ວັນພຸດ ທີ 19 ພຶດສະພາ 2021

ລວມ 6 ເຕັກນິກດີໆ ທີ່ສາມາດມັດໃຈພໍ່ແມ່ແຟນໄດ້

ລວມ 6 ເຕັກນິກດີໆ ທີ່ສາມາດມັດໃຈພໍ່ແມ່ແຟນໄດ້
S! Muan

ສະໜັບສະໜູນເນື້ອຫາ

ເຊື່ອແນ່ວ່າຫຼາຍໆຄົນທີ່ກຳລັງຄົບຫາດູໃຈກັນ ມັກຈະສະເເດງຄວາມຈິງໃຈກັບຄວາມຮັກໂດຍການພາເເຟນຂອງຕົນເອງໄປຫາຄອບຄົວ ເພື່ອທີ່ຈະເປັນການທຳຄວາມຮູ້ຈັກ ຫຼື ໃຫ້ພໍ່ແມ່ ແລະ ຄົນໃນຄອບຄົວໄດ້ຮັບຮູ້ ແລະ ໄດ້ສຶກສາເບິ່ງນິໄສໃຈຄໍ ທີ່ໄປທີ່ມາຕ່າງໆ. ເຊິ່ງຫຼາຍໆຄົນ ເວລາທີ່ໄປພົບກັບພໍ່ແມ່ເເຟນອາດຈະຮູ້ສຶກຕຶ່ນເຕັ້ນເປັນທຳມະດາ.

ສະນັ້ນ, ເຮົາຄວນກຽມໂຕ ຫຼື ປະຕິບັດຕົນແນວໃດເພື່ອໃຫ້ສາມາດມັດໃຈ ຫຼື ເຮັດຄະແນນກັບພໍ່ແມ່ຂອງແຟນ ເຊິ່ງໃນບົດຄວາມນີ້ມີຄຳຕອບກັບແນ່ນອນ ກັບເຕັກນິກດີໆທີ່ສາມາດເອົາຊະນະໃຈພໍ່ແມ່ ຫຼື ຄົນໃນຄອບຄົວຂອງແຟນດັ່ງນີ້:

- ການແຕ່ງກາຍ: ຖືວ່າເປັນອີກເລື່ອງໜຶ່ງທີ່ຖືເບົາ ເພາະເປັນສິ່ງທີ່ສາມາດບົ່ງບອກເຖິງບຸກຄະລິກະພາບຂອງເຮົາ, ເຮົາຄວນເເຕ່ງກາຍໃນແບບທີ່ເໝາະສົມ, ຜູ້ຊາຍກໍຄວນທີ່ຈະໃສ່ເສື້ອຜ້າທີ່ສຸພາບທີ່ເບິ່ງແລ້ວພໍດີ ແລະ ບໍ່ຄວນແຕ່ງຕົວໃນສະຕາຍໄວລຸ້ນຈົນເກີນໄປ ເພາະຜູ້ໃຫຍ່ອາດບໍ່ມັກກໍເປັນໄປໄດ້. ສ່ວນຜູ້ຍິງກໍຄືກັນຄວນແຕ່ງກາຍໃຫ້ເໝາະສົມ ບໍ່ຄວນນຸ່ງສັ້ນ ຫຼື ຖ້າຈະໃຫ້ດີ ຄວນນຸ່ງສິ້ນ ແລະ ແຕ່ງໜ້າທຳຜົມແບບພໍດີ ບໍ່ເຂັ້ມຈົນເກີນໄປ.

- ການສະເເດງຄວາມເຄົາລົບ: ເວລາພົບເພີ່ນຄວນທັກທາຍໃນລັກສະນະທີ່ໃຫ້ກຽດ, ສຸພາບ ແລະ ສະເເດງມາລະຍາດເຄົາລົບນັບຖືເພິ່ນເຊັ່ນ: ການນົບ ພ້ອມທັງກ່າວກ່າວສະບາຍດີແບບສຸພາບ ແລະ ເວລາທີ່ຈະກັບກໍຄວນບອກຄອບກ່າວລາເພິ່ນເຊັ່ນດຽວກັນ ເພື່ອທີ່ເພີ່ນຈະສາມາດນຶກຄິດວ່າ ເຮົາມີສຳມາຄາລະວະ, ຮູ້ຈັກເຄົາລົບນັບຖື ເພາະວ່າເລື່ອງດັ່ງກ່າວຖືເປັນພື້ນຖານທີ່ສຳຄັນທີ່ສຸດໃນການເຂົ້າຫາຜູ້ຫຼັກຜູ່ໃຫຍ່ກໍວ່າໄດ້.

- ຂອງຝາກຂອງຕ້ອນ: ນີ້ອາດເປັນສິ່ງໜຶ່ງທີ່ຈະສະເເດງໃຫ້ເພິ່ນຮູ້ວ່າ ເຮົາມີຄວາມໃສ່ໃຈ, ຄິດຮອດຄິດເຖິງເພິ່ນສະເໝີ ບໍ່ວ່າເຮົາຈະມາຫາເພິ່ນ ຫຼື ໄປຕ່າງແຂວງຕ່າງແດນ ເຮົາກໍຄວນທີ່ຈະນໍາເອົາຂອງຝາກຂອງຕ້ອນເລັກໆນ້ອຍໆມາຝາກເພິ່ນ, ທັງເປັນການໃສ່ໃຈ ຫຼື ເອົາໃຈເພິ່ນ ໂດຍທີ່ເຮົາຈະຕ້ອງພະຍາຍາມຮູ້ວ່າເພີ່ນມັກຫຍັງ ຫຼື ຢາກໄດ້ຢາກກິນຫຍັງເຮົາກໍຄວນຈະຊື້ມາຝາກ ເຊິ່ງນັ້ນອາດເປັນສິ່ງໜຶ່ງທີ່ສາມາດຊ່ວຍມັດໃຈເພິ່ນໄດ້.

- ການໂອ້ລົມສົນທະນາ: ເຮົາຄວນພະຍາຍາມສົນທະນາກັບເພິ່ນໃຫ້ໄດ້ຫຼາຍທີ່ສຸດ ເພື່ອທີ່ຈະເສີມສ້າງບັນຍາກາດ, ສະເເດງທ່າທາງ ຫຼື ປັບໂຕໃຫ້ເຂົ້າກັບເພິ່ນໄດ້ ເຊິ່ງເປັນວິທີໜຶ່ງທີ່ສາມາດສ້າງຄວາມມັ່ນໃຈທາງດ້ານທັດສະນະຄະຕິຂອງເຮົາຕໍ່ກັບເພິ່ນໄດ້, ອາດຈະໂອ້ລົມເລື່ອງຊີວິດການເປັນຢູ່, ເລື່ອງຄອບຄົວທົ່ວໆໄປ, ເລື່ອງໜ້າທີ່ການງານ ຫຼື ເລື່ອງຕ່າງໆທີ່ເຮົາຄິດວ່າເພີ່ນມີຄວາມສົນໃຈ, ໂດຍໃຊ້ຄຳເວົ້າສຸພາບ ມີຫາງສຽງທີ່ນຸ້ມນວນ ແລະ ຄວນໂຟກັສກັບຜູ້ໃຫຍ່ເປັນຫຼັກ ບໍ່ຄວນປະພຶດສິ່ງທີ່ບໍ່ເໝາະສົມເຊັ່ນ: ກົ້ມໜ້າຫຼີ້ນໂທລະສັບຫຼາຍເກີນໄປ ຫຼື ສະເເດງຄວາມຮັກກັບແຟນຕໍ່ໜ້າຜູ້ໃຫຍ່ແບບເກີນເຫດ.

- ເມື່ອຖືກສຳພາດ: ແນ່ນອນແລ້ວໃນໄລຍະຄັ້ງທຳອິດທີ່ເຮົາໄປພົບກັບພໍ່ແມ່ ຫຼື ຜູ້ປົກຄອງຂອງເເຟນເຮົາ ເພິ່ນມັກຈະຫາສຳນວນຄຳຖາມຕ່າງໆນາໆ ເພື່ອທີ່ຢາກຈະຮູ້ຈັກເຮົາ ວ່າມີທີ່ໄປທີ່ມາແນວໃດ, ຮຽນ ຫຼື ເຮັດວຽກຢູ່ໃສ, ອາດຖາມເລື່ອງຊີວິດ ແລະ ຄອບຄົວຕ່າງໆ, ເຊິ່ງສິ່ງເຫຼົ່ານັ້ນອາດປຽບເໝືອນການສຳພາດອີກວິທີໜຶ່ງເພື່ອທີ່ຈະເບິ່ງວ່າເຮົາເໝາະສົມທີ່ຈະເປັນຄູ່ຄອງຂອງລູກຫຼານເພິ່ນ ຫຼື ບໍ່ ແລະ ເຮົາເອງໃນຖານະເປັນຜູ້ຕອບຄຳຖາມ ກໍບໍ່ຄວານທີ່ຈະອາຍ ຫຼື ເກັງຈົນເກີນໄປ ເພາະນີ້ອາດເປັນໂອກາດທີ່ຈະພິສູດໃຫ້ເພິ່ນຮູ້ວ່າເຮົາມີຄວາມເໝາະສົມ ແລະ ສາມາດດູແລລູກຫຼານຂອງເພິ່ນໄດ້. ສະນັ້ນ, ເຮົາຄວນຕອບຄຳຖາມເພິ່ນຕາມຄວາມຈິງ, ສຸພາບ ແລະ ເຮັດໂຕແບບສະບາຍ ເພື່ອທີ່ຈະເຮັດໃຫ້ເພິ່ນຮູ້ວ່າ ເຮົາມີຄວາມຈິງໃຈຕໍ່ເພິ່ນ.

- ຄວນຫາເຮັດວຽກຊ່ວຍເພິ່ນ: ການທີ່ເຮົາຈະເຮັດໃຫ້ເພິ່ນຮູ້ສຶກມັກຮັກເຮົານັ້ນ ມັນຕ້ອງມີຫຼາຍປັດໄຈລວມໆກັນ ເຊິ່ງການຊ່ວຍວຽກຊ່ວຍງານເພິ່ນ ນັບຕັ້ງແຕ່ເລື່ອງເລັກໆນ້ອຍໆ ເຊັ່ນ: ຈັດສະຖານທີ່, ກຽມອາຫານ, ທຳຄວາມສະອາດບ້ານເຮືອນ, ລ້າງຖ້ວຍຈານ ແລະ ອື່ນໆ ລ້ວນແລ້ວແຕ່ເປັນມາລະຍາດທີ່ດີທີ່ຈະເຮັດໃຫ້ຜູ້ໃຫຍ່ເພິ່ນຮູ້ສຶກເມດຕາເຮົາ. ສະນັ້ນ, ເຮົາບໍ່ຄວນທີ່ຈະນັ່ງຢູ່ລ້າ ຄວນຫາເຮັດນັ້ນເຮັດນີ້ເພື່ອເຮັດຄະແນນ ແລະ ສ້າງສໍາພັນທີ່ດີລະຫວ່າງເຮົາກັບຄອບຄົວຂອງແຟນໄດ້.

ນັ້ນກໍເປັນເຕັກນິກດີໆບາງສ່ວນ ທີ່ສາມາດນຳເອົາໄປໃຊ້ໃນຊີວິດຈິງຂອງເຮົາໄດ້ ໃນເວລາທີ່ໄດ້ໄປພົບປະກັບຄອບຄົວຂອງຄົນຮັກ ເພື່ອທີ່ຈະເຮັດໃຫ້ເພິ່ນເຊື່ອໃຈເຮົາ ແລະ ມີຄວາມຮັກຄວາມເມດຕາໃຫ້ເເກ່ເຮົາ, ຫາກເຮົາຄວນຈະປະຕິບັດໂຕໃຫ້ເໝາະສົມ, ມີມາລະຍາດ ຫຼື ມີສຳມາຄາລະວະ, ຮູ້ຈັກປະກອບສ່ວນໃນການເຮັດວຽກ ຫຼື ກິດຈະກຳຕ່າງໆໃນຄອບຄົວ ກໍຈະມີໂອກາດທີ່ເຮົາຈະເອົາຊະນະໃຈເພິ່ນບໍ່ຫຼາຍກໍໜ້ອຍ.


ບົດຄວາມໂດຍ: Vanheuang Phommadeechack

Advertisement Replay Ad
ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ