ວັນພະຫັດ ທີ 5 ສິງຫາ 2021

ສັງລວມສິ່ງທີ່ມະນຸດເງິນເດືອນໄດ້ພົບພໍ້ຈາກປີ 2020 ກ່ອນຈະໝົດປີ

ສັງລວມສິ່ງທີ່ມະນຸດເງິນເດືອນໄດ້ພົບພໍ້ຈາກປີ 2020 ກ່ອນຈະໝົດປີ
S! Muan

ສະໜັບສະໜູນເນື້ອຫາ

ບໍ່ຄຶດບໍ່ຝັນເລີຍວ່າ ວຽກປະຈຳຂອງຜູ້ຂຽນເຊິ່ງເປັນວຽກກ່ຽວກັບການບໍລິການ ທີ່ໃຜກໍຄິດວ່າຫມັ້ນຄົງ ແລະ ເງິນເດືອນດີ ຈະມາພົບກັບຈຸດທີ່ຢຸດສະຫງັກແບບບໍ່ມີສັນຍານເຕືອນເລີຍ... 

ຍ້ອນສາເຫດຂອງພະຍາດລະບາດທີ່ແຜ່ລາມຢ່າງໄວວາໄປເກືອບທົ່ວໂລກໃນໄລຍະທ້າຍປີ 2019,​ ກໍຄືພະຍາດລະບາດໄວຣັດ COVID-19.​ ເຮັດໃຫ້ທຸກປະເທດໃນໂລກໄດ້ຮີບຮ້ອນປິດປະເທດຂອງຕົນ ຄົນໃນຫ້າມອອກ ຄົນນອກຫ້າມເຂົ້າ.​ ເວົ້າສະເພາະກໍຄືປະເທດລາວເຮົາ,​ ເມື່ອເຫັນຂ່າວທີ່ເລີ່ມມີການລະບາດຮຸນແຮງຂອງເຊື້ອໄວຣັດໃນໄລຍະຕົ້ນປີ 2020 ທາງການລາວເຮົາກໍໄດ້ສັ່ງໂຈະການເດີນທາງເຂົ້າ-ອອກປະເທດ ປິດທັງດ່ານສາກົນ ແລະດ່ານປະເພນີ,​ ດ້ວຍຄວາມເປັນຫ່ວງປະຊາຊົນລາວ ເພິ່ນກໍໄດ້ຮຽກຮ້ອງໃຫ້ພວກເຮົາ ຢຸດເຊື້ອເພື່ອຊາດ ດ້ວຍການຢູ່ເຮືອນ ຕາມແຈ້ງການສະບັບເລກທີ 06/ນຍ.​

ໃນເມື່ອການສັນຈອນແລະການພົວພັນວຽກງານຕ່າງໆທຸກຢ່າງໄດ້ຢຸດສະຫງັກລົງ ເຮັດໃຫ້ປະຊາຊົນຫຼາຍຄົນພົບຄວາມເດືອດຮ້ອນ,​ ນັກທ່ອງທ່ຽວຕົກຄ້າງບໍ່ສາມາດເດີນທາງກັບຄືນພູມລຳເນົາ,​ ບາງຄົນຖືກເຊົາຈ້າງເຮັດວຽກ,​ ບາງຄົນກໍຫາເຊົ້າກິນຄ່ຳ ມື້ໃດບໍ່ອອກເຮືອນໄປເຮັດວຽກ ຫຼື ທຳມາຄ້າຂາຍກໍບໍ່ມີເງິນ,​ ແລ້ວຍັງມີຫນີ້ສິນຄ່າໄຟຟ້ານ້ຳປະປາພ້ອມຄ່າເຊົ່າຕ່າງໆທີ່ຕ້ອງຊຳລະໃນແຕ່ລະເດືອນກໍມາລໍຖ້າ ລວມທັງລູກເຕົ້າພໍ່ແມ່ຜູ້ເຖົ້າຜູ້ແກ່ທີ່ຕ້ອງໄດ້ດູແລນຳອີກ. 

ພະຍາດລະບາດນີ້ໄດ້ສົ່ງຜົນກະທົບໂດຍກົງຕໍ່ການທ່ອງທ່ຽວ,​ ມີປະຊາຊົນລາວຈຳນວນບໍ່ຫນ້ອຍໃນເຂດເມືອງທ່ອງທ່ຽວທີ່ໄດ້ຢຶດຖືອາຊີບການບໍລິການເພື່ອລ້ຽງຊີບເຊັ່ນ ລົດຮັບຈ້າງ,​ ບໍລິສັດທົວ,​ ຮ້ານສະປາ,​ ບ້ານພັກແລະໂຮງແຮມ,​ຮ້ານອາຫານ ລວມໄປເຖິງພະນັກງານດ້ານວຽກບໍລິການຕ່າງໆກໍບໍ່ມີວຽກເຮັດພ້ອມທັງໂຕຜູ້ຂຽນເອງ ທາງບໍລິສັດກໍໄດ້ປະກາດການຢຸດເຮັດວຽກ. ໃນເມື່ອບໍ່ມີວຽກເຮັດແນ່ນອນວ່າລາຍໄດ້ກໍຫຼຸດລົງ. ແຕ່ກົງກັນຂ້າມ, ພາລະທາງບ້ານແລະລາຍຈ່າຍຕ່າງໆຊ້ຳພັດເພີ່ມຂຶ້ນ,​ ຈຶ່ງຕ້ອງໄດ້ຊອກຫາວຽກເສີມເຮັດ ແລະ ຄ່ອຍໆຂາຍເຄື່ອງທີ່ຕົນເອງບໍ່ໄດ້ໃຊ້ແລ້ວຕາມຕະຫຼາດນັດໃນມື້ທີ່ບໍ່ໄດ້ໄປການ. 

ເມື່ອເຮົາເບິ່ງໂດຍລວມທົ່ວໂລກ,​ ຂ່າວທີ່ເຮົາໄດ້ເຫັນການປະກາດປິດກິດຈະການ,​ ການລົ້ມລະລາຍຂອງບັນດາໂຮງງານ,​ ບໍລິສັດ ແລະ ສາຍການບິນຕ່າງໆ,​ ບາງບ່ອນຈຳຕ້ອງຮັກສາຄວາມຢູ່ລອດຂອງອົງກອນດ້ວຍການຫຼຸດຈຳນວນພະນັກງານລົງ ຢຸດການຈ້າງງານ.​ ໃນເມື່ອເປັນເຊື້ອພະຍາດສາຍພັນໃຫມ່ ຈຶ່ງບໍ່ທັນມີຢາຮັກສາ ແລະ ຕ້ານເຊື້ອ,​ ແຕ່ມີການຮັກສາຕາມອາການ ແລະ ກໍມີຜູ້ຕິດເຊື້ອຫຼາຍຄົນຫາຍດີຈາກການປິ່ນປົວ,​ ໃນເມື່ອການຄິດຄົ້ນຜະລິດວັກຊີນຕ້ອງໃຊ້ເວລາຈຶ່ງເຮັດໃຫ້ການຄວບຄຸມລະມັດລະວັງການແຜ່ເຊື້ອແກ່ຍາວມາເປັນເວລາຫຼາຍເດືອນ.

ສາຍການບິນເວີຈິນອອສເຕຣເລຍແອລາຍເປັນອີກໜຶ່ງສາຍການບິນທີ່ປະກາດລົ້ມລະລາຍ / AFP Photo/Saeed KHAN

ເມື່ອພະຍາດ COVID-19 ເປັນພະຍາດລະບາດທີ່ສາມາດກາຍພັນໄດ້ເພື່ອຄວາມຢູ່ລອດຂອງໂຕມັນເອງ ຈຶ່ງເຮັດໃຫ້ມີຄົນຕິດເຊື້ອພະຍາດນີ້ໄປແລ້ວ 40 ກວ່າລ້ານຄົນທົ່ວໂລກ ແລະ ຍັງມີເພີ່ມຂຶ້ນທຸກມື້,​ ຫຼາຍໆຄົນກໍໄດ້ລະມັດລະວັງຮັກສາຄວາມສະອາດຮັກສາຕົນເອງຕາມຄຳແນະນຳຈາກທາງອົງການອະນາໄມໂລກ-ແພດຫມໍ ແລະ ຕິດຕາມຂ່າວຢ່າງໃກ້ຊິດຕະຫຼອດມາກ່ຽວກັບສາເຫດຂອງການແຜ່ລະບາດລວມທັງຂ່າວຜົນກະທົບຂອງພະຍາດລະບາດຊະນິດນີ້.​ ເຖິງວ່າການແຜ່ລະບາດຂອງເຊື້ອໄວຣັດ COVID-19 ​ຈະສ້າງຄວາມເດືອດຮ້ອນໃຫ້ກັບທຸກຄົນທົ່ວໂລກຢ່າງມະຫາສານ,​ ແຕ່ປະເທດລາວເຮົາເປັນປະເທດທີ່ໂຊກດີທີ່ເຮົາບໍ່ໄດ້ສູນເສຍເພື່ອນຮ່ວມຊາດຈາກພະຍາດລະບາດ,​ ຫນ້າຊົມເຊີຍທີ່ຄົນລາວທຸກຄົນເອົາໃຈໃສ່ປະຕິບັດຕາມຄຳສັ່ງຂອງທາງການ ແລະສ າມັກຄີກັນຮັກສາການຕ້ານພະຍາດໄດ້ດີດ້ວຍການຢູ່ເຮືອນບໍ່ພົບປະສັງສັນ.​ 

ຖ້າເບິ່ງອີກມຸມໜຶ່ງ ເຮົາກໍເຫັນວ່າມັນໄດ້ຊ່ວຍເຮັດໃຫ້ຊີວິດເຮົາປ່ຽນແປງໄປຫຼາຍຂຶ້ນ ຈາກທີ່ເຄີຍອອກເຮືອນໄປເຮັດວຽກທຸກມື້ ກໍໄດ້ມີເວລາຢູ່ເຮືອນເຮັດກິດຈະກຳຮ່ວມກັບຄົນໃນຄອບຄົວຫຼາຍຂຶ້ນ,​ ມີເວລາອອກກຳລັງກາຍ,​ ຈາກທີ່ມັກຊື້ອາຫານກິນ ກໍໄດ້ມີເວລາລົງມືແຕ່ງກິນເອງຈົນເກີດມີອາຊີບເສີມຈາກການຂາຍອາຫານຜ່ານທາງອອນລາຍ,​ ກິດຈະການການຂົນສົ່ງທັງທາງໃກ້ ແລະ ໄກມີທ່າແຮງເຕີບໂຕຂຶ້ນ ຊ່ວຍໃຫ້ຄົນທີ່ວ່າງງານຍັງມີຫົນທາງສ້າງລາຍຮັບໃຫ້ແກ່ຕົນເອງ ຈາກທີ່ເຄີຍຫຼິ້ນກິນຟຸມເຟືອຍໃນຍາມຫາເງິນໄດ້ ກໍໄດ້ຮູ້ຈັກການປະຢັດມີສະຕິຕໍ່ການໃຊ້ຈ່າຍ.​ ປັດຈຸບັນໃກ້ຈະຫມົດປີ 2020 ແລ້ວ,​ທຸກຄົນທົ່ວໂລກກໍຍັງຄົງລໍຄອຍວັກຊີນຕ້ານພະຍາດຊະນິດນີ້,​ ພວກເຮົາລໍຖ້າຟັງຂ່າວດີດ້ວຍຄວາມຫວັງທີ່ຢາກຈະໃຫ້ສະຖານະການອ້ອມຂ້າງ ແລະ ທົ່ວໂລກນີ້ໄດ້ກັບມາເປັນປົກກະຕິ.

ສຸດທ້າຍນີ້ ຜູ້ຂຽນເອງກໍຍັງລໍຄອຍຢ່າງໃຈຈົດໃຈຈໍ່ວ່າສະຖານະການທຸກຢ່າງຈະກັບມາດີຂຶ້ນ,​ ຄອງຄອຍມື້ທີ່ຈະໄດ້ໄປເຮັດວຽກເປັນປົກກະຕິໄວໆ ແລະຂໍເປັນກຳລັງໃຈໃຫ້ແກ່ຜູ້ອ່ານບົດຄວາມທຸກທ່ານ ຈົ່ງຢ່າໄດ້ທໍ້ຖອຍ ຈົ່ງສູ້ໄປນຳກັນ ຢູ່ເປັນກຳລັງໃຈໃຫ້ແກ່ຄົນໃນຄອບຄົວກໍຄືຄົນຮັກຂອງທ່ານໃຫ້ມີແຮງໃຈຕໍ່ສູ້ຝ່າຟັນອຸປະສັກຂອງປີນີ້ໃຫ້ຜ່ານພົ້ນໄປໄດ້ດ້ວຍດີ ແລະອາກາດຫນາວກໍຍັບມໍ່ມາຮອດແລ້ວ,​ ຂໍໃຫ້ທຸກທ່ານຈົ່ງຮັກສາສຸຂະພາບໃຫ້ປອດໄພຈາກໂລກໄພຕ່າງໆທີ່ມາກັບຍາມຫນາວນີ້.​ 


ບົດຄວາມໂດຍ ແມວສີສົ້ມ

ແຫຼ່ງອ້າງອີງ:

Advertisement Replay Ad
ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ