ວັນພະຫັດ ທີ 26 ພະຈິກ 2020

ຮູ້ຈັກ 9 ນິໄສນ້ອຍໆທີ່ຈະປ່ຽນແປງໃຫ້ຊີວິດເຮົາດີຂຶ້ນ

ຮູ້ຈັກ 9 ນິໄສນ້ອຍໆທີ່ຈະປ່ຽນແປງໃຫ້ຊີວິດເຮົາດີຂຶ້ນ
S! Muan

ສະໜັບສະໜູນເນື້ອຫາ

“ການປ່ຽນແປງພຽງໜ້ອຍດຽວ ແລະ ເບິ່ງຄືບໍ່ສຳຄັນໃນຕອນທຳອິດຈະລວມເປັນຜົນລັບທີ່ໜ້າຕົກໃຈຫາກທ່ານຍິນດີທີ່ຈະປະຕິບັດຕາມສິ່ງເຫຼົ່ານີ້ຢ່າງສະໝ່ຳສະເໝີ”---James Clear, Atomic Habits

ເພື່ອໃຫ້ບັນລຸເປົ້າໝາຍເຮົາຕ້ອງປະຕິບັດໄດ້ຈົນກວ່າສິ່ງນັ້ນຈະກາຍມາເປັນນິໄສແທ້ໆຂອງເຮົາ ສະນັ້ນເຮົາຕ້ອງມີວິໄນໃນການປະຕິດບັດໃຫ້ດົນພໍທີ່ຈະປ່ອຍໃຫ້ມັນເປັນກາຍນິໄສຂອງເຮົາໄດ້ ມັນອາດຈະເປັນເລື່ອງຍາກທີ່ຈະປະຕິບັດຕາມແຕ່ມັນກະແມ່ນຄວາມຈິງທີ່ຈະເຮັດໃຫ້ຊີວິດເຮົາດີຂຶ້ນ.

ໃນປີ 2019 ໜັງສື Atomic Habits ຂຽນໂດຍ James Clear ເປັນໜຶ່ງໃນເຫຼັ້ມທີ່ໄດ້ຮັບຄວາມນິຍົມຫຼາຍທີ່ສຸດ ພ້ອມທັງເປັນແນວທາງປະຕິບັດໃນການເຊົາເຮັດນິໄສທີ່ບໍ່ດີແລະສ້າງນິໄສທີ່ດີຜູ້ຂຽນອະທິບາຍຢ່າງຊັດເຈນວ່າເຫດໃດທີ່ນິໄສນ້ອຍໆໃນຊີວິດປະຈຳວັນຈຶ່ງນຳໄປສູ່ຄວາມສຳເລັດທີ່ຍິ່ງໃຫຍ່ໄດ້.

ເຮົາອາດຈະເຄີຍໄດ້ຍິນຄຳວ່າ:”ຜິດພາດພຽງໜ້ອຍດຽວກໍ່ສາມາດ ເຮັດໃຫ້ຊີວິດເຮົາຫຼົ້ມຈົມໄດ້”, ແຕ່ມື້ນີ້ເຮົາຈະມາປ່ຽນຂໍ້ຜິດພາດພຽງໜ້ອຍດຽວນັ້ນມາເປັນຂໍ້ດີນ້ອຍໆຂອງເຮົາ ເພື່ອໃຫ້ຊີວິດເຮົາດີຂຶ້ນ ຈະເປັນແນວໃດຖ້າເຮົາລົດຂໍ້ຜິດພາດຂອງເຮົາໜ້ອງລົງ ແລ້ວເພິ່ມນິໄສດີໆເຂົ້າໄປແທນໃນແຕ່ລະມື້ ຖ້າທ່ານພ້ອມທີ່ຈະປ່ຽນແລ້ວອ່ານຕໍ່ຂ້າງລຸ່ມໄດ້ເລີຍ.

ໃຫ້ເຮົາມີຄວາມຕອບສະໜອງຊ້າລົງ

ເຮົາຮູ້ດີວ່າໂລກທຸກມື້ນີ້ມັນໝຸນໄປຢ່າງວ່ອງໄວ ແຕ່ບໍ່ໄດ້ໝາຍຄວາມວ່າເຮົາຕ້ອງຕອບສະໜອງທຸກຢ່າງໄວວາຮຽນຮູ້ທີ່ຈະໃຈເຢັນຄ່ອຍໆຕັດສິນໃຈ ແທນທີ່ຈະຟ້າວຕອບຕົກລົງກົບຂໍ້ສະເໜີຕ່າງໆ ເພື່ອຫຼີກເວັ້ນການເກີດຂໍ້ຜິດພາດໃນອະນະຄົດຂອງທ່ານ. ຄວນໃຊ້ເວລາຈັກໜ້ອຍໜຶ່ງເພື່ອພິຈາລະນາຂໍ້ສະເໜີນັ້ນກໍ່ຈະຊ່ວຍໃຫ້ທ່ານປະຢັດເວລາແລະຈະຊ່ວຍໃຫ້ເຮົາບໍ່ຜິດຫວັງກັບສິ່ງທີ່ຕັດສິນໃຈໃນໄລຍະຍາວໄດ້.

ຊຸກຍູ້ຕົວເອງເຮັດວຽກໃຫ້ສຳເລັດເມື່ອທ່ານຮູ້ສຶກບໍ່ຢາກເຮັດມັນ

ໃນແຕ່ລະມື້ຄວນເລືອກວຽກເລັກໆນ້ອຍໆທີ່ເຮົາບໍ່ຕ້ອງການລົງມືເຮັດ ນັບຕັ້ງແຕ່ລ້າງຖ້ວຍໄປຈົນເຖິງຈັດຕຽງນອນ ແລະ ເຮັດອາຫານກິນເອງແທນການສັ່ງອາຫານເພາະມັນເປັນສິ່ງສຳຄັນ.

ຫຼັງຈາກເຮົດໄປໄດ້ສອງສາມມື້ແລ້ວເຮົາຈະພົບວ່າປັນຫາບໍ່ໄດ້ຢູ່ບ່ອນອື່ນເລີຍ ແຕ່ມັນເປັນນິໄສຂອງເຮົາໃນການມັກເລື່ອນສິ່ງຕ່າງໆອອກໄປ ເພາະມັນສະບາຍກວ່າທີ່ຈະເຮັດສິ່ງເຫຼົ່ານີ້ໃນທຸກໆມື້. ແຕ່ເມື່ອເຮົາເລີ່ມເຮັດໄປແລ້ວສະໝອງເຮົາກໍ່ຈະຄິດທີ່ຢາກຈະເຮັດວຽກນັ້ນໃຫ້ສຳເລັດເອງ ແລະນີ້ເປັນອີກເຄັດລັບໜຶ່ງທີ່ຈະເຮັດໃຫ້ເຮົາສຳເລັດໃນວຽກຕ່າງໆ ເພາະເມື່ອເຮົາເລີ່ມຕົ້ນເຮັດວຽກຫຍັງກໍ່ຕາມກົນໄກຂອງສະໝອງກໍ່ຈະສັ່ງໃຫ້ຮ່າງກາຍຂອງເຮົາເຮັດວຽກນັ້ນໃຫ້ສຳເລັດນັ້ນເອງ. ເມື່ອເຮົາໃຊ້ເວລາສອງສາມມື້ໃນການເຮັດວຽກ ທີ່ກ່າວມານັ້ນຈົນຄຸ້ນເຄີຍແລ້ວໃຫ້ເຮົາກໍ່ຄວນຕັ້ງເປົ້າໝາຍໃຫ້ໃຫຍ່ຂຶ້ນ.

ງົດໃຊ້ໂຊຊຽວມີເດຍຈັກມື້ໜຶ່ງ

ມີຫຼາຍຄັ້ງທີ່ເຮົາມັກໃຊ້ໂທລະສັບຈົນຮູ້ສຶກວ່າມັນເປັນອີກອະໄວຍະວະໜຶ່ງຂອງເຮົາ ໄປໃສກໍ່ຕ້ອງຕິດໂຕໄວ້ຕະຫຼອດເວລາ ເຖິງວ່າບໍ່ມີຫຍັງແຈ້ງເຕືອນກໍ່ມັນກວດເບິ່ງແຕ່ໂທລະສັບ ເວລາມືວ່າງກໍ່ມັກຈະຈັບຂຶ້ນມາເລື່ອນໂຊຊຽວມີເດຍຫຼິ້ນ ເລື່ອນໄປເລື່ອນມາເມື່ອເບິ່ງເວລາກໍ່ຮູ້ວ່າເສຍເວລານຳມັນໄປເປັນຊົ່ວໂມງແລ້ວ. ແຕ່ໂຊຊຽວກໍ່ມີປະໂຫຍດໃນການຫາແຮງບັນດານໃຈໄອເດຍ ແລະ ສາມາດແບ່ງປັນປະສົບການຕ່າງໆໃຫ້ຄົນອື່ນໄດ້. ຖ້າໃຫ້ລົບແອັບກໍ່ຄົງຈະບໍ່ເໝາະໃນການໃຊ້ຊີວິດຂອງຍຸກປັດຈຸບັນນີ້. ສະນັ້ນເຮົາຄວນຫຼຸດນິໄສນີ້ລົງ ຄ່ອຍໆໃຊ້ມັນໜ້ອຍລົງ ໃນອາທິດໜຶ່ງລອງເລືອກມື້ໃດມື້ໜຶ່ງອອກຈາກໂລກໂຊຊຽວ ຫຼື ງົດໃຊ້ໂທລະສັບໄປເລີຍ ຖ້າຫາກມີວຽກຈຳເປັນກໍ່ຄວນໃຊ້ແຕ່ໃນການໂທເທົ່ານັ້ນ. ກໍຈະຊ່ວຍໃຫ້ເຮົາມີເວລາຢູ່ກັບສິ່ງຕ່າງໆໄດ້ຢ່າງເຕັມທີ່ ເພາະບໍ່ມີໂຊຊຽວມີເດຍມາລົບກວນ. ດັ່ງນັ້ນການໃຊ້ໂຊຊຽວເຮົາກໍ່ຄວນໃຊ້ຢ່າງມີສະຕິ ແລະ ພໍດີ ເພາະສິ່ງທີຫຼາຍເກີນໄປ ຫຼື ໜ້ອຍເກີນໄປມັນກໍ່ບໍ່ໄດ້ະເໝີໄປຕໍ່ກັບເຮົາ.

ກຽມຕົວໃຊ້ມື້ຕໍ່ໄປຂອງເຈົ້າໃນຄືນນີ້

ກຽມເຄື່ອງນຸ່ງ ແລະ ອຸປະກອນທີ່ຈະໄປເຮັດວຽກໃນມື້ອື່ນ ຈົດລາຍການສິ່ງທີ່ຈະເຮັດ ແລະ ກວດເບິ່ງຕາລາງງານຂອງເຮົາເພື່ອເບິ່ງວ່າເຮົາໄດ້ມີນັດ ຫຼື ປະຊຸມທີ່ສຳຄັນໄວ້ ຫຼື ບໍ່ ເຮັດທຸກຢ່າງທີ່ເຮັດໄດ້ເພື່ອໃຫ້ມື້ອື່ນເຊົ້າສະບາຍຂຶ້ນເພາະຫາກເຮົາມີແຜນເຮົາຈະເຮັດສິ່ງຕ່າງໆໄດ້ງ່າຍຂຶ້ນ ແລະ ຈະມີເວລາກຽມໂຕໃນຕອນເຊົ້າໄດ້ຫຼາຍຂຶ້ນ.

ກິນຢ່າງມີສະຕິ

ເມື່ອເຮົາກຳລັງກິນ ແລະ ເຮັດວຽກ / ອ່ານໜັງສື / ເບິ່ງໜັງ ໄປພ້ອມກັນ, ເຮົາມັກກິນຫຼາຍກວ່າທີ່ເຮົາຕ້ອງການ. ໜັກໄປກວ່ານັ້ນ ເຮົາຍັງບໍ່ໄດ້ຮັບລົດຊາດຂອງອານຫານຢ່າງເຕັມທີ່ ແລະຍັງເປັນຜົນເສຍຕໍ່ສຸຂະພາບໃນໄລຍະຍາວຖ້າເຮົາຫຍ້ຳບໍ່ລະອຽດ ອາຫານທ່ຽງ ຫຼື ຄ່ຳບໍ່ຄວນໃຊ້ເວລາຫຼາຍກວ່າ 10-15 ນາທີ. ສະນັ້ນເວລາໃດທີ່ພວກເຮົາຫຍຸ້ງຫຼາຍຈົນວ່າພວກເຮົາບໍ່ມີເວລາພຽງ 10 ນາທີທີ່ຈະຕື່ມພະລັງງານໃຫ້ຮ່າງກາຍໃນຄັ້ງຕໍ່ໄປທີ່ເຮົາກິນໃຫ້ເຮັດຕາມທີ່ກ່າວມາຂ້າງເທິງນັ້ນ.

ການກິນ ເຮົາຈະເຫັນວ່າມັນບໍ່ແມ່ນເລື່ອງງ່າຍເລີຍທີ່ຈະບໍ່ຈັບໂທລະສັຍ (ເພາະຂ້ອຍກໍ່ເຮັດບໍ່ຄ່ອຍໄດ້ໃນຂໍ້ນີ້) ສະນັ້ນເວລາກິນເຮົາກໍ່ຄວນຕັ້ງໃຈກິນໃຫ້ຖືກຫຼັກອະນາໄມ ເພື່ອສຸຂະພາບຂອງເຮົາໃນໄລຍະຍາວ.

ໃຊ້ຕົວຈັບເວລາສຳລັບວຽກຂອງທ່ານ

ເຕັກນິກ Pomodoro ຫຼື ອາດຈະຖືກເອີ້ນວ່າ ຄຳພີໄບເບິນກ່ຽວກັບການເພີ່ມປະລິມານ ແລະຄຳສອນນີ້ມີຊື່ສຽງຍ້ອນໃຊ້ແລ້ວເຫັນຜົນຈົນສົມຄວນໄດ້ຮັບຄຳຍ້ອງຍໍ ໃນບັນດານິໄສນ້ອຍໆທີ່ຂ້ອຍກ່າວເຖິງນີ້ ສິ່ງນີ້ຈະຊ່ວຍເຮົາໄດ້ຫຼາຍທີ່ສຸດ.

ການເຮັດວຽກ ເຕັມເວລາບໍ່ແມ່ນເລື່ອງງ່າຍ ແລະເຮົາຕ້ອງມາພ້ອມກັບການຈັດຕາຕະລາງແລະມີວິໄນຕໍ່ມັນ. ສະນັ້ນເຮົາຕ້ອງໄດ້ປັບເຕັກນິກ Pomodoro ໃນແບບທີ່ເໝາະກັບຕົວຂອງເຮົາ ຕົວຢ່າງ: ເຮົາເຮັດວຽກ 1 ຊົ່ວໂມງແມ່ນພັກຜ່ອນ 10 ນາທີ, ແລະຈາກນັ້ນກໍ່ເຮັດວຽກອີກ 1 ຊົ່ວໂມງ. ນີ້ເປັນໜຶ່ງໃນບັນດາເຄັດລັບຕົ້ນຕໍທີ່ໄດ້ຊ່ວຍຂ້ອຍເຮັດວຽກໃຫ້ທັນໃນເວລາທີ່ກຳນົດ.

ວາງໂທລະສັບຂອງທ່ານໃຫ້ຫ່າງຈາກບ່ອນນອນ

ຖ້າເຮົາປະໂທລະສັບໄວ້ໃກ້ຕົວເຮົາໃນຕອນນອນ, ໃນຍາມເຊົ້າມັນກໍ່ເຮົາເລື່ອນໂມງປຸກໄດ້ງ່າຍ ແລະ ມັນຈະເຮັດໃຫ້ເຮົາລຸກຊ້າຂຶ້ນ ເພາະການຕື່ນເຊົ້າເປັນສິ່ງທີດີ. ສະນັ້ນເຮົາຄວນຫຼີກເວັ້ນໃນການເອົາໂທລະສັບໄວ້ໃກ້ໂຕເຮົາ ເພາະເມື່ອໂທລະສັບຢູ່ໄກຈາກໂຕເຮົາ ເຮົາກໍ່ຕ້ອງລຸກຂຶ້ນ ແລະ ໃຊ້ຫຼາຍຂັ້ນຕອນເພື່ອຢຸດໂມງປຸກ ຈົນເຮັດໃຫ້ເຮົາຕື່ນໃນທີ່ສຸດ.

ຕັດສິນໃຈໃຫ້ດີກ່ອນຊື້ເຄື່ອງ

ສໍາລັບສອງສາມປີຜ່ານມາຂ້ອຍໄດ້ປະຕິບັດຕາມກົດຢູ່ສອງຢ່າງກ່ອນທີ່ຈະຊື້ຫຍັງ. ທຳອິດ, ຖ້າຂ້ອຍເຫັນບາງຢ່າງທີ່ຂ້ອຍມັກຂ້ອຍຈະບໍ່ຊື້ມັນຢູ່ບ່ອນນັ້ນເວັ້ນເສຍແຕ່ວ່າມັນເປັນສິ່ງທີ່ຂ້ອຍຕ້ອງການ ແລະ ກຳລັງຊອກຫາຢູ່. ແຕ່ຂ້ອຍລໍຖ້າສອງສາມມື້ເພື່ອເບິ່ງວ່າມັນຍັງຢູ່ໃນໃຈຂອງຂ້ອຍ ຫຼື ບໍ່.

ຖ້າຫຼັງຈາກສາມມື້ຂ້ອຍຍັງຢາກໄດ້ກ່ຽວກັບເຄື່ອງນັ້ນຢູ່, ຂ້ອຍກໍ່ຈະໄປຫາ ແລະ ຊື້ມັນ. ຖ້າຂ້ອຍລືມກ່ຽວກັບພວກມັນໝົດ, ຫຼັງຈາກນັ້ນຂ້ອຍກໍ່ພຽງຫຼີກເວັ້ນ ເພາະວ່າມັນອາດຈະເປັນພຽງການຊື້ເຄື່ອງເທົ່ານັ້ນ.

ກົດຂໍ້ທີສອງແມ່ນໃຊ້ກັບສິນຄ້າທີ່ຫຼຸດລາຄາ ທຸກໆຄົນມັກຕອນລົດລາຄາແມ່ນບໍ່? ແນ່ນອນພວກເຮົາມັກ ແຕ່ມັນກໍ່ແມ່ນເວລາທີ່ພວກເຮົາມັກຊື້ເຄື່ອງຫຼາຍຢ່າງທີ່ພວກເຮົາບໍ່ຕ້ອງການ. ມັນແມ່ນວິທີທີ່ສະໝອງຂອງພວກເຮົາ. ນັ້ນແມ່ນເຫດຜົນທີ່ການຕະຫຼາດສະແດງຜົນ. ການໄດ້ຮັບການຈັດການທີ່ດີຈະເຮັດໃຫ້ພວກເຮົາມີຄວາມສຸກ ແລະ ພໍໃຈ. ຈົນກວ່າພວກເຮົາຈະຮອດເຮືອນ ແລະ ຮັບຮູ້ວ່າມັນເປັນພຽງຄວາມຮູ້ສຶກຊົ່ວຄາວເທົ່ານັ້ນ.

ເພື່ອຫຼີກເວັ້ນການຊື້ສິ່ງຂອງທີ່ບໍ່ຈຳເປັນ ໃຫ້ຖາມຕົວເອງດ້ວຍຄຳຖາມທີ່ງ່າຍໆວ່າ: “ຂ້ອຍຈະຈ່າຍລາຄາເຕັມບໍ່?”. ຖ້າຄຳຕອບແມ່ນ "ແມ່ນແລ້ວ", ຫຼັງຈາກນັ້ນຈົ່ງເອົາກະເປົາເງິນຂອງທ່ານອອກ. ຖ້າບໍ່ແມ່ນໃຫ້ຍ່າງໜີ.

ບັນທຶກທຸກໆໄອເດຍໄວ້

ເຮົາຄວນໃຫ້ຄວາມສຳຄັນກັບທຸກໆໄອເດຍ ບໍ່ວ່າໄອເດຍທີ່ເຮົາຄິດໄດ້ໃນຕອນນັ້ນຈະເປັນໄອເດຍທີ່ດີ ຫຼື ບໍ່ ເຮົາກໍ່ຄວນບັນທຶກມັນໄວ້ ເພາະມັນອາດຈະມີຄ່າແລະສາມາດນຳມາໃຊ້ໃນອະນາຄົດກໍ່ເປັນໄດ້.

ຂໍ້ຄິດສຸດທ້າຍ

ເຫດຜົນຫຼັກທີ່ເຮັດໃຫ້ເຮົາບໍ່ບັນລຸເປົ້າໝາຍຂອງຕົວເອງແມ່ນພວກເຮົາມີມັກຈະເຮັດສິ່ງຕ່າງໆນັ້ນບໍ່ສະໝ່ຳສະເໝີແທນທີ່ຈະມີວິໄນທີ່ຈະປະຕິບັດຈົນໃຫ້ມັນກາຍເປັນນິໄສປະຈຳວັນ. ເພື່ອເຮັດແນວນັ້ນ, ເຮົາພຽງແຕ່ຕ້ອງປະຕິບັດຕາມກົດລະບຽບງ່າຍໆແບບສອງຢ່າງນີ້:

  1. ຖິ້ມສິ່ງທີ່ບໍ່ດິ

ເຮັດລາຍການນິໄສທີ່ບໍ່ດີທັງໝົດທີ່ເຮົາມີ ແລະ ຕ້ອງການຖິ້ມມັນ. ແລ້ວພະຍາຍາມຖິ້ມພວກມັນທັງໝົດໃນເວລາດຽວກັນ ເລືອກເອົາພຽງສິ່ງໃດສິ່ງໜຶ່ງແລະຄວນມີຄວາມໜັກແໜ້ນຕໍ່ສິ່ງນັ້ນ. ຄ່ອຍໆລົດນິໄສທີ່ບໍ່ດີລົງມື້ລະໜ້ອຍ ສູບຢາໜ້ອຍລົງໜຶ່ງມວນ. ຊື້ສິນຄ້າທີ່ບໍ່ຈຳເປັນລົດລົງໜ້ອຍໜຶ່ງ. ເມື່ອເຈົ້າເຊົານິໄສທີ່ບໍ່ດີແລ້ວໃຫ້ເລີ່ມຄ່ອຍໆສ້າງນິໄສທີ່ດີເຂົ້າມາແທນ.

  1. ເພິ່ມສິ່ງທີ່ດີ

ເຊັ່ນດຽວກັນນີ້ສຳລັບການປ່ຽນແປງທີ່ດີທີ່ເຮົາຕ້ອງການເຮັດ ເຮົາກໍຄວນຄ່ອຍໆເລີ່ມສ້າງນິໄສທີ່ດີມື້ລະໜ້ອຍ ແລະ ຄວນມີວິໄນໃນການປະຕິບັດ ເມື່ອເຮົາເຮັດຈົນເປັນນິໄສແລ້ວເຮົາຈຶ່ງຕັ້ງເປົ້າໝາຍຕໍ່ໄປໃຫ້ໃຫຍ່ກວ່າເກົ່າ ແລະ ຄວນປະຕິບັດຕໍ່ໄປຈົນກ່ວາເຮົາຈະໄປເຖິງເປົ້າໝາຍຂອງເຮົາ.


ຂຽນໂດຍ:ປາກກາຫຼາກສີ

ອ້າງອີງຈາກໜັງສື:

Advertisement Replay Ad
ໄຂຂໍ້ສົງໄສຂອງຫຼາຍຄົນ ແຂ້ວຊາວບໍ່ຕ້ອງຜ່າກໍໄດ້ບໍ?

ໄຂຂໍ້ສົງໄສຂອງຫຼາຍຄົນ ແຂ້ວຊາວບໍ່ຕ້ອງຜ່າກໍໄດ້ບໍ?

7 ປະເພດຄຳທີ່ຄວນຫຼີກເວັ້ນເມື່ອເຮັດວຽກກັບເພື່ອນຮ່ວມງານ

7 ປະເພດຄຳທີ່ຄວນຫຼີກເວັ້ນເມື່ອເຮັດວຽກກັບເພື່ອນຮ່ວມງານ

ໝາ 5 ສາຍພັນທີ່ສາມາດລ້ຽງຮ່ວມກັບເດັກນ້ອຍໄດ້

ໝາ 5 ສາຍພັນທີ່ສາມາດລ້ຽງຮ່ວມກັບເດັກນ້ອຍໄດ້

ຜົນປະໂຫຍດດີມີໃນອາກາດໜາວ

ຜົນປະໂຫຍດດີມີໃນອາກາດໜາວ

8 ແຂວງ 8 ສະຖານທີ່ທ່ອງທ່ຽວທາງພາກເໜືອ ຖ້າຍັງບໍ່ເຄີຍໄປ ຕ້ອງລອງຈັກຄັ້ງໃນຊີວິດ

8 ແຂວງ 8 ສະຖານທີ່ທ່ອງທ່ຽວທາງພາກເໜືອ ຖ້າຍັງບໍ່ເຄີຍໄປ ຕ້ອງລອງຈັກຄັ້ງໃນຊີວິດ

ອົດເຂົ້າແລງ ງົດຂອງຫວານ ກິນຜັກ -- ວ່າດ້ວຍເລື່ອງຂອງການຄວບຄຸມນໍ້າໜັກ

ອົດເຂົ້າແລງ ງົດຂອງຫວານ ກິນຜັກ -- ວ່າດ້ວຍເລື່ອງຂອງການຄວບຄຸມນໍ້າໜັກ

ລວມເຕັກນິກການແຕ່ງໂຕແບບທ່ານຊາຍ ຮັບຮອງວ່າງານນີ້ cool ແນ່ນອນ

ລວມເຕັກນິກການແຕ່ງໂຕແບບທ່ານຊາຍ ຮັບຮອງວ່າງານນີ້ cool ແນ່ນອນ

ສະຖານທີ່ທ່ຽວແບບກາງເຕັ້ນນອນຊົມດາວໃນລາວ ທີ່ໜ້າໜາວນີ້ບໍ່ຄວນພາດ

ສະຖານທີ່ທ່ຽວແບບກາງເຕັ້ນນອນຊົມດາວໃນລາວ ທີ່ໜ້າໜາວນີ້ບໍ່ຄວນພາດ

ເອົາໃຈສາຍປູກ ລະດູນີ້ປູກຫຍັງດີ ຈຶ່ງຈະເໝາະສົມກັບສະພາບອາກາດ?

ເອົາໃຈສາຍປູກ ລະດູນີ້ປູກຫຍັງດີ ຈຶ່ງຈະເໝາະສົມກັບສະພາບອາກາດ?

ຊະນະເກີນລ້ານຖ້ານຳສະເໜີບົດດ້ວຍ 7 ວີທີນີ້

ຊະນະເກີນລ້ານຖ້ານຳສະເໜີບົດດ້ວຍ 7 ວີທີນີ້

5 ໜັງສືສ້າງແຮງບັນດານໃຈສຳລັບຄົນທີ່ກຳລັງທໍ້ ແລະ ໝົດໄຟ ໃຫ້ລຸກຂຶ້ນມາເຂັ້ມແຂງອີກຄັ້ງ

5 ໜັງສືສ້າງແຮງບັນດານໃຈສຳລັບຄົນທີ່ກຳລັງທໍ້ ແລະ ໝົດໄຟ ໃຫ້ລຸກຂຶ້ນມາເຂັ້ມແຂງອີກຄັ້ງ

ງານດີ ເພງມ່ວນ ແນະນຳ 10 ເພງສາກົນຄວາມໝາຍດີໆ ສຳລັບເປີດໃນງານແຕ່ງດອງ

ງານດີ ເພງມ່ວນ ແນະນຳ 10 ເພງສາກົນຄວາມໝາຍດີໆ ສຳລັບເປີດໃນງານແຕ່ງດອງ

ກາເຟ "ເຄື່ອງດື່ມທີ່ບໍ່ໄດ້ເໝາະກັບທຸກຄົນ"

ກາເຟ "ເຄື່ອງດື່ມທີ່ບໍ່ໄດ້ເໝາະກັບທຸກຄົນ"

8 ກຸ່ມອາຊີບມາແຮງ ທີ່ຄາດວ່າຈະເປັນທີ່ຕ້ອງການຫຼາຍຂຶ້ນໃນອະນາຄົດ ບອກເລີຍສາຍ TECH ມາເຕັມ!

8 ກຸ່ມອາຊີບມາແຮງ ທີ່ຄາດວ່າຈະເປັນທີ່ຕ້ອງການຫຼາຍຂຶ້ນໃນອະນາຄົດ ບອກເລີຍສາຍ TECH ມາເຕັມ!

ເຄັດລັບຄວາມສຳເລັດຈາກຜູ້ຊາຍທີ່ໄດ້ຊື່ວ່າ ຄົນເຫຼັກ ARNOLD SCHWARZENEGGER

ເຄັດລັບຄວາມສຳເລັດຈາກຜູ້ຊາຍທີ່ໄດ້ຊື່ວ່າ ຄົນເຫຼັກ ARNOLD SCHWARZENEGGER

ເມນູລະດູໜາວ ແຊບແຖມຍັງເຮັດງ່າຍ ໃຊ້ວັດຖຸດິບຈາກທ້ອງຖິ່ນ

ເມນູລະດູໜາວ ແຊບແຖມຍັງເຮັດງ່າຍ ໃຊ້ວັດຖຸດິບຈາກທ້ອງຖິ່ນ

ຄ່າດອງຄ້າງ ຖ້າຜົວ-ເມຍຢ່າຮ້າງກັນ ຕ້ອງໄດ້ຈ່າຍບໍ່?

ຄ່າດອງຄ້າງ ຖ້າຜົວ-ເມຍຢ່າຮ້າງກັນ ຕ້ອງໄດ້ຈ່າຍບໍ່?

10 ຄໍາພາສາຈີນ ຮູ້ແລ້ວຕົກຢູ່ມົນທົນໃດກໍ່ບໍ່ຢ້ານຕາຍ

10 ຄໍາພາສາຈີນ ຮູ້ແລ້ວຕົກຢູ່ມົນທົນໃດກໍ່ບໍ່ຢ້ານຕາຍ

ທັງງາມ ທັງເກັ່ງ ໂສດໄດ້ແນວໃດ!? 5 ເຫດຜົນທີ່ຜູ້ຍິງເລືອກທີ່ຈະເປັນໂສດຫຼາຍກວ່າມີແຟນ

ທັງງາມ ທັງເກັ່ງ ໂສດໄດ້ແນວໃດ!? 5 ເຫດຜົນທີ່ຜູ້ຍິງເລືອກທີ່ຈະເປັນໂສດຫຼາຍກວ່າມີແຟນ

"ທໍາມິດສາຈານ" ມີຜົວເມຍແລ້ວຍັງໄປເສບສົມກັບຄົນອື່ນ ບາງບັນຫາທີ່ຫຼາຍຄົນຍັງເຂົ້າໃຈຜິດ

"ທໍາມິດສາຈານ" ມີຜົວເມຍແລ້ວຍັງໄປເສບສົມກັບຄົນອື່ນ ບາງບັນຫາທີ່ຫຼາຍຄົນຍັງເຂົ້າໃຈຜິດ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ