ວັນຈັນ ທີ 2 ສິງຫາ 2021

ຄະລຳ 9 ຢ່າງທີ່ຄົນລາວບູຮານຫ້າມເຮັດເວລາໄປເຮືອນດີ ຫຼື ສົ່ງສະການຄົນຕາຍ ພ້ອມເຫດຜົນເບື້ອງຫຼັງ

ຄະລຳ 9 ຢ່າງທີ່ຄົນລາວບູຮານຫ້າມເຮັດເວລາໄປເຮືອນດີ ຫຼື ສົ່ງສະການຄົນຕາຍ ພ້ອມເຫດຜົນເບື້ອງຫຼັງ
S! Muan

ສະໜັບສະໜູນເນື້ອຫາ

ຂໍ້ຫ້າມຂອງຄົນບູຮານ ທີ່ຮຸ່ນປູ່ຍ່າຕານາຍເຖົ້າແກ່ ອາວຸໂສເພິ່ນເຄີຍຫ້າມກັນວ່າ “ຄະລຳ” ເຊິ່ງໝາຍເຖິງ ການຫຼີກເວັ້ນບໍ່ເຮັດໃນສິ່ງດັ່ງກ່າວນັ້ນ, ຖ້າຜູ້ໃດເຮັດໄປກໍຈະເຮັດໃຫ້ມີອັນເປັນໄປ ໄດ້ແກ່ຄວາມເຈັບໄຂ້ໄດ້ພະຍາດ ຈົນເຖິງຂັ້ນເສຍຊີວິດກໍມີ.

ສິ່ງທີ່ຊາວບູຮານຫ້າມນັ້ນມີຫຼາກຫຼາຍ ໃນບົດນີ້ muan.la ຈະນຳສະເໜີເຫດຜົນຂອງການຫ້າມ ຫຼື ຄະລຳ ກ່ຽວກັບການໄປຮ່ວມ ຫຼື ສົ່ງສະການຄົນຕາຍ ເຊິ່ງທີ່ເຮົາມັກໄດ້ຍິນເລື້ອຍໆມີທັງໝົດ 9 ຂໍ້ຄື:

1. ຫ້າມບໍ່ໃຫ້ຄົນຖືພາ ໄປງານສົ່ງສະການ

ຄວາມເຊື່ອ: ຊາວບູຮານເຊື່ອວ່າຜີຈະມາເອົາຂວັນເດັກນ້ອຍຢູ່ໃນທ້ອງໄປ.

ເຫດຜົນທີ່ແທ້ຈິງ: ການທີ່ຊາວບູຮານຫ້າມແບບນີ້ ກໍຍ້ອນເຫດຜົນທີ່ວ່າ ແມ່ມານເປັນຜູ້ທີ່ອຸ້ມທ້ອງໃຫຍ່ ເຮັດໃຫ້ມີຄວາມລຳບາກໃນການຍ່າງ ເວລາໄປຕື່ນຕົກໃຈ ອາດເຮັດໃຫ້ມີຜົນກະທົບດ້ານລົບຕໍ່ເດັກໃນທ້ອງໄດ້.

2. ຫ້າມຄົນເປັນປະຈຳເດືອນໄປງານສົບ

ຄວາມເຊື່ອ: ຜີເຫັນເລືອດໄຫຼອອກມາ ແລ້ວຜີຈະເອົາຂວັນຜູ້ນັ້ນໄປຢູ່ນຳ.

ເຫດຜົນທີ່ແທ້ຈິງ: ເລື່ອງນີ້ຕ້ອງນຶກເຖິງຄົນສະໄໝບູຮານເຊິ່ງຍັງບໍ່ທັນມີຜ້າອະນາໄມຮອງຄືປັດຈຸບັນນີ້ ອາດເຮັດໃຫ້ເລືອດປະຈຳເດືອນມີການເຮ່ຍ ແລະ ອາດເບິ່ງບໍ່ຈົບບໍ່ງາມ. ສະນັ້ນ ຜູ້ເປັນປະຈຳເດືອນຕ້ອງໄດ້ຢູ່ເຮືອນ ຈົນກວ່າເລືອດທີ່ອອກມາຫວິດແລ້ວຈຶ່ງໄປຫາສັງຄົມໄດ້ ເຊິ່ງບໍ່ແມ່ນຫ້າມສະເພາະແຕ່ງານສົບເທົ່ານັ້ນ ງານອື່ນໆກໍຫ້າມເຊັ່ນກັນ.

3. ຫ້າມຍ້ອງດອກໄມ້ຢູ່ເຮືອນສົບວ່າງາມ

ຄວາມເຊື່ອ: ຄົນບູຮານເຊື່ອວ່າ ເປັນລາງວ່າຢາກໄດ້ດອກໄມ້ນັ້ນ ແລະ ກໍຈະເຮັດໃຫ້ມີອັນເປັນໄປ.

ເຫດຜົນທີ່ແທ້ຈິງ: ດອກໄມ້ທີ່ຢູ່ໃນງານສົບນັ້ນເປັນສັນຍາລັກບອກວ່າ ຊີວິດຂອງຄົນເຮົາກໍຈະຫ່ຽວໄປຕາມການເວລາ ແລະ ຖ້າຍ້ອງວ່າງາມ ພໍ່ແມ່ພີ່ນ້ອງຜູ້ຕາຍກໍຈະບໍ່ດີໃຈ.

4. ຫ້າມຕໍ່ທຽນຈາກຜູ້ອື່ນ

ຄວາມເຊື່ອ: ຄົນບູຮານເຊື່ອວ່າ ການຕໍ່ທຽນຈາກຄົນອື່ນໃນງານຈູດສົບຈະເປັນການສົ່ງຕໍ່ສິ່ງທີ່ບໍ່ດີຕໍ່ໆກັນໄປ ແລະ ອາດເຮັດໃຫ້ມີອັນເປັນໄປໄດ້.

ເຫດຜົນທີ່ແທ້ຈິງ: ຂໍ້ນີ້ເປັນປິດສະໜາທຳວ່າດ້ວຍ ການເກີດ, ການກະທຳ, ການຕາຍ ເປັນເລື່ອງຂອງບຸກຄົນເຮົາຕ້ອງເຮັດດ້ວຍຕົນເອງ. ດັ່ງນັ້ນ ການຈູດໄຟກໍຄືຊີວິດ ຕ້ອງເຮັດໃຫ້ຮຸ່ງໃສດ້ວຍຕົວເຮົາເອງ.

5. ຫ້າມຄົນທີ່ບໍ່ສະບາຍໄປງານສົບ

ຄວາມເຊື່ອ: ຄົນທີ່ບໍ່ສະບາຍຈະຂວັນອ່ອນ ຜີຈະເອົາໄປໄດ້ງ່າຍ.

ເຫດຜົນທີ່ແທ້ຈິງ: ໃນຄວາມເປັນຈິງແລ້ວ ຜູ້ບໍ່ສະບາຍ ບໍ່ວ່າອະດີດ ຫຼື ປັດຈຸບັນກໍບໍ່ສົມຄວນໄປ ເພາະຖ້າເປັນພະຍາດຕິດຕໍ່ ກໍອາດຈະໄປແຜ່ພະຍາດໃຫ້ຄົນທີ່ມາຮ່ວມງານຄົນອື່ນໆໄດ້.

6. ຫ້າມຫົວສຽງດັງ

ຄວາມເຊື່ອ: ເພາະເຊື່ອວ່າງານສົບແມ່ນງານທີ່ມີຄວາມສຸກຂອງຜີ ຖ້າຫາກໃຜຫົວສຽງດັງ ຜີຈະຄິດວ່າເປັນພວກດຽວກັບມັນ ແລະ ຈະເອົາໄປຢູ່ນຳ.

ເຫດຜົນທີ່ແທ້ຈິງ: ແຕ່ຄວາມເປັນຈິງແລ້ວການທີ່ເພິ່ນຫ້າມແມ່ນຍ້ອນເຫດຜົນທີ່ວ່າງານສົບນັ້ນເປັນງານໂສກເສົ້າ, ໄວ້ອາໄລ, ເຕັມໄປດ້ວຍຄວາມຄິດຮອດຄິດເຖິງຂອງຍາດພີ່ນ້ອງຜູ້ຍັງມີຊີວິດຢູ່, ການທີ່ເຮົາຈະໄປຫົວສຽງແຮງໃນງານສົບກໍຈະເປັນການບໍ່ໃຫ້ກຽດພີ່ນ້ອງ ຫຼື ບາງທີອາດຄິດໄປວ່າເປັນການໄປເຢາະເຢີ້ຍກໍເປັນໄດ້ ເຊິ່ງເປັນການບໍ່ສົມຄວນ.

7. ຫ້າມເອົາອາຫານທີ່ເປັນເສັ້ນ, ເປັນເຄືອໄປກິນ ຫຼື ເຮັດໃນງານສົບ

ຄວາມເຊື່ອ: ຈະເຮັດໃຫ້ມີການສືບທອດການຕາຍໄປສູ່ຄົນອື່ນໆໃນຄອບຄົວ.

ເຫດຜົນທີ່ແທ້ຈິງ: ໃນຄວາມເປັນຈິງ ອາຫານທີ່ເປັນເສັ້ນໄດ້ແກ່ເຂົ້າປຸ້ນ, ໝີ່, ເຝີ ໃນ ເມື່ອກ່ອນນັ້ນບໍ່ມີຂາຍຕາມທ້ອງຕະຫຼາດ ຕ້ອງໄດ້ເຮັດເອງ ເຊິ່ງໃຊ້ເວລາດົນ ຈຶ່ງເປັນອາຫານທີ່ບໍ່ເໝາະສົມ ສຳລັບງານສົບທີ່ເຕັມໄປດ້ວຍຄວາມໂສກເສົ້າ.

8. ຫ້າມນໍາອາຫານໃນງານສົບກັບບ້ານເດັດຂາດ

ຄວາມເຊື່ອ: ຄົນບູຮານເຊື່ອວ່າຜີຈະນຳໄປເອົາຄືນ.

ເຫດຜົນທີ່ແທ້ຈິງ: ເລື່ອງນີ້ຕ້ອງເຂົ້າໃຈເຖິງສະພາບວ່າ ງານສົບນັ້ນເປັນງານທີ່ທຸກຄົນຕ້ອງເອົາເຄື່ອງຢູ່ຂອງກິນ ຫຼື ເຂົ້າສານໄປຊ່ວຍຍາດພີ່ນ້ອງຜູ້ຍັງຢູ່ ບໍ່ແມ່ນໄປເອົາອາຫານນຳເພິ່ນມາກິນ. ຜູ້ຂຽນເບິ່ງເຫັນວ່າ ຜູ້ຄິດຂໍ້ຫ້າມຂໍ້ນີ້ເຂົ້າໃຈເຖິງ ນິໄສຄົນລາວທີ່ມັກເອົາຂອງກິນຢູ່ເຮືອນບຸນຕ່າງໆກັບເມືອເຮືອນຂອງຕົນເອງ ເພື່ອບໍ່ໃຫ້ເກີດກັບງານສົບ.

9. ເວລາເຜົາສົບແລ້ວ ຫ້າມຫຼຽວຫຼັງໄປເບິ່ງສົບ

ຄວາມເຊື່ອ: ຄົນບູຮານເຊື່ອວ່າ ການຫຼຽວຫຼັງໄປເບິ່ງສົບ ຈະເຮັດໃຫ້ຜູ້ຕາຍບໍ່ໄດ້ໄປເກີດ ເພາະຍັງມີຄວາມຫ່ວງ.

ຄວາມເປັນຈິງ: ຂໍ້ຫ້າມຂໍ້ນີ້ເປັນປິດສະໜາທຳວ່າ ດ້ວຍການຮ້ອງໄຫ້ລຳພັນ ຫາຜູ້ຕາຍນັ້ນບໍ່ມີປະໂຫຍດ ຫຍັງເຮົາຕ້ອງດຳເນີນຊີວິດໄປຕໍ່ ແລະ ເປັນການເຕືອນວ່າ ການຕາຍບໍ່ສາມາດເອົາຫຍັງໄປໄດ້ ແມ່ນແຕ່ພີ່ນ້ອງ ກໍຍ່າງໜີ. ດັ່ງນັ້ນ ກ່ອນຕາຍ ຄວນເຮັດດີ ທຳດີ ຈະມີຄຸນຄວາມດີໄວ້ໃຫ້ລູກຫຼານສືບທອດ ດັ່ງນີ້ເປັນຕົ້ນ.

ຂໍ້ຫ້າມທັງໝົດນີ້ຊາວລາວບູຮານຫ້າມດ້ວຍເຫດ ແລະ ຜົນ ແຕ່ບໍ່ມີການອະທິບາຍຂະຫຍາຍຄວາມພຽງແຕ່ເອົາຄວາມຕາຍມາອ້າງ, ດັ່ງນັ້ນ ຜູ້ສຶກສາຕ້ອງທຳຄວາມເຂົ້າໃຈເອງ. ເມື່ອຜ່ານຫຼາຍຟ້າຫຼາຍປີ, ຫຼາຍສະໄໝ, ເຮັດໃຫ້ຜູ້ບໍ່ໄດ້ສຶກສາ ບໍ່ມີຄວາມເຂົ້າໃຈກໍມັກເຊື່ອວ່າ ຊາວບູຮານຫ້າມບໍ່ມີເຫດຜົນ, ເວົ້າວ່າຄົນບູຮານເຊື່ອຖືງົມງວາຍ ແລະ ບໍ່ສົນໃຈໃຝ່ຮູ້, ບໍ່ສຶກສາໃຫ້ເຂົ້າໃຈເນື້ອແທ້ຂອງພູມປັນຍາ. ດັ່ງນັ້ນ, ທາງທີ່ດີຄົນຮຸ່ນໃໝ່ທີ່ຄິດວ່າມີຄວາມຮູ້ ບໍ່ງົມງວາຍ ຈົ່ງສຶກສາໃຫ້ເຂົ້າໃຈແຈ້ງ ຕໍ່ບັນຫາດັ່ງກ່າວນີ້.


ພາບໜ້າປົກ: Basile Morin / Wikimedia / Creative Commons Attribution-Share Alike 4.0 International

Advertisement Replay Ad
ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ