ວັນເສົາ ທີ 31 ຕຸລາ 2020

ແມ່ຍິງຄົນນີ້ຖືກເລກຫຼາຍກວ່າ 14 ຕື້ ປະຕິເສດທີ່ຈະໃຊ້ຊີວິດຢ່າງຫຼູຫຼາ ແລ້ວມາລ້ຽງໝູໃນຟາມແທນ

ແມ່ຍິງຄົນນີ້ຖືກເລກຫຼາຍກວ່າ 14 ຕື້ ປະຕິເສດທີ່ຈະໃຊ້ຊີວິດຢ່າງຫຼູຫຼາ ແລ້ວມາລ້ຽງໝູໃນຟາມແທນ
S! Muan

ສະໜັບສະໜູນເນື້ອຫາ

ລອງຈິນຕະນາການເບິ່ງວ່າ ເຈົ້າຖືກ ແລະ ບໍ່ເຄີຍຕ້ອງກັງວົນກ່ຽວກັບເລື່ອງເງິນຄຳອີກເລີຍ. ເຈົ້າຈະໄປທ່ຽວທົ່ວໂລກ, ຂັບລົດສະປອດ ແລະ ອາໄສຢູ່ໃນເຮືອນທີ່ຫຼູຫຼາ ຫຼື ບໍ່? ຄວາມຝັນຂອງ ຊູຊານ ເຮີດແມນ (Susan Herdman) ຈາກອັງກິດກາຍເປັນຈິງເມື່ອເດືອນມັງກອນ 2010 ເມື່ອລາວຖືກຫວຍໄດ້ລາງວັນເກືອບ 1.2 ລ້ານປອນ ຫຼື ຫຼາຍກວ່າ 14 ຕື້ກີບ.

ແຕ່ຊີວິດຂອງລາວກໍຍັງຄົງເປັນໄປຢ່າງທຳມະດາບໍ່ມີຄວາມຫຼູຫຼາໃດໆທັງນັ້ນ. ເມື່ອ 10 ປີກ່ອນ, ແມ່ຍິງຄົນນີ້ເຊິ່ງເປັນຊ່າງເຮັດຜົມໃນເມືອງ Herefordshire ແລະ ເປັນແມ່ລ້ຽງດ່ຽວ ຕ້ອງໄດ້ໃຊ້ຈ່າຍເງິນຄຳຢ່າງປະຢັດ ຂະໜາດທີ່ຕ້ອງໄດ້ລະມັດລະວັງໃນການເປີດເຄື່ອງເຮັດຄວາມຮ້ອນ.

"ຂ້ອຍເຮັດວຽກໜັກມາຕະຫຼອດຊີວິດ," ຊູຊານ ໃນໄວ 52 ປີກ່າວ. "ຂ້ອຍມີວຽກເຮັດງານທຳມາຕະຫຼອດ ແລະ ພໍ່ແມ່ຂອງຂ້ອຍກໍໄດ້ປູກຝັງຂ້ອຍມາວ່າ ຖ້າເຈົ້າຢາກໄດ້ຫຍັງບາງສິ່ງ ກໍໃຫ້ເຮັດວຽກເອົາ. ບໍ່ມີໃຜມາສ້າງຊີວິດໃຫ້ເຈົ້າໄດ້ ແລະ ຢ່າສ້າງໜີ້ສິນ. ພໍ່ຂອງຂ້ອຍເປັນຄົນທີ່ໜ້າຍ້ອງຍໍ ລາວອາຍຸ 78 ປີ ແລະ ຍັງເຮັດວຽກຢູ່."

ຕັ້ງແຕ່ເປັນໜຸ່ມ, ຊູຊານ ເຮັດວຽກໃນວັນເສົາຢູ່ທີ່ຟາມມ້າ ແລະ ສູນວາງຂາຍພືດສວນ ຫຼັງຈາກນັ້ນລາວຈຶ່ງໄດ້ເຂົ້າຝຶກອົບຮົມເພື່ອເປັນຊ່າງເຮັດຜົມ.


ພາບ: WALES NEWS SERVICE

ຫຼັງຈາກທີ່ ຫວຍແຫ່ງຊາດຂອງອັງກິດໄດ້ສ້າງຕັ້ງຂຶ້ນໃນປີ 1994, ລາວໄດ້ຊື້ຫວຍໃຫ້ພໍ່ຂອງລາວໃນແຕ່ລະອາທິດ ແລະ ຫຼັງຈາກນັ້ນ ເມື່ອພໍ່ຂອງລາວຢຸດຊື້ຫວຍ ຊູຊານກໍຍັງສືບຕໍ່ຊື້ເລກເກົ່າ ໂດຍເຊື່ອວ່າຕ້ອງມີມື້ໜຶ່ງທີ່ເລກພວກນີ້ຈະອອກ.

"ມັນເປັນຄືກັນຄວາມເຊື່ອສ່ວນຕົວທີ່ວ່າ ຂ້ອຍຈະຕ້ອງຖືກຫວຍໃນມື້ໜຶ່ງ," ລາວອະທິບາຍ. "ເມື່ອຂ້ອຍກຳລັງເຮັດຜົມໃຫ້ລູກຄ້າ, ຂ້ອຍບໍ່ເຄີຍເວົ້າວ່າ 'ຖ້າ' ຂ້ອຍຖືກຫວຍ. ແຕ່ຂ້ອຍຈະເວົ້າວ່າ 'ເມື່ອ' ຂ້ອຍຖືກຫວຍ."

ຊູຊານແຕ່ງດອງເມື່ອອາຍຸໄດ້ 22 ປີ ແລະ 2 ປີຕໍ່ມາລາວກໍໄດ້ລູກຊາຍຊື່ ເຈກ (Jake). ແຕ່ເມື່ອລູກຊາຍອາຍຸໄດ້ 12 ປີ, ຊີວິດຄອບຄົວຂອງລາວກໍແຕກຫັກລົງ ແລະ ລາວພ້ອມດ້ວຍລູກຂອງລາວໄດ້ຍ້າຍເຂົ້າໄປຢູ່ໃນເຮືອນເຊົ່າ.

"ຂ້ອຍຮັບຮູ້ຢູ່ສະເໝີວ່າ ເປັນໜ້າທີ່ຂອງຂ້ອຍທີ່ຕ້ອງຮັບຜິດຊອບຄ່າໃຊ້ຈ່າຍຕ່າງໆ," ລາວກ່າວ. "ຮ້ານເສີມຄວາມງາມເປັນວຽກທີ່ບໍ່ມີວັນພັກ ແລະ ຫຍຸ້ງຢູ່ຕະຫຼອດເວລາ. ມັນເປັນສິ່ງທີ່ຊື້ເຖິງຊີວິດທັງໝົດຂອງຂ້ອຍ. ຂ້ອຍຕ້ອງໄດ້ຈົດບັນທຶກນັດໝາຍຂອງລູກຄ້າ ແລະ ໂທລະສັບກໍດັງຢູ່ບໍ່ຢຸດ. ຫຼັງຈາກນັ້ນຂ້ອຍກໍຍັງມີວຽກເຮືອນທີ່ຕ້ອງເຮັດອີກເມື່ອຂ້ອຍກັບຮອດເຮືອນ. ຂ້ອຍຕ້ອງໄດ້ລະມັດລະວັງເມື່ອຂ້ອຍເປີດເຄື່ອງເຮັດຄວາມຮ້ອນ. ແຕ່ຂ້ອຍກໍມີພໍກິນພໍໃຊ້ທີ່ຈະໃຫ້ຊີວິດດຳເນີນຕໍ່ໄປ."

ເມື່ອຊູຊານອາຍຸໄດ້ 40 ປີ, ເຊິ່ງຕອນນັ້ນ ເຈກ ລູກຊາຍຂອງລາວກໍໄດ້ອອກຈາກໂຮງຮຽນ, ແລງມື້ໜຶ່ງ ລູກຄ້າຄົນໜຶ່ງຂອງລາວກໍໄດ້ສະເໜີທີ່ຈະເບິ່ງດວງຈາກໄພ້ທາໂຣ່ (Tarot) ໃຫ້ລາວ. "ມັນເປັນເລື່ອງທີ່ມ່ວນຊື່ນຢູ່. ພວກເຮົາດື່ມເຫຼົ້າແວງກັນ 2-3 ຈອກ ແລະ ລາວກໍເວົ້າວ່າ 'ຂ້ອຍບໍ່ແມ່ນໝໍດູ. ຂ້ອຍບໍ່ແມ່ນນັກສະກົດຈິດ. ໃຫ້ເຈົ້າເລືອກໄພ້ທີ່ເຈົ້າຕ້ອງການ ແລະ ຂ້ອຍຈະບອກເຈົ້າວ່າແຕ່ລະໃບມີຄວາມໝາຍວ່າແນວໃດ'. ຫຼັງຈາກນັ້ນ ລາວກໍເປີດໄພ້ໃບທຳອິດຂຶ້ນ ແລະ ເວົ້າວ່າ 'ໂອ້ໂຫ'. ຫຼັງຈາກນັ້ນກໍໃບຕໍ່ໄປ 'ວ້າວ' ແລະ ລາວກໍເປີດໃບຕໍ່ໆໄປ ແລະ ເວົ້າວ່າ 'ຂ້ອຍບໍ່ເຄີຍເຫັນໄພ້ແບບນີ້ມາກ່ອນໃນຊີວິດ.'

ລູກຄ້າຄົນນັ້ນນັ່ງລົງຕັ່ງຄືນ ແລະ ເວົ້າວ່າ "ເຈົ້າຄວນຊື້ເລກ ເພາະເບິ່ງຄືວ່າເຈົ້າກຳລັງຈະຖືກເລກ". ດັ່ງນັ້ນ ເຮົາຈຶ່ງຫົວອອກມາ ແລະ ລາວກໍກ່າວວ່າ "ບໍ່. ແທ້ໃດ. ເຈົ້າຈະປະສົບຄວາມສຳເລັດໃນສິ່ງທີ່ເຈົ້າເຮັດ."

ຊູຊານໄດ້ໂພສຄຳທຳນວາຍລົງໃນເຟສບຸກ ແລະ ໃນຕອນແລງວັນເສົານັ້ນ, ລາວກໍຖືກຫວຍຄືກັບທີ່ລູກຄ້າຄົນນັ້ນໄດ້ພະຍາກອນໄວ້.

"ຂ້ອຍກຳລັງຊົງຊາ ແລະ ໄດ້ຍິນສຽງຂອງຜູ້ປະກາດຜົນຫວຍໃນອີກຫ້ອງ. ດັ່ງນັ້ນ ຂ້ອຍຈຶ່ງແລ່ນໄປຫ້ອງນັ້ນ ແລະ ກົດຢຸດ. ຂ້ອຍກັບໄປໃນເຮືອນຄົວ ແລະ ລົງມືກິນສະປາເກັດຕີຄາໂບນາຣາ ແລະ ໃນຂະນະທີ່ຂ້ອຍກວດເບິ່ງໂຕເລກທີ່ຢຸດຢູ່ເທິງໜ້າຈໍ ຂ້ອຍກໍເລີ່ມສັ່ນ."


ພາບ: WALES NEWS SERVICE

ລາງວັນໃນອາທິດນັ້ນແມ່ນ 7,500,000 ປອນ ແຕ່ຊູຊານກໍພະຍາຍາມທີ່ຈະບໍ່ຕື່ນເຕັ້ນເກີນໄປ ເພາະອາດມີຄົນອື່ນທີ່ຊື້ເລກດຽວກັນ.

ລາວໂທຫາເບີໂທລະສັບທີ່ຢູ່ດ້ານຫຼັງໃບຫວຍ ພ້ອມທັງສັ່ນເຊັນ ແລະ ກໍກົດເບີໂທຜິດໄປຫຼາຍຄັ້ງ ເພາະຕື່ນເຕັ້ນແຮງ.

"ເມື່ອມີຜູ້ຍິງຄົນໜຶ່ງຮັບສາຍ ຂ້ອຍກໍເວົ້າວ່າ ຂ້ອຍຄິດວ່າຂ້ອຍຖືກເລກ. ຕອນນັ້ນຂ້ອຍຂ້ອນຂ້າງເບຼີ ແຕ່ຜູ້ຍິງຄົນນັ້ນກໍບອກໃຫ້ຂຽນຊື່ ແລະ ທີ່ຢູ່ລົງໃນໃບຫວຍ ແລະ ເກັບໄວ້ໃຫ້ດີ ພ້ອມທັງໃຫ້ຂຽນລະຫັດຜ່ານນຳ ເພາະວ່າມື້ອື່ນຈະມີຄົນໂທມາຫາ ແລະ ພວກເຂົາຈະບອກລະຫັດຜ່ານນັ້ນ ເພື່ອໃຫ້ຂ້ອຍຮູ້ວ່າພວກເຂົາເປັນຄົນຈາກກອງສະຫຼາກແທ້." ຊູຊານກໍໄດ້ເຮັດຕາມທີ່ຜູ້ຍິງຄົ້ນນັ້ນບອກ.

ລາວບໍ່ໄດ້ຮູ້ເລີຍວ່າໂຕເອງຖືກຫຼາຍປານໃດ ແທນທີ່ຈະນັ່ງລໍຖ້າ ລາວຈຶ່ງຕັດສິນໃຈໄປຮ້ອງຄາຣາໂອເກະກັບໝູ່ໃນຕອນແລງມື້ນັ້ນ.

"ຄືນນັ້ນຂ້ອຍຢູ່ເຮືອນບໍ່ໄດ້ເລີຍ, ສະນັ້ນຂ້ອຍຈຶ່ງເຊື່ອງໃບຫວຍໄວ້ໃນເສື້ອຊ້ອນ ແລະ ໄປຮ້ອງຄາຣາໂອເກະ. ຂ້ອຍບໍ່ໄດ້ບອກໃຜເລີຍວ່າຖືກຫວຍ ມີແຕ່ໄປເຂົ້າຫ້ອງນໍ້າເປັນໄລຍະໆ ເພື່ອກວດວ່າໃບຫວຍຍັງຢູ່ບໍ່ ແລະ ຈຶ່ງກັບມາຮ້ອງຄາຣາໂອເກະຄືນ."

ຫຼັງຈາກທີ່ປິດເປັນຄວາມລັບໄວ້ຕະຫຼອດແລງມື້ນັ້ນ, ຊູຊານມາຮອດເຮືອນໃນຕອນທ່ຽງຄືນ ແລະ ກວດເບິ່ງຄອມພິວເຕີຂອງລາວ ເຫັນວ່າມີ 5 ຄົນທີ່ຖືກຫວຍເລກດຽວກັນ. ເງິນລາງວັນທີ່ລາວໄດ້ແມ່ນ 1,182,714 ປອນ.

"ບໍ່ມີການຫົວ, ໄຫ້ ຫຼື ແລ່ນຮ້ອງໄປມາອ້ອມຫ້ອງ. ຕອນນັ້ນເວົ້າໄດ້ແຕ່ວ່າ 'ຂອບໃຈພະເຈົ້າ. ຂອບໃຈ' ແລະ ຂ້ອຍກໍຮູ້ສຶກໂລ່ງໃຈວ່າ ຕໍ່ນີ້ໄປຕະຫຼອດຊີວິດຂ້ອຍຈະບໍ່ມີບັນຫາເລື່ອງການເງິນອີກແລ້ວ. ຂ້ອຍຈະບໍ່ຕ້ອງມາແຂ່ງກັບເວລາ ເພື່ອໃຫ້ນັດໝາຍຂອງລູກຄ້າສຳເລັດ."

ມື້ຕໍ່ມາ, ຊູຊານໄດ້ເຊີນພໍ່ແມ່ຂອງລາວມາຫາ ແລະ ບອກກ່ຽວກັບເລື່ອງດັ່ງກ່າວ. "ຂ້ອຍບອກພວກເຂົາວ່າ ຂ້ອຍຖືກເລກ ແລະ ໃນຕອນນັ້ນຂ້ອຍກໍນໍ້າຕາແຕກ. ແມ່ຂອງຂ້ອຍບໍ່ເວົ້າຫຍັງ ແລະ ພໍ່ຂອງຂ້ອຍກໍລຸກຂຶ້ນເຕັ້ນຈັບຂ້ອຍໄວ້ ແລະ ເວົ້າວ່າ ໃນທີ່ສຸດກໍຖືກຈົນໄດ້!".

"ຂ້ອຍຖືກເລກຂອງພໍ່ຂ້ອຍ ແຕ່ລາວກໍເປັນຄົນທີ່ໃຈດີຫຼາຍ. ລາວບໍ່ເຄີຍຄາດຫວັງສ່ວນແບ່ງເງິນລາງວັນ. ລາວພຽງແຕ່ດີໃຈຫຼາຍ."

ໃນຂະນະທີ່ຜູ້ຖືກຫວຍສ່ວນໃຫຍ່ມັກຈະໄປພັກຜ່ອນຢ່າງຫຼູຫຼາ ຫຼື ໃຊ້ຈ່າຍຢ່າງຟຸມເຟືອຍ ແຕ່ສຳລັບຊູຊານ ລາວໄດ້ໃຊ້ເວລາ 6 ເດືອນຕໍ່ມາຂອງລາວເຮັດວຽກໃນຮ້ານເສີມຄວາມງາມຂອງລາວຕາມປົກກະຕິ.

"ເຈົ້າປ່ຽນຈາກການປິດເຄື່ອງເຮັດຄວາມຮ້ອນໄວ້ ເພາະກັງວົນເລື່ອງຄ່າໃຊ້ຈ່າຍ ໄປເປັນມີເງິນຈຳນວນຫຼາຍໃນທະນາຄານ ແບບກະທັນຫັນ. ມັນເປັນເລື່ອງທີ່ຂ້ອນຂ້າງໜ້າຢ້ານກົວ," ຊູຊານ ກ່າວ. "ຊີວິດຂອງເຈົ້າປ່ຽນໄປຢ່າງບໍ່ໜ້າເຊື່ອ. ແຕ່ໃນຈຸດນັ້ນ, ຂ້ອຍບໍ່ໄດ້ຢາກໃຫ້ຊີວິດທັງໝົດທີ່ເຫຼືອຂອງຂ້ອຍປ່ຽນໄປເລີຍ. ຮ້ານເສີມຄວາມງາມຂອງຂ້ອຍເປັນເສົາຫຼັກຂອງຂ້ອຍ. ຂ້ອຍຍັງຄົງກ້າວເດີນຕໍ່ໄປໄດ້ ເຖິງວ່າຈະຜ່ານເລື່ອງຮ້າຍໆມາຫຼາຍຄັ້ງແລ້ວກໍຕາມ."

9 ເດືອນກ່ອນທີ່ຈະຖືກລາງວັນໃຫຍ່, ຊູຊານ ໄດ້ເລີ່ມຄົບຫາກັບ ແອນດຣູ ໄວ 53 ປີ ເຊິ່ງເປັນເຈົ້າຂອງຟາມໝູ ແລະ ເປັນໝູ່ເກົ່າຂອງລາວ ອາໄສຢູ່ຫ່າງອອກໄປ 220 ໄມ ໃນ North Yorkshire.

"ພວກເຮົາເຂົ້າກັນໄດ້ດີຫຼາຍ ແລະ ຂ້ອຍກໍມີແຜນທີ່ຈະໄປອາໄສຢູ່ທີ່ North Yorkshire ຖ້າວ່າຄວາມສຳພັນຂອງເຮົາຍັງເປັນໄປໄດ້ດີ ເພາະວ່າລາວມີຟາມຂອງຄອບຄົວຢູ່ນັ້ນ."

ຊີວິດເປັນສິ່ງທີ່ສັ້ນ ແລະ ຕອນນີ້ກໍໄດ້ເວລາທີ່ຈະຕ້ອງກ້າວໄປຂ້າງໜ້າ. ລາວໄດ້ຂາຍຮ້ານເສີມຄວາມງາມອັນເປັນທີ່ຮັກໄປໃນເດືອນສິງຫາ 2010 ແລະ ລາວ ພ້ອມກັບ ເຈກ ລູກຊາຍ ໄດ້ຍ້າຍໄປຢູ່ຟາມໃນເດືອນມີນາ 2011. "ຂ້ອຍຄິດຂຶ້ນມາກະທັນຫັນວ່າ ຂ້ອຍອາຍຸ 40 ປີແລ້ວ. ຂ້ອຍກຳລັງເຮັດຫຍັງຢູ່? ເຈົ້າໄດ້ຮັບຂອງຂວັນເປັນເງິນລາງວັນຈາກຫວຍນີ້. ການຖືກເລກຈະມີຄວາມໝາຍຫຍັງ ຖ້າເຈົ້າບໍ່ປ່ຽນແປງຊີວິດຂອງເຈົ້າເອງ?"


ພາບ: ©Dylan Nolte

ສິ່ງໜຶ່ງທີ່ຊູຊານໃຊ້ເງິນໄປເປັນຈຳນວນຫຼາຍແມ່ນ ໂຮງລົດຂະໜາດໃຫຍ່ ເພື່ອສານຝັນຂອງລາວ ແລະ ແອນດຣູ ເຊິ່ງເປັນກິດຈະກຳຍາມວ່າງທີ່ພວກເຂົາມັກ. ພ້ອມນັ້ນ ລາວຍັງຊ່ວຍນ້ອງສາວ 2 ຄົນ ແລະ ພໍ່ແມ່ ໃຫ້ເດີນທາງທ່ຽວພັກຜ່ອນ ແລະ ຊື້ລົດໃຫ້.

ອີກຢ່າງໜຶ່ງ, ຊູຊານກໍມີຄວາມສຸດຫຼາຍທີ່ດຳລົງຊີວິດແບບລຽບງ່າຍ ຕື່ນ 6:30 ໂມງເຊົ້າໃນແຕ່ລະມື້ ເພື່ອເຮັດວຽກປະຈຳວັນໃນຟາມລ້ຽງໝູ.

"ມັນເປັນຊີວິດທີ່ມີຄວາມທ້າທາຍ ແຕ່ກໍເປັນຊີວິດທີ່ມີຄວາມສຸກ," ຊູຊານກ່າວ. "ເມື່ອເຈົ້າເປັນຜູ້ອອກແຮງງານ, ຂ້ອຍບໍ່ຄິດວ່າເຈົ້າຈະບໍ່ອອກໄປເຮັດວຽກ. ເຈົ້າຕ້ອງມີຈຸດປະສົງທີ່ຈະຕື່ນຂຶ້ນມາ. ຂ້ອຍຕ້ອງຄິດເຖິງອະນາຄົດຂອງລູກຊາຍຂ້ອຍເຊັ່ນກັນ. 

"ຂ້ອຍຮັບຮູ້ເປັນຢ່າງດີວ່າ ຜູ້ຖືກຫວຍຈຳນວນຫຼາຍເສຍເງິນທັງໝົດໄປໃນໄລຍະເວລາທີ່ສັ້ນ. ຂ້ອຍບອກໂຕເອງວ່າ ການຖືກຫວຍ ແລະ ເສຍເງິນທັງໝົດໄປ ຈະເປັນສິ່ງທີ່ໂຫດຮ້າຍຫຼາຍກວ່າບໍ່ຖືກຫວຍເລີຍ. ຢ່າເຂົ້າໃຈຂ້ອຍຜິດເດີ, ພວກເຮົາມີວັນພັກຜ່ອນທີ່ດີຫຼາຍ. ແຕ່ຂ້ອຍກໍຮັບຮູ້ສະເໝີວ່າ ຂ້ອຍຕ້ອງເບິ່ງແຍງເງິນຈຳນວນນີ້."


ພາບ: PA

ຊູຊານຢໍ້າວ່າ ໝູ່ເພື່ອນຂອງລາວຍັງຄົງປະຕິບັດຕົນຢ່າງເປັນປົກກະຕິກັບລາວ. "ຂ້ອຍໂຊກດີຫຼາຍທີ່ມີໝູ່ເພື່ອນທີ່ມະຫັດສະຈັນ. ພວກເຮົາຍັງລົມກັນມ່ວນຊື່ນໃນຮ້ານເຫຼົ້າ, ປ່ຽນກັນຈ່າຍເງິນຄ່າເຄື່ອງດື່ມ," ຊູຊານກ່າວຕໍ່. "ແຕ່ໝູ່ຂອງຂ້ອຍເຊິ່ງເບິ່ງໄພ້ພ້ອມກັນກັບຂ້ອຍເວົ້າຕິດຕະຫຼົກວ່າ 'ຂ້ອຍຈັ່ງແມ່ນໂງ່ທີ່ບໍ່ຊື້ເລກໂຕດຽວກັນກັບເຈົ້າ!".

"ຂ້ອຍບໍ່ແມ່ນຄົນທີ່ຕ້ອງນັ່ງເຮືອບິນຊັ້ນເຟີສຄຼາສ, ຂ້ອຍບໍ່ຄິດທີ່ຈະເສຍເງິນໄປກັບມັນ. ຂ້ອຍບໍ່ແມ່ນແມ່ຍິງທີ່ຕ້ອງຊື້ເຄື່ອງຈາກນັກອອກແບບແຟຊັນ. ຂ້ອຍຍັງໄປຊື້ເຄື່ອງມືສອງໃນຮ້ານຄ້າການກຸສົນຢູ່ເລີຍ," ລາວກ່າວຕໍ່. "ຂ້ອຍດົມກິ່ນໝູຢູ່ຕະຫຼອດເວລາ! ເງິນບໍ່ໄດ້ເຮັດໃຫ້ຂ້ອຍປ່ຽນໄປ."

ໂດຍຮັບຮູ້ວ່າຄົນສ່ວນໃຫຍ່ບໍ່ໄດ້ມາຢູ່ໃນຈຸດທີ່ໂຊກດີຄືກັບຊູຊານ, ໃນຕອນທີ່ພະຍາດໂຄວິດ-19 ເລີ່ມລະບາດ, ລາວໄດ້ແຈກມັນຝຣັ່ງຈາກຟາມຂອງລາວໃຫ້ຄົນອື່ນ ຫຼັງຈາກທີ່ພົບວ່າອາຫານໃນຮ້ານຄ້າຕ່າງໆຖືກກວາດຊື້ໄປຈົນໝົດ. ພ້ອມນັ້ນ ລາວຍັງໄດ້ປະກອບສ່ວນຊ່ວຍເຫຼືອຜູ້ທີ່ຂາດເຂີນ ແລະ ຜູ້ເຖົ້ານຳອີກ.


ພາບ: PA

"ເປັນຫຍັງຈຶ່ງບໍ່ແຈກລະ?" ລາວຖາມ. "ໃນຍຸກທີ່ທຸກຄົນຕ່າງກໍຍາດແຍ່ງກັນຊື້, ເປັນຫຍັງຄືບໍ່ເປັນຜູ້ໃຫ້ລະ?"

ຊູຊານ ເຊິ່ງຍັງຄົງຊື້ຫວຍຢູ່ ເວົ້າວ່າ ລາວອວຍພອນໃຫ້ທຸກໆຄົນຖືກຫວຍຈັກຄັ້ງ. "ຄຳແນະນຳຂອງຂ້ອຍກໍຄື ໃຫ້ມີສະຕິ. ຢ່າທຸ້ມເງິນຊື້ຈົນໝົດໂຕ. ຈົ່ງພໍໃຈໃນຄວາມສຸກທີ່ບໍ່ສາມາດໃຊ້ເງິນຊື້ໄດ້."


ແປ ແລະ ຮຽບຮຽງຈາກ:

 

Advertisement Replay Ad
ໜຸ່ມດວງເຮັງ ຖືກເລກ 5 ໂຕ 4 ໂຕ ແລະ 3 ໂຕພ້ອມກັນ ກວາດເງິນລາງວັນໄປຫຼາຍກວ່າ 300 ລ້ານກີບ

ໜຸ່ມດວງເຮັງ ຖືກເລກ 5 ໂຕ 4 ໂຕ ແລະ 3 ໂຕພ້ອມກັນ ກວາດເງິນລາງວັນໄປຫຼາຍກວ່າ 300 ລ້ານກີບ

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 29 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 29 ຕຸລາ 2020

ເຈົ້າເຊື່ອວ່າພະຍານາກມີຈິງບໍ່? ເປີດເລື່ອງລາວກ່ຽວກັບພະຍານາກທີ່ຜູກພັນກັບສັງຄົມລາວມາແຕ່ບູຮານ

ເຈົ້າເຊື່ອວ່າພະຍານາກມີຈິງບໍ່? ເປີດເລື່ອງລາວກ່ຽວກັບພະຍານາກທີ່ຜູກພັນກັບສັງຄົມລາວມາແຕ່ບູຮານ

ຊົມເຊີຍລີນ້າ! ສາວໃຈເດັດ ສູ້ບໍ່ຍອມຈຳນົນ ໄດ້ຮັບລາງວັນຄວາມກ້າຫານ ຈາກຄ້າຍມວຍແຫ່ງຊາດລາວ

ຊົມເຊີຍລີນ້າ! ສາວໃຈເດັດ ສູ້ບໍ່ຍອມຈຳນົນ ໄດ້ຮັບລາງວັນຄວາມກ້າຫານ ຈາກຄ້າຍມວຍແຫ່ງຊາດລາວ

ໂຈນທີ່ດຶງກະເປົາສາວນັກສຶກສາ ຈະຖືກລົງໂທດໃນສະຖານໃດ?

ໂຈນທີ່ດຶງກະເປົາສາວນັກສຶກສາ ຈະຖືກລົງໂທດໃນສະຖານໃດ?

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 22 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 22 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 21 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 21 ຕຸລາ 2020

ແມ່ຍິງຄົນນີ້ຖືກເລກຫຼາຍກວ່າ 14 ຕື້ ປະຕິເສດທີ່ຈະໃຊ້ຊີວິດຢ່າງຫຼູຫຼາ ແລ້ວມາລ້ຽງໝູໃນຟາມແທນ

ແມ່ຍິງຄົນນີ້ຖືກເລກຫຼາຍກວ່າ 14 ຕື້ ປະຕິເສດທີ່ຈະໃຊ້ຊີວິດຢ່າງຫຼູຫຼາ ແລ້ວມາລ້ຽງໝູໃນຟາມແທນ

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 15 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 15 ຕຸລາ 2020

ລວມສະຖານທີ່ສຳຄັນໃນໃບເງິນກີບ ແຕ່ລະໃບມີຮູບບ່ອນໃດແດ່?

ລວມສະຖານທີ່ສຳຄັນໃນໃບເງິນກີບ ແຕ່ລະໃບມີຮູບບ່ອນໃດແດ່?

ຖ້າບໍ່ນົວຄືຈົບ! Iron Chef ເຖິງຕ້ອງເຊ ເມື່ອຕ້ອງເຈິໂຈດ ເຮັດອາຫານລາວ

ຖ້າບໍ່ນົວຄືຈົບ! Iron Chef ເຖິງຕ້ອງເຊ ເມື່ອຕ້ອງເຈິໂຈດ ເຮັດອາຫານລາວ

ອີກດົນປານໃດຈຶ່ງຈະໄດ້ໃຊ້? ອົງການອະນາໄມໂລກຄາດ ວັກຊີນໂຄວິດ-19 ອາດຜະລິດທັນພ້ອມໃຊ້ໃນປາຍປີນີ້

ອີກດົນປານໃດຈຶ່ງຈະໄດ້ໃຊ້? ອົງການອະນາໄມໂລກຄາດ ວັກຊີນໂຄວິດ-19 ອາດຜະລິດທັນພ້ອມໃຊ້ໃນປາຍປີນີ້

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 12 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 12 ຕຸລາ 2020

ແຈກສູດ "3 ເມນູອາຫານເຈ" ເຮັດງ່າຍໆ ໃຜກໍເຮັດໄດ້ ຕ້ອນຮັບເທດສະການກິນເຈ 2020

ແຈກສູດ "3 ເມນູອາຫານເຈ" ເຮັດງ່າຍໆ ໃຜກໍເຮັດໄດ້ ຕ້ອນຮັບເທດສະການກິນເຈ 2020

ໄດ້ກົ້ມໜ້າແລ້ວບໍ່ຢາກເງີຍ! ພາຮູ້ຈັກNomophobia ໂຣກຂອງຄົນຕິດໂທລະສັບ (ສະມາຄົມກົ້ມໜ້າ)

ໄດ້ກົ້ມໜ້າແລ້ວບໍ່ຢາກເງີຍ! ພາຮູ້ຈັກNomophobia ໂຣກຂອງຄົນຕິດໂທລະສັບ (ສະມາຄົມກົ້ມໜ້າ)

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 8 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 8 ຕຸລາ 2020

ຄະນະສະເພາະກິດຍັງໃຫ້ຮ້ານບັນເທີງ-ຄາຣາໂອເກະສືບຕໍ່ປິດ - ສ່ວນງານບຸນໃຫ້ເຂັ້ມງວດມາດຕະການປ້ອງກັນ

ຄະນະສະເພາະກິດຍັງໃຫ້ຮ້ານບັນເທີງ-ຄາຣາໂອເກະສືບຕໍ່ປິດ - ສ່ວນງານບຸນໃຫ້ເຂັ້ມງວດມາດຕະການປ້ອງກັນ

ອ່ານດວງລາຍວັນປະຈໍາວັນພະຫັດ ທີ 8 ຕຸລາ 2020 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 8 ຕຸລາ 2020 ຕາມແຕ່ລະວັນເກີດ

ສ້າງອະນາຄົດໄປພ້ອມກັນ! ຄູ່ຮັກແບບຢ່າງ ຊ່ວຍກັນຫາ ທ້ອນເງິນພຽງ 4 ເດືອນໄດ້ 10 ກວ່າລ້ານ

ສ້າງອະນາຄົດໄປພ້ອມກັນ! ຄູ່ຮັກແບບຢ່າງ ຊ່ວຍກັນຫາ ທ້ອນເງິນພຽງ 4 ເດືອນໄດ້ 10 ກວ່າລ້ານ

ຫຼື ວ່າໂລກນີ້ຈະມີເຊື້ອພະຍາດຈາກ "ແມວ" ທີ່ສາມາດຄວບຄຸມຈິດໃຈຂອງເຮົາໃຫ້ຫຼົງຮັກແມວໄດ້?

ຫຼື ວ່າໂລກນີ້ຈະມີເຊື້ອພະຍາດຈາກ "ແມວ" ທີ່ສາມາດຄວບຄຸມຈິດໃຈຂອງເຮົາໃຫ້ຫຼົງຮັກແມວໄດ້?

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ