ຈັດວ່າເດັດ! ຊູມ Six Packs "ຕ່າຍ ອາກາດ" ທີ່ຊາວເນັດເຫັນເປັນຕ້ອງຟິນ

ເອົາໃຈສາວໆກັນແດ່ ພາມາສ່ອງຫຸ່ນກ້າມແໜ້ນ ຕ່າຍ ອາກາດ ນັກຮ້ອງສຽງດີ ຂວັນໃຈໄວລຸ້ນ. ຮູ້ສຶກວ່າໄລຍະນີ້ ໜຸ່ມຕ່າຍຈະຟິດເປັນພິເສດ ເຊິ່ງເຫັນໄດ້ຈາກໃນອິນສະຕາແກຣມ ແລະ ເຟສບຸກສ່ວນຕົວທີ່ອັບເດດຄວາມເຄື່ອນໄຫວໃນຂະນະທີ່ອອກກຳລັງກາຍເພື່ອສຸຂະພາບ ແລະ ຫຸ່ນຮອຍຢູ່ເປັນປະຈຳ. ນອກຈາກມີສຽງດີແລ້ວ ຍັງມີຫຸ່ນທີ່ເປະອີກດ້ວຍ ວ່າແຕ່ມາອັບເດດຫຸ່ນຮອຍເລື້ອຍໆແບບນີ້ ເຫັນວ່າແຟນໆທີ່ຕິດຕາມ ຈິດໃຈບໍ່ຄ່ອຍດີປານໃດ ແດດທີ່ວ່າຮ້ອນ ຍັງບໍ່ຮ້ອນຫຼາຍເມື່ອເຫັນພາບເຊັດນີ້ ອິອິອິ. ແຕ່ແນວໃດກໍຂໍໃຫ້ ຕ່າຍ ປະສົບຄວາມສຳເລັດທັງຫຸ່ນທີ່ຕັ້ງເປົ້າໄວ້ ແລະ ສຳເລັດໃນໜ້າທີ່ການງານນຳເດີ້.

ໜຸ່ມຕ່າຍ ເປັນອີກໜຶ່ງສິລະປິນທີ່ຖືກຈັບຕາມອງຢູ່ສະໝີບໍ່ວ່າຈະເປັນດ້ານຜົນງານເພງ, ຜົນງານການສະແດງ ແລະ ຫຸ່ນທີ່ສາວໆກ່າວເປັນສຽງດີກັນວ່າກ້າມແໜ້ນແຮງ ໃຜທີ່ຢາກຊູມກ້າມຄົນນີ້ໃຫ້ພໍໃຈ ເລື່ອນເບິ່ງພາບໄດ້ທີ່ອາລະບໍ້າຮູບລຸ່ມນີ້ແບບຈັດເຕັມກັນເລີຍ.

ສຳລັບການອອກກຳລັງກາຍ ແລະ ຫຼິ້ນກີລາ ນອກຈາກຈະເສກໃຫ້ຫຸ່ນດີແລ້ວ ສິ່ງສຳຄັນຄືເຮັດໃຫ້ສຸຂະພາບແຂງແຮງ ແລະ ຈິດໃຈສົດຂຶ້ນ. ​ຖ້າໜຸ່ມໆຜູ້ໃດຢາກມີຫຸ່ນດີແບບໜຸ່ມຕ່າຍກໍສາມາດໄປເຮັດຕາມ ແລະ ເອົາເປັນແຮງບັນດານໃຈໄດ້ນຳເດີ້.

ສາມາດຕິດຕາມການເຄື່ອນໄຫວ ແລະ ຜົນງານໜຸ່ມຄົນນີ້ ໄດ້ທີ່ເຟສບຸກໜຸ່ມຕ່າຍ: Khounkham Taiy Akard ຫຼື ທີ່ລິ້ງ https://www.facebook.com/taiy.sittiyom/photos