ວັນພຸດ ທີ 23 ມິຖຸນາ 2021

ສ່ອງຜົນງານໃນໄລຍະ 4 ປີທີ່ດຳລົງຕຳແໜ່ງປະທານາທິບໍດີຂອງ "ໂດນັລ ທຣຳ" ກ່ອນເລືອກຕັ້ງໃໝ່ 2020

ສ່ອງຜົນງານໃນໄລຍະ 4 ປີທີ່ດຳລົງຕຳແໜ່ງປະທານາທິບໍດີຂອງ "ໂດນັລ ທຣຳ" ກ່ອນເລືອກຕັ້ງໃໝ່ 2020
S! Muan

ສະໜັບສະໜູນເນື້ອຫາ

ກ່ອນທີ່ຈະກ້າວໄປສູ່ການເລືອກຕັ້ງປະທານາທິບໍດີສະຫະລັດອາເມຣິກາໃໝ່ໃນເດືອນພະຈິກ 2020 ນີ້ muan.la ຈະພາທວນຄືນນະໂຍບາຍຕ່າງໆ 8 ຢ່າງທີ່ ໄດ້ຈັດຕັ້ງປະຕິບັດໃນໄລຍະທີ່ດຳລົງຕຳແໜ່ງຕັ້ງແຕ່ປີ 2016 ມາຈົນຮອດປີ 2020. ທັງນີ້ ລາວຈະໄດ້ຂຶ້ນເປັນຜູ້ນຳສະຫະລັດອີກໜຶ່ງສະໄໝ ຫຼື ບໍ່ນັ້ນ ປະຊາຊົນຜູ້ມີສິດເລືອກຕັ້ງຈະວັດຜົນງານຂອງລາວໃນຮອບ 4 ປີທີ່ຜ່ານມາ.

ໃນການເລືອກຕັ້ງປີ 2020, ນະໂຍບາຍກອບກູ້ເສດຖະກິດ, ເພີ່ມການຈ້າງງານ, ປົກປ້ອງຜົນປະໂຫຍດທາງດ້ານການຄ້າຂອງປະເທດ ແລະ ສືບຕໍ່ປະຕິບັດນະໂຍບາຍທີ່ເຂັ້ມງວດດ້ານການຍ້າຍຖິ່ນຖານ ຖືກທ່ານ ໂດນັລ ທຣຳ ຍົກເອົາມາເປັນນະໂຍບາຍໃນການຫາສຽງເລືອກຕັ້ງ.

ມາເບິ່ງກັນວ່ານະໂຍບາຍທັງໝົດໃນໄລຍະ 4 ປີຜ່ານມາຂອງທ່ານ ໂດນັລ ທຣຳ ນັ້ນ ມີເນື້ອໃນແນວໃດແດ່.

ວຽກງານ ແລະ ການເງິນ - ຟື້ນຟູເສດຖະກິດຈາກພິດໂຄວິດ-19

  • "ອາເມຣິກາຕ້ອງມາກ່ອນ" (America First) ເປັນຫຼັກການທີ່ ປະທານາທິບໍດີ ທຣຳ ຢຶດຖືມາດົນນານແລ້ວ ແລະ ຍັງພະຍາຍາມຊຸກຍູ້ໃຫ້ດຶງດູດການຈ້າງງານ ແລະ ການຜະລິດກັບມາສູ່ສະຫະລັດ. ລາວເຄີຍສັນຍາໃນລະຫວ່າງຫາສຽງຄັ້ງທຳອິດວ່າ ຈະຫຼຸດພາສີຄັ້ງໃຫຍ່ໃຫ້ຊາວອາເມຣິກາທີ່ມີວຽກເຮັດ, ຫຼຸດພາສີນິຕິບຸກຄົນ, ຍົກລະດັບຄວາມສາມາດໃນການແຂ່ງຂັນທາງດ້ານການຄ້າ ແລະ ການຜະລິດຂອງທຸລະກິດອາເມລິກາ ເຊິ່ງລາວກໍເຮັດໄດ້ຕາມສັນຍາໃນບາງເລື່ອງ.
  • ລາວຍັງໄດ້ຫຼຸດກົດລະບຽບຂອງລັດຖະບານກາງໃນເລື່ອງທຸລະກິດ, ປັບຫຼຸດພາສີລາຍໄດ້ບຸກຄົນທຳມະດາ ແລະ ນິຕິບຸກຄົນ ແລະ ຍັງລົງນາມຄຳສັ່ງປະທານາທິບໍດີໃຫ້ການສະໜັບສະໜຸນສິນຄ້າທີ່ຜະລິດໃນປະເທດເປັນພິເສດ ໃນໄລຍະ 4 ປີທີ່ຜ່ານມາ.
  • ຕັ້ງແຕ່ເດືອນມັງກອນ 2017 ຈົນຮອດປັດຈຸບັນ (2020) ສະຫະລັດມີການຈ້າງງານໃນສາຍການຜະລິດເພີ່ມຂຶ້ນ 480,000 ຕຳແໜ່ງ ແຕ່ນັກວິເຄາະບອກວ່າການເຕີບໂຕໃນຂະແໜງການຜະລິດນີ້ກຳລັງຂະຫຍາຍໂຕຊ້າລົງ ແລະ ນະໂຍບາຍທີ່ກ່ຽວຂ້ອງເຊັ່ນ ເລື່ອງກຳແພງພາສີ ກໍບໍ່ໄດ້ແກ້ບັນຫາທາງໂຄງສ້າງຢ່າງແທ້ຈິງ.


ພາບ: Gage Skidmore / Wikimedia

ການຄ້າ - ຢຸດຕິການເພິ່ງພາຈີນ ແລະ ປົກປ້ອງສາຍການຜະລິດຂອງສະຫະລັດ

  • ການທີ່ ທ່ານ ທຣຳ ກ່າວວ່າ ອາເມຣິກາຕ້ອງມາກ່ອນ ບໍ່ໄດ້ໝາຍຄວາມວ່າອາເມຣິກາຕ້ອງຢູ່ຢ່າງໂດດດ່ຽວ ເຊິ່ງໃຫ້ຄວາມສຳຄັນກັບຜົນປະໂຫຍດທາງເສດຖະກິດຂອງປະເທດກ່ອນ ເຊິ່ງ ທ່ານ ທຣຳ ມີຈຸດຢືນທີ່ໜັກແໜ້ນກັບຈີນ ບວກກັບນະໂຍບາຍປົກປ້ອງຜູ້ຜະລິດທ້ອງຖິ່ນຈາກຄູ່ແຂ່ງຕ່າງປະເທດ ແລະ ທັງສອງເລື່ອງນີ້ກໍຍັງເປັນເສົາຫຼັກຂອງຂອງນະໂຍບາຍການຄ້າຂອງທ່ານ.
  • ເດີນໜ້າສະສາງຂໍ້ຕົກລົງທາງການຄ້າຕ່າງໆທີ່ເຫັນວ່າບໍ່ເປັນທຳຕໍ່ກັບສະຫະລັດໃນຂະນະທີ່ດຳລົງຕຳແໜ່ງສະໄໝທຳອິດ ເຊັ່ນຂໍ້ຕົກລົງເຂດການຄ້າເສລີທະວີບອາເມຣິກາເໜືອລະຫວ່າງສະຫະລັດ, ອາເມຣິກາ ແລະ ເມັກຊິໂກໄດ້ຮັບການແກ້ໄຂ ລວມທັງຖອນໂຕອອກຈາກການຕົກລົງຮຸ້ນສ່ວນເສດຖະກິດພາກພື້ນປາຊີຟິກ.
  • ພ້ອມນີ້ ໂຕເລກຂາດດຸນການຄ້າຂອງສະຫະລັດຍັງຫຼຸດລົງເປັນຄັ້ງທຳອິດໃນຮອບ 6 ປີ ເມື່ອປີ 2019 ເຊິ່ງນີ້ເປັນຜົນຈາກການທີ່ທ່ານໄດ້ໃຫ້ຄຳໝັ້ນສັນຍາວ່າຈະແກ້ໄຂບັນຫາຂາດດຸນການຄ້າໃນຕອນຫາສຽງເມື່ອປີ 2016. ແນວໃດກໍຕາມນັກເສດຖະສາດຫຼາຍຄົນຍັງໂຕ້ວ່າ ອາດບໍ່ແມ່ນສັນຍານທີ່ດີຂຶ້ນຂອງລະບົບເສດຖະກິດກໍໄດ້.
  • ໃນເລື່ອງການເຮັດສົງຄາມການຄ້າກັບຈີນ ທ່ານ ທຣຳ ໄດ້ເດີນໜ້າຂຶ້ນພາສີສິນຄ້ານຳເຂົ້າປະຈຳປີລວມມູນຄ່າເກືອບ 500 ຕື້ໂດລາສະຫະລັດ ແລະ ໃນປີ 2020 ຂໍ້ຕົກລົງໄລຍະໜຶ່ງລະຫວ່າງສະຫະລັດ ແລະ ຈີນຍັງມີກຳແພງພາສີຢູ່ຄືເກົ່າເມື່ອເດືອນສິງຫາ 2020. ທ່ານກ່າວວ່າ ຕ້ອງການສະເໜີມາດຕະການຫຼຸດພາສີເພື່ອເຊີນຊວນໃຫ້ທຸລະກິດສະຫະລັດ ຍ້າຍໂຮງງານອອກຈາກຈີນ ໂດຍກ່າວວ່າ "ເຮົາຕ້ອງເຊົາເພິ່ງຈີນໄດ້ແລ້ວ".
  • ຕັ້ງກຳແພງພາສີຕໍ່ສິນຄ້ານຳເຂົ້າຈາກສະຫະພາບເອີຣົບ ຕັ້ງແຕ່ເຫຼັກກ້າໄປຈົນເຖິງເຫຼົ້າແວງຈາກຝຣັ່ງ ແລະ ຍັງຂູ່ຈະເພີ່ມພິກັດພາສີນຳເຂົ້າເຫຼັກ ແລະ ອາລູມີນຽມຈາກບຣາຊິນ ແລະ ອາເຈນຕີນາ. ນອກຈາກນີ້ ຍັງກັບມາກຳນົດພາສີນຳເຂົ້າຕໍ່ສິນຄ້າອະລູມີນຽມບາງປະເພດຈາກແຄນາດາອີກດ້ວຍ.


ປະທານາທິບໍດີ ໂດນັລ ທຣຳ ຂອງສະຫະລັດ ແລະ ປະທານ ສີ ຈິ້ນຜິງ ຂອງ ສປ ຈີນ / ພາບ: AFP

ນະໂຍບາຍການຕ່າງປະເທດ - ອາເມຣິກາຕ້ອງມາກ່ອນ ແລະ ຢໍ້າອຳນາດອະທິປະໄຕຂອງສະຫະລັດ

  • ນອກຈາກເລື່ອງການຄ້າແລ້ວ, ທ່ານ ທຣຳ ຍັງໄດ້ຍົກສູງນະໂຍບາຍ ອາເມຣິກາຕ້ອງມາກ່ອນສຳລັບນະໂຍບາຍການຕ່າງປະເທດເຊັ່ນກັນ. ສິ່ງນີ້ເນັ້ນຢໍ້າເຖິງອະທິປະໄຕຂອງສະຫະລັດ ແລະ ສິດຂອງທຸກຊາດໃນການຂີດເສັ້ນອະນາຄົດຂອງຕົວເອງ ໂດຍມຸ່ງເນັ້ນເລື່ອງຄວາມໝັ້ນຄົງ ແລະ ຈະເລີນຮຸ່ງເຮືອງຂອງຊາດ.
  • ໃນທາງປະຕິບັດ ມັນໝາຍເຖິງການແຍກຕົວອອກຈາກຂໍ້ຕົກລົງລະຫວ່າງປະເທດຂະໜາດໃຫຍ່ ເຊັ່ນ: ຂໍ້ຕົກລົງປາຣີສ ກ່ຽວກັບການປ່ຽນແປງສະພາບພູມອາກາດ ຫຼື ການຖອນໂຕອອກຈາກອົງການລະຫວ່າງປະເທດຂະໜາດໃຫຍ່ເຊັ່ນ ອົງການອະນາໄມໂລກ. ນອກຈາກນີ້ ທຣຳ ຍັງທ້າທາຍຄວາມເປັນພັນທະມິດກັບນານາຊາດ ດ້ວຍການຊຸກຍູ້ໃຫ້ຊາດສະມາຊິກນາໂຕ (NATO) ເພີ່ມເງິນສົມທົບໃນອົງກອນພັນທະມິດທາງທະຫານແຫ່ງນີ້. ນອກຈາກນີ້ ເມື່ອບໍ່ດົນມານີ້ ທ່ານ ທຣຳ ຍັງກ່າວຢໍ້າເຖິງຂໍ້ສັນຍາທີ່ຈະຫຼຸດກຳລັງທະຫານໃນຕ່າງປະເທດ ແຕ່ມາຈົນຮອດປັດຈຸບັນກໍຍັງບໍ່ທັນຕ່າງຈາກຕອນທີ່ທ່ານເຂົ້າຮັບຕຳແໜ່ງໃໝ່ ໂດຍສະເພາະໃນເຢຍລະມັນ ແລະ ອັຟການິສຖານ.
  • ນັກວິຈານບອກວ່າ ທ່ານທຣຳ ໄດ້ສ້າງຄວາມເຄັ່ງຕຶງລະຫວ່າງຊາດພັນທະມິດທີ່ແໜ້ນແຟ້ນກັບສະຫະລັດມາຢ່າງຍາວນານ ໂດຍການພະຍາຍາມໃກ້ຊິດກັບຊາດປໍລະປັກເຊັ່ນ ເກົາຫຼີເໜືອ ແລະ ຣັດເຊຍ. ແຕ່ແນວໃດກໍຕາມ ທ່ານກໍປະສົບຄວາມສຳເລັດໃນດ້ານການຕ່າງປະເທດຢູ່ແດ່ ເຊິ່ງເມື່ອບໍ່ດົນມານີ້ກໍຊ່ວຍເປັນສື່ກາງໃນການບັນລຸຂໍ້ຕົກລົງລະຫວ່າງ ອິສຣາເອລ ກັບ ສະຫະລັດອາຣັບ ເອມິເຣດ ເພື່ອປັບຄວາມສຳພັນຕໍ່ກັນ ແລະ ກໍສັ່ງການປະຕິບັດການສັງຫານ ອາບູ ບາກາ ອັລ-ບັກດາດີ ຫົວໜ້າກຸ່ມທີ່ເອີ້ນໂຕເອງວ່າລັດອິດສະລາມ ແລະ ນາຍພົນ ຄາເຊມ ສຸເລມານີ ຜູ້ທົງອິດທິພົນໃນອີຣານ.


ລົດລາດຕະເວນຊາຍແດນຈອດຢູ່ຕາມກຳແພງກັ້ນຊາຍແດນສະຫະລັດ-ເມັກຊິໂກ ໃນ San Ysidro ລັດແຄລິຟໍເນຍ / ພາບ: AFP

ຜູ້ອົບພະຍົບ - ສ້າງກຳແພງ ແລະ ກີດກັນຜູ້ຍ້າຍຖິ່ນຖານ

  • ການສະກັດກັ້ນຜູ້ຍ້າຍຖິ່ນຖານເປັນຄຳສັນຍາພື້ນຖານທີ່ສຳຄັນຂອງ ໂດນັລ ທຣຳ ໃນສາຍອາຊີບການເມືອງ ແລະ ເພື່ອທີ່ຈະເອົາຊະນະໃຈຜູ້ລົງຄະແນນສຽງເລືອກຕັ້ງອີກຄັ້ງ, ທ່ານໄດ້ໃຫ້ຄຳໝັ້ນສັນຍາວ່າ ຈະເດີນໜ້າສ້າງກຳແພງກັ້ນຊາຍແດນລະຫວ່າງສະຫະລັດ ແລະ ເມັກຊິໂກ. ຈົນຮອດຕອນນີ້ກໍຈັດສັນງົບປະມານໄດ້ຫຼາຍພໍທີ່ຈະສ້າງກຳແພງໄດ້ຍາວ 716 ກິໂລແມັດແລ້ວ ຈາກຄວາມຍາວທັງໝົດ 1,162 ກິໂລແມັດ.
  • ຍັງມີການປະກາດຈະຍຸບໂຄງການໄດ້ສິດການອົບພະຍົບເຂົ້າເມືອງຕາມຄອບຄົວ ເປັນການໃຊ້ລະບົບວັດແທກຄະແນນແທນ. ແຕ່ແຜນການປະຕິຮູບນະໂຍບາຍຜູ້ອົບພະຍົບຂອງທ່ານຕ້ອງຖືກໂຈະ ເນື່ອງຈາກສານສູງສຸດຂອງສະຫະລັດມີຄຳສັ່ງຄັດຄ້ານຂໍ້ສະເໜີຂອງລັດຖະບານທ່ານໃຫ້ຍົກເລີກໂຄງການຄຸ້ມຄອງເຍົາວະຊົນຈາກຄອບຄົວຜູ້ເຂົ້າເມືອງຜິດກົດໝາຍ ເຊິ່ງຜ່ອນຜັນໃຫ້ເດັກນ້ອຍຕ່າງປະເທດປະມານ 650,000 ຄົນໃຫ້ຢູ່ໃນສະຫະລັດໄດ້.

ສຸຂະພາບ - ຢາຮັກສາພະຍາດລາຄາຖືກລົງ, ຍົກເລີກກົດໝາຍປະກັນສຸຂະພາບ

  • ຕອນຫາສຽງເມື່ອປີ 2016 ໄດ້ປະກາດໄວ້ວ່າຈະຍົກເລີກກົດໝາຍປະກັນສຸຂະພາບທີ່ຊື່ Affordable Care Act ເຊິ່ງປະກາດໃຊ້ໃນສະໄໝທີ່ທ່ານ ບາຣັກ ໂອບາມາ ເປັນປະທານາທິບໍດີ. ເຖິງວ່າຈະບໍ່ໄດ້ຍົກເລີກທັງໝົດ ແຕ່ລັດຖະບານຂອງທ່ານ ທຣຳ ກໍປະສົບຄວາມສຳເລັດໃນການຍົກເລີກບາງສ່ວນຂອງກົດໝາຍ ລວມທັງຍົກເລີກຂໍ້ບັງຄັບໃຫ້ປະຊາຊົນທຸກຄົນຕ້ອງມີປະກັນສຸຂະພາບ ບໍ່ດັ່ງນັ້ນຕ້ອງເສຍຄ່າປັບໃໝທາງດ້ານພາສີອາກອນ.
  • ມີການສັນຍາວ່າຈະຫຼຸດລາຄາຢາຮັກສາພະຍາດໃນສະຫະລັດ ແລະ ໃນເດືອນກໍລະກົດ 2020 ກໍນຳມາດຕະການທີ່ອະນຸຍາດໃຫ້ມີສ່ວນຫຼຸດ ແລະ ນຳເຂົ້າຢາທີ່ລາຄາຖືກກວ່າຈາກຕ່າງປະເທດໄດ້ ແຕ່ວ່ານັກວິເຄາະກໍບອກວ່າ ມາດຕະການນີ້ບໍ່ສົ່ງຜົນຫຍັງພໍປານໃດ.


ຂໍ້ຕົກລົງປາຣີສວ່າດ້ວຍການປ່ຽນແປງສະພາບພູມອາກາດມີປະເທດພາຄີທັງໝົດ 197 ປະເທດ ແລະ ສະຫະລັດກໍແມ່ນໜຶ່ງໃນນັ້ນ / ພາບ: AFP, Patrik Stollarz

ການປ່ຽນແປງສະພາບພູມອາກາດ - ສົ່ງເສີມທຸລະກິດພະລັງງານຂອງສະຫະລັດ

  • ຫຼຸດຂໍ້ບັງຄັບການຄຸ້ມຄອງດ້ານສິ່ງແວດລ້ອມຫຼາຍຮ້ອຍປະການ ລວມທັງເລື່ອງຂີດຈຳກັດໃນການປ່ອຍກາສຄາບອນໄດອັອກໄຊຈາກໂຮງງານ ແລະ ພາຫະນະ ແລະ ກົດລະບຽບຄຸ້ມຄອງແຫຼ່ງນໍ້າສະຫະລັດ ຕາມສັນຍາທີ່ເຄີຍຫາສຽງໄວ້ໃນປີ 2016.
  • ໃຫ້ສະຫະລັດຖອນຕົວອອກຈາກຂໍ້ຕົກລົງປາຣີສວ່າດ້ວຍການປ່ຽນແປງສະພາບພູມອາກາດ ໂດຍບອກວ່າຂໍ້ຕົກລົງດັ່ງກ່າວເຮັດໃຫ້ສະຫະລັດເສຍປຽບເພື່ອຜົນປະໂຫຍດຂອງປະເທດອື່ນ ເຊິ່ງຂະບວນການຖອນໂຕຢ່າງເປັນທາງການຈະສຳເລັດສົມບູນຫຼັງຈາກການເລືອກຕັ້ງໃນເດືອນພະຈິກ 2020.
  • ເມື່ອບໍ່ດົນມານີ້ ລັດຖະບານ ທຣຳ ຫາກໍອະນຸມັດການຂຸດເຈາະນໍ້າມັນ ແລະ ກາສທຳມະຊາດໃນເຂດຮັກສາພັນສັດປ່າອະລາສກາ ເຊິ່ງໄດ້ຮັບປະກາດໃຫ້ເປັນເຂດອະນຸຮັກຫ້າມມີການຂຸດເຈາະມາຫຼາຍທົດສະວັດແລ້ວ.


ຂະບວນປະທ້ວງຢູ່ເມືອງບຣູກລິນ ນິວຢອກ ສະຫະລັດອາເມລິກາ ເມື່ອເດືອນມິຖຸນາ 2020 ຫຼັງເຫດເຈົ້າໜ້າທີ່ໃຊ້ຄວາມຮຸນແຮງຈົນເຮັດໃຫ້ຄົນຜິວດຳເສຍຊີວິດ / ພາບ: Angela Weiss/AFP

ຂະບວນການຍຸຕິທຳ - ຖານຂໍ້ມູນເພື່ອກວດສອບການປະພຶດຜິດຂອງຕຳຫຼວດ

  • ອອກກົດໝາຍການດຳເນີນການບາດກ້າວທຳອິດທີ່ທ່ານ ທຣຳ ບອກວ່າເປັນກ້າວສຳຄັນໃນການປະຕິດຮູບຂະບວນການຍຸຕິທຳ.
  • ກົດໝາຍສະບັບດັ່ງກ່າວເປັນການປະຕິຮູບກົດໝາຍໃນລະດັບລັດຖະບານສູນກາງ ເຊິ່ງໃຫ້ດຸນພິນິດແກ່ຜູ້ພິພາກສາຫຼາຍຂຶ້ນ ແລະ ເສີມສ້າງຄວາມພະຍາຍາມຟື້ນຟູຜູ້ຕ້ອງຂັງ.
  • ສັນຍາວ່າຈະອອກກົດໝາຍການດຳເນີນການບາດກ້າວທີສອງ ເພື່ອພິຈາລະນາເລື່ອງອຸປະສັກການຈ້າງງານຂອງອະດີດນັກໂທກ ແຕ່ຈົນຮອດຕອນນີ້ຍັງບໍ່ມີການສະເໜີຂໍ້ກົດໝາຍນີ້.
  • ໃຫ້ການສະໜັບສະໜຸນເຈົ້າໜ້າທີ່ຕຳຫຼວດທັງທີ່ມີການປະທ້ວງເລື່ອງຄວາມບໍ່ຍຸຕິທຳທາງເຊື້ອຊາດທົ່ວປະເທດ.
  • ໃນເດືອນມິຖຸນາ 2020 ລົງນາມໃນຄຳສັ່ງປະທານາທິບໍດີ ເພື່ອປະຕິຮູບໜ່ວຍຕຳຫຼວດ ສະເໜີງົບລັດຖະບານກາງເພື່ອປັບປຸງລະບຽບປະຕິບັດ ແລະ ໃຫ້ມີການສ້າງຊຸດຖານຂໍ້ມູນເພື່ອກວດຈັບການໃຊ້ກຳລັງໃນທາງທີ່ຜິດຂອງຕຳຫຼວດ.

ອ້າງອີງ:

 

 

Advertisement Replay Ad
ອ່ານດວງລາຍວັນປະຈໍາວັນພະຫັດ ທີ 17 ມິຖຸນາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 17 ມິຖຸນາ 2021 ຕາມແຕ່ລະວັນເກີດ

ອອກແລ້ວເດີ້! ຜົນຫວຍລາວງວດວັນທີ 14 ມິຖຸນາ 2021

ອອກແລ້ວເດີ້! ຜົນຫວຍລາວງວດວັນທີ 14 ມິຖຸນາ 2021

ອອກແລ້ວເດີ້! ຜົນຫວຍລາວງວດວັນທີ 10 ມິຖຸນາ 2021

ອອກແລ້ວເດີ້! ຜົນຫວຍລາວງວດວັນທີ 10 ມິຖຸນາ 2021

ອອກແລ້ວເດີ້! ຜົນຫວຍລາວງວດວັນທີ 7 ມິຖຸນາ 2021

ອອກແລ້ວເດີ້! ຜົນຫວຍລາວງວດວັນທີ 7 ມິຖຸນາ 2021

ຜົນການວິໄຈພົບ ອາຍຸໄຂສູງສຸດຂອງມະນຸດອາດສູງເຖິງ 150 ປີ

ຜົນການວິໄຈພົບ ອາຍຸໄຂສູງສຸດຂອງມະນຸດອາດສູງເຖິງ 150 ປີ

ອອກແລ້ວເດີ້! ຜົນຫວຍລາວງວດວັນທີ 31 ພຶດສະພາ 2021

ອອກແລ້ວເດີ້! ຜົນຫວຍລາວງວດວັນທີ 31 ພຶດສະພາ 2021

ໄວຣັສສາຍພັນໃໝ່ເກີດຂຶ້ນໄດ້ແນວໃດ? ແລະ ເຮັດແນວໃດຈຶ່ງຈະຢຸດການກາຍພັນໄດ້?

ໄວຣັສສາຍພັນໃໝ່ເກີດຂຶ້ນໄດ້ແນວໃດ? ແລະ ເຮັດແນວໃດຈຶ່ງຈະຢຸດການກາຍພັນໄດ້?

Sexual Harassment: ມຸກຕະຫຼົກທາງເພດສ້າງສຽງຫົວໃດ! ແຕ່ເຮົາຄວນຍອມຮັບ ຫຼື ບໍ່?

Sexual Harassment: ມຸກຕະຫຼົກທາງເພດສ້າງສຽງຫົວໃດ! ແຕ່ເຮົາຄວນຍອມຮັບ ຫຼື ບໍ່?

ອອກແລ້ວເດີ້! ຜົນຫວຍລາວງວດວັນທີ 27 ພຶດສະພາ 2021

ອອກແລ້ວເດີ້! ຜົນຫວຍລາວງວດວັນທີ 27 ພຶດສະພາ 2021

ອອກແລ້ວເດີ້! ຜົນຫວຍລາວງວດວັນທີ 26 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 26 ເມສາ 2021

ປະຫວັດການເຄື່ອນໄຫວຂອງ 65 ກໍລະນີຕິດເຊື້ອໂຄວິດ-19 ຢັ້ງຢືນໃໝ່ ປະຈຳວັນທີ 23 ເມສາ 2021

ປະຫວັດການເຄື່ອນໄຫວຂອງ 65 ກໍລະນີຕິດເຊື້ອໂຄວິດ-19 ຢັ້ງຢືນໃໝ່ ປະຈຳວັນທີ 23 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 22 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 22 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 8 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 8 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 5 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 5 ເມສາ 2021

ສຳນັກງານສົ່ງເສີມການຄ້າໃນຕ່າງປະເທດ ໜຸນ SME ເຈລະຈາຈັບຄູ່ຜູ້ຈຳໜ່າຍໃນລາວ ສ້າງເຄືອຂ່າຍຂະຫຍາຍການຄ້າ

ສຳນັກງານສົ່ງເສີມການຄ້າໃນຕ່າງປະເທດ ໜຸນ SME ເຈລະຈາຈັບຄູ່ຜູ້ຈຳໜ່າຍໃນລາວ ສ້າງເຄືອຂ່າຍຂະຫຍາຍການຄ້າ

ແອສຕຣາເຊເນກາ ຢືນຢັນ ບໍ່ພົບຫຼັກຖານຄວາມສ່ຽງພາວະເລືອດກ້າມຈາກການໃຊ້ວັກຊີນ

ແອສຕຣາເຊເນກາ ຢືນຢັນ ບໍ່ພົບຫຼັກຖານຄວາມສ່ຽງພາວະເລືອດກ້າມຈາກການໃຊ້ວັກຊີນ

ອອກແລ້ວເດີ້! ຜົນຫວຍລາວງວດວັນທີ 29 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 29 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 25 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 25 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 22 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 22 ມີນາ 2021

ກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຈະເກີດຫຍັງຂຶ້ນແດ່? ມີຫຍັງແດ່ທີ່ເຮົາຄວນຕ້ອງຮູ້?

ກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຈະເກີດຫຍັງຂຶ້ນແດ່? ມີຫຍັງແດ່ທີ່ເຮົາຄວນຕ້ອງຮູ້?

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ