ວັນອາທິດ ທີ 16 ພຶດສະພາ 2021

ຮູ້ຈັກກັບ 'ລົດຍົນໄຟຟ້າ' ອະນາຄົດແຫ່ງການເດີນທາງ

ຮູ້ຈັກກັບ 'ລົດຍົນໄຟຟ້າ' ອະນາຄົດແຫ່ງການເດີນທາງ
S! Muan

ສະໜັບສະໜູນເນື້ອຫາ

ມະນຸດມັກຈະສັນຫາ, ຄິດຄົ້ນ ຫຼື ປະດິດ ສິ່ງອຳນວຍຄວາມສະດວກໃຫ້ແກ່ຕົນເອງສະເໝີ (ອາດຈະເກີດຈາກຄວາມຂີ້ຄ້ານ ມັກສະບາຍຄືກັບຫຼາຍໆ ຄົນເວົ້າໄວ້ກໍ່ເປັນໄດ້ ຮ່າໆ), ຈາກທີ່ເຄີຍເດີນທາງເປັນເດືອນໆ ສາມາດຫຍໍ້ເວລາໃຫ້ເຫຼືອພຽງບໍ່ເທົ່າໃດມື້ ຫຼື ຫຼຸດໜ້ອຍລົງພຽງບໍ່ເທົ່າໃດຊົ່ວໂມງ. ແມ່ນແລ້ວ ມື້ນີ້ຜູ້ຂຽນຈະພາມາຮູ້ຈັກກັບພາຫະນະ ທີ່ເຮັດໃຫ້ການເດີນທາງຂອງຄົນເຮົານັ້ນສະດວກສະບາຍ ແລະ ປະຢັດເວລາ, ແຕ່ບໍ່ແມ່ນພາຫະນະທຳມະດາ ແຕ່ເປັນພາຫະນະທີ່ຂັບເຄື່ອນດ້ວຍພະລັງງານໄຟຟ້າ (EVs - Electric Vehicles) ໂດຍສະເພາະລົດຍົນໄຟຟ້າທີ່ກຳລັງເປັນຈຸດສົນໃຈຂອງຫຼາຍໆ ພາກສ່ວນ ແລະ ຄາດວ່າຈະກາຍມາເປັນພາຫະນະແຫ່ງອະນາຄົດ (ອັນໃກ້ນີ້) ວ່າມັນເປັນແນວໃດ, ສາມາດໃຊ້ງານໄດ້ຈິງຄືແນວໃດ? ສ່ວນລາຍລະອຽດນັ້ນ ນຳມາຕິດໆ ເລີຍ. 

ລົດຍົນໄຟຟ້າແມ່ນຫຍັງ? 

ລົດຍົນໄຟຟ້າ ແມ່ນພາຫະນະທີ່ຂັບເຄື່ອນດ້ວຍພະລັງງານໄຟຟ້າ ເຊິ່ງມີຫຼາຍຮູບແບບ ຫຼື ເຕັກໂນໂລຊີ, ແຕ່ສາມາດແບ່ງອອກເປັນ 2 ແບບໃຫຍ່ໆ ຄື: ກຸ່ມທີ່ບໍລິໂພກພະລັງງານໄຟຟ້າລ້ວນ (AEVs - All electric vehicles)  ແລະ ກຸ່ມທີ່ໃຊ້ພະລັງງານແບບປະສົມປະສານລະຫວ່າງພະລັງງານໄຟຟ້າ ແລະ ນ້ຳມັນ (PHEVs - Plug-in hybrid electric vehicles). ແນວຄິດຂອງລົດໄຟຟ້າ ບໍ່ແມ່ນຫາກໍ່ມີເມື່ອບໍ່ດົນມານີ້ ແຕ່ໄດ້ຮັບການຄິດຄົ້ນແຕ່ຊຸມປີ 1700 ແຕ່ເຕັກໂນໂລຊີຍັງບໍ່ເອື້ອອຳນວຍ. ຈົນມາເຖິງຊຸມປີ 1800 ຈຶ່ງສາມາດສ້າງລົດຍົນໄຟຟ້າຄັ້ງທຳອິດຂຶ້ນມາໄດ້ (www.interestingengineering.com) ແຕ່ກໍ່ຍັງບໍ່ສາມາດໃຊ້ງານໄດ້ຈິງ ດ້ວຍເຫດຜົນທາງດ້ານເຕັກໂນໂລຊີນັ້ນເອງ.

ປັດຈຸບັນ ຂໍ້ຈຳກັດທັງຫຼາຍຖືກທຳລາຍລົງໝົດແລ້ວ, ແບັດເຕີຣີສາມາດເກັບປະຈຸໄຟໄດ້ຫຼາຍຂຶ້ນ ຂະນະທີ່ມໍເຕີ (Motor) ສາມາດໃຊ້ພະລັງງານໄຟຟ້າຢ່າງມີປະສິດທິພາບ ເລີຍເຮັດໃຫ້ລົດໄຟຟ້າໄດ້ຮັບຄວາມສົນໃຈຈາກບໍລິສັດຕ່າງໆ ທົ່ວໂລກ ແລະ ທຸ່ມເທຊັບພະຍາກອນຂອງຕົນເຂົ້າໃນການພັດທະນາ ເພື່ອຕ້ອງການເປັນຜູ້ນຳ ແລະ ເຈົ້າຕະຫຼາດໃນອະນາຄົດ. 


ສາຍສາກຂອງລົດຍົນໄຟຟ້າ (EV) / ພາບ: chuttersnap / Unsplash

ຂໍ້ດີຂອງລົດຍົນໄຟຟ້າ 

  • ທາງດ້ານສິ່ງແວດລ້ອມ, ແນ່ນອນແລ້ວວ່າ ເຄື່ອງຈັກທີ່ບໍລິໂພກພະລັງງານໄຟຟ້າຍ່ອມເຮັດໃຫ້ປະລິມານອາຍແກ໊ສເຮືອນແກ້ວ (Greenhouse gas - ອາຍພິດທີ່ເປັນສາເຫດຂອງພາວະໂລກຮ້ອນ) ທີ່ກຳລັງເປັນບັນຫາທາງດ້ານສິ່ງແວດລ້ອມນັ້ນໜ້ອຍລົງ ເຖິງແມ່ນວ່າປັດຈຸບັນການໃຊ້ລົດຍົນໄຟຟ້າຈະບໍ່ເຮັດໃຫ້ບັນຫາທາງດ້ານສິ່ງແວດລ້ອມນັ້ນໝົດໄປ (ການຜະລິດພະລັງໄຟຟ້າໃນປັດຈຸບັນຍັງບໍ່ແມ່ນລະບົບການຜະລິດທີ່ສະອາດ 100%) ແຕ່ໃນອະນາຄົດ ຫາກມີການຜະລິດພະລັງງານໄຟຟ້າຈາກແຫຼ່ງພະລັງງານສະອາດ (ຢາກຮູ້ມີຫຍັງແດ່ ກົດອ່ານບົດຄວາມ ພະລັງງານທົດແທນ) ກໍ່ຈະເຮັດໃຫ້ການປ່ອຍອາຍແກ໊ສກາກໂບນິກ (CO2) ທີ່ເກີດຈາກການຂົນສົ່ງ (ເປັນປັດໄຈຫຼັກຂອງການປ່ອຍອາຍພິດ - 2014: Xingping Zhang ຈາກວາລະສານ Sustainability ສະບັບທີ 6(11):8056-8078) ນັ້ນຫຼຸດລົງ. 
  • ຄ່າໃຊ້ຈ່າຍ, ມີການສຶກສາໂດຍ UCS (Union of Concerned Scientists - ເປັນອົງກອນບໍ່ສະແຫວງຫາກຳໄລໃນສະຫະລັດອາເມຣິກາ) ກ່ຽວກັບຕົ້ນທຶນໃນການໃຊ້ງານລົດຍົນໄຟຟ້າ, ຜົນການສຶກສາສະແດງໃຫ້ເຫັນວ່າ ໃນ 1 ປີ ຜູ້ໃຊ້ລົດຍົນໄຟຟ້າຈະສາມາດປະຢັດຄ່າເຊື້ອເພີງປະມານ 770 ໂດລາສະຫະລັດ (ລາຍລະອຽດສາມາດອ່ານເພີ່ມເຕີມໄດ້ຈາກລິ້ງນີ້). ນອກຈາກນັ້ນ ໃນບາງປະເທດຍັງມີການຈູງໃຈໃຫ້ຄົນຫັນມາຊົມໃຊ້ລົດໄຟຟ້າກັນຫຼາຍຂຶ້ນ ເຊັ່ນ: ປະເທດນໍເວ (Norway) ທີ່ໃຫ້ສິດທິປະໂຫຍດຈາກການຊື້ລົດໄຟຟ້າ ບໍ່ວ່າຈະເປັນການຫຼຸດພາສາມູນຄ່າເພີ່ມ 20%, ຟຣີຄ່າທາງດ່ວນ, ຟຣີຄ່າເຮືອຂ້າມຟາກ ຫຼື ຟຣີຄ່າຈອດລົດໃນບາງເມືອງ (ສາມາດເບິ່ງລາຍອະອຽດສິດທິປະໂຫຍດຈາກການຊື້ລົດໄຟຟ້າຂອງບາງປະເທດໄດ້ຈາກເວັບນີ້). 
  • ຄວາມແຮງ, ອານິສົງອີກຢ່າງທີ່ໄດ້ຈາກມໍເຕີ້ໄຟຟ້າຄືຄວາມແຮງ ເພາະເມື່ອກົດຄັນເລັ່ງແຮງບິດຈະມາທັນທີ ແຕກຕ່າງຈາກເຄື່ອງຍົນສັນດາບພາຍໃນ (ເຄື່ອງຈັກບໍລິໂພກນ້ຳມັນທົ່ວໄປ) ທີ່ຈຳເປັນຕ້ອງຖ້າຮອບເຄື່ອງຈຶ່ງສາມາດສ້າງແຮງບິດ ຫຼື ແຮງມ້າໃຫ້ລົດໄດ້ນັ້ນເອງ. 
  • ຫຼຸດຂັ້ນຕອນ - ຊິ້ນສ່ວນ ທີ່ຕ້ອງບຳລຸງຮັກສາ, ເພາະລົດໄຟຟ້າຂັບເຄື່ອນຈາກມໍເຕີໄຟຟ້າ ເຮັດໃຫ້ປະລິມານຊິ້ນສ່ວນທີ່ຕ້ອງບຳລຸງຮັກສານັ້ນໜ້ອຍກວ່າລົດທີ່ບໍລິໂພກນ້ຳມັນ ທີ່ຕ້ອງມີຊິ້ນສ່ວນຍິກຍ່ອນທີ່ຕ້ອງບຳລຸງຮັກສາ. 


ພາບ: Andreas Dress / Unsplash

ແບຣນລົດຍົນໄຟຟ້າໃນປັດຈຸບັນ 

ປັດຈຸບັນ ຫຼາຍໆ ບໍລິສັດຜູ້ຜະລິດລົດ ທັງໜ້າໃໝ່ ແລະ ເຈົ້າຕະຫຼາດທີ່ຜະລິດລົດມາທັງຊີວິດ ຕ່າງພາກັນຕັ້ງໜ້າພັດທະນາລົດຍົນໄຟຟ້າຂອງຕົນເອງ ເພາະເລັງເຫັນສ່ວນແບ່ງຕະຫຼາດໃນອະນາຄົດ ແລະ ຕ່າງຄົນຕ່າງຫວັງຈະກາຍເປັນເຈົ້າຕະຫຼາດທາງດ້ານລົດຍົນໄຟຟ້າ ດ້ານລຸ່ມຂໍຍົກຕົວຢ່າງພຽງບາງຍີ່ຫໍ້ທີ່ໄດ້ຮັບຄວາມສົນໃຈຈາກຫຼາຍໆ ຄົນໃນທົ່ວໂລກ ເຊັ່ນ: 

  • Nissan Leaf  
  • Volkswagen e-Golf 
  • BYD e6 
  • Audi e-tron 
  • Hyundai Kona Electric 
  • Jaguar i-Pace 
  • KIA Soul EV 
  • Tesla Model S 
  • BMW i3 
  • Chevrolet Bolt EV 
  • Mercedes-Benz B-Class 

ແລະ ອື່ນໆ ອີກຫຼາຍຍີ່ຫໍ້, ຫຼາຍຮຸ່ນ ແລະ ທີ່ເປັນທັງລົດໄຟຟ້າລ້ວນ (AEVs) ຫຼື ແບບ Plug-in hybrid (PHEVs) ເພີ່ມເຕີມສາມາດເບິ່ງໄດ້ຈາກ Wikipedia

ອະນາຄົດແຫ່ງການເດີນທາງ 

ໃນການໃຊ້ງານຕົວຈິງ ລົດຍົນໄຟຟ້າຍັງຕ້ອງພິສູດໂຕເອງອີກຫຼາຍຢ່າງ ທັງຄວາມທົນທານ, ໄລຍະທາງ, ພື້ນຖານໂຄງລ່າງທີ່ຮອງຮັບ, ລາຄາ ແລະ ອື່ນໆ ເພື່ອໃຫ້ສາມາດຕີຕະຫຼາດ ແລະ ຄອງດວງໃຈຜູ້ໃຊ້ໃຫ້ໄດ້. ທາງດ້ານໄລຍະທາງ ມີການທົດສອບຮຸ່ນຕ່າງໆ ຈາກຫຼາຍໆ ເວັບດ້ານຍານຍົນ, ຜົນອອກມາກໍ່ໃກ້ຄຽງກັນ ເຊິ່ງມີໄລຍະທາງຫຼາຍກວ່າ 100 - 300 miles ຂຶ້ນໄປ (ຫຼື ປະມານຫຼາຍກວ່າ 160 - 480 ກິໂລແມັດ ຂຶ້ນໄປ) ຂຶ້ນກັບສະພາບການຈາລະຈອນ ແລະ ຮຸ່ນຂອງລົດທົດສອບ (ລາຍລະອຽດຜົນການທົດສອບໄລຍະທາງເພີ່ມເຕີມ).

ແຕ່ທັງນີ້ທັງນັ້ນ ໄລຍະທາງເປັນພຽງປັດໄຈໜຶ່ງທີ່ສົ່ງຜົນຕໍ່ການຕັດສິນໃຈຊື້ລົດຂອງຜູ້ໃຊ້, ມັນຍັງມີສິ່ງອຳນວຍຄວາມສະດວກທີ່ຈຳເປັນຕ້ອງມີໃຫ້ບໍລິການເຊັ່ນ: ສະຖານີສາກໄຟຟ້າ (ບາງຮຸ່ນສາມາດສຽບກັບປັກໄຟບ້ານໄດ້ ແຕ່ຈະໃຊ້ເວລາດົນກວ່າການໃຊ້ເຕົ້າສາກທີ່ອອກແບບມາສະເພາະຢ່າງມາດຕະຖານ DC Fast Charge ທີ່ສາມາດສາກດ້ວຍແຮງດັນໄຟ 480 ໂວນ), ສູນບໍລິການຫຼັງການຂາຍ ເພາະລະບົບການເຮັດວຽກ ແຕກຕ່າງຈາກລົດຍົນທີ່ໃຊ້ນຳມັນທົ່ວໄປ ຊ່າງສ້ອມແປງກໍ່ຕ້ອງມີປະສົບການທາງດ້ານນີ້ໂດຍສະເພາະ, ຄວາມທົນທານຂອງແບັດເຕີຣີ ແລະ ມໍເຕີ້ໄຟຟ້າທີ່ເປັນລະບົບຂັບເຄື່ອນ ຍ້ອນຄວາມໃໝ່ຂອງລະບົບ ຍັງເຮັດໃຫ້ຫຼາຍໆ ຄົນຍັງບໍ່ໄວ້ວາງໃຈກັບຄວາມທົນທານ ເພາະລາຄາປ່ຽນຖ່າຍອາໄຫຼ່ແຕ່ລະຢ່າງກໍ່ບໍ່ໜ້ອຍເລີຍ.


ສະຖານີສາກໄຟຟ້າຂອງ Tesla ບໍລິສັດຜູ້ພັດທະນາລົດຍົນໄຟຟ້າລະດັບແຖວໜ້າຂອງໂລກ

ແຕ່ສິ່ງທີ່ກ່າວມາ ກໍ່ຍັງບໍ່ສາມາດທຳລາຍຄວາມນິຍົມຂອງລົດຍົນໄຟຟ້າ ເຫັນໄດ້ຈາກຍອດຂາຍລົດໄຟຟ້າໃນປີ 2019 ປະມານ 2.1 ລ້ານຄັນທົ່ວໂລກ (ລາຍລະອຽດລາຍງານກ່ຽວກັບ EVs ປີ 2020 ຂອງ IEA ສົນໃຈເຂົ້າໄປອ່ານເພີ່ມໄດ້), ເປັນອີກກ້າວທີ່ສຳຄັນຂອງລົດໄຟຟ້າ. ສ່ວນການໃຊ້ງານໃນບ້ານເຮົາ ອາດຈະຫຍຸ້ງຍາກທາງດ້ານສະຖານີສາກ (ຄົງຕ້ອງລົງທຶນຕິດຕັ້ງເຕົ້າສາກໄວ້ກັບບ້ານຕົນເອງໄປກ່ອນ) ແລະ ຍັງບໍ່ເໝາະສົມກັບການເດີນທາງໄລຍະໄກ (ຫາບ່ອນສາກຍາກນັ້ນແຫຼະ), ອີກທັງໄຟຟ້າກັບນ້ຳຍັງໄປກັນບໍ່ໄດ້ດີ ໂດຍສະເພາະໜ້າຝົນຂອງບ້ານເຮົາທີ່ປະລິມານນ້ຳຝົນຫຼາຍ ແລະ ງ່າຍຕໍ່ການເກີດນ້ຳຖ້ວມຂັງ (ຫາກຍັງບໍ່ເຄີຍເຫັນ ໄປເບິ່ງ 4 ແຍກໄຟແດງທາດຫຼວງຕອນຝົນຕົກເດີ້ ຮ່າໆ ປົດປ້າຍລົດອອກກ່ອນກໍ່ດີ ດຽວຈະໄດ້ງົມຫາກັນຍົກໃຫຍ່) ເຮັດໃຫ້ລົດໄຟຟ້າທີ່ລຸຍນ້ຳສ່ຽງຕໍ່ການເປ່ເພເສຍຫາຍໄດ້ງ່າຍ ເຖິ່ງຜູ້ຜະລິດຈະບອກວ່າສາມາດລຸຍນ້ຳໄດ້ໃນລະດັບໜຶ່ງກໍ່ຕາມ ແລະ ສຸດທ້າຍ ລົດໄຟຟ້າຫຼາຍໆ ຮຸ່ນທີ່ໜ້າໃຊ້ກໍ່ຍັງບໍ່ມີການນຳເຂົ້າມາຂາຍໃນລາວຢ່າງເປັນທາງການ ນອກຈາກພວກ Plug-in hybrid ເຮັດໃຫ້ຫາຊື້ຍາກ (ອາດຕ້ອງຫາທາງນຳເຂົ້າດ້ວຍຕົນເອງ) ແລະ ຫຍຸ້ງຍາກທາງດ້ານສູນບໍລິການຫຼັງການຂາຍ.

ຄວາມເຫັນສ່ວນຕົວຂອງຜູ້ຂຽນ ເລີຍຄິດວ່າ ການນຳໃຊ້ລົດຍົນໄຟຟ້າເຖິງຈະເປັນທາງເລືອກທີ່ໜ້າສົນໃຈ ແຕ່ດ້ວຍປັດໄຈຫຼາຍໆ ຢ່າງ ສຳລັບໃຜທີ່ສົນໃຈແນະນຳໃຫ້ລໍຖ້າອີກຈັກ 5 ປີ 10 ປີ ໃນເມື່ອສິ່ງອຳນວຍຄວາມສະດວກພ້ອມກວ່ານີ້ ການເລືອກລົດຍົນໄຟຟ້າເປັນພາຫະນະຄູ່ໃຈກໍ່ເປັນອີກທາງເລືອກທີ່ໜ້າສົນໃຈບໍ່ໜ້ອຍ (ໃຜທີ່ສົນໃຈກ່ຽວກັບລົດໄຟຟ້າ ອ່ານຈົບບຣັອກນີ້ ລອງອ່ານບົດວິເຄາະການໃຊ້ງານລົດໄຟຟ້າໃນປະເທດລາວຂອງ ອ້າຍ ສຸລິໂຍ ເພິ່ນຂຽນ-ວິເຄາະໄວ້ລະອຽດຄົບຖ້ວນດີ). 


ຂຽນໂດຍ: Nilavath 

ອ້າງອີງ: 

ພາບໜ້າປົກ: Jakob Härter / Flickr

Advertisement Replay Ad
Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຫຼຽນມີສອງດ້ານສັນໃດ ສື່ສັງຄົມອອນລາຍກໍມີ "ດ້ານດີ - ດ້ານລົບ" ສັນນັ້ນ

ຫຼຽນມີສອງດ້ານສັນໃດ ສື່ສັງຄົມອອນລາຍກໍມີ "ດ້ານດີ - ດ້ານລົບ" ສັນນັ້ນ

ເປີດໃຫ້ສັ່ງຈອງແລ້ວມື້ນີ້! Huawei Y7a ລາຄາສຸດຄຸ້ມ ພ້ອມຈຸດເດັ່ນທີ່ທ່ານບໍ່ຄວນພາດເປັນເຈົ້າຂອງ

ເປີດໃຫ້ສັ່ງຈອງແລ້ວມື້ນີ້! Huawei Y7a ລາຄາສຸດຄຸ້ມ ພ້ອມຈຸດເດັ່ນທີ່ທ່ານບໍ່ຄວນພາດເປັນເຈົ້າຂອງ

ປັກ 3 ຂາ ທີ່ມາຂອງຄວາມຫຍຸ້ງຍາກ ຈິງແທ້ປະການໃດ?

ປັກ 3 ຂາ ທີ່ມາຂອງຄວາມຫຍຸ້ງຍາກ ຈິງແທ້ປະການໃດ?

7 ເຫດຜົນທີ່ທ່ານບໍ່ຄວນພາດຈະເປັນເຈົ້າຂອງ Huawei Nova 7 ສະມາດໂຟນ 5G

7 ເຫດຜົນທີ່ທ່ານບໍ່ຄວນພາດຈະເປັນເຈົ້າຂອງ Huawei Nova 7 ສະມາດໂຟນ 5G

ຮູ້ຈັກກັບ VPN ເຄື່ອງມືທີ່ຈະຊ່ວຍໃຫ້ສາຍມຸດທ່ອງອິນເຕີເນັດປອດໄພຂຶ້ນອີກເທົ່າຕົວ

ຮູ້ຈັກກັບ VPN ເຄື່ອງມືທີ່ຈະຊ່ວຍໃຫ້ສາຍມຸດທ່ອງອິນເຕີເນັດປອດໄພຂຶ້ນອີກເທົ່າຕົວ

ກ້ອງໂປຣຍັງຈຳເປັນບໍ່? ໃນເມື່ອກ້ອງມືຖືກໍ່ສາມາດຊູມຈົນເຫັນຮູຂຸມຂົນ

ກ້ອງໂປຣຍັງຈຳເປັນບໍ່? ໃນເມື່ອກ້ອງມືຖືກໍ່ສາມາດຊູມຈົນເຫັນຮູຂຸມຂົນ

Digital Marketing ແມ່ນຫຍັງ? ນີ້ແມ່ນສິ່ງທີ່ເຈົ້າຕ້ອງຮູ້ຖ້າຢາກເປັນນັກການຕະຫຼາດໃນຍຸກນີ້

Digital Marketing ແມ່ນຫຍັງ? ນີ້ແມ່ນສິ່ງທີ່ເຈົ້າຕ້ອງຮູ້ຖ້າຢາກເປັນນັກການຕະຫຼາດໃນຍຸກນີ້

ວາງຈຳໜ່າຍແລ້ວ! Huawei Watch GT2 Pro ມາພ້ອມ 12 ຟັງຊັນໂດດເດັ່ນ ດ້ວຍລະບົບການໃຊ້ງານອັດສະລິຍະ

ວາງຈຳໜ່າຍແລ້ວ! Huawei Watch GT2 Pro ມາພ້ອມ 12 ຟັງຊັນໂດດເດັ່ນ ດ້ວຍລະບົບການໃຊ້ງານອັດສະລິຍະ

ເບິ່ງຢູທູບຫຼາຍກາຍເວລາຫຼັບນອນ ນີ້ຄືວິທີຕັ້ງຄ່າໃຫ້ YouTube ເຕືອນເຮົາວ່າຮອດເວລາເຂົ້ານອນແລ້ວ

ເບິ່ງຢູທູບຫຼາຍກາຍເວລາຫຼັບນອນ ນີ້ຄືວິທີຕັ້ງຄ່າໃຫ້ YouTube ເຕືອນເຮົາວ່າຮອດເວລາເຂົ້ານອນແລ້ວ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ