ວັນຈັນ ທີ 2 ສິງຫາ 2021

10 ສິ່ງທີ່ຕ້ອງເຮັດເມື່ອຊື້ມືຖືຄູ່ໃຈເຄື່ອງໃໝ່

10 ສິ່ງທີ່ຕ້ອງເຮັດເມື່ອຊື້ມືຖືຄູ່ໃຈເຄື່ອງໃໝ່
S! Muan

ສະໜັບສະໜູນເນື້ອຫາ

ເມື່ອມີການປ່ຽນມືຖືໃໝ່ ກໍ່ຫຼີກເວັ້ນບໍ່ໄດ້ທີ່ຕ້ອງມານັ່ງໂອນຖ່າຍຂໍ້ມູນ ຫຼື ຕັ້ງຄ່າຕ່າງໆ ເພື່ອໃຫ້ເໝາະສົມກັບການໃຊ້ງານຂອງແຕ່ລະຄົນ. ໃນບົດຄວາມນີ້ ໄດ້ຮວບຮວມສິ່ງທີ່ຕ້ອງເຮັດເບື້ອງຕົ້ນເມື່ອຊື້ ຫຼື ປ່ຽນມືຖືໃໝ່, ເຮົາມາເບິ່ງນຳກັນວ່າມີຫຍັງແນ່ທີ່ຕ້ອງເອົາໃຈໃສ່.

(ທຸກໆ ພາບປະກອບ ຫຼື Screenshot ແມ່ນພາບຈາກ Samsung Galaxy Note 8 (SM-N950F), ລະບົບປະຕິບັດການ Android version 9 ທີ່ຄອບທັບດ້ວຍ One UI version 1.0 ຫຼື ຮ້ານມືຖືໃດຢາກສະໜັບສະໜູນສົ່ງລຸ້ນໃໝ່ໆ ມາໃຫ້ຣີວິວກະຮັບເດີ້ ຮ່າໆ, ແຕ່ແນວຄິດ ຫຼື ຂັ້ນຕອນໂດຍລວມສາມາດປະຍຸກໃຊ້ກັບມືຖືໄດ້ທຸກລຸ້ນ ທຸກຍີ່ຫໍ້). 

1. Check your new device - ກວດສອບມືຖືຢ່າງລະອຽດ, ໂດຍປົກກະຕິແລ້ວ ຄວນເປັນຂັ້ນຕອນກ່ອນຮັບເຄື່ອງອອກຈາກຮ້ານ ແຕ່ດ້ວຍປັດໄຈດ້ານເວລາ ແລະ ອື່ນໆ ອາດເຮັດໃຫ້ການກວດສອບສະພາບເຄື່ອງຕອນຮັບເຄື່ອງອາດເຮັດໄດ້ບໍ່ລະອຽດພຽງພໍ. ແນະນຳໃຫ້ກວດສອບທັງໂຕມືຖືເອງ ລວມທັງອຸປະກອນເສີມຕ່າງໆ ເຊັ່ນ: ສາຍສາກ, ຫົວສາກ, ຫູຟັງ ແລະ ອື່ນໆ.

2. Log-in to your account - ເມື່ອເປີດເຄື່ອງໃໝ່ ໂດຍທົ່ວໄປແລ້ວມືຖືຈະບັງຄັບໃຫ້ລົງທະບຽນດ້ວຍ Gmail (ສຳລັບຜູ້ໃຊ້ແອນດຣອຍ ຫຼື ຈະເປັນ Apple ID ສຳລັບຜູ້ໃຊ້ iPhone), ແຕ່ບາງຍີ່ຫໍ້ອາດບໍ່ໄດ້ບັງຄັບ. ຫາກຍັງບໍ່ມີບັນຊີ Gmail ແນະນຳໃຫ້ສ້າງໃໝ່, ບໍ່ຄວນໃຊ້ຮ່ວມກັນກັບບັນຊີຂອງຄົນອື່ນ. ຫາກສ້າງບັນຊີໃໝ່ບໍ່ເປັນ ກໍ່ໃຫ້ຄົນອ້ອມຂ້າງທີ່ສາມາດໄວ້ໃຈໄດ້ຕັ້ງໃຫ້ ແຕ່ຫາກເປັນກໍລະນີຈຳເປັນ ສາມາດໃຫ້ພະນັກງານຂາຍໂທລະສັບນັ້ນແຫຼະ ຕັ້ງໃຫ້, ແລ້ວຈຶ່ງມາປ່ຽນລະຫັດຜ່ານຕາມຫຼັງກໍ່ໄດ້ເຊັ່ນດຽວກັນ. ການລົງຊື່ເຂົ້າໃຊ້ງານ (Login) ມີຂໍ້ດີຫຼາຍຢ່າງ ເຊັ່ນ: ສາມາດ Sync ຂໍ້ມູນຈາກມືຖືເຄື່ອງເກົ່າທີ່ຜູກກັບບັນຊີດັ່ງກ່າວໄວ້ ບໍ່ວ່າຈະເປັນ ເບີໂທທີ່ບັນທຶກໄວ້, ສາມາດໃຊ້ບັນຊີດັ່ງກ່າວດາວໂຫຼດແອັບຈາກ Play Store ແລະ ອື່ນໆ ອີກຫຼາຍ. ສະນັ້ນ ບັນຊີທີ່ຕັ້ງໄວ້ກໍ່ຈື່ໃຫ້ໄດ້ທັງທີ່ຢູ່ອີເມວ ແລະ ລະຫັດຜ່ານ ຫາກຈື່ບໍ່ໄດ້ກໍ່ໃຫ້ຈົດໄວ້ໃນບ່ອນທີ່ປອດໄພ.

3. Apply data package - ເຊື່ອມຕໍ່ອິນເຕີເນັດ, ຫາກໃຊ້ WiFi ກໍ່ຄົງຈະບໍ່ເປັນບັນຫາ, ແຕ່ຫາກໃຊ້ເນັດຈາກເບີມືຖື ແນະນຳໃຫ້ຕັ້ງແພັກເກັດ (Package) ໄວ້ກ່ອນ ເພາະຈະຕ້ອງຕໍ່ເນັດເພື່ອດາວໂຫຼດຂໍ້ມູນອີກຫຼາຍຢ່າງ ຫາກບໍ່ຕັ້ງແພັກເກັດຄົງເຮັດໃຫ້ໝົດເງິນໄປບໍ່ໜ້ອຍ.

4. Disable bloatware - ປິດການເຮັດວຽກຂອງແອັບທີ່ເພື່ອນໆ ບໍ່ຕ້ອງການໃຊ້ງານ, ມືຖືບາງຍີ່ຫໍ້ ເມື່ອເປີດເຄື່ອງມາກໍ່ມີໄອຄອນແອັບເຕັມໄປໝົດທັງທີ່ຍັງບໍ່ໄດ້ດາວໂຫຼດຍັງມາລົງ, ແອັບດັ່ງກ່າວເອີ້ນວ່າ Bloatware ເຊິ່ງຜູ້ຜະລິດຕັ້ງໃຈເພີ່ມຄວາມສະດວກໃຫ້ແກ່ຜູ້ໃຊ້ງານ (ໂດຍບໍ່ຖາມເຮົາຈັກຄຳວ່າຕ້ອງການບໍ່ ຮ່າໆ) ແລະ ສ່ວນໃຫຍ່ຈະຖືກຝັງມາພ້ອມໆ ກັບລະບົບປະຕິບັດການ ເຮັດໃຫ້ບໍ່ສາມາດລົບອອກໄດ້. ແຕ່! ເຮົາສາມາດປິດການເຮັດວຽກ (Disable) ຂອງແອັບທີ່ບໍ່ຕ້ອງການໃຊ້ງານໄດ້ ດັ່ງພາບປະກອບດ້ານລຸ່ມທີ່ຈະ Disable ແອັບ Briefing ທີ່ເປັນ Bloatware (Settings>Apps>Briefing>Disable>Disable).

5. Check for update - ເມື່ອປິດບັນດາແອັບທີ່ບໍ່ຕ້ອງການໃຊ້ງານທີ່ກວນໃຈອອກໄປແລ້ວ ໃຫ້ເພື່ອນໆ ກວດສອບອັບເດດ (Update) ທັງລະບົບປະຕິບັດການ ແລະ ແອັບທີ່ເຫຼືອຢູ່, ຫາກມີອັບເດດ ກໍ່ແນະນຳໃຫ້ຕິດຕັ້ງ ເພື່ອຄວາມປອດໄພ (Settings>Software update>Download and install).

6. Get apps - ດາວໂຫຼດແອັບ, ເປັນຂັ້ນຕອນທີ່ໃຊ້ເວລາຂ້ອນຂ້າງຫຼາຍ ທັງນີ້ກໍ່ເພາະປັດຈຸບັນ ເຮົາມີແອັບໃຫ້ໃຊ້ງານຫຼາຍອີ່ຫຼີ ອີກທັງອິນເຕີເນັດບ້ານເຮົາກໍ່ໄວເຫຼືອເກີນ ຮ່າໆ. ກໍ່ເລືອກຈິ້ມດາວໂຫຼດຈາກ Play Store (ຫາກເປັນ iPhone ກໍ່ເປັນ AppStore ເນາະ) ຕາມໃຈເລີຍ ວ່າຕ້ອງການໃຊ້ຫຍັງແດ່? (ຫາກເປັນຜູ້ໃຊ້ເກົ່າທີ່ມີບັນຊີ Gmail ທີ່ເຄີຍຜູກກັບເຄື່ອງເກົ່າຢູ່ແລ້ວ ກໍ່ສາມາດກົດເບິ່ງແອັບທີ່ເຄີຍດາວໂຫຼດໄດ້). ທັງນີ້ທັງນັ້ນ, ແນະນຳວ່າໃຫ້ໂຫຼດຈາກແຫຼ່ງດາວໂຫຼດທີ່ໜ້າເຊື່ອຖືເທົ່ານັ້ນ ໂດຍສະເພາະຝັ່ງແອນດຣອຍທີ່ມີຕົວເລືອກໃຫ້ອະນຸຍາດແອັບທີ່ມາຈາກແຫຼ່ງອື່ນ (Third party software) ຫຼື ດາວໂຫຼດໄຟລ໌ APK ມາລົງກັນເອງ, ຫາກເປັນໄປໄດ້ກໍ່ໃຫ້ດາວໂຫຼດຈາກ Play Store ຢ່າງດຽວ ເພາະຈະມີມາດຕະການກວດສອບຄວາມປອດໄພລະດັບດີພໍສົມຄວນ ທັງນີ້ກໍ່ເພື່ອຄວາມປອດໄພຂອງການໃຊ້ງານນັ້ນເອງ. ຍິ່ງເປັນຍຸກທີ່ມີການໃຊ້ຈ່າຍ ໂອນເງິນທາງອອນລາຍຜ່ານອຸປະກອນມືຖື ຍິ່ງຕ້ອງໄດ້ເອົາໃຈໃສ່ເລື່ອງຄວາມປອດໄພເປັນພິເສດ ເພື່ອຫຼີກເວັ້ນການຕົກເປັນເຫຍື່ອອາດຍາກຳທາງໄຊເບີ. 

7. Explore your device’s settings - ເມື່ອກົດດາວໂຫຼດລາຍການແອັບຕາມຕ້ອງການແລ້ວ (ບໍ່ແລ້ວກະປ່ອຍໃຫ້ມັນດາວໂຫຼດຕໍ່ໄປນັ້ນແຫຼະ) ອອກມາກວດສອບເບິ່ງວ່າການຕັ້ງຄ່າ (Settings) ໃນເຄື່ອງມີຫຍັງແດ່? ແຕ່ລະລາຍການ ເຊື່ອງຊ້ອນຢູ່ໃສ, ເພາະແຕ່ລະເຄື່ອງ ແຕ່ລະຍີ່ຫໍ້ກໍ່ແຕກຕ່າງກັນ. 

8. Customize your device - ປັບແຕ່ງຕາມຕ້ອງການ ແລະ ຄວາມເໝາະສົມກັບການໃຊ້ງານຂອງຕົນເອງ ບໍ່ວ່າຈະເປັນ ພາສາເຄື່ອງ, ສຽງເອີ້ນເຂົ້າ, ການແຈ້ງເຕືອນ, ຄີບອດ, ພາບພື້ນຫຼັງ (Wallpaper), ພາບພັກໜ້າຈໍ, Theme ແລະ ໄອຄອນ ໃຫ້ກົງກັບສະໄຕລ໌ ຫຼື ການໃຊ້ງານຂອງຕົນເອງ. ໃນຂໍ້ນີ້ຄົງຈະແນະນຳໃຫ້ບໍ່ໄດ້ ເພາະແຕ່ລະຄົນຈະມີການໃຊ້ງານທີ່ແຕກຕ່າງກັນ, ໂດຍສ່ວນຕົວຈະເອົາ Icon ແອັບທີ່ໃຊ້ເລື້ອຍໆ ອອກມາໄວ້ໜ້າ Home (ຂໍ້ດີຂອງຜູ້ໃຊ້ແອນດຣອຍ ສາມາດປັບແຕ່ງໄດ້ງ່າຍ ຕາມສະໄຕລ໌ຂອງແຕ່ລະຄົນ).

9. Secure your device - ຕັ້ງລະຫັດຜ່ານໜ້າຈໍ, ການສະແກນມ່ານຕາ, ລາຍນິ້ວມື ຫຼື ສະແກນໜ້າ ແລະ ອື່ນໆ ເພື່ອປ້ອງກັນຄົນອື່ນເຂົ້າເຖິງຂໍ້ມູນພາຍໃນເຄື່ອງ (Settings>Lock screen>Screen lock type). 

10. Choose your favorite film / case - ສຸດທ້າຍ ແຕ່ບໍ່ທ້າຍສຸດ, ເລືອກຊື້ຟິມກັນຮອຍ ແລະ ເຄສຕາມຄວາມມັກຂອງເພື່ອນໆ ເລີຍ ເພື່ອປ້ອງກັນຮອຍຂູດຂີດ, ກັນກະແທກ ແລະ ກັນຄວາມງາມຂອງເຄື່ອງ ຮ່າໆ, ໃຜມັກກໍ່ໃສ່ ຫຼື ບໍ່ມັກບໍ່ໃສ່ກໍ່ບໍ່ຜິດລະບຽບຫຍັງເດີ້.  

ທີ່ຍົກມາ ເປັນພຽງຂັ້ນຕອນພື້ນຖານທີ່ຄວນເອົາໃຈໃສ່ ຍັງມີອີກຫຼາຍຢ່າງທີ່ຈະເຮັດໃຫ້ມືຖືທີ່ທ່ານເສຍເງິນຊື້ມາ ກາຍເປັນເຄື່ອງມືອຳນວຍຄວາມສະດວກປະຈຳວັນ ແລະ ຈະເຮັດໃຫ້ການໃຊ້ຊີວິດຂອງເພື່ອນໆ ນັ້ນດີຂຶ້ນ, ໃນເວບມ່ວນ ພວກເຮົາກໍ່ຍັງມີເຕັກນິດດີໆ ບໍ່ວ່າຈະເປັນ ເຕັກນິກການຕັ້ງຄ່າເພື່ອເພີ່ມຄວາມໄວມືຖືແອນດຣອຍ ຫຼື ແອັບທີ່ຄວນຫາດາວໂຫຼດມາຕິດຕັ້ງໄວ້. 


ຂຽນໂດຍ: Nilavath 

ອ້າງອີງ: 

ພາບ: Daniel Romero / Unsplash

Advertisement Replay Ad
ເປີດໂຕໃນລາວແລ້ວ OPPO Reno6 Z 5G ຖືກໃຈສາຍຖ່າຍຮູບ Portrait ພ້ອມດີຊາຍທີ່ເປັນເອກະລັກ

ເປີດໂຕໃນລາວແລ້ວ OPPO Reno6 Z 5G ຖືກໃຈສາຍຖ່າຍຮູບ Portrait ພ້ອມດີຊາຍທີ່ເປັນເອກະລັກ

ແຈກວິທີ ໃຊ້ WhatsApp Web ໃນຄອມພິວເຕີພ້ອມກັນ 4 ເຄື່ອງ ມືຖືແບັດໝົດ ຫຼື ບໍ່ມີເນັດກໍຍັງໃຊ້ໄດ້

ແຈກວິທີ ໃຊ້ WhatsApp Web ໃນຄອມພິວເຕີພ້ອມກັນ 4 ເຄື່ອງ ມືຖືແບັດໝົດ ຫຼື ບໍ່ມີເນັດກໍຍັງໃຊ້ໄດ້

ໂລກ້າ ຮ່ວມມື ບໍລິສັດ ໂຊກມີໄຊ ຂະຫຍາຍບໍລິການແທັກຊີອອນລາຍ 24 ຊົ່ວໂມງ ຢູ່ປາກເຊ ແຂວງຈຳປາສັກ

ໂລກ້າ ຮ່ວມມື ບໍລິສັດ ໂຊກມີໄຊ ຂະຫຍາຍບໍລິການແທັກຊີອອນລາຍ 24 ຊົ່ວໂມງ ຢູ່ປາກເຊ ແຂວງຈຳປາສັກ

Httpool ສະເຫຼີມສະຫຼອງຄວາມສຳເລັດສຳລັບການດຳເນີນທຸລະກິດໃນລາວຄົບຮອບ 1 ປີ!

Httpool ສະເຫຼີມສະຫຼອງຄວາມສຳເລັດສຳລັບການດຳເນີນທຸລະກິດໃນລາວຄົບຮອບ 1 ປີ!

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຫຼຽນມີສອງດ້ານສັນໃດ ສື່ສັງຄົມອອນລາຍກໍມີ "ດ້ານດີ - ດ້ານລົບ" ສັນນັ້ນ

ຫຼຽນມີສອງດ້ານສັນໃດ ສື່ສັງຄົມອອນລາຍກໍມີ "ດ້ານດີ - ດ້ານລົບ" ສັນນັ້ນ

ເປີດໃຫ້ສັ່ງຈອງແລ້ວມື້ນີ້! Huawei Y7a ລາຄາສຸດຄຸ້ມ ພ້ອມຈຸດເດັ່ນທີ່ທ່ານບໍ່ຄວນພາດເປັນເຈົ້າຂອງ

ເປີດໃຫ້ສັ່ງຈອງແລ້ວມື້ນີ້! Huawei Y7a ລາຄາສຸດຄຸ້ມ ພ້ອມຈຸດເດັ່ນທີ່ທ່ານບໍ່ຄວນພາດເປັນເຈົ້າຂອງ

ປັກ 3 ຂາ ທີ່ມາຂອງຄວາມຫຍຸ້ງຍາກ ຈິງແທ້ປະການໃດ?

ປັກ 3 ຂາ ທີ່ມາຂອງຄວາມຫຍຸ້ງຍາກ ຈິງແທ້ປະການໃດ?

7 ເຫດຜົນທີ່ທ່ານບໍ່ຄວນພາດຈະເປັນເຈົ້າຂອງ Huawei Nova 7 ສະມາດໂຟນ 5G

7 ເຫດຜົນທີ່ທ່ານບໍ່ຄວນພາດຈະເປັນເຈົ້າຂອງ Huawei Nova 7 ສະມາດໂຟນ 5G

ຮູ້ຈັກກັບ VPN ເຄື່ອງມືທີ່ຈະຊ່ວຍໃຫ້ສາຍມຸດທ່ອງອິນເຕີເນັດປອດໄພຂຶ້ນອີກເທົ່າຕົວ

ຮູ້ຈັກກັບ VPN ເຄື່ອງມືທີ່ຈະຊ່ວຍໃຫ້ສາຍມຸດທ່ອງອິນເຕີເນັດປອດໄພຂຶ້ນອີກເທົ່າຕົວ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ