ວັນພະຫັດ ທີ 23 ກັນຍາ 2021

9 ສະຖານທີ່ທ່ອງທ່ຽວສຳລັບສາຍລຸຍ ແລະ ມັກການປະຈົນໄພເປັນຊີວິດຈິດໃຈ

9 ສະຖານທີ່ທ່ອງທ່ຽວສຳລັບສາຍລຸຍ ແລະ ມັກການປະຈົນໄພເປັນຊີວິດຈິດໃຈ
S! Muan

ສະໜັບສະໜູນເນື້ອຫາ

ບໍ່ວ່າຈະເປັນທ່ານຍິງທ່ານຊາຍແນ່ນອນທຸກຄົນຕ້ອງມີຄວາມຕ້ອງການຢາກຈະສຳຜັດກັບຄວາມທ້າທາຍໃນຊີວິດຕົນເອງຈັກຄັ້ງໜຶ່ງຢ່າງແນ່ນອນ ແລະ ມື້ນີ້ເຮົາຈະມາແນະນຳສະຖານທີ່ ເຊິ່ງເປັນທັງບ່ອນທ່ອງທ່ຽວ ແລະ ໄດ້ລຸຍ ຫຼື ປີນພູປີນຜາເຂົ້າປ່າຝ່າດົງ ແລະ ເມື່ອເຮົາໄປເຖິງຈຸດມຸ່ງໝາຍກໍຈະຮູ້ສຶກຄຸ້ມຄ່າກັບການເມື່ອຍຂອງເຮົາຢ່າງແນ່ນອນ. 

1. The Rock Viewpoint ພູຜາມ່ານ 

ເປັນທີ່ຫຼາຍຄົນສົນໃຈໃນໄລຍະນີ້ ເຊິ່ງເປັນແຫຼ່ງທ່ອງທ່ຽວທີ່ທ້າທາຍທີ່ສຸດ, ໃນກິດຈະກຳກໍຈະມີຫຼັກໆແມ່ນການຂີ່ຊິບລາຍ, ໄຕ່ຂົວອູ່, ການປີນຜາ, ແລະ ຈຸດເດັ່ນກໍຄືໄຕ່ຮັງແມງມຸມ. ທີ່ຕັ້ງແມ່ນຢູ່ບ້ານຄູນຄຳ, ເມືອງຄູນຄຳ, ແຂວງຄຳມ່ວນ. 

  • ທີ່ຕັ້ງ: ບ້ານຄູນຄຳ, ເມືອງຄູນຄຳ, ແຂວງຄຳມ່ວນ 
  • ໃຊ້ເວລາໃນການເຮັດກິດຈະກຳປະມານ 1-2 ຊົ່ວໂມງ 
  • ລາຄາຂອງກິດຈະກຳມີ 30-40 ໂດລາ
  • ຣີວິວສາຍປະຈົນໄພ ♥♥♥♥♥
  • ໄປແນວໃດ? ຈິ້ມແຜນທີ່ນີ້ເລີຍ: https://goo.gl/maps/vW3WT1C9YoidMxqJ9 


ພາບ: The Rock Viewpoint at Phou Pha Marn

2. ນ້ຳກັດຢໍລະປາ 

ນ້ຳກັດຢໍລະປາຕັ້ງຢູ່ເມືອງໄຊ ແຂວງອຸດົມໄຊ ເຊິ່ງເປັນຣີສອດທີ່ມີທີ່ພັກ ແລະ ເປັນສະຖານທີ່ເຊິ່ງເໝາະສຳລັບນັກທ່ອງທ່ຽວທີ່ມັກເຮັດກິດຈະກຳທີ່ທ້າທາຍ ແລະ ພາຍໃນນັ້ນກໍມີ: ຍ່າງປ່າ, ໄຕ່ຂົວອູ່, ຂີ່ສະລິງ ຫຼື ຂີ່ລົດເອທີວີໄປຊົມນ້ຳຕົກ ແລະ ນອກຈາກຈະໄປແບບລຸຍໆແລ້ວຍັງສາມາດໄປພັກຜ່ອນແບບຊິວໆຊົມບັນຍາກາດທຳມະຊາດພາຍໃນຣີສອດກໍໄດ້.

  • ທີ່ຕັ້ງ ເມືອງໄຊ ແຂວງອຸດົມໄຊ 
  • ສຳລັບລາຄາກິດຈະກຳ ແລະ ເວລາໃນການເຮັດກິດຈະກຳ ສາມາດສອບຖາມ Facebook: Nam Kat Yorla Pa 
  • ຣີວິວສາຍປະຈົນໄພ ♥♥♥♥♥
  • ໄປແນວໃດ? ຈິ້ມແຜນທີ່ນີ້ເລີຍ: https://goo.gl/maps/dwEQS785w9fxmvpE6  


ພາບ: Nam Kat Yorla Pa

 

3.​ ນ້ຳປຽນຢໍລະປາ 

ນ້ຳປຽນຢໍລະປາຖືວ່າເປັນສາຂາຂອງນ້ຳກັດຢໍລະປາແຕ່ມີທີ່ຕັ້ງຢູ່ບ້ານຊຽງແລທ່າ, ເມືອງປາກງື່ມ, ນະຄອນຫຼວງວຽງຈັນ (ພູເຂົາຄວາຍ) ເຊິ່ງກິດຈະກຳຈະມີຄວາມຄ້າຍຄືກັນກັບນ້ຳກັດຢໍລະປາເຊັ່ນ: ສວນນ້ຳ, ໄຕ່ຂົວອູ່, ຂີ່ສະລິງ, ຢືນແປ້ນ, ຊົມນ້ຳຕົກ, ຂີ່ໂລເລີ, ຂີ່ລົດເອທີວີ (ATV), ຂີ່ລຸກ ເຊິ່ງມີບ່ອນທຳອິດໃນປະເທດລາວ.

  • ທີ່ຕັ້ງ ບ້ານຊຽງແລທ່າ ເມືອງປາກງື່ມ ແຂວງນະຄອນຫຼວງ
  • ຄ່າເຂົ້າຊົມສະຖານທີ່ເລີ່ມຕົ້ນ 30,000 ກີບ
  • ໃຊ້ເວລາໃນການເຮັດກິດຈະກຳ ສາມາດສອບຖາມ Facebook: Nam Pien Yorla Pa
  • ຣີວິວສາຍປະຈົນໄພ ♥♥♥♥
  • ໄປແນວໃດ? ຈິ້ມແຜນທີ່ນີ້ເລີຍ: https://goo.gl/maps/Sasy8raHQQHjVDGTA 

   

4. ຜາເງິນ ວັງວຽງ 

ການເດີນທາງຈາກວັງວຽງແມ່ນຕ້ອງໄດ້ຂ້າມຂົວນ້ຳຊອງທາງທີ່ຈະໄປບລູລາກູນແລ້ວຂີ່ລົດໄປຕາມທາງໃຫ້ສັງເກດເບື້ອງຂວາມືຈະມີປ້າຍນ້ອຍໆບອກວ່າແມ່ນຜາເງິນ ແລະ ທາງເຂົ້າແມ່ນມີຮ້ານເຊົ່າລົດ ແລະ ໄດ້ເສຍຄ່າເຂົ້າ 10,000ກີບ/ຄົນ. ຜາເງິນເປັນສະຖານທີ່ທີ່ມີຊື່ສຽງໃນການໄປປີນຜາທີ່ເມື່ອຍທີ່ສຸດຍ້ອນມີສອງຈຸດໃນການໃຫ້ຊົມວິວບໍ່ວ່າຈະເປັນຜາຕ່ຳສຸດແມ່ນ 400 ແມັດ ແລະ ສູງສຸດແມ່ນ 800 ແມັດ ໃຊ້ເວລາໃນການຂຶ້ນໄປແມ່ນປະມານ 1 ຊົ່ວໂມງຍ້ອນມີທັງເຂດຜາຊັນ ແລະ ພຽງປົນກັນໄປ. ເມື່ອເຮົາໄປຮອດຈຸດທີ່ 1 ກໍວ່າເມື່ອຍແລ້ວແຕ່ບໍ່ເປັນຫຍັງຢູ່ຂ້າງເທິງແມ່ນໄດ້ຮັບລົມເຢັນກັບວິວດີໆຢ່າງແນ່ນອອນ ແລະ ນອກຈາກນີ້ສຳລັບຈຸດ 1ແມ່ນມີຮ້ານຄ້າຢູ່ຂ້າງເທິງອີກດ້ວຍ, ສຳລັບ 800 ແມັດແນະນຳໃຫ້ກຽມນ້ຳຂຶ້ນໄປນຳເພາະຢູ່ເທິງນັ້ນຈະມີພຽງຕູບເທົ່ານັ້ນ. ທີ່ຕັ້ງແມ່ນຢູ່ເມືອງວັງວຽງ, ແຂວງວຽງຈັນ. 

  • ທີ່ຕັ້ງ ເມືອງວັງວຽງ ແຂວງວຽງຈັນ 
  • ຄ່າເຂົ້າສະຖານທີ 10,000ກີບ/ຄົນ 
  • ຄວາມສູງ 400-800ແມັດ 
  • ໃຊ້ເວລາໃນການຂຶ້ນຜາ ປະມານ 1 ຊົ່ວໂມງ
  • ຣີວິວສາຍປະຈົນໄພ ♥♥♥♥♥
  • ໄປແນວໃດ? ຈິ້ມແຜນທີ່ນີ້ເລີຍ: https://goo.gl/maps/z5RZySwVoYdU4W5B8

 

5. ຜາກະຕ່າຍ ເມືອງຍົມມະລາດ 

ຜາກະຕ່າຍເປັນສະຖານທີ່ທ່ອງທ່ຽວທີ່ຕັ່ງຢູ່ເທິງຜາສູງ ອ້ອມຮອບໄປດ້ວຍພູຜາປ່າໄມ້ ແລະ ທຳມະຊາດທີ່ສວຍສົດງົດງາມ ເຊີ່ງສູງຈາກລະດັບນ້ຳທະເລ 260 ແມັດ ແລະ ເສັ້ນທາງຍ່າງຂື້ນໄປຮອດຈຸດຊົມວິວ 750 ແມັດເປັນຈຸດຊົມວິວທີ່ສາມາດແນມເຫັນວິວ 360 ອົງສາ ພ້ອມອາກາດພູສູງທີ່ສົດຊື່ນ ສາມາດທ່ຽວໄດ້ເກືອບວ່າຕະຫລອດປີ ໂດຍສະເພາະລະດູໜາວຊ່ວງເດືອນຕຸລາ (ຫຼັງຝົນ) ຫາເດືອນກຸມພາ ເພາະອາກາດຈະເຢັນສະບາຍ ໄລຍະທາງຈາກຕົວເມືອງທ່າແຂກ ໄປທາງເມືອງຍົມມະລາດ ປະມານ 58 ກິໂລແມັດ (ເສັ້ນທາງໄປເຂື່ອນນ້ຳເທີ ນ2) ເຊິ່ງຕິດກັບທາງເລກທີ 12 ໃຊ້ເວລາເດີນທາງປະມານ 1 ຊົ່ວໂມງ.

  • ທີ່ຕັ້ງ ເມືອງຍົມມະລາດ ແຂວງຄຳມ່ວນ 
  • ຄ່າເຂົ້າສະຖານທີ່ 5000ກີບ/ຄົນ  
  • ໃຊ້ເວລາໃນການຂຶ້ນຜາປະມານ 1 ຊົ່ວໂມງ 
  • ຣີວິວສາຍປະຈົນໄພ ♥♥♥♥
  • ໄປແນວໃດ? ຈິ້ມແຜນທີ່ນີ້ເລີຍ: https://goo.gl/maps/4T4RyCXW1UgnXNdFA 

 

6. ຜາໜາມໄຊ ວັງວຽງ 

ເປັນຜາທີ່ມີຄວາມຄ້າຍຄືກັບຜາເງິນ ຕັ້ງຢູ່ຟາກນໍ້າຊອງ, ເບື້ອງຕາເວັນຕົກບໍ່ໄກຈາກບູລາກູນ 1, ມີໄລຍະທາງຂຶ້ນໄປແມ່ນ 350 ແມັດ ໃຊ້ເວລາປະມານ 25-30 ນາທີ, ທາງຂຶ້ນສະດວກສະບາຍ ບັດເຂົ້າຊົມພຽງ 10,000 ກີບ/ຄົນເທົ່ານັ້ນ. ເປັນສະຖານທີ່ໜຶ່ງທີ່ມີຄວາມນິຍົມຫຼາຍສຳລັບເມືອງວັງວຽງ ຍ້ອນມີວິວທີ່ສວຍງາມ ແລະ ບໍ່ຕ້ອງຍ່າງໄກຫຼາຍເທົ່າຜາເງິນພ້ອມທັງມີລົດຈັກທີ່ເປັນຈຸດເດັ່ນຂອງຜາໜາມໄຊອີກດ້ວຍ.

  • ທີ່ຕັ້ງ ຢູ່ຟາກນ້ຳຊອງ ເມືອງວັງວຽງ ແຂວງວຽງຈັນ 
  • ຄ່າເຂົ້າສະຖານທີ່ 10,000ກີບ/ຄົນ 
  • ໃຊ້ເວລາໃນການປີນຜາ 25-30ນາທີ 
  • ຣີວິວຄວາມປະຈົນໄພ ♥♥♥
  • ໄປແນວໃດ? ຈິ້ມແຜນທີ່ນີ້ເລີຍ: https://goo.gl/maps/nkj9FbpPSUUVxiDE8

 

7. ຜາແດງ ຫຼວງພະບາງ 

ຜາແດງແມ່ນຈຸດຊົມວິວຢຸ່ເທິງຍອດພູເຊິ່ງຕ້ອງໃຊ້ເວລາໃນການຍ່າງຂື້ນກໍ່ປະມານຊົ່ວໂມງເຄິ່ງຫາສອງຊົ່ວໂມງ ຕັ້ງຢູ່ບ້ານໜອງຂຽວ, ເມືອງງອຍ, ແຂວງຫຼວງພະບາງ ເຊິ່ງຫ່າງຈາກຕົວເມືອງຫຼວງພະບາງມີໄລຍະທາງຈາກ ເມືອງຫຼວງຫາເມືອງງອຍ ປະມານ 140 ກິໂລແມັດໃຊ້ເວລາປະມານ 3-4 ຊົ່ວໂມງກໍ່ຮອດແລ້ວ. ໄລຍະນີ້ທາງມານັ້ນແມ່ນເປ່ເພຫຼາຍ, ທັງຂຸມ, ທັງຝຸ່ນ ຍ້ອນມີການສ້າງທາງລົດໄຟ ແລະ ເຂື່ອນຕາມເສັ້ນທາງນັ້ນໃຫ້ຫຼີກເວັ້ນການໃຊ້ລົດຈັກ, ຢູ່ເທິງພູແມ່ນມີທີ່ພັກລາຄາຖືກແຕ່ຕ້ອງໄດ້ຈອງກ່ອນ. ແຕ່ສຳລັບໃຜທີ່ບໍ່ຢາກພັກຢູ່ເທິງຜາກໍມີທີ່ພັກຢູ່ເມືອງງອຍ ບອກເລີຍວ່າຫາງ່າຍ ມີໃຫ້ເລືອກຫຼາກຫຼາຍຕັ້ງແຕ່ໂຮງແຮມ 5 ດາວໄປຈົນຮອດບັງກະໂລແຄມແມ່ນ້ຳອູ ເລືອກພັກຕາມສະພາບຄ່ອງຂອງເງິນໃນກະເປົ໋າໄດ້ເລີຍ. 

  • ທີ່ຕັ້ງ ບ້ານໜອງຂຽວ ເມືອງງອຍ ແຂວງຫຼວງພະບາງ 
  • ໃຊ້ເວລາໃນການຂຶ້ນຜາ ປະມານ 2 ຊົ່ວໂມງ 
  • ຄ່າເຂົ້າຊົມສະຖານທີ 10,000ກີບ/ຄົນ  
  • ຣີວິວສະຖານທີ່ ♥♥♥♥  
  • ໄປແນວໃດ? ຈິ້ມແຜນທີ່ນີ້ເລີຍ: https://goo.gl/maps/MYgPQdHgUEQoVZZa6

 

8. ຜາອິນຊີ  

ທີ່ຕັ້ງແມ່ນຕິດກັບຜາແອ່ນ ຢູ່ໃກ້ກັບບ້ານປາກອູ ເມືອງປາກອູ ແຂວງຫຼວງພະບາງເດີນທາງໄປງ່າຍບໍ່ໄກຈາກຕົວເມືອງ ເຖິງມີເວລາບໍ່ຫຼາຍກໍສາມາດໄປໄດ້ເປັນພື້ນທີ່ທີ່ມີອາກາດຊຸ່ມເຢັນ ອ້ອມຮອບໄປດ້ວຍປ່າໄມ້ສີຂຽວ, ມີຕົ້ນໃໝ່ໃຫຍ່ຫຼາຍຊະນິດໃຫ້ຊື່ນປອດຊື່ນໃຈ ພ້ອມທັງມີໝອກຂຶ້ນໄປເບິ່ງຍາມເຊົ້າກໍດີ.

9. ຕາດຊ່ວງ ຫຼື ຕາດນ້ຳຊ່ວງ 

ເປັນຕາດທີ່ຢູ່ໃນເຂດປ່າສະຫງວນແຫ່ງຊາດພູພະນັງ ເມືອງນາຊາຍທອງ ນະຄອນຫຼວງວຽງຈັນ ຖ້າເຮົາເດີນທາງຈາກຕະຫຼາດເຊົ້າຂື້ນໄປຕາມເສັ້ນທາງເລກທີ 13 ເໜືອ ແມ່ນຈະມີໄລຍະທາງຢູ່ 56ກິໂລແມັດ, ພໍເຮົາຮອດເຂດບ້ານນາງ່າ (40 ກິໂລແມັດ ທຳອິດ) ໃຫ້ສັງເກດປ້າຍຮ່ອມເຂົ້າບ້ານຖໍ້າ (ປ້າຍຢູ່ຂວາມື ຮ່ອມຈະຢູ່ຊ້າຍມື) ຈາກປາກຮ່ອມ ຮອດຕາດແມ່ນຕ້ອງເຂົ້າໄປອີກ 16 ກິໂລແມັດໂດຍທີ່ທາງຈະເປັນທາງດິນແດງ ຖ້າເປັນລົດເກງນ້ອຍຈະໄປລຳບາກໜ້ອຍໜຶ່ງໃນຍາມຝົນນີ້ ແຕ່ເຫັນມີຄັນໜຶ່ງໄປຮອດເສີຍ ໃຈລາວໄດ້.

  • ທີ່ຕັ້ງ ຢູ່ເຂດປ່າສະຫງວນພູພະນັງ ເມືອງນາຊາຍທອງ ແຂວງນະຄອນຫຼວງວຽງຈັນ 
  • ຄ່າເຂົ້າສະຖານທີ່ ຟຣີ 
  • ໃຊ້ເວລາໃນການໄປປະມານ 1 ຊົ່ວໂມງ 
  • ຣີວິວຄວາມງາມທຳມະຊາດ ♥♥♥♥
  • ໄປແນວໃດ? ຈິ້ມແຜນທີ່ນີ້ເລີຍ: https://goo.gl/maps/uyoDe9epwcVx1jq9A

  


ຕິດຕາມຂໍ້ມູນກ່ຽວກັບສະຖານທີ່ທ່ອງທ່ຽວຕ່າງໆທົ່ວທຸກພາກ ແລະ ວັດທະນະທຳທາງດ້ານອາຫານ, ການນຸ່ງຖື, ການໃຊ້ຊີວິດ ພາຍໃນລາວ ແລະ ກິດຈະກຳແບບອັດແໜ້ນ ໄດ້ເພີ່ມເຕີມທີ່ https://www.facebook.com/laothiaolao

Advertisement Replay Ad
ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ