ວັນອັງຄານ ທີ 15 ມິຖຸນາ 2021

ກິສັນ ຈັນທີ: ຈັກອາຊີບກໍເຮັດໄດ້ຖ້າໃຈມັກ ແລະ ຮູ້ຈັດສັນເວລາ

ກິສັນ ຈັນທີ: ຈັກອາຊີບກໍເຮັດໄດ້ຖ້າໃຈມັກ ແລະ ຮູ້ຈັດສັນເວລາ
S! Muan

ສະໜັບສະໜູນເນື້ອຫາ

ທ່ານເຊື່ອບໍວ່າຄົນໆໜຶ່ງສາມາດເຮັດອາຊີບໄດ້ຮອດ 4-5 ອາຊີບ ຫຼື ຫຼາຍກວ່ານີ້ໄດ້ພ້ອມກັນ ແຕ່ສິ່ງທີ່ສຳຄັນທີ່ສຸດນັ້ນແມ່ນຕ້ອງຮູ້ຈັດສັນເວລາໃຫ້ດີເສຍກ່ອນ. ໃນບົດສຳພາດຄັ້ງກ່ອນ, ຜູ້ຂຽນໄດ້ສຳພາດ ກິສັນ ຈັນທີ, ນັກຮ້ອງສຽງດີ ດີກຣີນັກຮຽນເກັ່ງ, ນັກສຶກສາວິສະວະກຳໂຍທາປີທີ 4 ທີ່ຄະນະວິສະວະກຳສາດ,ມະຫາວິທະຍາໄລແຫ່ງຊາດ ກ່ຽວກັບວິທີການສອບເສັງຊິງທຶນການສຶກສາ HONDA Y_E_S Award 2019 ມູນຄ່າ 3,000 ໂດລາສະຫະລັດ.

ແຕ່ເມື່ອຜູ້ຂຽນໄດ້ຮູ້ວ່າແທ້ຈິງແລ້ວ ກິສັນ ໄດ້ປະກອບອາຊີບອີກຫຼາຍຢ່າງນອກເໜືອຈາກການເປັນນັກສຶກສາຢູ່ 2 ສະຖາບັນ, ຍັງເຮັດອາຊີບເສີມເປັນຄູສອນພິເສດພາສາອັງກິດທີ່ສູນພາສາອັງກິດສີວິໄຊ, ພະນັກງານເສີບທີ່ໂຮງແຮມຄຣາວພລາຊາ, ຮັບງານພິທີກອນ, ຮ້ອງເພງ, ເປັນພໍ່ຄ້າອອນລາຍ ແລະ ຍັງປະກອບສ່ວນວຽກງານອາສາສະໝັກນຳມູນລະນິທິຮ່ວມໃຈທຳ. ດັ່ງນັ້ນ, ມື້ນີ້, ຜູ້ຂຽນຈະພາບັນດາທ່ານໄປຮຽນຮູ້ກ່ຽວກັບການຈັດສັນເວລາຮຽນ ແລະ ເຮັດວຽກຢ່າງມີປະສິດທິພາບເຊິ່ງສາມາດສ້າງລາຍໄດ້ຫຼາຍຊ່ອງທາງຕາມແບບສະບັບຂອງ ກິສັນ ຈັນທີ.

1. ອ້າຍກິສັນມີວິທີການແບ່ງເວລາໃນການຮຽນ ແລະ ແນວໃດຈຶ່ງສາມາດຄວບຄູ່ອາຊີບເຫຼົ່ານັ້ນໄດ້ໝົດ? 

ວິທີການແບ່ງເວລາໃນການຮຽນ ແລະ ການເຮັດວຽກຂອງອ້າຍແມ່ນໃນເວລາປົກກະຕິຈັນ-ສຸກແມ່ນສຸມໃສ່ການຮຽນ 2 ບ່ອນເປັນຫຼັກ; ຄື: 8:00-15:30 ໂມງ ແມ່ນຮຽນພາກເຊົ້າ (ວິສະວະກໍາໂຍທາ) ແລະ ພາກຄໍ່າ 17:30-20:30 ໂມງ ແມ່ນຮຽນພາສາອັງກິດ; 2 ໄລຍະເວລານີ້ຈະເປັນເວລາທີ່ສໍາຄັນ ແລະ ອ້າຍຈະບໍ່ໃຫ້ມີວຽກນອກໃດໆມາຍາດເວລານີ້ໄດ້; ແຕ່ໄລຍະຂອງການເຮັດວຽກຈະແມ່ນໄລຍະພັກລະຫວ່າງພາກເຊົ້າໃສ່ພາກແລງ ແລະ ເສົາ-ອາທິດໂດຍສ່ວນໃຫຍ່; ເຊິ່ງວ່າການເຮັດວຽກແມ່ນການຫາປະສົບການນອກຮົ້ວໂຮງຮຽນ; ແຕ່ກ່ອນທີ່ຈະເຮັດໄດ້ໃນເວລາໃນຫ້ອງຮຽນເຮົາຕ້ອງເອົາໃຈໃສ່, ຕັ້ງໃຈ ແລະ ເກັບຂໍ້ມູນໃຫ້ຫຼາຍທີ່ສຸດເພື່ອເຮົາຈະໄດ້ມີເວລາໄປເຮັດວຽກດ້ານອື່ນໂດຍທີ່ບໍ່ສົ່ງຜົນຕໍ່ການຮຽນຂອງເຮົາ. 

2. ເຄີຍມີບໍເວລາທີ່ວຽກຕຳກັນ ແລ້ວມີວິທີຈັດການແນວໃດ? 

ອ້າຍຍັງບໍ່ເຄີຍມີເຫດການເວລາຮຽນ ແລະ ເວລາເຮັດວຽກຕໍາກັນເພາະອ້າຍຈະວາງຕາຕະລາງເວລາໂຕເອງໄວ້ຢ່າງຊັດເຈນຢູ່ແລ້ວວ່າການຮຽນຕ້ອງມາກ່ອນສະເໝີ. ແຕ່ຖ້າຫາກວ່າຕໍາກັນແທ້ອ້າຍຈະເລືອກປະຕິເສດວຽກນອກອື່ນໆ ແລະ ຈະໄປຮຽນປົກກະຕິ. 

3. ຖ້າເຮັດວຽກຫຼາຍແນວນີ້, ຈະມີເວລາອອກໄປພົບປະສັງສັນກັບສັງຄົມ ແລະ ໝູ່ເພື່ອນບໍ? 

ວຽກທີ່ອ້າຍເລືອກເຮັດໂດຍສ່ວຍໃຫຍ່ເຊັ່ນ: ວຽກອາສາ, ນັກຮ້ອງ, ພິທີກອນ, ສອນພິເສດ ແລະ ອື່ນໆລ້ວນແລ້ວແຕ່ແມ່ນວຽກທີ່ນໍາອ້າຍໄປພົບຜູ້ຄົນໃນຂົງເຂດໃໝ່ໆ; ແຫຼ່ງຄວາມຮູ້ໃໝ່ໆ ແລະ ສັງຄົມໃໝ່ໆຢູ່ຕະຫຼອດເວລາ. ສ່ວນການພົບປະໝູ່ເພື່ອນແມ່ນພວກອ້າຍຈະມີເວລາຢູ່ນໍາກັນຕະຫຼອດທັງໃນຫ້ອງຮຽນ; ເຮັດວຽກກຸ່ມ, ພ້ອມນັ້ນຍັງໄດ້ມີໂອກາດໄປຝືກງານນໍາກັນຢູ່ສະຖານທີ່ໄກໆອີກ ແລະ ທີ່ສໍາຄັນ ອ້າຍເປັນຄົນຮັກການມີໝູ່ຢູ່ແລ້ວ; ດັ່ງນັ້ນ, ເມື່ອເຮົາຮັກສິ່ງໃດເຮົາຈະຫາເວລາໃຫ້ສິ່ງນັ້ນໄດ້ສະເໝີ.

4. ນອກເໜືອທີ່ໄດ້ກ່າວມາ, ອ້າຍກິສັນໄດ້ແບ່ງເວລາໃຫເກັບຕົນເອງນຳບໍ? ໃນເວລາວ່າງມັກເຮັດຫຍັງ? 

ແນ່ນອນວ່າເຮົາກໍຕ້ອງຫາເວລາໃຫ້ໂຕເອງໄດ້ອອກກໍາລັງກາຍ, ພັກຜ່ອນ, ຫາແນວບໍາລຸງຮ່າງກາຍ ແລະ ຈິດໃຈຢູ່ສະເໝີ. ໃນຕອນເຊົ້າບາງມື້ປະມານ 5:30-6:30 ໂມງ, ອ້າຍຈະຕື່ນມາເຮັດຄາດິໂອ (Cardio) ແລະ ໄລຍະເສົາທິດທີ່ບໍ່ມີວຽກກໍຈະພັກຜ່ອນ, ເບິ່ງໜັງ, ຮ້ອງເພງ, ຟັງເພງ, ໄປເຮັດບຸນ, ອອກໄປຫາໝູ່ ແລະ ໄປແລ່ນໃນຕອນແລງ (ມັກໄປແລ່ນຢູ່ບຶງທາດຫຼວງ). 

5. ຄຳຖາມສຸດທ້າຍສຳຄັນທີ່ສຸດເລີຍ, ຍ້ອນຫຍັງຈຶ່ງເລືອກທີ່ຈະເຮັດວຽກຫຼາຍຢ່າງທັງທີ່ຮຽນຢູ່ໂຮງຮຽນກະເມື່ອຍຢູ່ແລ້ວ? 

ອ້າຍຄິດວ່າການເຮັດວຽກຫຼາຍຢ່າງເປັນການເປີດໂອກາດໃຫ້ຊີວິດໄດ້ມີຫຼາຍທາງເລືອກ; ໃຫ້ເຮົາໄດ້ມີໂອກາດຄົ້ນຫາຕົນເອງ, ເປັນການສ້າງຄວາມຮູ້ທີ່ບາງຄັ້ງເຮົາອາດຈະບໍ່ໄດ້ຮັບຈາກຮົ້ວໂຮງຮຽນ ແລະ ພ້ອມກັນນັ້ນ; ຍັງເຮັດໃຫ້ເຮົາຮູ້ໄດ້ການຫາເງິນໃຊ້ເອງວ່າມັນບໍ່ງ່າຍເລີຍທີ່ຈະໄດ້ເງິນມາ ແລະ ເຮັດໃຫ້ເຮົາຮູ້ຄຸນຄ່າຂອງເງິນຫຼາຍຂຶ້ນ. ແຕ່ແນວໃດກໍຕາມເຮົາບໍ່ຄວນລືມໜ້າທີ່ຫຼັກຂອງເຮົາກໍຄືການເປັນນັກສຶກສາ; ເຮົາຕ້ອງຕັ້ງໃຈຮຽນ ແລະ ການຮຽນຕ້ອງມາກ່ອນສະເໝີ. ສໍາລັບວຽກນອກກ່ອນຈະເຮັດໄດ້ເຮົາຕ້ອງຖາມຕົນເອງກ່ອນສະເໝີວ່າເວລາເຮົາພໍບໍ່, ເຮົາຈະບໍ່ເມື່ອຍເກີນໄປບໍ່ ແລະ ຈະບໍ່ເຮັດໃຫ້ເຮົາເສຍການຮຽນບໍ່; ຖ້າທຸກຄໍາຕອບຂອງຄໍາຖາມຄື ບໍ່; ເຮົາກະຄວນລອງ.

ການຕັ້ງໃຈຮຽນນັ້ນເປັນສິ່ງທີ່ຜູ້ປົກຄອງຫຼາຍໆທ່ານຄາດຫວັງໄວ້ກັບລູກຫຼານ ແຕ່ການຮຳ່ຮຽນນັ້ນກໍປະຕິເສດບໍ່ໄດ້ວ່າບໍ່ມີຄ່າໃຊ້ຈ່າຍໃດໆ, ທັງຄ່າຮຽນ, ຄ່າເດີນທາງ, ແລະຄ່າໃຊ້ຈ່າຍຕ່າງໆລວມທັງຄ່າກິນຢູ່. ເພາະສະນັ້ນ, ກິສັນເອງກໍຖືວ່າເປັນໜຶ່ງໃນນັກສຶກສາຫຼາຍໆຄົນທີ່ເລືອກເຮັດວຽກເສີມເພື່ອຫາເງິນ ແລະ ແບ່ງເບົາພາລະຄອບຄົວ. ທັງນີ້, ການເຮັດວຽກພ້ອມທັງຕັ້ງໃຈຮັກສາລະດັບການຮຽນຂອງຕົນໃຫ້ຢູ່ໃນເກນທີ່ຕົນຕັ້ງໄວ້ນັ້ນກໍລ້ວນແຕ່ເກີດຈາກຄວາມຕັ້ງໃຈ ແລະ ຄວາມມີລະບຽບວິໄນໃນການຈັດສັນຕາຕະລາງປະຈຳວັນ. ແລ້ວທ່ານຜູ້ອ່ານເດ? ໄດ້ສ້າງຕາຕະລາງເຮັດວຽກປະຈຳວັນເພື່ອແບ່ງເວລາເຮັດວຽກໃຫ້ມີປະສິດທິພາບຂຶ້ນກວ່າເກົ່າກັນແລ້ວ ຫຼື ຍັງ? ຫວັງວ່າຜູ້ອ່ານທຸກຄົນຈະໄດ້ຄວາມຮູ້ຈາກບົດຄວາມນີ້ເພື່ອເປັນປະໂຫຍດໃນການຈັດສັນເວລາຂອງຕົນບໍ່ຫຼາຍກໍໜ້ອຍໜຶ່ງ.


ບົດຄວາມໂດຍ: Zalita Phetxomphou

Advertisement Replay Ad
ອອກແລ້ວເດີ້! ຜົນຫວຍລາວງວດວັນທີ 14 ມິຖຸນາ 2021

ອອກແລ້ວເດີ້! ຜົນຫວຍລາວງວດວັນທີ 14 ມິຖຸນາ 2021

ອອກແລ້ວເດີ້! ຜົນຫວຍລາວງວດວັນທີ 10 ມິຖຸນາ 2021

ອອກແລ້ວເດີ້! ຜົນຫວຍລາວງວດວັນທີ 10 ມິຖຸນາ 2021

ອອກແລ້ວເດີ້! ຜົນຫວຍລາວງວດວັນທີ 7 ມິຖຸນາ 2021

ອອກແລ້ວເດີ້! ຜົນຫວຍລາວງວດວັນທີ 7 ມິຖຸນາ 2021

ຜົນການວິໄຈພົບ ອາຍຸໄຂສູງສຸດຂອງມະນຸດອາດສູງເຖິງ 150 ປີ

ຜົນການວິໄຈພົບ ອາຍຸໄຂສູງສຸດຂອງມະນຸດອາດສູງເຖິງ 150 ປີ

ອອກແລ້ວເດີ້! ຜົນຫວຍລາວງວດວັນທີ 31 ພຶດສະພາ 2021

ອອກແລ້ວເດີ້! ຜົນຫວຍລາວງວດວັນທີ 31 ພຶດສະພາ 2021

ໄວຣັສສາຍພັນໃໝ່ເກີດຂຶ້ນໄດ້ແນວໃດ? ແລະ ເຮັດແນວໃດຈຶ່ງຈະຢຸດການກາຍພັນໄດ້?

ໄວຣັສສາຍພັນໃໝ່ເກີດຂຶ້ນໄດ້ແນວໃດ? ແລະ ເຮັດແນວໃດຈຶ່ງຈະຢຸດການກາຍພັນໄດ້?

Sexual Harassment: ມຸກຕະຫຼົກທາງເພດສ້າງສຽງຫົວໃດ! ແຕ່ເຮົາຄວນຍອມຮັບ ຫຼື ບໍ່?

Sexual Harassment: ມຸກຕະຫຼົກທາງເພດສ້າງສຽງຫົວໃດ! ແຕ່ເຮົາຄວນຍອມຮັບ ຫຼື ບໍ່?

ອອກແລ້ວເດີ້! ຜົນຫວຍລາວງວດວັນທີ 27 ພຶດສະພາ 2021

ອອກແລ້ວເດີ້! ຜົນຫວຍລາວງວດວັນທີ 27 ພຶດສະພາ 2021

ອອກແລ້ວເດີ້! ຜົນຫວຍລາວງວດວັນທີ 26 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 26 ເມສາ 2021

ປະຫວັດການເຄື່ອນໄຫວຂອງ 65 ກໍລະນີຕິດເຊື້ອໂຄວິດ-19 ຢັ້ງຢືນໃໝ່ ປະຈຳວັນທີ 23 ເມສາ 2021

ປະຫວັດການເຄື່ອນໄຫວຂອງ 65 ກໍລະນີຕິດເຊື້ອໂຄວິດ-19 ຢັ້ງຢືນໃໝ່ ປະຈຳວັນທີ 23 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 22 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 22 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 8 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 8 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 5 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 5 ເມສາ 2021

ສຳນັກງານສົ່ງເສີມການຄ້າໃນຕ່າງປະເທດ ໜຸນ SME ເຈລະຈາຈັບຄູ່ຜູ້ຈຳໜ່າຍໃນລາວ ສ້າງເຄືອຂ່າຍຂະຫຍາຍການຄ້າ

ສຳນັກງານສົ່ງເສີມການຄ້າໃນຕ່າງປະເທດ ໜຸນ SME ເຈລະຈາຈັບຄູ່ຜູ້ຈຳໜ່າຍໃນລາວ ສ້າງເຄືອຂ່າຍຂະຫຍາຍການຄ້າ

ແອສຕຣາເຊເນກາ ຢືນຢັນ ບໍ່ພົບຫຼັກຖານຄວາມສ່ຽງພາວະເລືອດກ້າມຈາກການໃຊ້ວັກຊີນ

ແອສຕຣາເຊເນກາ ຢືນຢັນ ບໍ່ພົບຫຼັກຖານຄວາມສ່ຽງພາວະເລືອດກ້າມຈາກການໃຊ້ວັກຊີນ

ອອກແລ້ວເດີ້! ຜົນຫວຍລາວງວດວັນທີ 29 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 29 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 25 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 25 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 22 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 22 ມີນາ 2021

ກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຈະເກີດຫຍັງຂຶ້ນແດ່? ມີຫຍັງແດ່ທີ່ເຮົາຄວນຕ້ອງຮູ້?

ກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຈະເກີດຫຍັງຂຶ້ນແດ່? ມີຫຍັງແດ່ທີ່ເຮົາຄວນຕ້ອງຮູ້?

ຫຼາຍຊາດໃຫຍ່ໃນເອີຣົບໂຈະການໃຫ້ວັກຊີນ "ແອສຕຣາເຊເນກາ" ຫຼັງພົບພາວະເລືອດກ້າມໃນຜູ້ຮັບວັກຊີນ

ຫຼາຍຊາດໃຫຍ່ໃນເອີຣົບໂຈະການໃຫ້ວັກຊີນ "ແອສຕຣາເຊເນກາ" ຫຼັງພົບພາວະເລືອດກ້າມໃນຜູ້ຮັບວັກຊີນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ