ວັນອັງຄານ ທີ 18 ພຶດສະພາ 2021

5 ພິກັດຍອດນິຍົມ ບ່ອນທ່ຽວໃນນະຄອນຫຼວງພະບາງ ໄປແລ້ວຕ້ອງບໍ່ພາດ!

5 ພິກັດຍອດນິຍົມ ບ່ອນທ່ຽວໃນນະຄອນຫຼວງພະບາງ ໄປແລ້ວຕ້ອງບໍ່ພາດ!
S! Muan

ສະໜັບສະໜູນເນື້ອຫາ

ມ່ວນຊວນ​ທ່ຽວ​ອີກແລ້ວ… ມື້​ນີ້​ຈະ​ຊວນ​ໄປ​ທ່ຽວ​ຊິວ​ໆກັບ​ເມືອງ​ມໍລະດົກ​ໂລກ​ຂອງ​ເຮົາ​ກັນ​ທີ່ ນະຄອນຫຼວງ​ພະ​ບາງ ເມືອງ​ທາງ​ພາກ​ເໜືອ​ຂອງ​ປະເທດ​ລາວ ສວຍ​ງາມ​ບັນຍາກາດ​ດີ ເໝາະ​ສຳລັບ​ໃຜ​ທີ່​ຢາກ​ພັກ​ກາຍ​ພັກ​ໃຈ ອອກ​ໄປ​ໃຊ້​ຊີວິດ​ສ​ະໂລ​ໄລ​ຟ​໌​ (slow life) ກັນ​ຈັກຄາວ ໃຫ້​ທຳມະຊາດ​ສວຍ​ງາມ ຂອງ​ເມືອງ​ນີ້​ສາກແບັດ​ໃຫ້​ກັບ​ເຮົາ. ເທື່ອ​ນີ້​ muan.la ມີ 5 ພິ​ກັດ ບ່ອນທ່ຽວ​ຫຼວງ​ພະ​ບາງ ທີ່​ໄປ​ແລ້ວ​ຕ້ອງ​ບໍ່ພາດ ມາ​ແນະ​ນຳ ໄປທຳ​ຄວາມ​ຮູ້​ຈັກ​ກັບ​ເມືອງ​ຫຼວງ​ພະ​ບາງ​ກັນ!

ນະຄອນຫຼວງ​ພະ​ບາງ (Luang Prabang) ຕັ້ງ​ຢູ່​ທາງ​ພາກ​ເໜືອ​ຂອງ​ປະເທດ​ລາວ ຖື​ເປັນ​ເມືອງ​ເອກ​ຂອງ​ແຂວງ​ຫຼວງ​ພະ​ບາງ ​ຕົວ​ເມືອງ​ຕັ້ງ​ຢູ່ແຄ​ມແມ່ນ້ຳ​ຂອງ ​ແລະ​ ແມ່ນ້ຳ​ຄານ​ທີ່​ໄຫຼ​ມາ​ພົບກັນ​ບໍລິເວນ​ນັ້ນ​ເປີ້ນວ່າ "ປາກ​ຄານ" ລວມ​ທັງຍັງ​ຕັ້ງ​ຢູ່​ທ່າມກາງ​ທຳມະຊາດ​ອັນ​ສວຍ​ງາມ. ເຖິງວ່າ​ຈະ​ບໍ່​ແມ່ນ​ເມືອງ​ຫຼວງ​ຂອງ​ປະເທດ​ລາວ ແຕ່​ກໍ​ມີ​ນັກ​ທ່ອງ​ທ່ຽວ​ມາ​ຢ້ຽມຢາມ​ຫຼວງ​ຫຼາຍ ຊາວ​ຫຼວງ​ພະ​ບາງ​ເອງ​ກໍ​ມີ​ອັດທະຍາໄສ​ດີ ຍິ້ມແຍ້ມ​ແຈ່ມ​ໃສ ​ແລະ​ ເປັນ​ມິດ ລວມທັງ​ຍັງມີ​ຂະນົ​ບ​ທຳນຽມ​ປະເພນີ​ທີ່ງ​ົດ​ງາມ.

ໃນ​ເມືອງ​ຫຼວງ​ພະ​ບາງ​ມີ​ວັດ​ເກົ່າ​ແກ່​ຫຼວງ​ຫຼາຍ ລວມທັງ​ບ້ານ​ເຮືອນ​ແບບ​ເກົ່າ​ອັນເປັນ​ເອກະ​ລັກ​ ເຮັດໃຫ້​ອົ​ງການ​ຢູ​ເນສ​ໂກ​ໄດ້ຍົກຍ້ອງ​ໃຫ້​ຫຼວງ​ພະ​ບາງ​ເປັນ ເມືອງ​ມໍລະດົກ​ໂລກ ດ້ວຍ​ມົ​ນ​ສະເໜ່ເຫຼົ່າ​ນີ້​ເຮັດໃຫ້​ນັກ​ທ່ອງ​ທ່ຽວ​ຫຼວງ​ຫຼາຍ​ທີ່​ມາ​ຢ້ຽມຢາມຕ່າງ​ກໍ​ຕົກ​ຂຸມ​ຮັກ. ໃຜວາງ​ແຜນ​ຢາກ​ຈະ​ໄປທ່ຽວ​ເມືອງ​ນີ້ ເຮົາ​ຂໍ​ແນະ​ນຳ 5 ບ່ອນ​ທ່ຽວ​ຫຼວງ​ພະ​ບາງ ທີ່​ບໍ່​ຄວນພາດ ມີ​ບ່ອນໃດແດ່ນັ້ນ​ໄປ​ເບິ່ງ​ກັນເລີຍ.

1. ພະລາຊະວັງຫຼວງ​ພະ​ບາງ ພິພິທະພັນ​ແຫ່ງ​ຊາດ (Royal Palace Museum, Luang Prabang)

ເລີ່ມ​ຕົ້ນ ບ່ອນທ່ຽວ​ຫຼວງ​ພະ​ບາງ ກັບ​ສະຖານ​ທີ່​ເຊິ່ງຖື​ເປັນ​ແລນ​ມາ​ກ​ສຳຄັນ​ຂອງ​ເມືອງ​ນັ້ນ​ກໍ​ຄື ພະລາຊະວັງຫຼວງ​ພະ​ບາງ ທີ່​ປັດຈຸບັນ​ໄດ້​ປັບ​ປ່ຽນ​ເປັນ​ພິພິທະພັນ. ເດີມ​ທີ​ ບ່ອນນີ້ເປັນ​ພະລາຊະວັງຂອງ​ເຈົ້າ​ມະຫາ​ຊີວິດ​ສາຍ​ຫຼວງ​ພະ​ບາງ ຈຶ່ງ​ມີ​ອີກ​ຊື່​ເອີ້ນວ່າ ວັງ​ເຈົ້າ​ມະຫາ​ຊີວິດ ສ້າງ​ຂຶ້ນ​ໃນ​ປີ ພ​.ສ​. 2447 (ຄ.ສ. 1904) ສະໄໝ​ເຈົ້າ​ມະຫາ​ຊີວິດ​ສະຫວ່າງ​ວົງ ສືບ​ທອດ​ຕໍ່​ມາ​ເຖິງ​ສະໄໝ​ເຈົ້າ​ມະຫາ​ຊີວິດ​ສີ​ສະຫວ່າງ​ວັດທະ​ນາ ພະ​ມະຫາ​ກະສັດ​ອົ​ງ​ສຸດ​ທ້າຍ​ຂອງ​ລາວ. ໂດດ​ເດັ່ນ​ດ້ວຍ​ສະ​ຖາ​ປັດ​ຕະຍະກຳ​ງົດ​ງາມ ເປັນ​ອາ​ຄານ​ຊັ້ນ​ດຽວ​ຍົກ​ພື້ນ​ສູງ, ສິລະປະ​ກຳ​ແບບ​ເອີຣົບ​ປະສົມ​ລ້ານ​ຊ້າງ. ຫຼັງສະຖາປະນາເປັນ ສປປ ລາວ, ລັດຖະບານ​​ໄດ້​ປ່ຽນ​ບ່ອນນີ້ເປັນ “ຫໍ​ພິພິທະພັນ​ຫຼວງ” ໂດຍ​ໃຊ້​ເປັນ​ສະຖານ​ທີ່​ຈັດ​ສະແດງ​ບູຮານ​ວັດ​ຖຸ ​ແລະ ​ຂອງ​ມີ​ຄ່າ ເຊັ່ນ: ບັນລັງ, ທຳມາດ, ພະ​ພຸ​ດ​ທະຮູບ, ເຄື່ອງ​ສູງ ​ແລະ ​ລາ​ຊູປະ​ໂພກ​ຂອງ​ເຈົ້າ​ຊີວິດ ລວມທັງ​ຂອງ​ຂວັນຈາກ​ປະເທດ​ຕ່າງ​ໆ. ຈຸດ​ທ່ອງ​ທ່ຽວ​ສຳຄັນ​ໃນ​ພບໍຣົມມະຫາ​ລາຊະ​ວັງ​ກໍ​ຄື ໂຮງ​ລະ​ຄອນ​ພະ​ລັກ​​-​ພະ​ລາມ, ຫໍ​ພິພິທະພັນ​ແຫ່ງ​ຊາດ​ຫຼວງ​ພະ​ບາງ ແລະ ​ຫໍ​ພະ​ບາງ.

ໃຜ​ຕ້ອງ​ການ​ເຂົ້າ​ຊົມ​ພາຍ​ໃນ​ພະລາຊະວັງຕ້ອງ​ແຕ່ງ​ກາຍໃຫ້​ສຸ​ພາບ​ຮຽບຮ້ອຍ, ຫ້າມ​ຖ່າຍ​ຮູບ​ພາຍ​ໃນ ແລະ ​ຕ້ອງ​ຝາກ​ກະ​ເປົາ​ໄວ້​ໃນ​ລັອກ​ເກີນຳເດີ.

ເວລາ​ເປີດ – ປິດ :
– ຕອນເຊົ້າ 08:00 – 11:30 ໂມງ ປິດ​ຂາຍ​ປີ້​ພາກ​ເຊົ້າ 11:00 ໂມງ
– ຕອນບ່າຍ 13:30 – 16:00 ໂມງ ປິດ​ຂາຍ​ປີ້​ພາກ​ບ່າຍ 15:30 ໂມງ (ວັນພະຫັດ​ 13:30 – 15:30 ໂມງ)
ຄ່າ​ເຂົ້າ​ຊົມ : 5,000 ກີບ/ຄົນ​ (ຄົນລາວ)

2. ວັດ​ຊຽງ​ທອງ (Xieng Thong Temple)

ອີກ​ໜຶ່ງ ບ່ອນທ່ຽວ​ຫຼວງ​ພະ​ບາງ ທີ່​ເຮົາ​ຈະ​ໄດ້​ຊົມສິລະປະ ​ແລະ ສະຖາປັດຕະຍະກຳອັນ​ງົດ​ງາມ​ກໍ​ຄື​ທີ່ ວັດ​ຊຽງ​ທອງ ເປັນ​ວັດ​ຫຼວງ​ປະຈຳ​ລາຊະວົງ​ລ້ານ​ຊ້າງ, ລາຊະວົງ​ຫຼວງ​ພະ​ບາງ ແລະ ​ລາຊະວົງ​ລາວ ສ້າງ​ຂຶ້ນ​ໃນ​ປີ ພ​.ສ​. 2103 (ຄ.ສ. 1470) ໂດຍ​ ເຈົ້າໄຊ​​ເຊດ​ຖາ​ທິລາດ ກະສັດ​ຜູ້​ປົກຄອງ​ລາຊະອານາຈັກລ້ານ​ຊ້າງ. ​ວັດນີ້​ຕັ້ງ​ຢູ່​ໃກ້​ແມ່ນ້ຳ​ຂອງ ສິ່ງ​ກໍ່​ສ້າງ​ພາຍ​ໃນ​ວັດ​ມີສະຖາປັດຕະຍະກຳແບບ​ລ້ານ​ຊ້າງ​ຕອນ​ເໜືອ​ທີ່ງົ​ດ​ງາມ​ຈົນ​ໄດ້ຮັບ​ກາ​ນຂະໜານ​ນາມ​ວ່າ​ເປັນ “ອັນຍະ​ມະ​ນີ​ຂອງສິລະປະ​ລ້ານ​ຊ້າງ” ລວມ​ທັງຍັງ​ເປັນ​ວັດ​ດຽວ​ທີ່​ບໍ່​ຖືກ​ເຜົາ​ທຳລາຍ​ໃນ​ເສິກ​ຮໍ່​ທົງ​ດຳ​ບຸກ​ປຸ້ນ​ເມືອງ​ຫຼວງ​ພະ​ບາງ​ໃນ​ປີ ພ​.ສ​. 2428 (ຄ.ສ. 1885) ເຮັດໃຫ້​ສິ່ງ​ກໍ່​ສ້າງ​ສຳຄັນ​ຂອງ​ວັດ​ຊຽງ​ທອງຍັງ​ຄົງ​ຢູ່ໃນ​ສະພາບ​ເດີມ​ບໍ່​ເສຍ​ຫາຍ. ນັບ​ເປັນຕົວ​ແທນ​ຂອງສິລະປະ​ສະ​ກຸນ​ຊ່າງ​ລ້ານ​ຊ້າງ​ທີ່ງົ​ດ​ງາມ ​ແລະ ​ສົມບູນ​ທີ່ສຸດ.

ສິ່ງ​ກໍ່​ສ້າງ​ສຳຄັນ​ພາຍ​ໃນ​ວັດ​ແຫ່ງ​ນີ້ ໄດ້​ແກ່: ສິມ, ຫໍ​ໄຫວ້​ນ້ອຍ, ຫໍ​ໄຫວ້​ສີ​ກຸ​ຫຼາບ, ຫໍໄຫວ້​ຫຼັງ​ໃຫຍ່, ຫໍກ​ອງ ແລະ ຫໍ​ລາຊະໂກດ​ເຈົ້າ​ມະຫາ​ຊີວິດ​ສີສະຫວ່າງ​ວົງ (ໂຮງ​ມ້ຽນ​ໂກດ).

ເວລາ​ເປີດ – ປິດ : ເປີດ​ທຸກ​ມື້ ເວລາ 06:00 – 17:30 ໂມງ
ຄ່າ​ເຂົ້າ​ຊົມ : 20,000 ກີບ/ຄົນ

3. ວັດ​ພະ​ທາດ​ພູ​ສີ (Wat Phou Si)

ທ່ຽວ​ລາວທີ່ນະຄອນ​ຫຼວງ​ພະ​ບາງກັນ​ຕໍ່​ທີ່ ວັດ​ພະ​ທາດ​ພູ​ສີ ວັດ​ເກົ່າ​ແກ່​ທີ່​ສ້າງ​ຂຶ້ນ​ໃນ​ສະໄໝ​ພະ​ເຈົ້າ​ອະ​ນຸ​ຣຸດ ປະ​ມານ​ປີ ພ​.ສ​. 2337 (ຄ.ສ. 1794) ຕັ້ງ​ຢູ່​ໃຈ​ກາງ​ເມືອງ​ຫຼວງ​ພະ​ບາງ​ເທິງ​ຈອມພູ​ທີ່​ມີ​ຄວາມ​ສູງ​ 150 ແມັດ ເຊິ່ງ​ຄຳ​ວ່າ ພູ​ສີ ມີ​ຄວາມໝາຍ​ວ່າ ພູ​ຂອງ​ພະ​ລື​ສີ ເດີມ​ຊື່​ວ່າ ພູສວງ. ແຕ່​ເມື່ອ​ມີ​ລື​ສີ​ໄປ​ອາໄສ​ຢູ່​ ປະຊາຊົນຈຶ່ງເອີ້ນວ່າ​ກັນ​ພູ​ລື​ສີ ຫຼື​ ພູ​ສີ ມາ​ຈົນ​ເຖິງ​ປັດຈຸບັນ. ​ພະ​ທາດ​ພູ​ສີ​ມີ​ລັກສະນະ​ເປັນ​ຊົງ​ດອກ​ບົວ​ສີ່​ຫຼ່ຽມ​ສີ​ຄຳ. ໃນ​ສະໄໝ​ກ່ອນ​ມີ​ປະເພນີ​ສຳຄັນ​ກໍ​ຄື ການຕີກອງ​ບອກ​ໂມງ​ຍາມ ໂດຍ​ຈະ​ຕີກ​ອງ​ທຸກ 1 ຊົ່ວ​ໂມງ​ຈາກ​ຫໍກ​ອງ​ເທິງ​ຈອມ​ພູ​ສີ ເພື່ອ​ບອກ​ເວລາ​ໃຫ້​ກັບ​ຊາວ​ເມືອງ​ຫຼວງ​ພະ​ບາງ ຫຼື​ ຕີ​ເມື່ອ​ມີ​ເຫດການ​ສຸກ​ເສີນ ເຊັ່ນ: ໄຟ​ໄໝ້, ນ້ຳ​ຖ້ວມ, ສັດຕູ​ບຸກລຸກ ເພື່ອ​ເຕືອນ​ປະຊາຊົນ ແຕ່​ປະເພນີ​ນີ້​ກໍ​ໄດ້​ຖືກ​ຍົກ​ເລີກ​ໄປ​ດົນ​ແລ້ວ.

ການ​ຂຶ້ນ​ໄປ​ຊົມ​ພະ​ທາດ​ພູ​ສີເທິງພູ​ຈະ​ຕ້ອງ​ຍ່າງ​ຂຶ້ນ​ຂັ້ນ​ໄດ 328 ຂັ້ນ ໂດຍ​ຂຶ້ນ​ໄດ້ 2 ທາງ ຄື​ທາງ​ດ້ານ​ໜ້າ​ພະ​ລາຊະວັງ​ເກົ່າ ແລະ ​ທາງ​ຂຶ້ນ​ຝັ່ງ​ນ້ຳ​ຄານ ເຊິ່ງ​ເມື່ອ​ຂຶ້ນ​ໄປ​ເຖິງ​ດ້ານ​ເທິງ​ນອກ​ຈາກ​ຈະ​ໄດ້​ຊົມ​ຄວາມ​ສວຍ​ງາມ​ຂອງ​ພະ​ທາດ​ແລ້ວ ຍັງ​ເປັນ​ຈຸດ​ຊົມ​ວິວ​ບ້ານ​ເມືອງ​ໄດ້​ແບບ 360 ອົງ​ສາ. ຖ້າ​ໃຜ​ມາຕອນແລງໆ ກໍ​ຈະ​ໄດ້​ຊົມ​ວິວ​ຕາເວັນ​ຕົກ​ອີກ​ດ້ວຍ.

ເວລາ​ເປີດ – ປິດ : 06:30 – 18:30 ໂມງ
ຄ່າ​ເຂົ້າ​ຊົມ : 20,000 ກີບ/ຄົນ

4. ນ້ຳ​ຕົກ​ຕາດ​ກວາງຊີ (Kuang Si Falls)

ໄປ​ສຳຜັດທຳມະຊາດ​ຂອງ​ນະຄອນ​ຫຼວງ​ພະ​ບາງ​ກັນ​ທີ່ ນ້ຳ​ຕົກ​ຕາດ​ກວາງຊີ ນ້ຳ​ຕົກ​ທີ່​ໄດ້​ຊື່​ວ່າ​ງາມ​ທີ່ສຸດ​ໃນ​ຫຼວງ​ພະ​ບາງ ຕັ້ງ​ຢູ່​ຫ່າງ​ຈາກຕົວ​ເມືອງ​ປະ​ມານ 32 ກິ​ໂລ​ແມັດ ເປັນ​ສະຖານ​ທີ່​ທ່ອງ​ທ່ຽວ​ທາງ​ທຳມະຊາດ​ທີ່​ນັກ​ທ່ອງ​ທ່ຽວເຂດ​ເອີຣົບ​ນິຍົມ​ມາ​ປະຈົນໄພ, ມີ​ຂົວ ​ແລະ ​ເສັ້ນ​ທາງຍ່າງຊົມ​ອ້ອມຮອບນ້ຳ​ຕົກ ສາມາດ​ລັດ​ເລາະ​ຂຶ້ນ​ໄປ​ຊົມ​ນ້ຳ​ຕົກ​ຊັ້ນ​ເທິງ ຫຼື​ ໃຜ​ຈະ​ລົງ​ຫຼິ້ນ​ນ້ຳ​ກໍ​ໄດ້.

ນ້ຳ​ຕົກ​ຕາດ​ກວາງຊີ ມີ​ທັງ​ໝົດ 4 ຊັ້ນ ມີ​ຄວາມ​ສູງ​​ປະ​ມານ 75 ແມັດ, ເປັນ​ນ້ຳ​ຕົກ​ຫິນ​ປູນ ນ້ຳ​ໃນ​ນ້ຳ​ຕົກ​ຈຶ່ງ​ມີ​ສີ​ຂຽວ​ມໍລະກົດ​ເບິ່ງ​ສວຍ​ງາມ ພາຍ​ໃນ​ມີ​ການ​ຈັດການ​ທ່ອງ​ທ່ຽວ​ຢ່າງ​ເປັນ​ລະບຽບ​ຮຽບຮ້ອຍ ມີ​ການ​ແບ່ງ​ພື້ນ​ທີ່​ອອກ​ເປັນ​ສ່ວນ​ໆ ເຊັ່ນ: ພື້ນ​ທີ່​ກິນ​ອາຫານ (ບໍ່​ອະນຸຍາດ​ໃຫ້​ມີ​ການ​ປຸງ​ອາຫານ), ພື້ນ​ທີ່​ສຳລັບ​ຫຼິ້ນ​ນ້ຳ ແລະ​ມີ​ການ​ຈັດການ​ຂີ້ເຫຍື້ອ​ຢ່າງ​ມີ​ປະ​ສິດ​ທິ​ພາບ. ນອກ​ຈາກ​ນີ້​ບໍລິເວນ​ທາງ​ເຂົ້າ​ຈະ​ມີ​ສູນອະ​ນຸ​ຮັກ​​ໝີ ເຊິ່ງ​ເປັນ​ແຫຼ່ງ​ລວບລວມ​ໝີ​ທີ່​ຊ່ວຍ​ເຫຼືອ​ມາ​ຈາກ​ການ​ຄ້າ​ສັດ​ປ່າ​ໃນ​ສະຖານ​ທີ່​ຕ່າງ​ໆ ໃນ​ປະເທດ​ລາວ​ອີກ​ດ້ວຍ.

ເວລາ​ເປີດ – ປິດ : 06:00 – 17:30 ໂມງ
ຄ່າ​ເຂົ້າ​ຊົມ : 20,000 ກີບ/ຄົນ

5. ຕະຫຼາດມືດຫຼວງ​ພະ​ບາງ (Luang Prabang Night Market)

ປິດ​ທ້າຍ​ໄປ​ຍ່າງ​ຕະຫຼາດຕອນ​ກາງ​ຄືນ​ຫາ​ຂອງ​ຝາກ​ກັນ​ທີ່ ຕະຫຼາດມືດ ຫຼື​ ຖະໜົນ​ເຂົ້າ​ໜຽວ ຕັ້ງ​ຢູ່​ທີ່​ຖະໜົນສີສະຫວ່າງ​ວົງ. ຢູ່ສີ່​ແຍກ​ໄປສະນີ​ແຂວງ​ຫຼວງ​ພະ​ບາງ​ໄປ​ຈົນ​ສຸດ​ພິພິທະພັນ​ຫຼວງ​ພະ​ບາງ (ພະລາຊະວັງຫຼວງ​ພະ​ບາງ) ໄລຍະ​ທາງ​ປະ​ມານ 1 ກິ​ໂລ​ແມັດ ເປັນ​ຕະຫຼາດຂາຍ​ເຄື່ອງ​ພື້ນ​ເມືອງ​ທີ່​ປະຊາຊົນຫຼວງ​ພະ​ບາງ ​ແລະ ຄົນເຜົ່າ​ມົ້ງ​ຈະ​ນຳ​ສິນ​ຄ້າ​ງານ​ສີ​ມື​ມາ​ວາງ​ຂາຍ. ມີ​ຂອງ​ຝາກ​ຫຼາກ​ຫຼາຍ​ໃຫ້​ເລືອກ​ຊື້ ບໍ່​ວ່າ​ຈະ​ເປັນ ເຄື່ອງ​ເງິນ, ຜ້າ​ລາຍ​ພື້ນ​ເມືອງ ໃນຕອນ​ກາງ​ຄືນ​ຈະ​ຄຶກ​ຄື້ນ ມີ​ນັກ​ທ່ອງ​ທ່ຽວ​ມາ​ຍ່າງ​ຊື້​ຂອງ​ຝາກ​ກັນ​ຫຼວງ​ຫຼາຍ (ແຕ່ເນື່ອງຈາກການລະບາດຂອງໂຄວິດ-19 ໄລຍະນີ້ອາດຈະມີນັກຍ່າງເລາະບໍ່ຫຼາຍຄືແຕ່ກ່ອນ).

ນອກ​ຈາກ​ນີ້​ໃນ​ຕອນເຊົ້າ​ມືດ​ບໍລິເວນ​ຕະຫຼາດຈະ​ມີ​ການ​ຕັກ​ບາດ​ເຂົ້າ​ໜຽວ ເປັນ​ປະເພນີ​ອັນ​ເປັນ​ເອກະ​ລັກ​ ແລະ​ ເປັນ​ທີ່​ນິຍົມ​ສຳລັບ​ນັກ​ທ່ອງ​ທ່ຽວ. ໃຜ​ມາ ທ່ຽວ​ລາວ ແລະ ​ຢາກ​ຮ່ວມ​ຕັກ​ບາດ​ຕາມ​ປະເພນີ​ຂອງ​ບ່ອນນີ້​ ກໍ​ສາມາດ​ມາ​ໄດ້​ໃນ​ຕອນ​ເຊົ້າ​ມືດເດີ.

ເວລາ​ເປີດ – ປິດ : 17:00 ໂມງ – 23:00 ໂມງ.

ທັງໝົດນີ້​ກໍ​ຄື​ພິ​ກັດ ບ່ອນທ່ຽວ​ຫຼວງ​ພະ​ບາງ ທີ່​ເຮົາຄັດ​ມາ​ແນະ​ນຳ ສຳລັບ​ໃຜ​ທີ່​ວາງ​ແຜນ​ຢາກ​ໄປ​ທ່ຽວ​ໃນ​ເມືອງ​ນ້ອຍ​ໆ ສຳຜັດບັນຍາກາດ​ຊິວ​ໆ ແບບ​ສ​ະໂລ​​ໄລ​ຟ​໌​ກໍ​ແນະ​ນຳ ນະຄອນ​ຫຼວງ​ພະ​ບາງ ໄວ້​ເປັນ​ອີກ​ໜຶ່ງຕົວ​ເລືອກ. ນອກ​ຈາກ​ສະຖານ​ທີ່​ເຫຼົ່າ​ນີ້​ແລ້ວ​ໃນ​ຫຼວງ​ພະ​ບາງ​ກໍ​ຍັງມີ​ຈຸດ​ໜ້າ​ສົນ​ໃຈ​ອີກ​ຫຼວງ​ຫຼາຍ ລອງ​ໄປ​ຢ້ຽມຢາມກັນ​ໃຫ້​ໄດ້​ຈັກ​ເທື່ອ​ເດີ.

Advertisement Replay Ad
ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ