ວັນອັງຄານ ທີ 15 ມິຖຸນາ 2021

ເປັນຫຍັງ "ທັດສະນະຄະຕິ" ຈຶ່ງສຳຄັນກວ່າ "ຄວາມສະຫຼາດ"?

ເປັນຫຍັງ "ທັດສະນະຄະຕິ" ຈຶ່ງສຳຄັນກວ່າ "ຄວາມສະຫຼາດ"?
S! Muan

ສະໜັບສະໜູນເນື້ອຫາ

Carol Dweck ເປັນນັກຈິດຕະວິທະຍາທີ່ໄດ້ສຶກສາເລື່ອງທັດສະນະຄະຕິ ແລະ ສັກກະຍະພາບເຊິ່ງງານວິໄຈລ່າສຸດຂອງລາວນັ້ນສະແດງໃຫ້ເຫັນວ່າ: 

ທັດສະນະຄະຕິໄດ້ບົ່ງບອກເຖິງຄວາມສຳເລັດໄດ້ຫຼາຍກວ່າລະດັບໄອຄິວ 

ລາວພົບວ່າທັດສະນະຄະຕິ ເປັນແກນຫຼັກຂອງຄົນເຮົາເຊິ່ງໄດ້ແບ່ງອອກເປັນສອງປະເພດໄດ້ແກ່: 

  1. ຂອບເຂດຄວາມຄິດແບບຈຳກັດ(Fixed Mindset) 
  2. ຂອບເຂດຄວາມຄິດແບບເຕີບໂຕ(Growth Mindset) 

ຄົນທີ່ມີຂອບເຂດຄວາມຄິດແບບຈຳກັດ (Fixed Mindset) ຈະເປັນຄົນທີ່ຢຶດໝັ້ນໃນຄວາມຄິດຂອງຕົນເອງ ແລະ ບໍ່ຍອມປ່ຽນແປງຕົນເອງເພື່ອສິ່ງອື່ນ ເຊິ່ງການມີວິທີຄິດແບບນີ້ມັນອາດຈະເປັນບັນຫາໄດ້ເວລາທີ່ເຈົ້າພົບກັບສິ່ງທີ່ໂຕເອງບໍ່ສາມາດຮັບມືໄດ້ ແລະ ມັນຈະເຮັດໃຫ້ຮູ້ສຶກຜິດຫວັງ ແລະ ຍອມແພ້ໄດ້.

ສ່ວນຄົນທີ່ມີຂອບເຂດຄວາມຄິດແບບເຕີບໂຕ (Growth Mindset) ຈະເປັນຄົນທີ່ມັກເຊື່ອວ່າຄົນເຮົານັ້ນສາມາດພັດທະນາຕົນເອງໄດ້ສະເຫມີ, ຖ້າເຮົາມີຄວາມພະຍາຍາມ ແລະ ວິທີຄິດແບບນີ້ມັນຈະເຮັດໃຫ້ເກີດຄວາມກ້າວໜ້າຫຼາຍກວ່າຄົນທີ່ມີຂອບເຂດຄວາມແບບຕາຍໂຕ ເຖິງແມ່ນວ່າຈະມີລະດັບໄອຄິວທີ່ບໍ່ສູງກໍຕາມ ເພາະຄົນປະເພດນີ້ຈະມັກເຮັດສິ່ງທີ່ທ້າທາຍ ແລະ ເບິ່ງວ່າສິ່ງຕ່າງໆທີ່ເຂົ້າມາຄືໂອກາດໃນການຮຽນຮູ້ສິ່ງໃຫມ່ໆ.

p style="text-align: center;">

ໂດຍທົ່ວໄປແລ້ວ ການມີຄວາມສາມາດ ຫຼື ເປັນຄົນສະຫຼາດຈະເຮັດໃຫ້ມີຄວາມໝັ້ນໃຈຫຼາຍກວ່າຄົນອື່ນໆ ເຊິ່ງເປັນຄວາມຈິງເວລາພົບກັບເລື່ອງງ່າຍໆເທົ່ານັ້ນ ແຕ່ປັດໃຈທີ່ສໍາຄັນກວ່ານັ້ນກໍຄືວິທີການຈັດການກັບຄວາມຜິດພາດ ແລະ ອຸປະສັກຕ່າງໆຕ່າງຫາກ ໂດຍຄົນທີ່ມີຂອບເຂດຄວາມຄິດແບບເຕີບໂຕຈະອ້າແຂນຮັບກັບອຸປະສັກຕ່າງໆໄດ້ຢ່າງບໍ່ລັງເລ 

Dweck ໄດ້ເວົ້າອີກວ່າ: 

ຄວາມສຳເລັດໃນຊີວິດຄືເລື່ອງຂອງວິທີການຈັດການກັບຄວາມຫຼົມແຫຼວໃນຊີວິດຂອງເຈົ້ານີ້ ແລະ  

ລາວຍັງໄດ້ອະທິບາຍວິທີທີ່ຄົນມີຂອບເຂດຄວາມຄິດແບບເຕີບໂຕໄວ້ວ່າ: 

“ຄວາມຫຼົມແຫຼວກໍ່ເປັນພຽງຂໍ້ມູນສ່ວນໜຶ່ງທີ່ເຮົາແປະປ້າຍເອົາໄວ້ວ່າມັນຄືຄວາມຫຼົມແຫຼວ ເຊິ່ງມັນເຮັດໃຫ້ເຮົາຮູ້ວ່າຫາກວິທີນີ້ມັນບໍ່ໄດ້ຜົນ ຄັນຊັ້ນຂ້ອຍກໍຈະລອງແກ້ບັນຫາດ້ວຍວິທີອື່ນເບິ່ງ” 

ບໍ່ວ່າເຈົ້າຈະເປັນຄົນປະເພດໃດກໍຕາມເຈົ້າສາມາດປ່ຽນແປງ ແລະ ພັດທະນາຕົນເອງໃຫ້ມີຂອບເຂດແບບເຕີບໂຕໄດ້ຄືກັນ ແລະ ຂ້າພະເຈົ້າມີວິທີທີ່ຈະຊ່ວຍປັບປຸງມຸມມອງຂອງເຈົ້າໃຫ້ດີຂຶ້ນດ້ວຍວິທີດັ່ງຕໍ່ໄປນີ້: 

ຢ່າຈົມຢູ່ກັບຄວາມຮູ້ສຶກວ່າເຈົ້ານັ້ນບໍ່ມີຄ່າ 

ທຸກຄົນກໍຕ້ອງເຄີຍມີຊ່ວງເວລາທີ່ຮູ້ສຶກວ່າຕົວເອງນັ້ນບໍ່ມີຄ່າຈັກຫນ້ອຍ ເຊິ່ງບົດທົດສອບຂອງເຈົ້າກໍຄື ເຈົ້າຈະມີປະຕິກິຍາຕອບຮັບກັບຄວາມຮູ້ສຶກແບບນີ້ໄດ້ແນວໃດ? ເຈົ້າຈະເລືອກຮຽນຮູ້ເປັນບົດຮຽນແລະກ້າວຕໍ່ໄປຫຼືຈະປ່ອຍໃຫ້ໂຕເອງຈົມເລິກລົງໄປເລື້ອຍໆ ມີຜູ້ປະສົບຄວາມສໍາເລັດຫຼາຍຄົນທີ່ບໍ່ສາມາດມາຮອດຈຸດນີ້ໄດ້ຖ້າຫາກວ່າພວກເຂົາຍອມແພ້ໃຫ້ກັບຄວາມຮູ້ສຶກທີ່ໄຮ້ຄ່າ ຍົກຕົວຢ່າງຄືບຸກຄົນເຫຼົ່ານີ້: 

  • Walt Disney ທີ່ເຄີຍຖືກໄລ່ອອກຈາກບໍລິສັດKansas City star ເພາະວ່າ “ບໍ່ມີຄວາມຄິດສ້າງສັນ ແລະ ໄອເດຍດີໆ” 
  • Oprah Winfrey ກໍເຄີຍຖືກໄລ່ອອກຈາກການເປັນຜູ້ປະກາດຂ່າວທາງໂທລະພາບຢູ່ບັລຕິມອຣ ເພາະວ່າລາວ “ອ່ອນໄຫວກັບເລື່ອງສ່ວນໂຕຫຼາຍເກີນໄປ” 
  • Henry Ford ເຄີຍຫຼົມແຫຼວຈາກການສ້າງບໍລິສັດລົດມາແລ້ວສອງເທື່ອ ກ່ອນຈະປະສົບຄວາມສຳເລັດຈາກບໍລິສັດຟອຣດ 
  • Steven Spielberg ເຄີຍຖືກປະຕິເສດຈາກ USC’s Cinematic Arts School ມາຫຼາຍຄັ້ງນັບບໍ່ຖ້ວນເຊັ່ນດຽວກັນ. 

ລອງຈິນຕະນາການເບິ່ງວ່າຖ້າພວກເຂົາເຫຼົ່ານັ້ນມີຂອບເຂດຄວາມຄິດແບບຈຳກັດ ກໍຄົງຍອມແພ້ ແລະ ລົ້ມເລີກຄວາມຫວັງໄປແລ້ວ ຄົນທີ່ມີຂອບເຂດຄວາມຄິດແບບເຕີບໂຕຈະບໍ່ຮູ້ສຶກວ່າຕົນເອງໄຮ້ຄ່າ ເພາະພວກເຂົາຮູ້ວ່າຈະປະສົບຄວາມສຳເລັດໄດ້ນັ້ນ ເຈົ້າຕ້ອງເຕັມໃຈທີ່ຈະຫຼົມແຫຼວ ແລະ ລຸກຂຶ້ນໃຫມ່ໄດ້ອີກຄັ້ງ 

ມີຄວາມມຸ່ງໝັ້ນ ແລະ ຫຼົງໄຫຼໃນສິ່ງທີ່ເຮັດ 

ແນ່ນອນວ່າໃນໂລກນີ້ມີຄົນທີ່ມີພອນສະຫວັນ ແລະ ເກັ່ງຫຼາຍກວ່າເຈົ້າສະເຫມີ ແຕ່ເຈົ້າສາມາດໃຊ້ຄວາມມຸ່ງໝັ້ນ ແລະ ຫຼົງໄຫຼໃນສິ່ງທີ່ເຈົ້າເຮັດມາທົດແທນພອນສະຫວັນທີ່ຂາດຫາຍໄປໄດ້ ເພາະມັນຈະເປັນສິ່ງທີ່ຊຸກດັນເຈົ້າບໍ່ຢຸດທີ່ຈະພັດທະນາຕົນເອງ ຍົກຕົວຢ່າງຄື: 

Warren Buffett ລາວແນະນຳວ່າໃຫ້ຫາສິ່ງທີ່ຮັກ ແລະ ຫຼົງໄຫຼແທ້ໆດ້ວຍເທັກນິກທີ່ລາວເອີ້ນວ່າ5/25 ໂດຍໃຫ້ຂຽນສິ່ງທີ່ເຈົ້າສົນໃຈຫຼາຍທີ່ສູດ25ຢ່າງ ແລ້ວກໍ່ຕັດອອກ20ຂໍ້ ແລະ 5ຂໍ້ສຸດທ້າຍທີ່ເຫຼືອນັ້ນກໍຄືສິ່ງທີ່ເຈົ້າຮັກຫຼາຍທີ່ສຸດແທ້ໆ.

ລົງມືເຮັດ 

ຜູ້ທີ່ມີຂອບເຂດຄວາມຄິດແບບເຕີບໂຕ ບໍ່ໄດ້ເອົາຊະນະຄວາມຢ້ານໄດ້ເພາະພວກເຂົາກ້າຫານກວ່າຄົນອື່ນດອກ ແຕ່ເປັນເພາະພວກເຂົາຮູ້ວ່າຄວາມຢ້ານມັນເປັນອາລົມທີ່ເຮັດໃຫ້ໝົດກຳລັງໃຈ ເຊິ່ງທາງອອກທີ່ດີທີ່ສຸດກໍຄືການລົງມືເຮັດ  ຂອບເຂດຄວາມຄິດແບບເຕີບໂຕເຮັດໃຫ້ພວກເຂົາມີພະລັງໃຈ ແລະ ຮູ້ວ່າຄົນເຮົາບໍ່ສາມາດຖ້າເວລາທີ່ເຫມາະສົມເພື່ອຈະກ້າວໄປຂ້າງໜ້າໄດ້ດອກ ເພາະສະນັ້ນແລ້ວ ການລົງມືເຮັດຢ່າງຈິງຈັງນີ້ ແລະ ທີ່ຈະປ່ຽນຄວາມກັງວົນຕໍ່ຄວາມຫຼົມແຫຼວໃຫ້ກາຍເປັນພະລັງບວກໄດ້ 

ກ້າວໄປໃຫ້ໄກກວ່າຈຸດທີ່ເຄີຍກ້າວ 

ຄົນທີ່ເຕັມປ່ຽມໄປດ້ວຍກຳລັງໃຈ ຈະບໍ່ລັງເລທີ່ຈະທຸ້ມເທໃຫ້ກັບສິ່ງທີ່ເຮັດ ພວກເຂົາຈະຊຸກຍູ້ໂຕເອງ ໃຫ້ໄປໄດ້ໄກກວ່າຈຸດເກົ່າສະເຫມີ ມີເລື່ອງເລົ່າເລື່ອງໜຶ່ງຂອງ Bruce Lee ກ່າວວ່າ Bruce ມີລູກສິດຄົນໜຶ່ງທີ່ແລ່ນເປັນໄລຍະ 3 ໄມກັບລາວໝົດມື້. ມີມື້ໜຶ່ງຕອນທີ່ແລ່ນໃກ້ຊິຄົບ 3 ໄມ Bruce ກໍເວົ້າຂຶ້ນວ່າ:

“ແລ່ນຕໍ່ອີກ 2 ໄມເທາະ!” 

ແຕ່ຍ້ອນຄວາມອິດເມື່ອຍ ລູກສິດຂອງລາວຈຶ່ງຕອບໄປວ່າ ຖ້າແລ່ນຕໍ່ອີກ2ໄມລຂ້ອຍຕ້ອງຕາຍແທ້ໆ ຮູ້ບໍ່ວ່າ Bruce ຕອບວ່າຈັ່ງໃດ? “ຊັ້ນກະແລ່ນທະແມະ” ຫຼັງຈາກທີ່ແລ່ນຄົບຫ້າໄມລລູກສິດຂອງ Bruce ກໍອິດເມື່ອຍ ແລະ ໃຈຮ້າຍຢ່າງແຮງ Bruce ຈຶ່ງອະທິບາຍໃຫ້ລາວຟັງວ່າ: 

ຕໍ່ໃຫ້ຈົ້າແລ່ນຕໍ່ອີກສອງໄມລເຈົ້າກໍອາດຕ້ອງຕາຍຢູ່ດີ ຖ້າມົວແຕ່ສ້າງຂີດຈຳກັດໃຫ້ໂຕເອງ ທັງຊີວິດນີ້ບໍ່ວ່າເລື່ອງຫຍັງກໍຕາມ ເຈົ້າກໍຈະມີແຕ່ຂີດຈຳກັດໃຫ້ໂຕເອງເຕັມໄປໝົດ ຂີດຈໍາກັດທີ່ແທ້ຈິງນະມັນບໍ່ມີດອກ ແຕ່ພຽງແຕ່ອຸປະສັກທີ່ເຈົ້າຕ້ອງກ້າວຂ້າມມັນໄປໃຫ້ໄດ້ ເຖິງແມ່ນວ່າມັນຈະຂ້າເຈົ້າກໍຕາມເພາະຄົນເຮົາຕ້ອງພັດທະນາຕົນເອງຢູ່ສະເຫມີ 

ຖ້າເຈົ້າບໍ່ພັດທະນາຕົນເອງຂຶ້ນເທື່ອລະຫນ້ອຍ ຄວາມສາມາດຂອງເຈົ້າອາດຈະຫຼຸດຫນ້ອຍຖອຍລົງເລື້ອຍໆ ເຈົ້າເອງກໍບໍ່ຢາກເປັນແບບນັ້ນແມ່ນບໍ່? 

ຄາດຫວັງຜົນທີ່ໄດ້ຮັບ 

ກຸ່ມຄົນທີ່ມີຄວາມຄິດແບບເຕີບໂຕມັກຈະຮູ້ດີວ່າ ພວກເຂົາຈະຕ້ອງຫຼົມແຫຼວຢູ່ເລື້ອຍໆ ແຕ່ພວກເຂົາເຈົ້າບໍ່ຢຸດຄາດຫວັງເຖິງແມ່ນວ່າຈະຮູ້ແບບນັ້ນກໍຕາມ ການຕັ້ງຄວາມຫວັງກັບຜົົນທີ່ໄດ້ຮັບເປັນຕົວກະຕຸ້ນໃຫ້ເຈົ້າມີພະລັງທີ່ຈະກ້າວຕໍ່ໄປ ລອງຄິດເບິ່ງດູວ່າ ຖ້າຫາກເຈົ້າບໍ່ຕັ້ງຄວາມຫວັງວ່າໂຕເອງຈະປະສົບຄວາມສຳເລັດ ເຈົ້າກໍຄົງບໍ່ມີຄວາມພະຍາຍາມມາຮອດຈຸດນີ້ແມ່ນບໍ່? 

ປັບຕົວກັບບັນຫາ 

ບໍ່ມີໃຜບໍ່ພົບກັບຄວາມຍາກລຳບາກ ກຸ່ມຄົນທີ່ມີຄວາມຄິດແບບເຕີບໂຕຈະໃຊ້ຄວາມລໍາບາກໃນ ບໍ່ແມ່ນເພື່ອດຶງໃຫ້ຖອຍຫຼັງລົງຮ່ອມເມື່ອຖືກທ້າທາຍດ້ວຍເຫດການບໍ່ຄາດຄິດ ພວກເຂົາຈະປັບຕົວໃຫ້ເຂົ້າກັບມັນຈົນກວ່າຈະຜ່ານພົ້ນໄປໄດ້ 

ຢ່າຈົ່ມເວລາບໍ່ໄດ້ດັ່ງໃຈ 

ການຈົ່ມເປັນສັນຍາລັກຂອງຄົນທີ່ມີຂອບເຂດຄວາມຄິດແບບຈຳກັດແບບຊັດເຈນ ຄົນທີ່ມີຂອບເຂດຄວາມຄິດແບບເຕີບໂຕຈະເບິ່ງບັນຫາເປັນໂອກາດທີ່ເປັນໄປໄດ້ສະເຫມີ ຈຶ່ງບໍ່ມີພື້ນທີ່ພໍສໍາລັບການຈົ່ມ. 


ຂຽນໂດຍ: ຕ.ຕາບົ້ງ

ຂໍ້ມູນ:

ຮູບໜ້າປົກ: https://unsplash.com/photos/Ls3yexjyRpk

Advertisement Replay Ad
ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ