ວັນຈັນ ທີ 2 ສິງຫາ 2021

ຮູ້ຈັກ "ບຸນກະຖິນ" ປະເພນີຂອງຄົນລາວທີ່ນິຍົມຈັດຂຶ້ນຫຼັງອອກພັນສາ

ຮູ້ຈັກ "ບຸນກະຖິນ" ປະເພນີຂອງຄົນລາວທີ່ນິຍົມຈັດຂຶ້ນຫຼັງອອກພັນສາ
S! Muan

ສະໜັບສະໜູນເນື້ອຫາ

ເດືອນຕຸລາຫາພະຈິກເປັນໄລຍະທີ່ຢູ່ລາວເຮົາຈະມີປະເພນີບຸນກະຖິນຂຶ້ນ ເຊິ່ງເປັນບຸນທີ່ສືບຕໍ່ປະຕິບັດກັນມາແຕ່ບູຮານ ໂດຍມີຄວາມກ່ຽວຂ້ອງກັບພຸດທະສາສະໜາ. ບຸນດັ່ງກ່າວນີ້ມີຄວາມເປັນມາຄືແນວໃດ ແລະ ຍ້ອນຫຍັງຈຶ່ງຈັດຂຶ້ນ ເຮົາມີຄຳຕອບ.

ກະຖິນ ແມ່ນຫຍັງ?

ອີງຕາມວັດຈະນານຸກົມພາສາລາວ ໂດຍ ມະຫາສິລາ ວີຣະວົງ ສະບັບປັບປຸງໃໝ່ ພ.ສ. 2549 ລະບຸວ່າ ກະຖິນ ໝາຍເຖິງຜ້າທີ່ເອົາເຄນພິກຂຸຜູ້ໄດ້ຈຳວັດສາແລ້ວ; ໄມ້ກັງ ຄືໄມ້ແບບສຳລັບຄຶງຕັດຈີວອນ; ໄມ້ຂຶງຜ້າສຳລັບຕັດຈີວອນ ຫຼື ເປັນຊື່ຂອງການເຮັດບຸນດ້ວຍວິທີການເອົາຜ້າໄປເຄນສົງ ຕັ້ງແຕ່ເດືອນ 11 ແຮມ 1 ຄໍ່າ ໄປຈົນເຖິງເດືອນ 12 ຂຶ້ນ 15 ຄໍ່າ.

ການທອດກະຖິນ ຫຼື ການຖະຫວາຍຜ້າກະຖິນ ຄືການທີ່ຄະລືຫັດ ຜູ້ມີສັດທາ ຫຼື ແມ່ນແຕ່ ພິກຂຸ-ສາມະເນນກໍດີ ນຳຜ້າໄປຖະຫວາຍແກ່ສົງຜູ້ຈຳພັນສາແລ້ວ ໃນວັດໃດວັດໜຶ່ງ ເພື່ອເຮັດເປັນຜ້າກະຖິນ ຮຽກຄຳທຳມະດາວ່າ 'ທອດກະຖິນ'.


ພາບ: sanook

 

ບຸນກະຖິນ ມີຄວາມເປັນມາຄືແນວໃດ?

ບຸນກະຖິນມີຄວາມກ່ຽວຂ້ອງກັບສາສະໜາພຸດມາແຕ່ຄັ້ງພຸດທະການ ມີເລື່ອງເລົ່າວ່າ ມີພິກຂຸຊາວເມືອງປາຟາຈຳນວນ 30 ອົງ ເຊິ່ງເປັນເປັນຜູ້ຖື ການຢູ່ປ່າ ການທ່ຽວບິນທະບາດ ນົ່ງຫົ່ມຜ້າບັງສະກຸນ( ຜ້າເກັບຕົກຈາກບ່ອນຕ່າງໆມາຕໍ່ກັນເຮັດເປັນຈີວອນ) ຫຼື ໃຊ້ຜ້າ 3 ຜືນ ປະກອບດ້ວຍ ຜ້າຈີວອນ, ສັງຄາຕິ ແລະ ຜ້າສະບົງ ບໍ່ເກີນກວ່ານັ້ນ ໄດ້ເດີນທາງໄປເຂົ້າເຝົ້າພະພຸດທະເຈົ້າ. ແຕ່ເນື່ອງດ້ວຍຫົນທາງໄກ ໄປບໍ່ທັນ ວັນເຂົ້າພັນສາມາເຖິງກ່ອນ ໂດຍເຫຼືອໄລຍະທາງອີກ 6 ໂຢດ ຫຼື ປະມານ 96 ກິໂລແມັດ ຈຶ່ງເຖິງພະນະຄອນສາວັດຖີ ຈຶ່ງຈຳໃຈຈຳພັນສາທີ່ເມືອງສາເກດຕະຫຼອດໄລຍະ 3 ເດືອນ ເຊິ່ງມີຄວາມລະນຶກເຖິງສົມເດັດພະບໍຣົມມະສາດສະດາຢູ່ສະເໝີ.          

ເມື່ອອອກພັນສາແລ້ວຈຶ່ງພາກັນເດີນທາງມາເຝົ້າພະພຸດທະເຈົ້າທີ່ວັດເຊຕະວັນມະຫາວິຫານ ທີ່ພະນະຄອນສາວັດຖີ ໃນຂະນະທີ່ຜ້າຈີວອນຍັງປຽກຊຸ່ມດ້ວຍນ້ຳຝົນຢູ່ ເນື່ອງຈາກຕ້ອງເດີນທາງລຸຍນ້ຳ, ລຸຍຕົມ ເພາະໄລຍະທາງທີ່ເດີນທາງໄປນັ້ນ ຝົນຍັງຕົກໜັກຢູ່. ພິກຂຸເຫຼົ່ານັ້ນໄດ້ຮັບຄວາມລຳບາກ ເນື່ອງດ້ວຍຜ້າຈີວອນທີ່ເປື້ອນຕົມ ແລະປຽກຊຸ່ມດ້ວຍນ້ຳຝົນ ພະພຸດທະເຈົ້າຈຶ່ງຊົງຖືເປັນມູນເຫດຊົງມີພຸດທານຸຍາດໃຫ້ພິກຂຸທີ່ຈຳພັນສາຄົບ 3 ເດືອນ "ກຣານ" ກະຖິນໄດ້. ຄຳວ່າ ກຣານ ເປັນພາສາຂະເມນ ແປວ່າ ຂຶງ ຄື: ເຮັດໃຫ້ຕຶງ ກໍ່ ຄືເອົາ ຜ້າທີ່ຈະຫຍິບເປັນຈີວອນ ເຂົ້າໄປຂຶງທີ່ໄມ້ສະດຶງນັ້ນ.


ພາບ: Chakard Chalayut / Unsplash

ການທອດກະຖິນ ປະຕິບັດກັນແນວໃດ?

ບຸນກະຖິນ ໃນປັດຈຸບັນນິຍົມປະຕິບັດກັນຕັ້ງແຕ່ວັນແຮມ 1 ຄໍ່າ ເດືອນ 11 ເຖິງ 15 ຄໍ່າ ເດືອນ 12 ໂດຍ ຄາຣາວາດຜູ້ຖະຫວາຍ ຈະຕ້ອງຈອງກະຖິນ ເຊິ່ງທົ່ວໄປນິຍົມຂຽນເປັນໜັງສືຈອງກະຖິນໄປຕິດທີ່ວັດທີ່ຈະທອດຖະຫວາຍ ເປັນການນິມົນພະສົງໃຫ້ຮັບຊາບວັນເວລາທີ່ຈະໄປທອດ ຫຼື ຈະໄປນະມັດສະການເຈົ້າອະທິການວັດໃຫ້ຮັບຊາບໄວ້ກໍ່ໄດ້. ພ້ອມນີ້ກໍຕ້ອງຖະຫວາຍດ້ວຍຄວາມເຫຼື້ອມໃສຄື: ມີຄວາມເອື້ອເຟື້ອ ຕັ້ງຄວາມຫວັງວ່າ ໃຫ້ພະເຈົ້າພະສົງໄດ້ໃຊ້ຜ້າຂອງຕົນ ຈະໄດ້ສະດວກແກ່ການປະຕິບັດທຳ ແລະ ສຶກສາພະທຳວິໄນ ແລະ ຢູ່ສືບອາຍຸພະພຸດທະສາສະໜາຕໍ່ ໄປ.

ສຳລັບຜ້າທີ່ຈະນຳໄປຖະຫວາຍນັ້ນ ຈະເປັນຜ້າເກົ່າ ຫຼື ຜ້າໃໝ່ກໍໄດ້ ແຕ່ຕ້ອງເປັນຜ້າທີ່ບໍ່ມີມົນທິນທາງພະວິໄນ ຫຼື ມີຄະດີຄວາມທາງບ້ານເມືອງມາກ່ອນ. ພ້ອມນີ້ຈະເອົາຜ້າຜືນໃດຜືນໜຶ່ງໃນໄຕຣນັ້ນ ຈະເປັນຜ້າສະບົງ, ສັງຄາຕິ ຫຼື ຈີວອນກໍ່ໄດ້ ບໍ່ໄດ້ໝາຍເອົາທັງໝົດ ແລ້ວແຕ່ພິກຂຸອົງນັ້ນຈະແຈ້ງໃຫ້ທີ່ປະຊຸມສົງຊາບເພື່ອອະນຸໂມທະນາ (ສະແດງຄວາມຍິນດີ).

ຫຼັງຈາກນັ້ນ ຜ້າດັ່ງກ່າວຈະຖືກແຫ່ນຳເອົາໄປຖະຫວາຍຕາມວັນ ແລະ ເວລາທີ່ຕັ້ງໄວ້ ເຊິ່ງສະຖານທີ່ຖະຫວາຍຕ້ອງເປັນເຂດວັດທີ່ມີພະສົງຈຳພັນສາຕົ້ນ ຄືຕັ້ງແຕ່ເດືອນ 8 ເພງ ຂຶ້ນໄປ ໂດຍຕ້ອງມີພະສົງ 5 ອົງເປັນຢ່າງຕໍ່າ ແລະ ກາງພັນສານັ້ນບໍ່ມີພະອົງໃດຂາດພັນສາ ຄື: ໄປຄ້າງຄືນເປັນຕົ້ນ ແລະຈະຖະຫວາຍໃນອາຮາມ ຫຼື ໃນສາລາກໍໄດ້ ແຕ່ເວລາສູດຕ້ອງສູດໃນສີມາ (ເພາະຖືເປັນເຂດທໍລະນີສົງ) ທາງການປົກຄອງບ້ານເມືອງຍົກຂາດໃຫ້ເປັນສົມບັດນິຕິບຸກຄົນແລ້ວ. ໃນກໍລະນີວັດທີ່ບໍ່ມີສີມາກໍ່ສາມາດຈັດຮັບກະຖິນໄດ້ ພາຍຫຼັງຖະຫວາຍກະຖິນແລ້ວ ກໍ່ເອົາໄປສູດ (ກຣານ) ຢູ່ທີ່ສີມາວັດອື່ນ ແລ້ວຈຶ່ງເອົາກັບມາວັດຂອງຕົນ ກໍ່ເຄີຍເຫັນກະທຳກັນເລື້ອຍໆຢູ່ ຫຼື ບໍ່ເຊັ່ນນັ້ນ ກໍ່ໃຊ້ເຊືອກກັ້ນລ້ອມຮອບເຂດວັດໃດວັດໜຶ່ງໃຫ້ໄດ້ພື້ນທີ່ຂະໜາດເທົ່າສີມາຕົວຈິງ ຄືມີພື້ນທີ່ສາມາດບັນຈຸໄດ້ 21 ບ່ອນນັ່ງເປັນຢ່າງນ້ອຍ ແລ້ວສູດສົມມຸດເຂດສີມາຊົ່ວຄາວ. ເມື່ອສູດສຳເລັດແລ້ວ ກໍ່ສູດປະກາດຖອນໃຫ້ເປັນພື້ນທີ່ວັດເຊັ່ນເຄີຍ.

ນອກຈາກນີ້, ວັດທີ່ຈະຮັບກະຖິນກໍຕ້ອງ ມີພະສົງ 5 ອົງຂຶ້ນໄປ ເຫດຜົນກໍຍ້ອນວ່າ ອົງ 1 ຕ້ອງເປັນອົງຮັບເພື່ອ 4 ອົງທີ່ເຫຼືອປະກອບສັງຄະກຳໄດ້. ຖ້າເຫຼືອ 3 ອົງຈະບໍ່ຮຽກວ່າສັງຄະກຳ ແຕ່ຈເອີ້ນວ່າຄະນະກຳຫຼາຍກວ່າ (1 ອົງເອີ້ນວ່າ ພິກຂຸ, 2-3 ອົງເອີ້ນວ່າ ຄະນະ ແລະ 4 ອົງຂຶ້ນໄປຮຽກວ່າ ສົງ). ພະສົງ 5 ອົງໃນທີ່ນີ້ ກໍຕ້ອງຈຳພັນສາຄົບໄຕມາດ (ສາມເດືອນ) ໃນອາວາດດຽວກັນທຸກອົງ ເອີ້ນວ່າຄະນະປູຣະນະ ຄື: ຄະນະເດີມ. ພະທີ່ນິມົນມາ ຈາກວັດອື່ນຈັດເປັນອົງຮ່ວມອະນຸໂມທະນາ ຈະນິມົນມາຮ່ວມກໍ່ໄດ້ ບໍ່ນິມົນມາຮ່ວມກໍ່ໄດ້ແລ້ວແຕ່ສັດທາຂອງເຈົ້າພາບຜູ້ຈັດງານ ແລະ ອົງທີ່ໄດ້ຮັບຕ້ອງເປັນຜູ້ມີຄຸນສົມບັດສົມຄວນເຊັ່ນ: ເປັນຜູ້ມີສະຕິປັນຍາ, ຮູ້ອານິສົງ 5, ມາຕິກາ 8, ປະຣິໂພດ 2. ຄອງອັນທີ່ຈະປະຕິບັດໃນເລື່ອງກະຖິນນັ້ນໄດ້ ຄື: ຕ້ອງເປັນຜູ້ທີ່ມີຄຸນຄວາມດີ ເປັນທີ່ຍອມ ຮັບຂອງພະ 4 ອົງ ທີ່ເຫຼືອນັ້ນໄດ້ ຫຼື ບໍ່ຖືກເຈາະຈົງມາຈາກພໍ່ອອກ, ແມ່ອອກ ວ່າຈະຕ້ອງເປັນພະອົງນັ້ນອົງນີ້ຮັບ ຈຶ່ງຈະມາຖະຫວາຍ ຖ້າບໍ່ດັ່ງນັ້ນຈະບໍ່ມາຖະຫວາຍ ເຊິ່ງກໍ່ເຄີຍມີ.

ປັດຈຸບັນ ນອກຈາກຜ້າກະຖິນແລ້ວຍັງນິຍົມມີເຄື່ອງອື່ນໆຖະຫວາຍເພີ່ມເຂົ້າໄປອີກ ດ້ວຍເປັນຈຳນວນຫຼາຍເອີ້ນວ່າ ບໍຣິວານກະຖິນ ແລ້ວນຳໄປວາງໄວ້ຕໍ່ໜ້າພະສົງ 5 ອົງ ແລ້ວໃຫ້ພະສົງອົງໃດອົງນຶ່ງທີ່ໄດ້ຮັບມອບໝາຍຈາກຄະນະສົງຢ່າງ ເປັນເອກະສັນ ໃຫ້ເປັນຜູ້ຮັບຜ້າກະຖິນນັ້ນ. ພິກຂຸ ອົງນັ້ນປະຕິບັດໜ້າທີ່ ຕັ້ງແຕ່ ຊັກ, ແທກ, ຕັດ, ຫຍິບ ແລະ ຍ້ອມ ໃຫ້ສຳເລັດໃນວັນນັ້ນ. ຈາກນັ້ນກໍທຳພິນທຸ ເຊິ່ງກໍຄືການໝາຍຊື່ຕົນໄວ້ກັນຫຼົງກັບຜ້າຂອງອົງອື່ນ, ອະທິຖານຜ້ານັ້ນຜືນໃດຜືນໜຶ່ງໃນໄຕຣຈີວອນນັ້ນ ແລ້ວບອກແກ່ພິກຂຸສົງທີ່ພ້ອມກັນຍົກຜ້າໃຫ້ ເພື່ອອະນຸໂມທະນາ. ພິກຂຸຜູ້ຮັບ ແລະຫຍິບ ຈີວອນນັ້ນເອີ້ນວ່າ ຜູ້ກຣານກະຖິນ  (ຖ້າຜ້າກະຖິນເປັນຈີວອນສຳເລັດຮູບແລ້ວ ກິດ ຫຼື ວຽກທີ່ຈະຕ້ອງຊັກ, ວັດແທກ, ຕັດ, ຫຍິບ ແລະ ຍ້ອມກໍ່ບໍ່ຕ້ອງມີ).


ອ້າງອີງ:

ພາບໜ້າປົກ: ພູມີໄຊ ຊຸມພົນພັກດີ

Advertisement Replay Ad
ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ