ວັນເສົາ ທີ 31 ຕຸລາ 2020

ພາຮູ້ຈັກຈຸດກຳເນີດຂອງ 6 ສິ່ງປະດິດຂອງໂລກ ກ່ອນຈະກາຍເປັນສິ່ງທີ່ພົບເຫັນໄດ້ທົ່ວໄປໃນປັດຈຸບັນ

ພາຮູ້ຈັກຈຸດກຳເນີດຂອງ 6 ສິ່ງປະດິດຂອງໂລກ ກ່ອນຈະກາຍເປັນສິ່ງທີ່ພົບເຫັນໄດ້ທົ່ວໄປໃນປັດຈຸບັນ
S! Muan

ສະໜັບສະໜູນເນື້ອຫາ

ບົດຄວາມນີ້ໄດ້ຖືກຂຽນຂຶ້ນ, ຫຼັງຈາກ ຜູ້ຂຽນ ໄດ້ ພົບປຶ້ມຄວາມຮູ້ຮອບຕົວ ເຫຼັ້ມໜຶ່ງຢູ່ໃນຫໍສະໝຸດຂອງໂຮງຮຽນ ແລະ ໄດ້ອ່ານແລ້ວເຄິ່ງໜຶ່ງ ເເລ້ວເຫັນວ່າປຶ້ມຫົວນີ້້ເຮັດໃຫ້ ໄດ້ຮັບຮູ້ຫຼາກຫຼາຍເລື່ອງ ທີ່ບໍ່ເຄີຍຮູ້ມາກ່ອນ ແລະ ຄິດວ່າຍັງມີຫຼາຍຄົນທີ່ຍັງສົງໄສກ່ຽວກັບຄວາມເປັນມາຂອງສິ່ງຕ່າງໆທີ່ປະຈັກຕາໃຫ້ເຫັນໃນທຸກມື້ນີ້ ແລະ ຕັ້ງຄຳຖາມວ່າ ສິ່ງໃດ ແລະ ເຫດການໃດ ໄດ້ກຳເນີດຂຶ້ນ ເປັນສິ່ງທຳອິດຂອງໂລກ. ຜູ້ຂຽນຈຶ່ງຢາກນຳເອົາບາງພາກສ່ວນໃນໜັງສື ປະສົມກັບຂໍ້ມູນຈາກປຶ້ມທີ່ກ່ຽວຂ້ອງອີກ 2 ຫົວ ເພື່ອຊ່ວຍໃຫ້ຂໍ້ມູນໄດ້ແຈ່ມແຈ້ງຂຶ້ນ ມາແບ່ງປັນໃຫ້ທຸກຄົນໄດ້ຮັບຮູ້ນຳກັນ ພ້ອມທັງຊ່ວຍຕອບໂຈດໃຫ້ກັບຄົນທີ່ຍັງສົງໄສກ່ຽວກັບເຫດການ ແລະ ສິ່ງຂອງ   ທີ່ເປັນສິ່ງທຳອິດຂອງໂລກ. ຫວັງວ່າບົດຄວາມນີ້ຈະຊ່ວຍໃຫ້ທຸກຄົນໄດ້ຮັບຮູ້ ແລະ ເຂົ້າໃຈໃນສິ່ງທີ່ບໍ່ເຄີຍຮັບຮູ້ມາກ່ອນບໍ່ຫຼາຍກໍໜ້ອຍ. 

1. ທິດສະດີ ມື້ໜຶ່ງ ປະກອບມີ 24 ຊົ່ວໂມງ

ທິດສະດີນີ້ ໄດ້ຖືກກຳນົດຂຶ້ນຄັ້ງທຳອິດ ໂດຍນັກປາດ ໃນປະເທດອີຢິບ ທະວີບອາຟຣິກາ ປະເທດແຫ່ງການກຳເນີດອາຣະຍະທຳທີ່ມີບົດບາດໃຫ້ແກ່ຊາວໂລກຢ່າງໃຫຍ່ຫຼວງນັບຕັ້ງແຕ່ອະດີດຈົນເຖິງປັດຈຸບັນ , ພວກເຂົາໄດ້ແບ່ງອອກຕາມທິດສະດີກາງຄືນ12 ຊົ່ວໂມງ ແລະ ກາງເວັນ 12 ຊົ່ວໂມງ ແຕ່ເນື່ອງຈາກວ່າ ບາງລະດູການ ເຊັ່ນ: ລະດູ  ໜາວຈະເຮັດໃຫ້ກາງເວັນມີຈຳນວນຊົ່ວໂມງໜ້ອຍກວ່າກາງຄືນ ແລະ ລະດູຮ້ອນຈະເຮັດໃຫ້ກາງເວັນມີຈຳນວນຊົ່ວໂມງຫຼາຍກວ່າກາງຄືນ ; ຍ້ອນເຫດຜົນດັ່ງກ່າວໄດ້ເຮັດໃຫ້ມີ ນັກປາດ ໃນອານາຈັກບາບີລອນ, ນັກປາດໃນປະເທດຈີນໄດ້ນໍາເອົາທິດສະດີດັ່ງກ່າວມາດັດແປງຈົນໄດ້ຮັບການຍິນຍອມເປັນເອກະພາບກັນທົ່ວໂລກ ແລະ ນຳໃຊ້ມາຮອດປັດຈຸບັນ.

2. ອິນເຕີເນັດ

ປຽບສະເໝືອນອາກາດຂອງມວນມະນຸດໂລກ70ເປີເຊັນ , ເນື່ອງຈາກວ່າ ອິນເຕີເນັດ ເປັນສິ່ງທີ່ເຊື່ອມພົມແດນໃຫ້ຄົນທົ່ວໂລກສາມາດຕິດຕໍ່ພົວພັນກັນໄດ້ , ຊ່ວຍໃຫ້ວຽກງານໃນແຕ່ລະດ້ານມີການຂະຫຍາຍຕົວວ່ອງໄວ , ມວນມະນຸດໂລກສາມາດເຂົ້າຫາຂໍ້ມູນຕ່າງໆໄດ້ງ່າຍຂຶ້ນ .ປັດຈຸບັນນີ້ ອິນເຕີເນັດປຽບສະເໝືອນຕົວກາງສຳຄັນໃນການຂັບເຄື່ອນວຽກງານທຸກຂະແໜງການບໍ່ວ່າ:          ຂະແໜງການສຶກສາ , ຂະແໜງການຄົມມະນາຄົມ ຂົນສົ່ງ , ຂະແໜງການແພດ , ຂະແໜງການຕິດຕໍ່ສື່ສານ. ສິ່ງທີ່ມີຄວາມສຳຄັນຕໍ່ຊາວໂລກຢ່າງຫຼວງຫຼາຍແນວນີ້ ໄດ້ຮັບການສ້າງຂຶ້ນໂດຍທ່ານ ທິມເບີເນີສ ລີ (ເກີດເມື່ອ ວັນທີ່8 ມິຖູນາ 1955 ທີ່ລອນດອນ ປະເທດອັງກິດ) ໃນວັນທີ 6 ສິງຫາ 1977.

 

3. ຢາຄຸມກຳເນີດແບບເມັດ

ປຽບສະເໝືອນຢາວິເສດ ທີ່ຊ່ວຍຄວບຄຸມອັດຕາການເພີ່ມຂຶ້ນຂອງປະຊາກອນເກີນຂະໜາດໃຫ້ແກ່ໂລກມະນຸດເຮົາ , ນອກຈາກຈະຊ່ວຍຄວບຄຸມການຖືພາແບບບໍ່ຕັ້ງໃຈແລ້ວ ຍັງເປັນຕົວຊ່ວຍໃຫ້ແກ່ສາວໆໃນການ ຫຼຸດຜ່ອນການເຈັບທ້ອງປະຈຳເດືອນ , ຫຼຸດອັດຕາການເກີດສິວ ແລະ ອື່ນໆ ; ເຊິ່ງຖືກຄົ້ນຄິດຂຶ້ນໂດຍທ່ານ ເກກໍຣີ ພິນຄັສ (ທ່ານໝໍ ກ່ຽວກັບຕ່ອມບໍ່ມີທໍ່ຂອງອາເມຣິກາ ແລະ ທ່ານ ມາກາເຣດ ແຊງເກີ (ພະຍາບານຜູ້ມີນາມວ່າ ນັກປຸກລະດົມເພື່ອການຄຸມກຳເນີດ ໃນ ປະເທດສະຫະລັດອາເມຣິກາ) ໃນຊຸມປີ 1950 ແລະ ໄດ້ຮັບການອະນຸມັດໃຫ້ນໍາໃຊ້ກັບມະນຸດໃນວັນທີ 9 ພຶດສະພາ 1960 , 5 ປີຕໍ່ມາພົບວ່າ ມີປະຊາກອນຍິງປະມານ 6.5 ລ້ານຄົນສາມາດຄຸມກຳເນີດໄດ້ ແລະ ໃນປີ 1972 ລັດຖະບານ ຈຶ່ງອະນຸຍາດໃຫ້ສາວໂສດສາມາດໃຊ້ຢາຄຸມກຳເນີດໄດ້. ຫຼັງຈາກນັ້ນຢາຄຸມກຳເນີດຈຶ່ງໄດ້ແຜ່ກະຈາຍໄປທົ່ວໂລກ. 

4. ໂທລະສັບຕັ້ງໂຕະ

ອຸປະກອນອຳນວຍຄວາມສະດວກປະຈຳຄົວເຮືອນ , ສຳນັກງານ , ຫ້ອງການຕ່າງໆ  ທີ່ີມີຄວາມສຳຄັນໃນການຊ່ວຍຕິດຕໍ່ສື່ສານ ແລະ ປະສານງານໃນສາຍງານຕ່າງໆ ຕັ້ງແຕ່ອະດີດ ເຖິງ ປັດຈຸບັນນີ້ ໄດ້ຖືກປະດິດຂຶ້ນສຳເລັດ ໂດຍ ທ່ານ ອາເລັກຊານເດີ ເກຣແຮມເບລ ນັກປະດິດຂອງສະຫະລັດອາເມຣິກາ ໃນວັນທີ 7 ມີນາ ປີ ຄ.ສ. 1876 ຕໍ່ມາ ລາວໄດ້ສ້າງ ບໍລິສັດ ເບລ ເທເລໂຟນຂຶ້ນເພື່ອ ຕິດຕັ້ງສາຍໂທລະສັບ ແລະ ຈັດຈຳໜ່າຍໂທລະສັບ ສູ່ມືຂອງມວນມະນຸດໂລກ.

5. ລະບົບບາໂຄດ

ລະບົບບາໂຄ້ດ ແມ່ນ ລະບົບທີ່ເປັນຕົວແທນໃຫ້ກັບຂໍ້ມູນຂອງຜະລິດຕະພັນຕ່າງໆ ທີ່ສາມາດອ່ານດ້ວຍແສງໄດ້ເຊັ່ນ:ຜະລິດຕະພັນອຸປະໂພກ; ບໍລິໂພກ; ເຄື່ອງໃຊ້ເອເລັກໂຕຣນິກຕ່າງໆ ແລະ ອີກຫຼາຍສິ່ງທີ່ສາມາດນໍາມາແລກປ່ຽນຊື້-ຂາຍກັນໄດ້ . ເພື່ອຊ່ວຍເພີ່ມຄວາມສະດວກສະບາຍໃນການຊອກຫາຂໍ້ມູນດັ່ງກ່າວ ແລະ ການແລກປ່ຽນຊື້ ຂາຍເຊິ່ງກັນ ແລະ ກັນ . ລະບົບບາໂຄ້ດນີ້ ໄດ້ຮັບການສ້າງຂຶ້ນ ໂດຍ ທ່ານ ນໍແມນ ວູ້ດແລນ ແລະ ທ່ານ ເບີນາດ ຊິວເວີ້ ທີ່ເປັນນັກວິໄຈຂອງ ສະຖາບັນເດຣັກເທວ ເມືອງຟີລາເດລເຟຍ ສະຫະລັດ ອາເມຣິກາ ໃນປີ 1940 ໂດຍທ່ານ ນໍແມນ ວູ້ດແລນ ໄດ້ຮັບແຮງບັນດານໃຈ ມາຈາກການນັ່ງຢູ່ເທິງກອງຊາຍແຄມທະເລ ແລະ ໄດ້ຂີດເສັ້ນຊື່4ເສັ້ນທີ່ບໍ່ສະໝໍ່າສະເໝີກັນ ລາວເລີຍຄິດວ່າຢາກຂະຫຍາຍບັນດາເສັ້ນພວກນີ້ອອກໄປຕື່ມ ຈຶ່ງຕັດສິນໃຈມາປຶກສາກັບ ທ່ານ ເບີນາດ ຊິວເວີ້ ແລະ ລົງມືປະຕິບັດຮ່ວມກັນ , ລະບົບບາໂຄ້ດດັ່ງກ່າວ ໄດ້ຮັບການຈົດທະບຽນສິດທິບັດເລກທີ 2,612,994 ໃນ ສະຫະລັດ ອາເມຣິກາ ເມື່ອວັນທີ 7 ຕຸລາ 1952 , ໃນເວລາຕໍ່ມາ ສິດທິບັດຂອງລະບົບບາໂຄ້ດນີ້ໄດ້ຖືກຂາຍອອກໄປໃນລາຄາ 15,000 ໂດລາສະຫະລັດ ໃຫ້ກັບ ບໍລິສັດຟິວໂກ ບໍລິສັດຈຳໜ່າຍ ແບັດເຕີລີ ແຕ່ສິດທິບັດດັ່ງກ່າວໄດ້ໝົດອາຍຸໃນຊ່ວງປີ ຄ.ສ. 1960 ບໍລິສັດ IBM ຈຶ່ງຊື້ຕໍ່ ແລະ ໄດ້ພັດທະນາມາເປັນບາໂຄ້ດທີ່ໃຊ້ໃນປັດຈຸບັນ (ປັດຈຸບັນບາໂຄ້ດໄດ້ຖືກນຳໃຊ້ 5 ພັນລ້ານຄັ້ງຕໍ່ມື້). 

6. ລິຟ (Lift)

ລິຟ ອຸປະກອນທີ່ຊ່ວຍແກ້ໄຂບັນຫາຄວາມຫຍຸ້ງຍາກ ໃນການຂຶ້ນລົງຂັ້ນໄດຂອງມວນມະນຸດທັງຫຼາຍ ໃຫ້ມີຄວາມງ່າຍຂຶ້ນ ແລະ ປະຢັດເວລາລົງ ເຊິ່ງອຸປະກອນນີ້ ໄດ້ຮັບການສ້າງຂຶ້ນໂດຍ ທ່ານ ອີລິຊາ ເກຣຟ ໂອທິສ (Elisha Graves Otis)  (3 ສິງຫາ 1811 – 8 ເມສາ 1861), ລາວໄດ້ເລີ່ມປະດິດລິຟນີ້້ໃນປີ ຄ.ສ. 1852 ໃນຂະນະທີ່ລາວອາໄສຢູ່ໃນຢອງເຄີ ລັດ ນິວຢອກ ປະເທດ ອາເມຣິກາ ແລະ ສຳເລັດໃນປີ ຄ.ສ. 1854.


ຈຸດກຳເນີດ


ຂຽນໂດຍ: Sky On 4:30 AM

Advertisement Replay Ad
ໜຸ່ມດວງເຮັງ ຖືກເລກ 5 ໂຕ 4 ໂຕ ແລະ 3 ໂຕພ້ອມກັນ ກວາດເງິນລາງວັນໄປຫຼາຍກວ່າ 300 ລ້ານກີບ

ໜຸ່ມດວງເຮັງ ຖືກເລກ 5 ໂຕ 4 ໂຕ ແລະ 3 ໂຕພ້ອມກັນ ກວາດເງິນລາງວັນໄປຫຼາຍກວ່າ 300 ລ້ານກີບ

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 29 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 29 ຕຸລາ 2020

ເຈົ້າເຊື່ອວ່າພະຍານາກມີຈິງບໍ່? ເປີດເລື່ອງລາວກ່ຽວກັບພະຍານາກທີ່ຜູກພັນກັບສັງຄົມລາວມາແຕ່ບູຮານ

ເຈົ້າເຊື່ອວ່າພະຍານາກມີຈິງບໍ່? ເປີດເລື່ອງລາວກ່ຽວກັບພະຍານາກທີ່ຜູກພັນກັບສັງຄົມລາວມາແຕ່ບູຮານ

ຊົມເຊີຍລີນ້າ! ສາວໃຈເດັດ ສູ້ບໍ່ຍອມຈຳນົນ ໄດ້ຮັບລາງວັນຄວາມກ້າຫານ ຈາກຄ້າຍມວຍແຫ່ງຊາດລາວ

ຊົມເຊີຍລີນ້າ! ສາວໃຈເດັດ ສູ້ບໍ່ຍອມຈຳນົນ ໄດ້ຮັບລາງວັນຄວາມກ້າຫານ ຈາກຄ້າຍມວຍແຫ່ງຊາດລາວ

ໂຈນທີ່ດຶງກະເປົາສາວນັກສຶກສາ ຈະຖືກລົງໂທດໃນສະຖານໃດ?

ໂຈນທີ່ດຶງກະເປົາສາວນັກສຶກສາ ຈະຖືກລົງໂທດໃນສະຖານໃດ?

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 22 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 22 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 21 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 21 ຕຸລາ 2020

ແມ່ຍິງຄົນນີ້ຖືກເລກຫຼາຍກວ່າ 14 ຕື້ ປະຕິເສດທີ່ຈະໃຊ້ຊີວິດຢ່າງຫຼູຫຼາ ແລ້ວມາລ້ຽງໝູໃນຟາມແທນ

ແມ່ຍິງຄົນນີ້ຖືກເລກຫຼາຍກວ່າ 14 ຕື້ ປະຕິເສດທີ່ຈະໃຊ້ຊີວິດຢ່າງຫຼູຫຼາ ແລ້ວມາລ້ຽງໝູໃນຟາມແທນ

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 15 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 15 ຕຸລາ 2020

ລວມສະຖານທີ່ສຳຄັນໃນໃບເງິນກີບ ແຕ່ລະໃບມີຮູບບ່ອນໃດແດ່?

ລວມສະຖານທີ່ສຳຄັນໃນໃບເງິນກີບ ແຕ່ລະໃບມີຮູບບ່ອນໃດແດ່?

ຖ້າບໍ່ນົວຄືຈົບ! Iron Chef ເຖິງຕ້ອງເຊ ເມື່ອຕ້ອງເຈິໂຈດ ເຮັດອາຫານລາວ

ຖ້າບໍ່ນົວຄືຈົບ! Iron Chef ເຖິງຕ້ອງເຊ ເມື່ອຕ້ອງເຈິໂຈດ ເຮັດອາຫານລາວ

ອີກດົນປານໃດຈຶ່ງຈະໄດ້ໃຊ້? ອົງການອະນາໄມໂລກຄາດ ວັກຊີນໂຄວິດ-19 ອາດຜະລິດທັນພ້ອມໃຊ້ໃນປາຍປີນີ້

ອີກດົນປານໃດຈຶ່ງຈະໄດ້ໃຊ້? ອົງການອະນາໄມໂລກຄາດ ວັກຊີນໂຄວິດ-19 ອາດຜະລິດທັນພ້ອມໃຊ້ໃນປາຍປີນີ້

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 12 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 12 ຕຸລາ 2020

ແຈກສູດ "3 ເມນູອາຫານເຈ" ເຮັດງ່າຍໆ ໃຜກໍເຮັດໄດ້ ຕ້ອນຮັບເທດສະການກິນເຈ 2020

ແຈກສູດ "3 ເມນູອາຫານເຈ" ເຮັດງ່າຍໆ ໃຜກໍເຮັດໄດ້ ຕ້ອນຮັບເທດສະການກິນເຈ 2020

ໄດ້ກົ້ມໜ້າແລ້ວບໍ່ຢາກເງີຍ! ພາຮູ້ຈັກNomophobia ໂຣກຂອງຄົນຕິດໂທລະສັບ (ສະມາຄົມກົ້ມໜ້າ)

ໄດ້ກົ້ມໜ້າແລ້ວບໍ່ຢາກເງີຍ! ພາຮູ້ຈັກNomophobia ໂຣກຂອງຄົນຕິດໂທລະສັບ (ສະມາຄົມກົ້ມໜ້າ)

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 8 ຕຸລາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 8 ຕຸລາ 2020

ຄະນະສະເພາະກິດຍັງໃຫ້ຮ້ານບັນເທີງ-ຄາຣາໂອເກະສືບຕໍ່ປິດ - ສ່ວນງານບຸນໃຫ້ເຂັ້ມງວດມາດຕະການປ້ອງກັນ

ຄະນະສະເພາະກິດຍັງໃຫ້ຮ້ານບັນເທີງ-ຄາຣາໂອເກະສືບຕໍ່ປິດ - ສ່ວນງານບຸນໃຫ້ເຂັ້ມງວດມາດຕະການປ້ອງກັນ

ອ່ານດວງລາຍວັນປະຈໍາວັນພະຫັດ ທີ 8 ຕຸລາ 2020 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 8 ຕຸລາ 2020 ຕາມແຕ່ລະວັນເກີດ

ສ້າງອະນາຄົດໄປພ້ອມກັນ! ຄູ່ຮັກແບບຢ່າງ ຊ່ວຍກັນຫາ ທ້ອນເງິນພຽງ 4 ເດືອນໄດ້ 10 ກວ່າລ້ານ

ສ້າງອະນາຄົດໄປພ້ອມກັນ! ຄູ່ຮັກແບບຢ່າງ ຊ່ວຍກັນຫາ ທ້ອນເງິນພຽງ 4 ເດືອນໄດ້ 10 ກວ່າລ້ານ

ຫຼື ວ່າໂລກນີ້ຈະມີເຊື້ອພະຍາດຈາກ "ແມວ" ທີ່ສາມາດຄວບຄຸມຈິດໃຈຂອງເຮົາໃຫ້ຫຼົງຮັກແມວໄດ້?

ຫຼື ວ່າໂລກນີ້ຈະມີເຊື້ອພະຍາດຈາກ "ແມວ" ທີ່ສາມາດຄວບຄຸມຈິດໃຈຂອງເຮົາໃຫ້ຫຼົງຮັກແມວໄດ້?

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ