ວັນພຸດ ທີ 16 ມິຖຸນາ 2021

ຂ້ອຍມັນບໍ່ດີພໍ! 10 ສິ່ງທີ່ເຈົ້າຄວນເຮັດເມື່ອເຈົ້າຮູ້ສຶກວ່າຍັງດີບໍ່ພໍ

ຂ້ອຍມັນບໍ່ດີພໍ! 10 ສິ່ງທີ່ເຈົ້າຄວນເຮັດເມື່ອເຈົ້າຮູ້ສຶກວ່າຍັງດີບໍ່ພໍ
S! Muan

ສະໜັບສະໜູນເນື້ອຫາ

ຄວາມຮູ້ສຶກທີ່ວ່າ ຍັງດີບໍ່ພໍກໍ່ປຽບດັ່ງດາບສອງຄົມ ທີ່ສາມາດສ້າງເຮົາໃຫ້ເຂັ້ມແຂງ ຫຼື ທຳລາຍເຮົາໃຫ້ອ່ອນແອໄດ້ເຊັ່ນດຽວກັນ.  

ເຊື່ອແນ່ວ່າຫຼາຍໆຄົນຕ້ອງເຄີຍປະເຊີນກັບຄວາມຮູ້ສຶກທີ່ຕົວເອງຮູ້ສຶກວ່າໄຮ້ຄ່າ ຫຍັງຜິດພາດ, ຮູ້ສຶກວ່າຍັງດີບໍ່ພໍເມື່ອບໍ່ໄດ້ຮັບເລືອກ, ບໍ່ມີຄ່າໃນສາຍຕາຄົນອື່ນເມືື່ອຖືກປະຕິເສດ...ຖ້າເຈົ້າຍັງເປັນຄົນທີ່ມີຄວາມຄິດ ແລະ ຄວາມຮູ້ສຶກແບບນັ້ນຢູ່, ມື້ນີ້ຜູ້ຂຽນມີ 11 ວິທີຈາກ Lifehack.org ທີ່ຈະມາແບ່ງປັນໃຫ້ເຮົາໄດ້ເຝິກປະຕິບັດເພືື່ອກ້າວຂ້າມຜ່ານໄລຍະເວລາທີ່ຕົວເອງຕ້ອງທົນທຸກຢູ່ກັບຄວາມຮູ້ສຶກແບບນັ້ນ ແລະ ເຕີບໃຫຍ່ແບບເຂັ້ມແຂງໄປອີກລະດັບໜຶ່ງທີ່ດີກວ່າເກົ່າ.

1. ຢຸດຄິດຊົ່ວຄາວ ແລ້ວ ຖອຍອອກມາຈາກຄວາມຄິດນັ້ນກ່ອນ 

ເມື່ອເຈົ້າຮູ້ສຶກວ່າບໍ່ດີພໍ ແລະ ນ້ອຍເນື້ອຕໍ່ຳໃຈ ສິ່ງທໍາອິດທີ່ຕ້ອງເຮັດຄືຕ້ອງຢຸດຄິດເລື່ອງນັ້ນ ແລ້ວຖອຍອອກມາຈາກຄວາມຄິດນັ້ນກ່ອນ ແລ້ວເບິ່ງກັບໄປວ່າວັງວົນຄວາມຄິດນັ້ນ ມັນກໍ່ເປັນຄວາມຄິດທີ່ເຮົາຊ້ຳເຕີມຕົວເອງຊ້ຳໆເທົ່ານັ້ນມັນບໍ່ໄດ້ເກີດຂຶ້ນຖີ່ປານນັ້ນແຕ່ເປັນເຮົາທີ່ຄິດຊ້ຳໆເອງ. ການທີ່ຈະປ່ຽນຄວາມຄິດ ຫຼື ປ່ອຍຄວາມຄິດຊ້ຳໆນັ້ນໄປກ່ອນ ສາມາດເຮັດໄດ້ຫຼາຍວິທີເຊັ່ນ ການອອກກຳລັງກາຍທຸກປະເພດທີ່ເຮັດໃຫ້ຮ່າງກາຍທຸກພາກສ່ວນເຄື່ອນເໜັງ, ການທາສີສ້າງງານສິລະປະ, ອ່ານໜັງສຶ ຫຼື ໂອ້ລົມກັບເພື່ອນໃນເລື່ອງອື່ນໆ. ຈົ່ງລອງໃຊ້ວິທີທີ່ເໝາະກັບຕົວເອງແລ້ວເຈົ້າຈະຮູ້ວ່າມັນໄດ້ຜົນບໍ່ ເຈົ້າເທົ່ານັ້ນທີ່ຈະຮູ້, ຢ່າເຊືື່ອຂໍໃຫ້ລອງກ່ອນ.

Designed by pch.vector / Freepik

2. ຢຸດປຽບທຽບຕົວເອງ ແລະ ແຂ່ງຂັນກັບຄົນອື່ນ 

ການທີ່ເຮົາປຽບທຽບຕະຫຼອດ, ປຽບທຽບທຸກເລື່ອງມັນຈະຍິ່ງເຮັດໃຫ້ເຈົ້າຮູ້ສຶກດ້ອຍຄ່າລົງ, ໂດຍສະເພາະໃນຍຸກທີ່ສັງຄົມອອນລາຍກຳລັງເປັນທີ່ນິຍົມ ແລະ ເຂົ້າເຖິງງ່າຍກວ່າແຕ່ກ່ອນ. ເຊິ່ງທຸກຢ່າງໃນໂລກອອນລາຍມັນເບິ່ງຄືກັບວ່າສວຍງາມດີພ້ອມໄປໝົດ.  

ຍິ່ງເຈົ້າປຽບທຽບຫຼາຍສ່ຳໃດ ເຈົ້າຈະຍິ່ງຮູ້ສຶກຕົກຕ່ຳທາງດ້ານຄວາມຮູ້ສຶກຫຼາຍສ່ຳນັ້ນ. 

ສິ່ງທີ່ເຈົ້າຄວນປຽບທຽບຄືຕ້ອງປຽບທຽບຕົວເອງໃນມື້ນີ້ ກັບ ຕົວເອງໃນມື້ວານວ່າມັນມີຫຍັງດີຂຶ້ນມາແດ່

Designed by pch.vector / Freepik

3. ຄິດທົບທວນຫາຜົນສຳເລັດທີ່ເຄີຍເຮັດຜ່ານມາ 

ເມື່ອໃດກໍ່ຕາມທີ່ເຈົ້າຮູ້ສຶກວ່າບໍ່ດີພໍໃຫ້ລອງຄິດກັບໄປເບິ່ງວ່າທີ່ຜ່ານມາເຈົ້າເຄີຍເຮັດຫຍັງໄດ້ສຳເລັດແລ້ວແດ່ ບໍ່ວ່າສິ່ງເຫຼົ່ານັ້ນຈະນ້ອຍໃຫຍ່ສ່ຳໃດກໍ່ຕາມ ຜູ້ຂຽນເຊື່ອວ່າຜູ້ອ່ານທຸກຄົນຕ້ອງຮູ້ສຶກພູມໃຈ ແລະ ເຫັນຄ່າຂອງຕົົວເອງແນ່ນອນ ຄວາມຊົງຈຳດ້ານບວກ ຜົນສຳເລັດທີ່ຜ່ານມາຈະຊ່ວຍເຮັດໃຫ້ເຮົາມີກຳລັງໃຈ ແລະ ຄ່ອຍໆກັບມາມີກຳລັງໃຈ ແລະ ສູ້ຊົນຄືນໃໝ່ແນ່ນອນ.

 

Designed by rawpixel.com / Freepik 

4. ລະບາຍສິ່ງທີ່ຄິດອອກມາຜ່ານການເວົ້າ ຫຼື ຂຽນ 

ຖ້າມີບາງຢ່າງທີ່ຕົວເອງຮູ້ສຶກວ່າບໍ່ແມ່ນ, ບໍ່ຖຶກຕ້ອງ, ບໍ່ຄວນເປັນແບບນີ້ ຂໍໃຫ້ເຈົ້າລອງເວົ້າສິ່ງທີ່ຄິິດ ຫຼື ຂຽນມັນອອກມາເບິ່ງ ມັນຈະຊ່ວຍເຮັດໃຫ້ເຈົ້າລະບາຍສິ່ງທີ່ລົບໆທີ່ເຈົ້າຄິດ ເຊິ່ງອາດເປັນພຽງຄວາມຄິດທີ່ຕິດຢູ່ໃນຫົວເທົ່ານັ້ນແຕ່ມັນບໍ່ໄດ້ມີຄ່າ ຫຼື ສົ່ງຜົນຫຍັງເລີຍ. ບັນຫາຂອງຄົນເຮົາຄືຄວາມຄິດ ຫຼາຍສິ່ງຫຼາຍຢ່າງອາດຈະບໍ່ມີຫຍັງແຕ່ເພາະຄວາມຄິດປຸງແຕ່ງເກີນເຫດ. ດັ່ງນັ້ນ, ໃຫ້ລອງເວົ້າ ຫຼື ຂຽນມັນອອກມາ ເພາະມັນຈະຊ່ວຍເຮັດໃຫ້ເຮົາເຫັນວ່າຕົວເອງດີບໍ່ພໍ ຫຼື ຕົວເອງຄິດເອງຈົນທໍ້ ເທົ່ານັ້ນເອງ.

Designed by rawpixel.com / Freepik   

5. ເລືອກຄົນທີ່ໄວ້ໃຈໄດ້ເພື່ອຮັບຟັງ ແລະ ຂໍປຶກສາ 

ຈົ່ງເຮັດໃຫ້ແນ່ໃຈກ່ອນວ່າຄົນທີ່ເຈົ້າຈະປຶກສາ, ລະບາຍ ຫຼື ເລົ່າບັນຫາໃຫ້ຟັງ ເປັນຄົນທີ່ເຈົ້າຮູ້ຈັກດີ ເພາະວ່າຄົນທີ່ເຮົາຮູ້ຈັກດີ ແລະ ເຂົາກໍ່ຮູ້ຈັກເຮົາເຊັ່ນກັນ ເທົ່ານັ້ນທີ່ອາດຈະໃຫ້ຄຳຕອບທີ່ເຮົາຊອກຫາ, ພ້ອມໆກັບໄດ້ກຳລັງໃຈ ແລະ ພະລັງທີ່ຈະກ້າວຂ້າມຜ່ານເວລາທີ່ລຳບາກນັ້ນໆໄປໄດ້ ຍິ່ງຄົນທີ່ເຈົ້າຮູ້ຈັກ ຍິ່ງຈະເຮັດໃຫ້ເຈົ້າຮູ້ສຶກໄດ້ວ່າຍັງມີຄົນທີ່ເຫັນຄ່າ ແລະ ພ້ອມສະໜັບສະໜູນເຮົາຢູ່ເຖິງຈະເປັນແນວໃດກໍ່ຕາມ. ກົງກັນຂ້າມຖ້າເປັນຄົນທີ່ບໍ່ຮູ້ຈັກ ຫຼື ຮູ້ຈັກບໍ່ດີພໍ ຜົນລັບມັນອາດຈະກົງກັນຂ້າມກໍ່ເປັນໄດ້.  

ດັ່ງນັ້ນ, ເລືອກຄົນທີ່ໄວ້ໃຈໄດ້ ແລະ ເຮົາຮູ້ຈັກພວກເຂົາດີພໍ ແລະ ພ້ອມທີ່ຈະຮັບຟັງເຮົາເທົ່ານັ້ນ.

Designed by pressfoto / Freepik

6. ຊ່ວຍເຫຼືອ ແລະ ໃຫ້ກຳລັງໃຈກັບຄົນອື່ນ 

ບາງທີ່ການທີ່ເຮົາຮູ້ສຶກດ້ອຍຄ່າ ເພາະວ່າເຮົາບໍ່ສາມາດເຮັດໃຫ້ຄົນອື່ນມີຮອຍຍິ້ມ ຫຼື ມີຄວາມສຸກໄດ້ ເພາະເຮົາສົນໃຈແຕ່ເລື່ອງຂອງຕົວເອງຫຼາຍເກີນໄປ. ຈົ່ງຮຽນຮູ້ຄົນອື່ນ ເບິ່ງຄວາມລຳບາກທີ່ຄົນອື່ນໆກຳລັງປະເຊີນຢູ່, ພວກເຂົາອາດຈະມີບັນຫາເລື່ອງການເງິນ, ຄອບຄົວ, ອຶດຫິວ...ແຕ່ເໜືອສິ່ງອື່ນໃດ ຮອຍຍິ້ມນ້ອຍຈາກເຈົ້າ, ນ້ຳໃຈເລັກນ້ອຍ ຫຼື ຄວາມເຫັນອົກເຫັນໃຈ ຄຳເວົ້າໃຫ້ກຳລັງໃຈ ມັນກໍ່ພຽງພໍແລ້ວທີ່ຈະເຮັດໃຫ້ພວກເຂົາຍິ້ມສູ້ໄປ ແລະ ແນ່ນອນເຈົ້າຈະຮູ້ສຶກດີ ແລ້ວເລີ່ມກັບມາເບິ່ງຄຸນຄ່າທີ່ແທ້ຈິງອີກຄັ້ງໜຶ່ງ.  

ຢ່າເຊື່ອຂ້ອຍຈົນກວ່າເຈົ້າຈະໄດ້ລອງເຮັດມັນເດີ້ ຮອຍຍິ້ມ, ເວົ້າໃຫ້ກຳລັງໃຈ ສິ່ງນ້ອຍໆ ທີ່ເປັນພະລັງທີ່ຍິ່ງໃຫ້ກັບຄົນທີ່ກໍາລັງລຳບາກຢູ່.

Designed by Freepik

7. ໃຫ້ຄວາມສົນໃຈກັບພັດທະນາການຂອງຕົວເອງຫຼາຍກວ່າຜົນລັບທີ່ເກີດຂຶ້ນ 

ເງິນເງິນທອງ, ຊື່ສຽງ, ຄວາມສະດວກສະບາຍ...ເປັນທີ່ຕ້ອງການຂອງຫຼາຍໆຄົນ ແລະ ສິ່ງເຫຼົ່ານີ້ກາຍເປັນສິ່ງທີ່ທຸກຄົນສົນໃຈ ຖ້າບໍ່ມີສິ່ງເຫຼົ່ານີ້ສະແດງວ່າຕົວເອງບໍ່ເກັ່ງ, ບໍ່ດີພໍທີ່ຈະຄອບຄມັນ...ຢຸດ ຢຸດ ຄິດກ່ອນ! ຢ່າໃຫ້ຄ່ານິຍົມສັງຄົມ ແລະ ຄຸນຄ່າພາຍນອກແບບນີ້ຫຼອກຕາເຈົ້າ. ມີເງິນເປັນຕື້ກໍາໃຊ້ໝົດໄດ້, ມີລົດກໍ່ສາມາດເປເພ່ໄດ້, ມີເຮືອນກໍ່ຍັງສາມາດຖືກໄຟໄໝ້ໄດ້...ສິ່ງທີ່ເຈົ້າຄວນສົນໃຈແທ້ໆຄືຕົວເອງ, ການພັດທະນາທາງຄວາມຄິດຂອງຕົວເອງ. ຄົນທີ່ພັດທະນາແລ້ວມີເງິນຮ້ອຍກີບກໍ່ສາມາດຕໍ່ຍອດໃຫ້ເປັນຕື້ໄດ້ ຄົນທີ່ມີເງິນແຕ່ຂີ້ຄ້ານເປັນນິໄສເງິນເປັນພັນໆອະສົງໄຂໃຊ້ບໍ່ດົນກໍ່ຮູ້ໝົດ.  

ຈົ່ງສົນໃຈວ່າຕົວເອງພັດທະນາຂຶ້ນມາເທົ່າໃດແລ້ວ ມີຈຸດໃດອີກທີ່ຕ້ອງໄດ້ຮຽນຮູ້ພັດທະນາອີກ ແລ້ວ ຈະພັດທະນາໄດ້ແນວໃດ ເປັນຕົ້ນ. ຕ້ອງໄດ້ເຝິກໃຫ້ຕົວເອງໄດ້ຄິດໃນມູມແບບນີ້ທີ່ຈະຊ່ວຍໃຫ້ຕົວເອງເຫັນຄຸນຄ່າຂອງຕົວເອງນັບມືຫຼາຍຂຶ້ນ.

Designed by Creativeart / Freepik

8. ຫາເວລາອອກກຳລັງກາຍແດ່ກໍ່ດີເດີ້ 

ຄືກັບຂໍ້ທີ່ຜ່ານມາຂ້າງເທິງ ການອອກກຳລັງກາຍຈະຊ່ວຍປົດປ່ອຍອາລົມທີ່ບໍ່ດີ, ຊ່ວຍໃຫ້ຮ່າງກາຍຜະລິດສານແຫ່ງຄວາມສຸກ ແລະ ເຝິກຜົນຄວາມຄິດຂອງຕົວເອງໃຫ້ເຂັ້ມແຂງຂຶ້ນໃນແຕ່ລະມື້. ການອອກກຳລັງກາຍເປັນປະຈຳຈະຊ່ວຍໃຫ້ເຈົ້າມີສະຕິຫຼາຍຂຶ້ນ, ຮ່າງກາຍທີ່ແຂງແຮງ ແລະ ຈິດໃຈທີ່ດີ ຈະຊ່ວຍໃຫ້ເຈົ້າກັບມາເຫັນຄຸນຄ່າຂອງຕົວເອງໄດ້ໄວກວ່າປົກກະຕິ.

Designed by pressfoto / Freepik

9. ຢຸດພະຍາຍາມທີ່ຈະເຕີມເຕັມຄວາມຕ້ອງການຂອງຄົນອື່ນ 

ເຈົ້າເປັນຄົນໜຶ່ງບໍ່ທີ່ເຝົ້າຄອຍເຕີ່ມເຕັມ ແລະ ຊ່ວຍໃຫ້ຄົນອື່ນເຮັດສິ່ງທີ່ພວກເຂົາຕ້ອງການສຳເລັດດ້ວຍດີ.  

ຖ້າເຈົ້າເປັນໜຶ່ງໃນນັ້ນກໍ່ໃຫ້ຂຸດຂຸມຖ້າຝັງຕົວເອງໄດ້ເລີຍ, ມັນບໍ່ພຽງແຕ່ຈະເຮັດໃຫ້ເຈົ້າສູນເສຍຄົນອ້ອມຂ້າງໄປ ແຕ່ເຈົ້າຈະເສຍເອກະລັກ ແລະ ເວລາສ່ວນຕົວຂອງຕົວເອງໄປນຳ. ຍິ່ງເຈົ້າສືບຕໍ່ເຮັດແບບນີ້ແນ່ນອນເລີຍວ່າເຈົ້າຈະບໍ່ມີທາງເຫັນຄຸນຄ່າທີ່ແທ້ຈິງຂອງຕົວເອງ ແລະ ບໍ່ຊ້າກໍ່ໄວ ເຈົ້າຈະຕ້ອງພົບກັບຄວາມຄິດທີ່ຄິດວ່າຕົວເອງບໍ່ດີພໍຈັກມືື້ໜຶ່ງແນ່ນອນ. 

ຮຽນຮູ້ທີ່ຈະເວົ້າປະຕິເສດຄຳຂໍ ຫຼື ສິ່ງທີ່ຄົນອື່ນຄາດຫວັງໃຫ້ເຮົາເປັນແຕ່ເຮົາບໍ່ຕ້ອງການ, ແທນທີ່ດ້ວຍການເດີນຕາມທາງຕົວເອງ ແລະ ຢູ່ກັບຄົນທີ່ຍອມຮັບເຈົ້າ.

Designed by Freepik  

10. ເຊົາຈົ່ມໃຫ້ໂຊກຊະຕາແລ້ວຫັນມາຍິນດີກັບສິ່ງທີ່ຕົວເອງມີ 

ຊີວິດເຮົາດີບໍ່ພໍ, ຍັງຂາດອັນນີ້ ຍັງຂາດອັນນັ້ນ ຕ້ອງມີເງິນຝາກທະນາຄານ ມີເຮືອນໃຫຍ່ຄືເຂົາ ແລະ ອື່ນໆ. ລອງຫັນກັບມາເບິ່ງຄວາມເປັນຈິງ ເບິ່ງໂລກໃຫ້ກວ້າງ ຢຸດຈົ່ມບັນຫາຊີວິດ ແລ້ວກັບມາເບິ່ງວ່າຕົວເອງມີຫຍັງແດ່ທີ່ຫຼາຍກວ່າຄົນອື່ນ, ໂຊກດີສ່ຳໃດແລ້ວທີ່ມີສ່ຳນີ້ ເມື່ອທຽບກັບຄົນອື່ນທີ່ຍັງຂາດແຄນກວ່າເຮົາເຂົາຍັງຢູ່ໄດ້, ອຶດຫິວ ແລະ ທຸກຍາກກວ່າເຮົາແຕ່ເຂົາຍັງສາມາດມີຄວາມສຸກ ແລະ ຫາຄວາມສຸກຈາກສິ່ງທີ່ພວກເຂົາມີອ້ອມຕົວໄດ້.  

ຄວາມຄິດທີ່ດີ ການສຳນຶກບຸນຄຸນ ແລະ ຍິນດີກັບສິ່ງທີ່ເຮົາມີໃນປັດຈຸບັນມັນຈະຊ່ວຍໃຫ້ເຈົ້າເຫັນພາບໃຫຍ່ຂຶ້ນ, ເປີດໃຈຫຼາຍຂຶ້ນ ແລະ ປັບປ່ຽນຕົວເອງໃຫ້ເຂົາກັບສັງຄົມໄດ້ດີຂຶ້ນ. 

Designed by Freepik

ຂໍໃຫ້ຜູ້ອ່ານໄດ້ເບິ່ງໂລກໃນແງ່ດີເອົາໄວ້, ເຈົ້າມີຄວາມກ້າຫານທີ່ຈະຍອມຮັບຄວາມບໍ່ສົມບູນແບບທີ່ຕົວເອງມີ ແລະ ພ້ອມທີ່ຈະເຕີ່ມເຕັມມັນໃຫ້ຕົວເອງ. ເມື່ອໃດກໍ່ຕາມທີ່ຮູ້ສຶກບໍ່ດີ ແລະ ຮູ້ສຶກດ້ອຍຄ່າຕົວເອງ ໃຫ້ຖອຍອອກມາແລ້ວລອງເຝິກສິ່ງທີ່ຕ່າງໆທີ່ຜູ້ຂຽນໄດ້ຝາກໄວ້ຂ້າງເທິງນີ້ ຂໍໃດເໝາະສົມກັບເຮົາກໍ່ລອງໄປປັບໃຊ້ເບິ່ງ ສຳຄັນໃນການປະຕິບັດຕ້ອງໃຫ້ສະໝ່ຳສະເໝີ ແລະ ເມື່ອໃດກໍ່ຕາມທີ່ເຈົ້າຮູ້ສຶກທໍ້ຖອຍໃຫ້ຮັບມືມັນດ້ວຍຕົວເອງ, ດ້ວຍຄວາມຮັກ ແລະ ຄວາມເອົາໃຈໃສ່. ຂອບໃຈ ຂໍໃຫ້ທຸກຄົນມີມື້ທີ່ສົດໃສ. 


ບົດຄວາມໂດຍ: 

ອ້າງອີງ: Thanakone LLS

Advertisement Replay Ad
ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ