ວັນພຸດ ທີ 19 ພຶດສະພາ 2021

ສ່ອງ 6 ພຶດຕິກຳສ່ຽງໆ ທີ່ເຈົ້າຄວນຢຸດເຮັດເພື່ອຄວາມສຳພັນທີ່ດີຂຶ້ນ

ສ່ອງ 6 ພຶດຕິກຳສ່ຽງໆ ທີ່ເຈົ້າຄວນຢຸດເຮັດເພື່ອຄວາມສຳພັນທີ່ດີຂຶ້ນ
S! Muan

ສະໜັບສະໜູນເນື້ອຫາ

ເປັນຫຍັງຄູ່ຂອງເຮົາຄືຜິດກັນຕະຫຼອດ, ເປັນຫຍັງຄວາມສໍາພັນເຮົາຄືມັກມີແຕ່ບັນຫາ? ຖ້າຄຳຖາມເຫຼົ່ານີ້ມັນມາກວນໃຈເຈົ້າຕະຫຼອດສະແດງວ່າມັນຕ້ອງມີຫຍັງບາງຢ່າງທີ່ພວກເຮົາອາດເບິ່ງຂ້າມເຊິ່ງມັນອາດເປັນຈຸດກຳເນີດຂອງບັນຫາເຊິ່ງກໍ່ເກີດມາຈາກພຶດຕິກຳເລັກໆນ້ອຍທີ່ເຮົາເຮັດເປັນປະຈຳໂດຍບໍ່ຮູ້ຕົວ. ດັ່ງນັ້ນ, ບົດຄວາມນີ້ຜູ້ຂຽນຈະນຳພາທ່ານຜູ້ອ່ານເຂົ້າໄປຮູ້ຈັກກັບພຶດຕິກຳທີ່ເຮົາອາດເຮັດເປັນປະຈຳແຕ່ຮູ້ບໍ່ວ່າມັນຄືໄວຣັສທີ່ອາດເຮັດໃຫ້ຄວາມສໍາພັນຂອງເຮົາຈົບລົງ. 

1. ເອົາຄວາມຖືກຕ້ອງມາກ່ອນຖືກໃຈ (ເອົາຊະນະ ຫຼາຍກວ່າ ມີຄວາມສຸກຮ່ວມກັນ) 

ທຸກໆການແຂ່ງຂັນຜູ້ຊະນະມັກຈະມີພຽງໜຶ່ງດຽວ, ໃນຊີວີດຄູ່ຄວາມຈິງກໍ່ຄືມີພຽງຄົນສອງຄົນ ຄື ເຈົ້າ ແລະ ຄູ່ຂອງເຈົ້າ. ການທີ່ເຮົາບອກວ່າຢຶດໝັ້ນແຕ່ ຄວາມຈິງ ພຽງໜຶ່ງດຽວ ມັນບໍ່ໄດ້ຊ່ວຍໃຫ້ທັງສອງຄົນໄວ້ອົກໄວ້ໃຈກັນຫຼາຍຂຶ້ນເລີຍ. ແທນທີ່ຈະຜິດກັນດ້ວຍຄຳວ່າຂ້ອຍຖືກເຈົ້າຜິດ ໃຫ້ບອກຄວາມຮູ້ສຶກເຈົ້າອອກມາ, ສິ່ງທີ່ເຈົ້າຄິດ ແລະ ສິ່ງທີ່ເຈົ້າເອງຕ້ອງການ, ທີ່ສຳຄັນກໍ່ໃຫ້ອີກຝ່າຍໄດ້ເຮັດແບບດຽວກັນ.  

ຢ່າປ່ອຍໃຫ້ຄຳວ່າຖືກຕ້ອງ, ຄວາມຈິງ ແລະ ການເອົາຊະນະມາເປັນທີ່ຕັ້ງ, ໃຫ້ອາລົມເຢັນລົງກ່ອນແລ້ວຄ່ອຍລົມກັນມັນຈະເຮັດທຸກຢ່າງເຂົ້າໃຈງ່າຍກວ່າຕອນໃຈຮ້ອນ, ແຕ່ຄວນຊື່ກົງກັບຄວາມຮູ້ສຶກຂອງກັນ ແລະ ກັນ ແລ້ວທັງສອງຄົນຈະເຫັນຈຸດທີ່ຄວນເຂົ້າໃຈ ປານີປານອມ ແລະ ປັບຕົວເຂົ້າຫາກັນໄດ້ດີຂຶ້ນ. 

 

ພາບ: Designed by brgfx / Freepik  

2. ເມື່ອເຈົ້າຂໍໂທດ, ອີກຝ່າຍໜຶ່ງຕ້ອງໃຫ້ອະໄພທັນທີ 

ລອງຄິດນຳກັນເບິ່ງວ່າ ຖ້າເຈົ້າຖືກຄົນອື່ນຕົບໜ້າ ແລ້ວທັນໃດນັ້ນເຂົາກໍ່ບອກວ່າຂໍໂທດເດີ້, ຖ້າເປັນເຈົ້າເຈົ້າຈະຕອບໄປໃນທັນທີບໍ່ວ່າ ບໍ່ເປັນຫຍັງ ຫຼື ຂ້ອຍຍົກໂທດໃຫ້ເຈົ້າ! 

ທຸກຄົນຕ້ອງການເວລາ, ເຖິງເຈົ້າຈະຂໍໂທດແລ້ວ, ແຕ່ສຳລັບອີກຝ່າຍໜຶ່ງພວກເຂົາຕ້ອງໃຊ້ເວລາເພື່ອທົບທວນສິ່ງທີ່ເກີດຂຶ້ນ ແລະ ເບິ່ງວ່າເຈົ້າຂໍໂທດຈາກໃຈຈິງ, ຮູ້ສຶກຜິດແທ້ໆບໍ່. ດັ່ງນັ້ນ, ຢ່າຄາດຫວັງວ່າຈະໄດ້ຮັບການຍົກໂທດໃນທັນທີ ເພາະວ່າພວກເຂົາຈະຍອມຮັບຄຳຂໍໂທດຈາກເຈົ້າກໍ່ຕໍ່ເມື່ອພວກເຂົາຮູ້ສຶກວ່າເຈົ້າສໍານຶກຜິດແທ້ໆແລ້ວ ໃນມຸມມອງຂອງພວກເຂົາເອງເທົ່ານັ້ນ. 

ສິ່ງທີ່ຄວນເຮັດກໍ່ຄື ໃຫ້ເວລາພວກເຂົາ ສ່ວນຕົວເຈົ້າເອງຕ້ອງກັບມາທົບທວນຕົວເອງ ແລະ ແທນທີ່ຈະຫາຂໍ້ອ້າງເພື່ອແກ້ຕົວ ກໍ່ຄວນສະແດງພຶດຕິກຳອອກມາໃຫ້ເຫັນຫຼາຍໆວ່າເຈົ້າຂໍໂທດແທ້ໆກັບສິ່ງທີ່ເກີດຂຶ້ນ. 

 

ພາບ: Designed by yanalya / Freepik  

3. ເຈົ້າຮູ້ສຶກໃຈຮ້າຍເມື່ອຄູ່ຂອງເຈົ້າຮ້າຍໃສ່ເຈົ້າ (ບໍ່ຍອມຮຽນຮູ້ ແລະ ເຂົ້າໃຈ) 

ສິ່ງທີ່ມັກຈະເກີດຂຶ້ນກໍ່ຄື: 

  1. ແຟນຂອງເຈົ້າກຳລັງບໍ່ພໍໃຈ ແລະ ບອກເຫດຜົນໃຫ້ເຈົ້າຮູ້ວ່າເປັນຫຍັງ, ເຊິ່ງມັນທຳຮ້າຍຄວາມຮູ້ສຶກເຈົ້າ ແລະ ສຸດທ້າຍກັບລົງເອີຍດ້ວຍທີ່ແຟນເຈົ້າຕ້ອງມາປອບປະໂລມໃຫ້ເຈົ້າຮູ້ສຶກດີແທນ. 
  2. ແຟນຂອງເຈົ້າບອກເຈົ້າໃຫ້ຮູ້ວ່າພວກເຂົາບໍ່ພໍໃຈ ແຕ່ແທນທີ່ເຈົ້າຈະສົນໃຈເລື່ອງທີ່ເຂົ້າເວົ້າອອກມາ, ເຈົ້າພັດຄິດວ່າຈະຕຳນິແຟນຂອງເຈົ້າທີ່ສະແດງຄວາມຮູ້ສຶກອອກມາແບບນັ້ນ. 
  3. ແຟນຂອງເຈົ້າບໍ່ພໍໃຈ ແລະ ເຈົ້າເອງກໍ່ຕອບໂຕກັບໄປແບບດຽວກັນວ່າເຈົ້າບໍ່ພໍໃຈຫຼາຍກວ່າ ແລະ ຄົນທີ່ຄວນໄດ້ຮັບຄຳຂໍໂທດຄວນເປັນເຈົ້າ. 

ສິ່ງທີ່ເຈົ້າຄວນເຮັດກໍ່ຄື: ຢ່າຕອບໂຕ້ກັບໄປແບບນັ້ນ, ດ້ວຍຄວາມບໍ່ພໍໃຈ ຫຼື ຮ້າຍກັບໄປ, ແຕ່ໃຫ້ເຈົ້າຟັງໃຫ້ຫຼາຍກ່ອນ (ມັນຍາກແຕ່ຖ້າຢາກມີຊີວິດຄູ່ທີ່ດີຕ້ອງເຝິກໃຫ້ໄດ້), ຫຼັງຈາກນັ້ນຫາຈຸດທີ່ຈະພະຍາຍາມເຮັດໃຫ້ການສົນທະນາ ຫຼື ຄວາມຮູ້ສຶກຂອງອີກຝ່າຍເຢັນລົງ, ກ່ອນທີ່ເຈົ້າຈະໃຫ້ຄໍາປຶກສາ ຫຼື ໂອ້ລົມກັບພວກເຂົາ ຄວນເຮັດໃຫ້ແນ່ໃຈວ່າເຈົ້າໄດ້ຟັງ ແລະ ເຂົ້າໃຈບັນຫາທີ່ພວກເຂົາເວົ້າອອກມາແທ້ໆ, ຖ້າບໍ່ເຂົ້າໃຈຄວນຖາມດ້ວຍອາລົມທີ່ເຢັນ ແລະ ນຸ້ມນວນກວ່າ. 

ເມື່ອອີກຝ່າຍໜຶ່ງກຳລັງຮ້ອນມາ ອີກຝ່າຍໜຶ່ງຄວນເຢັນກວ່າ ມັນຈະເຮັດໃຫ້ຄວາມສໍາພັນນັ້ນເປັນໄປດ້ວຍຄວາມເຂົ້າໃຈກັນ ແລະ ພ້ອມກັນຈູງມືຜ່ານໄປໄດ້ໃນທຸກໆສະຖານະການ 

ເພື່ອໃຫ້ແນ່ໃຈວ່າບັນຫາທັງໝົດເຂົ້າໃຈກັນແລ້ວເຈົ້າສາມາດຖາມປິດທ້າຍວ່າ “ມີສິ່ງໃດອີກບໍ່ທີ່ ຂ້ອຍຍັງເບິ່ງຂ້າມໄປ” ກ່ອນທີ່ຈະຈົບການສົນທະນາ  

 

ພາບ: Designed by cookie_studio / Freepik

4. ພ້ອມທີ່ຈະບວກຖ້າເຈົ້າເດົາໃຈຂ້ອຍບໍ່ຖືກ  

ເຈົ້າເລືອກວີທີ່ ທີ່ຈະໂຕ້ຖຽງແທນທີ່ຈະບອກສິ່ງທີ່ຕົວເອງຕ້ອງການອອກໄປໂດຍກົງ, ເພາະວ່າຮັກກັນຕ້ອງຮູ້ໃຈກັນ, ຕ້ອງເດົາໃຈກັນໄດ້ ແລະ ຕ້ອງເຂົ້າໃຈຄວາມຮູ້ສຶກຂ້ອຍ (ໂດຍທີ່ເຈົ້າບໍ່ບອກບໍ່ເວົ້າຫຍັງເລີຍໃຜຊິຮູ້) 

ຊີວິດມັນງ່າຍຢ່າເຮັດໃຫ້ມັນຍາກ, ການໃຊ້ຊີວິດຮ່ວມກັນບໍ່ແມ່ນການຫຼິ້ນເກມເບິ່ງຕາແລ້ວຮູ້ໃຈ ເລື່ອງງ່າຍໆເປີດໃຈແລ້ວບອກສິ່ງທີ່ຕົວເອງຕ້ອງການອອກໄປ ແທນທີ່ຊິລໍຖ້າໃຫ້ອີກຝ່າຍເດົາໃຈເອົາ ຖ້າບໍ່ເປັນໄປຕາມທີ່ຕົວເອງຕ້ອງການກໍ່ພ້ອມທີ່ຈະບວກທັນທີ (ຢ່າຫາເຮັດແບບນີ້). 

“ແຕ່ວ່າ, ເຈົ້າຄວນຈະຮູ້ສິ່ງທີ່ຂ້ອຍຕ້ອງການ”, “ຂ້ອຍບໍ່ຈຳເປັນຕ້ອງບອກລາວທຸກໆຢ່າງກໍ່ໄດ້”, “ເຈົ້າຄວນຄິດໄດ້ວ່າຂ້ອຍຢາກໄດ້ຫຍັງ ຫຼື ເປັນຫຍັງ”. 

ປ່ຽນຄວາມຄິດຂອງຕົວເອງໃໝ່ສາ, ເພາະຄວາມຄິດແບບນີ້ຈະນຳເຈົ້າໄປສູ່ຄວາມວຸ່ນວາຍໃຈ, ລະແວງ ແລະ ທຸກໃຈທັງສອງຝ່າຍລ້າໆ ເຊິ່ງເຮົາສາມາດຫຼີກເວັ້ນມັນໄດ້ດ້ວຍການສື່ສານທີ່ຖືກຕ້ອງ ແລະ ຊັດເຈນ. 

 

ພາບ: Designed by Freepik  

5. ເຈົ້າບໍ່ຮັບຟັງອີກຝ່າຍໜຶ່ງ (ຢາກໃຫ້ແຕ່ອີກຝ່າຍຟັງຕົວເອງ) 

ຫຼາຍໆຄົນຄືຈະຕອບກັບຂໍ້ນີ້ວ່າ,​ ຂ້ອຍກະຟັງແລ້ວເດ້ ເປັນຫຍັງຊິບໍ່ຟັງ... ແຕ່ຖາມຕົວເອງກ່ອນເຈົ້າຟັງດ້ວຍໃຈແທ້ໆບໍ່ ຫຼື ຟັງຫູຊ້າຍແລ້ວອອກຫູຂວາ.  

ຫຼັງຈາກຄົບກັນມາຈັກເດືອນໜຶ່ງ ຫຼື ເປັນປີ, ແຟນຂອງເຈົ້າຮູ້ສຶກວ່າເລີ່ມບໍ່ມີຄວາມສຸກກັບຄວາມສໍາພັນນີ້, ເຈົ້າບໍ່ສະໜັບສະໜຸນ, ເຂົ້າຂ້າງຄືເກົ່າ ແລະ ຮູ້ສຶກຫ່າງເຫີນເຖິງຈະຢູ່ໃກ້ກັນກໍ່ຕາມ. ພວກເຂົາອາດຈະເລີ່ມຖາມຫາເວລາ ແລະ ຄວາມສົນໃຈຈາກເຈົ້າ... ແຕ່ເຈົ້າຈະບໍ່ສົນໃຈ ແລະ ເຫັນວ່າມັນເປັນເລື່ອງໄຮ້ສາລະ, ແຕ່ເພື່ອບໍ່ໃຫ້ພວກເຂົາເສຍໃຈ ເຈົ້າກໍ່ເລີຍຮັບປາກໄປວ່າຈະພະຍາຍາມໃຫ້ດີກວ່າເກົ່າ... 

ສິ່ງທີ່ຕົວເຮົາເອງມັກເວົ້າກໍ່ຄື: ດຽວໆຟັງຂ້ອຍກ່ອນດຸ, ເຈົ້າບໍ່ຟັງຂ້ອຍແລ້ວເປັນຫຍັງຂ້ອຍຕ້ອງຟັງເຈົ້າ, ຂ້ອຍກໍ່ເປັນແບບນີ້ຊິໃຫ້ຂ້ອຍເປັນແບບໃດ, ຂ້ອຍກໍ່ເຮັດໄດ້ແຕ່ສ່ຳນີ້ ຊິໃຫ້ເຮັດດີສ່ຳໃດອີກ, ຂ້ອຍຂໍເວລາແດ່ໄດ້ບໍ່ແລ້ວຂ້ອຍຊິໄປຫາເຈົ້າເມື່ອແລ້ວວຽກນີ້,​ ຂ້ອຍ, ຂ້ອຍ, ຂ້ອຍ....ທຸກໆຢ່າງເລີ່ມຕົ້ນດ້ວຍຄໍາວ່າ ຂ້ອຍ” ຕ່າງຝ່າຍຕ່າງເອົາເຫດຜົນຂອງຕົວເອງມາອ້າງ, ບອກແຕ່ວ່າອີກຝ່າຍຕ້ອງຟັງສິ່ງທີ່ຕົວເອງເວົ້າ...ພຶດຕິກຳແບບນີ້ຍິ່ງມີຫຼາຍຍິ່ງເຮັດໃຫ້ຄວາມສໍາພັນສັ່ນຄອນລົງເລື້ອຍໆ. ຈົ່ງຮັບຟັງກັນ ແລະ ກັນ ດ້ວຍໃຈຈິງ ແລ້ວພ້ອມກັນປັບຈູນສິ່ງທີ່ສອງຄົນມີ ແລະ ຕ້ອງການໄປພ້ອມໆກັນ. 

ພາບ: Designed by Freepik  

6. ເຈົ້າຄິດວ່າບົດຄວາມນີ້ແມ່ນຄູ່ຂອງເຈົ້າຕ້ອງເປັນຄົນເອົາໄປໃຊ້ 

ອ່ານມາຮອດຂໍ້ນີ້ແລ້ວ ໃນຄວາມຄິດເຮົາຈະບອກວ່າ ແມ່ນເລີຍ ຄູ່ຂອງຂ້ອຍເປັນແບບນີ້ແຫຼະ! ບໍ່ຮັບຟັງຂ້ອຍເລີຍ, ບໍ່ສົນໃຈຂ້ອຍເລີຍ...ເປັນຕົ້ນ. ເຊິ່ງນັ້ນໝາຍຄວາມວ່າເຮົາສົນໃຈແຕ່ຈະຈັບຜິດຄູ່ຂອງເຮົາ ແລະ ເມີນເສີຍຕໍ່ພຶດຕິກຳຂອງຕົວເອງ. ຢຸດຄວາມຄິດນີ້ ແລະ ຢ່າໃຫ້ສະໝອງຫຼອກຕາເຈົ້າ, ຈົ່ງອ່ານແຕ່ລະຂໍ້ຄືນໃໝ່ແລ້ວເອົາມາປະເມີນໃສ່ຕົວເອງ ແທນທີ່ຈະເບິ່ງວ່າເປັນຄູ່ຂອງເຈົ້າທີ່ຈະຕ້ອງປ່ຽນ.  

ເຈົ້າສາມາດເຮັດໂຕໃຫ້ດີຂຶ້ນ ແລະ ເຊັ່ນດຽວກັນເຮັດໃຫ້ຄູ່ຂອງເຮົາໄປນຳກັນ. ເຈົ້າຈະສ້າງເສັ້ນທາງ, ຮູບແບບໃໝ່ໃຫ້ກັບຄວາມສໍາພັນຂອງເຈົ້າ ແລະ ເປັນເສັ້ນທາງທີ່ໃກ້ຊິດ, ຫ່ວງໃຍ, ຮັກແພງກັນດີຍິ່ງຂຶ້ນຕາມທີ່ເຈົ້າຕ້ອງການ ແລະ ວາດຝັນເອົາໄວ້. 

 

ພາບ: Designed by Freepik  


ແປພາສາລາວ ແລະ ຮຽບຮຽງໂດຍ: Thanakone LLS 

ຂອບໃຈບົດຄວາມດີໆຈາກ www.psychologytoday.com 

ອ້າງອີງ: 

Advertisement Replay Ad
ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ