ວັນພຸດ ທີ 19 ພຶດສະພາ 2021

ແຈກ 5 ເມນູ ໃຫ້ພໍ່ແມ່ຊວນລູກນ້ອຍເຂົ້າເຮືອນຄົວ ເຮັດອາຫານແຊບໆ ມ່ວນຊື່ນໝົດຄອບຄົວ

ແຈກ 5 ເມນູ ໃຫ້ພໍ່ແມ່ຊວນລູກນ້ອຍເຂົ້າເຮືອນຄົວ ເຮັດອາຫານແຊບໆ ມ່ວນຊື່ນໝົດຄອບຄົວ
S! Muan

ສະໜັບສະໜູນເນື້ອຫາ

ໃນມື້ພັກຜ່ອນເສົາອາທິດ ຖ້າພໍ່ແມ່ຄິດບໍ່ອອກວ່າຈະຊວນລູກໄປເຮັດກິດຈະກໍາຫຍັງດີ ລວງຊວນລູກມາເຂົ້າເຮືອນຄົວເຮັດເບິ່ງບໍ?

ເພາະລູກໆຈະຮູ້ສຶກດີ ທີ່ໄດ້ເຮັດໃນສິ່ງທີ່ເຫັນຜູ້ໃຫຍ່ເຄີຍເຮັດ ແລະ ຍັງຊ່ວຍເສີມສ້າງຈິນຕະນາການໃຫ້ລູກໆອີກດ້ວຍ. ນອກຈາກນັ້ນການເຂົ້າຄົວຍັງຈະຊ່ວຍສອນໃຫ້ ລູກໆໄດ້ຮຽນຮູ້ຂະບວນການເຮັດອາຫານ ຕັ້ງແຕ່ການກຽມອາຫານໄປຈົນເຖິງການເຮັດອາຫານ 1 ຈານ ແລະ ຍັງຊ່ວຍເສີມສ້າງຄວາມໝັ້ນໃຈໃຫ້ແກ່ລູກໆອີກດ້ວຍ.

ເມນູທີ່ແມັກກີ້ຈະນໍາສະເໜີ ມີ 6 ເມນູ ທີ່ສາມາດເຮັດນໍາກັນທັງຄອບຄົວໄດ້ ລູກເຮັດມ່ວນ ແມ່ແຮັບປີ້ ໄປເບິ່ງກັນເລີຍວ່າຈະມີເມນູຫຍັງແດ່?

ເຂົ້າຜັດອາເມລິກາ

ເປັນອາຫານທີ່ເຮັດໄດ້ງ່າຍ ແຕ່ຕ້ອງໃຊ້ເວລາໃນການເຮັດ ແຕ່ຮັບຮອງວ່າຖືກໃຈລູກແນ່ນອນ ເຊິ່ງເມນູນີ້ແມ່ໆອາດຈະໃຫ້ລູກລ້າງຜັກໃຫ້ ຫຼື ຊ່ວຍຕົບແຕ່ງໜ້າເຂົ້າຜັດໃຫ້ໜ້າຮັກ ເປັນຕາຮັບປະທານ. ນອນຈາກນັ້ນແລ້ວ ເຂົ້າຜັດອາເມລິກາຍັງມີສານອາຫານຫຼາກຫຼາຍເໝາະແກ່ການຈະເລີນເຕີບໂຕຂອງລູກໆແນ່ນອນ ເຊິ່ງມີວິທີເຮັດດັ່ງນີ້:

ສ່ວນປະສົມ

  • ເຂົ້າຈ້າວ 2 ຖ້ວຍນ້ອຍ
  • ຫົວກະລົດຊອຍເປັນລູກເຕົ໋າ 2 ບ່ວງແກງ
  • ບລັອກໂຄລີຊອຍເປັນລູກເຕົ໋າ 3 ບ່ວງແກງ
  • ສາລີຕົ້ມສຸກ 3 ບ່ວງແກງ
  • ລູກເກດ 10 ເມັດ
  • ນໍ້າຕານ 2 ບ່ວງກາເຟ
  • ພິກໄທ ¼ ບ່ວງກາເຟ
  • ເນຍ 1 ບ່ວງກາເຟ
  • ນໍ້າມັນພືດ 1 ບ່ວງແກງ
  • ຊອສໝາກເລັ່ນ 2-3 ບ່ວງແກງ
  • ໄຂ່ໄກ່ 1 ໜ່ວຍ
  • ຂາໄກ່ 1 ຂາ
  • ໄສ້ກອກ 2 ຕ່ອນ
  • ເກືອ 1/ 4 ບ່ວງກາເຟ
  • ຊອສປຸງອາຫານກາແມັກກີ້ ສູດຜັດກົມກ່ອມ ½ ບ່ວງແກງ
  • ນໍ້າປາ ½ ບ່ວງແກງ
  • ແປ້ງສາລີ ສໍາລັບຄົນ

ວັດຖຸດິບສໍາລັບຕົບແຕ່ງ

  • ຊີສແຜ່ນ
  • ແຮມ
  • ແຜ່ນສາຫລ່າຍ
  • ຜັດກາດຫອມ
  • ຊອສໝາກເລັ່ນ

ວິທີເຮັດ

ຂັ້ນຕອນທີ 1: ຈືນຂາໄກ່, ຈືນໄຂ່ ແລະ ຈືນໄສ້ກອກ

  • ຈືນຂາໄກ່: ເອົາຂາມາໝັກດ້ວຍເກືອ ແລະ ຊອສປຸງອາຫານກາແມັກກີ້ ສູດຜັດກົມກ່ອມ ໂດຍໝັກປະໄວ້ປະມານ 15-30 ນາທີ ຈາກນັ້ນເອົາໄກ່ໄປຄົນເຂົ້າກັບແປ້ງສາລີໃຫ້ທົ່ວ ແລ້ວຈຶ່ງເອົາໄປຈືນໃນນໍ້າມັນຖ້ວມໂດຍໃຊ້ໄຟປານກາງ ຈືນຈົນສຸກ ແລະ ເອົາຂຶ້ນພັກໄວ້ໃຫ້ສະເດັດນໍ້າມັນ.
  • ຈືນໄຂ່: ຕັ້ງໝໍ້ແລ້ວເປີດໄຟປານກາງ ຖ້າຈົນໝໍ້ຮ້ອນແລ້ວຈຶ່ງຕອກໄຂ່ລົງໄປໃນໝໍ້. ລະວັງຢ່າໃຫ້ໄຂ່ແດງແຕກ ຈືນຈົນໄຂ່ສຸກປານກາງແລ້ວຕັກຂຶ້ນພັກໄວ້.
  • ຈືນໄສ້ກອກ: ເອົາໄສ້ກອກມາຊອຍເປັນ 2 ຕ່ອນໃຊ້ມີດຜ່າໄສ້ກອກ ໃຫ້ຂາດອອກເປັນ 2 ແຊກ ໂດຍຜ່າພຽງແຕ່ເຄິ່ງດຽວຂອງໄສ້ກອກ ຈາກນັ້ນເອົາໄສ້ກອກໄປຂົ້ວດ້ວຍໄຟອ່ອນ ຈົນປາຍຂອງໄສ້ກອກ.

ຂັ້ນຕອນທີ 2: ເຂົ້າຜັດອາເມລິກາ

  • ຕັ້ງໝໍ້ຂາງໂດຍໃຊ້ໄຟປານກາງ ເອົາເນີຍ, ນໍ້າມັນພືດ, ບ໊ອກໂຄຣີ ແລະ ຫົວກະລົດ ລົງໄປຂົ້ວໃຫ້ເຂົ້າກັນຈົນສຸກດີ
  • ຕາມດ້ວຍການໃສ່ລູກເກດ ແລະ ສາລີີລົງໄປຂົ້ວພໍປະມານໃຫ້ເຂົ້າກັນ ຈາກນັ້ນໃສ່ເຂົ້າລົງໄປຂົ້ວຕໍ່
  • ປຸງດ້ວຍຊອສໝາກເລັ່ນ, ນໍ້າຕານ ແລະ ພິກໄທ ຂົ້ວໃຫ້ເຂົ້າກັນ ແລ້ວປິດໄຟ.

ຂັ້ນຕອນທີ 3: ຈັດເສີບ

  • ເອົາເຂົ້າຜັດມາປັ້ນເປັນວົງມົນລູກໃຫຍ່ 1 ວົງ ສໍາລັບໃບໜ້າໝີ ແລະ ວົງມົນນ້ອຍໆ 2 ວົງສໍາລັບ 2 ຫູ
  • ເອົາສາຫລ່າຍມາຕັດເປັນວົງມົນສໍາລັບຕາ ແລະ ຕັດເປັນເສັ້ນສໍາລັບຫູ
  • ເອົາຊີດມາຕັດເປັນຮູບຕ່າງໆ ເພື່ອຕົບແຕ່ງ
  • ຮອງຈານດ້ວຍຜັກກາດຫອມ ຈາກນັ້ນວາງເຂົ້າຜັດ ໄສ້ກອກ ໄຂ່ດາວ ແລະ ຂາໄກ່ຈືນລົງໄປ ຕົບແຕ່ງດ້ວຍຊອສໝາກເລັ່ນ ຊີສ, ສາຫລ່າຍ ແລະ ແຮມ.

ຊູຊິຟອງເຕົ້າຮູ້

ສໍາລັບພໍ່ແມ່ຄົນໃດ ກໍາລັງຫາໄອເດຍ ເຮັດເມນູໃໝ່ໆ ທີ່ບໍ່ໜ້າເບື່ອ ແຖມຍັງໜ້າຮັກເປັນຕາຮັບປະທານ ສາມາດເຮັດກັບລູກໆໄດ້, ແມັກກີ້ຂໍແນະນໍາເມນູ "ຊູຊິຟອງເຕົ້າຮູ້" ເມນູນີ້ພໍ່ແມ່ລອງໃຫ້ລູກໆປັ້ນເຂົ້າ ແລະ ຕົບແຕ່ງໜ້າຕານ້ອງໝີ ຮັບຮອງລູກໆແຮັດປີ້ ແຖມໄດ້ເສີມສ້າງຈິນຕະນາການຂອງເດັກນ້ອຍຢ່າງແນ່ນອນ.

ເຊິ່ງສ່ວນປະສົມ ແລະ ວິທີເຮັດ ມີດັ່ງນີ້:

ສ່ວນປະສົມ

  • ເຂົ້າຈ້າວຍີ່ປຸ່ນ 2 ຖ້ວຍນ້ອຍ
  • ນໍ້າສົ້ມສາຍຊູ 40 ມິນລີລິດ
  • ນໍ້າຕານ 30 ກຣາມ
  • ເກືອ 1 ບ່ວງກາເຟ
  • ຊີສ 3 ແຜ່ນ
  • ເຕົ້າຮູ້ຈືນ 8 ແຜ່ນ
  • ສາຫລ່າຍ 1 ແຜ່ນໃຫຍ່

ວີທີເຮັດ

  1. ເອົາເຂົ້າຍີ່ປຸ່ນທີ່ຫຸງແລ້ວ ກັບ ນໍ້າສົ້ມສາຍຊູ ຄົນໃຫ້ເຂົ້າກັນຕຽມໄວ້
  2. ເຮັດເຂົ້າປັ້ນໃຫ້ເປັນກ້ອນ ຂະໜາດພໍດີກັບເຕົ້າຮູ້ຈືນທີ່ຕຽມໄວ້ ເພື່ອໃຊ້ເປັນສ່ວນຂອງໜ້າໝີ
  3. ຄ່ອຍໆເອົາເຂົ້າໃສ່ລົງໄປເຕົ້າຮູ້ ລະວັງຢ່າງໃຫ້ເຕົ້າຮູ້ຂາດ ກົດບ່ອນທາງກາງເລັກນ້ອຍເພື່ອໃຫ້ສ່ວນມຸມຕັ້ງເປັນຊົງຫູໝີ
  4. ຕັດໃຫ້ເປັນວົງມົນ ສໍາລັບສ່ວນປາກ ແລະ ເຄິ່ງວົງມົນ ແລະ ເຄິ່ງວົງມົນສໍາລັບສ່ວນຫູ ແລະ ຕັດສາຫລ່າຍຕົກແຕ່ງເປັນຕາ ແລະ ປາກ ເທົ່ານີ້ກໍໜ້າຕາໜ້າຮັກ ເປັນຕາແຊບແລ້ວ.

ຂົ້ວໄຂ່ 3 ສີ

ຂຶ້ນຊື່ວ່າໄຂ່ແລ້ວ ເຊື່ອວ່າຕ້ອງເປັນເມນູມັກຂອງເດັກນ້ອຍແນ່ນອນ ເພາະກິນງ່າຍ ແລະ ຍັງມີປະໂຫຍດອີກດ້ວຍ ແມ່ໆສາມາດສອນລູກຕອກໄຂ່, ຕີໄຂ່, ປຸງລົດຊາດ ແລະ ເອົາລົງໄປໃນໝໍ້ຂາງ ເທົ່ານີ້ລູກໆກໍໄດ້ມີສ່ວນຮ່ວມໃນການເຮັດອາຫານ ເຊິ່ງເມນູນີ້ຈະມີສ່ວນປະສົມດັ່ງນີ້:

ສ່ວນປະສົມ:

  • ໄຂ່ໄກ່ 3 ໜ່ວຍ
  • ນົມສົດ 1 ບ່ວງແກງ
  • ຫົວກະລົດຊອຍເປັນລູກເຕ໋າ 1 ບ່ວງແກງ
  • ບົ່ວໃບຊອຍ 1 ບ່ວງແກງ
  • ເກືອ ແລະ ພຶກໄທທໍາ
  • ຊອສປຸງລົດກາແມັກກີ້ ສູດຜັດກົມກ່ອມ 1 ບ່ວງແກງ
  • ນໍ້າມັນ

ວິທີການເຮັດ:

1. ເລີ່ມຈາກການປອກໄຂ່ໃສ່ໃນຖ້ວຍ ປຸງດ້ວຍເກືອ, ພິກໄທດໍາເລັກນ້ອຍ ແລະ ຊອສປຸງລົດກາແມັກກີ້ ສູດຜັດກົມກ່ອມ ຈາກນັ້ນໃຫ້ຕີໄຂ່ກັບເຄື່ອງປຸງໃຫ້ເຂົ້າກັນ ແລ້ວເອົາຜັກຊະນິດຕ່າງໆທີ່ຕຽມໄວ້ໃສ່ລົງໄປ ຄົນໃຫ້ສ່ວນປະສົມໃຫ້ເຂົ້າກັນ.

2. ຕັ້ງໝໍ້ຂາງໃຊ້ໄຟປານກາງ ໃສ່ນໍາມັນລົງໄປເລັກນ້ອຍ ຫຼື ຖ້າເປັນນໍ້າມັນແບບສະແປສີດ ໃຫ້ໃຊ້ແປງທາງນໍ້າມັນບາງໆໃຫ້ທົ່ວໝໍ້.

3. ຕັກສ່ວນປະສົມຂອງໄຂ່ມ້ວນ 3 ສີ ທີ່ປະສົມໄວ້ແລ້ວ ລົງໄປປະມານໜຶ່ງ ໂດຍກະປະລິມານໃຫ້ພໍດີກັບຄວາມກວ້າງຂອງມໍ້ຂາງ ປັບໄຟໃຫ້ຕໍ່າລົງ ຖ້າຈົນໄຂ່ດ້ານລຸ່ມເລີ່ມສຸກ ຈຶ່ງຄ່ອຍໆມ້ວນໄຂ່ເຄິ່ງໜຶ່ງ ແລ້ວທານໍ້າມັນທີ່ໝໍ້ຂາງອີກເທື່ອໜຶ່ງ ແລ້ວຕັກໄຂ່ທີ່ເຫຼືອລົງໄປ.

4. ຖ້າເບິ່ງວ່າໄຂ່ເລີ່ມສຸກ ແລະ ມີສີເຫຼືອງລະມຸນເປັນຕາແຊບແລ້ວບໍ ພະຍາຍາມມ້ວນໄຂ່ໃຫ້ເປັນກໍ້ງາມໆ ແລ້ວຕັກຂຶ້ນພັກໄວ້ປະມານໜຶ່ງ ແລ້ວ ຊອຍເປັນຄໍາໆພ້ອມເສີບໃຫ້ລູກໆໄດ້ເລີຍ.

ໄຂ່ຕຸ໋ນ

"ໄຂ່ຕຸ໋ນ" ເປັນເມນູອາຫານທີ່ເດັກນ້ອຍກິນງ່າຍ ແລະ ຍັງເປັນເມນູທີ່ເຮັດກິນງ່າຍ, ໃຊ້ເວລາບໍ່ດົນ ແລະ ຍັງໃຊ້ວັດຖຸດິບບໍ່ຫຼາຍອີກ. ເມນູນີ້ພໍ່ແມ່ກໍອາດຈະລອງໃຫ້ລູກຕີໄຂ່ ຕັດຫົວກະລົດເປັນຮູບຕ່າງໆ ເຊິ່ງຈະຊ່ວຍເສີມສ້າງພັດທະນາການ ເຊິ່ງມີວິທີ່ເຮັດດັ່ງນີ້:

ສ່ວນປະສົມ

  • ໄຂ່ໄກ່ 2 ໜ່ວຍ
  • ນໍ້າລ້າ 1 ຖ້ວຍ
  • ຊອສປຸງອາຫານກາແມັກກີ້ ສູດຜັດກົມກ່ອມ 2 ບ່ວງກາເຟ
  • ຫົວກະລົດຊອຍເປັນລູກເຕົ໋າ 4 ບ່ວງແກງ
  • ກຸ້ງ ຕາມໃຈມັກ

ວັດຖຸດິບສໍາລັບການຕົບແຕງ

  • ປູອັດ
  • ແຮມແຜ່ນ
  • ສາຫລ່າຍ
  • ຫົວກະລົດ

ວິທີເຮັດ

ຂັ້ນຕອນທີ 1: ຕຽມວັດຖຸດິບ

ເອົາຊີ້ນກຸ້ງມາຊອຍເປັນຕ່ອນນ້ອຍໆ ຈາກນັ້ນເອົາກຸ້ງ, ຫົວກະລົດທີ່ຊອຍເປັນລູກເຕົ໋າໄປລວກໃຫ້ສຸກກ, ຈີກປູອັດເປັນເສັ້ນໆ ຈາກນັ້ນໃຊ້ມີດຊອຍເປັນທ່ອນສັ້ນໆ.

ຂັ້ນຕອນທີ 2: ວິທີເຮັດໄຂ່ຕຸ໋ນ

  • ເອົາໝໍ້ໜຶ້ງຕັ້ງເຕົາໂດຍໃຊ້ໄຟແຮງ ຖ້າຈົນນໍ້າເດືອດ ຈາກນັ້ນໃຫ້ຫຼຸດໄຟລົງ ຈົນເຫຼືອແຕ່ໄຟອ່ອນໆ.
  • ປອກໄຂ່ລົງໃນຖ້ວຍ ຈາກນັ້ນເຕີມນໍ້າລ້າ ແລະ ຊອສປຸງອາຫານກາແມັກກີ້ ສູດຜັດກົມກ່ອມ 2 ບ່ວງກາເຟ ຄົນໃຫ້ເຂົ້າກັນ ເຊິ່ງການເຮັດໃຫ້ໄຂ່ຕຸ໋ນໃຫ້ນຽນນັ້ນຄືການເອົາໄຂ່ໄປກອງຜ່ານແນວຕອງກ່ອນ 1 ເທື່ອ.
  • ໃສ່ຫົວກະລົດທີ່ຊອຍເປັນລູກເຕົ໋າ ແລະ ປູອັດລົງໄປໃນຖ້ວຍທີ່ຈະໃຊ້ໜຶ່ງປະມານ 30 ນາທີ ເປັນວິທີເຮັດໄຂ່ຕຸ໋ນໃນນຸ້ມລ່າຍໆ

ຂັ້ນຕອນທີ 3: ຈັດເສີບ

ເອົາໄຂ່ຕຸ໋ນມາຕົບແຕ່ງດ້ວຍ ປູອັດ, ກຸ້ງລວກ ແລະ ຫົວກະລົດ ເຫັນບໍ່ວ່າເມນູໄຂ່ຕຸ໋ນ ແລະ ວິທີການເຮັດນັ້ນງ່າຍໆ ພໍ່ແມ່ ສາມາດເຮັດກັບລູກໄດ້ຢ່າງສະບາຍສະບາຍເລີຍ.

ເຂົ້າປັ້ນສາຫລ່າຍ ປາທູ

"ເຂົ້າປັ້ນສາຫລ່າຍ ປາທູ" ເມນູນ່າຮັກ ນ່າຮັກ ແຕ່ຄົບຄຸນຄ່າທາງສານອາຫານ ແຖມວິທີເຮັດກໍງ່າຍ ພໍ່ແມ່ສາມາດໃຫ້ລູກຮຽນປັ້ນເຂົ້າ ພັນສາຫລ່າຍ ຈະຊ່ວຍຝຶກສະມາທິ ແລະ ການຮຽນຮູ້ຂອງລູກໆໄດ້ອີກດ້ວຍ.

ສ່ວນປະສົມ

  • ປາທູ ແກະກ້າງອອກໃຫ້ໝົດ ½ ໂຕ
    ເຂົ້າຈ້າວ 1 ທັບພີ
  • ຊອສຢອດຈໍ້າແມັກກີ້ ½ ບ່ວງກາເຟ
  • ສາຫລ່າຍຊອຍເປັນເສົ້ນໆ

ຂັ້ນຕອນການເຮັດ

  1. ໄຈ້ປາທູເປັນຕ່ອນນ້ອຍໆ ລົງໃນຖ້ວຍ ຕາມດ້ວຍເຂົ້າຈ້າວ ປຸງລົດດ້ວຍຊອສຢອດຈໍ້າ ແລ້ວຄົນໃຫ້ເຂົ້າກັນ
  2. ເອົາເຂົ້າທີ່ຄົນກັນແລ້ວ 1 ບ່ວງແກງ ໃສ່ມຸມຖົງຢາງ ປັ້ນໃຫ້ເປັນກ້ອນ ໂດຍບິດຖົງໃຫ້ແໜ້ນ ແລ້ວຈຶ່ງນໍາອອກຈາກຖົງ
  3. ຕົບແຕ່ງດ້ວຍແຜ່ນສາຫລ່າຍທີ່ຕັດຕຽມໄວ້ ພ້ອມຈັດຈານຮັບປະທານເລີຍ
Advertisement Replay Ad
ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ