ວັນຈັນ ທີ 20 ກັນຍາ 2021

ເປີດນະໂຍບາຍ "ໂດນັລ ທຣຳ" ແລະ "ໂຈ ໄບເດນ" ໃນການເລືອກຕັ້ງປະທານາທິບໍດີສະຫະລັດ 2020

ເປີດນະໂຍບາຍ "ໂດນັລ ທຣຳ" ແລະ "ໂຈ ໄບເດນ" ໃນການເລືອກຕັ້ງປະທານາທິບໍດີສະຫະລັດ 2020
S! Muan

ສະໜັບສະໜູນເນື້ອຫາ

ອີກ 1 ມື້​ເທົ່າ​ນັ້ນ ທົ່ວໂລກ​ກໍ​ຈະ​ໄດ້​ຮູ້​ກັນ​ແລ້ວ​ວ່າ​ໃຜ​ຈະ​ຂຶ້ນ​ມາ​ເປັນ​ປະ​ທາ​ນາທິບໍດີຄົນ​ຫຼ້າສຸດຂອງ ລະຫວ່າງ “ປະ​ທາ​ນາທິບໍດີ ໂດນັລ ທຣຳ” ຈາກ​ພັນ​ຄຣີ​ພັບ​ລິ​ກັນ ຫຼື “ໂຈ ໄບ​ເດນ” ຜູ້​ສະໝັກຊີງ​ຕຳແໜ່ງ​ປະທານາທິບໍດີ ຕົວ​ແທນ​ຈາກ​ພັກ​ເດ​ໂມ​ແຄຣດ.

ໃນ​ຂະນະ​ນີ້ ທັງ 2 ພັກ​ຕ່າງ​ເລັ່ງ​ເຄື່ອງເດີນ​ໜ້າ​ຫາ​ສຽງ​ເພື່ອໄຊ​ຊະນະ ແຕ່​ກ່ອນ​ທີ່​ເຮົາ​ຈະ​ໄດ້​ຮູ້​ຜົນ​ໃນ​ວັນທີ 3 ພະຈິກ ​ທີ່​ຈະ​ເຖິງ​ນີ້ muan.la ໄດ້​ລວບລວມ​ນະໂຍບາຍ​ໃນ 8 ປະ​ເດັນ​ຫຼັກ​ຂອງ 2 ຜູ້​ລົງຊີງ​ຕຳແໜ່ງປະທານາທິບໍດີສະຫະລັດ ມາ​ຝາກ​ກັນ.


ໄວລັດ​ໂຄ​ໂຣ​ນາ 

ໂດນັລ ທຣຳ 

ທຣຳ ຈັດ​ຕັ້ງ​ກອງ​ກຳ​ລັງໄວຣັດ​ໂຄ​ໂຣ​ນາ​ຂຶ້ນ ໃນ​ໄລຍະ​ປາຍ​ເດືອນ​ມັງກອນ 2020 ເຊິ່ງ​ທ່ານ​ລະບຸວ່າ ໄດ້​ປ່ຽນ​ແປງ​ເປົ້າ​ໝາຍ​ການ​ເຮັດ​ວຽກ​ໄປ​ສູ່ “ຄວາມ​ປອດໄພ ແລະ ​ການ​ເປີດ​ປະເທດ​ຂອງ​ເຮົາ”. ທຣຳ ຍັງ​ໃຫ້​ຄວາມ​ສຳຄັນ​ກັບ​ການ​ພັດທະນາ​ການປິ່ນປົວ ​ແລະ ​ວັກ​ຊີນ​ເພື່ອ​ປ້ອງ​ກັນ​ພະຍາດໄວຣັດ​ໂຄ​ໂຣ​ນາ ໂດຍ​ທຸ້ມ​ເງິນຫຼາຍກວ່າ​ 10 ຕື້ໂດລາສະຫະລັດ ກັບ​ໂຄງ​ການ​ນີ້.

ໂຈ ໄບ​ເດນ

ໄບ​ເດນ ​ຕ້ອງ​ການ​ຈັດ​ຕັ້ງ​ໂຄງ​ການ​ກວດ​ສອບ​ຫາ​ການ​ຕິດ​ເຊື້ອ​ແຫ່ງ​ຊາດ​ຂຶ້ນ ໂດຍ​ຕັ້ງ​ສູນ​ກວດ​ຫາ​ເຊື້ອ​ພະຍາດ​ຢ່າງ​ນ້ອຍ 10 ຈຸດ​ໃນ​ທຸກລັດ​ຂອງສະຫະລັດ ແລະ​ ໃຫ້​ບໍລິການ​ກວດ​ຫາ​ເຊື້ອໄວຣັດ​ໂຄ​ໂຣ​ນາ​ແກ່​ປະຊາຊົນ​ທຸກ​ຄົນ​ໂດຍ​ບໍ່​ເສຍ​ຄ່າ​ໃຊ້​ຈ່າຍ. ທັງ​ນີ້ ທ່ານ​ຍັງ​ສະໜັບ​ສະໜຸນ​ການ​ໃສ່ຜ້າອັດປາກ-ດັງ​ໃນ​ທີ່​ສາທາລະນະ​ອີກ​ດ້ວຍ.


ສິ່ງ​ແວດ​ລ້ອມ

ໂດນັລ ທຣຳ

ທຣຳ ມີ​ຄວາມ​ສົງໄສເລື່ອງ​ການ​ປ່ຽນ​ແປງ​ສະພາບ​ອາ​ກາດ ແລະ ​ຕ້ອງ​ການ​ຂະຫຍາຍ​ການ​ໃຊ້​ພະລັງ​ງານ​ສິ້ນ​ເປືອງ ໂດຍ​ຕັ້ງ​ເປົ້າ​ທີ່​ຈະ​ເພີ່ມ​ອັດຕາ​ການ​ເຈາະ​ຫາ​ນ້ຳ​ມັນ​ ແລະ ກາສ ພ້ອມ​ກັນ​ນີ້​ຍັງ​ຫຼຸດ​ນະໂຍບາຍ​ການ​ປົກ​ປ້ອງ​ສະພາບ​ແວດ​ລ້ອມ​ລົງ. ນອກ​ຈາກ​ນີ້ ທຣຳ ຍັງ​ຖອນ​ຕົວ​ອອກຈາກ​ຂໍ້ຕົກລົງປາຣີສ (Paris Agreement) ເຊິ່ງ​ເປັນ​ຂໍ້​ຕົກລົງ​ນານາ​ຊາດ​ດ້ານ​ການ​ປ່ຽນ​ແປງ​ສະພາບ​ພູມອາ​ກາດ ໂດຍສະຫະລັດຈະ​ອອກຈາກ​ການ​ເປັນ​ປະເທດ​ສະມາຊິກ​ຢ່າງ​ເປັນ​ທາງ​ການ​ໃນ​ໄລຍະ​ປາຍ​ປີ​ນີ້.

ໂຈ ໄບ​ເດນ

ໄບ​ເດນ​ ລະບຸວ່າ ທັນ​ທີ​ທີ່​ທ່ານ​ໄດ້ຮັບ​ເລືອກ​ໃຫ້ເປັນ​ປະທານາທິບໍດີ ທ່ານ​ຈະ​ເຂົ້າ​ຮ່ວມ​ໃນ​ຂໍ້ຕົກລົງປາຣີສ​ອີກ​ເທື່ອ ໂດຍ​ທ່ານ​ຕ້ອງ​ການ​ໃຫ້ສະຫະລັດ ມຸ່ງ​ສູ່​ການ​ເປັນ​ປະເທດ​ປ່ອຍ​ກາກບອນ​ສຸດ​ທິ​ເປັນ​ສູນພາຍ​ໃນ​ປີ 2050 ພ້ອມ​ປະ​ກາດ​ຍົກ​ເລີກ​ສັນຍາ​ການ​ເຈາະ​ຫາ​ນ້ຳ​ມັນ​ແລະກາສ​ໃນ​ທີ່​ດິນ​ສາທາລະນະ ແລະ ​ທຸ່ມ​ເງິນຫຼາຍກວ່າ​ສອງ​ຕື້ໂດລາສະຫະລັດ ໄປ​ກັບ​ການ​ໃຊ້​ພະລັງ​ງ​ງານ​ສີ​ຂຽວ.


ເສດຖະກິດ

ໂດນັລ ທຣຳ

ທຣຳ ປະ​ຕິ​ຍາ​ນວ່າ​ຈະ​ສ້າງ​ວຽກງານຫຼາຍກວ່າ 10 ລ້ານ​ຕຳແໜ່ງ ພາຍ​ໃນ 10 ເດືອນ ແລະ ​ສ້າງ​ທຸລະກິດ​ຂະໜາດ​ນ້ອຍ​ໜ້າ​ໃໝ່ຫຼາຍກວ່າ​ໜຶ່ງ​ລ້ານ​ທຸລະກິດ ທ່ານ​ຍັງ​ຕ້ອງ​ການ​ຫຼຸດ​ອາກອນລາຍ​ໄດ້ ລວມທັງຫຼຸດ​​ພາ​ສີ​-ອາກອນໃຫ້​ກັບ​ບໍລິສັດ​ຕ່າງໆ ເພື່ອ​ສ້າງ​ແຮງ​ຈູງ​ໃຈ​ໃຫ້ພວກເຂົາ​ຮັກສາ​ຕຳແໜ່ງ​ງານ​ໃນສະຫະລັດເອົາ​ໄວ້.

ໂຈ ໄບ​ເດນ

ໄບ​ເດນ ​ຕ້ອງ​ການ​ເພີ່ມ​ອາກອນ​ຈາກ​ຜູ້​ທີ່​ມີລາຍ​ໄດ້​ສູງ ເພື່ອ​ໃຊ້​ໃນ​ບໍລິການ​ສາທາລະນະ ແຕ່​ກໍ​ລະບຸວ່າ ການ​ເພີ່ມ​ອາກອນ​ນີ້​ຈະ​ສົ່ງ​ຜົນ​ຕໍ່​ບຸກ​ຄົນ​ທີ່​ມີລາຍ​ໄດ້ຫຼາຍກວ່າ 400,000 ໂດລາສະຫະລັດ ຕໍ່​ປີ​ເທົ່າ​ນັ້ນ. ທັງ​ນີ້ ໄບ​ເດນ​ຍັງ​ສະໜັບ​ສະໜຸນໃຫ້​ເພີ່ມ​ອັດຕາ​ຄ່າ​ແຮງ​ຂັ້ນ​ຕ່ຳ ຈາກ 7.25 ໂດລາສະຫະລັດ ຕໍ່​ຊົ່ວ​ໂມງ ເປັນ 15 ໂດລາສະຫະລັດ ຕໍ່​ຊົ່ວ​ໂມງ​ອີກ​ດ້ວຍ.


ສາທາລະນະສຸກ

ໂດນັລ ທຣຳ 

ທຣຳ ຕ້ອງ​ການ​ຍົກ​ເລີກ​ກົດໝາຍ​ປະ​ກັນສຸຂະພາບ (Affordable Care Act) ຫຼື​ ທີ່​ຮູ້​ຈັກ​ກັນ​ໃນ​ຊື່ ໂອ​ບາ​ມາ​ແຄ (Obamacare) ທີ່​ຖືກ​ນຳ​ມາ​ໃຊ້​ໃນ​ສະໄໝ​ຂອງ “ບາ​ຣັກ ໂອ​ບາ​ມາ” ເຊິ່ງ​ເພີ່ມ​ລະບຽບ​ຂອງ​ລັດຖະບານ​ກາງ​ເຂົ້າໄປ​ໃນ​ລະບົບ​ປະ​ກັນສຸຂະພາບ​ຂອງ​ເອກະ​ຊົນ ລວມທັງປະ​ກາດ​ໃຫ້​ການ​ປະຕິເສດ​ບໍ່​ໃຫ້​ການ​ເບິ່ງ​ແຍງ​ປະຊາຊົນ​ທີ່​ມີ​ພະຍາດ​ມາ​ກ່ອນ​ເປັນ​ການ​ກະທຳ​ທີ່​ຜິດ​ກົດໝາຍ ໂດຍ ​ທຣຳ ລະບຸວ່າ​ທ່ານ​ຕ້ອງ​ການ​ປ່ຽນ​ແປງ​ເພື່ອ​ເຮັດໃຫ້​ລະບົບ​ນີ້​ດີ​ຂຶ້ນ ແຕ່​ກໍ​ຍັງ​ບໍ່​ມີລາຍ​ລະອຽດ​ທີ່​ຊັດເຈນ​ເປີດ​ເຜີຍອອກ​ມາ. 

ໂຈ ໄບ​ເດນ

ໄບ​ເດນ​ຕ້ອງ​ການ​ປົກ​ປ້ອງ​ ແລະ ​ຂະຫຍາຍ​ການ​ໃຊ້​ກົດໝາຍ​ປະ​ກັນສຸຂະພາບ ທ່ານ​ຍັງ​ຕ້ອງ​ການ​ທີ່​ຈະ​ຫຼຸດ​ອາຍຸຂອງ​ຜູ້​ທີ່​ມີ​ສິດ​ເຂົ້າ​ເຖິງ​ເມ​ດິ​ແຄ (Medicare) ເຊິ່ງ​ເປັນ​ນະໂຍບາຍ​ທີ່​ສະໜັບ​ສະໜຸນໂດຍ​ລັດຖະບານ​ກາງສະຫະລັດ ໂດຍ​ໄບ​ເດນ​ຕ້ອງ​ການ​ຫຼຸດ​ອາຍຸຂອງ​ຜູ້ມີອາຍຸສູງ ຈາກ​ຕັ້ງ​ແຕ່ 65 ປີ​ຂຶ້ນ​ໄປ ມາ​ເປັນ 60 ປີ​ຂຶ້ນ​ໄປ ແລະ​ ທ່ານ​ຍັງ​ຕ້ອງ​ການ​ໃຫ້​ຊາວ​ອາເມລິກາທຸກ​ຄົນ​ມີ​ທາງ​ເລືອກ​ໃນ​ການ​ສະໝັກ​ແຜນ​ປະ​ກັນສຸຂະພາບ​ທີ່​ມີ​ຄວາມ​ຄ້າຍຄື​ກັບ​ເມ​ດິ​ແຄ​ອີກດ້ວຍ. 


ຕ່າງ​ປະເທດ

ໂດນັລ ທຣຳ 

ທຣຳ ຍັງ​ເນັ້ນ​ຢ້ຳ​ຄຳ​ສັນຍາ​ທີ່​ຈະ​ຫຼຸດ​ລະດັບ​ກອງ​ກຳ​ລັງ​ຂອງສະຫະລັດ ທີ່​ປະຈຳ​ການ​ຢູ່ໃນ​ປະເທດ​ຕ່າງໆລົງ. ແຕ່​ຂະນະ​ດຽວ​ກັນ, ​ກໍ​ທຸ້ມ​ເງິນ​ໃຫ້​ກັບ​ກອງທັບ​ອີກດ້ວຍ. ນອກ​ຈາກ​ນີ້ ທຣຳ ຍັງ​ກ່າວ​ວ່າ ຈະ​ຍັງ​ຄົງ​ທ້າ​ທາຍ​ປະເທດ​ພັນ​ທ​ະມິດ​ຕໍ່ໄປ ລວມທັງໃຊ້​ນະໂຍບາຍ​ພາ​ສີ​ການ​ຄ້າ​ກັບ​ປະເທດ​ຈີນ​ຕໍ່ໄປ.

ໂຈ ໄບ​ເດນ 

ໄບ​ເດນ​ໃຫ້​ສັນຍາ​ວ່າ​ທ່ານ​ຈະ​​ຟື້ນ​ຟູ​ຄວາມ​ສຳພັນ​ກັບ​ປະເທດ​ພັນ​ທະ​ມິດ​ຂອງສະຫະລັດ. ນອກ​ຈາກ​ນີ້ ໄບ​ເດນ​ ຍັງ​ລະບຸວ່າ ທ່ານ​ຈະ​ຍົກ​ເລີກ​ພາ​ສີ​ແຕ່​ຝ່າຍ​ດຽວ​ກັບ​ປະເທດ​ຈີນ ແລະ ​ຈະ​ເຮັດໃຫ້​ປະເທດ​ຈີນ​ກາຍ​ມາ​ເປັນ​ແນວ​ຮ່ວມ​ລະຫວ່າງ​ປະເທດ.


ເຊື້ອ​ຊາດ ​ແລະ​ ລະບົບ​ຕຳ​ຫຼວດ

ໂດນັລ ທຣຳ 

ທຣຳ ກ່າວ​ວ່າ ທ່ານ​ບໍ່​ເຊື່ອ​ວ່າ​ການ​ແບ່ງແຍກ​ເຊື້ອ​ຊາດ​ເປັນ​ບັນຫາ​ທາງ​ໂຄງ​ສ້າງ​ທີ່​ຢູ່ໃນ​ກອງ​ກຳ​ລັງ​ຕຳ​ຫຼວດສະຫະລັດ. ທ່ານ​ຍັງ​ສະແດງ​ຈຸດ​ຢືນ​ວ່າ ​ຕົວ​ທ່ານ​ເປັນ​ຜູ້​ສະໜັບ​ສະໜຸນການ​ບັງຄັບ​ໃຊ້​ກົດໝາຍ ແຕ່​ບໍ່​ເຫັນ​ດີກັບ​ການ​ລັອກ​ຄໍ ແລະ ​ສະເໜີ​ທີ່​ຈະ​ທຸ້ມ​ງົບ​ປະ​ມານ​ເພື່ອ​ການ​ຝຶກ​ຝົນ​ໃຫ້​ດີ​ຂຶ້ນ.

ໂຈ ໄບ​ເດນ

ໄບ​ເດນ​ຊີ້​ວ່າ​ການ​ແບ່ງແຍກເຊື້ອ​ຊາດ​ເປັນ​ບັນຫາ​ທາງ​ໂຄງ​ສ້າງ ແລະ ​ນະໂຍບາຍ​ຂອງ​ຕຳ​ຫຼວດ​ກໍ​ສະແດງ​ໃຫ້​ເຫັນ​ເຖິງ​ຄວາມ​ບໍ່​ສະເໝີ​ພາບ​ທາງ​ເຊື້ອ​ຊາດ​ທີ່​ຢູ່ໃນ​ລະບົບ​ຍຸຕິທຳ. ແຕ່​ໄບ​ເດນ​ກໍ​ປະຕິເສດ​ທີ່​ຈະ​ຕັດ​ງົບ ​ຫຼື ຍຸບ​ໜ່ວຍ​ງານ​ຕຳ​ຫຼວດ.


ອາ​ວຸດ​ປືນ

ໂດນັລ ທຣຳ 

ທຣຳ ຕີ​ຄວາມ​ຢ່າງ​ກວ້າງ ໆ ສຳລັບລັດຖະທຳມະນູນ​ເລື່ອງ​ສິດ​ທິ​ຄວາມເປັນ​ທຳ​ໃນ​ການ​ຄອບຄອງ​ອາ​ວຸດ. ແຕ່​ທ່ານ​ກໍ​ສະເໜີ​ການ​ກວດ​ສອບ​ປະຫວັດ​ຍ້ອນ​ຫຼັງ​ທີ່​ເຂັ້ມ​ຂຶ້ນ​ ສຳລັບ​ຜູ້​ທີ່​ຕ້ອງ​ການ​ຊື້​ປືນ ຫຼັງ​ຈາກ​ການ​​ຍິງສັງຫານ​ທີ່ເກີດຂຶ້ນ​ໃນ​ປີ 2019 ແຕ່​ກໍ​ຍັງ​ບໍ່​ມີ​ຂໍ້​ຊັດເຈນ. 

ໂຈ ໄບ​ເດນ

ໄບ​ເດນ ​ສະເໜີ​ຈະ​ປະ​ກາດ​ຫ້າມ​ອາ​ວຸດ​ໂຈມຕີ ຕ້ອງ​ມີ​ການ​ກວດ​ສອບ​ປະຫວັດ​ບຸກ​ຄົນ, ຈຳ​ກັດ​ຈຳນວນ​ການ​ຄອບຄອງ​ອາ​ວຸດ ແລະ​ ແກ້​ໄຂ​ກົດໝາຍ​ໃຫ້​ມີ​ຂັ້ນ​ຕອນ​ການ​ຟ້ອງ​ຮ້ອງ​ຜູ້​ຜະລິດ​ ຫຼື​ ຈຳ​ໜ່າຍ​ປືນ​ທີ່​ເມີນເສີຍຕໍ່ກົດໝາຍ​ທີ່​ງ່າຍ​ຂຶ້ນ. ນອກ​ຈາກ​ນີ້ ທ່ານ​ຍັງ​ຈະໃຫ້​ການ​ສະໜັບ​ສະໜຸນການເຮັດ​ວິ​ໄຈ​ເພື່ອ​ປ້ອງ​ກັນ​ຄວາມ​ຮຸນແຮງ​ຈາກ​ການ​ໃຊ້​ປືນ.


ສານ​ສູງ

ໂດນັລ ທຣຳ 

ທຣຳຊີ້​ວ່າ ທ່ານ​ມີ​ສິດ​ທິ​ຕາມລັດຖະທຳມະນູນ​ທີ່​ຈະ​ແຕ່ງ​ຕັ້ງ​ຜູ້​ພິພາກສາ​ທີ່​ເປັນ​ຕຳແໜ່ງ​ວ່າງ ໃນ​ລະຫວ່າງ​ການ​ເປັນ​ປະ​ທາ​ນາທິບໍດີສະໄໝ​ທຳອິດ​ຂອງ​ທ່ານ ແລະ​ໄດ້​ສະເໜີ​ຊື່ ​ເອ​ມີ ບາ​​ເຣັດ ຜູ້​ພິພາກສາ​ຝັ່ງ​ອະ​ນຸ​ຮັກ​​ນິຍົມ​ເປັນ​ຜູ້​ພິພາກສາ​ສານ​ສູງ​ຄົນ​ໃໝ່. ບັນຫາ​ໜຶ່ງ​ທີ່​ສານ​ສູງ​ຈະ​ຕ້ອງພົບຫຼັງ​ຈາກ​ນີ້ແມ່ນ ສິດ​ໃນ​ການເຮັດ​ລຸລູກ​ໃນສະຫະລັດອາເມລິກາ ເຊິ່ງ​ເປັນ​ສິ່ງ​ທີ່​ທຣຳ ແລະ ​ຜູ້​ພິພາກສາ​ບາເຮັດບໍ່​ເຫັນດີນຳ. 

ໂຈ ໄບ​ເດນ

ໄບ​ເດນ ​ຕ້ອງ​ການ​ໃຫ້​ການ​ສະເໜີ​ຊື່​ຜູ້​ພາກ​ສາ​ສານ​ສູງ​ຄົນ​ໃໝ່ ເກີດ​ຂຶ້ນ​ຫຼັງ​ຈາກ​ການ​ເລືອກ​ຕັ້ງ ໂດຍ​ທ່ານ​ລະບຸວ່າ ຫາກ​ທ່ານ​ໄດ້ຮັບ​ເລືອກ​ເປັນ​ປະທານາທິບໍດີ ທ່ານ​ຈະ​ເຮັດວຽກ​ເພື່ອ​ຜ່ານ​ຮ່າງ​ກົດໝາຍ​ທີ່​ຮັບຮອງ​ສິດ​ຂອງ​ຜູ້ຍິງ​ໃນ​ການເຮັດ​ລຸລູກ.


ອ້າງອີງ:

ພາບ: AFP

Advertisement Replay Ad
ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ເປີດໃຫ້ບໍລິການຢ່າງເປັນທາງການແລ້ວ ໂຮງໝໍມາດຕະຖານລະດັບສາກົນ "ກະເສມຣາດ ອິນເຕີຣ໌ເນຊັ່ນແນລ ວຽງຈັນ"

ເປີດໃຫ້ບໍລິການຢ່າງເປັນທາງການແລ້ວ ໂຮງໝໍມາດຕະຖານລະດັບສາກົນ "ກະເສມຣາດ ອິນເຕີຣ໌ເນຊັ່ນແນລ ວຽງຈັນ"

ຄູ່ຮັກທີ່ຢູ່ນຳກັນ ຊ່ວຍກັນຫຼຸດຄວາມສ່ຽງພະຍາດຫົວໃຈໄດ້ຫຼາຍກວ່າຜູ້ທີ່ຢູ່ຄົນດຽວ

ຄູ່ຮັກທີ່ຢູ່ນຳກັນ ຊ່ວຍກັນຫຼຸດຄວາມສ່ຽງພະຍາດຫົວໃຈໄດ້ຫຼາຍກວ່າຜູ້ທີ່ຢູ່ຄົນດຽວ

ອອກແລ້ວເດີ້! ຜົນຫວຍລາວງວດວັນທີ 16 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 16 ສິງຫາ 2021

ໂລກ້າ ບໍລິສັດສະຕາດອັບທຳອິດຈາກລາວ ມີຊື່ໃນ "100 ບໍລິສັດທີ່ໜ້າຈັບຕາ ຂອງ Forbes Asia"

ໂລກ້າ ບໍລິສັດສະຕາດອັບທຳອິດຈາກລາວ ມີຊື່ໃນ "100 ບໍລິສັດທີ່ໜ້າຈັບຕາ ຂອງ Forbes Asia"

ເຜີຍໂສມໜ້າ ຕົວຈິງຂອງ POPCAT ນ້ອງໜ້າຕາເປັນແບບນີ້ເອງ

ເຜີຍໂສມໜ້າ ຕົວຈິງຂອງ POPCAT ນ້ອງໜ້າຕາເປັນແບບນີ້ເອງ

ອອກແລ້ວເດີ້! ຜົນຫວຍລາວງວດວັນທີ 12 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 12 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 5 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 5 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 2 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 2 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 29 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 29 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 26 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 26 ກໍລະກົດ 2021

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ