ວັນເສົາ ທີ 31 ຕຸລາ 2020

ຢ່າຫາເຮັດ! ເອົາໃຈຄົນອື່ນຫຼາຍ ຈົນກາຍເປັນທຳຮ້າຍໃຈຕົວເອງ

ຢ່າຫາເຮັດ! ເອົາໃຈຄົນອື່ນຫຼາຍ ຈົນກາຍເປັນທຳຮ້າຍໃຈຕົວເອງ
S! Muan

ສະໜັບສະໜູນເນື້ອຫາ

10 ສັນຍານທີ່ບອກວ່າ ເຈົ້າກຳລັງສົນໃຈຄວາມຮູ້ສຶກຄົນອື່ນຫຼາຍເກີນໄປ ແລະ ເຈົ້າຄວນຢຸດທັນທີ. 

ເຈົ້າເຄີຍຮູ້ສຶກບໍວ່າ ເຈົ້າວາງຄວາມຕ້ອງການຂອງຕົວເອງໄວ້ກ່ອນ, ລືມເວລາຂອງຕົວເອງ ແລະ ຮູ້ສຶກກົດດັນອຶດອັດ ພຽງເພາະເຈົ້າຕ້ອງການທີ່ຈະເຮັດໃຫ້ຄົນອື່ນຮູ້ສຶກດີກັບເຈົ້າ ແລະ ມັກເຈົ້າ? ການເຮັດໃຫ້ຄົນອື່ນຮູ້ສຶກດີກັບເຮົາແມ່ນເປັນສິ່ງທີ່ພິເສດ, ແຕ່ມັນຈະກາຍເປັນດາບສອງຄົມທີ່ທຳຮ້າຍຈິດໃຈເຈົ້າທັນທີ ຖ້າເຈົ້າພະຍາຍາມເອົາໃຈຄົນອື່ນທຸກໆເລື່ອງ ມັນຈະກາຍເປັນນິໄສທີ່ເຈົ້າບໍ່ປາດຖະໜາ ແລະ ເຈົ້າເອງສ່ຽງສູນເສຍຄວາມເປັນຕົວເອງໄດ້. 

ສັນຍານທີ 1: ເຈົ້າຮູ້ສຶກວ່າມັນຍາກເກີນໄປທີ່ຈະເວົ້າປະຕິເສດຄົນອື່ນ 

ເຈົ້າມັກທີ່ຈະຊ່ວຍເຫຼືອຄົນອື່ນຕະຫຼອດເວລາ, ຈັດການທຸກຢ່າງໃຫ້ພວກເຂົາ ຫຼືື ຕອບຮັບຄຳຂໍງ່າຍໆ ເປັນຕົ້ນ. ເຫດຜົນນັ້ນກໍ່ສາມາດເຂົ້າໃຈໄດ້ງ່າຍໆ: ເຈົ້າບໍ່ກ້າເວົ້າປະຕິເສດຄຳຂໍຂອງພວກເຂົາ ຍ້ອນຢ້ານຢ້ານພວກເຂົາຄຽດ ຫຼື ນ້ອຍໃຈ, ເສຍໃຈ ຫຼື ຢາກຮ້າຍ ເປັນຕົ້ນ. ເຈົ້າຮູ້ສຶກຜິດຖ້າຫາກວ່າເຈົ້າເວົ້າປະຕິເສດອອກໄປ. ດັ່ງນັ້ນ, ຈຶ່ງເຮັດໃຫ້ເຈົ້າຕອບຕົກລົງທຸກເທື່ອ ເຖິງມັນຈະໝາຍເຖິງການທີ່ເຈົ້າຈະບໍ່ໄດ້ໃຊ້ເວລາຂອງຕົວເອງກໍ່ຕາມ.

Image: Designed by cookie_studio / Freepik 

ສັນຍານທີ 2 ເຈົ້າຕ້ອງການທີ່ຈະເຮັດໃຫ້ທຸກຄົນອ້ອມຂ້າງມັກ ແລະ ຮູ້ສຶກດີກັບເຈົ້າ 

ຄວາມຢ້ານທີ່ຈະຖືກປະຕິເສດເປັນອີກພຶດຕິກຳໜຶ່ງທີ່ຊຸກຍູ້ເຮັດໃຫ້ເຮົາເອົາອົກເອົາໃຈຄົນອື່ນຫຼາຍກວ່າປົກກະຕິ. ຢ້ານທີ່ຈະຢູ່ຄົນດຽວຖ້າຄົນອື່ນບໍ່ຮັກເຈົ້າ. ດ້ວຍເຫດນັ້ນເຈົ້າຈຶ່ງພະຍາຍາມເຮັດ ແລະ ປ່ຽນແປງທຸກຢ່າງເພື່ອບໍ່ໃຫ້ສິ່ງນັ້ນເກີດຂຶ້ນຈຶ່ງຈະຕ້ອງແລກກັບຄວາມບໍ່ເປັນຕົວເອງກໍ່ຕາມ ແລະ ເຈົ້າຈະຖືກຄົນອື່ນໃຊ້ໄດ້ຢ່າງງ່າຍດາຍ.

Image: Designed by javi_indy / Freepik 

ສັນຍານທີ 3 ອາລົມແງ່ລົບຂອງຄົນອື່ນເຮັດໃຫ້ເຈົ້າຮູ້ສຶກບໍ່ດີໄປນຳ 

ເມື່ອຄົນອ້ອມຂ້າງຮູ້ສຶກບໍ່ດີ ຄົນທີ່ສົນໃຈແຕ່ຄວາມຮູ້ສຶກຂອງຄົນອື່ນຫຼາຍກວ່າຄວາມຮູ້ສຶກຕົວເອງ ຈະຄິດວ່າມັນເປັນຍ້ອນພວກເຂົາ, ເມື່ອຄົນທີ່ຢູ່ອ້ອມຂ້າງອາລົມບໍ່ດີ ກໍ່ມັກຈະຄິດໄປວ່າຄົນຢູ່ອ້ອມຂ້າງຮູ້ສຶກບໍ່ດີກັບພວກເຂົານຳ ແລ້ວກໍ່ຮູ້ສຶກຜິດ, ໂທດຕົວເອງ ແລະ ຫາວິທີເພື່ອເຮັດໃຫ້ຄົນອ້ອມຂ້າງກັບມາມີຄວາມສຸກຄືເກົ່າ ເຖິງມັນຈະບໍ່ແມ່ນເລື່ອງຂອງພວກເຂົາກໍ່ຕາມ. ເມື່ອຄົນທີ່ຢູ່ອ້ອມຂ້າງອາລົມບໍ່ດີ ຄົນທີ່ສົນແຕ່ເອົາໃຈຄົນອື່ນ ຈະຄິດໄປວ່າຄົນຢູ່ອ້ອມຂ້າງຮູ້ສຶກບໍ່ດີກັບພວກເຂົານຳ.  

Image by wayhomestudio 

ແຕ່ຢ່າລືມວ່າຄວາມຮັບຜິດຊອບໃນການຄວບຄຸມອາລົມ ແລະ ຄວາມຮູ້ສຶກ ເປັນເລືື່ອງສ່ວນບຸກຄົນ ເຈົ້າບໍ່ຕ້ອງຮູ້ສຶກຜິດ ຫຼື ເສຍໃຈກັບສິ່ງນັ້ນ. ຄວາມສຸກຂອງໃຜ ຄົນນັ້ນກໍ່ຕ້ອງຮຽນຮູ້ທີ່ຈະຄວບຄູມ ແລະ ສ້າງມັນດ້ວຍຕົວເອງ 

ສັນຍານທີ 4 ເຈົ້າຮູ້ສຶກຜິດ ແລະ ຂໍໂທດກັບທຸກສິ່ງທີ່ເກີດຂຶ້ນຂຶ້ນ ເຖິງວ່າມັນຈະບໍ່ຈຳເປັນກໍ່ຕາມ 

ເມື່ອສະຖານະການບໍ່ເປັນໃຈ ສິ່ງທຳອິດທີ່ເຈົ້າຈະສະແດງອອກມາກໍ່ຄື “ຂ້ອຍຂໍໂທດ” ບໍ່ວ່າແມ່ນຫຍັງຈະເກີດຂຶ້ນກໍ່ຕາມ, ເຈົ້າມັກທີ່ຈະໂທດວ່າ ເປັນຄວາມຜິດເຈົ້າເອງ ແລະ ແບກຮັບເອົາສິ່ງທີ່ເກີດຂຶ້ນໄວ້.  

ເຊິ່ງສິ່ງນີ້ມັນເປັນສິ່ງທີ່ມາຈາກຈິດໃຈຂອງເຈົ້າທີ່ພະຍາຍາມຈະເຮັດດີ ແລະ ສຸພາບກັບຄົນອ້ອມຂ້າງ, ແຕ່ສຸດທ້າຍແລ້ວ ມັນຈະກັບມາທຳຮ້າຍເຈົ້າ, ເຮັດໃຫ້ເຈົ້າບໍ່ພູມໃຈໃນຕົວເອງຫຼາຍຂຶ້ນ ແລະ ຍິ່ງເຮັດເລື້ອຍໆມັນຈະກາຍເປັນນິໄສໄປເລີຍ ເຊິ່ງມັນບໍ່ດີໃນໄລຍະຍາວແນ່ນອນ.

Designed by cookie_studio / Freepik  

ສັນຍານທີ 5: ເຈົ້າເອົາຄວາມຕ້ອງການຂອງຕົວເອງໄວ້ຕາມຫຼັງ 

ເພາະວ່າເຈົ້າຫຍຸ້ງຢູ່ກັບເລືື່ອງຄວາມຮູ້ສຶກຂອງຄົນອື່ນຫຼາຍເກີນໄປ ຈົນມັກທີ່ຈະລືມຄວາມຄິດ ແລະ ຄວາມຕ້ອງການຂອງຕົວເອງ. ເຈົ້າກາຍເປັນຄົນທີ່ມີຄວາມສາມາດໃນການເອົາຄວາມຕ້ອງການສ່ວນຕົວໄວ້ກ່ອນແລ້ວສົນໃຈຄວາມຮູ້ສຶກຂອງຄົນອື່ນເປັນຫຼັກ ແລະ ລືມຄວາມຕ້ອງການຂອງຕົວເອງໃນຊົ່ວເວລານັ້ນໄປເລີຍ. ໜັກໄປກວ່ານັ້ນມັນອາດຈະຮອດຈຸດທີ່ເຮັດໃຫ້ເຈົ້າຮູ້ສຶກລຳບາກທີ່ຈະບອກອາລົມ, ຄວາມຕ້ອງການຂອງຕົວເຈົ້າເອງອອກມາ ແລະ ບໍ່ສາມາດເລືອກສິ່ງທີ່ດີສຳລັບຕົວເອງໄດ້. ສຸດທ້າຍເຈົ້າກໍ່ມັກທີ່ຈະເຮັດໃນສິ່ງທີ່ຕົວເອງບໍ່ໄດ້ຕ້ອງການ ຫຼື ຢາກໄດ້ເລີຍ ພຽງແຕ່ຕອບຮັບໄປເພາະຢ້ານຄົນອື່ນເສຍໃຈ.

Designed by standret / Freepik 

ສັນຍານທີ 6: ເຈົ້າມັກທີ່ຈະໃຫ້ຫຼາຍກວ່າຮັບເອົາມາ, ເຖິງແມ່ນວ່າມັນຈະເຮັດໃຫ້ເຈົ້າລຳບາກກໍ່ຕາມ 

ການເສຍສະຫຼະເພື່ອຄົນອື່ນ ແລະ ເຮັດໃຫ້ຄົນອື່ນຫຼາຍເກີນໄປ ຈະກາຍເປັນເລື່ອງປົກກະຕິສຳລັບຄົນທີ່ພະຍາຍາມຈະເອົາອົກເອົາໃຈຄົນອື່ນເພື່ອເຮັດໃຫ້ຄົນອື່ນຮູ້ສຶກດີກັບເຮົາ.  

ຕົວຢ່າງ: ເຈົ້າຈະຮັບເຮັດວຽກແທນຄົນອື່ນ, ເຮັດວຽກເພື່ອຄົນອື່ນ ແລະ ໃຫ້ຄົນອື່ນມີເວລາສ່ວນຕົວຂອງເຂົາເຈົ້າ, ເຈົ້າຕິດຢູ່ກັບຄວາມສຳພັນທີ່ເປັນພິດ, ເຊິ່ງເຈົ້າຈະໃຫ້ຫຼາຍກວ່າທີ່ຈະຮັບ. ເຈົ້າອາດຈະຫວັງວ່າຄົນອື່ນຈະຮູ້ສຶກເຫັນໄດ້ ແລະ ຊົມເຊີຍສິ່ງທີ່ເຈົ້າເຮັດ, ແຕ່ປົກກະຕິແລ້ວ, ຄົນອື່ນໆ ຈະມີທ່າອ່ຽງວ່າຈະໃຊ້ຄວາມສະບາຍໃຈດີຂອງເຈົ້າເປັນເຄື່ອງມືໃຫ້ພວກເຂົາແທນ ແລະ ໃນທ້າຍທີ່ສຸດເຈົ້າຈະບໍ່ມີຫຍັງເຫຼືອສຳລັບຕົວເອງເລີຍແມ່ນແຕ່ຄວາມຮູ້ສຶກດີໆທີ່ເຄີຍມີ.

Designed by macrovector / Freepik 

ການເສຍສະຫຼະເປັນເລື່ອງດີແຕ່ຄວນເບິ່ງໃຫ້ພໍດີພໍຄວນ ເຮັດດີກັບເຂົາຈົນຕົວຕາຍ ມັນກໍ່ຄັກປານໃດ 

ທ່ານຄິດແນວໃດກັບເລື່ອງນີ້, ແລ້ວເຈົ້າຮັບໄດ້ບໍ່ ກັບສິ່ງທີ່ຈະເກີດຂຶ້ນ? 

ສັນຍານທີ 7ເຈົ້າຮູ້ສຶກວ່າຕ້ອງຮັບຜິດຊອບກັບສິ່ງທີ່ຄົນອື່ນຮູ້ສຶກ 

ເຈົ້າເບິ່ງຄືກັບວ່າຈະຮັບຮູ້ທຸກໆອາລົມຄວາມຮູ້ສຶກທີ່ປ່ຽນແປງຂຶ້ນລົງຂອງໝູ່ເພື່ອນ ແລະ ຄົນໃນຄອບຄົວ, ເຊິ່ງມັນເຮັດໃຫ້ເຈົ້າຮູ້ສຶກເປັນຫ່ວງ.  

ເຊິ່ງໃນໄລຍະທີ່ອຶດອັດແບບນີ້, ເຈົ້າອາດຈະໂທດຕົວເອງທີ່ບໍ່ສາມາດເຮັດໃຫ້ຄົນອ້ອມຂ້າງສະຫງົບອາລົມລົງໄດ້ ແລະ ບໍ່ສາມາດເຮັດໃຫ້ພວກເຂົາມີຄວາມສຸກໄດ້. ແຕ່ຄວາມຈິງກໍ່ຄື, ຄວາມຮັບຜິດຊອບໃນອາລົມຄວາມຮູ້ສຶກສ່ວນຕົວ ມັນຕ້ອງແມ່ນຄວາມຮັບຜິດຊອບຂອງໃຜລາວທີ່ຈະຄວບຄຸມມັນດ້ວຍຕົວເອງ ມັນບໍ່ແມ່ນຄວາມຜິດຂອງເຈົ້າ, ແຕ່ຖ້າເຈົ້າເປັນຄົນທີ່ເອົາໃຈຄົນອື່ນຫຼາຍເກີນໄປ ເຈົ້າຈະຮັບເອົາຄວາມຮັບຜິດຊອບທຸກຢ່າງມາໄວ້ໃນຕົວເອງ ເຊິ່ງມັນບໍ່ດີຕໍ່ຕົວເຈົ້າເອງແນ່ນອນ.

Designed by rawpixel.com / Freepik 

ສັນຍານທີ 8ເຈົ້າພະຍາຍາມທີ່ຈະເຮັດໂຕຄ້າຍຄື ແລະ ເຂົ້າກັບຄົນອື່ນໆອ້ອມຂ້າງເຈົ້າໂດຍທີ່ເຈົ້າບໍ່ໄດ້ມັກມັນເລີຍ 

ຖ້າເຈົ້າເປັນຄົນໜຶ່ງທີ່ບໍ່ກ້າສະແດງຕົວຕົນຂອງເຈົ້າອອກມາໃຫ້ຄົນອື່ນເຫັນ ມັນກໍ່ອາດເປັນສັນຍານໜຶ່ງທີ່ບອກວ່າເຈົ້າເປັນຄົນທີ່ສົນໃຈຄົນອື່ນຫຼາຍເກີນໄປ ຢ້ານຄົນອື່ນຮັບບໍ່ໄດ້, ບໍ່ມັກຕົວຕົນຂອງເຮົາ ເລີຍບໍ່ກ້າສະແດງຕົວຕົນທີ່ແທ້ຂອງເຮົາອອກໄປ.  

ເມື່ອເຈົ້າພະຍາຍາມເຮັດໂຕທີ່ຄ້າຍຄືກັບຄົນອື່ນ ຈົນກາຍເປັນຝືນຕົວເອງ ບໍ່ວ່າຈະເປັນການຕັດສິນໃຈຕາມນ້ຳໄປນຳຄົນອ້ອມຂ້າງ ແລະ ຫຼອກຕົວເອງໃຫ້ຄິດວ່າເຮົາກໍ່ເປັນຄົນແບບດຽວກັນກັບພວກເຂົາ. ທີ່ເຈົ້າເຮັດແບບນັ້ນເພາະເຈົ້າເຊື່ອວ່າຈະເຮັດໃຫ້ຄົນອ້ອມຂ້າງຈະມັກເຈົ້າຫຼາຍຂຶ້ນ ແລະ ບັນຍາກາດອ້ອມໆຂ້າງກໍ່ຈະສະບາຍຂຶ້ນ.  

ລອງຖາມເບິ່ງວ່າເຈົ້າຮູ້ສຶກສະບາຍແທ້ບໍ່ທີ່ຕ້ອງສະແດງແບບນັ້ນ?

Designed by drobotdean / Freepik

ສັນຍານທີ 9ເຈົ້າຕ້ອງການໃຫ້ຄົນອື່ນໃຫ້ກຳລັງໃຈ ຫຼື ຍ້ອງຍໍເຈົ້າເພື່ອຈະໄດ້ຮູ້ສຶກມີຄຸນຄ່າ 

ຖ້າເຈົ້າເປັນຄົນໜຶ່ງທີ່ຊອກຫາການຍ້ອງຍໍຈາກຄົນອື່ນ ເຮັດທຸກຢ່າງເພື່ອໃຫ້ຄົນອື່ນມັກ ແລະ ເຮັດໃນສິ່ງທີ່ຄົນອື່ນຢາກໃຫ້ເຮັດ... ສະແດງວ່າເຈົ້າເປັນໜຶ່ງໃນຄົນທີ່ສົນໃຈຄວາມຮູ້ສຶກຂອງຄົນອື່ນຫຼາຍເກີນໄປ.  

ເຊິ່ງແນ່ນອນວ່າ ສ່ວນໃຫຍ່ມັນເກີດມາຈາກຄວາມບໍ່ໝັ້ນໃຈໃນຕົວເອງທີ່ຕ່ຳ. ເມື່ອໄດ້ຮັບຄວາມນິຍົມຈາກຄົນອື່ນເຮັດໃຫ້ເຈົ້າຮູ້ສຶກເປັນທີ່ຮັກ, ເປັນທີ່ຕ້ອງການ ແລະ ມີຄຸນຄ່າ. 

ໃນສາຍຕາຂອງເຈົ້າເບິ່ງຄືກັບວ່າຄົນອື່ນໃຫ້ວາມສຳຄັນກັບຕົວເຈົ້າ, ໃສ່ໃຈ ແລະ ຊົມເຊີຍເຈົ້າ ແລະ ທ້າຍທີ່ສຸດຈະເຮັດໃຫ້ເຈົ້າຮູ້ສຶກດີກ່ຽວກັບຕົວເຈົ້າເອງ. 

ແລ້ວຖ້າຄົນອື່ນບໍ່ຍ້ອງຍໍ ຫຼື ຊົມເຊີຍເດ ເຈົ້າຈະຮູ້ສຶກແນວໃດ?

Designed by Freepik 

ສັນຍານທີ່ 10: ເຈົ້າຈະບໍ່ຍອມຮັບວ່າ ກຳລັງຮູ້ສຶກບໍ່ດີ ເຖິງໃນຄວາມເປັນຈິງເຈົ້າຈະກໍາລັງຮູ້ສຶກເຈັບຢູ່ກໍ່ຕາມ 

ອີກໜຶ່ງສັນຍານທີ່ບົ່ງບອກວ່າເຈົ້າສົນໃຈຄວາມຮູ້ສຶກຂອງຄົນອື່ນຫຼາຍເກີນໄປກໍ່ຄື ການທີ່ເຈົ້າພະຍາຍາມທີ່ຈະເຮັດໃຫ້ຄົນອື່ນພໍໃຈຢູ່ຕະຫຼອດເວລາ ມັນຈຶ່ງເຮັດໃຫ້ເຈົ້າເອົາຄວາມກົດດັນທັງໝົດມາໄວ້ໃນຕົວເຈົ້າເຊັ່ນກັນ. ເຈົ້າຈະພະຍາຍາມທີ່ຈະເຊື່ອງຄວາມຮູ້ສຶກທີ່ບໍ່ດີທີ່ຕົວເອງກຳລັງປະເຊີນຢູ່ເພືື່ອທີ່ຈະບໍ່ເຮັດໃຫ້ຄົນອື່ນຮູ້ບໍ່ດີ ຫຼື ລຳຄານ. ເຈົ້າຈະປະຕິເສດວ່າເຈົ້າບໍ່ຮູ້ສຶກເສົ້າ, ບໍ່ຮູ້ສຶກຢາກຮ້າຍ, ບໍ່ຮູ້ສຶກຜິດຫວັງຫຍັງເລີຍ ແລະ ສວມໜ້າກາກທີ່ວ່າຕົວເອງມີຄວາມສຸກຢູ່ຕະຫຼອດເວລາ. ເຊິ່ງສິ່ງເຫຼົ່ານີ້ສາມາດນຳໄປສູ່ການທີ່ເຮັດໃຫ້ເຈົ້າບໍ່ສາມາດເຂົ້າໃຈອາລົມຂອງຕົວເອງອີກຕໍ່ໄປ.

Designed by cookie_studio / Freepik 

ນອກຈາກບັນດາສັນຍານທີ່່ກ່າວມາຂ້າງເທິງນີ້ກໍ່ຍັງມີອີກຫຼາຍໆຢ່າງທີ່ບົ່ງບອກວ່າເຮົາສົນໃຈຄົນອື່ນຫຼາຍເກີນໄປຈົນລືມຕົວເອງ. ການສົນໃຈຄົນອື່ນອ້ອມໆຂ້າງແມ່ນເປັນການດີເພາະເຮົາຢູ່ຮ່ວມກັນ ແຕ່ກໍ່ຄວນເຮັດແບບພໍດີພໍງາມ ເຮົາສົນໃຈຄວາມຮູ້ສຶກຂອງຄົນອື່ນໄດ້ ແຕ່ຕ້ອງເປັນຕົວເອງໃຫ້ຫຼາຍທີ່ສຸດ ຢູ່ໃນລະດັບທີ່ເໝາະສົມເພື່ອຄວາມຮູ້ສຶກທີ່ດີ ແລະ ຄວາມສຸກຂອງເຮົາເອງ. ເມື່ອເຮົາມີຄວາມສຸກເຮົາຍ່ອມຈະພະຍາຍາມດຶງຄົນອື່ນໃຫ້ມີຄວາມສຸກໄດ້ໃນແບບທີ່ເຂົາເຈົ້າເປັນຕົວຂອງເຂົາເອງໄດ້ເຊັ່ນດຽວກັນ 

ເຈົ້າສົນໃຈຄວາມຮູ້ສຶກຂອງຄົນອື່ນຫຼາຍກວ່າຄວາມຮູ້ສຶກຂອງເຈົ້າບໍ່? ທ່ານສາມາດແບ່ງປັນຄວາມຄິດຂອງທ່ານໄດ້ຜ່ານການສະແດງຄວາມຄິດເຫັນໄດ້ເລີຍ. 


ຂຽນ, ແປ ແລະ ຮຽບຮຽງໂດຍ: Thanakone LLS 

ແຫຼ່ງອ້າງອີງ: 

Advertisement Replay Ad
ເຮັດແນວໃດດີ ເມື່ອຂ້ອຍຫຼົງຮັກໝູ່ຂອງຕົນເອງ?

ເຮັດແນວໃດດີ ເມື່ອຂ້ອຍຫຼົງຮັກໝູ່ຂອງຕົນເອງ?

ເປັນຫຍັງສະພາແຫ່ງຊາດຈຶ່ງມີສິດ ແລະ ໜ້າທີ່ໃນການຕີຄວາມໝາຍກົດໝາຍ?

ເປັນຫຍັງສະພາແຫ່ງຊາດຈຶ່ງມີສິດ ແລະ ໜ້າທີ່ໃນການຕີຄວາມໝາຍກົດໝາຍ?

ຢູ່ດີໆຄວາມຊົງຈໍາກໍຫາຍ "TGA" ກຸ່ມອາການສູນເສຍຄວາມຊົງຈໍາຊົ່ວຄາວ

ຢູ່ດີໆຄວາມຊົງຈໍາກໍຫາຍ "TGA" ກຸ່ມອາການສູນເສຍຄວາມຊົງຈໍາຊົ່ວຄາວ

ແຈກ 5 ເມນູ ໃຫ້ພໍ່ແມ່ຊວນລູກນ້ອຍເຂົ້າເຮືອນຄົວ ເຮັດອາຫານແຊບໆ ມ່ວນຊື່ນໝົດຄອບຄົວ

ແຈກ 5 ເມນູ ໃຫ້ພໍ່ແມ່ຊວນລູກນ້ອຍເຂົ້າເຮືອນຄົວ ເຮັດອາຫານແຊບໆ ມ່ວນຊື່ນໝົດຄອບຄົວ

ລວມວິທີ ທີ່ຈະຊ່ວຍໃຫ້ໜ້າທີ່ການງານຂອງເຮົາມີຄວາມໝັ້ນຄົງ

ລວມວິທີ ທີ່ຈະຊ່ວຍໃຫ້ໜ້າທີ່ການງານຂອງເຮົາມີຄວາມໝັ້ນຄົງ

ລວມ 6 ເຕັກນິກດີໆ ທີ່ສາມາດມັດໃຈພໍ່ແມ່ແຟນໄດ້

ລວມ 6 ເຕັກນິກດີໆ ທີ່ສາມາດມັດໃຈພໍ່ແມ່ແຟນໄດ້

ເປີດຕໍານານຍອດນັກສືບ Sherlock Holmes ຕົວລະຄອນຈາກນະວະນິຍາຍທີ່ມີຊື່ສຽງ ແລະ ໂດ່ງດັງໄປທົ່ວໂລກ

ເປີດຕໍານານຍອດນັກສືບ Sherlock Holmes ຕົວລະຄອນຈາກນະວະນິຍາຍທີ່ມີຊື່ສຽງ ແລະ ໂດ່ງດັງໄປທົ່ວໂລກ

ເປັນຫຍັງຈຶ່ງຕ້ອງໂຄສະນາ ເຜີຍແຜ່ ລັດຖະທໍາມະນູນ ແລະ ກົດໝາຍ?

ເປັນຫຍັງຈຶ່ງຕ້ອງໂຄສະນາ ເຜີຍແຜ່ ລັດຖະທໍາມະນູນ ແລະ ກົດໝາຍ?

ວັນໜຶ່ງຂ້ອຍຈະຕ້ອງລືມເຈົ້າໃຫ້ໄດ້ How to ເຮັດແນວໃດໃຫ້ລືມແຟນເກົ່າແບບຈົມດິນ

ວັນໜຶ່ງຂ້ອຍຈະຕ້ອງລືມເຈົ້າໃຫ້ໄດ້ How to ເຮັດແນວໃດໃຫ້ລືມແຟນເກົ່າແບບຈົມດິນ

ຮູ້ຈັກ 9 ນິໄສນ້ອຍໆທີ່ຈະປ່ຽນແປງໃຫ້ຊີວິດເຮົາດີຂຶ້ນ

ຮູ້ຈັກ 9 ນິໄສນ້ອຍໆທີ່ຈະປ່ຽນແປງໃຫ້ຊີວິດເຮົາດີຂຶ້ນ

ກ່ອນຈະມາເປັນນະຄອນຫຼວງວຽງຈັນ ແລະ ພະທາດຫຼວງທີ່ປວງຊົນລາວສັກກາລະບູຊາ

ກ່ອນຈະມາເປັນນະຄອນຫຼວງວຽງຈັນ ແລະ ພະທາດຫຼວງທີ່ປວງຊົນລາວສັກກາລະບູຊາ

ແຕ່ງໜ້າຫຼາຍ ພັກຜ່ອນໜ້ອຍ ກໍສາມາດມີຜິວຂາວສະຫວ່າງໃສໄດ້ ຕາມແບບ "ບາບີ້ ປິຍະມາດ"

ແຕ່ງໜ້າຫຼາຍ ພັກຜ່ອນໜ້ອຍ ກໍສາມາດມີຜິວຂາວສະຫວ່າງໃສໄດ້ ຕາມແບບ "ບາບີ້ ປິຍະມາດ"

ລວມຊ່ອງຝຶກພາສາອັງກິດໃຫ້ແກ່ລູກນ້ອຍຂອງທ່ານ

ລວມຊ່ອງຝຶກພາສາອັງກິດໃຫ້ແກ່ລູກນ້ອຍຂອງທ່ານ

ຜິວພັນດີຕ້ອງມີຕົວຊ່ວຍ! "ແກ້ວຕາ" ມີເຄັດລັບຜິວງາມສຸຂະພາບດີມາຝາກສາວລາວທຸກຄົນ

ຜິວພັນດີຕ້ອງມີຕົວຊ່ວຍ! "ແກ້ວຕາ" ມີເຄັດລັບຜິວງາມສຸຂະພາບດີມາຝາກສາວລາວທຸກຄົນ

ພາຮູ້ 30 ຂໍ້ກົດໝາຍທີ່ເປັນ "ການກະທຳຜິດຕໍ່ຄວາມສະຫງົບຂອງຊາດ"

ພາຮູ້ 30 ຂໍ້ກົດໝາຍທີ່ເປັນ "ການກະທຳຜິດຕໍ່ຄວາມສະຫງົບຂອງຊາດ"

ສຽງດັງເກີນ "ເປັນມົນລະພິດ" ພ້ອມທັງຜິດກົດໝາຍ ມີໂທດປັບໃໝເດີ

ສຽງດັງເກີນ "ເປັນມົນລະພິດ" ພ້ອມທັງຜິດກົດໝາຍ ມີໂທດປັບໃໝເດີ

ຮູ້ຈັກ "ບຸນກະຖິນ" ປະເພນີຂອງຄົນລາວທີ່ນິຍົມຈັດຂຶ້ນຫຼັງອອກພັນສາ

ຮູ້ຈັກ "ບຸນກະຖິນ" ປະເພນີຂອງຄົນລາວທີ່ນິຍົມຈັດຂຶ້ນຫຼັງອອກພັນສາ

ຄະລຳ 9 ຢ່າງທີ່ຄົນລາວບູຮານຫ້າມເຮັດເວລາໄປເຮືອນດີ ຫຼື ສົ່ງສະການຄົນຕາຍ ພ້ອມເຫດຜົນເບື້ອງຫຼັງ

ຄະລຳ 9 ຢ່າງທີ່ຄົນລາວບູຮານຫ້າມເຮັດເວລາໄປເຮືອນດີ ຫຼື ສົ່ງສະການຄົນຕາຍ ພ້ອມເຫດຜົນເບື້ອງຫຼັງ

7 ສິ່ງທີ່ບອກວ່າທ່ານຄືມະຫາເສດຖີຈາກ 1 ສະໝອງ 2 ມື!

7 ສິ່ງທີ່ບອກວ່າທ່ານຄືມະຫາເສດຖີຈາກ 1 ສະໝອງ 2 ມື!

Jump start - ຮູ້ຈັກກັບການຕໍ່ສາຍພ່ວງແບັດເຕີຣີລົດຍົນ ວິທີແກ້ບັນຫາເມື່ອແບັດໝົດ

Jump start - ຮູ້ຈັກກັບການຕໍ່ສາຍພ່ວງແບັດເຕີຣີລົດຍົນ ວິທີແກ້ບັນຫາເມື່ອແບັດໝົດ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ