ວັນອັງຄານ ທີ 21 ກັນຍາ 2021

ເຈົ້າເຊື່ອວ່າພະຍານາກມີຈິງບໍ່? ເປີດເລື່ອງລາວກ່ຽວກັບພະຍານາກທີ່ຜູກພັນກັບສັງຄົມລາວມາແຕ່ບູຮານ

ເຈົ້າເຊື່ອວ່າພະຍານາກມີຈິງບໍ່? ເປີດເລື່ອງລາວກ່ຽວກັບພະຍານາກທີ່ຜູກພັນກັບສັງຄົມລາວມາແຕ່ບູຮານ
S! Muan

ສະໜັບສະໜູນເນື້ອຫາ

ຄົນລາວເຮົາມີຄວາມເຊື່ອກ່ຽວກັບ ຫຼື ນາກ ມາເປັນເວລາດົນນານແລ້ວ ບໍ່ສາມາດບອກໄດ້ຢ່າງຊັດເຈນວ່າ ຄວາມເຊື່ອນີ້ມີຕົ້ນກຳເນີດມາຈາກໃສ ແຕ່ສິ່ງໜຶ່ງທີ່ເຮົາຮູ້ໄດ້ຢ່າງຊັດເຈນໃນປັກຈຸບັນນີ້ກໍຄື ຄວາມເຊື່ອດັ່ງກ່າວໄດ້ຝັງຮາກລົງໃນໄປໃນວິຖີຊີວິດ, ສິລະປະ ແລະ ສະຖາປັດຕະຍະກຳຕ່າງໆໃນທົ່ວປະເທດ ສັງເກດໄດ້ຈາກພິທີກຳຕ່າງໆ, ລວດລາຍ ລວມທັງການປະດັບປະດາຕຶກອາຄານ ເປັນຕົ້ນກໍແມ່ນວັດ ເຊິ່ງເຮົາເຫັນກັນໃນແຕ່ລະມື້. ຫຼ້າສຸດທີ່ເຫັນໄດ້ຊັດເຈນຫຼາຍກໍຄື ຈາກກະແສຂອງວັດແຫ່ງໜຶ່ງໃນນະຄອນຫຼວງວຽງຈັນທີ່ມີຮູບປັ້ນຂອງພະຍານາກຂະໜາດໃຫຍ່ ທີ່ໄດ້ຮັບຄວາມສົນໃຈ ແລະ ມີຜູ້ທີ່ເຄົາລົບເຊື່ອຖືເດີນທາງໄປຂາບໄຫວ້ ສັກກາລະບູຊາ ເປັນຈຳນວນຫຼວງຫຼາຍຈາກທົ່ວທຸກສາລະທິດ.


ພະຍານາກເທິງຮາວຂັ້ນໄດ ໃນວັດທີ່ພະທາດຫຼວງວຽງຈັນ / ພາບ: Phillip Maiwald (NikopolCreative Commons Attribution-Share Alike 3.0 Unported

ພະຍານາກແມ່ນຫຍັງ?

ອີງຕາມພະໄຕປີດົກນັ້ນ ເມື່ອກ່າວເຖິງ ນາກ ຫຼື ພະຍານາກ ຈະຈັດເຂົ້າເປັນສັດຈຳພວກດຽວກັນກັບງູ ຫຼື ພວກອຸຣະຄາ ໝາຍເຖິງຜູ້ທີ່ເລືອໄປດ້ວຍເອິກ ແຕ່ວ່າມີຄວາມສາມາດພິເສດໄປກວ່າງູທົ່ວໄປ ເນື່ອງຈາກມີລິດເດດ ເຊັ່ນ: ສາມາດຈຳແລງກາຍໃນຮູບຂອງມະນຸດ ແລະ ສັດອື່ນໄດ້ ຈຶ່ງກ່າວໄດ້ຢ່າງຊັດເຈນວ່າ ນາກ ໝາຍເຖິງສິ່ງທີ່ຍິ່ງໃຫຍ່ ຫຼື ປະເສີດກວ່າງູທົ່ວໄປ. ທັງນີ້ ນາກ ຍັງໝາຍເຖິງງູໃຫຍ່ ມີຫອນ ສັນຍາລັກແຫ່ງຄວາມຍິ່ງໃຫຍ່, ຄວາມອຸດົມສົມບູນ, ຄວາມມີວາດສະໜາ ແລະ ເປັນຂັ້ນໄດສູ່ຈັກກະວານ, ເປັນຜູ້ທີ່ມີອິດທິລິດຈາກການຈຳສີນ, ພາວະນາ, ສັດທາໃນພະພຸດທະສາສະໜາ, ບໍ່ບຽດບຽນຜູ້ອື່ນ.

ແນວໃດກໍຕາມລັກສະນະຂອງພະຍານາກຕາມຄວາມເຊື່ອແຕ່ລະທ້ອງຖິ່ນຈະບໍ່ຄືກັນ ແຕ່ຈະຄ້າຍໆກັນຄື ເປັນງູໃຫຍ່, ມີຫອນ, ຕາສີແດງ, ມີເກັດຄືປາ ຈະແຕກຕ່າງແມ່ນສີ ເຊັ່ນ: ບາງທ້ອງຖິ່ນມີ 7 ສີເປັນຕົ້ນ. ພະຍານາກໃນຕະກຸນທຳມະດາຈະມີສຽນ (ຫົວ) ດຽວ, ໃນຕະກຸນທີ່ສູງຂຶ້ນໄປຈະມີ 3, 5,​7 ຫຼື 9 ສຽນ ຕາມລຳດັບ ເຊິ່ງສືບເຊື້ອສາຍມາຈາກອະນັນຕະນາຄະຣາດ ເຊິ່ງມີກາຍໃຫຍ່ໂຕ ຄວາມຍາວຂອງລຳໂຕບໍ່ມີທີ່ສິ້ນສຸດ, ມີສຽນຈຳນວນຫຼາຍ, ມີອິດທິລິດບັນດານໃຫ້ເກີດຄຸນ ແລະ ໂທດໄດ້ ມັກແປງກາຍເປັນມະນຸດຮູບຮ່າງສວຍງາມ.

ຄວາມເຊື່ອເລື່ອງພະຍານາກມີຂຶ້ນແນວໃດ?

ເວົ້າໄດ້ວ່າ ຄົນລາວເຮົາມີມະໂນພາບກ່ຽວກັບສັດໃນຕຳນານນີ້ມາຈາກຮູບປັ້ນ ຮູບຫຼໍ່ທີ່ຢູ່ຕາມວັດວາອາຮາມຕ່າງໆ ແລະ ເຫດຜົນທີ່ຮູບພາບຂອງນາກປາກົດຢູ່ຕາມວັດວາອາຮາມຕ່າງໆກໍຍ້ອນວ່າມີຄວາມກ່ຽວຂ້ອງກັນ.

ຕາມຄວາມເຊື່ອແບບພຸດນັ້ນ, ເມື່ອຄັ້ງອະດີດພາຍຫຼັງທີ່ເຈົ້າຊາຍສິດຖັດທະໄດ້ຕັດສະຮູ້ເປັນພະສຳມາສຳພຸດທະເຈົ້າແລ້ວ, ພະອົງໄດ້ສະເດັດໄປປະທັບບຳເພັນພຽນຢູ່ຮົ່ມໄມ້ຈິກ ທາງຕາເວັນອອກຂອງພະມະຫາໂພພຶກເປັນເວລາ 7 ມື້. ໃນໄລຍະເວລານັ້ນ ໄດ້ມີຝົນຕົກລົງມາບໍ່ຂາດສາຍ, ພະຍາມຸດຈະລິນນາຄະຣາດ ຈຶ່ງໄດ້ອອກຈາກໃຕ້ພິພົບມາຂົດອ້ອມຮອບພະວໍລະກາຍ (ຮ່າງກາຍ) ຂອງພະພຸດທະເຈົ້າ 7 ຊັ້ນ ແລ້ວແຜ່ພັງພານໃຫຍ່ປົກຫຸ້ມເບື້ອງເທິງ ເພື່ອບໍ່ໃຫ້ຝົນ, ລົມໜາວ ແລະ ສັດຮ້າຍເຂົ້າມາຕ້ອງພະວໍລະກາຍ. ເມື່ອຝົນເຊົາແລ້ວ ພະຍາມຸດຈະລິນນາຄະຣາດ ຈຶ່ງຄາຍຂົດອອກ ແລະ ແປງຮ່າງເປັນຊາຍໜຸ່ມ ຢືນນົບມືນະມັດສະການພະພຸດທະເຈົ້າ. ດ້ວຍເຫດນີ້ຈຶ່ງເປັນທີ່ມາຂອງການສ້າງພະພຸດທະຮູບປາງນາກປົກ.


ພະພຸດທະຮູບປາງນາກປົກ / ພາບ: Stefan Fussan Creative Commons Attribution-Share Alike 3.0 Unported

ອີກຢ່າງໜຶ່ງກໍຄື ມີຕຳນານເລົ່າອີກວ່າ ຄັ້ງພະພຸດທະການນັ້ນ ມີພະຍານາກຕົນໜຶ່ງໄດ້ເກີດສັດທາຢາກບວດໃນພະພຸດທະສາສະໜາ ຈຶ່ງໄດ້ແປງກາຍເປັນມະນຸດມາຂໍບວດເປັນພະພິກຂຸ. ມື້ໜຶ່ງ ໃນຂະນະທີ່ນອນກາງເວັນ ຂາດສະຕິ ຈຶ່ງກັບຮ່າງກາຍເປັນພະຍານາກຄືເກົ່າ ເມື່ອພະພຸດທະເຈົ້າຮູ້ຈຶ່ງໃຫ້ລະເພດພະພິກຂຸ ແລະ ມີພຸດທະບັນຍັດຫ້າມສັດເດຍລະສານບວດ. ດ້ວຍແຮງສັດທາໃນພະພຸດທະສາສະໜາ ພະຍານາກໄດ້ທູນຂໍໃຫ້ໃຊ້ຄຳວ່າ ນາກ ສຳລັບຜູ້ທີ່ເຂົ້າມາບວດໃນພະພຸດທະສາສະໜາ ຈຶ່ງເຮັດໃຫ້ເກີດປະເພດນີເອີ້ນຜູ້ທີ່ມາບວດວ່າ "ນາກ" (ບວດນາກ) ສືບແຕ່ນັ້ນມາ.

ສ່ວນໃນລາວເຮົາເອງ ຕຳນານຄວາມເຊື່ອເລື່ອງພະຍານາກຍັງມີຄວາມກ່ຽວຂ້ອງກັບແມ່ນໍ້າຂອງນຳອີກ ໂດຍເຊື່ອວ່າແມ່ນໍ້າຂອງໃນປັດຈຸບັນນີ້ ເກີດຂຶ້ນຈາກພະຍານາກທີ່ຊື່ວ່າ ພະຍາສີສຸດໂທ ເຊິ່ງໄດ້ແຂ່ງຂັນກັບ ພະຍາສຸວັນນະນາກ ຂຸດທາງລົງໄປຫາທະເລ ຈົນທ້າຍທີ່ສຸດກໍກາຍມາເປັນແມ່ນໍ້າຂອງທີ່ມີຄວາມຄົດຄ້ຽວ ຈາກພູພຽງຕີເບດ ໄປສູ່ ທະເລຈີນໃຕ້. ສະນັ້ນ ປະຊາຊົນຕາມລ້ອງແມ່ນໍ້າຂອງຈຶ່ງເຊື່ອກັນວ່າ ຢູ່ໃຕ້ແມ່ນໍ້າຂອງມີວັງບາດານ ເຊິ່ງເປັນທີ່ຢູ່ອາໄສຂອງພະຍານາກນັ້ນເອງ.

ພະຍານາກໃນພິທີກຳ, ສິລະປະ ແລະ ສະຖາປັດຕະຍະກຳໃນປັດຈຸບັນ

ພິທີກຳທີ່ກ່ຽວຂ້ອງກັບພະຍານາກມີຫຼາຍພິທີເປັນຕົ້ນແມ່ນ ການບວດໃນພະພຸດທະສາສະໜາທີ່ຈະເອີ້ນວ່າການ "ບວດນາກ" ເຊິ່ງທີ່ມາຂອງຊື່ກໍແມ່ນຍ້ອນເຫດຜົນທີ່ເຮົາກ່າວໄວ້ເບື້ອງຕົ້ນ. ນອກຈາກນັ້ນທີ່ເຫັນໄດ້ຢ່າງຊັດເຈນ ແລະ ໂດດເດັ່ນກໍຄື ພິທີການສ່ຽງປະລິມານນໍ້າ ແລະ ຝົນທີ່ຈະຕົກໃນແຕ່ລະປີຕາມປະຕິທິນຂອງລາວ ທີ່ເອີ້ນກັນວ່າ "ນາກໃຫ້ນໍ້າ" ເຊິ່ງມີຈຳນວນນາກໃຫ້ນໍ້າຕັ້ງແຕ່ 1 ຫາ 7. ຖ້າປີໃດອຸດົມສົມບູນມີນໍ້າຫຼາຍກໍເອີ້ນວ່າ "ນາກໃຫ້ນໍ້າ 1 ໂຕ" ແຕ່ຖ້າປີໃດແຫ້ງແລ້ງ ຈະເອີ້ນປີນັ້ນວ່າ "ມີນາກໃຫ້ນໍ້າ 7 ໂຕ" ດ້ວຍຄວາມເຊື່ອວ່າ ພະຍານາກກ່ຽງກັນໃຫ້ນໍ້າ ແຕ່ລະໂຕຈຶ່ງກືນນໍ້າໄວ້ໃນທ້ອງບໍ່ຍອມພົ່ນນໍ້າລົງມາ.

ສຳລັບໃນດ້ານສິລະປະຂອງລາວ ມັກຈະເຫັນສັນຍາລັກທີ່ກ່ຽວກັບນາກໄດ້ສະເໝີທັງໃນຈິດຕະກຳ, ປະຕິມາກຳ ແລະ ຫັດຖະກຳ. ນາກເປັນສ່ວນປະກອບທີ່ສຳຄັນທາງສະຖາປັດຕະຍະກຳຂອງວັດວາອາຮາມ ຕາມຄະຕິນິຍົມທີ່ວ່າ "ນາກຍິ່ງໃຫຍ່ຄູ່ຄວນກັບສະຖານທີ່ອັນສູງສົ່ງ ແລະ ເປັນທີ່ສັກກາລະຂອງປວງຊົນ" ເຊັ່ນ: ນາກທີ່ທອດລຳໂຕຍາວຕາມຮາວຂັ້ນໄດ, ລວດລາຍທັງແຕ້ມ ແລະ ຄວັດໃນຝາ, ປ່ອງຢ້ຽມ, ປະຕູ ແລະ ສ່ວນອື່ນໆຂອງອາຄານໃນວັດ. ພ້ອມນີ້ກໍຍັງພົບໃນເຮືອຊ່ວງນຳອີກ.


ພະຍານາກເທິງຮາວຂັ້ນໄດ ຢູ່ໃນວັດທີ່ເມືອງໂພນໂຮງ ແຂວງວຽງຈັນ / ພາບ: Gerd Eichmann Creative Commons Attribution-Share Alike 4.0 International

ນອກຈາກໃນວັດວາອາຮາມແລ້ວ ກໍຍັງມີຫຼາຍສະຖານທີ່ເຊິ່ງມີເລື່ອງລາວກ່ຽວຂ້ອງກັບພະຍານາກ ແລະ ມີຄົນໄປຂາບໄຫວ້ສັກກາລະບູຊາ ເຊັ່ນ: ໜອງສະພັງເລນ ທີ່ນະຄອນຫຼວງວຽງຈັນ ເຊິ່ງເຊື່ອກັນວ່າເປັນປະຕູສູ່ວັງຂອງພະຍານາກ ເປັນຕົ້ນ. ສ່ວນໃນປະເທດໄທ ສະຖານທີ່ເຊິ່ງຂຶ້ນຊື່ ກ່ຽວກັບຄວາມເຊື່ອເລື່ອງພະຍານາກ ແມ່ນ ປ່າຄຳຊະໂນດ ນັ້ນເອງ.

ສະຫຼຸບໄດ້ວ່າ ຄວາມເຊື່ອເລື່ອງພະຍານາກນັ້ນ ໄດ້ແຜ່ຂະຫຍາຍໄປທົ່ວລາວ ແລ້ວເຈົ້າເດ ເຊື່ອວ່າພະຍານາກມີຈິງ ຫຼື ບໍ່?


ອ້າງອີງ:

Advertisement Replay Ad
ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ເປີດໃຫ້ບໍລິການຢ່າງເປັນທາງການແລ້ວ ໂຮງໝໍມາດຕະຖານລະດັບສາກົນ "ກະເສມຣາດ ອິນເຕີຣ໌ເນຊັ່ນແນລ ວຽງຈັນ"

ເປີດໃຫ້ບໍລິການຢ່າງເປັນທາງການແລ້ວ ໂຮງໝໍມາດຕະຖານລະດັບສາກົນ "ກະເສມຣາດ ອິນເຕີຣ໌ເນຊັ່ນແນລ ວຽງຈັນ"

ຄູ່ຮັກທີ່ຢູ່ນຳກັນ ຊ່ວຍກັນຫຼຸດຄວາມສ່ຽງພະຍາດຫົວໃຈໄດ້ຫຼາຍກວ່າຜູ້ທີ່ຢູ່ຄົນດຽວ

ຄູ່ຮັກທີ່ຢູ່ນຳກັນ ຊ່ວຍກັນຫຼຸດຄວາມສ່ຽງພະຍາດຫົວໃຈໄດ້ຫຼາຍກວ່າຜູ້ທີ່ຢູ່ຄົນດຽວ

ອອກແລ້ວເດີ້! ຜົນຫວຍລາວງວດວັນທີ 16 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 16 ສິງຫາ 2021

ໂລກ້າ ບໍລິສັດສະຕາດອັບທຳອິດຈາກລາວ ມີຊື່ໃນ "100 ບໍລິສັດທີ່ໜ້າຈັບຕາ ຂອງ Forbes Asia"

ໂລກ້າ ບໍລິສັດສະຕາດອັບທຳອິດຈາກລາວ ມີຊື່ໃນ "100 ບໍລິສັດທີ່ໜ້າຈັບຕາ ຂອງ Forbes Asia"

ເຜີຍໂສມໜ້າ ຕົວຈິງຂອງ POPCAT ນ້ອງໜ້າຕາເປັນແບບນີ້ເອງ

ເຜີຍໂສມໜ້າ ຕົວຈິງຂອງ POPCAT ນ້ອງໜ້າຕາເປັນແບບນີ້ເອງ

ອອກແລ້ວເດີ້! ຜົນຫວຍລາວງວດວັນທີ 12 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 12 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 5 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 5 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 2 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 2 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 29 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 29 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 26 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 26 ກໍລະກົດ 2021

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ