ວັນອາທິດ ທີ 19 ກັນຍາ 2021

ລວມສະຖານທີ່ສຳຄັນໃນໃບເງິນກີບ ແຕ່ລະໃບມີຮູບບ່ອນໃດແດ່?

ລວມສະຖານທີ່ສຳຄັນໃນໃບເງິນກີບ ແຕ່ລະໃບມີຮູບບ່ອນໃດແດ່?
S! Muan

ສະໜັບສະໜູນເນື້ອຫາ

ໃບເງິນ ຫຼື ທະນະບັດທີ່ເຮົານຳໃຊ້ກັນໃນທຸກມື້ນີ້ນັ້ນ ນອກຈາກເຮົາຈະໃຊ້ເປັນສື່ກາງໃນການແລກປ່ຽນຊື້-ຂາຍແລ້ວ, ໃບເງິນຍັງບົ່ງບອກເຖິງປະຫວັດສາດຄວາມເປັນມາຂອງຊາດລາວນຳ. ຮູບຂອງສະຖານທີ່ສຳຄັນຕ່າງໆທີ່ມີຄວາມສຳຄັນຕໍ່ປະເທດຊາດຂອງເຮົາກໍປາກົດໃນນັ້ນອີກດ້ວຍ. ໃນບົດຄວາມນີ້ muan.la ຈະພາເພື່ອນຜູ້ອ່ານທຸກຄົນມາເບິ່ງກັນວ່າ ສະຖານທີ່ສຳຄັນໃນໃບເງິນກີບນັ້ນມີບ່ອນໃດແດ່.

ສະຖານທີ່ສຳຄັນໃນໃບເງິນກີບນັ້ນມີບ່ອນໃດແດ່?

  • ໃບ 500 ກີບ: ການເຮັດຊົນລະປະທານສະໄໝໃໝ່ ແລະ ການເກັບໝາກກາເຟ
  • ໃບ 1,000 ກີບ: ພະທາດຫຼວງວຽງຈັນ
  • ໃບ 2,000 ກີບ: ວັດຊຽງທອງ, ເຂື່ອນໄຟຟ້າເຊເສັດ
  • ໃບ 5,000 ກີບ: ພະທາດຫຼວງວຽງຈັນ, ໂຮງງານຊີມັງຢູ່ວັງວຽງ
  • ໃບ 10,000 ກີບ: ພະທາດຫຼວງວຽງຈັນ, ຂົວມິດຕະພາບລາວ-ໄທ
  • ໃບ 20,000 ກີບ: ຫໍພະແກ້ວ ນະຄອນຫຼວງວຽງຈັນ, ໂຮງຈັກໄຟຟ້າ ເຂື່ອນໄຟຟ້າເທີນ-ຫິນບູນ
  • ໃບ 50,000 ກີບ: ພະທາດຫຼວງວຽງຈັນ, ທຳນຽບປະທານປະເທດ
  • ໃບ 100,000 ກີບ: ພະທາດຫຼວງວຽງຈັນ, ອະນຸສາວະລີ ແລະ ພິພິທະພັນ ໄກສອນ ພົມວິຫານ
  • ໃບ 100,000 ກີບ (ສະບັບພິເສດໂອກາດສະເຫຼີມສະຫຼອງວຽງຈັນຄົບຮອບ 450 ປີ): ພະທາດຫຼວງວຽງຈັນ, ອະນຸສາວະລີພະເຈົ້າໄຊເສດຖາທິຣາດ ແລະ ຫໍພະແກ້ວ ນະຄອນຫຼວງວຽງຈັນ.

ໃບ 1,000 ກີບ: ພະທາດຫຼວງວຽງຈັນ

ພະທາດຫຼວງວຽງຈັນ ຫຼື ທີ່ເຮົາມັກເອີ້ນກັນສັ້ນໆວ່າ ທາດຫຼວງ (ອີກຊື່ໜຶ່ງແມ່ນ ພະເຈດີໂລກະຈຸນລະມະນີ) ເປັນພະທາດສີຄຳຂະໜາດໃຫຍ່ ຕັ້ງຢູ່ໃຈກາງນະຄອນຫຼວງວຽງຈັນ. ຄາດກັນວ່າ ພະທາດຫຼວງຖືກສ້າງຂຶ້ນໃນໄລຍະສະຕະວັດທີ 3 ແລະ ໄດ້ຮັບການບູລະນະປະຕິສັງຂອນຫຼາຍຄັ້ງ. ສະຖານທີ່ແຫ່ງນີ້ເປັນປູຊະນິຍະສະຖານບູຮານອັນເປັນສັນຍະລັກຂອງປະເທດລາວຈຶ່ງປາກົດໃນໃບເງິນເກືອບທຸກໃບ ແລະ ຍັງເປັນມິ່ງຂວັນຂອງປະຊາຊົນລາວຊາວພຸດທົ່ວປະເທດ.

ນອກຈາກນັ້ນ ໃບ 1,000 ກີບຍັງສະແດງອອກເຖິງຄວາມເປັນລາວ ໃນນັ້ນກໍແມ່ນ ຮູບພາບຂອງແມ່ຍິງ 3 ຄົນທີ່ເປັນຕົວແທນຂອງແມ່ຍິງລາວ ເຊິ່ງເມື່ອກ່ອນແບ່ງອອກເປັນ 3 ກຸ່ມຄື: ລາວເທິງ, ລາວສູງ ແລະ ລາວລຸ່ມ ກ່ອນທີ່ພາຍຫຼັງຈະເອີ້ນໂຮມລວມກັນເປັນ "ເຜົ່າລາວ" ໂດຍບໍ່ມີການແບ່ງແຍກອີກຕໍ່ໄປ. ພ້ອມນີ້ອີກດ້ານໜຶ່ງຂອງໃບເງິນຍັງມີຮູບພາບຂອງຝູງງົວ ແລະ ຄວາຍ ເຊິ່ງເປັນສັດລ້ຽງທີ່ປະກອບສ່ວນໃນການເຮັດກະສິກຳຂອງລາວເຮົາເປັນຢ່າງສູງໃນອະດີດ ໂດຍສະເພາະຄວາຍທີ່ເມື່ອກ່ອນນິຍົມນຳໃຊ້ເຂົ້າໃນການແກ່ໄຖເພື່ອໄຖນາກະກຽມໃຫ້ແກ່ການປູກເຂົ້າ.

ໃບ 2,000 ກີບ: ວັດຊຽງທອງ ຫຼວງພະບາງ ແລະ ເຂື່ອນໄຟຟ້າເຊເສັດ ແຂວງສາລະວັນ

ວັດຊຽງທອງ ເປັນວັດຂອງຊາວພຸດ ຄວາມໝາຍຂອງຊື່ແມ່ນ "ວັດຂອງນະຄອນແຫ່ງຄຳ" ຕັ້ງຢູ່ທາງທິດເໜືອຂອງຕົວເມືອງຫຼວງພະບາງ ສ້າງຂຶ້ນໃນລະຫວ່າງປີ ຄ.ສ. 1559 ເຖິງ 1560 ໂດຍເຈົ້າໄຊເສດຖາທິຣາກ. ວັດແຫ່ງນີ້ເປັນໜຶ່ງໃນວັດທີ່ສຳຄັນທີ່ສຸດຂອງລາຊະວົງລາວ ແລະ ຍັງຄົງເປັນອະນຸສອນສະຖານທີ່ສຳຄັນເຊິ່ງສະແດງເຖິງຈິດວິນຍານແຫ່ງສາສະໜາ, ກະສັດລາວ ແລະ ສິລະປະພື້ນເມືອງລາວ.

ອີກດ້ານໜຶ່ງຂອງໃບເງິນແມ່ນ "ເຂື່ອນໄຟຟ້າເຊເສັດ" ເຊິ່ງແມ່ນເຂື່ອນໄຟຟ້າຂະໜາດໃຫຍ່ແຫ່ງໜຶ່ງຕັ້ງຢູ່ ເມືອງເລົ່າງາມ ແຂວງສາລະວັນ. ໂຄງການພັດທະນາແຫຼ່ງຜະລິດພະລັງງານນໍ້າຕົກຂອງເຂື່ອນໄຟຟ້າເຊເສັດ 1 ເລີ່ມຕົ້ນມາແຕ່ປີ 1984 ມີກໍາລັງຕິດຕັ້ງ 45 ເມກາວັດ. ມີການລົງນາມໃນເດືອນຕຸລາປີ 1988 ເພື່ອສັນຍາກໍ່ສ້າງໂຮງຈັກໄຟຟ້າຂຶ້ນ ຫ່າງຈາກຕົວເມືອງສາລະວັນໄປທາງທິດຕາເວັນຕົກສ່ຽງໃຕ້ປະມານ 35 ກິໂລແມັດ ແລະຫ່າງຈາກຕົວເມືອງປາກເຊປະມານ 85 ກິໂລແມັດ, ເຂື່ອນໄຟຟ້າເຊເສັດແມ່ນເຂື່ອນແຫ່ງທໍາອິດຕາມການວາງແຜນໃນສາຍນໍ້າເຊເສັດ. ຕົວເຂື່ອນເຊເສັດ-1 ຕັ້ງຢູ່ເບື້ອງລຸ່ມຂອງເຂື່ອນໄຟຟ້າເຊເສັດ-2 (ໂຮງຈັກ 2). ເຂື່ອນໄຟຟ້າເຊເສັດ-1 ເປັນເປັນເຂື່ອນປະເພດຝ່າຍນໍ້າລົ້ນ. ເປັນເຂື່ອນໄຟຟ້າທີ່ສຳຄັນແຫ່ງໜຶ່ງໃນການສະໜອງພະລັງງານໃຫ້ແກ່ບັນດາແຂວງໃນພາກໃຕ້ ແລະ ສົ່ງອອກໃຫ້ແກ່ປະເທດໄທ.

ໃບ 5,000 ກີບ: ພະທາດຫຼວງວຽງຈັນ, ໂຮງງານຊີມັງຢູ່ວັງວຽງ

ໂຮງງານຊີມັງ ຢູ່ວັງວຽງ ເປັນດັ່ງກັບສັນຍາລັກຂອງອຸດສາຫະກຳຜະລິດຊີມັງຂອງລາວກໍວ່າໄດ້ ເຊິ່ງວັງວຽງນີ້ກໍເປັນທີ່ຕັ້ງຂອງໂຮງງານຊີມັງທີ່ມີຊື່ສຽງຂອງລາວຢ່າງ ໂຮງງານຊີມັງລາວ ທີ່ຜະລິດຊີມັງກາກະທິງທອງຈຳໜ່າຍພາຍໃນລາວ ພ້ອມທັງເປັນການຊ່ວຍພັດທະນາເສດຖະກິດຂອງຊາດ ປະຢັດເງິນຕາຈາກການນຳເຂົ້າຊີມັງຈາກຕ່າງປະເທດໄດ້ປະມານ 20 ລ້ານໂດລາສະຫະລັດຕໍ່ປີ.

ໃບ 10,000 ກີບ: ພະທາດຫຼວງວຽງຈັນ, ຂົວມິດຕະພາບລາວ-ໄທແຫ່ງທີ 1

ຂົວແມ່ນໍ້າຂອງ ຫຼື ຂົວມິດຕະພາບລາວໄທແຫ່ງທີ 1 ເປັນດັ່ງສັນຍາລັກໃນການເຊື່ອມຈອດກັບເພື່ອນບ້ານຢ່າງລາຊະອານາຈັກໄທ ເຮັດໃຫ້ການເດີນທາງໄປມາລະຫວ່າງ 2 ປະເທດມີຄວາມສະດວກສະບາຍຂຶ້ນ ພ້ອມທັງຍັງເສີມຂະຫຍາຍການພົວພັນທາງດ້ານເສດຖະກິດລະຫວ່າງ 2 ປະເທດ ແລະ ໃນພາກພື້ນນຳອີກ. ເປັນຂົວຂ້າມນຳຂອງແຫ່ງທຳອິດ ເປີດນຳໃຊ້ເມື່ອປີ 1994 ມີຄວາມຍາວ 1,170 ແມັດ, ປະກອບດ້ວຍທາງລົດ, ທາງຍ່າງ ແລະ ທາງລົດໄຟ. ມູນຄ່າການກໍ່ສ້າງແມ່ນ 30 ລ້ານໂດລາສະຫະລັດ ໂດຍໄດ້ຮັບທຶນຊ່ວຍເຫຼືອລ້າຈາກລັດຖະບານອົດສະຕຣາລີ.

ໃບ 20,000 ກີບ: ຫໍພະແກ້ວ ນະຄອນຫຼວງວຽງຈັນ, ໂຮງໄຟຟ້າ ເຂື່ອນໄຟຟ້າເທີນ-ຫິນບູນ

ຫໍພະແກ້ວ ທີ່ນະຄອນຫຼວງວຽງຈັນ ຕັ້ງຢູ່ກົງກັນຂ້າມກັບວັດສີສະເກດ ເຊິ່ງແຕ່ກ່ອນເຄີຍເປັນວັດທີ່ສຳຄັນ ໃຊ້ໃນການປະຕິບັດພິທີກຳຕ່າງໆຂອງ ບ້ານເມືອງໃນອະດີດຕະການ. ວັດນີ້ສ້າງຂຶ້ນໃນປີ ຄ.ສ. 1565 ສຳລັບເປັນບ່ອນປະດິດສະຖານຂອງພະແກ້ວມໍຣະກົດ ໂດຍພະເຈົ້າໄຊເສດຖາທິຣາດ ໃນເວລາທີ່ໄດ້ຕັດສິນໃຈ ຍົກຍ້າຍນະຄອນຫຼວງເດີມຂອງປະເທດ ແມ່ນຢູ່ຫຼວງພະບາງມາຕັ້ງຢູ່ວຽງຈັນ ພາຍຫຼັງການສິ້ນພະຊົນຂອງ ພະເຈົ້າໂພທິສາຣາດ ຜູ້ເປັນບິດາ. ປັດຈຸບັນວັດນີ້ກາຍເປັນຫໍພິພິທະພັນ ສ່ວນອົງພະແກ້ວມໍຣະກົດ ປັດຈຸບັນແມ່ນປະດິດສະຖານຢູ່ທີ່ວັດພະສີຣັດຕະນະສາດສະດາຣາມ ຫຼື ວັດພະແກ້ວ ທີ່ ບາງກອກ ປະເທດໄທ. ບູຮານສະຖານຫໍພະແກ້ວ ບໍລິເວນດ້ານນອກສິມ ແມ່ນອ້ອມຮອບໄປດ້ວຍພະພຸດທະຮູບຫຼໍ່ຈາກທອງແດງໃນປາງຕ່າງໆທີ່ແຕກຕ່າງກັນ ແລະ ມີຄວາມສະຫງ່າງາມໂດດເດັ່ນ ສະແດງອອກເຖິງສິລະປະທີ່ງົດງາມ ແລະ ໂດດເດັ່ນຂອງຄົນລາວໃນສະໄໝກ່ອນ.

ເຂື່ອນໄຟຟ້າເທີນ-ຫິນບູນ ເປັນເຂື່ອນໄຟຟ້າທີ່ສຳຄັນແຫ່ງໜຶ່ງໃນພາກກາງຂອງລາວ ຕັ້ງຢູ່ທີ່ ແມ່ນໍ້າເທີນ ແຂວງບໍລິຄຳໄຊ ເລີ່ມກຳເນີນການຜະລິດໄຟຟ້າມາຕັ້ງແຕ່ປີ 1998 ມີກຳລັງການຜະລິດ 520 ເມກາວັດ. ປັດຈຸບັນ ດຳເນີນການພາຍໃຕ້ບໍລິສັດ ເທີນ-ຫິນບູນ ພາວເວີ້ ຈຳກັດ ຖືຮຸ້ນໂດຍ EDL-Gen 60%, Nordic Group ຈາກປະເທດນອກແວ 20% ແລະ GMS ຈາກປະເທດໄທ 20%.

ໃບ 50,000 ກີບ: ພະທາດຫຼວງວຽງຈັນ, ທຳນຽບປະທານປະເທດ

ທຳນຽບປະທານປະເທດ ຫຼື ອີກຊື່ໜຶ່ງແມ່ນ ຫໍຄຳ ຕັ້ງຢູ່ທີ່ນະຄອນຫຼວງວຽງຈັນ ຢູ່ສຸດສົ້ນດ້ານຕາເວັນຕົກສ່ຽງໃຕ້ຂອງຖະໜົນລ້ານຊ້າງ ເຊິ່ງຕັດກັບຖະໜົນເສດຖາທິຣາດ. ສະຖານທີ່ແຫ່ງນີ້ເປັນບ່ອນປະຈຳການຂອງປະທານປະເທດແຫ່ງ ສປປ ລາວ. ຫໍຄຳເປັນອີກໜຶ່ງຈຸດເດັ່ນຂອງນະຄອນຫຼວງວຽງຈັນ ເຊິ່ງເປັນສະຖາປັດຕະຍະກຳທີ່ເອີ້ນວ່າ Beaux-Art.

ໃບ 100,000 ກີບ: ພະທາດຫຼວງວຽງຈັນ, ຫໍພິພິທະພັນ ທ່ານ ໄກສອນ ພົມວິຫານ

 ຫໍພິພິທະພັນ ທ່ານ ໄກສອນ ພົມວິຫານ ເປັນພິພິທະພັນທີ່ສ້າງຂຶ້ນເພື່ອເປັນສູນລວມຂໍ້ມູນ ແລະ ລະນຶກເຖິງທ່ານ ໄກສອນ ພົມວິຫານ ອະດີດປະທານປະເທດແຫ່ງ ສປປ ລາວ. ພິພິທະພັນແຫ່ງນີ້ຕັ້ງຢູ່ທີ່ບ້ານສີວິໄລ ກິໂລແມັດທີ 5 ເມືອງໄຊທານີ ນະຄອນຫຼວງວຽງຈັນ.

ໃບ 100,000 ກີບ: (ສະບັບພິເສດໂອກາດສະເຫຼີມສະຫຼອງວຽງຈັນຄົບຮອບ 450 ປີ): ພະທາດຫຼວງວຽງຈັນ, ອະນຸສາວະລີພະເຈົ້າໄຊເສດຖາທິຣາດ ແລະ ຫໍພະແກ້ວ ນະຄອນຫຼວງວຽງຈັນ

ອະນຸສາວະລີ ພະເຈົ້າໄຊເສດຖາທິຣາດ ຕັ້ງຢູ່ທີ່ເດີ່ນໜ້າພະທາດຫຼວງວຽງຈັນ. ເຈົ້າໄຊເສດຖາທິຣາດຖືວ່າເປັນໜຶ່ງໃນຜູ້ນຳທີ່ມີຊື່ສຽງໃນປະຫວັດສາດຂອງລາວ. ໃນໄລຍະຊຸມປີ 1560 ຈົນພະອົງສະຫວັນນະຄົດ, ພະອົງໄດ້ນຳພາອານາຈັກລ້ານຊ້າງຕໍ່ສູ້ຕ້ານການຮຸກຮານຂອງພະມ້າ. ພ້ອມນີ້ ພະອົງຍັເປັນຜູ້ສ້າງປູຊະນີຍະສະຖານຂອງສາສະໜາພຸດຫຼາຍແຫ່ງ ເຊັ່ນ: ວັດຊຽງທອງ ທີ່ຫຼວງພະບາງ, ຫໍພະແຫ້ວ, ວັດອົງຕື້ມະຫາວິຫານ ແລະ ພະທາດຫຼວງ ທີ່ນະຄອນຫຼວງວຽງຈັນ.


ອ້າງອີງ:

Advertisement Replay Ad
ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ເປີດໃຫ້ບໍລິການຢ່າງເປັນທາງການແລ້ວ ໂຮງໝໍມາດຕະຖານລະດັບສາກົນ "ກະເສມຣາດ ອິນເຕີຣ໌ເນຊັ່ນແນລ ວຽງຈັນ"

ເປີດໃຫ້ບໍລິການຢ່າງເປັນທາງການແລ້ວ ໂຮງໝໍມາດຕະຖານລະດັບສາກົນ "ກະເສມຣາດ ອິນເຕີຣ໌ເນຊັ່ນແນລ ວຽງຈັນ"

ຄູ່ຮັກທີ່ຢູ່ນຳກັນ ຊ່ວຍກັນຫຼຸດຄວາມສ່ຽງພະຍາດຫົວໃຈໄດ້ຫຼາຍກວ່າຜູ້ທີ່ຢູ່ຄົນດຽວ

ຄູ່ຮັກທີ່ຢູ່ນຳກັນ ຊ່ວຍກັນຫຼຸດຄວາມສ່ຽງພະຍາດຫົວໃຈໄດ້ຫຼາຍກວ່າຜູ້ທີ່ຢູ່ຄົນດຽວ

ອອກແລ້ວເດີ້! ຜົນຫວຍລາວງວດວັນທີ 16 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 16 ສິງຫາ 2021

ໂລກ້າ ບໍລິສັດສະຕາດອັບທຳອິດຈາກລາວ ມີຊື່ໃນ "100 ບໍລິສັດທີ່ໜ້າຈັບຕາ ຂອງ Forbes Asia"

ໂລກ້າ ບໍລິສັດສະຕາດອັບທຳອິດຈາກລາວ ມີຊື່ໃນ "100 ບໍລິສັດທີ່ໜ້າຈັບຕາ ຂອງ Forbes Asia"

ເຜີຍໂສມໜ້າ ຕົວຈິງຂອງ POPCAT ນ້ອງໜ້າຕາເປັນແບບນີ້ເອງ

ເຜີຍໂສມໜ້າ ຕົວຈິງຂອງ POPCAT ນ້ອງໜ້າຕາເປັນແບບນີ້ເອງ

ອອກແລ້ວເດີ້! ຜົນຫວຍລາວງວດວັນທີ 12 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 12 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 5 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 5 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 2 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 2 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 29 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 29 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 26 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 26 ກໍລະກົດ 2021

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ