ວັນເສົາ ທີ 31 ຕຸລາ 2020

ຍ້ອນອະດີດລະນຶກຄວາມຫວານ ກັບນານາເຂົ້າໜົມຫວານດັ່ງເດີມຂອງ “ລາວ”

ຍ້ອນອະດີດລະນຶກຄວາມຫວານ ກັບນານາເຂົ້າໜົມຫວານດັ່ງເດີມຂອງ “ລາວ”
S! Muan

ສະໜັບສະໜູນເນື້ອຫາ

ຫວານລາວເດີມ ເປັນເຂົ້າໜົມຂອງຫວານຕົ້ນຕໍາລັບຂອງລາວເຮົາ ເຊິ່ງມີມາແຕ່ໃນອະດີດຕະການ ແລະ ໃນປັດຈຸບັນນີ້ກໍຖືໄດ້ວ່າເປັນສິ່ງທີ່ເຮົາຫາກິນໄດ້ຍາກແລ້ວກັບເຂົ້າໜົມແບບລາວໆເຮົານີ້. 

 ໃນປັດຈຸບັນຂ້ອນຂ້າງເວົ້າໄດ້ວ່າຫາຍາກເລີຍກໍວ່າໄດ້ກັບຮ້ານທີ່ເຮັດເຂົ້າໜົມດັ່ງກ່າວແລ້ວອອກມາແຊບຄືກັນກັບສະໄໝແຕ່ກ່ອນ ເພາະເນື່ອງຈາກປັດຈຸບັນສັງຄົມລາວເຮົາໄດ້ມີການປ່ຽນແປງໄປຕາມການເວລາ ຄົນທີ່ຈະກິນ ແລະ ເຮັດເຂົ້າໜົມລາວກໍນັບມື້ນັບຫາຍາກຂຶ້ນ ຄົນເຮົາສ່ວນໃຫຍ່ກໍຫັນໝຸນໄປກິນຂອງຫວານແບບໄໝ ເຮັດໃຫ້ເກີດການຫຼົງລືມເຂົ້າໝົມແບບລາວໆ ເຊິ່ງສ່ວນໃຫຍ່ເຮົາຈະພົບເຫັນເຂົ້າໜົມປະເພດດັ່ງກ່າວພຽງແຕ່ໃນຍາມທີ່ມີງານສໍາຄັນເທົ່ານັ້ນ. 

ເວົ້າມາແລ້ວກໍຄິດຮອດລົດຊາດຂອງເຂົ້າໜົມຫວານໃນອະດີດ ທ່ານຜູ້ອ່ານເດເປັນແນວໃດ? ຍັງພາກັນຈື່ ຫຼື ບໍວ່າເຂົ້າໜົມຂອງຫວານລາວເຮົາມີອັນໃດແດ່? ມື້ນີ້ຜູ້ຂຽນຈະມາຮວບຮວມລາຍຊື່ເຂົ້າໜົມຫວານ ພ້ອມທັງບັນດາຮ້ານທີ່ຂາຍເຂົ້າໜົມດັ່ງກ່າວມາໃຫ້ທ່ານຜູ້ອ່ານໄດ້ເບິ່ງ ແລະ ອ່ານໄປພ້ອມໆກັນເລີຍ. 

ເລີ່ມຈາກຊະນິດທໍາອິດທີ່ພວກເຮົາພົບເຫັນເປັນປະຈໍາ: 

1. ເຂົ້າໜົມຊັ້ນ

ຮູບພາບເຂົ້າໜົມຊັ້ນຈາກ ຮ້ານສາມແມ່ລູກ 

ເຂົ້າໜົມ 2 ສີ ທີ່ມີທັງສີຂຽວ-ສີຂາວແຍກອອກເປັນຊັ້ນໆ ຜ່ານຂະບວນການເຮັດດ້ວຍການໜຶ້ງໃສ່ກະທຖາດໃນເຕົາຊຶງເຊິ່ງຮ້ອນໆ ກັບລົດຊາດຫວານໆບວກກັບຄວາມຫອມຂອງເຕີຍໃນຊັ້ນສີຂຽວ ເວົ້າມາລະນໍ້າລາຍແຕກ. 

2. ເຂົ້າໜົມປຽກປູນ

ເຂົ້າໜົມປຽກປູນຈາກຮ້ານປັນຈາ.

ເຂົ້າໜົມດໍາໆ ແຕ່ໃຈຄົນເຮັດບໍ່ໄດ້ດໍາເດີ ຮາຮາ. ເປັນເຂົ້າໜົມກວນຊະນິດໜຶ່ງທີ່ເປັນທີ່ນິຍົມທີ່ສຸດຂອງຄົນລາວເຮົາທີ່ມາພ້ອມກັບສີດໍາໆບວກກັບລົດຊາດຫວານໆມັນໆຍໍ້າແລ້ວນຸ້ມລິ້ນຈົນຈື່ລົດຊາດທີ່ຕິດຢູ່ປາຍລີ້ນເລີຍກໍວ່າໄດ້. 

 

3. ເຂົ້າໜົມຕັ້ງໂກະ 

ເປັນເຂົ້າໜົມກວນອີກຊະນິດໜຶ່ງທີ່ມີສີຂາວປະສົມປົນກັບເມັດສາລີ ຫຼື ເຜືອກ ເພື່ອເພີ່ມລູກຫຼິ້ນໃນການກິນຂອງທ່ານໃຫ້ມີລົດຊາດຫອມຫວານ ແລະ ໄດ້ອັດຖະລົດໃນການຍໍ້າເມັດສາລີໃນໂຕຂອງເຂົ້າໜົມໄປພ້ອມໆກັນ.

4. ເຂົ້າໜົມຖ້ວຍ

ເຂົ້າໜົມຖ້ວຍຈາກຮ້ານປັນຈາ 

ເຂົ້າໜົມໜຶ້ງຊະນິດໜຶ່ງທີ່ໜຶ້ງໃສ່ຖ້ວຍນ້ອຍໆໃນຊຶງ ເຊິ່ງໂຕເຂົ້າໜົມກໍແບ່ງອອກເປັນ 2 ຊັ້ນຄືໂຕທີ່ເປັນເນື້ອເຂົ້າໜົມທີ່ມີລົດຊາດຫວານ ແລະ ໜ້າທີ່ມີລົດຊາດນົວໆມັນໆ ເຖິງຈະແຕກຕ່າງແຕ່ເມື່ອກິນພ້ອມໆກັນແລ້ວຢາກບອກເລີຍວ່າ ແຊບ!! ເວົ້າແລ້ວກໍຄິດຮອດຕອນກິນຮ້ອນໆທີ່ປົງຈາກເຕົາໃໝ່ໆຍິ່ງຮ້ອນຍິ່ງແຊບ. 

5. ເຂົ້າໜົມຕົ້ມໄສ້ໝາກພ້າວ

ເຂົ້າໜົມຕົ້ມໄສ້ໝາກພ້າວຈາກ ຮ້ານສາມແມ່ລູກ 

ເຂົ້າໜົມອີກໜຶ່ງປະເເພດທີ່ຄົນລາວເຮົານິຍົມເອົາໄວ້ຮັບແຂກ ເນື່ອງຈາກໂຕເຂົ້າໜົມເອງເປັນເຂົ້າໜົມປະເພດທີ່ກິນງ່າຍ, ແຊບ ແລະ ຍັງງ່າຍຕໍ່ການຈັດໃສ່ຈານໃຫ້ສວຍງາມສໍາລັບຮັບແຂກຕາມງານຕ່າງໆລວມເຖິງແຂກທີ່ມາຢ້ຽມຢາມເຮົາຢູ່ບ້ານນໍາອີກ ຖືກໃຈທັງແຂກ ແລະ ເຈົ້າຂອງບ້ານເລີຍກໍວ່າໄດ້ 

6. ເຂົ້າໜົມແໜບ

ເຂົ້າໜົມແໜບຈາກຮ້ານປັນຈາ 

ເຂົ້າໜົມເປັນແປ້ງໜຽວໆນຸ້ມໆຮູບ 4 ຫຼ່ຽມທີ່ເປັນໄສ້ໝາກພ້າວ ຫໍ່ດ້ວຍໃບຕອງ ເຊິ່ງກໍເປັນອີກໜຶ່ງເຂົ້າໜົມທີ່ຄົນລາວເຮົານິຍົມເຮັດໃນງານບຸນຕ່າງໆ.

7. ເຂົ້າສັງຂະຫຍາ

ເຂົ້າສັງຂະຫຍາຈາກຮ້ານວົງປະເສີດເຂົ້າໜົມພື້ນບ້ານລາວ 

ໂຕນີ້ຖືໄດ້ວ່າເປັນເມນູທີ່ນິຍົມຂອງໃຜຫຼາຍໆຄົນກໍວ່າໄດ້ກັບ ເຂົ້າໜົມທີ່ເຮັດຈາກເຂົ້າແລ້ວມີໜ້າມາປົກ ເຊິ່ງຈະມີຫຼາຍໜ້າແຕກຕ່າງກັນໄປບໍ່ວ່າຈະເປັນໜ້າໄຂ່, ໜ້າທຸລຽນ. 

8. ກ້ວຍບວດຊີ

ກ້ວຍບວດຊີຈາກຮ້ານວົງປະເສີດເຂົ້າໜົມພື້ນບ້ານລາວ 

ເມນູກ້ວຍໆ ທີ່ລົດຊາດບໍ່ກ້ວຍ ກັບກ້ວຍບວດຊີ ເຊິ່ງເປັນເມນູໜຶ່ງທີ່ຖືໄດ້ວ່າຄົນລາວເຮົາພາກັນມັກຫຼາຍອີ່ຫຼີ ກັບລົດຊາດສົ້ມອົມຫວານຂອງກ້ວຍທີ່ຕັດກັບກະທິຫວານໆມັນໆຈາກໝາກພ້າວເຂົ້າກັນສຸດໆ. 

9. ເຂົ້າໜົມມັນຕົ້ນ

ເຂົ້າໜົມມັນຕົ້ນຈາກຮ້ານສາມແມ່ລູກ 

ເປັນອີກເຂົ້າໜົມປະເພດໜຶ່ງທີ່ພົບຫຼາຍຕາມງານລ້ຽງຕ່າງໆ ເພາະຖືໄດ້ວ່າເປັນເຂົ້າໜົມທີ່ຄົນລາວເຮົານິຍົມຮັບປະທານກັນນັ້ນເອງ. 

10. ນໍ້າຫວານ


ນໍ້າຫວານລວມມິດຈາກຮ້ານວົງປະເສີດເຂົ້າໜົມພື້ນບ້ານລາວ 

ນໍ້າຫວານເມນູງ່າຍໆທີ່ຫຼາຍຄົນມັກເຊິ່ງປະກອບມີຫຼາຍແບບບໍ່ວ່າຈະເປັນ: ລົດຊາດເຜືອກ, ມັນດ້າງ, ສາລີ, ນໍ້າຫວານໝາກແຕງ, ລວມມິດ ແລະ ອື່ນໆ... ຊົດນໍ້າແຊບໆ ຕັກຕ່ອນເຂົ້າປາກຫຍໍ້າຕຸ່ຍໆ ໃສ່ຕູ້ເຢັນໄວ້ກິນຍາມອາກາດຮ້ອນໆແຫ່ງຟິນນນນນຄັກ. 

ຂໍຂອບໃຈຮູບພາບເຂົ້າໜົມ ແລະ ຂອງຫວານພື້ນບ້ານລາວທີ່ເປັນຕາແຊບຕາແຊບນີ້ຈາກທັງ 3 ຮ້ານບໍ່ວ່າຈະເປັນ: 

  • ຮ້ານເຂົ້າໜົມລາວແຊບ ສາມແມ່ລູກ ຕັ້ງຢູ່ທີ່ ບ້ານໂພນພະເນົາ, ເມືອງໄຊເສດຖາ, ນະຄອນຫຼວງວຽງຈັນ ທີ່ເພິ່ນມີເຂົ້າໜົມແຊບໆເສີບໃຫ້ລູກຄ້າ ເຖິງ 3 ເມນູດ້ວຍກັນ ນອກຈາກເຮັດຂາຍແລ້ວເພິ່ນຍັງຮັບຈັດເສີບເຂົ້າໜົມຫວານນີ້ຕາມງານຕ່າງໆນໍາອີກ ໃຜທີ່ສົນໃຈຢາກໃຫ້ເພິ່ນຈັດເສີບໃຫ້ສາມາດຕິດຕໍ່ຫາເພິ່ນໄດ້ທີ່ເບີໂທ 020 77444004 , 02054443636 ຫຼື ແຟນເພຈ໌ ຂອງເພິ່ນທີ່ ຮ້ານເຂົ້າໜົມລາວແຊບສາມແມ່ລູກເດີ. 
  • ຮ້ານວົງປະເສີດເຂົ້າໜົມພື້ນບ້ານລາວ ຮ້ານນີ້ຕັ້ງຢູ່ທີ່ບ້ານວັດອາມາດ, ເມືອງ ແລະ ແຂວງຈໍາປາສັກ ເບີໂທ: 020 96338526 ແລະ 020 55359087 ລູກຄ້າທາງຈໍາປາສັກສາມາດຕິດຕໍ່ຫາຮ້ານເພິ່ນໄດ້ຖ້າເກີດວ່າສົນໃຈຢາກກິນນໍ້າຫວານ ຫຼື ສັງຂະຫຍາແຊບໆ. ນອກນີ້ຍາມບຸນຕາມສາສະໜາຕ່າງໆຮ້ານເພີ່ນກໍຍັງໄດ້ເຮັດຂາຍນໍາອີກເດີ. 
  • ຮ້ານປັນຈາ ຮ້ານນີ້ຕັ້ງທີ່ບ້ານວັດນະຄອນ, ເມືອງ ແລະ ແຂວງຈໍາປາສັກ. ຊາວຜູ້ອ່ານແຂວງຈໍາປາສັກຖ້າເກີດວ່າໃຜຢາກກິນເຂົ້າໜົມຫວານກໍສາມາດຕິກຕໍ່ສັ່ງຊື້ນໍາເພິ່ນໄດ້ເດີ ທີ່ເບີ 030 9808937 ນັ້ນເອງ (ພິເສດຮ້ານເພິ່ນຈະເຮັດຂາຍປະຈໍາທຸກໆວັນສຸກເດີ) 

ເປັນແນວໃດທ່ານຜູ້ອ່ານນ ຮັ່ນແນ່ ຢາກຂອງຫວານແບບລາວໆເຮົາແລ້ວແມ່ນບໍ? ວ່າງໆກໍພາກັນຫາສູດລອງເຮັດກິນແກ້ຄວາມຄິດຮອດເບິ່ງເດີ ຫຼື ບໍບາງເທື່ອບົດຄວາມຕໍ່ໄປຜູ້ຂຽນອາດຈະໃຈດີເອົາສູດ ແລະ ວິທີເຮັດເຂົ້າໜົມແຕ່ລະຢ່າງມາຝາກກໍເປັນໄດ້ ຢ່າລືມຕິດຕາມ ແລະ ໃຫ້ກໍາລັງໃຈກັນເດີ!! 

Bye!!  Byeee!! 


ຂຽນໂດຍ: J’daisy

Advertisement Replay Ad
ໜຸ່ມດວງເຮັງ ຖືກເລກ 5 ໂຕ 4 ໂຕ ແລະ 3 ໂຕພ້ອມກັນ ກວາດເງິນລາງວັນໄປຫຼາຍກວ່າ 300 ລ້ານກີບ

ໜຸ່ມດວງເຮັງ ຖືກເລກ 5 ໂຕ 4 ໂຕ ແລະ 3 ໂຕພ້ອມກັນ ກວາດເງິນລາງວັນໄປຫຼາຍກວ່າ 300 ລ້ານກີບ

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 29 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 29 ຕຸລາ 2020

ເຈົ້າເຊື່ອວ່າພະຍານາກມີຈິງບໍ່? ເປີດເລື່ອງລາວກ່ຽວກັບພະຍານາກທີ່ຜູກພັນກັບສັງຄົມລາວມາແຕ່ບູຮານ

ເຈົ້າເຊື່ອວ່າພະຍານາກມີຈິງບໍ່? ເປີດເລື່ອງລາວກ່ຽວກັບພະຍານາກທີ່ຜູກພັນກັບສັງຄົມລາວມາແຕ່ບູຮານ

ຊົມເຊີຍລີນ້າ! ສາວໃຈເດັດ ສູ້ບໍ່ຍອມຈຳນົນ ໄດ້ຮັບລາງວັນຄວາມກ້າຫານ ຈາກຄ້າຍມວຍແຫ່ງຊາດລາວ

ຊົມເຊີຍລີນ້າ! ສາວໃຈເດັດ ສູ້ບໍ່ຍອມຈຳນົນ ໄດ້ຮັບລາງວັນຄວາມກ້າຫານ ຈາກຄ້າຍມວຍແຫ່ງຊາດລາວ

ໂຈນທີ່ດຶງກະເປົາສາວນັກສຶກສາ ຈະຖືກລົງໂທດໃນສະຖານໃດ?

ໂຈນທີ່ດຶງກະເປົາສາວນັກສຶກສາ ຈະຖືກລົງໂທດໃນສະຖານໃດ?

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 22 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 22 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 21 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 21 ຕຸລາ 2020

ແມ່ຍິງຄົນນີ້ຖືກເລກຫຼາຍກວ່າ 14 ຕື້ ປະຕິເສດທີ່ຈະໃຊ້ຊີວິດຢ່າງຫຼູຫຼາ ແລ້ວມາລ້ຽງໝູໃນຟາມແທນ

ແມ່ຍິງຄົນນີ້ຖືກເລກຫຼາຍກວ່າ 14 ຕື້ ປະຕິເສດທີ່ຈະໃຊ້ຊີວິດຢ່າງຫຼູຫຼາ ແລ້ວມາລ້ຽງໝູໃນຟາມແທນ

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 15 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 15 ຕຸລາ 2020

ລວມສະຖານທີ່ສຳຄັນໃນໃບເງິນກີບ ແຕ່ລະໃບມີຮູບບ່ອນໃດແດ່?

ລວມສະຖານທີ່ສຳຄັນໃນໃບເງິນກີບ ແຕ່ລະໃບມີຮູບບ່ອນໃດແດ່?

ຖ້າບໍ່ນົວຄືຈົບ! Iron Chef ເຖິງຕ້ອງເຊ ເມື່ອຕ້ອງເຈິໂຈດ ເຮັດອາຫານລາວ

ຖ້າບໍ່ນົວຄືຈົບ! Iron Chef ເຖິງຕ້ອງເຊ ເມື່ອຕ້ອງເຈິໂຈດ ເຮັດອາຫານລາວ

ອີກດົນປານໃດຈຶ່ງຈະໄດ້ໃຊ້? ອົງການອະນາໄມໂລກຄາດ ວັກຊີນໂຄວິດ-19 ອາດຜະລິດທັນພ້ອມໃຊ້ໃນປາຍປີນີ້

ອີກດົນປານໃດຈຶ່ງຈະໄດ້ໃຊ້? ອົງການອະນາໄມໂລກຄາດ ວັກຊີນໂຄວິດ-19 ອາດຜະລິດທັນພ້ອມໃຊ້ໃນປາຍປີນີ້

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 12 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 12 ຕຸລາ 2020

ແຈກສູດ "3 ເມນູອາຫານເຈ" ເຮັດງ່າຍໆ ໃຜກໍເຮັດໄດ້ ຕ້ອນຮັບເທດສະການກິນເຈ 2020

ແຈກສູດ "3 ເມນູອາຫານເຈ" ເຮັດງ່າຍໆ ໃຜກໍເຮັດໄດ້ ຕ້ອນຮັບເທດສະການກິນເຈ 2020

ໄດ້ກົ້ມໜ້າແລ້ວບໍ່ຢາກເງີຍ! ພາຮູ້ຈັກNomophobia ໂຣກຂອງຄົນຕິດໂທລະສັບ (ສະມາຄົມກົ້ມໜ້າ)

ໄດ້ກົ້ມໜ້າແລ້ວບໍ່ຢາກເງີຍ! ພາຮູ້ຈັກNomophobia ໂຣກຂອງຄົນຕິດໂທລະສັບ (ສະມາຄົມກົ້ມໜ້າ)

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 8 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 8 ຕຸລາ 2020

ຄະນະສະເພາະກິດຍັງໃຫ້ຮ້ານບັນເທີງ-ຄາຣາໂອເກະສືບຕໍ່ປິດ - ສ່ວນງານບຸນໃຫ້ເຂັ້ມງວດມາດຕະການປ້ອງກັນ

ຄະນະສະເພາະກິດຍັງໃຫ້ຮ້ານບັນເທີງ-ຄາຣາໂອເກະສືບຕໍ່ປິດ - ສ່ວນງານບຸນໃຫ້ເຂັ້ມງວດມາດຕະການປ້ອງກັນ

ອ່ານດວງລາຍວັນປະຈໍາວັນພະຫັດ ທີ 8 ຕຸລາ 2020 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 8 ຕຸລາ 2020 ຕາມແຕ່ລະວັນເກີດ

ສ້າງອະນາຄົດໄປພ້ອມກັນ! ຄູ່ຮັກແບບຢ່າງ ຊ່ວຍກັນຫາ ທ້ອນເງິນພຽງ 4 ເດືອນໄດ້ 10 ກວ່າລ້ານ

ສ້າງອະນາຄົດໄປພ້ອມກັນ! ຄູ່ຮັກແບບຢ່າງ ຊ່ວຍກັນຫາ ທ້ອນເງິນພຽງ 4 ເດືອນໄດ້ 10 ກວ່າລ້ານ

ຫຼື ວ່າໂລກນີ້ຈະມີເຊື້ອພະຍາດຈາກ "ແມວ" ທີ່ສາມາດຄວບຄຸມຈິດໃຈຂອງເຮົາໃຫ້ຫຼົງຮັກແມວໄດ້?

ຫຼື ວ່າໂລກນີ້ຈະມີເຊື້ອພະຍາດຈາກ "ແມວ" ທີ່ສາມາດຄວບຄຸມຈິດໃຈຂອງເຮົາໃຫ້ຫຼົງຮັກແມວໄດ້?

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ