ວັນອາທິດ ທີ 19 ກັນຍາ 2021

7 ເລື່ອງໜ້າຮູ້ກ່ຽວກັບເດັກເກີດໃໝ່ ທີ່ພໍ່ແມ່ຮູ້ແລ້ວຈະຕ້ອງປະຫຼາດໃຈ

7 ເລື່ອງໜ້າຮູ້ກ່ຽວກັບເດັກເກີດໃໝ່ ທີ່ພໍ່ແມ່ຮູ້ແລ້ວຈະຕ້ອງປະຫຼາດໃຈ
S! Muan

ສະໜັບສະໜູນເນື້ອຫາ

ເມື່ອ​ຮູ້​ວ່າຄອບຄົວຈະ​ມີ​ສະມາຊິກໃໝ່ເພີ່ມ​ຂຶ້ນ​ອີກ​ໜຶ່ງ​ຄົນ ເຮົາ​ເຊື່ອ​ວ່າ​ພໍ່​ແມ່​ ແລະ ​ຄົນ​ອ້ອມ​ຂ້າງ​ໜ້າ​ຈະ​ຕື່ນ​ເຕັ້ນ​ກັນ​ຫຼາຍ ແລະ ​ຄົງ​ກຽມ​ໂຕ​ສຶກ​ສາ​ຂໍ້​ມູນ​ຕ່າງໆ ກ່ຽວກັບແອນ້ອຍ ຫຼື ເດັກເກີດໃໝ່ກັນ​ຢ່າງ​ເຕັມ​ທີ່ ເພື່ອ​ໃຫ້​ສາມາດລ້ຽງດູພວກເຂົາ​ໄດ້​ຢ່າງ​ດີ​ທີ່ສຸດ. ມື້​ນີ້ ເຮົາ​ເລີຍ​ມີ 7 ເລື່ອງ​ໜ້າ​ຮູ້​ກ່ຽວກັບ​ເດັກ​ເກີດໃໝ່ມາ​ຝາກ ຈະ​ໄດ້​ຊ່ວຍ​ໃຫ້​ທ່ານເຂົ້າໃຈ​ເດັກນ້ອຍ​ໄດ້​ດີ​ຂຶ້ນ. ຮັບຮອງ​ໄດ້​ເລີຍ​ວ່າ ບາງ​ເລື່ອງ​ທ່ານຕ້ອງ​ບໍ່​ເຄີຍ​ຮູ້​ມາ​ກ່ອນຢ່າງ​ແນ່ນອນ.

7 ເລື່ອງ​ໜ້າ​ຮູ້​ກ່ຽວກັບ​ເດັກ​ເກີດໃໝ່

ເດັກ​ເກີດໃໝ່​ມີ​ກະດູກ​ຫຼາຍກວ່າ​ຜູ້ໃຫຍ່

ທ່ານອາດ​ບໍ່​ເຊື່ອ​ວ່າ​ເດັກເກີດໃໝ່ທີ່​ໂຕ​ເບິ່ງ​ນຸ້ມ​ອ່ອນ ຊົງ​ຕົວ​ເກືອບ​ບໍ່​ໄດ້ ຈະ​ມີກະດູກຫຼາຍກວ່າ​ຜູ້ໃຫຍ່​ອີກ. ເດັກ​ເກີດໃໝ່​ມີ​ກະດູກ​ທັງ​ໝົດ 300 ຊິ້ນ, ສ່ວນ​ຜູ້ໃຫຍ່​ມີ​ກະດູກ 206 ຊິ້ນ. ຈະ​ເຫັນ​ໄດ້​ວ່າ​ເດັກ​ເກີດໃໝ່​ມີ​ກະດູກ​ຫຼາຍກວ່າ​ຜູ້ໃຫຍ່​ເຖິງ 94 ຊິ້ນ​ເລີຍ​. ເຫັນ​ໂຕ​ເລກ​ແລ້ວ​ທ່ານກໍ​ອາດຈະ​ຕົກ​ໃຈ​ວ່າ ກະດູກ​ກວ່າ​ຮ້ອຍ​ຊິ້ນ​ໃນ​ຮ່າງກາຍ​ເຮົາ​ຫາຍ​ໄປ​ໃສ? ຄວາມ​ຈິງ​ກະດູກ​ຈຳນວນ​ດັ່ງ​ກ່າວ​ບໍ່​ໄດ້​ຫາຍ​ໄປ​ໃສ ພຽງ​ແຕ່​ໄປ​ລວມກັບ​ກະດູກ​ຊິ້ນ​ທີ່​ຢູ່​ໃກ້ໆ ເພື່ອ​ເຮັດໃຫ້​ກະດູກ​ຂອງ​ເຮົາ​ແຂງ​ແຮງ​ຂຶ້ນ ແລະ​ ສາມາດ​ຮອງ​ຮັບ​ຮ່າງກາຍ​ທີ່​ຈະເລີນ​ເຕີບໂຕ​ຂຶ້ນ ລວມທັງນໍ້າໜັກທີ່​ເພີ່ມ​ຫຼາຍ​ຂຶ້ນ​ໄດ້​ນັ້ນ​ເອງ.

ອາຈົມເທື່ອທຳອິດ​ຂອງ​ເດັກ​ເກີດໃໝ່​ບໍ່​ເໝັນ​ຢ່າງ​ທີ່​ຄິດ

ອາຈົມເທື່ອທຳອິດ​ຂອງ​ເດັກນ້ອຍ​ເອີ້ນວ່າ “ຂີ້​ເທົາ” (Meconium) ເຊິ່ງ​ເດັກ​ສາມາດ​ສ້າງ​ໄດ້​ຕັ້ງ​ແຕ່​ເປັນ​ເດັກນ້ອຍ​ໃນ​ມົດລູກ. ຂີ້​ເທົາ​ປະກອບ​ດ້ວຍ​​ສານ​ທີ່​ຖືກ​ຍ່ອຍ​ລະຫວ່າງ​ທີ່​ເດັກນ້ອຍ​ຢູ່ໃນ​ມົດລູກ ເຊິ່ງ​ມີ​ທັງນໍ້າຄາວປາ, ນໍ້າບີ, ເມືອກ ແລະ ຂົນ​ອ່ອນ ເປັນ​ຕົ້ນ. ໂດຍ​ຂີ້​ເທົາ​ນີ້​ເກືອບ​ຈະ​ບໍ່​ມີແບັກທີເຣຍໃນລຳໄສ້ທີ່​ເຮັດໃຫ້​ອາຈົມມີກິ່ນ​ປົນ​ຢູ່​ເລີຍ. ນັ້ນ​ຈຶ່ງ​ເຮັດໃຫ້​ການ​ອາຈົມເທື່ອທຳອິດ​ຂອງ​ພວກເຂົາ​ປາສະຈາກກິ່ນ ບໍ່​ຄື​ກັບ​ອາຈົມຂອງ​ຜູ້ໃຫຍ່. ແຕ່​ທັນ​ທີ​ທີ່​ເດັກເກີດໃໝ່​ໄດ້ຮັບ​ອາຫານ​ມື້ທຳອິດ ເຊິ່ງ​ກໍ​ຄືນໍ້ານົມ, ແບັກ​ທີ​ເຣຍ​ກໍ​ຈະເລີ່ມ​ກໍ່ຕົວ​ຂຶ້ນ​ໃນ​ລຳ​ໄສ້ ແລະ ​ເຮັດໃຫ້​ອາຈົມທີ່​ຂັບ​ຖ່າຍ​ອອກ​ມາ​ມີ​ສີ​ຂຽວ, ເຫຼືອງ, ຫຼື ນໍ້າ​ຕານ ແລະ ​ມີກິ່ນ.

ເດັກ​ເກີດໃໝ່​ອາດ​ຢຸດ​ຫາຍ​ໃຈ​ເທື່ອ​ລະ 5-10 ວິ​ນາ​ທີ

ເວລາ​ທີ່​ເດັກນ້ອຍ​ນ້ອຍ​ນອນ​ຫຼັບ ທ່ານ​ອາດ​ຢຸດ​ຫາຍ​ໃຈ​ໄປ 5-10 ວິ​ນາ​ທີ​ໄດ້ ເຊິ່ງ​ພາ​ວະ​ນີ້​ອາດ​ເຮັດໃຫ້​ທ່ານພໍ່​ທ່ານແມ່​ບາງ​ຄົົນທີ່​ສັງເກດ​ເຫັນ​ເຖິງ​ກັບ​ຕື່ນ​ຕ​ຣະ​ໜົກ​ໄດ້​ງ່າຍ ໆ ເລີຍ ແຕ່​ຄວາມ​ຈິງ​ແລ້ວ, ການ​ຫາຍ​ໃຈ​ທີ່​ຜິດ​ປົກກະຕິ​ນີ້​ຖື​ເປັນ​ເລື່ອງ​ປົກກະຕິ​ສຳລັບ​ເດັກ​ເກີດໃໝ່ ແຕ່​ຫາກ​ທ່ານສັງເກດ​ເຫັນ​ວ່າ ລູກຢຸດຫາຍໃຈດົນ​ຈົນຕົວເລີ່ມ​ຂຽວ ກໍ​ຄວນ​ຮຽກ​ລົດສຸກ​ເສີນ​ທັນ​ທີ.

​ນອກ​ຈາກ​ຈະ​ຢຸດ​ຫາຍ​ໃຈ​ເລື້ອຍໆແລ້ວ, ເວລາ​ທີ່​ຕື່ນ​ເຕັ້ນ ຫຼື ຫຼັງ​ຈາກ​ຢຸດຮ້ອງ​ໄຫ້ ເດັກ​ເກີດໃໝ່​ກໍ​ອາດ​ຫາຍ​ໃຈ​ຫຼາຍກວ່າ 60 ເທື່ອ​ຕໍ່​ນາ​ທີ​ເລີຍ​.

ເດັກນ້ອຍເກີດໃໝ່ທັງ​ຊາຍ​ ແລະ​ ຍິງ​ມີ​ເຕົ້າ​ນົມ

ໃນ​ຕອນ​ເກີດໃໝ່, ທັງ​ເດັກນ້ອຍ​ເພດ​ຊາຍ ​ແລະ ​ເພດ​ຍິງ​ຈະ​ເກີດ​ມາພ້ອມ​ກັບ​ເຕົ້າ​ນົມ​ຂະໜາດ​ນ້ອຍ ແລະ ​ບາງ​ຄົນ​ອາດ​ມີ​ນ້ຳ​ນົມ​ໄຫຼ​ອອກ​ມາ​ຈາກ​ເຕົ້າ​ນຳ. ທີ່​ເດັກນ້ອຍເກີດໃໝ່ເກີດ​ທັງ​ຊາຍ ​ແລະ ຍິງ​ເກີດ​ມາ​ມີ​ເຕົ້າ​ນົມ​ເຊັ່ນ​ນີ້ ເປັນ​ຍ້ອນ​ໄດ້ຮັບ​ຮໍ​ໂມນເອສໂຕຣເຈນຈາກ​ແມ່​ຕອນ​ທີ່​ຍັງຢູ່ໃນມົດລູກນັ້ນ​ເອງ. ແຕ່​ຂໍ​ເຕືອນ​ວ່າ ຢ່າ​ໄປ​ບີບ​ເຕົ້າ​ນົມ ຫຼື ພະຍາຍາມ​ກົດ​ໃຫ້​ມັນ​ຫາຍ​ໄປ​ເດັດ​ຂາດ ເພາະ​ເຕົ້າ​ນົມ​ຂອງ​ເດັກ​ເກີດໃໝ່​ຈະ​ຫາຍ​ໄປ​ເອງ​ພາຍ​ໃນ 2-3 ອາທິດ ແລ ະ​ຫາກ​ເປັນ​ເດັກນ້ອຍ​ເພດຍິງ ກໍ​ອາດ​ມີ​ປະຈຳ​ເດືອນ​ ຫຼື ຂອງ​ແຫຼວ​ຈາກ​ຊ່ອງຄອດ​ປະ​ມານ 2-3 ມື້ ຖື​ເປັນ​ເລື່ອງ​ປົກກະຕິ.

ອະໄວຍະວະ​ເພດ​ຂອງ​ເດັກເກີດໃໝ່​ກໍ​ແຂງຕົວ​ໄດ້

ເຊື່ອ​ບໍ​ວ່າ ອະໄວຍະວະເພດຂອງ​ເດັກນ້ອຍ​​ເກີດໃໝ່ເພດ​ຊາຍ​ກໍ​ສາມາດ​ແຂງຕົວ​ໄດ້​ເຊັ່ນ​ກັນ? ເຊິ່ງ​ພາ​ວະ​ນີ້​ມັກ​ເກີດ​ຂຶ້ນ​ກ່ອນ​ທີ່​ພວກເຂົາຈະຖ່າຍເບົາ ເຊິ່ງ​ຫາກ​ພໍ່​ແມ່​ບໍ່​ໄດ້​ໃຫ້​ລູກ​ໃສ່​ຜ້າ​ອ້ອມ ນີ້​ກໍ​ຖື​ເປັນ​ສັນ​ຍານ​ເຕືອນ​ທີ່​ດີ ທີ່​ຈະ​ເຮັດໃຫ້​ພວກເຂົາປ້ອງ​ກັນ​ຍ່ຽວ​ເປິ​ເປື້ອນ​ໄດ້​ທັນ. ເຖິງວ່າ​ຜູ້​ຊ່ຽວ​ຊານ​ຈະຍັງ​ບໍ່​ຮູ້​ສາ​ເຫດ​ຊັດເຈນ​ວ່າ ​ເປັນຫຍັງ​ອະໄວຍະວະ​ເພດ​ຊາຍ​ຂອງ​ເດັກເກີດໃໝ່ຈຶ່ງ​ແຂງຕົວ​ໄດ້ ແຕ່​ພາ​ວະ​ນີ້​ກໍ​ກໍ​ຖື​ເປັນ​ເລື່ອງ​ປົກກະຕິ. ພໍ່​ແມ່​ຈຶ່ງ​ບໍ່​ຕ້ອງ​ກັງ​ວົນ​ແຕ່​ຢ່າງ​ໃດ.

ເດັກ​ລອຍນໍ້າ​ເປັນ​ຕັ້ງ​ແຕ່​ເກີດ

ເດັກ​ເກີດໃໝ່​ສາມາດ​ກັ້ນ​ຫາຍ​ໃຈ​ເມື່ອ​ຢູ່​ໃຕ້​ນ້ຳ​ໄດ້ ພ້ອມທັງຍັງ​ເຄື່ອນໄຫວ​ແຂນ​ຂາ​ເພື່ອ​ລອຍນໍ້າ​ໄດ້ອີກ​ດ້ວຍ. ຄວາມ​ສາມາດ​ນີ້​ເຮັດໃຫ້​ພໍ່​ແມ່​ສາມາດພາລູກນ້ອຍໄປລອຍນໍ້າໄດ້ຕັ້ງ​ແຕ່​ລູກ​ມີ​ອາຍຸ​ຄົບ 6 ອາທິດ. ແຕ່​ຢ່າງໃດ​ກໍ​ດີ ຂະນະ​ທີ່​ລູກ​ກຳ​ລັງ​ລອຍນໍ້າ, ທ່ານຄວນ​ເບິ່ງ​ແຍງ​ພວກເຂົາໃຫ້​ດີ ຢ່າ​ໃຫ້​ຫ່າງຈາກ​ສາຍ​ຕາ​ເດັດ​ຂາດ ແລະ ​ຕ້ອງ​ຄອຍ​ຖ້າລະ​ວັງ​ຢ່າ​ໃຫ້​ລູກຕົວ​ເຢັນ​ເກີນ​ໄປອີກ​ດ້ວຍ.

ເດັກ​ເກີດໃໝ່​ມີ​ສາຍ​ຕາ​ສັ້ນ

ເດັກ​ເກີດໃໝ່​ມີສາຍຕາສັ້ນຫຼາຍ ພວກ​ເຂົາ​ສາມາດ​ເບິ່ງ​ເຫັນ​ໄດ້​ຊັດເຈນ​ພຽງແຕ່ໃນ​ໄລຍະ 20-30 ຊັງຕີ​ແມັດ​ເທົ່າ​ນັ້ນ ແລະ ​ສິ່ງ​ນັ້ນ​ຕ້ອງ​ຢູ່​ຕໍ່​ໜ້າ​ຂອງ​ພວກເຂົາອີກ​ດ້ວຍ. ບໍ່ດັ່ງ​ນັ້ນ,​ ພວກເຂົາກໍ​ຈະ​ເບິ່ງ​ເຫັນ​ເປັນ​ພາບ​ບໍ່ຊັດເຈນ ຫຼື ພຽງແຕ່ແສງ​ຈ້າໆ. ແຕ່​ເມື່ອ​ເດັກ​ໃຫຍ່​ຂຶ້ນ, ສາຍ​ຕາ​ຂອງ​ເຂົາເຈົ້າ​ກໍ​ຈະ​ຄ່ອຍໆພັດທະນາ ເຮັດໃຫ້​ພວກເຂົາ​ໂຟ​ກັດ​ວັດ​ຖຸ​ຕ່າງ ໆ ໄດ້​ດີ​ຂຶ້ນ​ຕາມ​ໄປ​ນຳ. ເມື່ອ​ອາ​ຍຸ​ຄົບ 1 ປີ, ເດັກ​ຈະເລີ່ມ​ເບິ່ງ​ເຫັນ​ສີ​ ແລະ ຮູບຮ່າງຂອງ​ວັດ​ຖຸ​ຕ່າງໆໄດ້​ດີ​ຂຶ້ນ. ພໍ່​ແມ່​ກໍ​ສາມາດ​ຊ່ວຍ​ພັດທະນາການເບິ່ງໃຫ້​ກັບ​ລູກ​ນ້ອຍ​ຂອງຕົນເອງໄດ້​ດ້ວຍ​ການ​ໃຫ້ພວກເຂົາເບິ່ງ​ຂອງ​ຫຼິ້ນ​ທີ່​ມີ່ຮູບຮ່າງຊັດເຈນ ແລະ​ ມີ​ສີ​ສັນ​ສົດ​ໃສ.


ອ້າງອີງ:

Advertisement Replay Ad
ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ມີຫຍັງແດ່ທີ່ນ້ອງໆຄວນຮູ້ ກ່ອນຮຽນສາຂາການທ່ອງທ່ຽວ, ການໂຮງແຮມ ແລະ ການປຸງແຕ່ງ?

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຈັດການເວລາໃຫ້ເປັນ ຈະໄດ້ຢຸດເວົ້າວ່າ "ເວລາບໍ່ພໍ"

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ຢາກເຮັດວຽກສາຍຄຣີເອທີຟ (Creative) ຕ້ອງພັດທະນາຕົນເອງແນວໃດ?

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ອະນາຄົດຂອງຊາດ! "ອາຫຼີງ" ສາວນ້ອຍຜູ້ມີຄວາມອົດທົນ ຄວ້າໃບປະກາດແດງຢ່າງພາກພູມໃຈ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ເພີ່ມປະສິດທິພາບໃນການປ້ອງກັນເຊື້ອໄວຣັສຂອງຜ້າອັດປາກ-ດັງ ງ່າຍໆພຽງ "ໄຂວ່ສາຍ" ກ່ອນໃສ່ທຸກຄັ້ງ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຈະສະໝັກວຽກແມ່ນບໍ່? ນີ້ແມ່ນມາລະຍາດທີ່ຕ້ອງຮູ້ ໃນການສົ່ງອີເມວສະໝັກວຽກ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ຕ້ອງຮູ້! 5 ທັກສະການເຮັດວຽກທີ່ນັກສຶກສາຈົບໃໝ່ຍຸກໂຄວິດຕ້ອງມີຕິດໂຕ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ