ວັນເສົາ ທີ 31 ຕຸລາ 2020

ພາຮູ້ຈັກລະບົບການເລືອກຕັ້ງຂອງສະຫະລັດອາເມລິກາ ກ່ອນຈະມາເປັນປະທານາທິບໍດີເຂົາເຮັດແນວໃດ?

ພາຮູ້ຈັກລະບົບການເລືອກຕັ້ງຂອງສະຫະລັດອາເມລິກາ ກ່ອນຈະມາເປັນປະທານາທິບໍດີເຂົາເຮັດແນວໃດ?
S! Muan

ສະໜັບສະໜູນເນື້ອຫາ

ການເລືອກຕັ້ງປະທານາທິບໍດີຄັ້ງໃໝ່ຂອງສະຫະລັດອາເມລິຫານມີກຳນົດຈັດຂຶ້ນໃນເດືອນພະຈິກ 2020 ນີ້ ເຊິ່ງແນ່ນອນວ່າ ພວກເຂົາກໍມີລະບົບການເລືອກຕັ້ງທີ່ແຕກຕ່າງຈາກປະເທດອື່ນ ແລະ ຫຼາຍຄົນກໍຄົງຢາກຮູ້ວ່າ ພວກເຂົາເຮັດກັນແນວໃດແດ່.

ການເລືອກຕັ້ງປະທານາທິບໍດີຂອງສະຫະລັດ ຕາມກົດໝາຍຂອງພວກເຂົາກຳນົດໃຫ້ມີຂຶ້ນໃນທຸກໆ 4 ປິີ ໂດຍມື້ລົງຄະແນນສຽງແມ່ນຫຼັງວັນຈັນທຳອິດຂອງເດືອນພະຈິກ (ຖ້າວັນທີ 1 ພະຈິກຂອງປີນັ້ນເປັນວັນອັງຄານ ໃຫ້ໄປຈັດວັນທີ 8 ແທນ) ໃນປີນີ້ກົງກັບວັນທີ 3 ພະຈິກ.

ສຳລັບເງື່ອນໄຂຂອງຜູ້ລົງຮັບສະໝັກເລືອກຕັ້ງເປັນປະທານາທິບໍດີຂອງສະຫະລັດນັ້ນ ຕ້ອງເປັນພົນລະເມືອງອາເມລິກາມາຕັ້ງແຕ່ກຳເນີດ ມີອາຍຸບໍ່ຕໍ່າກວ່າ 35 ປີ ແລະ ມີທີ່ຢູ່ອາໄສຢູ່ໃນສະຫະລັດມາແລ້ວ 14 ປີ.

ທັງນີ້ ລະບົບພັກການເມືອງຂອງສະຫະລັດເປັນແບບລະບົບສອງພັກຫຼັກປະກອບດ້ວຍ ພັກຣີພັບລິກັນ ແລະ ພັກເດໂມແຄຣດ ເຊິ່ງກໍເຮັດໃຫ້ລັດຖະບານ ແລະ ນະໂຍບາຍໃນການບໍລິຫານປະເທດຂອງສະຫະລັດຂ້ອນຂ້າງມີຄວາມແນ່ນອນ ແລະ ໝັ້ນຄົງ.


ໂດນັລ ທຣຳ ປະທານາທິບໍດີຄົນປັດຈຸບັນຂອງສະຫະລັດ ແລະ ຜູ້ລົງສະໝັກເລືອກຕັ້ງປະທານາທິບໍດີໃນປີ 2020 / ພາບ: Gage Skidmore CC BY SA 2.0

ພັກຣີພັບລິກັນ ເປັນພັກອະນຸຮັກນິຍົມ ມີຊື່ເອີ້ນອີກຊື່ໜຶ່ງວ່າ Grand Old Party ຫຼື GOP, ໃນປີນີ້ ຜູ້ສະໝັກຊີງຕຳແໜ່ງປະທານາທິບໍດີຈາກພັກນີ້ແມ່ນ ທ່ານ ໂດນັລ ທຣຳ ຜູ້ນຳຄົນປັດຈຸບັນ ເຊິ່ງຖານສຽງຂອງພັກແມ່ນຢູ່ຕາມເຂດຊົນນະບົດເປັນສ່ວນໃຫຍ່. ອະດີດຜູ້ນຳສະຫະລັດທີ່ມາຈາກພັກນີ້ປະກອບມີ: ຈ໊ອດ ດັບເບິນຢູ່ບຸດ, ໂຣນັລ ເຣແກນ ແລະ ຣິຊາດ ນິກສັນ. 


ໂຈ ໄບເດນ ຈາກພັກເດໂມແຄຣດ ຄູ່ແຂ່ງຄົນສຳຄັນຂອງ ໂດນັລ ທຣຳ / ພາບ: Gage Skidmore CC BY SA 2.0

ອີກພັກໜຶ່ງແມ່ນພັກເດໂມແຄຣດ ເຊິ່ງເປັນພັກເສລີນິຍົມ ເຊິ່ງຜູ້ສະໝັກຊີງຕຳແໜ່ງປະທານາທິບໍດີຈາກພັກນີ້ແມ່ນທ່ານ ໂຈ ໄບເດນ ຖານສຽງຂອງພັກຢູ່ຕາມເຂດເມືອງເປັນສ່ວນໃຫຍ່. ອະດີດຜູ້ນຳສະຫະລັດທີ່ມາຈາກພັກນີ້ແມ່ນ ທ່ານ ຈອນ ເອຟ ເຄເນດີ, ບິລ ຄລິນຕັນ ແລະ ບາຣັກ ໂອບາມາ.

ທັງນີ້ ທັງທ່ານ ທຣຳ ແລະ ທ່ານ ໄບເດນ ຕ່າງກໍອາຍຸເກີນ 70 ແລ້ວ. ຖ້າ ທ່ານ ທຣຳ ຊະນະເລືອກຕັ້ງ ລາວຈະມີອາຍຸ 74 ປີ ຕອນທີ່ເລີ່ມດຳລົງຕຳແໜ່ງສະໄໝທີສອງ ຫຼື ກົງກັນຂ້າມ ຖ້າທ່ານ ໄບເດນ ກໍຈະເປັນຜູ້ນຳສະຫະລັດທີ່ອາຍຸຫຼາຍທີ່ສຸດຂະນະທີ່ດຳລົງຕຳແໜ່ງສະໄໝທຳອິດໃນໄວ 78.

ຂະບວນການເລືອກຕັ້ງຂອງສະຫະລັດເຮັດແນວໃດ?

  • ລັດຖະທຳມະນູນສະຫະລັດກຳນົດໃຫ້ການເລືອກຕັ້ງປະທານາທິບໍດີດ້ວຍວິທີໃຊ້ ຄະນະຜູ້ເລືອກຕັ້ງ ຫຼື Electoral College ນັ້ນກໍຄື ປະຊາຊົນບໍ່ໄດ້ເລືອກປະທານາທິບໍດີໂດຍກົງ ແຕ່ເລືອກຜູ້ທີ່ຈະເລືອກປະທານາທິບໍດີແທນພວກເຂົາ.
  • ຜູ້ທີ່ມີສິດອອກສຽງເລືອກຕັ້ງ ແມ່ນປະຊາຊົນທີ່ມີອາຍຸ 18 ປີຂຶ້ນໄປ ແຕ່ຫຼາຍລັດອອກກົດໝາຍໃຫ້ສະແດງບັດປະຈຳຕົວເພື່ອພິສູດຕົວບຸກຄົນຈຶ່ງຈະເລືອກຕັ້ງໄດ້.
  • ໃນມື້ລົງຄະແນນສຽງ, ປະຊາຊົນຈະໄປໜ່ວຍປ່ອນບັດເລືອກຕັ້ງ ຫຼື ເລືອກຕັ້ງລ່ວງໜ້າຖ້າບໍ່ສະດວກໃນມື້ນັ້ນ. ແຕ່ໃນຮອບຫຼາຍປີທີ່ຜ່ານມາ ການເລືອກຕັ້ງທາງໄປສະນີເປັນທີ່ນິຍົມຫຼາຍຂຶ້ນ. ໃນການເລືອກຕັ້ງເມື່ອປີ 2016 ມີຄົນເລືອກລົງຄະແນນທາງໄປສະນີເຖິງ 21%.
  • ຜູ້ເລືອກຕັ້ງ ແມ່ນຜູ້ທີ່ມີຄວາມຮູ້ຄວາມສາມາດ ເຊິ່ງໃຫ້ຄຳສັນຍາວ່າຈະສະໜັບສະໜຸນຜູ້ຮັບສະໝັກເລືອກຕັ້ງປະທານາທິບໍດີຄົນໃດຄົນໜຶ່ງ. ແຕ່ລະລະຈະເລືອກ "ຜູ້ເລືອກຕັ້ງ" (Elector) ລວມກັນເປັນ ຄະນະຜູ້ເລືອກຕັ້ງ ຫຼື Electoral College ເຊິ່ງຈະມີໜ້າທີ່ເລືອກປະທານາທິບໍດີຫຼັງຈາກວັນເລືອກຕັ້ງທົ່ວໄປ. ທັງນີ້ ບຸກຄົນທັງໝົດນີ້ຕ້ອງບໍ່ມີຕຳແໜ່ງທາງການເມືອງ ແລະ ສາມາດເລືອກຕັ້ງປະທານາທິບໍດີໄດ້ພຽງຄັ້ງດຽວກໍຈະໝົດໜ້າທີ່ ຈຶ່ງບໍ່ມີອິດທິພົນທາງການເມືອງ.
  • ແຕ່ລະລັດຈະມີຈຳນວນຄະນະຜູ້ເລືອກຕັ້ງບໍ່ເທົ່າກັນ ເຊິ່ງນີ້ຂຶ້ນຢູ່ກັບຈຳນວນປະຊາກອນ ໂດຍຈຳນວນຄະນະຜູ້ເລືອກຕັ້ງມາຈາກຈຳນວນສະມາຊິກສະພາຜູ້ແທນປະຊາຊົນ ບວກກັບຈຳນວນວຸດທິສະພາຊິກ ລັດລະ 2 ຄົນ ເທົ່າກັນໝົດທຸກລັດ ລວມທັງໝົດ 538 ຄົນ. ນັ້ນໝາຍຄວາມວ່າ ບັນດາລັດນ້ອຍໆທີ່ມີຈຳນວນສະມາຊິກສະພາຜູ້ແທນປະຊາຊົນພຽງ 1 ຄົນ ກໍຈະມີຄະນະເລືອກຕັ້ງລວມ 3 ຄົນ. ລັດທີ່ມີຈຳນວນປະຊາກອນຫຼາຍຈຶ່ງມີຄວາມສຳຄັນຫຼາຍ ເພາະໃນການເລືອກຕັ້ງປະທານາທິບໍດີ ຄະແນນຈາກຜູ້ມີສິດອອກສຽງເຖິງວ່າຈະສຳຄັນ ແຕ່ສິ່ງທີ່ເປັນໂຕຊີ້ຊະຕາແມ່ນ ຄະແນນສຽງຈາກຄະນະຜູ້ເລືອກຕັ້ງ.

ອີກຢ່າງໜຶ່ງທີ່ຄວນຮູ້ກໍຄື ເຖິງວ່າຜູ້ມີສິດອອກສຽງເລືອກຕັ້ງລົງຄະແນນໃຫ້ພັກໜຶ່ງຫຼາຍກວ່າອີກພັກໜຶ່ງເປັນແສນໆ ກໍບໍ່ໄດ້ໝາຍຄວາມວ່າຈະໄດ້ເປັນປະທານາທິບໍດີ ເພາະວ່າວິທີຕັດສິນຜົນເລືອກຕັ້ງຂອງສະຫະລັດມີເອກະລັກທີ່ຂ້ອນຂ້າງສະເພາະໂຕ. ລະບົບການເລືອກຕັ້ງທົ່ວໄປຂອງສະຫະລັດໃຊ້ລະບົບ Winner-Takes-All ເຊິ່ງໝາຍເຖິງ ຜູ້ຊະນະຈະໄດ້ທັງໝົດ. ລະບົບນີ້ໃຊ້ກັບ 48 ລັດ ແລະ ເຂດເມືອງຫຼວງ ຄື ວໍຊິງຕັນ ດີຊີ ເທົ່ານັ້ນ. ສ່ວນອີກ 2 ລັດ ແມ່ນ ລັດເມນກັບລັດເນບຣາສກາ ໃຊ້ລະບົບສັດສ່ວນ. ຄະແນນສຽງທີ່ມາຈາກປະຊາຊົນປ່ອນບັດ ແມ່ນຄະແນນມະຫາຊົນ (Popular Vote) ແຕ່ຄະແນນສຽງທີ່ເປັນໂຕຕັດສິນວ່າຈະຊະນະຫຼືບໍ່ນັ້ນ ແມ່ນຄະແນນສຽງຂອງຄະນະຜູ້ເລືອກຕັ້ງ (Electoral Vote).

ລະບົບ Winner-Takes-All ໝາຍຄວາມວ່າ ຜູ້ສະໝັກທີ່ມີຄະແນນມະຫາຊົນສູງກວ່າໃນລັດໃດລັດໜຶ່ງ ຈະກວາດຄະແນນສຽງເລືອກຕັ້ງໃນລັດນັ້ນໄປທັງໝົດ. ຕົວຢ່າງເຊັ່ນ: ລັດ ກ. ມີຈຳນວນຄະນະຜູ້ເລືອກຕັ້ງ 9 ຄົນ ມີຜູ້ມີສິດອອກສຽງມາລົງຄະແນນ 500 ຄົນ, ເປີດນັບຄະແນນມະຫາຊົນແລ້ວ ພັກ ເອ ໄດ້ຄະແນນສຽງ 300 ຄະແນນ, ພັກ ບີ ໄດ້ຄະແນນສຽງ 200 ຄະນແນນ. ນີ້ໝາຍຄວາມວ່າ ພັກເອຊະນະໃນລັດ ກ. ກໍຈະໄດ້ຄະແນນສຽງຜູ້ເລືອກຕັ້ງໄປທັງໝົດ 9 ສຽງ.

ຫຼັງຈາກນັ້ນ ເມື່ອລວມຄະແນນທຸກລັດແລ້ວ, ຜູ້ສະໝັກຊີງຕຳແໜ່ງປະທານາທິບໍດີທີ່ມີຄະແນນສຽງຈາກຄະນະຜູ້ເລືອກຕັ້ງ 270 ສຽງຂຶ້ນໄປ ກໍຈະໄດ້ເປັນຜູ້ນຳສະຫະລັດ. ເມື່ອເປັນແບບນີ້ ລັດທີ່ມີຄະນະຜູ້ເລືອກຕັ້ງຈຳນວນຫຼາຍເຊັ່ນ: ແຄລິຟໍເນຍ, ເທັກຊັດ ຫຼື ຟລໍຣິດາ ຈຶ່ງເປັນລັດທີ່ຕ້ອງແຂ່ງຂັນກັນຢ່າງດຸເດືອດ.

ສ່ວນຜົນການເລືອກຕັ້ງ, ຫຼັງຈາກສິ້ນສຸດການນັບຄະແນນທັງໝົດໃນມື້ເລືອກຕັ້ງທົ່ວໄປໃນເດືອນພະຈິກແລ້ວ, ໃນເດືອນທັນວ່າ ຄະນະຜູ້ເລືອກຕັ້ງຈະປະຊຸມພ້ອມກັນໃນລັດຂອງຕົນເອງ ແລະ ລົງຄະແນນສຽງເລືອກປະທານາທິບໍດີ ແລະ ຮອງປະທານາທິບໍດີ ໃນບັດເລືອກຕັ້ງທີ່ແຍກອອກຈາກັນ ເຊິ່ງໃນປີນີ້ກຳນົດໃຫ້ເປັນວັນທີ 14 ທັນວາ 2020. ຈາກນັ້ນພາຍໃນ 9 ມື້ ຕ້ອງສົ່ງຜົນການເລືອກຕັ້ງໄປທີ່ປະທານວຸດທິສະພາ ເຊິ່ງກໍຄືຮອງປະທານາທິບໍດີ ແລະ ນັກຈົດໝາຍເຫດ.

ຕໍ່ມາກໍຈະເປັນການນັບຄະແນນຢ່າງເປັນທາງການໃນວັນທີ 6 ມັງກອນ ປີຖັດໄປຈາກການເລືອກຕັ້ງ ໂດຍປະທານວຸດທິສະພາເປັນປະທານການນັບຄະແນນໃນການປະຊຸມສະພາຄອງເກຣສ ແລະ ປະກາດຊື່ຜູ້ຊະນະການເລືອກຕັ້ງ. ແຕ່ຖ້ານັບຄະແນນແລ້ວບໍ່ມີຜູ້ສະໝັກຊີງຕຳແໜ່ງປະທານາທິບໍດີຄົນໃດໄດ້ຄະແນນຢ່າງໜ້ອຍ 270 ສຽງ, ສະພາຜູ້ປທນປະຊາຊົນຈະເປັນຜູ້ຕັດສິນຜູ້ຊະນະການເລືອກຕັ້ງ ແລະ ກໍລະນີດຽວກັນຂອງຜູ້ສະໝັກຊີງຕຳແໜ່ງຮອງປະທານາທິບໍດີ, ວຸດທິສະພາຈະເປັນຜູ້ຕັດສິນ.

ແນວໃດກໍຕາມ ຕາມຄວາມເປັນຈິງແລ້ວ, ເມື່ອຮັບຜົນຄະແນນມະຫາຊົນໃນມື້ເລືອກຕັ້ງທົ່ວໄປສຳເລັດ ພາຍໃນຕອນເຊົ້າມື້ຖັດມາກໍສາມາດຮູ້ໄດ້ແລ້ວວ່າໃຜຊະນະການເລືອກຕັ້ງ ເຊັ່ນດຽວກັບຄັ້ງກ່ອນທີ່ ທ່ານ ທຣຳ ກໍຂຶ້ນເວທີປາໄສທີ່ນະຄອນນິວຢອກຕັ້ງແຕ່ເວລາ 3 ໂມງເຊົ້າ ເພື່ອປະກາດໄຊຊະນະຕໍ່ໜ້າກຸ່ມຜູ້ສະໜັບສະໜຸນ. ຂັ້ນຕອນຕໍ່ໄປກໍຄື ການເຂົ້າຮັບຕຳແໜ່ງຢ່າງເປັນທາງການ ໂດຍໃນເວລາທ່ຽງວັນຂອງວັນທີ 20 ມັງກອນ, ປະທານາທິບໍດີຈະເຂົ້າພິທີສາບານຕົນ ແລະ ດຳລົງຕຳແໜ່ງປະທານາທິບໍດີ ທີ່ຂັ້ນໄດໜ້າອາຄານລັດຖະລະພາໃນນະຄອນຫຼວງວໍຊິງຕັນ ດີຊີ ກ່ອນທີ່ຈະເດີນທາງເຂົ້າທຳນຽບຂາວເພື່ອເລີ່ມພາລະກິດຜູ້ນຳສະຫະລັດຢ່າງເປັນທາງການ.

Advertisement Replay Ad
ໜຸ່ມດວງເຮັງ ຖືກເລກ 5 ໂຕ 4 ໂຕ ແລະ 3 ໂຕພ້ອມກັນ ກວາດເງິນລາງວັນໄປຫຼາຍກວ່າ 300 ລ້ານກີບ

ໜຸ່ມດວງເຮັງ ຖືກເລກ 5 ໂຕ 4 ໂຕ ແລະ 3 ໂຕພ້ອມກັນ ກວາດເງິນລາງວັນໄປຫຼາຍກວ່າ 300 ລ້ານກີບ

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 29 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 29 ຕຸລາ 2020

ເຈົ້າເຊື່ອວ່າພະຍານາກມີຈິງບໍ່? ເປີດເລື່ອງລາວກ່ຽວກັບພະຍານາກທີ່ຜູກພັນກັບສັງຄົມລາວມາແຕ່ບູຮານ

ເຈົ້າເຊື່ອວ່າພະຍານາກມີຈິງບໍ່? ເປີດເລື່ອງລາວກ່ຽວກັບພະຍານາກທີ່ຜູກພັນກັບສັງຄົມລາວມາແຕ່ບູຮານ

ຊົມເຊີຍລີນ້າ! ສາວໃຈເດັດ ສູ້ບໍ່ຍອມຈຳນົນ ໄດ້ຮັບລາງວັນຄວາມກ້າຫານ ຈາກຄ້າຍມວຍແຫ່ງຊາດລາວ

ຊົມເຊີຍລີນ້າ! ສາວໃຈເດັດ ສູ້ບໍ່ຍອມຈຳນົນ ໄດ້ຮັບລາງວັນຄວາມກ້າຫານ ຈາກຄ້າຍມວຍແຫ່ງຊາດລາວ

ໂຈນທີ່ດຶງກະເປົາສາວນັກສຶກສາ ຈະຖືກລົງໂທດໃນສະຖານໃດ?

ໂຈນທີ່ດຶງກະເປົາສາວນັກສຶກສາ ຈະຖືກລົງໂທດໃນສະຖານໃດ?

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 22 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 22 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 21 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 21 ຕຸລາ 2020

ແມ່ຍິງຄົນນີ້ຖືກເລກຫຼາຍກວ່າ 14 ຕື້ ປະຕິເສດທີ່ຈະໃຊ້ຊີວິດຢ່າງຫຼູຫຼາ ແລ້ວມາລ້ຽງໝູໃນຟາມແທນ

ແມ່ຍິງຄົນນີ້ຖືກເລກຫຼາຍກວ່າ 14 ຕື້ ປະຕິເສດທີ່ຈະໃຊ້ຊີວິດຢ່າງຫຼູຫຼາ ແລ້ວມາລ້ຽງໝູໃນຟາມແທນ

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 15 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 15 ຕຸລາ 2020

ລວມສະຖານທີ່ສຳຄັນໃນໃບເງິນກີບ ແຕ່ລະໃບມີຮູບບ່ອນໃດແດ່?

ລວມສະຖານທີ່ສຳຄັນໃນໃບເງິນກີບ ແຕ່ລະໃບມີຮູບບ່ອນໃດແດ່?

ຖ້າບໍ່ນົວຄືຈົບ! Iron Chef ເຖິງຕ້ອງເຊ ເມື່ອຕ້ອງເຈິໂຈດ ເຮັດອາຫານລາວ

ຖ້າບໍ່ນົວຄືຈົບ! Iron Chef ເຖິງຕ້ອງເຊ ເມື່ອຕ້ອງເຈິໂຈດ ເຮັດອາຫານລາວ

ອີກດົນປານໃດຈຶ່ງຈະໄດ້ໃຊ້? ອົງການອະນາໄມໂລກຄາດ ວັກຊີນໂຄວິດ-19 ອາດຜະລິດທັນພ້ອມໃຊ້ໃນປາຍປີນີ້

ອີກດົນປານໃດຈຶ່ງຈະໄດ້ໃຊ້? ອົງການອະນາໄມໂລກຄາດ ວັກຊີນໂຄວິດ-19 ອາດຜະລິດທັນພ້ອມໃຊ້ໃນປາຍປີນີ້

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 12 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 12 ຕຸລາ 2020

ແຈກສູດ "3 ເມນູອາຫານເຈ" ເຮັດງ່າຍໆ ໃຜກໍເຮັດໄດ້ ຕ້ອນຮັບເທດສະການກິນເຈ 2020

ແຈກສູດ "3 ເມນູອາຫານເຈ" ເຮັດງ່າຍໆ ໃຜກໍເຮັດໄດ້ ຕ້ອນຮັບເທດສະການກິນເຈ 2020

ໄດ້ກົ້ມໜ້າແລ້ວບໍ່ຢາກເງີຍ! ພາຮູ້ຈັກNomophobia ໂຣກຂອງຄົນຕິດໂທລະສັບ (ສະມາຄົມກົ້ມໜ້າ)

ໄດ້ກົ້ມໜ້າແລ້ວບໍ່ຢາກເງີຍ! ພາຮູ້ຈັກNomophobia ໂຣກຂອງຄົນຕິດໂທລະສັບ (ສະມາຄົມກົ້ມໜ້າ)

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 8 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 8 ຕຸລາ 2020

ຄະນະສະເພາະກິດຍັງໃຫ້ຮ້ານບັນເທີງ-ຄາຣາໂອເກະສືບຕໍ່ປິດ - ສ່ວນງານບຸນໃຫ້ເຂັ້ມງວດມາດຕະການປ້ອງກັນ

ຄະນະສະເພາະກິດຍັງໃຫ້ຮ້ານບັນເທີງ-ຄາຣາໂອເກະສືບຕໍ່ປິດ - ສ່ວນງານບຸນໃຫ້ເຂັ້ມງວດມາດຕະການປ້ອງກັນ

ອ່ານດວງລາຍວັນປະຈໍາວັນພະຫັດ ທີ 8 ຕຸລາ 2020 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 8 ຕຸລາ 2020 ຕາມແຕ່ລະວັນເກີດ

ສ້າງອະນາຄົດໄປພ້ອມກັນ! ຄູ່ຮັກແບບຢ່າງ ຊ່ວຍກັນຫາ ທ້ອນເງິນພຽງ 4 ເດືອນໄດ້ 10 ກວ່າລ້ານ

ສ້າງອະນາຄົດໄປພ້ອມກັນ! ຄູ່ຮັກແບບຢ່າງ ຊ່ວຍກັນຫາ ທ້ອນເງິນພຽງ 4 ເດືອນໄດ້ 10 ກວ່າລ້ານ

ຫຼື ວ່າໂລກນີ້ຈະມີເຊື້ອພະຍາດຈາກ "ແມວ" ທີ່ສາມາດຄວບຄຸມຈິດໃຈຂອງເຮົາໃຫ້ຫຼົງຮັກແມວໄດ້?

ຫຼື ວ່າໂລກນີ້ຈະມີເຊື້ອພະຍາດຈາກ "ແມວ" ທີ່ສາມາດຄວບຄຸມຈິດໃຈຂອງເຮົາໃຫ້ຫຼົງຮັກແມວໄດ້?

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ