ວັນພຸດ ທີ 16 ມິຖຸນາ 2021

ເຈົ້າອາດເປັນໜຶ່ງໃນນັ້ນ! 10 ອັນດັບລັກສະນະຂອງຜູ້ຊາຍ ທີ່ຜູ້ຍິງຢາກໄດ້ເປັນຄູ່ຊີວິດ

ເຈົ້າອາດເປັນໜຶ່ງໃນນັ້ນ! 10 ອັນດັບລັກສະນະຂອງຜູ້ຊາຍ ທີ່ຜູ້ຍິງຢາກໄດ້ເປັນຄູ່ຊີວິດ
S! Muan

ສະໜັບສະໜູນເນື້ອຫາ

ໃນກຸ່ມມັກຈະມີຄໍາຖາມໜຶ່ງທີ່ມີການຕັ້ງຂຶ້ນມາຢູ່ຕະຫຼອດເລີຍນັ້ນກໍ່ຄື “ພວກເຈົ້າຄິດວ່າຜູ້ຍິງມັກຜູ້ຊາຍແບບໃດ?” ກາຍເປັນບັນຫາໂລກແຕກຂອງຜູ້ຊາຍທີ່ພະຍາຍາມຊອກຫາສິ່ງທີ່ຈະມາມັດໃຈສາວໆທັງຫຼາຍໃຫ້ໄດ້ ພະຍາຍາມເປັນແບບນີ້ແບບນັ້ນເພື່ອໃຫ້ສາວໆຫຼຽວເບິ່ງ. ມື້ນີ້ຜູ້ຂຽນໄດ້ນຳເອົາຜູ້ຊາຍ 10 ແບບທີ່ຜູ້ຍິງສ່ວນໃຫຍ່ໝາຍປອງຢາກຄອບຄອງ, ລອງມາເບິ່ງນຳກັນວ່າເຈົ້າເປັນໜຶ່ງໃນຈຳນວນນັ້ນບໍ່.

ຢ່າລືມອ່ານໃຫ້ຈົບ ເພາະຄວາມລັບທີ່ຍິ່ງໃຫຍ່ ຂອງເຄັດລັບໃນການມັດໃຈຜູ້ຍິງແມ່ນມີຢູ່ທ້າຍບົດຄວາມນີ້ເດີ້!

Designed by bristekjegor / Freepik

ຜູ້ຊາຍທີ່ຢູ່ນຳແລ້ວບໍ່ໜ້າເບື່ອ ແລະ ເປັນຕົວຂອງຕົວເອງ 

ເຊິ່ງມັນກໍ່ບໍ່ໄດ້ໝາຍຄວາມວ່າເຮົາຕ້ອງໃຊ້ຊີວິດແບບມີສີສັນ ແລະ ປ່ຽນໄປປ່ຽນມາຕະຫຼອດເວລາ. ບໍ່ຈຳເປັນວ່າເຈົ້າຈະຕ້ອງເຮັດທຸກໆຢ່າງເພື່ອເຮັດໃຫ້ຜູ້ຍິງຕື່ນເຕັ້ນ ຫຼື ມີຄວາມສຸກຢູ່ຕະຫຼອດ... ແຕ່ສິ່ງທີ່ຜູ້ຊາຍຄວນເຮັດກໍ່ຄືການສະແດງຄວາມເປັນທຳມະຊາດແບບສະບາຍໆໃນສິ່ງເລັກໆນ້ອຍໆ ທີ່ເຮັດໃຫ້ຜູ້ຍິງຜ່ອນຄາຍ, ຮູ້ສຶກວ່າສາມາດວາງຕົວເປັນຕົວຂອງຕົວເອງໄດ້ເມື່ອຢູ່ໃກ້ ເຊັ່ນວ່າ: ຊວນກັນໄປຍ່າງຫຼິ້ນ ຫຼື ອອກກຳລັງກາຍຢູ່ສວນເຈົ້າອານຸວົງ, ການຊວນກັນໄປນັ່ງກິນຫຍັງຫຼິ້ນໆຫຼັງຈາກເລີກວຽກ, ສົ່ງຂໍ້ຄວາມຫາໂດຍທີ່ຜູ້ຍິງບໍ່ຄາດຄິດມາກ່ອນ, ລົມກັນຈັກໜ້ອຍກ່ອນນອນ ເປັນຕົ້ນ. ໂດຍປົກກະຕິຂອງຜູ້ຍິງແລ້ວພວກເຂົາມັກທີ່ຈະຄາດເດົາວ່າແມ່ນສິ່ງໃດທີ່ກຳລັງຈະເກີດຂຶ້ນຕໍ່ໄປ ແລະ ແມ່ນໃຜທີ່ຢູ່ນຳແລ້ວສະບາຍໃຈ.


Designed by drobotdean / Freepik  

ຜູ້ຊາຍທີ່ອົດທົນ, ຕື້ເກັ່ງ ແລະ ຮູ້ໃຈ (ເດົາຄວາມຮູ້ສຶກເກັ່ງ, ບໍ່ຍອມແພ້ງ່າຍໆ) 

ເມື່ອຜູ້ຍິງເວົ້າວ່າ “ບໍ່” ໂດຍປັກກະຕິແລ້ວສ່ວນໃຫຍ່ ມັນຈະບໍ່ໄດ້ໝາຍຄວາມວ່າ “ບໍ່” ແຕ່ມັນກໍ່ບໍ່ໄດ້ໝາຍຄວາມວ່າ “ຕົກລົງ” ຫຼື ”ອາດຈະໄດ້”. ບາງຄັ້ງສິ່ງທີ່ຜູ້ຍິງເວົ້າມັນກໍ່ບໍ່ຈໍາເປັນຕ້ອງມີຄວາມໝາຍໃດໆ. ແຕ່ມັນກໍ່ບໍ່ໄດ້ໝາຍຄວາມວ່າພວກເຂົາບໍ່ເຂົ້າໃຈໃນສິ່ງທີ່ພວກເຂົາຕ້ອງການ, ພຽງແຕ່ງພວກເຂົາຕ້ອງການໃຫ້ຜູ້ຊາຍຄົນໃດກໍ່ຕາມທີ່ເຂົ້າມາຈີບ ໄດ້ມີໂອກາດສະແດງໃຫ້ສາວໆເຫັນວ່າ ຮູ້ໃຈເຂົາເຈົ້າບໍ່, ມີຄວາມພະຍາຍາມທີ່ຈະຈີບແທ້ໆບໍ່ ຫຼື ມາແບບຫຼິ້ນ, ຈະຍອມແພ້ກັບຄຳປະຕິເສດແບບງ່າຍໆບໍ່ ແລະ ພິສູດໃຫ້ເຫັນວ່າ ເປັນຜູ້ຊາຍທີ່ ສົມຄວນທີ່ຈະໄດ້ຮັບຄຳຕອບ “ຕົກລົງ” ຈາກຝ່າຍຍິງ ແທ້ ຫຼື ບໍ່! 

ໃນຫຼາຍໆຄັ້ງການທີ່ເຮົາບໍ່ຍອມແພ້ ແລະ ສູ້ຊົນ ເພື່ອໃຫ້ໄດ້ລົມກັບໃຜຄົນໜຶ່ງ, ຈະເປັນການເຮັດໃຫ້ຄົນໆນັ້ນຮູ້ສຶກໄດ້ວ່າ ພວກເຮົາໃຫ້ຄວາມສຳຄັນກັບພວກເຂົາຫຼາຍພຽງໃດ.


Designed by Freepik 

ຜູ້ຊາຍທີ່ເວົ້າເອົາໃຈ ແລະ ໃຫ້ກຳລັງໃຈເປັນ 

ບໍ່ວ່າຜູ້ຍິງຈະເຮັດສິ່ງໃດ ສິ່ງທີ່ພວກເຂົາຕ້ອງການກໍ່ຄື ການໄດ້ຮັບຄວາມສົນໃຈຢ່າງຈິງຈັງ ແລະ ໃຫ້ກຳລັງໃຈລາວໄປນຳຢາມທີ່ພົບບັນຫາ, ລາວຝັນທີ່ຈະເປັນນັກສະແດງບໍ່? ກໍາລັງເລີ່ມທຸລະກິດບໍ່? ຫຼື ກຳລັງຊ້ອມແລ່ນມາລາທອນ? ເປັນຕົ້ນ. ໂອກາດທີ່ລາວຈະເຮັດສິ່ງເຫຼົ່ານີ້ສຳເລັດໄດ້ຈະເພີ່ມຂຶ້ນສອງເທົ່າຂໍພຽງເຈົ້າໃຊ້ກົດເກນຂອງການເວົ້າປະໂຫຍກດຽວຊ້ຳໆ ເຊັ່ນວ່າ ຂ້ອຍເຊື່ອໝັ້ນເຈົ້າຂ້ອຍເຊື່ອວ່າເຈົ້າເຮັດໄດ້


Designed by Freepik  

ໃສ່ໃຈລາຍລະອຽດເລັກໆນ້ອຍໆ 

ຫາກເຈົ້າຄິດມາຕະຫຼອດວ່າຜູ້ຍິງຕ້ອງການຜູ້ຊາຍທີ່ມີ ເງິນຄຳ, ເພັດພອຍຕ່າງໆ ຫຼື ສາມາດພາໄປທ່ຽວທົ່ວໂລກ, ຂໍໃຫ້ເອົາຄວາມຄິດລົບໆແບບນັ້ນຖິ້ມໄປສາ ເພາະຄວາມຈິງແລ້ວພວກເຂົາຕ້ອງການພຽງສິ່ງເລັກໆນ້ອຍໆທີ່ສະແດງໃຫ້ເຫັນວ່າເຮົາໃສ່ໃຈກັບພວກເຂົາຫຼາຍສ່ຳໃດ. ຂໍພຽງແຕ່ເຈົ້າຮັບຟັງດີໆ ບໍ່ໄວກໍ່ຊ້າ ເຈົ້າຈະສາມາດເຂົ້າໃຈໄດ້ແທ້ໆວ່າ ຜູ້ຍິງຕ້ອງການຫຍັງ, ຍິ່ງເຈົ້າໃສ່ໃຈລາຍລະອຽດນ້ອຍໆທີ່ຜູ້ຍິງສື່ສານອອກມາ ເຈົ້າຍິ່ງມີໂອກາດມັດໃຈລາວໄດ້ຫຼາຍຂຶ້ນ.  

ຂອງຂວັນນ້ອຍໆແຕ່ມີຄວາມໝາຍຈະເຮັດໃຫ້ຫົວໃຈຂອງຜູ້ຍິງຕື່ນເຕັ້ນປະທັບໃຈຫຼາຍກວ່າເພັດເມັດໃຫຍ່...


Designed by Freepik  

ຜູ້ຊາຍທີ່ມີຄວາມຕະລົກເຮຮາ 

ຂໍ້ນີ້ບໍ່ຕ້ອງເວົ້າຫຼາຍເນາະ, ຄົນທີ່ຕະລົກ ແລະ ເຮຮາ ມີແຟນງາມເກືອບໝົດທຸກຄົນບໍ່ເຊື່ອກໍ່ລອງເບິ່ງຈາກຄົນອ້ອມຂ້າງເຈົ້າເບິ່ງ. ການຫົວເປັນຢາທຳມະຊາດທີ່ດີທີ່ສຸດ ການມີອາລົມຕະຫຼົກເຮຮາມັກຈະເຮັດໃຫ້ຜູ້ຍິງຮູ້ສຶກດີ ແລະ ຜ່ອນຄາຍ ຢູ່ນຳແລ້ວມີຄວາມສຸກ ດັ່ງນັ້ນ, ຈົ່ງຮຽນຫຼິ້ນມຸກຕະລົກໄວ້ໆຫຼາຍໆເພື່ອເຮັດໃຫ້ຄົນທີ່ຢູ່ຂ້າງໆເຈົ້າໄດ້ຜ່ອນຄາຍ ແລະ ເຮັດໃຫ້ຕົວເອງໄດ້ຜ່ອນຄາຍໄປນຳ. ແຕ່ຈື່ໄວ້ຢ່າຫຼິ້ນຕະລົກກັບເລື່ອງ 

 ຮູບຮ່າງພາຍນອກ, ການແຕ່ຕົວ ແລະ ຄອບຄົວ ເປັນຕົ້ນ. 

 

ຜູ້ຊາຍທີ່ເອົາໃຈໃສ່ ແລະ ຮູ້ຈັກເປັນຫ່ວງເປັນໃຍ 

ບໍ່ໄດ້ໝາຍຄວາມວ່າຕ້ອງໂທຫາເປັນຮ້ອຍສາຍຕໍ່ມື້, ຕິດຕາມສອບຖາມຕະຫຼອດເວລາ... ພຽງແຕ່ຄໍາຖາມງ່າຍ, ສົ່ງຂໍ້ຄວາມຖາມຂ່າວຄາວບາງເວລາ ສ່ຳນີ້ກໍ່ພໍແລ້ວ, ຢ່າລືມຖາມຜູ້ຍິງວ່າ ມື້ນີ້ເປັນແນວໃດ, ເມື່ອຍບໍ່, ຕ້ອງການໃຫ້ຊ່ວຍຫບັງບໍ່ ຫຼື ຕອນນີ້ເຈົ້າຄິດແນວໃດຢູ່. ຜູ້ຍິງຕ້ອງການການໄຖ່ຖາມພຽງເລັກນ້ອຍເພາະສຳລັບພວກເຂົາສິ່ງເຫຼົ່ານີ້ສະແດງເຖິງຄວາມຫ່ວງໃຫຍ່ຈາກອີກຝ່າຍນັ້ນເອງ 

Designed by rawpixel.com / Freepik

ເປັນຜູ້ຊາຍທີ່ເບິ່ງໂລກໃນທາງບວກ 

ນັກຈິດຕະວິທະຍາບອກວ່າຄູ່ຮັກກໍ່ປຽບເໝືອນສອງສິ່ງທີ່ເຊື່ອມໂຍງກັນ.​ ຖ້າຫາກຄົນໃດຄົນໆໜຶ່ງເຕັມໄປດ້ວຍຄວາມຄິດ ແລະ ການເບິ່ງໂລກໃນມຸມມອງທາງບວກ ອີກຄົນໜຶ່ງກໍ່ຈະຄ່ອຍໆມີມຸມມອງໄປໃນທາງດຽວກັນ. ອາລົມທີ່ໝັ້ນຄົງ, ຄວາມສະເໝີຕົ້ນສະເໝີປາຍ ເປັນຂອງຂວັນທີ່ດີທີ່ສຸດທີ່ຜູ້ຊາຍຈະມອບໃຫ້ຜູ້ຍິງໄດ້. ຍິ້ມໃຫ້ຫຼາຍໆ, ແບ່ງປັນມຸມດີໆໃຫ້ກັນຟັງ ແລະ ຜົນສຸດທ້າຍຄົນແບບເຈົ້ານີ້ແຫຼະທີ່ຜູ້ຍິງຕ້ອງການເປັນຄູ່ຊີວິດຫຼາຍທີ່ສຸດ.

Designed by Asier_Relampagoestudio / Freepik 

ເປັນກຳລັງໃຈ ແລະ ສະໜັບສະໜຸນໃຫ້ໃນຍາມທີ່ຕ້ອງການ 

ທໍາມະຊາດຂອງຄົນເຮົາ ໂດຍສະເພາະຜູ້ຍິງຈະມີຄວາມອ່ອນໂຍນ ແລະ ອ່ອນໄຫວຕໍ່ຄວາມຮູ້ສຶກຫຼາຍກວ່າເພດຊາຍຢູ່ແລ້ວ. ດັ່ງນັ້ນການທີ່ຜູ້ຊາຍສາມາດເປັນບ່ອນໃຫ້ພວກເຂົາພັກກາຍພັກໃຈໄດ້ໃນຍາມລໍາບາກ ຫຼື ປະເຊີນໜ້າກັບໄລຍະເວລາທີ່ທໍ້ຖອຍໃນຊີວິດ ມັນຈະຊ່ວຍໃຫ້ພວກເຂົາຮູ້ສຶກດີ ແລະ ຜູກພັນ ແລະ ແນ່ນອນມັນສາມາດນຳໄປສູ່ການສ້າງຊີວິດຄູ່ຮ່ວມກັນໄດ້ໃນອະນາຄົດ. 

ໃຫ້ກຳລັງໃຈ ແລະ ຢູ່ຄຽງຂ້າງຜູ້ຍິງສະເໝີ ຈະເຮັດໃຫ້ພວກເຂົາໝັ້ນໃຈ ແລະ ຮູ້ສຶກດີ, ປະທັບໃຈ

Designed by yanalya / Freepik

ເປັນຜູ້ຊາຍທີ່ ສັດຊື່ 

ສິ່ງທີ່ຜູ້ຍິງຕ້ອງການບໍ່ແມ່ນການລາຍງານວ່າໄປບ່ອນນີ້ໄປບ່ອນນັ້ນ, ຄວາມຈິງແລ້ວເຈົ້າບໍ່ສາມາດໄປກິນເຂົ້າແລງກັບລາວເພາະມີນັດໄປເຕະບານກັບໝູ່ ກໍ່ໃຫ້ບອກກັບລາວໄປແບບກົງໄປກົງມາ ບໍ່ຕ້ອງສ້າງເລື່ອງ ຫຼື ຫາຂໍ້ອ້າງຕ່າງໆມາເປັນຂໍ້ແກ້ຕົວ. ຄົນທີ່ສັດຊື່, ປາກກົງກັບໃຈ ແລະ ການກະທຳກົງໄປກົງມາ ສາມາດເຂົ້າໄປຢູ່ໃນໃຈຂອງຜູ້ຍິງໄດ້ຢ່າງສະບາຍ. ຈົ່ງບອກຄວາມຈິງກັບຜູ້ຍິງທຸກຄັ້ງ ເຖິງມັນຈະຜິດກໍ່ຂໍໃຫ້ເວົ້າຄວາມຈິງ ເພາະຄວາມຈິງໃຈ ແລະ ສັດຊື່ຕໍ່ກັນຈະເຮັດໃຫ້ຄວາມສຳພັນຢັ້ງຍືນເຊິ່ງເປັນສິ່ງທີ່ຜຸ້ຍິງຕ້ອງການ.

Designed by wayhomestudio / Freepik

ໃຫ້ກຽດ ແລະ ໃຫ້ຄວາມເຄົາລົບ 

ຖ້າເຈົ້າຄິດວ່າຜູ້ຍິງຄືເພດທີ່ອ່ອນແອ ສະແດງວ່າເຈົ້າບໍ່ຮູ້ຈັກຫຍັງເລີຍກ່ຽວກັບຜູ້ຍິງ ແລະ ເຈົ້າຈະບໍ່ມີທາງໄດ້ຮັບຄວາມຮັກຈາກພວກນາງແນ່ນອນ. ຜູ້ຍິງສາມາດສ້າງສັນສິ່ງທີ່ສວຍງາມ ແລະ ສ້າງແຮງບັນດານໃຈ, ພວກເຂົາສາມາດເຮັດໃຫ້ຜູ້ຊາຍມີຄວາມສຸກ, ຜູ້ຍິງຈະຮູ້ຈັກຄຸນຄ່າ ແລະ ຄາດຫວັງການໃຫ້ກຽດຈາກຜູ້ຊາຍ. ຢ່າລືມທີ່ຈະລຶ້ມຄືນໃຫ້ພວກເຂົາເຫັນວ່າເຈົ້າຊື່ນຊົມ ແລະ ຊົມເຊີຍພວກເຂົາຫຼາຍສ່ຳໃດ ແລະ ພວກເຂົາມີຄວາມໝາຍແນວໃດສໍາລັບເຈົ້າ.

Designed by Freepik

ຄວາມລັບທີ່ເຮັດໃຫ້ເຈົ້າມັດໃຈຜູ້ຍິງໄດ້ແນ່ນອນ 

ຄວາມລັບທີ່ລັບທີ່ສຸດ ແລະ ສຳຄັນທີ່ເຈົ້າຄວນຮູ້ແລ້ວນຳໄປປະຕິບັດໃຫ້ໄດ້ ກໍ່ຄື ມັນບໍ່ສຳຄັນວ່າເຈົ້າຈະເປັນຄົນໜຶ່ງທີ່ມີ 1 ໃນ 10 ຂໍ້ນີ້ບໍ່, ມັນບໍ່ສຳຄັນເລີຍ. ສິ່ງທີ່ສຳຄັນທີ່ສຸດບໍ່ແມ່ນສິ່ງທີ່ເຈົ້າມີ ແຕ່ມັນຄືສິ່ງທີ່ເຈົ້າເຮັດໃຫ້ພວກເຂົາຮູ້ສຶກໄດ້ ສິ່ງນີ້ຕ່າງຫາກທີ່ສຳຄັນທີ່ສຸດທີ່ຈະມັດໃຈສາວໆທັງຫຼາຍໄດ້. ການເຮັດໃຫ້ພວກເຂົາເຫັນວ່າເຈົ້າມີຫຍັງຍັງບໍ່ພຽງພໍ ມັນຕ້ອງເໜືອໄປຫວ່ານັ້ນຄື ຕ້ອງເຮັດໃຫ້ພວກນາງຮູ້ສຶກ ແລະ ສຳຜັດໄດ້ດ້ວຍໃຈ. 


ແປພາສາລາວ ແລະ ຮຽບຮຽງໂດຍ: Thanakone LLS 

ອ້າງອີງ: 

Advertisement Replay Ad
ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ