ວັນຈັນ ທີ 2 ສິງຫາ 2021

Jump start - ຮູ້ຈັກກັບການຕໍ່ສາຍພ່ວງແບັດເຕີຣີລົດຍົນ ວິທີແກ້ບັນຫາເມື່ອແບັດໝົດ

Jump start - ຮູ້ຈັກກັບການຕໍ່ສາຍພ່ວງແບັດເຕີຣີລົດຍົນ ວິທີແກ້ບັນຫາເມື່ອແບັດໝົດ
S! Muan

ສະໜັບສະໜູນເນື້ອຫາ

 ເປັນສິ່ງປະດິດທີ່ເພີ່ມຄວາມສະດວກສະບາຍໃຫ້ກັບການເດີນທາງຂອງມະນຸດເຮົາ ປັດຈຸບັນກາຍເປັນສິ່ງຈຳເປັນຂອງຫລາຍໆ ຄົນໃນການດຳເນີນຊີວິດ, ດຳເນີນທຸລະກິດ. ໃນເມື່ອເປັນສ່ວນສຳຄັນ ເຮົາກໍ່ຄວນທີ່ຈະໝັ່ນບຳລຸງຮັກສາໃຫ້ລົດຍົນຄັນເກັ່ງນັ້ນມີສະພາບພ້ອມໃຊ້ງານສະເໝີ. ແຕ່ກໍ່ປາສະຈາກບໍ່ໄດ້ ເຫດການທີ່ບໍ່ຄາດຄິດ ເຊັ່ນ: ຫລົງລືມເປີດໄຟເຍືອງທາງປະໄວ້ ເຮັດໃຫ້ໝໍ້ໄຟໝົດຈົນບໍ່ສາມາດຕິດຈັກລົດໄດ້ ຫລື ໝໍ້ໄຟເສື່ອມສະພາບ ບໍ່ສາມາດເກັບໄຟໄດ້ເປັນປົກກະຕິດັ່ງທີ່ມັນຄວນຈະເປັນ. ມື້ນີ້ ເວັບໄຊມ່ວນ ຈະພາຜູ້ອ່ານໄປຮູ້ຈັກກັບຂັ້ນຕອນງ່າຍໆ ໃນການຕໍ່ພ່ວງໝໍ້ໄຟໃຫ້ກັບລົດທີ່ໝໍ້ໄຟໝົດ ເຊິ່ງແມ່ນແຕ່ຜູ້ຍິງຄີງບາງຮ່າງນ້ອຍກໍ່ສາມາດເຮັດໄດ້ດ້ວຍຕົນເອງເມື່ອໝໍ້ໄຟໝົດຈົນເຮັດໃຫ້ບໍ່ສາມາດຕິດຈັກລົດໄດ້. 

ປະເພດຂອງແບັດເຕີຣີລົດຍົນທີ່ໃຊ້ໃນປັດຈຸບັນ 

ກ່ອນຈະໄປຮູ້ຈັກກັບຂັ້ນຕອນການພ່ວງໝໍ້ໄຟລົດຍັນ ເຮົາມາທຳຄວາມຮູ້ຈັກກັບປະເພດຂອງໝໍ້ໄຟທີ່ໃຊ້ກັນໃນປັດຈຸບັນວ່າມີແບບໃດແດ່ກັນກ່ອນ. ໂດຍລວມແລ້ວ ສາມາດແຍກໄດ້ກໍ່ຈະມີໝໍ້ໄຟແບບນ້ຳ ທີ່ຕ້ອງການໆ ເອົາໃຈໃສ່ບຳລຸງຮັກສາ ແຕ່ມີລາຄາຖືກ ແລະ ສາມາດໃຊ້ງານໄດ້ດົນຫາກມີການດູແລຮັກສາຢ່າງສະໝ່ຳສະເໝີ; ແບບ MF — Maintenance Free ຄ້າຍໆ ໝໍ້ໄຟຊະນິດນ້ຳ ແຕ່ບໍ່ຕ້ອງໄດ້ເຕີມນ້ຳກັ່ນເລື້ອຍເທົ່າກັບແບບທຳອິດ (ອາດຈະຕ້ອງໄດ້ເຕີມດົນໆ ຄັ້ງ), ແຕ່ລາຄາຈະສູງກວ່າແບບທຳອິດ ເຊິ່ງປັດຈຸບັນລົດສ່ວນໃຫຍ່ຈະໃຊ້ແບບນີ້ກັນ ແລະ ເໝາະກັບຜູ້ໃຊ້ທີ່ບໍ່ຄ່ອຍມີເວລາມານັ່ງເຕີມນ້ຳກັ່ນເລື້ອຍໆ; ສຸດທ້າຍໝໍ້ໄຟແບບແຫ້ງ ເປັນຊະນິດທີ່ບໍ່ຈຳເປັນຕ້ອງໄດ້ເຕີມນ້ຳກັ່ນ ເພາະໃຊ້ເຈວແທນນ້ຳກັ່ນ ແລະ ລາຄາກໍ່ແພງທີ່ສຸດ. 

ຂັ້ນຕອນວິທີການຕໍ່ພ່ວງໝໍ້ໄຟລົດ 

ຫາກສະຖານະການແບບນີ້ມາເຖິງ ເຮົາຜູ້ຊົມໃຊ້ລົດຍົນກໍ່ຄວນມີຄວາມຮູ້ເບື້ອງຕົ້ນໃນການແກ້ໄຂເຫດການສະເພາະໜ້າ, ວິທີການຕໍ່ສາຍພ່ວງໝໍ້ໄຟລົດຍົນທີ່ຖືກຕ້ອງ ມີຂັ້ນຕອນງ່າຍໆ ດັ່ງລຸ່ມນີ້: 

  • ຂໍຄວາມຊ່ວຍເຫລືອຈາກລົດຄັນອື່ນທີ່ຍັງສາມາດຕິດຈັກລົດໄດ້ປົກກະຕິ ແຕ່ຕ້ອງກວດສອບໃຫ້ແນ່ໃຈວ່າ ຂະໜາດກຳລັງໄຟທີ່ມີຫົວໜ່ວຍເປັນແອັມ (Amp) ຂອງລົດຄັນດັ່ງກ່າວຕ້ອງມີຂະໜາດເທົ່າກັນ ຫລື ຫລາຍກວ່າລົດຂອງເພື່ອນໆ (ຈະມີລະບຸໄວ້ເທິງໝໍ້ໄຟ), ມອດຈັກລົດ ແລະ ຫາສາຍພ່ວງໝໍ້ໄຟ (ແນະນຳຊື້ຕິດລົດໄວ້ຈັກຄູ່ໜຶ່ງ ເພາະບໍ່ແນ່ອາດຈະໄດ້ໃຊ້ປະໂຫຍດ). ຫາກແມ່ນເພື່ອນໆ ຄົນໃດຫາກຕ້ອງໃຊ້ລົດເດີນທາງໄກເລື້ອຍໆ ການຊື້ເຄື່ອງສາກໝໍ້ໄຟແບບພົກພາ (Portable car jump starter) ກໍ່ເປັນອີກທາງເລືອກທີ່ໜ້າສົນໃຈ ເພາະປັດຈຸບັນຂະໜາດນ້ອຍລົງຫລາຍ (ປະມານຂະໜາດຂອງ Power Bank) ລອງໄປເບິ່ງຈາກເວບນີ້ເລີຍ autoguide.com ມີຫລາກຫລາຍແບບ ຫລາຍຂະໜາNilaດ ຫລາຍແຮງໄຟ, ແຕ່ອາດຫາຊື້ໃນບ້ານເຮົາໄດ້ຍາກໜ້ອຍໜຶ່ງ ລອງຖາມຮ້ານຂາຍອາໄຫລ່ໃກ້ບ້ານທ່ານເບິ່ງ; 
  • ຂັ້ນຕອນການພ່ວງ: ເລີ່ມຈາກຕໍ່ຂົ້ວບວກ (+) ກັບລົດທີ່ໝໍ້ໄຟໝົດໄປໃສ່ຂົ້ວບວກ (+) ຂອງລົດທີ່ມີໄຟ, ສາຍທີ່ສອງໃຫ້ຕໍ່ຈາກຂົ້ວລົບ (-) ຂອງລົດຄັນທີ່ມີໄຟໄປໜີບໃສ່ກັບເຮືອນລົດຂອງຄັນທີ່ໝໍ້ໄຟໝົດ (ບ່ອນໃດກໍ່ໄດ້ທີ່ເປັນເຫລັກເປືອຍ ບໍ່ໄດ້ຜ່ານການພົ່ນສີ), ຂັ້ນຕອນສຸດທ້າຍນີ້ສຳຄັນ ເພາະຍັງມີຫລາຍ ຄົນທີ່ເຂົ້າໃຈວ່າຕ້ອງເອົາຂົ້ວລົບຕໍ່ກັບແບັດເຕີຣີຂອງລົດທີ່ໝໍ້ໄຟໝົດຫາກເຮັດຜິດອາດສົ່ງຜົນເສຍຫາຍແກ່ໝໍ້ໄຟ ແລະ ລະບົບໄຟຟ້າທັງໝົດຂອງລົດເພື່ອນ ໄດຍິ່ງໄປກວ່ານັ້ນ ອາດເກີດອັນຕະລາຍຕໍ່ຊີວິດຂອງເພື່ອນ ໄດ້ເຊັ່ນດຽວກັນ
  • ຕິດຈັກລົດຄັນທີ່ມີໄຟ ແລ້ວປ່ອຍໄວ້ໄລຍະໜຶ່ງ (ປະມານສອງສາມນາທີຈະເປັນການດີ ເພື່ອລໍຖ້າໃຫ້ລົດຄັນດັ່ງກ່າວສາກໄຟກັບເຂົ້າສູ່ໝໍ້ໄຟໃຫ້ເຕັມສາກ່ອນ); 
  • ທົດລອງຕິດລົດຄັນທີ່ໝໍ້ໄຟໝົດ, ເມື່ອຕິດໄດ້ແລ້ວ ຢ່າຟ້າວມອດຈັກ ປ່ອຍໃຫ້ເຄື່ອງຈັກລົດເຮັດວຽກຢ່າງໜ້ອຍ 15-20 ນາທີ ເພື່ອເປັນການສາກໄຟໃຫ້ກັບໝໍ້ໄຟລົດຂອງເພື່ອນໆ. ແຕ່ສາມາດຖອດສາຍພ່ວງອອກໄດ້ເລີຍ ຫລັງຈາກສາມາດຕິດຈັກໄດ້ແລ້ວ ໂດຍຂັ້ນຕອນການປົດສາຍໃຫ້ຍ້ອນກັບຂັ້ນຕອນທີ່ພ່ວງສາຍ ຄື: ປົດສາຍທີ່ຕໍ່ກັບເຮືອນລົດຄັນທີ່ໄຟໝົດ, ປົດສາຍຂົ້ວລົບ (-) ອອກຈາກໝໍ້ໄຟ ແລ້ວປົດສາຍຂົ້ວບວກ (+) ອອກຈາກໝໍ້ໄຟຕາມລຳດັບ.

ເມື່ອສາມາດຕິດໄດ້ແລ້ວ ຫາກບໍ່ແນ່ໃຈວ່າໝໍ້ໄຟຍັງເກັບໄຟໄດ້ປົກກະຕິ ຫລື ບໍ່, ສາມາດກວດສອບແຮງດັນໄຟຟ້າດ້ວຍອຸປະກອນວັດແທກໄຟຟ້າ (Multimeter) ແຮງດັນໄຟຄວນມີຢ່າງໜ້ອຍປະມານ 11 ໂວນ (ຂະນະທີ່ມອດຈັກລົດຢູ່) ເພື່ອໃຫ້ລົດສາມາດຕິດຈັກໄດ້ (ສະເພາະລົດຍົນຂະໜາດນ້ອຍທົ່ວໆ ໄປ ບໍ່ລວມລົດບັນທຸກຂະໜາດໃຫຍ່) ຫລື ຫາກບໍ່ມີຄວາມຮູ້ ກໍ່ແນະນຳໃຫ້ໄປຫາຊ່າງກວດສອບເບິ່ງ. ຫາກແມ່ນໝໍ້ໄຟບໍ່ເກັບໄຟແລ້ວ ກໍ່ຈຳເປັນຕ້ອງໄດ້ປ່ຽນໜ່ວຍໃໝ່. 

ວິທີການຖະໜອມແບັດເຕີຣີລົດຍົນ 

ວິທີການຖະໜອມໝໍ້ໄຟລົດໃຫ້ຢູ່ກັບເຮົາໄປດົນໆ ກໍ່ບໍ່ຍາກ, ໃຫ້ເພື່ອນໆ ໝັ່ນກວດສອບລະດັບນ້ຳກັ່ນ (ຫາກເປັນຊະນິດທີ່ຕ້ອງເຕີມນ້ຳກັ່ນ) ໃຫ້ຢູ່ໃນລະດັບທີ່ໂຮງງານກຳນົດໄວ້. ໝໍ້ໄຟບາງລຸ້ນຈະມີໄຟບອກສະຖານະສຸຂະພາບ ສ່ວນໃຫຍ່ຫາກເປັນສີຂຽວແມ່ນສະພາບປົກກະຕິ ແຕ່ຫາກເປັນສີແດງ ຫລື ເຫລືອງຄວນປຶກສາຊ່າງ ຫລື ກວດສອບຈາກຄູ່ມືຂອງໝໍ້ໄຟດັ່ງກ່າວ. ຫາກບໍ່ຄ່ອຍໄດ້ໃຊ້ລົດ ຄວນຈະອຸ່ນຈັກລົດຢ່າງໜ້ອຍອາທິດລະຄັ້ງ ຄັ້ງລະ 15 - 20ນາທີ (ນຳອອກໄປແລ່ນໄດ້ກໍ່ຍິ່ງດີ). ບໍ່ຄວນມອດຈັກລົດແລ້ວເປີດໃຊ້ງານອຸປະກອນໄຟຟ້າພາຍໃນລົດ ເຊັ່ນ: ແອ, ເຄື່ອງສຽງ, ໄຟເຍືອງທາງ ອັນຈະເຮັດໃຫ້ອາຍຸການໃຊ້ງານຂອງໝໍ້ໄຟລົດຂອງເພື່ອນໆ ຫລຸດລົງ. ຫາກເຮັດໄດ້ເທົ່ານີ້ ຮັບຮອງວ່າແບັດເຕີຣີລົດຍົນຄັນເກັ່ງຂອງເພື່ອນໆ ຈະສາມາດໃຊ້ໄດ້ຕາມອາຍຸການໃຊ້ງານຂອງມັນແນ່ນອນ (ສະເລ່ຍກໍ່ປະມານ ປີ ຫລື ສອງປີ ຂຶ້ນກັບເງື່ອນໄຂການໃຊ້ງານ). 

ສຸດທ້າຍ ກໍ່ຂໍໃຫ້ທຸກທ່ານເດີນທາງຢ່າງມີສະຕິ, ຂັບລົດຢ່າງລະມັດລະວັງ ເພື່ອຄວາມປອດໄພຂອງຕົວທ່ານເອງ ແລະ ເພື່ອນຮ່ວມເສັ້ນທາງ. 


ຂຽນໂດຍ: Nilavath 

ອ້າງອີງ: 

Advertisement Replay Ad
ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ