີ່ຂຶ້ນຊື່ວ່າມີແຮງງານທີ່ຖືກທີ່ສຸດໃນໂລກໜຶ່ງແຫ່ງຢ່າງປະເທດຈີນ ກໍ່ຄວນຮູ້ຈັກຄຳພື້ນຖານ ທີ່ຈະເຮັດໃຫ້ຫຼາຍໆ ຢ່າງນັ້ນງ່າຍຂຶ້ນ, ສ່ວນວ່າຈະມີຄຳຫຍັງແດ່ ເຮົາມາເບິ່ງນຳກັນເລີຍ:

  • 你好 — ເປັນຄຳທີ່ໃຊ້ໃນການທັກທາຍສະບາຍດີ ສາມາດໃຊ້ໄດ້ທຸກກາລະໂອກາດ, ເປັນຄຳທຳອິດທີ່ເພື່ອນໆ ຈະຕ້ອງໄດ້ຮຽນບໍ່ວ່າຈະເປັນພາສາໃດກໍ່ຕາມ ແລະ ເຊື່ອວ່າຫຼາຍໆ ຄົນທີ່ອ່ານບົດຄວາມນີ້ຢູ່ກໍ່ໜ້າຈະຮູ້ຈັກຄຳນີ້ກັນໝົດແລ້ວ. 
  • 再见 — ລາກ່ອນ 

 

  • 谢谢 — ຂອບໃຈ 
  • 不客气 — ບໍ່ເປັນຫຍັງ (ດ້ວຍຄວາມຍິນດີ), ໃຊ້ຕອບກັບເມື່ອມີຄົນກ່າວຂອບໃຈເຮົາ ເພື່ອສະແດງເຖິງຄວາມເຕັມໃຈທີ່ເຮັດສິ່ງໃດໜຶ່ງໄປ 

 

  • 是 — ແມ່ນ 
  • 不是 — ບໍ່ແມ່ນ 

 

  • 我要 — ຂ້ອຍຢາກໄດ້ (ຂ້ອຍຕ້ອງການ) 

 

  • 多少 — ລາຄາເທົ່າໃດ? 
  • 很贵 — ແພງແທະ! 
  • 便宜一点 — ຫຼຸດໃຫ້ແນ່... 

 

  • 啤酒 — ເບຍ (ບໍ່ໄດ້ສົ່ງເສີມໃຫ້ດື່ມສິ່ງມືນເມົາເດີ້ ຫຼີກໄດ້ຫຼີກ, ແຕ່ສຳລັບໃຜທີ່ໄປທ່ຽວກໍ່ຄົງຍາກຈະທົດລອງຊີມເລັກໆ ນ້ອຍໆ, ແນວໃດກໍ່ກິນຢ່າງມີສະຕິແລ້ວກັນ) 
  • 干杯 — ໝົດຈອກ (ຄົງບໍ່ຈຳເປັນຕ້ອງອະທິບາຍເນາະ) 
  • 水 — ນ້ຳ 

 

  • 可乐 — ໂຄກ (Coke), ສຳລັບໃຜທີ່ບໍ່ແມ່ນສາຍເມົາ 
  • 珍珠奶茶 — ຊານົມໄຂ່ມຸກ ສຳລັບສາຍຫວານ 

 

  • 卫生间 — ຫ້ອງນ້ຳ, ອັນນີ້ຂາດບໍ່ໄດ້ (ແຕ່ກໍ່ຄືທີ່ຮູ້ໆ ກັນວ່າບາງບ່ອນຫ້ອງນ້ຳກໍ່ຂຶ້ນຊື່ເຫຼືອເກີນ, ສາຍທ່ອງທ່ຽວຕ້ອງທຳໃຈ ຖືກບ່ອນດີກໍ່ດີໄປ…ຮ່າໆ) 

 

  • 救命! — ຊ່ວຍແດ່! (Help!) 
  • 交警擦 — ເອີ້ນຕຳຫຼວດ, ຍາມສຸກເສີນອາດຊ່ວຍໄດ້ 

 

  • 老挝大使馆 — ສະຖານທູດລາວ (ໃຜທີ່ໄປທ່ອງທ່ຽວ ກໍ່ແນະນຳໃຫ້ຫາຂໍ້ມູນເບີໂທລະສັບ, ທີ່ຢູ່ສະຖານທູດຕິດຖົງໄວ້ກໍ່ດີ ເພື່ອເກີດເຫດສຸກເສີນຕ້ອງການຄວາມຊ່ວຍເຫຼືອ, ເອົາເປັນວ່າກັນໄວ້ດີກວ່າແກ້ເນາະ) 

ອ່ະ ກາຍ 10 ຄຳກະຖືວ່າເປັນຂອງແຖມລະກັນ, ຍັງມີອີກຫຼາຍຄຳທີ່ມີປະໂຫຍດ ຈັ່ງໃດກໍ່ລອງຝຶກໆ ກັນຫຼິ້ນໆ ເບິ່ງ, ໄດ້ມື້ລະຄຳ ສອງຄຳ ບໍ່ແນ່ອາດຈະກາຍເປັນນາຍແປພາສາໃນອະນາຄົດກໍ່ເປັນໄດ້. 

ສ່ວນສຳລັບໃຜທີ່ຢາກຮຽນແບບຈິງ ໆ ຈັງ ໆ ກໍ່ແນະນຳໃຫ້ Take course ຫຼື ສາມາດເລີ່ມຮຽນໄດ້ດ້ວຍຕົນເອງ, ຫາກບໍ່ຮູ້ຈະເລີ່ມຈາກໃສ ລອງດາວໂຫຼດແອັບຮຽນພາສາ Duolingo ມາລອງໄດ້, ມີຫຼາຍໆ ພາສາໃຫ້ເລືອກຮຽນ ແລະ ເປັນຈຸດເລີ່ມຕົ້ນທີ່ດີສຳລັບຜູ້ທີ່ຕ້ອງການຮຽນຮູ້ພາສາຕ່າງປະເທດ ດາວໂຫຼດຟຣີທັງລະບົບ Android ແລະ iOS. 

Android ດາວໂຫຼດ | iOS ດາວໂຫຼດ 


ຂຽນໂດຍ: Nilavath

ພາບ: Lisanto 李奕良 / Unsplash

ອ້າງອີງ:

Advertisement Replay Ad
7 ປະເພດຄຳທີ່ຄວນຫຼີກເວັ້ນເມື່ອເຮັດວຽກກັບເພື່ອນຮ່ວມງານ

7 ປະເພດຄຳທີ່ຄວນຫຼີກເວັ້ນເມື່ອເຮັດວຽກກັບເພື່ອນຮ່ວມງານ

ໝາ 5 ສາຍພັນທີ່ສາມາດລ້ຽງຮ່ວມກັບເດັກນ້ອຍໄດ້

ໝາ 5 ສາຍພັນທີ່ສາມາດລ້ຽງຮ່ວມກັບເດັກນ້ອຍໄດ້

ຜົນປະໂຫຍດດີມີໃນອາກາດໜາວ

ຜົນປະໂຫຍດດີມີໃນອາກາດໜາວ

8 ແຂວງ 8 ສະຖານທີ່ທ່ອງທ່ຽວທາງພາກເໜືອ ຖ້າຍັງບໍ່ເຄີຍໄປ ຕ້ອງລອງຈັກຄັ້ງໃນຊີວິດ

8 ແຂວງ 8 ສະຖານທີ່ທ່ອງທ່ຽວທາງພາກເໜືອ ຖ້າຍັງບໍ່ເຄີຍໄປ ຕ້ອງລອງຈັກຄັ້ງໃນຊີວິດ

ອົດເຂົ້າແລງ ງົດຂອງຫວານ ກິນຜັກ -- ວ່າດ້ວຍເລື່ອງຂອງການຄວບຄຸມນໍ້າໜັກ

ອົດເຂົ້າແລງ ງົດຂອງຫວານ ກິນຜັກ -- ວ່າດ້ວຍເລື່ອງຂອງການຄວບຄຸມນໍ້າໜັກ

ລວມເຕັກນິກການແຕ່ງໂຕແບບທ່ານຊາຍ ຮັບຮອງວ່າງານນີ້ cool ແນ່ນອນ

ລວມເຕັກນິກການແຕ່ງໂຕແບບທ່ານຊາຍ ຮັບຮອງວ່າງານນີ້ cool ແນ່ນອນ

ສະຖານທີ່ທ່ຽວແບບກາງເຕັ້ນນອນຊົມດາວໃນລາວ ທີ່ໜ້າໜາວນີ້ບໍ່ຄວນພາດ

ສະຖານທີ່ທ່ຽວແບບກາງເຕັ້ນນອນຊົມດາວໃນລາວ ທີ່ໜ້າໜາວນີ້ບໍ່ຄວນພາດ

ເອົາໃຈສາຍປູກ ລະດູນີ້ປູກຫຍັງດີ ຈຶ່ງຈະເໝາະສົມກັບສະພາບອາກາດ?

ເອົາໃຈສາຍປູກ ລະດູນີ້ປູກຫຍັງດີ ຈຶ່ງຈະເໝາະສົມກັບສະພາບອາກາດ?

ຊະນະເກີນລ້ານຖ້ານຳສະເໜີບົດດ້ວຍ 7 ວີທີນີ້

ຊະນະເກີນລ້ານຖ້ານຳສະເໜີບົດດ້ວຍ 7 ວີທີນີ້

5 ໜັງສືສ້າງແຮງບັນດານໃຈສຳລັບຄົນທີ່ກຳລັງທໍ້ ແລະ ໝົດໄຟ ໃຫ້ລຸກຂຶ້ນມາເຂັ້ມແຂງອີກຄັ້ງ

5 ໜັງສືສ້າງແຮງບັນດານໃຈສຳລັບຄົນທີ່ກຳລັງທໍ້ ແລະ ໝົດໄຟ ໃຫ້ລຸກຂຶ້ນມາເຂັ້ມແຂງອີກຄັ້ງ

ງານດີ ເພງມ່ວນ ແນະນຳ 10 ເພງສາກົນຄວາມໝາຍດີໆ ສຳລັບເປີດໃນງານແຕ່ງດອງ

ງານດີ ເພງມ່ວນ ແນະນຳ 10 ເພງສາກົນຄວາມໝາຍດີໆ ສຳລັບເປີດໃນງານແຕ່ງດອງ

ກາເຟ "ເຄື່ອງດື່ມທີ່ບໍ່ໄດ້ເໝາະກັບທຸກຄົນ"

ກາເຟ "ເຄື່ອງດື່ມທີ່ບໍ່ໄດ້ເໝາະກັບທຸກຄົນ"

8 ກຸ່ມອາຊີບມາແຮງ ທີ່ຄາດວ່າຈະເປັນທີ່ຕ້ອງການຫຼາຍຂຶ້ນໃນອະນາຄົດ ບອກເລີຍສາຍ TECH ມາເຕັມ!

8 ກຸ່ມອາຊີບມາແຮງ ທີ່ຄາດວ່າຈະເປັນທີ່ຕ້ອງການຫຼາຍຂຶ້ນໃນອະນາຄົດ ບອກເລີຍສາຍ TECH ມາເຕັມ!

ເຄັດລັບຄວາມສຳເລັດຈາກຜູ້ຊາຍທີ່ໄດ້ຊື່ວ່າ ຄົນເຫຼັກ ARNOLD SCHWARZENEGGER

ເຄັດລັບຄວາມສຳເລັດຈາກຜູ້ຊາຍທີ່ໄດ້ຊື່ວ່າ ຄົນເຫຼັກ ARNOLD SCHWARZENEGGER

ເມນູລະດູໜາວ ແຊບແຖມຍັງເຮັດງ່າຍ ໃຊ້ວັດຖຸດິບຈາກທ້ອງຖິ່ນ

ເມນູລະດູໜາວ ແຊບແຖມຍັງເຮັດງ່າຍ ໃຊ້ວັດຖຸດິບຈາກທ້ອງຖິ່ນ

ຄ່າດອງຄ້າງ ຖ້າຜົວ-ເມຍຢ່າຮ້າງກັນ ຕ້ອງໄດ້ຈ່າຍບໍ່?

ຄ່າດອງຄ້າງ ຖ້າຜົວ-ເມຍຢ່າຮ້າງກັນ ຕ້ອງໄດ້ຈ່າຍບໍ່?

10 ຄໍາພາສາຈີນ ຮູ້ແລ້ວຕົກຢູ່ມົນທົນໃດກໍ່ບໍ່ຢ້ານຕາຍ

10 ຄໍາພາສາຈີນ ຮູ້ແລ້ວຕົກຢູ່ມົນທົນໃດກໍ່ບໍ່ຢ້ານຕາຍ

ທັງງາມ ທັງເກັ່ງ ໂສດໄດ້ແນວໃດ!? 5 ເຫດຜົນທີ່ຜູ້ຍິງເລືອກທີ່ຈະເປັນໂສດຫຼາຍກວ່າມີແຟນ

ທັງງາມ ທັງເກັ່ງ ໂສດໄດ້ແນວໃດ!? 5 ເຫດຜົນທີ່ຜູ້ຍິງເລືອກທີ່ຈະເປັນໂສດຫຼາຍກວ່າມີແຟນ

"ທໍາມິດສາຈານ" ມີຜົວເມຍແລ້ວຍັງໄປເສບສົມກັບຄົນອື່ນ ບາງບັນຫາທີ່ຫຼາຍຄົນຍັງເຂົ້າໃຈຜິດ

"ທໍາມິດສາຈານ" ມີຜົວເມຍແລ້ວຍັງໄປເສບສົມກັບຄົນອື່ນ ບາງບັນຫາທີ່ຫຼາຍຄົນຍັງເຂົ້າໃຈຜິດ

ກິ່ນປາກ ຫຼື ປາກເໝັນ ເກີດຈາກຫຍັງ?

ກິ່ນປາກ ຫຼື ປາກເໝັນ ເກີດຈາກຫຍັງ?

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ